Java e 31 - 10 Maj - 17:00

admin · Java e 31 - 10 Maj - 17:00

Dinamo - Besa 2-0 (Kuli p15', Pollozhani 60')
Partizani - Vllaznia 2-0 (Dhembi 43' 69')
Beselidhja - Tirana 1-0 (Hashani 4')
Teuta - Elbasani 1-1 (hodo p16' / Xhafa 14')
Kastrioti - Shkumbini 1-0 (Rizvanolli 65')
Skenderbeu - Flamurtari 1-4 (Shtubina p14' / Brajkovic 2', 69', Mema 22', Arifaj 64')

SPORTI_DARDAN

SUPERLIGA
Java e 31-te 10.05.2008
Dinamo - Besa 2 : 0
Partizani - Vllaznia 2 : 0
Skënderbeu - Flamurtari 1 : 4
Kastrioti - Shkumbini 1 : 0
Teuta - Elbasani 1 : 1
Besëlidhja - Tirana 1 : 0

Nr TABELA N F B H Golat P-M Piket
1. Dinama 31 19 7 5 51:13 38 64
2. Partizani 31 17 11 3 43:19 24 62
3. Besa 31 15 5 11 38:33 5 50
4. Elbasani 31 12 12 7 33:20 13 48
5. Tirana 31 13 7 11 43:33 10 46
6. Vllaznia 31 12 9 10 44:39 5 45
7. Shkumbini 31 12 8 11 31:27 4 44
8. Flamurtari 31 10 13 8 33:34 -1 43
9. Kastrioti 31 10 5 16 20:35 -15 35
10. Teuta 31 8 8 15 27:39 -12 32
11. Beslidhja 31 8 7 16 27:48 -21 31
12. Skenderbeu 31 3 2 26 25:75 -51 11

Partizani_One

Korçarët e vlonjatët, në fushë si në “letër”
11 Maj Flamurtari e ka dominuar totalisht situatën në këtë ndeshje, duke shënuar katër gola, pa e vënë në diskutim fitoren. Në këtë ndeshje, ku në të dy formacionet mbizotëronin futbollistë me moshë të re, vlonjatët u treguan më “burra”, pasi janë pjekur më herët se kundërshtarët e tyre të djeshëm në kategorinë superiore. Loja filloi me gol, kur Brajkoviç, më i dalluari në fushë, ka shënuar një gol pas asaj gjuajtjeje të bukur që në të 3'. Pas këtij momenti, që i goditi nga ana morale korçarët, loja nuk pati ndonjë histori të veçantë, pasi situata u zotërua krejtësisht nga Flamurtari, që organizoi një seri sulmesh të menduara drejt portës kundërshtare. Skënderbeu, gjithsesi, nuk i hodhi “armët”, por u mundua të kundërvepronte në ndonjë rast, ndonëse binte në sy pafuqia për t’i përfunduar aksione. Skuadra e Rrapos nuk mund të dilte nga natyra e vet, ndërsa ka kohë që i është nënshtruar fatit dhe ka synime të tjera, që s’kanë të bëjnë me kategorinë superiore. Edhe në këtë ndeshje, ashtu si edhe në atë të luajtur kundër Kastriotit po në “Ruzhdi Bizhuta”, dy javë më parë, loja e korçarëve është përballuar lehtë nga vlonjatët, më të organizuar dhe më të motivuar. Flamurtari, pavarësisht se e kishte siguruar fitoren mbase që në “letër”, bëri detyrën dhe tregoi se vetëm mungesa e përvojës e ka bërë që të diskutohej deri para pak javësh, nëse do të rrinte “rehat” deri në fund të kampionatit. Vlonjatët po bëjnë llogaritë e tyre dhe, si pa u ndjerë, shpresojnë të ngjiten në renditje në dy ndeshjet e mbetura të kampionatit.

Partizani_One

Rizvanolli, shpëtimtar; Krutanët “blindohen”
11 Maj Në ndeshjen e luajtur në stadiumin e Shijakut, dy skuadrat që ishin përballë, Kastrioti e Shkumbini, kishtin motive krejt të ndryshme. Fubollistëve krutanë u duhej fitorja, për t’u larguar nga sa më tepër nga vendi i parafundit, që do t’i rrëzonte një kategori më poshtë, ndërsa Shkumbini vinte me autoritetin tashmë të konsoliduar, me synimin për një vend sa më të mirë në tabelën e renditjes. Loja ka nisur mjaft e qetë për të dyja skuadrat dhe dhjet minutat e para kanë kaluar kryesisht në mesfushë, pa ngacmime për portierët. Trajneri Ndreu me formacionin e paraqitur kishte si pikësynim sigurimin e portës dhe të kundërsulmonte për të gjetur në befasi mbrojtjen peqinase. Kjo, edhe për shkak se në skuadër mungonin futbollistë, të aksidentuar disa ditë më parë, pa përmendur Abazajn. Kështu, rolin kryesor e kishte marrë Rizvanolli, tek i cili mbështeteshin të gjitha sulmet e skuadrës krutane. Nga ana e saj, skuadra peqinase vinte me një formacion të kompletuar, por ndoshta pa impenjimin e duhur, çka dukej dhe në faktin se ngacmimet në drejtim të portës krutane ishin episodike, në kontrast të plotë me grintën karakteristike saj. Pjesa e parë në përgjithësi ka qenë një lojë e mërzitshme, ku rastet pikante kanë munguar për portierët respektivë, të cilët më shumë mbetën në rolin e spektatorëve. Ndërsa në të dytën, skuadra krutane, duke menduar se e kishte të domosdoshme fitoren, u hodh e tëra në sulm, teksa ka gjetur edhe zona të lira para portës peqinase. Rizvanolli u paraqit si sulmuesi më i rrezikshëm dhe mjaft problematik për mbrojtjen e Shkumbinit. Madje, ishte ky që shënoi golin e vetëm në këtë ndeshje, falë dhe mjeshtërisë e përvojës së tij. Pas shënimit të golit, Shkumbini reagoi për të barazuar, por loja e peqinasve nuk ishte e qartë. Me gjithë pëpjekjet e shumta, sidomos në 15 minutat e fundit, Nora, Dalipi apo Bizhyti nuk arritën dot të çanin në mbrojtjen mjaft të ngjeshur të Kastriotit, që ruajti me fanatizëm rezultatin deri në fund të ndeshjes. Në këtë mënyrë, krutanët arritën një fitore të çmuar në fushën shijakase, e cila ka rezultuar me fat për këtë skuadër, sepse të njëjtën gjë ata e kanë bërë edhe me Vllazninë. Ndërsa Shkumbini nuk u paraqit në nivelin e zakonisht, në të cilin është parë gjatë kampionatit. Ndoshta mungesa e motivimi bëri që skuadra peqinase të mos japë më të mirën e saj

Partizani_One

Tirana, në “rënie të lirë”
11 Maj Ka filluar e shpejtë ndeshja midis Besëlidhjes dhe Tiranës, e cila ka dhënë rezultat mjaft të shpejtë, teksa në të 4', vendasit kanë shënuar golin e vetëm, që u ka dhënë fitoren e shumëdëshiruar. Lezhjanët kanë luajtur me rreshtimin taktik 4?3?3, ndërkohë që edhe miqtë kishin preferuar të njëjtën vendosje të lojtarëve në fushë. Tekniku Gjyla e kishte orientuar skuadrën të organizohej që nga mesfusha e saj, teksa lojtarët e tij kanë realizuar me sukses detyrat e dhëna, duke neutralizuar që në mesin e fushës aksionet e Tiranës dhe prej andej janë nisur në sulme të shpejta. Ndryshe nga herët e tjera, Besëlidhja ka luajtur me dy sulmues të maskuar, ndërsa janë mbështetur nga mesfushorët e tjerë. Në pjesën e parë vendasit e kanë thuajse e kanë dominuar lojën, ndërsa Tirana ka qenë vetëm hija e vetvetes, një skuadër pa nerv, që të paktën në Lezhë prej vitesh nuk është parë kështu. Pjesa e dytë ka filluar me të njëjtin ritëm për vendasit, por shpejt bardheblutë, për afër 20 minuta u duk sikur e ekuilibrojnë lojën, madje dhe rrezikojnë disa herë, por pa mundur të barazojnë. Duhet thënë se mesfusha ka qenë reparti më i mirë i skuadrës vendase, ku ka spikatur Dragan Miçiç, i cili ishte në ditën e tij më të mirë, duke u bërë arkitekti i lojës së Besëlidhjes. Fundi i pjesës së dytë ka dhënë dy?tre momente emocionuese, por nuk ka mundur të ndryshojë rezultatin 1?0 për vendasit. Një fitore, që rrit shpresat e lezhjanëve për mbijetesë.

Partizani_One

Dhëmbi “kafshon” dy herë Vllazninë
11 Maj Nerva, gola, kartona, të verdhë, e të kuq. Kjo ishte tablloja e ndeshjes së djeshme, ndërmjet Partizanit dhe Vllaznisë, e zhvilluar në stadiumin kombëtar “Qemal Stafa”. Edhe njëherë Partizani del i fituar nga “arena” e tij, sërish me kontestime, por, këtë radhë jo nga Dinamo, por nga vetë Vllaznia, e cila, gjatë gjithë ndeshjes, ka “markuar” vetëm gjyqtarin e takimit, Mentor Sopjanin. Një ndeshje agresive nga ana e shkodranëve, të cilët kanë tentuar të gjejnë portën e të kuqve që në minutat e para të ndeshjes, ashtu si edhe Partizani ka bërë të njëjtën gjë, edhe pse në minutat e para skuadra e Likës ishte paksa e çorientuar. Mungonte Muzaka dhe Abilaliaj kishte zënë vendin e tij, teksa, nuk ishte më një sulmues i mirëfilltë, por një “alë” e djathtë. E gjithë pjesa tjetër e skuadrës ishte e njëjtë si në Kavajë. Nga ana tjetër, Deda, kishte hedhur në fushë formacionin fitues të kupës së Shqipërisë. Një Vllazni, e cila nuk ka lëshuar për asnjë moment, deri tek goli. Një “vjedhje” e topit në gjysmëfushën skodrane nga ana e Abilaliajt nis një kundërsulm sporadik të “demave”, ku Bakaj kroson dhe Dhëmbi “zhyt” me kokë topin në rrjetë. Pjesa e parë përfundon me rezultatin 1?0 për Partizanin. Pjesa e dytë do të nisë me shumë indinjata nga ana e shkodranëve në adresë të arbitrave. Për këtë, ndihmëstrajneri i Vllaznisë, Cungu, dëbohet nga pankina nga ana e Sopjanit. Eshtë dashur ndërhyrja e policisë për ta nxjerrë atë jashtë. Nuk vonon shumë dhe është Kapaj, ai që merr të verdhën e dytë dhe automatikisht të kuqen. “Ndizen gjakrat”. Kapiteni Lici nuk lë gjë pa thënë, nga fusha, në adresë të presidentit të Partizanit, Xhani, i cili vetëm e shikon nga tribuna. Haxhiosmanoviç dëshiron më shumë grintë dhe bën dy zëvendësime njëherësh. Jashtë fushe Lici dhe Kotrri dhe në fushë hyjnë Doçi e Hoti. Lika duket i shqetësuar dhe vendos të bëjë lëvizjen që mund t’I kushtojë. Aktivizon Muzakën (me pesë kartona të verdhë), për të qenë i sigurtë dhe 23?vjeçari nis të marrë në dorë “frenat” e krahut të djathtë. Abilalaliaj kalon “pykë” kryesore. Nuk vonon shumë dhe Partizani shënon golin e dytë pas një sërë tentativash. Sërish Dhëmbi, të cilit i mjafton një prekje me kokë dhe gol. 2?0. i njëjti “skenar”, i njëjti “kafshim”. Partizani arrin të fitojë me rezultatin e pastër, 2?0, ndaj një Vllaznie, e cila, gjatë gjithë ndeshjes vetëm ka protestuar për vendimet e gjykimit.

Partizani_One

Durrsakët, sinjal “SOS”
11 Maj Në përballjen e djeshme, Teuta dhe Elbasani kanë ndarë nga një pikë, që pak u ka vlejtur për objektivat që kanë në kampionat. Trajneri Mile kishte bërë disa ndryshime në formacion, kur Pashaj ishte zhvendosur në të djathtë të mbrojtjes dhe Ahmeti aktivizohej nga minuta e parë në të majtë. Në mesfushë kanë luajtur Gjondeda, Hodo, ndërsa si zakonisht Çaushaj është pozicionuar në të majtë, kurse në të djathtë të mesfushës ishte vendosur një mbrojtës, sikurse është Stafa. Në sulm, Vangjel Mile nuk ka patur pranë tij Hysën, por është preferuar që ndeshjen ta nisë nga fillimi Çota. Verdheblutë janë përgjigjur me një formacion pa mungesa të dukshme, ku mbrojtja është përbërë nga Lako, Sheta, Karçev e Memetaj; në mesfushë kanë luajtur Ahmataj, Menglevski, Dalipi, kurse Bejzade dhe Ardian Nuhiji mbështesnin sulmuesin kryesor të tyre, Fjodor Xhafa. Ndeshja ka nisur mjaft e vrullshme për durrsakët, të cilët që në minutat e para janë përpjekur ta spostojnë lojën drejt portës elbasanase. Kur dukej që Teuta po i afrohej golit, verdheblutë kundërpërgjigjen me efikasitet, madje shënojnë në rastin e tyre të parë me anë të Xhafës. Skuadra e Miles nuk mund të pajtohet me këtë rezultat, që i komprometon shumë pozitat e saj, ndaj hidhet në sulm dhe vetëm pas pesë minutash barazon me një gol të shënuar me 11? metërsh. Në fakt, penalltia u kontestua shumë nga elbasanasit, aq sa trajneri Alimehmeti, për shkak të protestave ndaj gjyqtarit, u largua nga pankina prej Velçanit. Pas barazimit të rezultatit, loja është më e qetë, ndërsa të dy ekipet sulmojnë, duke u treguar më të kujdesshme në mbrojtje. Me nisjen e pjesës së dytë, Teuta kërkon më me ngulm fitoren, ndaj hidhet dhe më shumë në kërkim të golit. Durrsakët lëvizin jo pak në fushë, por pa mundur të gjejnë hapësira në mbrojtjen e ngjeshur elbasanase. Tekniku Mile kërkon më shumë shpejtësi në aksionet sulmuese, ndaj nxjerr në fushë Hysën, që zëvendëson Çotën. Gjithsesi, gjërat nuk ndryshojnë, durrsakët kanë epërsi territoriale, por nuk janë efikasë përballë portës. Verdheblutë mendojnë më shumë ta presin Teutën në fushën e tyre, me synimin për ta zënë në befasi me kundërsulme dhe në të 75' ata janë pranë golit të dytë. Trajneri durrsak fut në fushë Kotjen, duke besuar tek përvoja e tij, që është mëse e nevojshme në ndeshje të tilla kaq delikate. Teuta hidhet e tëra në sulm në kërkim të golit të fitores, por pa mundur ta gjejë dot. Në 10 minutat e fundit elbasanaist janë në inferioritet numerik, për shkak të daljes me karton të kuq të maqedonasit Karçev. Pankina elbasanase ndërhyn me dy zëvendësime, më shumë me qëllimin për të ulur ritmin e durrsakëve, që kërkojnë me çdo kusht golin e fitores. Pavarësisht nga këmbëngulja, durrsakët nuk arritën te fitorja, duke i vështirësuar më shumë gjërat në fund të renditjes, ndërsa Elbasan merr një pikë në transfertë, por që nuk e ndihmon për të arritur vendin e tretë në renditje.

Partizani_One

Blutë “ecin e marshojnë”
11 Maj Dinamo e ka mbajtur kreun e renditjes së kategorisë superiore edhe pas javës së 31?të. Dje, “viktima” e radhës e bluve të Ilir Dajës ka qenë Besa, të cilën dinamovitët kishin më tepër se një vit që nuk e mundnin në Tiranë. Madje, e kanë mundur skuadrën kavajase në “Selman Stërmasi”, atje ku Besa, një vit më parë, ua kishte prishur sezonin duke i eliminuar nga Kupa e Shqipërisë. Edhe dje, kavajasit, pavarësisht se ishin me mungesa, kanë tentuar të bëjnë surprizën, sepse Haxhiaj e ndien që vendi i tretë, i cili do ta çojë Besën në Evropë, është në rrezik.

Formacionet ? Dinamovitët sërish janë vendosur në fushë me skemën 4?4?2. Në mbrojtje, Bodrusiç i djathtë, Graniç e Pisha në qendër dhe Abraham në të djathtë; në mesfushë, vendin e Allmuçës së dëmtuar e ka zënë Ishka, që ishte përkrah Poçit në qendër, kurse Vincetiç në të djathtë dhe Kuli në të majtë ishin fashot anësorë. Në sulm, dyshja Pollozhani e Pejiç. Te Besa, vendosja taktike ishte me 4?4?1?1. Përpara Zendelit rreshtoheshin, në të djathtë Krasniqi, Lila e Mërtiri në qendër dhe Leci në të majtë; në mesfushë, Mihani në të djathtë, Progri (në rolin e shkatërruesit) dhe Alikaj si organizator në qendër e Veliaj në të majtë. Mancaku ishte në shërbim të Xhihanit, që luante si sulmues i deklaruar.

Loja ? Dinamovitët e kanë nisur shpejt, duke e “gozhduar” Besën në zonën e saj të rreptësisë. Krijohen raste pas rastesh dhe vjen goli i avantazhit me Kulin, që ka realizuar nga pika e bardhë e penalltisë. Pas golit, dinamovitët kanë ulur ritmin e Besa nis të ndihet, por vetëm në një moment me Mancakun është shfaqur rrezikshëm. Në pjesën e dytë, sërisht dinamovitët startin e kanë të shpejtë, derisa vjen goli i Pollozhanit. Hyrja e Fortunat, por më pas dhe e Abdulla Ishakah, duket sikur ka ndryshuar diçka në lojën e kavajasve, të cilët kanë rrezikuar. Madje Mancaku nuk ka shënuar dot me kokë te “vija fatale” e portës dinamovite, ashtu sikurse Progri, që duket se është hipnotizuar nga Kotorri. Vjen një dëmtim i Graniçit, pas ndërhyrjes së rëndë të Fortunatit, çka e detyron Dajën që të bëjë lëvizje në mbrojtje. Dinamovitët kërkojnë golin e tretë, por Pejiç nuk e ka patur ditën për të shënuar.