KS Tomori Berat

Partizani_One · Posted: Fri Feb 01, 2008 6:17 pm Post subject: KS Tomori Berat

Tomori dy “ish” për stolin: Por duam përforcime
1 Shkurt Tomori ka shpërndarë më në fund rrogat për skuadrën, ndërkohë që Bashkia ka rritur edhe grandin për klubin në buxhetin e vitit 2008. Tani e gjithë vëmëndja është po i kushtohet emërimit të teknikut të ri. Nga vetë kryebashkiaku Nasufi, bëhet e ditur se kanë nisur tratativat për emrin e ri të pankinës beratase. Më konkretisht dy janë emrat, prej të cilëve Nasufi do t’i besojë fatet e Tomorit në fazën e dytë. Emri i parë është ai i Andrea Xeblatit, ish?trajner i Tomorit në vitet 80 dhe aktualisht specialist i futbollit në Berat. Ndërsa kandidatura e dytë është ajo e Theodhori Arbrit, më të madhit të kësaj familje futbollistike, i cili e ka drejtuar dhe më parë në periudha të ndryshme, herë i vetëm dhe në të shumtën e sezoneve si ndihmës i I mikut të tij, Kristaq Mile. Por duke ditur se për momentin askush i vetëm, nuk ka dhënë “Ok”, pritet të marë jetë dhe alternativa që të dy së bashku të drejtojnë Tomorin në fazën e dytë. Por ndërkohë trajnerët, kanë vënë edhe disa kushte, njëra prej të cilave është garancia financiare, kusht ky i plotësuar sipas krybashkiakut, por dhe disa përforcime. Mësohet te kandidaturat e mësipërme, sidoqoftë hezitojnë për shkak të gjendjes aktuale të Tomorrit. Ndonëse në parim Xheblati dhe Arbri, nuk thonë “jo”, ata këmbëngulin për përforcimet duke e cilësuar atë si “nyjen” kryesore të zgjidhjes së krizës beratase dhe garancisë për të qëndruar në kategorinë e parë. Pasi të sigurohen për këtë, atëherë mund të vijë edhe zyrtarizimi i tyre.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sat Apr 26, 2008 1:53 pm Post subject:

Në Berat, “aksion” kundër ultrasve
26 Prill Drejtuesit e klubit të Tomorit, kanë hedhur idenë që duke u nisur nga takimi me Luftëtarin, deri në përfundim të kampionatit, të bëhet spostimi i tifozerisë vendase (ultrasve) nga tribuna qendrore në pjesën përballë saj, në mënyrë që të evitohen problemet që kanë ndodhur më parë. Ndonëse në prag të takimit me Luftëtarin ultrasit kanë dhënë fjalën se nuk do të sjellin trazira, përsëri meraku nga stafi drejtues është prezent. Të ndodhur në pjesën ku poshtë tyre gjendet pankina e mysafirëve, shpeshherë ngacmimet kanë shqetësuar jo pak. Mirëpo të informuar për shqetësimin e tyre, ultrasit nuk janë shprehur aspak dakord me këtë ide. Një prej drejtuesve të grupimit “Ultrasit”, Pano Buali, thotë: “Nuk më duket ide e mirë. Në këtë rast kemi dhënë fjalën dhe jo vetëm në këtë takim por deri në fund të kampionatit nuk do t’i sjellim probleme Tomorit, madje do ta mbështesim deri në fund atë. Por s’na duket ide e mirë për të na spostuar pasi në fund të fundit, vendi ynë është në tribunën qëndrore”? përfundon Buali.

Policia? Mbarëvajtja sa më e mirë e takimeve, që do të zhvillohen në Berat, jo vetëm atij me Luftëtarin, ka futur në lojë dhe vetë kreun e drejtorisë së policisë së qarkut, Premçi. Ai ka dalë dje dalë dje në median vizive lokale dhe ka bërë thirrje për një angazhim të të gjithë faktoërve për t’i shërbyer rregullit dhe qetësisë në stadium. Rasti i shëmtuar i dhunës pas përfundimit të takimit me Dajtin, ka bërë që në këtë rast të merren masa për të mos u përsëritur më ato probleme. Vetë drejtori Premçi për gazetën tonë shprehet: “Berati shquhet për një kulturë të njohur qytetare, ndërsa skuadra e Tomorit për traditën në futboll. Këto dy elementë duhen gërshetuar më së miri në çdo rast dhe kohë të ndryshme. Ngjarja pas takimit me Dajtin la pas një shije të hidhur dhe për të marë masat e duhura, për të mos u përsëritur më ato ngjarje, gjej rastin që përveç angazhimit tonë ti bëj thirrje tifozerisë beratase, atij grupi të vogël që sjell probleme që jo vetëm për miqtë por dhe për vetë skuadrën e Tomorit që e mban në trysni, të reflektojë qetësi dhe kulturë në stadium dhe ta përkrahë skuadrën e zemrës. Fitorja ndaj Bilisht Sport në Çorovodë tregoi këtë aspect, se jo vetëm Tomori di të fitojë por dhe se tifozeria di të mbajë një qëndrim korrekt. Unë kërkoj nga klubi dhe drejtuesit e skuadrës që të punojnë më shumë në këtë drejtim, por dhe nga vetë futbollistët duhet një kontribut i madh. Shpesh acarimi i tifozerisë beratase vjen jo vetëm nga gjykimet, por dhe nga veprimet nxitëse të futbollistëve në fushë. Ndaj të gjithë sëbashku të bëjmë më të mirën që në Berat të mos flitet as për dhunë dhe as për një tifozeri që sjell probleme. Berati i takon që të shfaqë një kulturë sa të vjetër aq dhe qytetare”? përfundoi kreu i policisë së qarkut Berat Premçi
_________________
Ngjyr e kuqe ngjyr dashnie e ka frik cdo mi bashkie

admin · Administrator Joined: 10 Jan 2008 Posts: 1870 Status:

_________________
FutbolliShqiptar.net

K.F. LAÇI · Posted: Thu May 08, 2008 11:06 pm Post subject:

Shyqyr qe iken kto plehrat. Laughing

_________________
Oleee Oleee Oleeee Oleee kush esht me Industrialin te vije ketu me ne!!!!!!!!

	Futbolli Shqiptar Forum Index -> Kategoria e Pare	All times are GMT + 1 Hour
Page 1 of 1