KS Dinamo Tirana

Register · Status:

admin · Administrator Joined: 10 Jan 2008 Posts: 1870 Status:

Tema e Dinamos

Partizani_One · Posted: Wed Jan 16, 2008 2:34 pm Post subject:

“Sabino, qëndro këtu e meriton të shijosh titullin bashkë me ne”
16 Janar Kapiteni, Arjan Pisha, dëshiron që Plaku të mos largohet deri në fund të sezonit: “Ai është i talentuar dhe do na ndihmonte shumë”

Kthimi në “shtëpi” i golashënuesit të telentuar, Sabino Plaku, ka “ngrohur” jo pak në ambjentet e skuadrës blu. Një nga sulmuesët më produktiv tek blutë ? sigurisht pas kroatit Pejiç ? duket se, në mos i pazëvendësueshëm, është i domosdoshëm tek skuadra e Canajt. Një gjë të tillë e pranojnë të gjithë. Por, kur këtë mendim e ka edhe kapieni dinamovit, Arjan Pisha, atëherë gjërat nisin e marrin një tjetër kuptim. “Nuk kam se çfarë them për Plakun. Ai ka treguar se nuk është thjesht një futbollist shumë i mirë, por një talent dhe natyrisht që më vjen mirë që është khyer, madje, nëse do të ishe për mua, do ta mbaja këtu deri në fund të sezonit”, ka thënë Pisha. Një dëshirë që i drejtohet presidentit Sulaj, apo vetë lojtarit? “Kjo është një dëshirë e imja personale, por edhe e të gjithëve ma mer mendja. Nëse do të jemi ai grup, me të cilin dolëm “kampionë dimri”, atëherë mendoj se edhe titulli kampion do të jetë më i arritshëm dhe më i ëmbël”, sqaron Pisha.

“Siur të ktheheshin edhe kroatët”

Eshtë normale të ndodhë kështu. Grupi i futbollistëve kroatë te Dinamo e këtij sezoni me të drejtë cilësohet si një nga “kolonat” kryesore të ekipit. Ndaj kapitenin Pisha e preokupon shumë rikthimi i tyre sa më i shpejtë në gjirin e skuadrës. “Me mbërritjen e tyre, ? thotë kapiteni, ? grupi ynë kompletohet. Shkak për këtë vonesë, me sa di unë, janë bërë disa probleme të tyre personale. Por, drejtuesit e klubit grantojnë që brenda këtyre dy tri ditëve ata do të bashkohen me grupin në stërvitje. E dëshiroj shumë këtë gjë, sepse, faktikisht, bëhet fjalë për një pjesë të mirë të ekipit, ndaj kam mendimin se, nëse kjo gjë mundësohet shpejt, atëherë kjo do të ndikojë edhe në rritjen e skuadrës”,ka sqaruar Pisha.

Në horizont, transferta me Besën

Më 2 shkurt në javën XVIII, e para për 2008, Dinamo do të udhëtojë drejt Kavajës. Lidhur me këtë kapiteni i bluve ka mendimin, se më konkretisht për këtë takim ai do të shprehet në javën e fundit të janarit, atëherë kur nga takimi me Besën, Dinamon do ta ndajnë vetëm pak ditë.”Them kështu, ? shtoi ai, ? ngaqë deri tani në “objektivin” e përgatitjeve tona ka qenë kryesisaht kondicioni fizik. Por, kjo kurrsesi nuk do të thotë që nuk kemi filluar të mendojmë për transfertën e Kavajës, e natyrisht edhe për takimet e tjerë që vijnë pas asaj përballje. Por them se, si ndeshja e parë e këtij viti ajo është rëndësisë së veçantë, sepse rifillimi i kampionatit me një rezultat pozitiv do të thotë shumë, nisur nga fakti, që pas atij takimi në vijimsi kemi ndeshje shumë të forta. Kështu pas Besës, do ndeshemi me Elbasanin, Tiranën e Partizanin. Mjafton vetëm emri i këtyre skuadrave për të kuptuar sesa të vështirë priten të jenë këto takime, pa thënë se kapërcimi me sukses i tyre do të na çojë më pranë titullit kampion.

Partizani_One · Posted: Tue Jan 22, 2008 10:49 am Post subject:

Vijnë Pejiç e Graniç. Canaj tani qetësohet
21 Janar

Në kampin blu kanë mbërritur edhe dy kroatët e tjerë, të cilët e kanë shtuar “koloninë” që ka Dinamo për sezonin futbollistik 2007-2008. Pas Dario Bodrusiçit, i cili ka mbërritur të shtunën, dje në mesditë, po në aeroportin “Nënë Tereza” të Rinasit kanë zbritur dhe shënuesi më i mirë i kampionatit të kategorisë superiore, Pero Pejiç (13 gola), dhe qendërmbrojtëi Goran Graniç. Mungon vetëm Goran Vincetiç, i cili deri të mërkurën do të jetë në Kroaci, ku pret të marrë liçensën e trajnerit. Me të mbërritur në klub, Pejiç e Graniç, së bashku me Bodrusiç, dje pasdite janë stërvitur individualisht, duke kryer vrapime në terrenet e kompleksit Dinamo. Ndërsa sot pasdite, në ora 14:30, ata do të jenë në stërvitje me grupin e bluve, me preokupimin që të kapin kohën e humbur, kur janë dy javë prapa në përgatitje me pjesën tjetër të skuadrës. “Sigurisht, që jam më i qetë - thotë trajneri Canaj, - sepse tani Dinamo e ka grupin më të plotë. Sikur të mos vinin ata, do të ishte shumë e vështirë të gjeje në këtë periudhë zëvendësuesit e më pas t’i përshtasje me pjesën tjetër të skuadrës. Në këto dy javë, që na kanë mbetur deri në fillimin e kampionatit, duhet të punojmë fort, në mënyrë që ata të kapin grupin, i cili ka që më 4 janar që përgatitet me ngarkesë fizike”. Megjithatë, Canaj nuk ngutet, edhe sepse shpreson në profesionalizmin e kroatëve, teksa beson se ata duhet të kenë bërë stërvitje atje ku kanë qenë. Në fakt, nuk ka pse shtiret, aq më tepër që Goran Graniç, për gati dy javë, ka qenë në provë te grekët e Verias. Ashtu sikurse, thuajse një javë, edhe Dario Bodrusiç te Alemania Ahen. “Ata do të kenë bërë stërvitje dhe janë aq të aftë sa ta kapin shpejt pjesën tjetër të grupit, ose gjendjen normale fizike. Megjithatë, konfirmimin e gjëndjes së tyre do ta shohim sot, kur dhe do të nisë stërvitja, e cila përgjithësisht është me vrapime te kodrat e Liqenit dhe në fushë. E rëndësishme është që ata erdhën. Do të ishte shumë më mirë, jo vetëm për ta, por dhe për të gjithë skuadrën, që të ishin nga 4 janari me të gjithë grupin, sepse kështu Dinamo do të ishte më e plotë. Gjithsesi, tashmë jam më i qetë në punën time”. Për Canajn, mbi të gjitha, nuk ka asnjë dyshim që kroatët, ashtu sikurse në gjysmën e parë të këtij kampionati, do të jenë të rëndësishëm për skuadrën. “Ata i dinë objektivat e Dinamos, ndaj kam bindjen se do të vazhdojnë me lojërat e mira të tyre, sepse ishin pjesë vërtetë e fortë e kësaj Dinamoje”, ka përfunduar trajneri Canaj.

Në pritje të Ekvallës

Blutë, në një kohë që janë duke u kompletuar me kroatët, kur nuk ka ardhur vetëm Vincetiç, tashmë janë në pritje edhe të kamerunasit Ekvalla. Ky futbollist është i federuar që në ditët e fundit të merkatos së verës, por deri në javën e shtatëmbëdhjetë të kategorisë superiore nuk është dukur në skuadër. Për të, në momentin që filloi stërvitja dimërore e dinamovitëve, doli garant menaxheri i FIFA-s, Gëzim Mançe. Por Ekvalla ende nuk po shfaqet në kampin dinamovit. “Ne e presim këtë javë - thotë administratori i Dinamos, Saliaj. - Pas ardhjes së tij mund të themi se gjithçka është në rregull në skuadrën tonë”. Ndërkaq, të enjten, nga Turqia do të vijë dhe Bekim Kuli, i cili për dhjetë ditë ka qenë nën urdhërat e trajnerit të ekipit kombëtar Ari Han. Bashkë me të edhe Sabino Plaku, i cili, pas provës në Norvegji, është duke kaluar një dëmtim në gishtin e madh të këmbës.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Jan 23, 2008 9:22 am Post subject:

Sabino Plaku te Hamkam. Turbullohen dinamovitët
22 Janar Dinamovitët kanë rënë nga “shiu” në “breshër”. Nëse janë gëzuar që u erdhën kroatët, kur dje kanë dalë në stërvitje Bodrusiç, Graniç e Pejiç, janë hidhëruar sepse u është larguar sulmuesi Sabino Plaku. Shënuesi i dytë më i mirë i bluve, pas provës njëjavore që kishte bërë te Hamkami në Norvegji, u kthye në Tiranë. Për një javë qëndroi larg skuadrës blu, sepse ka patur një dëmtim në gishtin e madh të këmbës dhe ishte i detyruar të bënte pushim. Ndërkohë, ai ka qenë në pritje të ofertës së norvegjezëve, që ka mbërritur të dielën në mbrëmje. Sipas menaxherit të futbollistit, i cili ka dhe liçencën e FIFA-s, Gëzim Mançe, kontrata e ofruar nga norvegjezët e Hamkamit është katërvjeçare. “Ne nuk mund t’i bëjmë të ditura termat financiarë - thotë Mançe për “Sport Ekspres”, - vetëm mund të them se oferta e tyre është brenda asaj që kemi kërkuar ne. Pra, është një ofertë e kënaqshme”. Duke vazhduar më tej, Mançe bën të ditur se futbollisti nuk ka asnjë detyrim ndaj Dinamos, me të cilën pat firmosur dhe një kontratë njëvjeçare. “Në kontratë - tregon Mançe - Plaku e ka patur klauzolën, sipas së cilës mund të largohej në çdo moment, kur të kishte një ofertë nga jashtë Shqipërisë. Rasti erdhi dhe nuk ka pengesa që të largohet për në Norvegji”. Ndërkaq, të mërkurën Plaku do të pajiset me vizë norvegjeze në ambasadën daneze dhe, gjithnjë sipas menaxherit Mançe, të enjten do të niset për t’u bashkuar me Hamkam.

Canaj mendon zgjidhjen - Nuk qenka e thënë që trajneri i bluve, Agim Canaj, të rrijë i qetë. Largimi i shënuesit të dytë më të mirë të skuadrës, Sabino Plaku, e ka turbulluar së tepërmi atë. Fakti është që dinamovitët, nga katër sulmues, realisht u ka mbetur vetëm një. Nëse Milen e dhanë te Teuta me huazim me kërkesë të vetë beratasit, për Plakun e dinin që ishte me një këmbë te skuadra norvegjeze. Pema vazhdon rekuperimin, pas operacionit në dorë, por ende nuk duket se është plotësisht i gatshëm për skuadrën. “Në këto kushte - thotë njëshi i pankinës blu, - laj, thaj e vish na ka mbetur vetëm Pero Pejiç. Eshtë periudhë e vështirë, edhe sepse nuk ka lojtarë të lirë. Nëse do të mbesim keq, e vetmja mundësi është shtyrja e Kulit përpara, në krah me Pejiçin”. Por ky variant i supozuar nga trajneri Canaj nuk është i realizueshëm për ndeshjen e 2 shkurtit, ndaj Besës në Kavajë, sepse Kuli, pas gjashtë kartonave të verdhë, do të mungojë.

Plaku: Oferta, e kënaqshme

Më së fundi, për Sabino Plakun, pasi kanë dështuar dy provat e para me Valereng‘n dhe Branin, kur gjithçka është prishur në termat financiarë, tashmë gjërat janë rregulluar me Hamkam, skuadër që sapo ka ardhur nga kategoria e dytë në të parën. Megjithatë, vetë futbollisti ende nuk e bën të sigurt firmën mbi kontratë, sepse do ta hedhë të enjten, kur të jetë atje. “Unë i kam lajmëruar dhe drejtuesit e Dinamos”, thotë Plaku. “Me siguri, për të ardhmen time pranë skuadrës norvegjeze do të flas vetëm kur të hedh firmën mbi kontratë. Oferta e tyre, si për mua, ashtu dhe për menaxherin tim është e kënaqshme”. Në një farë mënyre, Plakut i vjen keq për largimin nga Dinamo, edhe sepse do të kishte dashur të ishte kampion me të. “Unë i uroj suksese Dinamos dhe shpresoj që gjithçka të shkojë mirë për këtë skuadër, ashtu siç dhe i ka patur objektivat që në fillim të këtij sezoni. Shpresoj që, pas Hamkamit, nëse do të realizohet, të arrijë dhe ekipin kombëtar”, ka mbyllur Plaku.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Jan 24, 2008 9:46 am Post subject:

Pollozhani drejt Dinamos, gati huazimi nga Koblenc
23 Janar Largimi i Sabino Plakut drejt Hamkamit, në kampionatin norvegjez, i ka vënë në lëvizje drejtuesit e skuadrës dinamovite. Lëshimi i sinjalit “SOS” nga trajneri Canaj, për një plotësim të shpejtë të këtij reparti, i ka bërë blutë që të kërkojnë sa në Shqipëri, në kampionatin e kategorisë superiore, aq edhe jashtë vendit. Dhe, në skenë ka dalë menjëherë emri i mesfushorit sulmues shqiptarit nga Maqedonia, Artim Pollozhani. 25-vjeçari, i cili aktualisht luan në kampionatin gjerman të Bundesligës 2, me skuadrën e TUZ Koblenc, mund të vijë tek Dinamo. Një gjë të tillë e kanë bërë të ditur mediat maqedonase, sipas të cilave, lojtari i kombëtares maqedonase, i cili, nuk po gjen hapësirat e duhura në skuadrën gjermane, mund të kalohet në formën e një huazimi tek blutë kryeqytetas. Duhet thënë se për Pollozhanin, nëse kjo transfertë do të realizohet, nuk do të jetë hera e parë që ai do të veshë fanellën e Dinamos. Kjo, pasi mesfushori ka qenë pjesë e bluve në sezonin 2002-03.

Edhe Abazaj,një mundësi

Por, Pollozhani nuk është i vetmi emër. Kjo, pasi në skenë ka dalë edhe emri i Oriand Abazajt, i cili tashmë e ka prishur kontratën me Tiranën. Megjithatë, dinamovitët nuk pohojnë asgjë, veçse bëjnë të ditur se janë në kërkim të një sulmuesi, i cili do të vendoset përkrah kroatit shtatlartë, Pero Pejiç, që është edhe shënuesi më i mirë i kampionatit tonë, me 13 gola. “Gjithçka do të mbyllet sot - thotë administratori i bluve Saliaj -dhe shumë shpejt do ta merrni vesh emrin e atij që do të mund të zëvëndësojë Plakun e larguar te Hamkami. Do të jetë një futbollist cilësor, kurse kërkimet tona janë përqëndruar sa brenda kampionatit, aq dhe jashtë vendit, teksa synojmë futbollistë të huaj”. Kësisoj, dinamovitët janë vënë në lëvizje, sepse sulmuesi i munguar i ka prishur planet, kur skuadra ishte mëse e plotë me Plakun brenda.

Vincetiç shtyn përsëri ardhjen

Sipas administratorit të bluve, Ismet Saliaj, mesfushori kroat, Goran Vincetiç, do të vonohet dhe për disa ditë të tjera. “Ai ka dhe disa probleme të tij, kështu që do ta vonojë ardhjen e tij dhe për disa ditë të tjera”, ka theksuar Saliaj, në një kohë që kamerunasi Ekvalla ende nuk dihet se kur do të mbërrijë pranë bluve, ndonëse është thënë që mund të vijë sot ose nesër.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri Jan 25, 2008 1:40 pm Post subject:

Dinamo I thote “Jo” Abazajt
24 Janar Zhvillimet më të fundit të merkatos së dimrit të Dinamos konfirmojnë ardhjen e Artim Pollozhanit pranë skuadrës kryesuese të kategorisë superiore. Shqiptari nga Maqedonia nuk është krejt i panjohur për kampionatin shqiptar, sepse ka luajtur me Apoloninë, në kohën kur president ishte Fatmir Kajolli. Më pas, në sezonin 2002-2003 do të kalonte te Dinamo, prej të cilës do të shkëputej më 2003-2004, kur do të ishte pjesë e Partizanit. Më tej, Pollozhani do të ishte lojtar i Shkëndijës së Tetovës e që andej do të kalonte te Koblenci, në Gjermani. Pollozhani është dhe futbollist i kombëtares maqedonase, aq më tepër që është ftuar përsëri, ditët e fundit, nga trajneri slloven Katanec. Ky është kurrikulumi i Artim Pollozhanit, të cilin dinamovitët e presin të dielën, duke e parë si alternativa e vetme, të paktën për momentin, që mund të vihet përkrah Pejiçit, në kushtet kur Plaku përfundimisht u largua. “Ka mbërritur pranë Dinamos - thotë administratori Saliaj - përmes disa miqve tanë. E presim të dielën, në mënyrë që të hënën ai të nisë stërvitjen me grupin”. Në të njëjtën kohë, përfundimisht dinamovitët kanë thënë “jo” për Oriand Abazajn, edhe sepse, sipas tyre, është mjaft i shtrenjtë. Mançe sqaron se kamerunasi Ekvalla vjen të enjten në mbrëmje në Tiranë dhe të premten do të jetë në stërvitje me blutë.

Vincetiç, të shtunën të blutë - Kursi për trajner, që po bën në Kroaci, duket se e ka penguar mesfushorin e djathtë të Dinamos që të vijë të mërkurën. Sipas Saliajt, Vincetiç nuk mund të marrë leje për t’u larguar më përpara se të përfundojë kursi.

Firmos Plaku, sot niset

Menaxheri i FIFA-s, Gëzim Mançe, ka bërë të ditur për gazetën “Sport Ekspres” se sulmuesi Sabino Plaku ka firmosur dje kontratën me Hamkam. “Drejtuesit e skuadrës norvegjeze - thotë Mançe, - e kanë sjellë me DHL dhe ne e firmosëm, sepse gjithçka ishte sipas parametrave tonë. Tashmë ka mbetur vetëm kërkesa e Federatës norvegjeze të futbollit për të marrë letrat në FSHF”. Plaku sot niset drejt Norvegjisë, ku do të vazhdojë përgatitjet me Hamkamin, teksa kampionati nis në mars.

Moses, në kërkim të skuadrës

Prej disa ditësh, Moses, vëllai i Abrahamit, nuk gjendet më te Dinamo. Sipas menaxheri të tij, Gëzim Mançe, Moses është duke u stërvitur veçmas, në një kohë që kërkohet si në kampionatin e kategorisë superiore të vendit tonë, ashtu dhe jashtë vendit. “Së pari - thotë Mançe, - jemi në tratative me një skuadër malteze, por dhe me tre në vendin tonë. Problemi është se dy prej tyre e kanë kërkuar me kontratë 3 deri 4-vjeçare, çka mua nuk më pëlqen shumë”.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Mon Jan 28, 2008 11:13 am Post subject:

Dinamo/Mbërrin Pollozhani firmos menjëherë
27 Janar

Më në fund, duke përjashtuar Plakun e transferuar në Norvegji, Dinamo është plotësuar me grupin e lojtarëve. Dje ka mbërritur shqiptari nga Maqedonia, Artim Pollozhani, aq i përfolur gjatë ditëve të fundit, si dhe kroati i katërt i bluve, Goran Vincetiç, leja e të cilit zgjati më tepër se e të tjerëve. Shqiptari nga Maqedonia, sapo ka mbërritur në Tiranë, sipas administratorit të bluve, Ismet Saliaj, është ulur e ka biseduar gjithçka me presidencën dinamovite. Fundi ka qenë “i lumtur”, pasi janë hedhur firmat në kontratë, sipas së cilës, deri në mbyllje të këtij sezoni Artim Pollozhani do të jetë i huazuar nga gjermanët e TUZ Koblencit. Më pas, Pollozhani është nisur në drejtim të Maqedonisë, për t’u kthyer sonte në mbrëmje, së bashku me familjen. Mesfushori ka qenë pjesë e Dinamos edhe në sezonin 2002-2003, kur skuadrën blu e drejtonte po Canaj. Nga ana e tij, Vincetiç ka bërë stërvitje individuale, duke vrapuar rreth fushës së stërvitjes. Sipas drejtuesve të klubit Dinamo, Vincetiç ka përfunduar një kurs për trajner në Kroaci, ndaj dhe është vonuar. Gjithsesi, është një vonesë që do të ndikojë në gjendjen e tij fizike, duke qenë se është më prapa me përgatitjet. Kurse sot dinamovitët presin dhe kamerunasin Ekvalla.

Poçi, alternativë për sulmin - Canaj, pas largimit të Plakut drejt Hamkamit, ashtu si ka deklaruar edhe më parë, është duke provuar disa alternativa në sulmin dinamovit. Një është “zbuluar” dje, në ndeshjen ndaj Kastriotit, kur përkrah Pejiçit ka luajtur Artion Poçi. Duket si zgjidhja më e mundshme për ndeshjen me Besën, të shtunën e ardhshme, edhe sepse Kuli është i skualifikuar për shkak të plotësimit të numrit të gjashtë kartonave. Ndonëse në pjesën e dytë u provua dhe dyshja Kuli-Pema, duke menduar ndonjë ndeshje pa Pejiçin. “Poçi është një alternativë e mundshme për ndeshjen me Besën. Të paktën ata, që aktivizuam dje ndaj krutanëve, do të përbëjnë dhe tetëmbëdhjetëshen me kavajasit. Jam i kënaqur nga paraqitja e të gjithëve” është shprehur Canaj. Më tej, tekniku ka folur me superlativa edhe për lojën e Jupit, që sipas tij është duke ardhur në rritje. “Eshtë pjesë e skuadrës dhe do të na ndihmojë shumë gjatë kampionatit. E kam nënvizuar dhe herë të tjera, kampionati është i gjatë, ka të dëmtuar e të skualifikuar për shkak të kartonave. Kështu që të gjithë janë të nevojshëm për skuadrën, ndonëse na duhen përforcime në sulm”, ka përfunduar trajneri Canaj.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Mon Jan 28, 2008 11:13 am Post subject:

Dinamo/Mbërrin Pollozhani firmos menjëherë
27 Janar

Më në fund, duke përjashtuar Plakun e transferuar në Norvegji, Dinamo është plotësuar me grupin e lojtarëve. Dje ka mbërritur shqiptari nga Maqedonia, Artim Pollozhani, aq i përfolur gjatë ditëve të fundit, si dhe kroati i katërt i bluve, Goran Vincetiç, leja e të cilit zgjati më tepër se e të tjerëve. Shqiptari nga Maqedonia, sapo ka mbërritur në Tiranë, sipas administratorit të bluve, Ismet Saliaj, është ulur e ka biseduar gjithçka me presidencën dinamovite. Fundi ka qenë “i lumtur”, pasi janë hedhur firmat në kontratë, sipas së cilës, deri në mbyllje të këtij sezoni Artim Pollozhani do të jetë i huazuar nga gjermanët e TUZ Koblencit. Më pas, Pollozhani është nisur në drejtim të Maqedonisë, për t’u kthyer sonte në mbrëmje, së bashku me familjen. Mesfushori ka qenë pjesë e Dinamos edhe në sezonin 2002-2003, kur skuadrën blu e drejtonte po Canaj. Nga ana e tij, Vincetiç ka bërë stërvitje individuale, duke vrapuar rreth fushës së stërvitjes. Sipas drejtuesve të klubit Dinamo, Vincetiç ka përfunduar një kurs për trajner në Kroaci, ndaj dhe është vonuar. Gjithsesi, është një vonesë që do të ndikojë në gjendjen e tij fizike, duke qenë se është më prapa me përgatitjet. Kurse sot dinamovitët presin dhe kamerunasin Ekvalla.

Poçi, alternativë për sulmin - Canaj, pas largimit të Plakut drejt Hamkamit, ashtu si ka deklaruar edhe më parë, është duke provuar disa alternativa në sulmin dinamovit. Një është “zbuluar” dje, në ndeshjen ndaj Kastriotit, kur përkrah Pejiçit ka luajtur Artion Poçi. Duket si zgjidhja më e mundshme për ndeshjen me Besën, të shtunën e ardhshme, edhe sepse Kuli është i skualifikuar për shkak të plotësimit të numrit të gjashtë kartonave. Ndonëse në pjesën e dytë u provua dhe dyshja Kuli-Pema, duke menduar ndonjë ndeshje pa Pejiçin. “Poçi është një alternativë e mundshme për ndeshjen me Besën. Të paktën ata, që aktivizuam dje ndaj krutanëve, do të përbëjnë dhe tetëmbëdhjetëshen me kavajasit. Jam i kënaqur nga paraqitja e të gjithëve” është shprehur Canaj. Më tej, tekniku ka folur me superlativa edhe për lojën e Jupit, që sipas tij është duke ardhur në rritje. “Eshtë pjesë e skuadrës dhe do të na ndihmojë shumë gjatë kampionatit. E kam nënvizuar dhe herë të tjera, kampionati është i gjatë, ka të dëmtuar e të skualifikuar për shkak të kartonave. Kështu që të gjithë janë të nevojshëm për skuadrën, ndonëse na duhen përforcime në sulm”, ka përfunduar trajneri Canaj.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue Jan 29, 2008 1:08 pm Post subject:

Poçi, “xholi” i Canajt. “Do luaj dhe si sulmues”
28 Janar

Artion Poçi, që është duke luajtur kampionatin e pestë me fanellën e Dinamos, duket se është kthyer në një “xhol” në duart e trajnerit, kur ka provuar të luajë në pozicione të ndryshme në fushë. Për nevojat e skuadrës, thuajse i ka provuar të gjitha rolet, sa në mesfushë, aq dhe në mbrojtje. Por tani i duhet të jetë dhe sulmues, për të mbushur “gropën” e krijuar nga largimi i Plakut drejt Norvegjisë. Edhe në miqësoren e së shtunës, ndaj Kastriotit, është vendosur përkrah Pejiçit. Sipas Poçit, që njihet për korrektesën dhe bën gjithçka që i thonë, pozicioni në të cilin e ka vënë trajneri Canaj nuk është fare i panjohur për të. “Ndonjë ditë edhe portierin do ta bëj te Dinamo”, thotë me të qeshur fieraku i bluve. “Tani jam duke folur seriozisht, është një rol që unë e kam bërë dhe herë të tjera”, tregon Poçi. “Nuk bëhet fjalë për sulmues tipik, por në një pozicion midis sulmit e mesfushës. Megjithatë, qoftë dhe me eksperiencën që kam, do të luaj në këtë pozicion”, nënvizon fieraku, i cili duket i mundshëm në këtë rol për ndeshjen me Besën, të paktën nga çfarë deklaroi trajneri Canaj në mbarim të miqësores me krutanët. Dhe, bashkë me Poçin në pozicionin e ri, si sulmues i “fshehur”, duket se ka lëvizje dhe në skemën taktike, që tani mund të jetë 4-4-1-1.

“Sikur ta bënim përgatitoren jashtë!” - Për Poçin, përgatitorja dimërore, që nisi më 4 janar dhe përfundoi më 26 janar, ka shkuar mirë. “Megjithatë - thotë fieraku, - mirë do të ishte që edhe ne, ashtu sikurse shumica e skuadrave të kategorisë superiore, këtë fazë përgatitore ta bënim jashtë vendit. Por këto ishin zgjidhjet e drejtuesve të skuadrës sonë. Nuk them se nuk jemi stërvitur mirë në Tiranë, kur gjithçka ka shkuar sipas parashikimeve. Veçse, edhe duke qenë pretendentë kryesorë për titull kampion, një zbor jashtë Shqipërisë mund të krijonte mundësinë për të luajtur miqësore me skuadra më të forta”.

“Qahet” largimi i Plakut - Të gjithë te Dinamo janë të një mendimi, si futbollistët, ashtu dhe stafi teknik: “Nuk duhet të ishte larguar Sabino Plaku”. Këtij mendimi i është bashkuar dhe Poçi, që dje, për gazetën “Sport Ekspres”, ka pohuar se Plaku ishte lojtar i nevojshëm për skuadrën dinamovite. “Ishte lojtar - thotë fieraku i bluve - që kishte zënë vend mirë në skuadrën tonë. Kam dëgjuar se do të vijnë përforcime, por unë kam mendimin se Dinamo e ka kontigjentin e lojtarëve për të realizuar objektivat, kur bëhet fjalë fitimi i titullit kampion. Brenda grupit mund të zgjidhen dhe problemet që krijohen në skuadër, siç është rasti im, që do të luaj në sulm”

“Ethet” e transfertës kavajase - E gjithë kjo periudhë ka qenë larg bisedave për ndeshjen e 2 shkurtit, me Besën në Kavajë. Sepse merkatoja e dimrit, ardhjet e largimet, por dhe vonesat e kroatëve në mbërritje, e ka mënjanuar një diskutim të tillë në kampin dinamovit. Por, që nga dita e djeshme, titullarët e formacionit blu kanë nisur të jenë nën “ethet” e transfertës kavajase. Për Artion Poçin, ndeshja është e vështirë, ndonëse Besa nuk është se ka bërë ndonjë “bujë” të madhe gjatë merkatos së dimrit. “Duke qenë se në ndeshjet në transfertë kemi gjashtë fitore dhe vetëm dy barazime, pa humbur asnjë, jam i bindur që do ta vazhdojmë edhe në Kavajë këtë “serial”. Ndeshja është e fortë dhe e vështirë, por ne do ta kalojmë” është shprehur optimist Poçi. Në fakt, dinamovitët nuk është se nuk e njohin fitoren, apo barazimin në Kavajë, ndaj dhe besojnë në forcat e tyre.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Jan 30, 2008 9:29 am Post subject:

Pollozhani: Dinamo, hapësirë për aktivizim
29 Janar Artim Pollozhani ka nisur stërvitjen me blutë e Canajt. Eshtë rikthyer pas pesë vjetësh te Dinamo dhe përshtypja e parë e tij është: “Nuk paska ndryshuar asgjë”. Ka një kontratë 3-vjeçare me Koblencin, kurse, për shkak të mungesës së hapësirave për të luajtur, i ka leverdisur të vijë te Dinamo. Madje, tregon se është te blutë vetëm se kishte dhënë fjalën, pasi një mundësi aktivizimi, në Slloveni, ia kishte gjetur dhe trajneri i kombëtares së Maqedonisë, Katanec.

- Riktheheni pas pesë vjetësh te Dinamo...

- Drejtuesit e klubit Dinamo kishin kohë që bisedonin me ata të TUZ Koblenc, me të cilët kam nënshkruar një kontratë trevjeçare. Kam mbërritur në formë huazimi deri më 30 qershor dhe më duhet të falënderoj të gjithë ata, që besuan te unë, veçanërisht ish-presidentin e Apolonisë, Kajolli.

- Në Koblenc, nuk është se jeni aktivizuar shumë; Dinamo ua jep këtë mundësi?

- Për këtë kam ardhur te Dinamo, sepse më duhet të luaj. Unë jam pjesë e kombëtares së Maqedonisë dhe trajneri Katanec, si rregull, merr ata lojtarë, të cilët aktivizohen më shumë në skuadrat e tyre. Fakt është që nuk kam luajtur shumë në kampionatin gjerman, ndaj dhe bëra këtë zgjidhje. Me trajnerin Rapolder nuk gjetëm gjuhën e përbashkët, sepse nuk i përshtatesha modulit të preferuar të tij.

- Si i keni pasur marrëdhëniet me Rapolderin?

- Shumë të mira, por puna ishte që unë nuk po luaja. Madje, u huazova dhe me mendimin e tij, i cili ka shprehur dëshirën që të më vijë të më shoh në një ndeshje të Dinamos.

- Më 6 shkurt, kombëtarja maqedonase përballë Serbisë...

- Unë kam qenë pjesë efektive e kombëtares së Maqedonisë dhe kam ardhur te Dinamo të luaj, për të qenë më i vlefshëm për përfaqësuesen. Shpresoj që të luaj përballë Serbisë, ashtu sikurse kam bërë dhe në ndeshjet kualifikuese të EURO 2008, ndonëse gjithçka varet nga trajneri Katanec.

- Dinamo pretendon për titull kampion. Nëse e fiton, a do të jeni pjesë e bluve në Champions League?

- Eshtë diçka që do ta diskutojnë drejtuesit e klubit Dinamo me ata të Koblencit. Unë kam kontratën edhe për dy vjet e gjysmë të tjera me atë skuadër dhe gjithçka do ta shohim pasi të mbarojë ajo.

- Së fundi, përshtypja juaj për skuadrën?

- Të them të drejtën, është një ambjent që e njoh, sepse me një pjesë të lojtarëve kam luajtur. Më vjen keq që po e them, por në infrastrukturë Dinamo nuk paska ndryshuar asgjë që nga viti 2003, për të mos thënë që ka rënie. Pavarësisht kësaj, shpresoj të bëj më të mirën time dhe të fitoj titullin kampion me këtë skuadër.

Prezantohet argjentinasi Manuk, vjen Ekvalla

E hëna ka qenë plot surpriza për Dinamon. Dje pasdite, përpara stafit teknik të bluve, zëvendëspresidenti Avni Braçe ka prezantuar argjentinasin Fabio Mauricio Manuk, i datëlindjes 16 nëntor 1976. Mesfushori me tipare sulmuese ka luajtur me Independente, Estudiantes de la Plate, Olimpia e Nueva Çikao në Argjentinë. Po kështu, ka luajtur dhe në kampionatin portugez me Sportingun e Lisbonës. Manuk ka firmosur dje kontratën dhe sot pasdite do të fillojë zyrtarisht stërvitjen me blutë. Me Dinamon do të jetë deri në mbarim të ndeshjeve të Kupave të Europës. Me blutë ka nisur stërvitjen dhe kamerunasi Ekvalla, që ka mbërritur të dielën në mbrëmje. Eshtë larguar me dëshirën e tij, durrsaku Oert Kotja, i cili në shtatëmbëdhjetë ndeshje kampionati ka luajtur vetëm 8 minuta si zëvendësues.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Superliga	All times are GMT + 1 Hour Page 1, 2, 3, 4, 5, 6, 7, 8 Next
Page 1 of 8