BAYERN MUNCHEN

K.F. LAÇI · Posted: Mon Apr 21, 2008 8:06 pm Post subject: BAYERN MUNCHEN

"Kaizer" Toni: Berlini më sjell fat!

Sporti Shqiptar
21-04-2008
Mail Print

Muzikë, gjithmonë muzikë në vesh dhe një kupë më shumë në "palmaresin" e tij. Teksa qyteti afrohej, Toni nuk po arrinte ta dallonte, sepse, kur kishte ardhur për herën e parë mendja i fluturonte diku gjektë. Kudam 27, qendra e Berlin, autubusi mori disa kthesa dhe shkoi në "Olimpiastadium". Atje italiani e njohu mirë vendin më të bukur të jetës së tij dhe u kujtua se është kampion i botës, duke shënuar dy golat e fitores për Bajernin ndaj Borusias së Dortmundit në finalen e Kupës së Gjermanisë. 35 gola në 41 ndeshje të këtij sezoni, bavarezët po çmenden pas "Kaizer" Tonit. Ja cila ka qenë intervista e tij:

- Ju ishit i pari nga kampionët e botës që u kthyet në arnenën berlineze. A u drodhët nga emocionet?

- Ishte një emocion i jashtëzakonshëm, sepse në këtë stadium kam përjetuar një moment magjik.

- Kujtimi që qëndron i vulosur mbi lëkurën tuaj, me tatuazhin ku shkruhet Berlin.

- Ky qytet më sjell fat. Kur e pashë trofeun e Kupës së Gjermanisë mora një shtysë speciale. Kjo ndodhi edhe dy vjet më parë. Kur e sheh Kupën e Botës nga pranë motivohesh 200% për ta fituar atë.

- Bajerni "është abonuar" me kupat. Kjo ishte e 14-ta në 16 finale, por do të mbajë përgjithmonë firmën tuaj.

- Dortmundi ishte një kundërshtar i vështirë për t'u mundur, edhe pse kishim fituar 5-0 ndaj tyre në kampionat. Nuk ishte e lehtë, sepse kupa është trofe që vlerësohet shumë në Gjermani. Më vjen mirë për dy golat e shënuar, por nuk do të bëja asgjë pa ndihmën e skuadrës.

- Ju keni shënuar tetë gola në tetë ditë, 35 në 41 ndeshjes. As Gerd Myler nuk shënoi më mirë në sezonin e tij të parë në Bundesligë.

- Kam arritur numra që nuk i mendoja në fund të sezonit, por ndaj Borusias kuptova se ka ardhur momenti i së vërtetës. Tani golat vlejnë dyfish, sepse të japin trofeun. Edhe pse për të marrë trofe, jam gati të heq dorë nga lavdia personale.

- Oliver Kahn ka thënë se në 15 vitet e tij te Bajerni nuk ka parë asnjëherë ndonjë sulmues më efikas se ju. Shtypi ju ka ngritur në "qiellin e shtatë", ndërsa ju vazhdoni të ankoheni se nuk jeni përshtatur plotësisht për shkak të gjuhës. Si kuptoheni me shokët e skuadrës?

- Dy fjalë gjermanisht, disa të tjera në anglish, shumë gjeste dhe buzëqeshje. Rivalët mendojnë se nuk kuptohem mirë me Klosen, Riberinë ose Podolskin, por fusha ka treguar të kundërtën.

- Drejtuesit thonë se trajneri Hitcfeld mendon t'ju lërë pushim, ndërsa ju i përgjigjeni: "Gol, Gol, Gol!". E vërtetë apo legjendë?

- Ndonjëherë, Hitcfeld bën biseda shumë të gjata, të cilat unë nuk i kuptoj. Por kur e kuptoj që do të më lërë në stol, ngaqë mendon se jam i lodhur, atëherë i përgjigjem: "spiele, stop!" (do të luaj, dhe pikë!). Unë jam egoist dhe dua gjithmonë të jem në fushën e lojës. Derisa është në dorën time, unë luaj, kur të më detyrojë që të zëvendësohem, do të zbatoj urdhrin.

- Ç'do të bënit, po t'ju vinte në dorë një ofertë e mirë nga Italia?

- Flitet gjithmonë për Milanin, por prej disa vitesh unë nuk di asgjë. Ata kanë shumë sulmues të aftë dhe unë jam mirë këtu ku ndodhem.

- Finalja e Kupës UEFA, Bajern-Fiorentina?

- Kemi gjysmëfinale të vështira, por shpresoj me shpirt që të ndodhë. Më pas, nëse arrijmë në Mançester, do të jem i lumtur për të dyja skuadrat, por do të kërkoj me çdo kusht fitoren.

Ergi LUBANI

Laughing

_________________
Oleee Oleee Oleeee Oleee kush esht me Industrialin te vije ketu me ne!!!!!!!!

admin · Administrator Joined: 10 Jan 2008 Posts: 1870 Status:

dihej qe ne fillim se kush do e fitonte Bundesligen Very Happy

shyqyr qe e ulen pak ritmin se ne fillim u duk sikur do e fitonin qe ne dhjetor bayern
_________________
FutbolliShqiptar.net

Partizani_One · Posted: Tue Apr 22, 2008 3:05 pm Post subject:

kete vit bene goxha ekip
_________________
Ngjyr e kuqe ngjyr dashnie e ka frik cdo mi bashkie

K.F. LAÇI

Bajerni, një pikë larg titullit

Sporti Shqiptar
28-04-2008
Mail Print

Frank Riberi hyri nga stoli dhe shënoi dy gola në dy minuta, duke i bërë tifozët e Bajernit të Mynihut që të bëjnë gati fytin dhe stomakun për lumenjtë e birrës, që do të konsumojnë sapo skuadra e tyre e zemrës të fitojë edhe një tjetër pikë në kampionat. Gjigandët e futbollit gjerman fituan 4‑1, dje, ndaj kampionëve në fuqi të Shtutgartit dhe, tashmë, kryesojnë me 12 pikë ndaj Verder Bremenit dhe Shalkes, kur mbeten edhe katër javë kampionat. Nuk duhet harruar që, edhe diferenca e golave flet dukshëm, në favor të djemve të Otmar Hicfeldit. Në kuadër të gjysmëfinales së kthimit për Kupën UEFA, që do të luhet të enjten në Rusi, "Gjenerali" la pushim gjashtë prej titullarëve të tij, përfshi edhe Riberinë, por mbajti në krye të sulmit italianin, Luka Toni. Shtatlarti nuk u vonua shumë për të shënuar golin e tij të 21‑të në Bundesligë. Ai përfitoi nga një dhuratë e Delpierr të Shtutgartit, sepse mbrojtësi shvab nuk bllokoi dot një krosim të Van Bomelit, në minutën e tetë, dhe topi mbërriti në këmbët e Tonit, që shënoi pa probleme. Kampionët ende në fuqi barazuan 11 minuta më vonë, kur goditja e lirë e Antonio Da Silvës u devijua nga koka e Van Bomelit dhe mposhti Mikael Rensingun, portierin që zëvendësoi të dëmtuarin Oliver Kan. Gjithsesi, hollandezi bëri autokritikë, duke shënuar me goditje të lirë, 10 minuta pas fillimit të pjesës së dytë. Më pas skena ishte e gjitha për Riberinë, që hyri në minutën e 57‑të. Francezi goditi bukur në minutën e 75‑të dhe gjeti trekëndëshin e sipërm majtas, duke ekzaltuar tifozët në "Alianc Arena", që nuk patën kohë të uleshin në ndenjëse, sepse Riberi shënoi edhe golin e tij të dytë e të katërtin për Bajernin, pas vetëm 90 sekondash, kur dribloi dy mbrojtës të Shtutgartit dhe shënoi me gjakftohtësi. Një problem për bavarezët është se mbrojtësit, Filip Lahm dhe Lusio, iu bashkua portieri Kahn, në infermieri, megjithatë, Miroslav Kloze, që theu hundën përballë Zenitit, të enjten e kaluar, luajti nga minuta e parë, derisa u zëvendësua nga Lukas Podolski. Riberi zëvendësoi bashkatdhetarin Vili Sanjol, ndërsa braziliani Ze Roberto, që, fillimisht, u la pushim, hyri më pas në vend të Van Bomelit. Ky zëvendësim i dyfishtë ishte çelsi i fitores së bukur të Bajernit, ditën e djeshme. Ndërkohë, shpresat e Bajer Leverkusenit, për t'u kualifikuar në Ligën e ardhshme të Kampionëve, morën një goditje të rëndë pas barazimit 2‑2, në shtëpi përballë Volfsburgut. Klubi i aspirinave mbetet, kështu, gjashtë pikë prapa Verderit dhe Shalkes. Edin Dzeko i kaloi "Ujqërit" në epërsi, në minutën e 13‑të, kur shtyu në rrjetë, goditjen e përfunduar në shtyllë nga sulmuesi brazilian, Grafite. Theofanis Gekas barazoi për Leverkusenin, në minutën e 33‑të, por mesfushori japonez, Makoto Hasebe, e dërgoi topin pas vijës fatale në minutën e 44‑t, falë punës së mirë të Grafites, duke e çuar Volfsburgun në dhomat e zhveshjes, në epërsi të një goli. Bajeri arriti të siguronte të paktën një pikë, kur Rikardo Kosta shënoi një autogol, në minutën e 73‑të.

G.PUTO

_________________
Oleee Oleee Oleeee Oleee kush esht me Industrialin te vije ketu me ne!!!!!!!!

K.F. LAÇI · Posted: Sat May 10, 2008 11:20 am Post subject: BAYERN MUNCHEN

Kahn: Të respektojmë kampionatin!

Sporti Shqiptar
10-05-2008
Mail Print

Kapiteni i Bajernit të Mynihut, Oliver Kahn, nguli këmbë se skuadra e tij nuk do t'i lëshojë asgjë askujt kur të ndeshet sot me Duisburgun në pikë të hallit. Bavarezët u kurorëzuan kampionë të Bundesligës fundjavën e kaluar, pas një barazimi pa gola kundër Volfsburgut, ndërsa "Zebrat" po përpëliten në anën e kundërt të renditjes, të dytët nga fundi me tri pikë diferencë nga vendi i fundit për mbijetesë, kur mbeten edhe dy javë kampionat. Ata do ta mirëprisnin një fitore kundër kampionëve, por Kahn pretendoi se Bajerni ka ende dëshirë për ta mbyllur bukur vitin futbollistik. "Nuk është e lehtë, kur nuk ke ndonjë gjë për të fituar dhe të bie për të luajtur kundër një skuadre që lufton për të mos rënë nga kategoria, - u shpreh veterani, i cili pritet t'i varë këpucët në gozhdë, në fund të këtij sezoni. - Na duhet ta mbledhim veten pas festës. Edhe grimcat e fundit të nxitjes na kanë ikur, por nuk duam të na kritikojnë për shtrembërim të konkurrencës, prandaj do ta ruajmë seriozitetin deri në ndeshjen e fundit të sezonit."

38‑vjeçari po planifikon që të marrë ca pushime larg futbollit, kur pas një jave t'i japë fund karrierës. "Më duhet të largohem për ca kohë nga loja, - u shpreh Kahn për "Süddeutsche Zeitung". - U kam premtuar fëmijëve të mi se do të kaloj vërtet shumë kohë me ta, ndërsa më duhet edhe të përmirësohem shumë në të luajturit e golfit." Kahni, ama, nuk do të largohet nga futbolli profesionist pa asnjë peng, pavarësisht se ka fituar shumë këto vite. Portieri nuk mundi të luante kurrë jashtë Gjermanisë dhe tani e pranon se një përvojë jashtë vendit mund ta kishte bërë një lojtar edhe më të mirë. "Ishte shumë e vështirë të mos i pranoje ofertat e Barcelonës dhe Mançester Junajtidit dhe, ndonjëherë mendoj se një përvojë e tillë nuk do të kishte qenë keq, - shtoi biondi. - Kam dashur gjithmonë të jem portieri më i mirë në botë."

Duisburgu pritet të aktivizojë të njëjtën skuadër, që u mposht 2‑0 nga Nyrembergu në mesjavë, dhe do të kërkojë patjetër trepikëshin, sepse vetëm kështu mund të luftohet për mbijetesë. Një fitore javën e kaluar mund t'ia kishte lehtësuar punët, por për shkak të humbjes "Zebrave" u duhet ta djerdhin djersën çurk përballë kampionëve të saposhpallur. Takimin kundër Bajernit do ta pasojë udhëtimi drejt fushës së Ajntrahtit të Frankfurtit, një tjetër skuadër që nuk ka më asnjë arsye për të luajtur. Lusio nuk do të jetë i gatshëm për bavarezët për shkak të dëmtimit në kofshë, prandaj Daniel van Bujten do të marrë vendin e tij në qendër të mbrojtjes mynihase.

Bundesliga, java e parafundit

Sot

(15:30) Arminia ‑ Dortmund

(15:30) Kotbus ‑ Hamburg

(15:30) Duizburg ‑ Bajern M

(15:30) Hansa ‑ Leverkusen

(15:30) Herta B ‑ Nuremberg

(15:30) Karlsruhe ‑ Bokum

(15:30) Shalke ‑ Frankfurt

(15:30) Verder B ‑ Hanover

(15:30) Volfsburg ‑ Shtutgart

Renditja

1.Bajern M2010261-1870

2.Verder B186868-4460

3.Shalke1610652-3258

4.Hamburg1312740-2451

5.Shtutgart1631355-5151

6.Leverkusen1461255-3848

7.Volfsburg1391050-4448

8.Hanover12101049-5046

9.Karlsruhe11101137-4343

10.Frankfurt11101139-4743

11.Herta1181337-4041

12.Dortmund1091346-5639

13.Bokum9111244-5138

14.Kotbus891533-5233

15.Arminia881631-5632

16.Nuremberg7101535-4831

17.Duizburg851932-4829

18.Hansa R761927-4927

_________________
Oleee Oleee Oleeee Oleee kush esht me Industrialin te vije ketu me ne!!!!!!!!

	Futbolli Shqiptar Forum Index -> Kampionate te tjera	All times are GMT + 1 Hour
Page 1 of 1