Zbori ne Turqi

Partizani_One · Posted: Thu Jan 17, 2008 12:53 pm Post subject: Zbori ne Turqi

Turqia, jo vetëm...futboll
17 Janar Prej këtu, deri në Siri, mund të pushosh i lirë në mënyrë të organizuar dhe pa stresin se, për gjithçka që bën, duhet të paguash. Dakord, mungon fantazia, mungon befasia e të pushuarit, por në fund të fundit, “dhimbjet e kokës” janë një term i panjohur për të gjithë. Në të shkuarën një nga perandoritë më të sofistikuara dhe më uzurpatore të kontinentit, turqit e sotëm jetojnë mes ëndrrës për t’u konsideruar pjesë e rëndësishme e Europës, dhe së shkuarës që i mban gjithnjë peng: xhamive pa fund dhe veshjes e sjelljes karakteristike. Në aeroportin e Stambollit, një nga më të mëdhenjtë e kontientit më të vjetër në Botë, i sheh nga të gjitha. Mund të hasësh djem të rinj, që mbajnë mjekër të gjatë dhe... celular Nokia të tipit të fundit, por dhe femra që, poshtë ferexhesë, kanë aplikuar aktualitetin e modës në gjithë Europën. Mos u habisni, kjo është Turqia, vendi ku feja është një mit dhe ta kundërshtosh atë është një çmenduri. Gjithnjë ajo muslimane. Shqiptarët, për hir të së vërtetës, shihen me një sy ndryshe. Për një që ka qenë disa herë në Greqi e di mirë këtë gjë. Provoni të thoni “Albania” në fiqnjët jugorë: do të ndeshni përjetime nga të të ndryshmet, që fillojnë me një shprehje skpeticizmi dhe me një shtrembërim aspak të këndshëm të fytyrës. Këtu është ndryshe. Që në pikën kufitare, ku përfitohen miliona euro vetëm nga ato 10 të vizës. “Ah, arvanit! Ju jeni vëllezërit tanë”. Të duket vetja i privilegjuar, por kur sheh që turqit sillen kështu me të gjithë, madje edhe me helenët, e kupton që kjo është një strategji për të mos ia prishur askujt që kalon vijën e kufirit. Me pak fjalë, “bëjmë gjithçka për ju, turistë”. Edhe në futboll, mbi të gjitha, në futboll, që po kthehet dalëngadalë në një mit. Si edhe feja. Një fe më vete praktikisht. Rrugët e Stambollit janë të ndara, edhe sportivisht. Një madje ka një flamur gjigant mbi kokë, që ka ngjyrat verdheblu. Fenerbahçe. “Këta janë më të çmendurit, pastaj vijnë tifozët e Gallatës”, thotë një turk në aeroportin e Stambollit. “Por edhe ju keni lojtarë të mirë”. Bushi, gjithnjë Bushi? “Jo është edhe Duro”. Tani Shqipëria nuk eksporton më lojtarë në tokën turke. Bushi, dikur e ka spjeguar: me rritjen e madhe të futbollit turk, në gjashtë skuadrat kryesore nuk ka më lojtarë nën 1 milionë euro kontratë në vit. Shqiptarët janë vite larg. Sepse, lojtari më i paguar në tokën kuqezi është 150 mijë euro...

....

Të gjithë thonë, “po shkojmë në Antalia”, por në të vërtetë, në Antalia nuk ka pothuaj asgjë. Të paktën përsa i përket qëllimit të vizitës. Pushimit. Është vetëm një objekt lidhës, jo kaq i parëndësishëm, aeroporti, nga i cili nisen atubouzë pafund drejt distancash që shkojnë maksimumi tre orë nga pika e nisjes. Nuk ëhtë e vërtetë që mund të lahesh lirisht në det, sepse temperaturat janë të atilla që nuk e lejojnë këtë luks. Por, që mund të bësh pushime të ngjashme me ato veroret, kjo është një gjë absolutisht e vërtetë. Të paktën deri në orën 17:00 ka një diell të ëmbël që të krijon mundësinë ta shijosh. Edhe nëse ka ndonjë që nuk e preferon erën me lagështirë, pishinat e mbyllura, saunat dhe banjot turke janë gjithnjë një komoditet. Turqit kanë bindje që, nëse kërkon të organizosh si duhet diçka, gjen gjithnjë forma për t’i kënaqur të gjithë. Edhe në futboll. Skuadra përfaqësuese shqiptare, për shembull, në resortin gjigant “Limra”, ka një detaj interesant, ashtu sikundër të gjitha skuadrat që pushojnë dhe stërviten në këtë periudhë në këtë ambient: shiritat që mbajnë nëpër duar, përmes të cilëve mund të akitvizojnë ofertën për të cilën kanë paguar, janë me ngjyrë të kuqe. Përkthimi: jo alkol, as ditën, as natën. Një masë jo për t’u nënvlerësuar. “Sepse, nëse mban një shirit të tillë, lojtarët frenohen të shkojnë edhe në diskon e natës”, spjegon një nga drejtuesit e ekuipazhit kuqezi. Është vetëm një detaj, që nuk e repsekton gjithsesi trajneri i përfaqësueses sonë, Han. Me një birrë përpara, që në ndonjë rast shumëfishohet, tekniku kuqezi e tregon qartë raportin e mirë që ka me alkolin e lehtë. Dëshmitarët të thonë se, edhe paraardhësit kanë pasur një raport po kaq interesant me pijet “e ndaluara”. Madje ka nga ata që vënë bast se, Han, kurrsesi nuk mund të thyejë rekordet e Brigelit për sasinë e verës së pirë. Han është një “prerje” tjetër, preferon birrën.

...

Fushat stërvitore janë të ngjashme me atë që klubi i Tiranës e ka realizuar në “Skënder Halili”. Janë jo më shumë se pesë minuta në këmbë larg hotelit. Kur mendon se si Tirana e propagandoi aq bukur atë fushë në perfieri të Tiranës, e kupton se klubi dhe futbolli shqiptar kanë bërë shumë pak. Milje larg Stambollit ka dhjetra fusha të së njëjtës cilësi me atë të skuadrës kampione shqiptare. Ndryshimi është që kampionët tanë kënaqen me një. Stambolli ka qindra të tilla. Duhet të ketë qenë një arsye përse turqit arritën vendin e tretë në Kupën e Botës në vitin 2002. Është kaq dëshpëruese për ne, kur mendon që në vitin 1982, të paktën në infrastrukturë dhe në rezultate ishin kundërshtarë të denjë të fanellës kuqezi.

...

Hoteli nuk është një i tillë sportiv, po përdoret edhe për futboll. Sidomos në janar, kur fluksi i pushuesve është jo vetëm me një numër të vogël, por dhe i kufizuar në mosha relativisht të mëdha dhe familjarë. “Aq më mirë”, të thotë i njëjti drejtues i FSHF?së, Çela, “sa më pak ruse, sa më shumë punë, sa më shumë stërvitje, aq më shumë arritje”. E thënë kështu, duket si një frazë produkt i 50 viteve komunizëm, por a kemi thënë gjithnjë ne të gjithë se, ajo epokë ka pasur të mirat e saj?... Këtu, në një nga resortet e ngjashme si pika e ujit me ato që ka bregdeti i Egjeut, bashkëjetojnë në mënyrë krejtësisht sportive, një skuadër shqiptare, kampiona Tirana, një kazake dhe një turke. Në mes të tyre, në katin e tretë, gjendet një skuadër e improvizuar kuqezi. Me ndonjë ndryshim të vogël është praktikisht skuadra e kampionatit.

....

Kombëtarja e improvizuar sillet si një “e madhe”. Mbëritja në hotel në mbrëmje në orën e vonë nuk i huton lojtarët që të përfitojnë për një ndonjë tavolinë të zgjatur. E rëndësishme apo jo, pas orës 22:00 nuk gjen asnjëri nëpër shkallë, apo në holl. Shumica janë të Partizanit, me siguri kanë fjetur duke parë ëndrra me gjellë pasanikësh pasi nëpërmjet sms?ve kanë konstatuar që shokët e skuadrës kanë dorëzuar, në mënyrë “të devotshme”, tre rrogat dhe premiot e shpërndara nga Xhani, në shtëpitë e tyre. Pyesni Muzakën për këtë: Bekami i futbollit shqiptar (preferon më mirë të quash Kristiano Ronaldo), në udhëtim e sipër mori një sms nga familja: Beqiri solli paratë në shtëpi. U ndie aq i lumtur, sa preferoi ta quante ofertën e para disa ditëve nga Dinamo një aventurë, apo shumë?shumë një shaka. Partizani nuk u shpërbë, një aryse më shumë për të mundur Tiranën në miqësore.

...

Mbrëmja është një ritual i zakonshëm shqiptar. Kafe, mes ngjyrave kuqezi dhe bardheblu. “Asnjëherë s’e kam kuptuar se si një skuadër nuk vjen këtu për të bërë një fazë përgaittore. Kushton gjithsej vetëm 20 mijë euro dhe kushtet janë të shkëlqyera. Tirana duhet marrë si shembull, ndërsa Kombëtarja nuk arrihet dot për nga organizimi”. Çela, ish shefi i skuadrave përfaqësuese, që praktikisht po bën të njëjtin rol si në të shkuarën, është entuziast ngaqë gjithë punët shkojnë mirë. Për hir të së vërtetës, qëllimi i tij në orët që e mbajnë të mbërthyer “pincë” është gjithnjë i njëjtë: maksimumi. Si Bariç.

...

Futbolli është gjithnjë pjesa serioze. Sepse, tej temperaturave të larta ditës dhe të ulta në mbrëmje, pishinave, saunave, hamameve, birrave në ndonjë rast, topkëmba mbetet i vetmi që i bashkon gjithë këta njerëz në një kompleks të tillë. Dhe sa për futboll, pavarësisht ndonjë pjese të komunitetit që mendon se relaski shoqëron përfaqësuesen dhe Tiranën, luhet e luhet fort. Deri në mërzi, madje. “Këtu është si kazermë”. Lojtarë të bindur që ato dy seanca të ngarkuara, kafenetë e panumërta ku diskutohet gjithnjë për futboll, që i zhvlerësojnë të gjitha. “Ju jeni ndryshe”, të drejtohen, “fundja edhe pushoni pak, po eja na thoni neve. Dhe të mendosh që nuk është verë, kur faza përgatitore është me fortë”.

...

Në tokën e futbollit, ka edhe një segment kuqezi. I rëndësishëm për kuqezinjtë dhe intrigues për vendasit. Sepse ata, njerëzit që po japin leksione turizmi dhe organizimi janë të interesuar për gjithçka që ka të bëjë me lirën, dollarin dhe euron. Qofshin nga Shqipëria, apo Kazakistani. Në Turqi ndihesh gjithnjë i respektuar. Nëse luan mirë futboll, edhe të duan.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Jan 17, 2008 12:54 pm Post subject:

vijon të jetë i kënaqur
17 Janar Han han gjatë këtyre ditëve ka deklaruar më shumë se një herë që Shqipëria nuk i ka kualitetet e duhura për të luajtur një sistem holandez, 4?3?3, duke e bazuar këtë në faktin që, ky ekip nuk ka një forcë dominuese në futbollin e kontinentit. Megjithatë, të paktën në këto dy seanca stërvitore, lojtarët kanë filluar të ndiejnë aromën e të luajturit në mënyrë “tulipane”. Në mënyrë ndoshta edhe të pavetëdijshme, ritmi spostohet gjithnjë te loja me top, te vertikalizimet dhe te pasimet. Modifikimi, sigurisht që mund të vijë në të ardhmen, por hë për hë, trajneri është duke kërkkuar gjithnjë e më shumë, “një gol me 10 takime”. “Kur thashë që nuk do luanim si Holanda, nuk thashë se do të bënim një lojë frikacake”, pranon vetë trajneri, “ne gjithnjë do të mundohemi që të luajmë me topin dhe të prodhojmë një futboll të bukur. Eshtë shumë shpejt për mua për të zgjedhur midis futbollit dhe pikëve. Në këto 6 muaj do të punojmë që të dyja të vijnë njësoj”. Për ta bërë një gjë të tillë i duhen 4 mbrojtës të shkëlqyer dhe tre mesfushorë të jashtëzakonshëm. Shtoji edhe tre sulmues rezultativë. Han është duke kërkuar... “të pamundurën”. Në Shqipëri!
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Jan 17, 2008 1:10 pm Post subject:

"Zboristët", nga sot dy seanca në ditë

Dje, ekipi kuqezi ka zhvilluar seancën e dytë stërvitore, nën drejtimin e trajnerit Ari Han dhe ndihmësve të tij. Për më tepër se 90 minuta, lojtarët shqiptarë kanë qenë nën vëzhgimin e trajnerit të përfaqësueses, duke zbatuar programin stërvitor të përgatitur nga stafi kuqezi. Seanca ka filluar në orën 11.00. Ndërkohë, duke nisur që sot, ekipi përfaqësues do të zhvillojë nga dy seanca stërvitore. Në programin e pasdites së djeshme, trajneri Ari Han ka ndjekur së bashku me "zboristët" kuqezinj një miqësore që Tirana ka zhvilluar kundër një skuadre turke.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Jan 23, 2008 9:16 am Post subject:

Han: Tani po, skuadra që dua
22 Janar

Ari Han nuk është një nga ata që e ka të vështirë ta thotë “fjalën e mirë”. E di shumë mirë që, grupi që ka përballë nuk është skuadra A, por do të ishte mungesë respekti nëse do t’i trajtonte si një skuadër B apo C. “Derisa kanë veshur fanellën e përfaqësueses, ata janë skuadra shqiptare. Ky diskutim nuk vlen. Më të mirët s’i kam parë ende, por këta që kam në dispozicion po japin sinjale pozitive”. Një javë e mbushur me seanca stërvitore, lojra taktike dhe një ndeshje miqësore i kanë vlejtur teknikut për të pasur një ide të qartë. “Është shumë thelbësore të nënvizohet që jam shumë i kënaqur nga rritja e skuadrës brenda këtyre shtatë ditëve. Kam parë futbollistë me një ritëm të ulët në fillim të javës, por që tani janë në nivelin e duhur. Për ta nuk është e thjeshtë; unë kërkoj një stil të veçantë të të luajturit dhe të qëndruarit në fushë. Këtë besoj e patë edhe në miqësoren që organizova. Dua një skuadër që të luajë në 35 metra largësi, në mënyrë që rikuperimi të jetë i shpejtë, por kjo nuk është e lehtë të aplikohet kur ke kaq pak ditë me lojtarët. Përveç kësaj kemi qenë të kushtëzuar nga fakti që jemi në janar, ndaj na është dashur të merremi edhe me rendimentin fizik me futbollistët, në mënyrë që ata ta konsiderojnë këtë grumbullim jo vetëm si stejxh, por edhe si fazë përgatitore nga ana fizike”.

Krahasimet me të shkuarën vlejnë shumë për të. “Në grumbullimin e parë të kësaj natyre që pata me Kinën u zhgënjeva. Nuk ishin lojtarët më të mirë dhe ata aktualët nuk më bënë për vete në shumë drejtime. Ndërsa shqiptarët kanë treguar se jo vetëm gëzojnë një kondicion të mirë takltiko-teknik, por dhe dinë të dëgjojnë e të përshtaten. Kjo është një gjë e mirë. Diferenca mund të ketë, por nuk mendoj se hendeku me lojtarët që luajnë jashtë Shqipërisë të jetë kaq i madh”.

Disiplina për të është thelbësore. “E kam thënë edhe më parë, në grumbullimet e mia me Holandën, kur isha futbollist, ndodhnin nga të gjitha. Askush nuk mund të ma hedhë mua. Normal që ndonjë gjë e toleroj edhe vetë, por thelbësoret jo. Më vjen mirë të konstatoj që në këtë javë nuk kam pasur ç’të toleroj. Shoh lojtarë që nuk frekuentojnë kurrë barin e natës, nuk pinë duhan, nuk pinë alkol, janë të sjellshëm dhe nuk zihen me njëri-tjetrin. Përkundrazi, shoh që të gjithë janë miq. Kjo është thelbësore. Ka pasur vende ku më është dashur të punoj edhe për disiplinën, por kjo ka kosto taktike. Në Shqipëri shpresoj të merrem vetëm me këtë të fundit”.

Organizimi është gjithnjë çështje e rëndësishme. “Praktiksht, stejxhi është organizuar në mënyrë perfekte. Ndoshta ndonjë miqësore më shumë do të na bënte mirë, por nuk mund të udhëtojmë dy orë për të luajtur futboll. Ne jemi skuadër kombëtare, nuk mund të shkojmë si udhëtuese në skuadra të nivelit të ulët. Pjesa tjetër është e tëra Ok: ka bashkëpunim me drejtuesit e federatës dhe shoh që ata nuk ndërhyjnë fare në punët tona. Shqipëria ime po fillon të marrë jetë”.

Paradite, stërvitje me vrapime

Lojtarët e skuadrës përfaqësuese, gjatë paradites i janë nënshtruar një stërvitjeje intensive vrapimesh në pjesën e parë, ndërsa në të dytën të njëjtat vrapime me topin në zotërim. Ka zgjatur rreth 60 minuta, ku kanë dominuar vrapime në formë sprintesh të shkurtëra.

Anulohet miqësorja e sotme

Nuk do të ketë më asnjë ndeshje miqësore për Shqipërinë. Stafi ishte në tratativa me një ekip të huaj, megjithatë një udhëtim prej 120 minutash që duhet të bënte skuadra i ka bindur drejtuesit që kjo ndeshje të mos zhvillohet. Ajo do të zëvendësohet me një ndeshje brenda grupit.

Ismaili mund të luajë në Europian

Ismaili ka marrë një notë pozitive nga ana e stafit dhe drejtuesve kquezinj për kualitetin e tij. Ende pa mbushur 19 vjeç, lojtari i të rinjve të Shtutgartit, sidomos në ndeshjen miqësore, ka treguar aftësi si sulmues krahu dhe zv/presidenti Kasmi, në vija të përgjithshme, është shprehur pozitiv, në lidhje me marrjen e pasaportës shqiptare për të. “Madje, në maj, ai mund të luajë në Europianin U-19, ku Shqipëria është në turin e dytë”. Vetë Ismaili është i kënaqur nga kjo ide.

Han kërkon shtyrje të kampionatit

Han ka kërkuar shtyrjen e një jave të kampionatit shqiptar, nëse FSHF do që të realizohet miqësorja me skuadrën e Arabisë Saudite. “Normalisht kjo është një ndeshje ku do shihen lojtarët e kampionatit”, thanë drejtuesit e FSHF-së, “dhe i bie që të luhet në datën 21 mars. Duke qenë se edhe në datë 26 mars ka ndeshje, atëherë kampionati atë fundjavë duhet të bëjë pushim. Kjo mund të bëhet me vendim të Komitetit Ekzekutiv, por pasi të konsultohemi edhe me klubet”. Në 26 mars, në skenë për një ndeshje miqësore ka dalë skuadra moldave. Ndeshja mund të luhet në Kishinjev.
_________________
Ngjyr e kuqe ngjyr dashnie e ka frik cdo mi bashkie

admin · Administrator Joined: 10 Jan 2008 Posts: 1870 Status:

Han pezullon Kulin, u grind me Bakajn

Bekim Kuli dhe Elis Bakaj kanë debatuar dje gjatë ndeshjes 40-minutëshe, për shkak të një goli, nëse ishte apo jo i rregullt. Grindja midis dy lojtarëve ka qenë thjesht verbale dhe që të dy janë ulur së bashku më pas e kanë pirë kafe në hollin e hotelit. Për lojtarët ka qenë thjesht një grindje e zakonshme fushe, por nuk ka menduar kështu trajneri Ari Han. Holandezi ka ndërhyrë, duke ndërprerë debatin e lojtarëve, ndërkohë që më pas është mësuar se ai i ka thënë Kulit që të mos paraqitet në stërvitjen e sotme. Kuli dso të humbasë në këtë mënyrë stërvitjen e ditës së fundit në Kemer, duke shënuar incidentin e vetëm të gjithë këtyre ditëve të grumbullimit. Nuk ka pasur komente nga ana e stafit teknik, ndërkohë që masa për Kulin do të jetë vetëm pezullimi nga stërvitja e sotme, por jo përjashtim i përhershëm i tij nga grupi i kandidatëve kuqezi.

Panorama Sport
_________________
FutbolliShqiptar.net

Partizani_One · Posted: Thu Jan 24, 2008 9:27 am Post subject:

po s'lane nam kudo qe shkojne nuk u rrihet Shocked

_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri Jan 25, 2008 1:44 pm Post subject:

Han: E përgjithshmja OK!
24 Janar Trajneri i përfaqësueses ka preferuar të flasë në mënyrë të përgjithshme për zborin turk në ditën e fundit të tij. “Kam përshytpjen se misioni u përmbush. Unë i njoh tani pothuaj të gjithë lojtarët që pata këtu në dispozicion. Më pëlqeu impenjimi dhe cilësia e tyre. Të gjithë këta, po të punojnë edhe më, me siguri do të kenë shanse të tjera në ndeshje të vërteta të Shqipërisë. E përgjithshmja pozitive, që nga akomodimi, te kushtet, e deri te puna e lojtarëve”.

Stërvitja e fundit mes

penalltive dhe humorit

Në stërvitjen e fundit, Han, pas pjesës së parë atletike të seancës, ka vendosur ta ndajë skuadrën në dy pjesë. Pas një ndeshjeje të shkurtër, trajneri vendosi t’i provonte futbollistët nga pika e bardhë. Spikati Muzaka që, megjithëse kishte qenë i pasaktë në miqësore, goditi perfekt dy herë nga pika e bardhë. Ngjela u përpoq të imitonte Totin në “kukiaio”, por e nxorri jashtë, ndërkohë që Memelli i humbi të dy 11-metërshat, ashtu si edhe Dhëmbi. Spikati portieri Llani me pritjet e tij. Abilaliaj gjithashtu u tregua i ftohtë përpara goditjes së penalltive. Në fund, skuadra fituese e 11-metërshave, me kërkesë të trajnerit Han, bëri një foto “fitimtare”.

Kuli-Bakaj, Han

stimulon paqen...

Trajneri Han vendosi që, përpara se të zhvillonte ndeshjen e djeshme brenda grupit, të caktonte jo pa shkak kapitenë të skuadrave, Kulin dhe Bakajn. Duke qenë se dy lojtarët kanë pasur konflikt një ditë më parë në fushën e lojës, trajneri i la ata të lirë të zgjidhnin futbollistët e skuadrave respektive. Të dy lojtarët pranuan se ajo që ngjau një ditë më parë ishte “nerva loje”, që nuk ndikonte në miqësinë e tyre.

Memellin e pret sërish faza përgatitore

Memelli u largua dje drejt Goteborgut, ku do të qëndrojë disa ditë me skuadrën e tij, Gais, e më pas do të shkojë sërish për një tjetër fazë të përgatitjeve përpara fillimit të kampionatit në Portugali.

Shkëmbi, stërvitje diferencuar

Një problem fizik e ka detyruar Shkëmbin që stërvitjen e fundit mos ta kryejë të plotë, por të diferencuar. “Asgjë për t’u shqetësuar”, tha mesfushori, “më mirë kështu, aë të mos rëndohem”.

Osmani drejt rikuperimit të plotë

Osmani ka vrapuar njësoj si të tjerët dje, pa ndierë dhembje në gju. “Po shkoj drejt rikuperimit”, ka thënë vetë mbrojtësi. Dhe ta shihje tek vraponte, i besoje.

Sukaj nxjerr kaviljen, 10 ditë jashtë

Xhevahir Sukaj mund të mungojë në ndeshjen e parë të kampionatit, pasi ka nxjerrë kaviljen në stërvitjen e djeshme. Nuk është për t’u alarmuar, por pushimi është i detyruar për të.

Agolli, i pari që ikën nga Turqia

Ansi Agolli ishte i pari që u largua nga grumbullimi, paraditen e djeshme. Mbrojtësi u nis direkt për në Finlandë, për t’ju bashkuar klubit të tij.

Llani niset për provë në Greqi

Llani do të udhëtojë sot drejt Greqisë, me qëllim për t’u provuar disa ditë me skuadrën Panseraikos. “Dua të lë përshtypje sa më të mira”, tha ai.

Salihi viziton skuadrën

Parmbrëmë, Hamdi Salihi ka vizituar skuadrën përfaqësuese dhe ka qëndruar për disa minuta në hollin hotelit kuqezi. Xeka, përkthyesi i Hanit, e ka vënë në dijeni që trajneri do të jetë në Austri për ta ndjekur për dy ndeshje në muajin shkurt.

Kthimi, ja itinerari për kryeqytet

Skuadra përfaqësuese, sot në orën 9:30 (me orën shqiptare) do të prekë tokë në aeroportin “Nënë Tereza” të Rinasit. Nisja nga Antalia u bë në 5 të mëngjesit dhe më pas, nga Stambolli, direkt për në Tiranë.

Të gjithë të kënaqur nga Mihali

Nuk është një risi në skuadrën përfaqësuese. Megjithatë, lojtarët dje nuk kanë ngurruar sërish të evidentojnë profesionalizmin e masazhatorit Ylli Mihali. “Unë dua të them që, me ne ka qenë i duruar pa kufi. I jashtëzakonshëm”, tha Memelli. “Kaq shumë masazhe dhe kaq shumë rikuperime që na ka bërë. Eshtë vërtet një njeri i madh dhe një profesionist i mirë

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Kombetarja Shqiptare	All times are GMT + 1 Hour
Page 1 of 1