KS Kastrioti Kruje

Partizani_One · Posted: Fri Feb 29, 2008 6:09 pm Post subject: KS Kastrioti Kruje

Bici: Kualifikimi na ngriti moralin

Sport Ekspres
_________________
Ngjyr e kuqe ngjyr dashnie e ka frik cdo mi bashkie

admin · Administrator Joined: 10 Jan 2008 Posts: 1870 Status:

Canaj kandidat per Kastriotin
Ndër emrat që qarkullojnë afër klubit krutan janë ato të Agim Canajt, i cili deri një javë më parë ishte drejtues i skuadrës, që kryeson aktualisht kampionatin. Megjithatë, këto janë thjesht zëra, sepse deri në këtë moment nuk ka ndonjë konfirmim në lidhje me atë se kush do të jetë trajneri i ri, i cili do të zëvendësojë Bicin.
_________________
FutbolliShqiptar.net

Partizani_One · Posted: Wed Mar 05, 2008 4:05 pm Post subject:

Unë s’i zë besëkësaj Tirane”
5 Mars Turdiu kërkon impenjim maksimal nga skuadra e tij. “Ne nuk duhet të gëzohemi për momentin e bardhebluve, ata gjithnjë janë kampionët”

Trajneri Ramadan Ndreu ka zhvilluar seancën e parë stërvitore në ish-fushën sportive të Krujës. Interesimi nga tifozeria krutane ka qenë i madh: për rrjedhojë të problematikës me këtë terren, për jo pak kohë skuadra është stërvitur në fushën e Olimpikut në Tiranë, çka ka bërë që të jetë edhe më larg tifozerisë, duke patur parasysh edhe faktin që Kastrioti nuk luan në fushën e tij. Kësaj i duhet shtuar dhe fakti që lëvizja në pankinë, sidomos pas humbjes së papritur në Korçë, është pritur mirë nga opinioni vendas.

Por, si pozicioni i lëkundur në kampionat, ashtu dhe fakti që shorti i Kupës e ka vënë përballë Tiranës, nuk është se e kanë stepur teknikun krutan. "Unë besoj te kjo skuadër", ka thënë Ndreu, dhe jo thjesht se kështu duhet të flasë një trajner, por se të gjithë janë të bindur se Kastrioti ka potenciale për t'u shprehur shumë më mirë në fushën e lojës.

Ndeshja me Tiranën është në qendër të vëmendjes. Krutanët janë të kënaqur që do të luhet në Laç: të mësuar me degdisjen e këtij sezoni, ata llogarisin tashmë edhe kilometrat e lëvizjes dhe Laçi nuk është larg për ta. Edhe në skuadër ka dëshirë e besim. Bëhet kjo më evidente kur e dëgjon nga goja e një futbollisti si Turdiu që është kontigjent i bardhebluve. "Nuk duhet ta shohim bardhë e zi", thotë mbrojtësi tiranas i krutanëve, "Tirana vërtet po kalon një moment jo të mirë dhe ky është një shans për ne, por nga ana tjetër, nuk duhet harruar se e tërë forca e saj do të shprehet në Kupë, ngaqë titulli duket i paarritshëm për të".

Kur flet për një rezultat pozitiv sot, Turdiu e ka me "rreze të gjatë": "Na duhet një fitore, edhe për të rritur moralin e skuadrës që në fundjavë do të ndeshet me Besën. Do të shkonim shumë më të motivuar, nëse do të bënim diçka të mirë ndaj Tiranës".
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Mon Mar 10, 2008 9:33 pm Post subject:

Krutanët, bisedime për presidentin
10 Mars Sikur të mos mjaftonte humbja e pestë radhazi për Kastriotin, skuadra krutane ka mbetur edhe pa presidencë, pasi Zhilli dhe Baholli, dy mbështetësit krysorë financiarë, dhanë dorëheqje. Sipas informacioneve që vijnë nga klubi, po zhvillohen bisedime me një biznesmen të fuqishëm dhe janë të gjitha mundësitë që ai të financojë për pjesën e mbetur të kampionatit, ndërsa për sezonin e ardhshëm mendohet se do të jetë president i Kastriotit. Për momentin, për zgjidhjen e problemeve financiare të skuadrës janë të interesuar deputeti i zonës, Shkëlqim Ziri, si dhe kryetari i Bashkisë, Lulzim Guni. Në kampin krutan tani gjithçka bëhet që të arrihet synimi kryesor, që është mbijetesa në superiore. Edhe pse Kastrioti u arrit me pikë nga Teuta, gjendja, sipas krutanëve, nuk është aq alarmante, sepse, në fund të fundit, janë larg zonës, që i rrëzon direkt një kategori më poshtë. Gjithsesi, opinioni futbolldashës krutan është i zhgënjyer me skuadrën, e cila në 450 minuta lojë nuk ka shënuar akoma asnjë gol, edhe pse në sulm luajnë Abazaj e Rizvanolli. Por shqetësimet shtohen, sepse mbrojtësit Shameti dhe Hoxha janë të dëmtuar, sikurse edhe Abazaj, të cilit, sipas mjekut të skuadrës, i duhen të paktën tri-katër javë që të jetë në gjendje për të luajtur. Gjatë kësaj jave, Kastrioti do të luajë dy ndeshje: të mërkurën për kupë me Tiranën dhe të shtunën me Vllazninë për kampionat. Kjo ndeshje me kuqeblutë do të luhet në stadiumin "Besa" të Kavajës, çka e konfirmojnë drejtuesit e klubit Kastrioti. Sipas burimeve nga stafi teknik, vëmendja do të përqendrohet te ndeshja e kampionatit me Vllazninë, pasi kualifikimi në kupë praktikisht është i pamundur, pas humbjes 0-3 me bardheblutë. Të gjitha bateritë janë drejtuar në objektivin kryesor, që është mbijetesa në kategorinë superiore.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Mar 27, 2008 6:26 pm Post subject:

Kastrioti: “Nuk e meritojmë të biem më poshtë”
27 Mars Skuadra e Kastrioti ka besim se në javët e mbetura të kampionatit do të ketë mundësinë që të marrë pikët e duhura dhe në fund të shpëtojë nga rënia direkte dhe të paktën të arrijë zonën play?out. Trajneri Ndreu është i bindur se nëse do t’i referohej lojës së skuadrës, shpëtimi do të jetë i sigurtë: “Nuk kam ndonjë gjë të madhe t’iu them për lojën”, u është drejtuar trajneri lojtarëve – sidomos në ndeshjen e fundit ju keni treguar rritje dhe nuk e meritonit atë humbje. Nuk duhet të alarmohemi për pikët sepse në valle janë edhe 27 të tjera dhe i keni të gjitha shanset të mos jeni një ndër dy skuadrat që do të zbrisni më poshtë”. Më pas Ndreu ka theksuar për mediat se lojtarët janë treguar shumë dinjitozë në këto javë, madje edhe me rikthimin e një gjendje të kënaqshme financiare ekipi do të ketë mundësinë të bëjë më shumë përpara. “Skuadra që unë drejtoj e ka potencialin për të qëndruar, madje do të ishte mëkat nëse do të binim më poshtë. Megjithatë ndonjëherë futbolli është kapricioz dhe jo më të mirët përfitojnë”.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Mon Mar 31, 2008 7:56 pm Post subject:

Për Kastriotin “shpresa vdes e fundit”
31 Mars Kastrioti arrin të marrë pikën e parë pas gjashtë humbjes radhazi, duke u barazuar me pikë me Teutën dhe Besëlidhjen. Barazimi me Partizanin, i arritur të shtunën, ka rikthyer mjaft optimizëm në radhët e tifozerisë krutane, të cilët kanë qenë lojtari i 12?të dhe e kanë ndihmuar mjaft skuadrën e tyre në këtë “sipërmarrje” që nga përmasat, mund të quhet pa frikë, e madhe. Skuadra, e drejtuar nga Ndreu, është futur në fushë me synimin e vetëm për arritjen e një rezultati pozitiv, gjë që ia ka arritur. Pavarësisht nga mungesat e tre futbollistëve të formacionit bazë, si Hoxha, Shameti dhe Oriand Abazaj, duhet pranuar fakti se zëvendësimi i tyre ka qenë i suksesshëm dhe këtë e fakton vetë rezultati i ndeshjes. Barazimi i Kastriotit është komentuar nga specialistët si shumë i rëndësishëm për ecurinë e skuadrës krutane tani e tutje, parë edhe lojën e mirë që ka zhvilluar skuadra dhe futbollistët e veçantë të saj, si Kalari, Turdiu, Grami dhe i riu Lleshi, i futur në pjesën e dytë nga trajneri Ndreu. “Nuk kam përse ta fsheh entuziasmin”, ka thënë tekniku krutan, në fund të takimit. “Vinim nga gjashtë rezultate negative radhazi dhe ky ishte momenti në të cilin skuadra duhet të tregonte se nuk përputhej me një tjetër rezultat negativ. Mund edhe ta kishim fituar ndeshjen, me rastet që na u paraqitën, por edhe pika e marrë na ngre shumë moralin”, ka shtuar ai. Megjithatë, pavarësisht rezultatit, duhet theksuar se reparti më problematik është vija e sulmit, që po “çalon” nga java në javë. Shtatë ndeshje, 0 gola, do të thotë një “shterpësi” shumë e madhe. “Nuk është se nuk jemi munduar të shënojmë, ju e patë që nuk na eci goli në ndeshjen ndaj Partizanit”, ka thënë sulmuesi tiranas, Erion Rizvanolli.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue Apr 01, 2008 6:13 pm Post subject:

Ndreu: të ruhemi nga vetëkënaqësia
1 Prill Barazimi i arritur nga Kastrioti në fundjavën e kaluar, ndaj Partizanit, i ka dhënë skuadrës krutane pikën e parë pas disa humbjeve radhazi. Për trajnerin Ndreu, më e rëndësishme se pika e fituar ishte paraqitja e skuadrës, e cila luajti pa asnjë kompleks inferioriteti ndaj një kundërshtari, që pretendon për titullin kampion. Megjithatë, tekniku krutan kërkon nga skuadra e tij të mos kalojë në eufori, sepse në fundjavë e pret një tjetër ndeshje e vështirë, sikurse është ajo me Dinamon, që kryeson e vetme në tabelë. Sipas informacioneve që kemi marrë nga zyrat e klubit, ndeshja me blutë do të luhet në stadiumin “Tofik Jashari” të Shijakut. Në ndeshjet e para të fazës së tretë, Kastrioti është ndeshur me skuadrat më të forta, dhe kjo i ngushëllon disi krutanët, kur mendojnë se, pas ndeshjes së kësaj fundjave, do të përballen me skuadra që renditen në katet më të poshtme. Tashmë, Kastrioti ndodhet në pozicionin që nuk e rrëzon direkt një kategori më poshtë, pasi poshtë tij janë Teuta e Skënderbeu, ndërsa një pozicion më lart renditet Besëlidhja. Pikërisht ndeshjet me këta kundërshtarë mund të jenë përcaktuese për vazhdimësinë e kampionatit. Duke u prononcuar për gazetën tonë, trajneri Ndreu është shprehur: “Barazimi ndaj Partizanit ka rritur moralin e skuadrës, por kjo nuk do të thotë që ajo të kalojë në eufori, përkundrazi, duhet të jetë më e motivuar. Nuk duhet të harrojmë se, pas fitores ndaj Vllaznisë, në ndeshjen e parë të këtij viti, kemi pësuar gjashtë humbje radhazi. Me këtë dua të them që pikën e fituar duhet ta lëmë prapa (sigurisht, jo ta harrojmë) dhe të nisim të mendojmë për ndeshjet që kemi përpara, duke filluar nga ajo e radhës, ndaj Dinamos. Barazimi me Partizanin duhet të na vlejë si shembull pozitiv, për të luajtur pa frikë edhe ndaj skuadrës që kryeson kampionatin. Eshtë momenti të themi se çdo ndeshje për ne do të jetë si finale, në përpjekjet për mbijetesë”, ka përfunduar Ramadan Ndreu. Dhe ndeshja me Dinamon, do të jetë me të vërtetë një përballje, më shumë sesa taktike, psikologjike. Kjo, pasi krutanëve, tani, më shumë se kurrë, u duhen pikët për të qëndruar në kategorinë superiore. Teuta dhe Besëlidhja do të luajnë bashkë dhe barazimi ndërmjet tyre do të ishte rezultati më i mirë për krutanët, të cilët duhet të mendojnë të fitojnë ndeshjen e tyre direkte me Dinamon, kryesuesen e kampionatit.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Apr 02, 2008 8:24 pm Post subject:

Lleshi guxon: “Dinamo? Ndoshta, si Partizani”
2 Prill

Eshtë vetëm 19 vjeç, por ndaj Partizanit ishte një ndër lojtarët më të mirë për skuadrën krutane. Edhe pse u aktivizua për vetëm 25 minuta, diti të vërë në vështirësi mbrojtjen e të kuqve. Bëhet fjalë për të riun Erind Lleshi, mesfushorin e djathtë të skuadrës krutane, i cili beson te qëndrimi i Kastriotit në Superiore. “Sigurisht që është shumë e vështirë, por barazimi ndaj Partizanit në “Qemal Stafa” tregoi se skuadra i ka të gjitha forcat për të arritur objektivin që ka. Pas pikës së marrë, morali i lojtarëve është shumë i lartë dhe të gjithë besojnë se Kastrioti do të mbijetojë. Megjithatë, kampionati është ende i gjatë, ndeshjet bëhen edhe më të vështira, kështu që duhet një punë shumë e madhe”. Ka ardhur nga të rinjtë e Dinamos dhe për të është aventura e parë te elitarët. Edhe pse gjatë këtij sezoni nuk është aktivizuar shumë minuta, Lleshi beson se e rëndësishme për të është të tregojë vlerat e tij të vërteta. “Eshtë e qartë që këtë sezon e kam patur të vështirë të luaj shumë minuta, por duhet të dini se ky është vetëm sezoni im i parë. Për momentin jam i kënaqur, edhe pse dëshira ime është të luaj edhe më shumë. Po jap më të mirën time për Kastriotin dhe shpresoj që skuadra të vazhdojë me rezultatet pozitive”, tha Lleshi, i cili guxon të thotë se Kastrioti mund të ndalë edhe kryesuesit e Dinamos: “Do të jetë shumë e vështirë, por ne besojmë te forca jonë. Ata janë kryesuesit e kampionatit, por nëse skuadra luan si me Partizanin, atëherë kemi shanse të mëdha për të marrë pikë”.

Një pikë e marrë dhe gjithçka ka ndryshuar në kampin krutan. Duket fare pak në luftën për mbijetesë që pritet veç të ashpërsohet sa më shumë i afrohemi fundit. Por, ishte një pikë e “rrëmbyer” ndaj kryesuesve, ishte një pikë e marrë në transfertë dhe ishte një pikë e marrë pas një serie humbjesh. “Ishte me shumë vlerë•, mbyll Lleshi.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri Apr 04, 2008 8:22 pm Post subject:

Braho: Ndaj bluve, si me “demat e kuq”
4 Prill Pasi ka lënë prapa barazimin me Partizanin, duke qenë pika e parë e fituar pas gjashtë humbjeve radhazi, skuadra krutane është e përqendruar te sfida e fundjavës me Dinamon. Edhe pse do të përballen dy skuadra me pozicione krejt të kundërta në renditje, ku blutë kryesojnë të vetëm, ndërs Kastrioti është përfshirë në “garën” e mbijetesës, krutanët nuk i tremb aspak ky fakt, kur kanë parasysh atë çka arritën ndaj Partizanit javën e kaluar. Në mesjavë trajneri Ndreu ka zhvilluar një ndeshje kontrolli brenda grupit në kompleksin e Kamzës, ku kanë qenë edhe tre lojtarët e dëmtuar, Shameti, Hoxha dhe Orjand Abazaj. Sipas stafit mjekësor, janë të gjitha mundësitë që ata të jenë të gatshëm në përballjen ndaj Dinamos. Për atmosferën në prag të kësaj ndeshjeje, për gazetën tonë është prononcuar gjirokastriti i mesfushës, Dorian Braho, i cili luan sezonin e parë për Kastriotin. Mesfushori, i biri i të mirënjohurit Sefedin Braho, nuk ka luajtur ndaj Partizanit për shkak se ka qenë i skualifikuar prej kartonave, do të jetë i gatshëm për ndeshjen me Dinamon. “Ne duhet të përfitojmë nga përballja direkte e dy rivalëve tanë për mbijetesë, Teuta e Besëlidhja. Një fitore do të na shkëpuste prej tyre, ndonëse edhe një barazim nuk është se s’do të na kënaqte. Megjithatë, duke lënë mënjanë euforinë, për ta arritur këtë duhet të luftojmë jo pak, pasi dihen forca dhe ambiciet e Dinamos. Por kjo nuk do të thotë që ndaj kryesueses të mos jemi befasues si ndaj “demaveve”. Objektivi ynë është që të paraqitemi sa më denjësisht, pavarësisht nga emri i kundërshtarit, pasi nuk kemi se çfarë të humbasim. Arritja e objektivit final po bëhet gjithnjë e më e vështirë, prandaj çdo ndeshje duhet ta luajmë si një finale, pavarësisht nga emri i kundërshtarit dhe pozicioni që mban në renditje” është shprehur Braho.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sat Apr 05, 2008 2:05 pm Post subject:

Hyka, premtimi për gol dhe pikë
5 Prill Skuadra krutane sot do të ndeshet në stadiumin e Laçit me kryesuesen Dinamo, megjithatë lojtarët e Ndreut janë optimistë se do të arrijnë një prej dy rezultateve pozitive. Barazimi, që Kastrioti arriti një javë më parë në transfertë ndaj Partizanit, ka krijuar një klimë të ngrohtë psikollogjike dhe ka rritur besimin në skuadër. Megjithatë, edhe pse ai rezultat është një nxitje më tepër, tashmë të gjitha “bateritë” janë karikuar te ndeshja e sotme ndaj bluve, ku krutanët do të kërkojnë përsëri një rezultat pozitiv. Këtë ua detyron edhe pozicioni i vështirë që kanë aktualisht në renditje, teksa rrezikojnë t’i bashkohen Skënderbeut në dyshen që zbret një kategori më poshtë. Në kampin e Kastriotit, por edhe sportdashësit krutanë e dinë se sfida e sotme është e vështirë, megjithatë ata thonë se tani çdo ndeshje është si një finale, ku do të kërkohet të merret maksimumi. Situata rëndohet edhe nga fakti se Kastrioti i luan të gjitha ndeshjet në transfertë. Në prag të ndeshjes së sotme, për gazetën tonë është prononcuar sulmuesi Alban Hyka, i cili luan sezonin e parë me skuadrën krutane. “Do të luajmë një ndeshje të fortë, pasi përballë kemi skuadrën e kreut, por ky fakt nuk na tremb. E vërteta është që sulmi i Kastriotit nuk ka funksionuar si duhet, kur në shtatë ndeshje radhazi s’kemi shënuar asnjë gol. Dihet që detyra e sulmuesit është pikërisht të bëjë gola, ndaj unë premtoj se do të bëjmë të gjitha përpjekjet të shënojmë që në këtë ndeshje, pavarësisht se do të shënoj unë apo ndonjë nga lojtarët e tjerë ? është shprehur Hyka. ? Rëndësi ka që skuadra të arrijë një nga dy rezultatet pozitive, ndryshe pozitat tona do të përkeqësoheshin. Duke qenë se ndeshja do të luhet në Laç, u bëj thirrje sportdashësve krutanë të vijnë e të na mbështesin dhe shpresojmë se nuk do t’i zhgënjejmë” ka përfunduar sulmuesi shkodran i Kastriotit, 22?vjeçari Alban Hyka.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Kategoria e Pare	All times are GMT + 1 Hour Page 1, 2 Next
Page 1 of 2