Ervin Skela

admin · Ervin Skela

Kliko per foton e plote

Pozicioni: Mesfushor
Datelindja: 17/11/1976
Vendlindja: Vlore
Gjatesia: 1.73 m
Vlera: 1.600.000 €
Skuadra: Energie Cottbus

Karriera:
2008/09 - Energie Cottbus (5 nd, 0 gola, 0 as)
2007/08 - Energie Cottbus (31 nd, 7 gola, 6 as)
2006/07 - Energie Cottbus (7 nd, 0 gola, 0 as)
2006/07 - Ascoli Calcio
2005/06 - FC Kaiserslautern (34 nd, 4 gola, 4 as)
2004/05 - Arminia Bielefeld (32 nd, 0 gola, 5 as)
2003/04 - Eintracht Frankfurt (30 nd, 8 gola, 8 as)
2002/03 - Eintracht Frankfurt (33 nd, 10 gola, 0 as)
2001/02 - Eintracht Frankfurt (29 nd, 8 gola, 0 as)
2000/01 - Waldhof Mannheim
2000/01 - Chemnitzer FC
1999/00 - Chemnitzer FC (32 nd, 8 gola, 0 as)
1998/99 - Erzgebirge Aue
1997/98 - FC Union Berlin
1996/97 - Flamurtari Vlorë
1995/96 - Tirana
1994/95 - Flamurtari Vlorë

Partizani_One

ne miqsore te can ne gola ky por duhet te fusi dhe ne kampionat

admin

Cottbus - Leverkusen 2:3

Skela ka lujt per 90 minuta

admin

Link

Goli i Skeles

Bochum 3-3 Cottbus

9 Shkurt 2008

Partizani_One

rri rri fut ndnje gol ky

admin

Skela asist ne barazimin e Cottbus

FutbolliShqiptar.net

admin

Skela lë në hije Riberinë

Ervin Skela krijoi golin e parë të realizuar nga serbi Branko Jeliç në fitoren 2-0 të Energi Kotbusit kundër rekordmenëve gjermanë, për t’u zëvendësuar në minutën e 92-të nën duartrokitjet frenetike të fansave në “Stadiumin e miqësisë”. Për Kotbusin kjo ishte dhe fitorja e parë për vitin 2008.

Riviç ishte në zotërim të topit, kaloi me finesë në krahun e djathtë Filip Lahmin për të kaluar topin te Skela. Shvajnshtajger nuk ishtë i aftë të bllokonte shqiptarin, i cili shërbeu bukur për Jeliç, i cili nga ana e tij nuk e pati të vështirë të shënonte në minutën e 18-të. Ky ishte goli i parë pas 229 minutash lojë për Kotbusin.

“Goli na stimuloi më shumë”,- tha trajneri Bojan Prasnikar për faqen gjermane faz.net. Goli i dytë u shënua sërish nga Jeliç në minutën e 38-të (asist i Riviç).

Duke folur për faqen zyrtare të Bajernit, Skela tha: “Ne fituam dyluftimet dhe patëm një kontroll më të mirë të topit në pjesën e parë të fituar 2-0. Që ne në pjesën e dytë të ishim në presion, kjo është normale kundër një ekipi të tillë si Bajerni”.

Albania-Sport

admin

Skela shenon 2 gola per Cottbus

Balkanweb

Link

Partizani_One

ce gjeti kete? Laughing

admin

u be me 5 gola ket sezon ne Bundesliga. Po ua kalo te gjithve Very Happy

Partizani_One

EDHE KAPLLANIT QE DO BENTE NAMIN Very Happy

KS_Besa

nje me ence nje me penallti paska bere. Kujtova se i kishte bere me loje

Partizani_One

me ence hajde de por me penallti i bej dhe une Very Happy

Partizani_One

Skela: “Një ditë para ndeshjes, bëra vetëm 1 gol në 30 goditje dënimi”
1 Prill

Përpara se të ekzekutoj penalltinë, nuk mendoj për asgjë tjetër. Pra nuk mendoj për rënien, apo për Championsin. Unë përqëndrohem vetëm tek topi, portieri kundërshtar dhe pika e bardhë. Çdo penallti është një përgjegjësi shumë e madhe dhe duhet vlerësuar si një e tillë.

? E kishit vendosur që përpara ndeshjes që, në rast penalltie do ta ekzekutonit ju vetë?

Në fakt nuk duhet ta ekzekutoja unë atë penallti. Trajneri më vendosi mua si njeriun e dytë, pas Sorensenit, për të ekzekutuar, në rast penalltie. Por, kur pashë që Sorenseni nuk ishte psikologjikisht i qetë, dhe unë isha më shumë se ai, atëherë fola me të dhe e godita unë 11?metërshin.

? A e menduat qoftë edhe për një moment sesi u ndien tifozët në stadium në momentin kur ju u bëtë gati të ekzekutonit 11?metërshin?

? Unë sapo e thashë që nuk mendoj për asgjë tjetër, përveç penalltisë në atë moment. Pra, nuk duhet të hutohesh, qoftë nga brohoritjet, apo në rast të kundërt vërshëllimat e publikut. i thua vetes: Ky moment nuk të vjen më. Ke vetëm këtë shans për të shënuar dhe nuk duhet ta humbasësh.

? Keni qenë në shumë skuadra të cilat kanë rrezikuar rënien nga Bundesliga, duke e nisur me Frankfurtin dhe aktualisht me Kotbus. Si ndihesh përballë një “lufte” të tillë për qëndrim?

? Merrni ndeshjen me Hertën. Berlinezët ishin në mesin e tabelës. Pra, nëse ata do të humbisnin, nuk do ishte problem, sepse do ta riprovonin sërish fitoren javën e ardhshme. Kurse ne luftojmë kundër rënies. Për ne çdo ndeshje është finale. Pra, ne e dimë se duhet të marrim maksimumin në çdo përballje.

? Për shembull?

Unë kam qenë në Frankfurt, Bilefeld dhe Kaizerslautern dhe atje lufta për mbijetesë sikur nuk kishte fund. Sa më shumë pikë të bëje, akoma nuk mjaftonin. Fituam me Bajernin, me Hertën, por përsëri s’ka mbaruar. Imagjinoni se ç’mund të bëjë një skuadër që do të mbijetojë.

? A është lufta për mbijetesë më shumë një luftë nervash?

? Sigurisht. Nëse rezultatet nuk vijnë, atëherë edhe psikologjikisht skuadra bllokohet. Unë e di tashmë. Kur humbet, edhe tifozët të vërshëllejnë dhe këtu lojtarët e humbasin vetëkontrollin. Aq sa ndonjëherë të duket sikur do të humbasësh sërish dhe s’do të mund të fitosh kurrë.

? Ju si një lojtar eksperience, i lini emocionet kur lini fushën, apo i merrni me vete në shtëpi?

Asnjëherë nuk i shpëton kësaj ndjenje. Sapo hyn në shtëpi shikon teletekstin me tabelën e kampionatit dhe trishtohesh. Pra, pas një lojës dhe tensionit në të, kur shkon në shtëpi fillon të mendosh për realitetin dhe sesa mundësi ke për të qëndruar në Bundesligë. Megjithatë për momentin i them vetes. Jam akoma në Bundesligë dhe luaj me Kotbusin.

Si është kur bie nga Bundesliga?

? Ju lutem mos ma kujtoni. Është një ndjenjë shumë e keqe, sepse të duhet të largohesh, por është e vështirë të gjesh një kontratë të re. Askush nuk të beson më, pasi je një i rënë nga kategoria. Për këtë ne duhet të luftojmë fort dhe të mos biem. Për të gjithë skuadrën, veten tonë dhe klubin.

? Me Hertën ju nuk keni shënuar vetëm një penallti, po edhe një gol nga goditje standarte, që i dha fitoren Kotbusit. Fat, apo mundësi reale?

E vështirë për t’u ndarë. Megjithatë, goditjet standarte janë të domosdoshme në futboll. Unë përgatitem për to në çdo stërvitje për t’I perfeksionuar. Në stërvitjen e fundit përpara ndeshjes me Hertën kam zhvilluar plot 20 ose 30 të tilla dhe e dini sesa nga ato kanë përfunduar në rrjetë?

? Na e thoni?

? Vetëm një. Pra, siç e thashë në lojë është akoma më e vështirë të bësh një gol, aq më tepër kur të jepen jo 30, por shumë më pak shanse. Pra, edhe goditjet standarte janë me fat nganjëherë.

Partizani_One

Një ditë në familjen Skela
4 Prill Lufta për mbijetesë në Bundesligë është stresuese, shumë e mundimshme. Mirëpo, Ervin Skela çdo mbrëmje harron stresin e luftës për mbijetesë dhe lodhjen me një shikim të vetëm: teksa sheh Krisin e vogël (tetë muajsh) duke i buzëqeshur sa herë që kthehet nga stërvitja me klubin Kotbus. Mesfushori shqiptar në fundjavë ka shënuar dy gola për të udhëhequr Cottbusin drejt fitores ndaj Herthas me shifrat 2:1. Me këta gola Skela ka larguar Kotbusin nga zona e rrezikshme. Për këtë kemi vendosur ta vizitojmë heroin e Cottbusit. Banon me bashkëshorten Mariolan jashtë Cottbusit. Në qetësi e shijojnë jetën e tyre me të birin Krist. Skela luan me të birin dhe kjo është kënaqësia më e madhe për të. “I vogli sot ka ditëlindjen. Ai ka mbushur tetë muaj. Pas lindjes së Kristit jam bërë shumë më i qetë. i marr shumë gjëra shtruar dhe nuk kam më stres. Djali im më jep fuqi për t’i përballuar të gjitha”, thotë Skela.

Si babai, ashtu edhe Kristi në të ardhmen do të bëhet futbollist. Atletet përkatëse tani i ka. Ai bart atlete të markës “Adidas”. “Kam një kontratë personale për furnizim me firmën _Adidas’. Menjëherë firma e ka pajisur të birin me veshje sportive”, tregon mesfushori Skela. Fat me familje, fat edhe në fushë. Goli i Skelës i shënuar nga gjuajtje e lirë në ndeshjen kundër Herthas është nominuar nga kanali televiziv gjerman ARD për gol të javës. Skela shënon zakonisht gola spektakular. “Sa isha në Kaiserslautern, pata përfunduar i dyti në zgjedhjet për golin e muajit. Por, golat për Kotbusin janë më me peshë se ndonjë trofe individual”, thotë Skela. Skela në Cottbus gjendet që nga janari i vitit 2007. Ai në këtë skuadër kaloi nga Ascoli. Për Kotbusin, këtë stinor 31?vjeçari ka shënuar pesë gola, ndërsa ka dhënë edhe 5 asistime. Kotbus, pas 26 javëve të zhvilluara në Bundesligën gjermane pozicionohet i 15?ti me 23 pikë. Ligën e kryeson Bajerni i Mynihut, me 54 pikë.

admin

Skela i jep perseri 3 piket Cottbus

FutbolliShqiptar.net

admin

MSV Duisburg - Energie Cottbus

Partizani_One

Skela shënon sërish, Kotbusi merr 3 pikët
5 Prill

E kishte menduar që do të ishte një lider në skuadrën e Kotbusit, por deri në pikën që të arrinte deri atje sa ekzistenca e skuadrës në Bundesligë, ta varej nga ai, kjo ndoshta nuk i ka shkuar ndër mend. Pas dopietës me Hertën e Berlinit, jo më larg se gjashtë ditë më parë, mbrëmë fantazisti shqiptar, Ervin Skela, ka shënuar sërish, edhe këtë herë golin e fitores, më të rëndin ndaj një kundërshtari direkt për qëndrimin, siç është Duisburgu. Ka qenë minuta e katërt, kur Skela, në kundërsulmin e parë të miqve nga Kotbusi, shënon me kokë në portën e Duisburgut. Më pas e gjithë ndeshja do të përfundonte 0?1 për Energi, çka do të thotë se përsëri Skela ka qenë “gjenerali” i fitores së skuadrës së tij. Pas këtij goli, Skela ka shkuar në kuotën e 5 golave në Bundesligë, ndërsa Kotbusi, nga vendi i 16?të shkon në të 14?in, me 26 pikë, ndërsa është Duisburgu që zbret në vendin e 16?të, me 22 pikë. Pra, teknikisht, Kotbusi pa u luajtur ende ndeshjet e tjera të javës, është sipër vijës së rënies. Dhe gjithçka, falë Skelës.

Partizani_One

Skela kalon Rakllin
7 Prill Në ndeshjen kundër Hertha BSC 2:1, me dy golat e tij Skela theu rekordin shqiptar e Altin Rrakllit qe në Bundesliga ka shënuar 16 gola (në 111 ndeshje). Skela këtë e arriti për 129 ndeshje dhe për momentin ka 18 gola. Vendin e trete e mban Fatmir Vata me 8 gola në 88 ndeshje. Me keto gola Skela u ka mbyllur gojën edhe kritikëve të vet, që parashikonin se karriera e tij do vazhdoj në Bundesliga 2. Por, mbase edhe në futbollin amator të Gjermanisë. Në 7 ndeshjet e fundit, Ervin Skela do luftoj për mbijetesën e Energi Kotbus edhe mbase do të përfundojë në ndonjë ekip tjetër me ambicie për Kupat Evropiane. Kurse, rekordi për golat e shqiptareve ne Bundesligë do zgjasë edhe disa vite...

Partizani_One

Skela golashënuesi me i mirë në Kotbus
15 Prill Tashmë është shndërruar në një goleador. Ervin Skela ka shënuar 7 gola në këtë sezon me Energie Cottbus dhe aktualisht është golashënuesi më i mirë i skuadrës së tij. Futbollisti shqiptar renditet i 23?ti në listën e përgjithshme të golashënuesve të Bundesligës, dhe kjo nuk është një gjë e vogël për një futbollist që luan në pozitën e mesfushorit. Pikërisht në këtë kategori fantazisti i kombëtares shqiptare aktualisht renditet ndër më të mirët e Bundesligës, pasi nga radhët e mesfushorëve ai është golashënuesi i pestë i Bundesligës, duke pasur përpara disa nga emrat më të mëdhenj të futbollit gjerman. Janë vetëm Mladen Petriç, Diego, Van der Vaart dhe Zvjezdan Misimoviç ata që kanë shënuar më shumë se Skela në këtë sezon, ndërkohë që Franck Ribery i Bayern Munich ka shënuar aq sa edhe Skela në këtë sezon.Edhe nga radhët e futbollistëve shqiptarë që aktivizohen në kampionatet evropiane përsëri Skela është ndër më të suksesshmit. Vetëm Hamdi Salihi që luan me Ried ka shënuar më shumë (12 gola në kampionatin austriak), ndërkohë që sulmuesit si Bogdani, Kapllani, Tare apo ndonjë tjetër janë shumë larg këtyre shifrave.Një Ervin Skela i ripërtërirë është lajmi më i mirë për tifozët e kombëtares shqiptare. Një Skela si në kohën kur luante me Eintracht Frankfurt (apo ndoshta edhe më i mirë) është një armë më shumë për trajnerin Ari Han, ndërsa përfundimi i këtij sezoni mund t’i sjellë edhe oferta nga skuadra më të mëdha se Energie Cottbus.

Partizani_One

Lala vs Skela, derbi “alla-shqiptarçe”
13 Maj Edhe pse asnjëra nga të dy skuadrat nuk ka interes pikësh në ndeshjen e fundit të kampionatit, në Bundesligë, përballja që do të zhvillohet në “AOL Arena” të Hanoverit, ndërmjet Hanover 96 dhe Energi Kotbus, do të ketë një lloj rëndësie për dy lojtarët e kombëtares shqiptare, të cilët këtë radhë do të jenë përballë njëri?tjetrit. Të dyja skuadrat kanë arritur objektivat e tyre dhe asnjëra nuk rrezikon, çka do të thotë se, më shumë se për çdo gjë tjetër, kjo ndeshje do të luhet për publik nga Hanoveri dhe për prestigj nga Kotbus. Por, shkëndijat e para të një dueli brenda “llojit”, kanë ardhur nga dy lojtarët e kombëtares kuqezi, të cilët nuk kanë përtuar të thumbojnë njëri?tjetrin, në mënyrë shoqërore. “Këtë ndeshje e fitojmë ne dhe Skela do të humbasë. Do të luajmë ndeshjen e fundit në fushën tonë dhe duam të kënaqim tifozërite”, ka thënë Altin Lala. Nga ana tjetër, Skela është treguar më i drejtpërdrejtë. “Ne do të fitojmë dhe unë do të shënoj gol, atë të fundit të sezonit. Madje, nëse e bëj do t’ia dedikoj Lalës”. Kështu, të shtunën, në Bundesligë do të ketë një “derbi” të vërtetë “Alla?shqiptarçe”.