Nga mbledhja e KE të FFK-së

Register · Status:

ALBSPORTNEWS · I/E Porsaardhur Joined: 04 Aug 2008 Posts: 5 Status:

Komiteti Ekzekutivi(KE) i FFK-së, sot mbajti mbledhjen radhës nën drejtimin e Fadil Vokrrit kryetar. Në këtë mbledhje u shqyrtua dhe u miratua Raporti financiar për periudhën e gjashtëmujore. KE ka shqyrtuar dhe miratuar ndryshimet dhe plotësimet e Rregullores së garave të lojës së futbollit, Propozicionet e garave për kampionatin 2008/2009 si dhe Rregulloren disiplinore. Po ashtu KE në përputhje me dispozitat e Statutit të FFK-së ka marrë vendim që të themelohet Komisioni për Çështje të gjyqtarëve, ndërsa përbërja e tij do të përcaktohet pas konsultimeve nëpër rajone. Në këtë mbledhje KE ka zgjedhur edhe përfaqësuesen e futbollit të femrave si anëtare të KE e kjo është Vjollcë Krasniqi. KE mori vendim që të themelojë Ligën e futbollit të femrave dhe fton klubet e femrave ekzistuese dhe ato që të formohen që t’i nënshtrohen regjistrimit të tyre në FFK në përputhje me Ligjin për sport dhe aktet tjera nënligjore. Ndonëse më herët ishte përcaktuar si datë e zhvillimit të ndeshjes revyale të superkupës së Kosovës ndërmjet kampionit të Kosovës Prishtinës dhe fituesit të kupës së Kosovës Vëllaznimit, data 16 gusht, KE pasi shqyrtoi kërkesat e klubeve miratoi kërkesën tyre dhe për datë të zhvillimit të kësaj ndeshje caktoi 27 gusht, ndërsa ndeshja do të zhvillohet në Prishtinë. Po ashtu për organizimin e kësaj ndeshjeje KE ka marrë vendim që të hap tender, që pastaj do të caktohet edhe organizatori i këtij takimi. Shorti për kampionatin 2008/2009 do të hidhet më 8 gusht në orën 12.00, ndërsa KE u bën thirrje klubeve që ende nuk janë licencuar në FFK- ta bëjnë një gjë të tillë, ndryshe nuk do të përfshihen në short më 8 gusht.

_________________
Jam Shqiptar
Jo Kosovar se populli Kosovar kur ska ekzistu kjo eshte genjeshter dhe Kosova eshte Shqiperi

	Futbolli Shqiptar Forum Index -> Futbolli Kosovar	All times are GMT + 1 Hour
Page 1 of 1