SK Flamurtari Vlore

admin · Administrator Joined: 10 Jan 2008 Posts: 1870 Status:

team e flamurtarit
_________________
FutbolliShqiptar.net

Partizani_One · Posted: Thu Jan 24, 2008 9:39 am Post subject:

he pra mo se u vonove Laughing

_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Jan 24, 2008 9:51 am Post subject:

Veliu, me “kostum” titullari
23 Janar Duke parë ndryshimet e mundshme që ka bërë në formacionin e parë në ndeshjet miqësore, të zhvilluara deri tani nga Flamurtari, bie në sy fakti se trajneri Memushi duket se e ka gjetur zëvendësuesin e mbrojtësit të majtë, Liridon Leci, të larguar nga skuadra. Ai është 19 vjeçari Franc Veliu. Të paktën, deri tani, duket se tekniku vlonjat e ka ndarë mendjen që këtij djaloshi me të ardheme t’i hapë një vend në formacion. Por, vetë Veliu, i cili në pjesën e parë të kampionatit është aktivizuar më shumë si zëvendësues, ka kërkuar një vend të tillë në formacionin e parë, edhe pse zgjidhjet kanë qenë pak të vështira. Siç duket, tani, ka ardhur momenti që mbrojtësi i ri ta kërkojë me ngulm kostumin e titullarit në skuadër. Por, nga ana tjetër, jo vetëm trajneri Memushi, por edhe pjesa tjetër e stafit drejtues, ka filluar t’i besojë më shumë në lojën që kryen ky futbollist. “Që në fund të sezonit të kaluar, kur mu hap dera për të ardhur tek skuadra e parë, kam besuar gjithnjë në vete se do të vijë momenti për të qenë titullar në skuadrën e parë. Tani më duket se ky momenet ka ardhur. Unë po punoj fort të justifikoj besimin që më jep trajneri në çdo ndeshje. Jam aktivizur si mbrojtës i majtë në të gjitha ndeshjet miqësore që janë zhvilluar deri tani dhe shpresoj të vazhdoj kështu në të ardhmen”, janë fjalët e para që shpreh mbrojtësi i ri vlojnat, Veliu. Por, edhe vetë futbollisti e ndien dhe e ka kuptuar se nuk është e lehtë të fitohet vendi i titullarit në një skuadër si Flamurtari, ku rivaliteti dhe konkurenca për të qenë në formacionin e parë është e madhe. Gjithsesi, duke qenë se mbrojtësi 19 vjeçar, Franc Veliu, beson shumë në forcat dhe mundësitë e tij, për të realizuar atë që dëshiron, ai nuk harron të shprehet së është optimist. “Kemi kryer një stërvitje me ngarkesë të madhe dhe të them të vërtetën, jemi pak të lodhur. Megjithatë, mendoj se do ta marrim shpërblimin e kësaj pune në ndeshjet e ardhshme të kampionatit”. Duke iu kthyer muajve të mëparshëm të karrierës së re sportive spikasin dy momente:

Momenti i parë- Në bilancin e ndeshjeve për kampionat, të zhilluara deri tani nga Flamurtari, talenti 19 vjeçar mban autorësinë e dy golave të shënuar. Atë të ndeshjes së parë ndaj Tiranës - ku vlonjatët patën fituar me rezultatin 1-0 - dhe atë ndaj Skënderbeut në Vlorë, ku, Veliu, me golin e shënuar zhbllokoi barazimin e përkohshëm. Këto momente nuk harrohen lehtë nga futbollisti, ndaj dhe premton: “Mos të mendojë kush se, duke qenë në repartin e prapavijës, unë nuk mund të shënoj dot. Jam një tip i tillë që përveç detyrës që kam për të mbuluar kundërshtarin, “i gjuaj” me kujdes rastet pranë portës kundërshtare në goditjet e dënimit, apo ato të këndit për të shënuar gol. Besoj shumë se do ta kryej mirë detyrën”.

Momenti i dytë - Edhe pse Franc Veliu është vetëm 19 vjeç, ai është thërritur disa herë në “zboret” stërvitore nga trajneri i përfaqësueses U-21, Artan Bushati. Gjithsesi edhe pse nuk ka arritur dot të shohë aktivizimin deri tani në skuadër më shumë se një herë, ai shpreson tek e ardhmja. “Objektivi im i dytë është që të fitoj vendin e titullarit dhe besimin e trajnerit Bushati tek ekipi kombëtar i 21-vjeçarëve. E di që nuk është e lehtë, por shpresoj shumë. Në dy ndeshjet e ardhshme të kombëtares Jr., atë miqësore të 6 shkurtit me Maqedoninë dhe të 26 marsit për kualifikuesen në grup, me Greqinë, që do të zhvillohet në Vlorë, dëshiroj të jem në fushën e lojës”, mbyll prononcimin e tij, Veliu.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri Jan 25, 2008 1:43 pm Post subject:

.Bega, në kërkim të golave të munguar
24 Janar Pas dy javë përgatitje në Leçe të Italisë, dje paradite skuadra e Memushit është kthyer në Vlorë

Pasi kanë mbërritur me traget nga Italia, dje kemi kontaktuar me futbollistët vlonbjatë, që për dy javë u stërvitën në një qendër stërvitore në Leçe. Njëri prej tyre, mesfushori i majtë, Halim Bega, është prononcuar për gazetën tonë.

- Bega, cili është vlerësimi juaj për përgatitjen që Flamurtari zhvilloi në Leçe?

- Jemi stërvitur me ngarkesa të larta, ndaj dhe ndihemi pak të lodhur. Por në ditët në vazhdim ngarkesa do të vijë në ulje dhe ne do të jemiu plotësisht të gatshëm për rifillimin e ndeshjeve të kampionatit dhe ato të kupës. Stafi teknik ka qenë kërkues, sepse edhe pretendimet e skuadrës sonë janë për më lart. Mendoj se gjatë këtyre ditëve, skuadra është dalluar për punë serioze dhe disiplinë të lartë.

- U luajtën vetëm dy ndeshje stërvitore miqësore...

- Dëshira e stafit ka qenë për të luajtur edhe ndonjë tjetër, por kjo nuk varej vetëm nga ata, pasi skuadrat italiane të të gjitha niveleve ishin të impenjuara në kampionatet e tyre.

- Ju pëlqen roli i mesfushorit të majtë, ku Memushi mendon se jepni më shumë?

- Më duket se trajneri më ka gjetur pikërisht vendin, ku unë kam më shumë dëshirë të luaj. Në fakt, në ndeshjet e kampionatit, përveçse kam luajtur si mbrojtës, jam aktivizuar dhe në këtë rol. Më pëlqen kjo detyrë, sepse jam më pranë portës kundështare dhe do të më krijohet mundësia të gjuaj drejt saj dhe të shënoj.

- Deri tani keni shënuar vetëm një gol...

- Për mendimin tim, është fare pak. Tani shpresoj shumë se do t’i gjej golat e munguar, kur dihet që më pëlqejnë gjuajtjet nga distanca. Nuk është aspak çudi, nëse do të shënoj gola të tjerë.

- Keni filluar të mendoni për ndeshjen me Shkumbinin?

- Kemi disa ditë që si skuadër po përgatitemi pikërisht për këtë ndeshje. Do të luajmë në fushën dhe na duhet patjetër fitorja, për t’ua kaluar peqinasave në renditje.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sat Jan 26, 2008 12:23 pm Post subject:

Memushi, në fokus tani Shkumbini
25 Janar Pas kthimit nga Leçe, skuadra vlonjate ka pushuar vetëm një ditë dhe dje paradite i është kthyer stërvitjeve, madje me dy seanca, paradite dhe pasdite. E veçanta e stërvitjes së djeshme qëndronte në faktin se me skuadrën ishin bashkuar mbrotjësi Rinald Bedini, i cili nuk mori pjesë në zborin në Leçe për arsye të një dëmtimi, ndërsa ka vazhduar të stërvitet me Apoloninë, si dhe ndihmëstrajneri Ardi Behari, që ndiqte kursin e trajnerëve. Që në pamjen e parë duket serioziteti dhe impenjimi i futbollistëve, ndërsa trajneri Memushi lë të kuptohet se është fokusuar thuajse tërësisht në ndeshjen me Shkumbinin. “Ngarkesat janë ulur, por përqendrimi në përgatitje është rrritur më tepër”, shprehet tekniku, duke shtuar: “Ndeshja e javës së ardhshme për kampionat, me Shkumbinin, ka shumë rëndësi për skuadrën tonë. Një rezultat pozitiv do të thotë që t’u marrim vendin në klasifikim peqinasve. Ndërsa një rezultat negativ, ku fus edhe barazimin, do të thotë hap prapa për skuadrën tonë. Ndaj u kam kërkuar futbollistëve të jenë tepër të motivuar, duke filluar që në stërvitjet e këtyre ditëve, pastaj dhe në ndeshje, për ta kaluar me sukses këtë provë të vështirë në fushën tonë”.

Në pritje të sulmuesit të premtuar - Si edhe për skuadrat e tjera, dhe për Flamurtarin, në këto ditë të merkatos nuk kanë munguar hamendësimet më të ndryshme për afrimin e një sulmuesi. “Eshtë fakt se ne po bëjmë tetativa për të afruar një sulmues, por asgjë nuk është konfirmuarzyrtarisht” ka sqaruar sekretari i klubit, Geri Çipi, për më tepër që, sipas tij, nuk bëhet aspak fjalë për një sulmues slloven, sikurse po flitet. Sipas burimeve, në kampin vlonjat po operohet në pistën e kampionatit tonë dhe të atij serb. Nëse brenda kësaj jave nuk merret një përgjigje pozitive, atëherë trajneri Memushi duhet të bëjë zgjidhjet me sulumesit që ka dispozicion: Mema, Cani, Rustemi dhe Shehaj.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue Jan 29, 2008 1:02 pm Post subject:

Çipi: Nuk e kemi mbyllur merkaton
28 Janar

Zyrtari i parë i klubit të futbollit Flamurtari, Geri Çipi, në një pronocim për shtypin është shprehur se skuadra vlonjate nuk e ka mbyllur merkaton dimërore. “Ne do të shfrytëzojmë në maksimum kohën, deri ditën dhe orën e fundit, për të formatuar atë skuadër, që dëshirojmë për pjesën e dytë të kampionatit” ka thënë Çipi. Në këto kushte, natyrshëm lind pyetja, se për çfarë përforcime të tjera flitet te Flamurtari. Sipas burimeve, mësohet se lëvizjet po bëhen për dy futbollistë cilësorë: një mbrojtës e tjetri sulmues. Drejtuesit e pranojnë këtë fakt si nën zë, megjithatë, në plan të parë është një sulmues me aftësi të spikatura shënimi.

Deri tani janë provuar angolezi i kampionatit skocez, Kuitinga, ndërsa të shtunën, në miqësoren me Luftëtarin, edhe serbi Vlladan Tintor, por që të dy nuk bindën. “Ne kërkojmë sulmues që të jetë në formë sportive dhe aftësi shënuese, që të mos jetë poshtë nivelit të atyre që kemi në skuadër” ka sqaruar Çipi. Sipas tij, të dy të provuarit, si Kuitinga, ashtu dhe Tintor nuk kanë rezultuar të atij niveli që kërkon stafi teknik. Ndërkaq, burimet konfirmojnë se menaxherët, që po punojnë në pistën e jashme, i kishin vetë me dyshim këta dy futbollistë, por duke parë këmbënguljen e vlonjatëve, tentuan t’ua ngecnin. Në shënjestër të Flamurtarit, për të cilin është folur se mund të vinte, është sulmuesi serb 25-vjeçar, Dezhan Bozinoviç, që në dhjetë ndeshje ka arritur të shënojë gjashtë gola. Ndërsa dukej se bisedimet me të ishin drejt përfundimit, gjërat janë përmbysur krejt papritur, pa dhënë asnjë shpjegim, edhe pse ana financiare ishte e garantuar. Një muaj më parë vlonjatët kanë ndjekur edhe sulmuesin kroat Staniç, i cili u provua dhe te Besa, por janë tërhequr shpejt. Pra, përpjekjet për një sulmues nuk kanë munguar, por gjithnjë në pistën jashtë vendit. “Kërkesat tona janë shumë normale, - shpjegon sekretari Çipi, - por sulmuesit janë të pakët”. Gjithsesi, drejtuesit e skuadrës vlonjate do të tentojnë deri në momentin e fundit të merkatos, për të gjetur sulmuesin që u duhet.
_________________
Ngjyr e kuqe ngjyr dashnie e ka frik cdo mi bashkie

admin · Administrator Joined: 10 Jan 2008 Posts: 1870 Status:

Kane bere stervitje ne Lecce, nuk mbahen me tani Futboll 2

_________________
FutbolliShqiptar.net

Partizani_One · Posted: Wed Jan 30, 2008 5:06 pm Post subject:

eufori e madhe Surprised

_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Jan 30, 2008 5:38 pm Post subject:

Flamurtari prezanton blerjet, plot 4 të tilla

Elton NIKA
30-01-2008
Mail Print

Flamurtari prezanton lojtarët e mbërritur gjatë merkatos dimërore. Alvizh, Dedaj dhe 27-vjeçari Mate Bjakoviç, ish-lojtar i Rijekës në kampionatin kroat, janë prezantuar në një konferencë për shtyp nga sekretari i klubit Geri Çipi dhe trajneri Memushi. E reja ka qenë zyrtarizimi i sulmuesit 27-vjeçar kroat Bjakoviç, i cli vetëm dy ditë më parë pati mbërritur në Vlorë, ndërkohë që do të jetë pjesë e Flamurtarit për pjesën e mbetur të sezonit, ndërsa vjen nga kampionati kroat dhe pikërisht nga ekipi i kategorisë së parë Rijeka. Së bashku me lojtarët kroatë, pjesë e Flamurtarit do të jetë edhe mesfushori Besmir Arifaj, një njohje e vjetër e vlonjatëve, teksa është aktivizuar sezonin e kaluar për ngjyrat kuqezi, ndërsa në pjesën e parë të sezonit ka luajtur për Kastriotin e Krujës. Sipas sekretarit të klubit Çipi, zyrtarizimi i katër lojtarëve mbyll edhe merkaton dimërore të Flamurtarit, për të menduar tashmë për takimin e parë ndaj Shkumbinit dhe realizimin e objektivave, që është renditja në mes 6 ekipeve më të mira. "Merkatoja e Flamurtarit tashmë ka përfunduar, duke afruar lojtarë cilësorë, të cilët i ndiqnim prej kohësh dhe nuk mund të themi që mbërritja e tyre është thjesht rastësi.

Janë lojtarë që vlejnë dhe këtë do ta tregojnë edhe në përfaqësimet e tyre me Flamurtarin në pjesën e mbetur të sezonit. Si tre lojtarët kroatë, ashtu edhe Arifaj, do t'i japin diçka më shumë Flamurtarit për të arritur synimet e veta, të cilat e theksoj, janë ambiciozë për këtë pjesë të mbetur të sezonit," ka theksuar Çipi, ndërsa la të nënkuptohej që një tjetër synim i vlonjatëve do të jetë edhe Kupa e Shqipërisë. Ndërkohë trajneri Eqerem Memushi ka vlerësuar lojtarët e mbërritur, duke theksuar se ekipi vlonjat është tashmë i kompletuar, ndërsa në fjalën e tij ka përforcuar objektivin për vlonjatët, daljen në Europë përmes Kupës së Shqipërisë. "Flamurtari është një ekip ndryshe dhe kjo tregohet me prezantimin e kryer, teksa ka nisur të mendohet jo vetëm për sezonin aktual, por edhe për sezonin tjetër dhe mbetet ky një fakt lidhur edhe me aktivizimin e lojtarëve të rinj në radhët e Flamurtarit, të cilët nuk janë të paktë. Duke dalë tek objektivat, veç renditjes mes 6 ekipeve më të mira, synimi mbetet Kupa e Shqipërisë, për të synuar më pas Europën," është shprehur Memushi. Në fund të tre lojtarët kroatë Alvizh, Dedaj dhe Bjakoviç janë prezantuar me fanellën e Flamurtarit, fanellë të cilën do ta mbajnë veshur për pjesën e mbetur të sezonit, duke shpresuar të japin më të mirën për të dhe synimet që ka Flamurtari. Prezantimi i djeshëm i jep fund merkatos dhe fazës përgatitore për vlonjatët, të cilët afrojnë tashmë katër lojtarë, ndërsa vëmendja përqëndrohet në takimin e 2 shkurtit ndaj Shkumbinit, ndeshje të cilën Flamurtari synon ta nisë me këmbë të mbarë, që mbetet fitorja, ashtu siç edhe u deklarua nga vetë drejtuesit e Flamurtarit.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Jan 30, 2008 5:40 pm Post subject:

Një koloni kroate zbarkon në Vlorë
30 Janar Dje më mesditë drejtuesit e Flamurtarit kanë prezatuar blerjen e tyre më fundit, sulmuesin kroat, Mate Brajkoviç. Me këtë futbollist, vlonjatët e kanë mbyllur merkaton. E veçanta e kësaj merkatoje ka qenë se të tre përforcimet - Dedaj, Alvizh dhe Brajkoviç - vijnë nga i njëjti vend, Kroacia. Siç duket, vlonjatët, që kanë mbetur të kënaqur nga kontributi që kanë dhënë deri tani në skuadër, Paniç dhe Zhunior (të ardhur po nga kampionati kroat), janë “dashuruar” me futbollistët e këtij vendi. Shkurt, Flamurtari do të ketë në radhët e tij pesë futbollistët të tillë, që përbëjnë “taborrin kroat”:

Panic - Brako Paniç, mbrotjës. Eshtë 29 vjeç dhe pëlqen të luajë në qendër të mbrojtjes. Deri tani ka zhvilluar 16 ndeshje me fanellën e Flamurtarit dhe është dalluar për shpirtin e lartë të garës dhe zbatimin e detyrave te ngakuara. Gëzon respektin e drejtuesve dhe futbollistëve të skuadrës, ndaj është menduar t’i besohet shiriti kapitenit Ka ardhur nga skuadra kroate Osjek. Më parë është aktivizuar me skuadra të tjera të kampionatit të vendit të tij dhe për më shumë se një vit, edhe në Malajazi. Ka lidhur kontratë për një vit e gjjysmë me Flamurtarin.

Zhunior - Flavio Zhunior, mesfushor. Edhe pse është me origjinë brazialiane, mban nënshtetësinë kroate. Është 22 vjeç, i martuar dhe një djalë një vjeç. Skuadra e tij e fundit ka qenë ajo e kategorisë së dytë, Selin. Ka ardhur tek Flamurtari në fillim të kampionatit; ka zhvilluar 16 ndeshje dhe ka shënuar dy gola. Shquhet për përdorimin e mirë të topit dhe pasimet e sakta. Shpesh është ankuar për lojën e rëndë të mbrojtësve kundërshtarë ndaj tij. Ka lidhur kontratë për një sezon me Flamurtarin, me opsion edhe për një vit tjetër. Është një tip i çiltër dhe i pëlqen shumë dhe muzika.

Dedaj - Anton Dedaj është mesfushor. 28-vjeari vjen tek Flamurtari nga skuadra suedeze Orebro, ku është aktivizuar në sezonin e fundit. Është me origjin shqiptare dhe e flet shumë mirë gjuhën shqipe. Zakonisht pëlqen të luajë në krahun e djathtë të mesfushës dhe shquhet për shpërthimet e tij. Vite më parë ka arritur të aktivizohet me skuadrat e elitës së kampionatit kroat. Nisur nga ky fakt, ish-trajneri ekipit kombëtar, Bariç, e ka grumbulluar në një nga nga zboret e tij, në Antalia të Turqisë. Mospajisja në kohë me pasaportën shqiptare ka penguar dëshirën e tij për të veshur fanellën kuqezi. Në ditët e para të janarit ka firmosur për Flamurtarin për një vit e gjysmë.

Alvish - Robert Alvizh, mesfushor qendre. Eshtë 24 vjeç dhe vjen nga skuadra kroate Nexhimuri. Eshtë një lojtar me përgatitje të mirë fizike dhe merr përsipër organizimin e manovrës sulmuese. Në fazën përgatitore të zhvilluar në Leçe, trajneri Memushi, në testet dhe ndeshjet miqësore të zhvilluara, i ka besuar detyrën e mesfushorit të vendosur përpara mbrotjes. Në këtë pozicion, së bashku me Zeqirin, Alvizh formon një dyshe interesante. Ka lidhur kontratë për një vit e gjysmë me Flamurtarin.

Brajkovic - Mate Brajkoviç, sulmues, 27 vjeç. Eshtë prezantuar dje tek skuadra e Flamurtarit dhe menjëherë është vënë nën urdhrat e trajnerit Memushi, për ndeshjen e ditës shtunë ndaj Shkumbinit. Pas disa tratativave - janë marrë në provë edhe dy sulmues të tjerë, që nuk kanë bindur - duket se, me kroatin sallaks, vlonjatët kanë goditur në shenjë. Ky sulmues, më parë ëqshtë aktivizuar me skuadrën austriake, Admira Vaker, dhe ato kroate, Zadar dhe Rjeka. Që në stërvitjen e tij të parë, Brajkoviç u prezantua si një partner i mirë i korçarit, Denis Mema. Edhe Mate ka firmosur për një vit e gjysmë.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Superliga	All times are GMT + 1 Hour Page 1, 2, 3, 4, 5, 6 Next
Page 1 of 6