KF Vllaznia Shkoder

Register · Status:

admin · Administrator Joined: 10 Jan 2008 Posts: 1870 Status:

Tema e Vllaznise

Partizani_One · Posted: Thu Jan 17, 2008 12:51 pm Post subject:

Josa fiton qetësinë, kuqeblutë plotësohen
17 Janar “Alarmi”, i dhënë fundjavën e kaluar për Vioresin Sinanin, nuk ka zgjatur shumë. Bomberi shkodran alarmoi kampin kuqeblu, kur shfaqi shqetësime për një tërheqje muskulare në kofshën e majtë, çka e detyroi, jo vetëm që të mos ishte në dispozicion të kombëtares shqiptare për grumbullimin në Turqi, por as edhe për Vllazninë, e cila kaloi në Mal të Zi për fazën përgatitore. Dhe Sinani, si për koiçidencë, zë vendin e Licit, i cili mbylli ciklin e terapisë në klinikën e Podgoricës dhe u bashkua me skuadrën në Ulqin, ndërkohë që pacienti i radhës për mjekun specialist Filipoviç bëhet një tjetër shkodran. Megjithatë, Sinani të martën është bashkuar me skuadrën në Ulqin, ndërsa dje ka qenë në stërvitje, nën urdhërat e Josës, duke përballuar ngarkesën e plotë.

Kotrri?Delain ? Kotrrit e Delainit, dje paradite, në Shkodër u kanë uruar mirëseardhjen në anglisht jo pa ironi, teksa janë parë në mjediset e hotel Kolosseu, në pritje të nisjes për në Ulqin. Sikurse u mësua, ndërsa të dy futbollistët ishin në shoqërinë e presidentit Fushaj dhe të drejtorit ekzekutiv Zaganjori, vonesa e tyre kishte qenë me arsye. Më pas ata i janë drejtuar Ulqinit, për t’u bashkuar me kuqeblutë.

Atmosferë e ngrohtë ? Ora 14:30 e ditës së djeshme e ka gjetur skuadrën të rreshtuar përpara teknikut Josa dhe kolegëve të tij, Cungu e Dani. Bashkimi me skuadrën i Sinanit, një ditë më parë, dhe sidomos dje e dyshes Kotrri?Delain, i ka dhënë skuadrës një pamje krejt tjetër, me një fizionomi të plotë. Tekniku shkodran ka “marrë frymë lirshëm”, veçanërisht kur ka parë Sasha Delain të futej në hotel “Llolla”, ku është sistemuar Vllaznia. Themi kështu, sepse, kur ai u largua drejt Gjermanisë për të kaluar pushimet në gjirin e familjes, kishte jo pak që dyshonin në rikthimin e tij. Ndaj, kur ai ka shkelur në hotel, nuk ka kanë munguar edhe batutat e humorit, të cilave Sasha u është përgjigjur po me humor: “Çfarë keni me mua? Unë ju kam thënë se nuk jam çun i keq!”.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Jan 17, 2008 1:03 pm Post subject:

Nallbani: Sikur jam prej kohësh te Vllaznia

Gjergj KOLA
16-01-2008
Mail Print

Kosovari i blerë në merkaton e janarit shprehet shumë entuziast për kalimin te kuqeblutë

Prej disa ditësh është pjesë e Vllaznisë, por i duket se është prej kohësh aty. Ndoshta ngaqë është përshtatur shumë shpejt, mbase edhe ngaqë ka gjetur një ambient të mirë. Gjithsesi, Ilir Nallbani duket tepër i kënaqur për zgjedhjen që ka bërë. Kosovari që ka luajtur për një sezon e gjysmë në Elbasan, është pritur mirë në kampin kuqeblu. Njohja me Cungun, Grimën, Kaçin dhe ndonjë tjetër e ka ndihmuar të mos jetë i mbyllur. Trajneri Mirel Josa e vlerëson së tepërmi ardhjen e këtij lojtari dhe mendon se me të është zgjidhur problemi i qendrës së mesfushës. Vetë lojtari, nga Ulqini, ku është duke u stërvitur me skuadrën e tij të re, shprehet: "Ndihem mirë, për të mos thënë se më duket se ka disa kohë që jam pjesë e kësaj skuadre. Të gjithë lojtarët më respektojnë, po ashtu trajneri më ka ofruar besimin e tij dhe për mua këto mjaftojnë. Jam shumë i kënaqur që kam bërë këtë zgjedhje dhe besoj se Vllaznia ka për të qenë, pse jo, kulmi i karrierës sime. Kjo është një skuadër shumë e njohur, nga më të mirat e Shqipërisë dhe, si e tillë, ia vlen të japësh më të mirën për të." Sakaq, edhe vetë stafi kuqeblu duket i kënaqur me goditjen e parë që ka bërë në merkato. Një gjetje e mirë, që pritet ta justifikojë këtë besim në ndeshjet e ardhshme, duke filluar nga ajo me Kastriotin më 2 shkurt.

25-vjeçari nga Peja duket se mezi e pret këtë ballafaqim dhe është i bindur se skuadra e tij e re do të jetë ndër pretendentet për titull, prandaj shton: "Dëshira ime është të paraqitem sa më mirë me fanellën e Vllaznisë, prandaj mezi e pres ndeshjen me Kastriotin. Jam i bindur se kemi një skuadër të mirë. Këtë e them nga ajo çfarë kam konstatuar këto ditë dhe mendoj se do të jemi ndër pretendentët kryesorë për fitimin e trofeve." Ilir Nallbani luan në qendër të mesfushës dhe për më tepër është një lojtar që markon mjaft mirë. Pikërisht këto karakteristika bënë që trajneri Josa të mos hezitonte për dhënien e "OK" it. Bashkë me Osjen në qendër të këtij reparti, duket se kanë për të formuar një dyshe vërtet për t'u pasur zili. Kosovari premton maksimumin edhe për një shkak tjetër: evidentimi dhe mundësia për "t'u peshkuar" nga ndonjë klub europian. Dëshira e tij kjo është, prandaj nuk ngurron ta bëjë publike as për gazetën tonë. "Me presidentin Fushaj kam arritur një marrëveshje fillimisht 6-mujore dhe, nëse gjërat shkojnë mirë, mund ta shtyjmë atë. Njëkohësisht, në fund të këtij sezoni, duke shpresuar edhe te dalja e Vllaznisë në kupat e Europës, shpresoj shumë të më jepet edhe ndonjë mundësi për të luajtur në klube të ndryshme të huaja, çka është dhe ëndrra e çdo futbollisti,"ka thënë në përfundim të prononcimit blerja e parë e Vllaznisë në merkaton e janarit, kosovari Ilir Nallbani.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Jan 24, 2008 9:59 am Post subject:

Nallbani, një “Duro” tek Vllaznia
23 Janar Pejani i Kosovës, dita-ditës, ngjan me mesfushorin e kombëtares shqiptare, kur luante për kuqeblutë

Në fakt, kjo që po vërtetohet në ditët në vazhdim, për kosovarin Ilir Nallbani është dukur bukur mirë, siç i thonë vetë kosovarët që prej ditës së parë kur ai mbërriti në qytetin verior të Shkodrës, kur, që në kontaktet e para me sportistë, tifozë e gazetarë sportivë, ai të dukej krejt i normalizuar me destinacionin e ri që i solli merkatoja e janarit. Dhe, përpos natyrës së tij krejt të hapur, i lirshëm dhe pa probleme emocionale (siç ndodh rëndomë në të tilla raste kur debutohet në një skuadër tjetër të re, tek pejani i Kosovës, që në Shkodër vinte “tranzit” nga Elbasani) ndikonte, jo pak, edhe mjedisi kuqeblu, me një pjesë të të cilëve ka patur rastin të bashkëjetonte tek verdheblutë, si Osja, Sukaj e Kaçi. Por, në të njëjtën kohë edhe dyshja Cungu-Grima, si ish pjesëtarë të Flamurtarit të Prishtinës - kohë në të cilën luante me këtë skuadër edhe vetë Nallbani - kanë qenë të njohurit e tij të vjetër. Por, për hir të së vërtetës, nga të gjithë këto, “muhabeteti i hahet” më tepër me Albert Kaçin, me të cilin, që prej momentit kur shkeli në Shkodër, nuk është ndarë asnjëherë, jo vetëm në fushën e stërvitjes, por edhe jashtë saj.

Mesfushës i vjen “ustai”

Kishte kohë që Vllaznia e kërkonte një futbollist të tillë, pasi “plaga” e mesfushës e pati shqetësuar kampin shkodran prej disa vitesh. Madje, specialistët e futbollit shkodran bëjnë edhe krahasime të tilla kur thonë se, që prej kohës së një Klodian Duroje, kur e pati marrë në skuadër “baca Myftar”, Vllaznia nuk ka patur një mesfushor organizator të “hajrit”. Çështë e vërteta, presidenti Fushaj bëri disa përpjekje për të gjetur njeriun e duhur në këtë rol, por, ata që erdhën, edhe pse emrat i kishin të njohur, nuk mbërritën atje ku kërkohej. E, mesa duket, me veshjen kuqeblu të kosovarit Ilir Nallbani, Vllaznisë duket se tashmë i ka ardhur “ustai” i mesfushës. Një gjë të tillë janë duke e thënë pa ndrojtje të gjithë në skuadrën shkodrane, sepse është vetë paraqitja mjaft e mirë që po bën Nallbani që i nxit ata të japin këto vlerësime.

Josa për Nallbanin

Paraqitja e mirë e Nallbanit nuk ka kaluar pa u vënë re edhe nga tekniku Josa, i cili (edhe pse njihet për fjalët e kursyera që përdor në drejtim të vlerësimit të futbollistëve), për kosovarin e mesfushës nuk është treguar i kursyer. Që prej pjesëmarrjes në seancën e parë, tekniku i shkodranëve është shprehur pozitivisht për këtë futbollit, duke vlerësuar, jo vetëm teknikën, por edhe inteligjencën, e cila e favorizon në cilësinë e lojës. Një gjë të tillë Josa e ka treguar edhe pas miqësores me Veleçikun, ku, pavarësisht se ishte i mërzitur nga rezultati, nuk i kurseu “elozhet” për Nallbanin.

Trioja kosovare

Ilir Nallbani, Alban Jusufi dhe Muhamed Shehu, janë trioja kosovare e Vllaznisë, duke shënuar për herë të parë në historinë e futbollit shkodran, tre futbollistë nga Kosova. Më parë, pronë e Vllaznisë kanë qenë edhe Sulejmani e Miroci, por, për hir të së vërtetës, përvoja e tyre me Vllazninë nuk shkoi ashtu si duhet, duke mos ia plotësuar kërkesat, jo vetëm stafit, por edhe publikut shkodran në përgjithësi. Ndërsa tani duket atmosferë krejt tjetër. Niveli i kësaj tresheje po vlerësohet nga specialistët. Natyrisht që Nallbani, jo vetëm se ka firmosur menjëherë sapo ka mbërritur në Shkodër, por edhe nga niveli, deri tani, duket më lart se dy të tjerët. Por, pjesëtarë të stafit teknik, me në kryer Josën, kanë dhënë nota vlerësuese edhe për prishtinasin Jusufi, i cili, në fakt, erdhi nga Suedia. Fatkeqësia e tij është se, prej dy ditësh, është “i mbërthyer” nga një grip i fortë, por që gjasat janë që të jetë shpejt në stërvitje me grupin. Ndërsa, kosovari më “fringo”, është 20 vjeçari Shehu, i cili dje ka bërë prezantimin e parë me skuadrën.

Sot, miqësorja Mornar-Vllaznia

Kuqeblutë do të zhvillojnë sot miqësoren e dytë të fazës përgatitore dimërore. Përballë Vllaznisë do të jetë skudra e Tivarit, Mornar, ndeshje kjo që do të luhet në orën 14:30, dhe, ashtu si në ndeshjen e së shtunës së kaluar, edhe sot interesimi i sportdashësve shkodranë për ta ndjekur nga afër takimin është i madh. Përmes një bisede telefonike, të zhvilluar në mbrëmjen e djeshme me pjesëtarë të stafit teknik të Vllaznisë, u mësua se Josa do të nxjerrë në fushë formacionin e tij më të mirë, jo vetëm se i parapëlqen të dalë fitues, por edhe për atë që kërkon të testojë në masën e duhur titullarët e tij, një pjesë e mirë e të të cilëve nuk u aktivizuan të shtunën e kaluar.
_________________
Ngjyr e kuqe ngjyr dashnie e ka frik cdo mi bashkie

admin · Administrator Joined: 10 Jan 2008 Posts: 1870 Status:

Thash se e kishin fjalen per Nallbanin portierin Very Happy

thash cne Vllaznia me Nallbanin
_________________
FutbolliShqiptar.net

Partizani_One · Posted: Fri Jan 25, 2008 1:36 pm Post subject:

Josa dyfish i kënaqur, fiton miqësoren e dytë
24 Janar Mbaditja e djeshme ka regjistruar fitoren e parë në miqësoret, të luajtura nga Vllaznia në ditët përgatitore dimërore në Malin e Zi. Përballë kuqebluve ka qenë skuadra Mornar e Tivarit. Ballafaqimi me këtë skuadër vinte katër ditë pasi kuqeblutë ishin mundur nga modestët e Veleçikut në miqësoren e parë, të luajtur të shtunën e kaluar në Ulqin. Kësisoj, jo vetëm dëshira, por edhe objektivi i kampit shkodran ka qenë për një fitore, e cila mund t’u kthenete kuqebluve humorin. Sipas informacioneve, që na vijnë nga matanë kufirit, thuhet se, ndryshe nga ndeshja e parë, formacioni i Vllaznisë ka qenë më i plotë me titullarë. Në portë ishte vendosur kapiteni Grima, ndërsa përpara tij ishin rreshtuar në prapavijë: Delain në qendër, Kraja djathtas dhe Kapaj majtas. Mesfusha ka qenë e mbipopulluar, me Ahin djathtas, Hotin, Nallbanin e Kotrrin në qendër dhe Doçin majtas. Ndërsa në vijën e parë kanë luajtur Sinani e Kaçi. Me gjithë mobilizimin maksimal të skuadrës Mornar, në formacionin e së cilës bënin pjesë edhe disa futbollistë rusë, Vllaznia ka dominuar, jo vetëm me rezuultatin final, por edhe me një lojë më cilësore. Pas një pjese të parë pa gola, në të dytën Arsen Beqiri ka shënuar në minutën e 65-të, që është pasuar nga një gol tjetër, nga Albert Kaçi, tri minuta përpara përfundimit.

Josa, i kënaqur - “Ajo që duhet theksuar, - thotë Josa përmes telefonit, - është se ndeshja u zhvillua në kushte shumë të vështira atmosferike, në një mot të ftohtë dhe me erë mjaft të fortë, që i ka penguar jo pak futbollistët në fushë, por ka shqetësuar dhe ata që e ndiqnin ndeshjen”. Megjithatë, tekniku shkodran ka mbetur i kënaqur këtë radhë nga skuadra e tij. Përveç rezultatit pozitiv, Josa vlerëson funksionimin e reparteve, sidomos fjalë të mira thotë për kosovarin Nallbani. Në këtë ndeshje janë aktivizuar si zëvendësues edhe dy kosovarët e tjerë, që janë në provë te Vllaznia, Muhamed Shehu dhe Alban Jusufi, ky i dyti vazhdon të vuajë gjendjen gripale.Vverdikti për këta dy futbollistë pritet të jepet në fundin e kësaj jave.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri Jan 25, 2008 1:37 pm Post subject:

Partizani_One · Posted: Fri Jan 25, 2008 1:39 pm Post subject:

Partizani_One · Posted: Sat Jan 26, 2008 12:19 pm Post subject:

Asambleja e klubit, E ardhmja kuqeblu
25 Janar Priten të merren vendime të rëndësishme për ndryshimet statutore, Akademinë e futbollit, buxhetin, etj.

Shkodranët e futbollit duket se e kanë marrë shumë seriozisht vitin 2008, kur pa mbaruar muaji janar do t’i gjejë me vendime të reja për të ardhmen e aktivitetit të klubit të tyre. Nesër do të mblidhet Asambleja e Klubit të Futbollit Vllaznia, punimet e së cilës do të zhvillohen në sallën e konferencave të hotel “Colosseo” të Shkodrës, duke filluar nga ora 18:00. Gjatë gjithë këtyre ditëve, pjesëtarë të administratës së klubit janë marrë seriozisht me organizmin e këtij evenimenti të rëndësishëm. Sekretari i Klubit Vllaznia, Agim Medja, thotë për “Sport Ekspres” se gjithçka është gati, ftesat janë shpërndarë dhe pritet vetëm ora e fillimit të Asamblesë, e cila duket se kësaj here do të zhvillohet me më shumë seriozitet se ato paraardhëset.

Rendi i ditës - Përmes zëdhënësit të klubit, gazetarit sportiv Gjegj Kola, jemi njohur edhe me pikat e rendit të ditës, duke filluar me miratimin e ndryshimeve statutore të shoqatës së klubit të futbollit Vllaznia. Një pikë tjetër po aq e rëndësishme, do të jetë ajo për nismën më të fundit që ka marrë klubi shkodran, për ngritjen e Akademisë së Futbollit, e cila, ndonëse është pritur mjaft mirë, po has në jo pak vështirësi organizative, kryesisht në lidhje me kuadrin specialist që është vënë në krye, por edhe për anën financiare. Do të kërkohen mendime për strategjinë e re të klubit nëpërmjet krijimit të kësaj akademie, e cila përfshinë ekipet e moshave në funksion të rritjes së të ardhurave dhe plotësimit të Vllaznisë me lojtarë të rinj, të dalë nga fidanishtja e klubit. Një tjetër moment i rëndësishëm pritet të jetë diskutimi për buxhetin, që për momentin është “Thembra e Akilit” për këtë klub, kur kemi parasysh situatat konfliktuale të shfaqura ditët e fundit ndërmjet klubit Vllaznia dhe bashkisë së Shkodrës. Kërkesa është që, krahas krahas sponsorizimit të presidentit, të ketë mbështetje financiare edhe nga Bashkia, por edhe plotësimin e nevojave për terrene. Si zakonisht, në fund do të miratohet kryesia si dhe do të ngrihen bordet, duke marrë si shembull përvojën e klubeve të njohura në arenën ndërkombëtare. Gjithsesi, të gjithë presin që në Asamble të piketohet në mënyrë ligjore e ardhmja në funksionimin e klubit më të vjetër në vendin tone.

Kuqeblutë, nesër kthimi në shtëpi

Skuadra shkodrane nesër do të kthehet në “shtëpi”, duke i mbyllur përgatitjet në Ulqin, edhe pse më parë kishte patur mendime që zbori mund të vazhdonte deri një ditë përpara ndeshjes me Kastriotin. Por, pas konsultave edhe me titullarët, Josa ka vendosur të kthehen nesër. Thuhet se në këtë ka ndikuar edhe përkeqësimi i kushteve të motit ditët e fundit në Ulqin. Kështu, sipas futbollistëve, në ndeshen e së mërkurës, ata kanë vuajtur mjaft në fushën e lojës. Edhe dje moti ka qenë i ftohtë, megjithatë Josa ka zhvilluar dy seanca stërvitore, ndërkohë që sot do të kryhet vetëm një, pasi nesër do të luhet miqësorja e tretë, kur përballë do të jetë skuadra e Budvës, Mogren. Menjëherë pas përfundimit të saj, skuadra kuqeblu do të udhëtojë për në Shkodër.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue Jan 29, 2008 1:11 pm Post subject:

Gilman Lika: Ta nisim ku e lamë
28 Janar E kishte ëndërr Gilman Lika të bëhej pjesë e kombëtares kuqezi dhe ajo iu realizua, kur u grumbullua në zborin me trajnerin holandez Han, në Kemer të Turqisë, pasi kishte luajtur më parë me përfaqësueset e moshave, deri te U-21. Pas kthimit nga Kemeri, për “Sport Ekspres” Lika është shprehur se “ishte një përvojë e re, që do të më vlejë pa tjetër për të ardhmen e karrierës sime sportive”. Futbollisti ka treguar për impenjimin e tij në seancat stërvitore dhe zbatimin me fanatizëm të detyrave të dhëna nga stafi teknik. Në këtë grumbullim, Lika ka qenë bashkë me dy kuqeblu të tjerë, Admir Telin dhe Xhehahir Sukajn, por në dhomë thotë se ka qëndruar me kavajasin Lila, ndërsaë dy shkodranët ishin akomoduar së bashku. Në miqësoren e zhvilluar në Kemer, ai ka luajtur 90 minuta, ndaj vlerëson besimin e teknikut Han ndaj tij. Por e veçanta është se Han e vendosi Likën në rolin e organizatorit. “Mendoj se e bëra mirë detyrën”, vijon Lika, duke shprehur edhe kënaqësinë që Han e kishte vendosur në atë pozicion. Lika ka vlerësuar edhe mënyrën e komunikimit me të nga ana e trajnerit holandez, sidomos pas asaj ndeshjeje.

Me optimizëm ndaj Kastriotit

Teksa flet për ditët e zborit të Kemerit, Gilman Lika shumë shpejt kalon tek atmosfera në skuadrën kuqeblu, me të cilën është bashkuar sapo është kthyer nga Turqia. Ai është stërvitur nën komandën e Josës në seancat stërvitore të dy ditëve të fundit, të premten dhe të shtunën e kaluar. “Të hënën (sot) do të fillojmë përgatitjet direkt për ndeshjen e parë të rifillimit të betejës së kampionatit”, thotë Lika, duke pasur ndërmend ndeshjen me Kastriotin. “Do të luajmë në transfertë, por akoma nuk e dimë se në çfarë fushe, pasi stadiumi i Krujës ende nuk është gati” kujton Lika. Ai është tepër optimist se do ta kalojnë me sukses këtë ndeshje. “Ta nisim aty ku e lamë” thotë Lika, duke e sqaruar atë që ka dashur të shprehë: “E kam fjalën për ndeshjen e fundit të vitit të kaluar, me Tiranën. Pra, e kemi lënë me një fitore spektakolare dhe me të tillë duhet ta rinisim kampionatin. Edhe pse do të jetë patjetër e vështirë, të gjithë në skuadër jemi optimistë për fitoren e trepikëshit në këtë ndeshje”.

Merkato, 90 për qind kuqeblu

Në ditët e para të janarit, Lika lakohej si futbollisti më i kërkuar i merkatos dimërore, kur, sipas mediave, ofertat vinin nga Sllavia e Sofjes, nga Zvicra, ndërkohë që Tirana ishte më e interesuara, madje duke hedhur edhe hapa konkretë, duke i dërguar ofertën në Shkodër. Megjithatë, asnjëra prej tyre nuk avancoi më tej, të paktën deri mbrëmë, rreth orës 18:00, kur bashkëbiseduam me të. “Eshtë e vërtetë që kam qenë shumë pranë një transferte” thotë Lika për gazetën tonë, ndërsa sqaron se pengesë është bërë klubi Vllaznia, kontrata me të cilin e lidh edhe për dy vite të tjera. Lika falënderon menaxherin Rudi Vata për interesimin e tij, duke theksuar se nuk ka për t’i shkëputur marrëdhëniet me të. “Me 90 për qind jam pjesë e Vllaznisë dhe për vazhdimësinë time në këtë skuadër, sidomos për anën financiare, do të bisedojë në ditët e para të javës me presidentin Fushaj”, thotë Lika, që tashmë duket se e ka mendjen tërësisht te skuadra kuqeblu, për t’i shërbyer sa më mirë asaj, ashtu si edhe gjatë fazës së parë, ku u dallua për formën sportive, më e mira për të deri tani.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Superliga	All times are GMT + 1 Hour Page 1, 2, 3, 4, 5, 6 Next
Page 1 of 6