KF Elbasani

admin · KF Elbasani

Tema e Elbasanit

Partizani_One

Elbasani, sulmuesit si “oksigjeni”
16 Janar Megjithëse drejtuesit e klubit të Elbasanit patën deklaruar se nevojat e skuadrës së tyre për merkaton e dimrit janë për një sulmues, si dhe për dy mesfushorë, deri tani akoma nuk është plotësuar kërkesa për sulmues. Nga skuadra e Alimehmetit janë larguar tre futbollistë, Nallbani, Babaj e Plepolli, ndërsa kanë ardhur dy vlonjatët Nenaj e Sakaj, si dhe elbasanasi Roshi. Nenaj ka luajtur më shumë si mesfushor me tipare sulmi, ndërsa Sakaj është aktivizuar te Flamurtari në mbrojtje dhe në mesfushë. Edhe Roshi njihet si mesfushor, por me tipare mbrojtëse. Prë, nëse mesfusha ? duke shtuar këtu edhe Ahmatajn, Bulkun, Dalipin, Nuhijin, Tetovën etj ? duket e kompletuar, madje e tejngopur. Problemi shqetësues mbetet fuqizimi i sulmit. Fakti që Elbasani i vendit të tretë në renditje është një nga skuadrat që ka shënuar më pak gola (16), flet për nevojat imediate të saj për sulmues që njohin mirë portat kundërshtare.

Stërvitja, në kalçeto - Paraditen e djeshme, skuadra e Alimehmetit ka zhvilluar seancën stërvitore në pistën e stadiumi “Ruzhdi Bizhuta”, e cila ka patur më shumë karakter fizik, teksa pasdite, ekipi është stërvitur në një nga fushat e minifutbollit. E njëjta gjë pritet të ndodhë edhe sot.

Partizani_One

Krenar Alimehmeti, meraku për grupin
21 Janar Lëvizjet e futbollistëve në këto ditë merkatoje, me “hyrjet” e “daljet” e tyre, e kanë shpërqendruar disi trajnerin e verdhebluve, Krenar Alimehmeti, përsa i përket grupit që ai kërkon të ketë në dispozicion, të paktën për të ruajtur pozitat e fituara deri tani nga skuadra e tij në kampionat. Në një prononcim për gazetën tonë, disa ditë më parë, tekniku i verdhebluve pati deklaruar se skuadra e tij ka nevojë për dy mesfushorë dhe një sulmues. Megjithatë, pak janë mundësitë që kërkesat e trajnerëve të realizohen plotësisht në gjatë merkatos dimërore. Përtej fjalëve dhe planeve që mund të kenë drejtuesit në letër, për Elbasanin gjasat janë që të mbetet me dy sulmuesit e tij kryesorë, Bejzade dhe Xhafa, pa përjashtuar dhe ndonjë alternativë tjetër, por që nuk kanë cilësinë e kësaj dysheje.

“Ngec” çështja Karçev

Ndonëse në klubin elbasanas janë gëzuar që qendërmbrojtësi maqedonas, Nikola Karçev, nuk mundi të kalojë te një skuadër ukrainase, ku kreu dhe testimin disaditor, mësohet se rikthimi i tij te Elbsanai nuk ishte dhe aq i lehtë, sa u pretendua nga verdheblutë. Rabotniçki i Shkupit, i cili zotëron dhe kartonin e futbollistit, ndonëse e ka lejuar atë të luajë si i huazuar me Elbsanin deri tani, kërkon që klubi verdheblu të paguajë një shumë të konsiderueshme për ta bërë të vetin Karçevin. Shpjegimet e dhëna nga drejtuesit e skuadrës verdheblu nuk qartësojnë, nëse ka patur një afat për aktivizimin e futbollistit maqedonas te Elbasani në marrëveshjen midis dy klubeve, apo Karçev ka luajtur deri tani në mënyrë “klandestine”. Sidoqoftë, të paktën nga ndeshjet miqësore që ka zhvilluar Elbasani këto ditë, është parë se trajneri po përgatit një tjetër futbiolist në rolin e qendërmbrojtësit, të riun Bello, për t’i dalë përpara çdo të papriture. Në këtë rol janë të gatshëm Lako e Sheta, të cilët kanë luajtur me sukses së bashku, në rastet kur nuk është aktivizuar Karçev.

Vlonjati Nenaj, për rikuperim te verdheblutë?

Futbollisti vlonjat, Roland Nenaj, prej afro dy javësh po stërvitet me Elbasanin, ndërsa skoma nuk është i qartë pozicioni i tij, nëse do të vazhdojë të mbetet te verdheblutë dhe më tej, apo do të largohet. Ai i ka munguar futbollit të luajtur për një kohë të gjatë, për shkak të një operacioni që ka kryer në gju, dhe është parë shpesh të stërvitet individualisht në fushë. Sigurisht, Elbasani ka nevojë të përforcohet me futbollistë cilëore, pas largimeve të disa lojtarëve të tij, dhe Nenaj është një ndër ata, por në këtë rast bëhet fjalë për periudhën që ai ka luajtur para dëmtimit. Deri tani vlonjati nuk është aktivizuar në asnjë nga miqësoret e luajtura dhe nuk dihet me siguri, nëse ai e ka kaluar plotësisht problemin e dëmtimit, apo jo.

Deliovski dhe Abdullai, vazhdon prova

Të dy futbollistët e ardhur nga Maqedonia, Deliovski dhe Abdullai, të cilët i janë bashkuar skuadrës së Alimehmetit vetëm dy ditë më parë, janë aktivizuar menjëherë në ndeshjen miqësore, që verdheblutë kanë luajtur në Lushnjë të shtunën e kalur. Megjithatë, tekniku i Elbasanit nuk mundi të japë ndonjë mendim të qartë mbi shkallën e përgatitjes së tyre. Në klubin verdheblu thonë se të dy futbollistët do të vazhdojnë të provohen edhe për disa ditë, pastaj do të vendoset, nëse ata do të bëhen pjesë e Elbasanit për pjesën e mbetur të sezonit.

Partizani_One

Çështja Karçev, me “happy end”
22 Janar Interesimi për të ardhmen e futbollistit maqedonas, Nikola Karçev, mori fund vetëm dje pasdite, kur qendërmbrojtësi ishte i pranishëm në seancat stërvitore të skuadrës së Alimehmetit. Kështu, çështja e tij, që i ngjau një telenovele, përfundoi me një “happy-end” për verdheblutë. Burime nga klubi elbasanas sqarojnë se, vërtet klubi Rabodniçki i Shkupit kishte kërkuar një shumë të hollash për kartonin e Karçevit, por ky dëmshpërblim nuk ishte në adresë të Elbasanit, por për një skuadër tjetër nga Shqipëria, që dëshironte ta bënte të vetin mbrojtësin maqedonas. Bëhet fjalë për bardheblutë e Tiranës, të cilët u vunë në lëvizje për gjetjen e një qendërmbrojtësi cilësor, pas largimit të Nevil Dedes. Ndoshta për të shmangur ndonjë konflikt me klubin elbasanas, donatorët e Tiranës hoqën dorë nga maqedonasi. Kështu, Karçev mbetet në Elbasan, me statusin e të huazurit deri në fund të këtij sezoni.

Shaqiri, kapitull i mbyllur

Klubi verdheblu nuk do të vazhdojë më komunikimin me Artim Shaqirin, i cili erdhi para pak ditësh në Elbasan, pasi nuk e dëshiron që ta ketë pjesë të skuadrës. Sipas sekretarit të klubit, A. Kovaçi, kërkesat financiare të Shaqirit ishin mjaft të larta dhe jashtë realitetit tonë. 10 mijë euro në muaj, për një kontratë 18-muajshe si dhe kushtet e tjera speciale të akomodimit, për një futbollist në fund të karrierës sportive, u cilësuan si të papranueshme nga presidenti Laze dhe bashkëpunëtorët e tij. Kështu, kapitulli Shaqiri u mbyll akoma pa u hapur mirë.

Ikën Abdullai, mbetet Deliovski

Ndonëse fillimisht u fol se të dy futbollistët, të ardhur nga Maqedonia, Afrim Abdullai dhe Cvete Deliovski, do të vazhdonin provën te Elbasani, stafi teknik ka vendosur q‘ vetëm njëri prej tyre të mbetet dhe për disa ditë të tjera. Fjala është për mesfushorin Deliovski, ndërsa sulmuesi Abdullai, i aktivizuar dhe në ndeshjen miqësore në Lushnjë, rezultoi me mangësi në përgatitjen e përgjithshme të tij.

Sot, miqësore me Aploninë

Elbasani e ka kapur me kryesueset e kategorisë së parë, teksa pas miqësoreve të luajtura me Bylisin dhe Lushnjën sot do të përballet me Apoloninë, në stadiumin e Fierit. Kështu, Alimehmeti po realizon idenë për të zhvilluar sa më shumë ndeshje miqësore në këtë periudhë. Drejtuesit klubit elbasanas po bëjnë përpjekje që pas Apolonisë të gjejnë dhe dy skuadra të tjera, për t’u ndeshur të enjten dhe të shtunën e ardhshme.

Partizani_One

Alimehmeti, skeptik për të huajt
24 Janar Me gjithë motin e ftohtë dhe erën e zakonshme që fryn në Elbasan, edhe dje pasdite shumë sportdashës janë dyndur në fushën sportive, për të ndjekur seancën stërvitore të skuadrës së Alimehmetit. Fjalët e përhapura, se kanë ardhur për t’u provuar disa futbollistë të huaj, e kanë shtuar më shumë interesimin e tyre. Në fakt, në seancën e djeshme janë stërvitur një sulmues kroat dhe një mesfushor boshnjak. Një gjë tërheq vëmendjen: futbollistët e huaj nuk shoqërohen nga menaxherët e tyre dhe duket sikur janë lëshuar “azat”, siç thotë populli, drejt koubeve shqiptare, ndërsa gazetarët heqin “të zitë e ullirit” për t’u mësuar të paktën emrat e tyre. Kur i pyet futbollistët e ardhur, lidhur me CV e tyre, ata të rreshtojnë një numër skuadrash me emër në Evropë ku kanë luajtur më parë, saqë mund të të lënë me “gojë hapur”. Në rastin konkret, duke gërmuar më shumë për të ndrequr gabimet e mundshme në lidhje me identitetin e të ardhurve në Elbasan, mësojmë se sulmuesi kroat 26-vjeçar, Tomislav Staniç, është provuar më parë disa ditë me Besën në Ulqin, por nuk e ka kaluar testin ka kryer më parë një provë te Besa në Ulqin, e cila ka rezultuar e pasukseshme, ndërsa mesfushori boshnjak, Slavisha Gjukanoviç, vjen për herë të parë në Shqipëri. Trajneri Alimehmeti ka menduar që t’i shohë të dy futbollistët e huaj në ndeshjen e kontrollit, që do të zhvillohet sot në stadium, dhe më pas do të vendosë për fatin e tyre. Megjithatë, fakti që tekniku i verdhebluve nuk është tregur entuziast me aq sa ka parë te futbollistët e huaj, flet për atë se ka pak gjasa që ata të mbeten në Elbasan.

Dëmtimet, pa zarar - Në miqësoren e luajtur të martën, ndaj Apolonisë në Fier, Alimehmeti nuk ka patur në dispozicion disa nga titullarët, si Xhafa, Ahmataj, Lako e Bulku për arsye dëmtimesh. Dje ata kanë marrë pjesë në seancën stërvitore, duke hequr dyshimet për ndonjë dëmtim serioz të tyre. Tekniku i verdhebluve ka zhvilluar një lojë me dy porta, por titullarët, që luajtën në miqësoren me Apoloninë, kanë kryer vrapime aerobike rreth fushës.

Partizani_One

Bokatola thuajse verdheblu. Pritet fjala e Alimehmetit
25 Janar Afrikani i njohur në kampionatin shqiptar, Riçard Bokatola, pasi ka shëtitur në disa skuadra tona, si Vllaznia, Partizani, Flamurtari, Kastrioti, është stacionuar së fundi në Elbasan, teksa ka filluar të stërvitet me verdheblutë. Ai ka luajtur pjesën e parë të kampionatit me Kastriotin, ndërsa kohët e fundit ka qenë i diskutuar në Komisionin e Disiplinës, sepse kishte kërkuar zgjidhjen e kontratës me skuadrën krutane. Tashmë Bokatola është futbollist i lirë dhe, në këto kushte, ka rënë në “grepat” e presidentit Arben Laze, për t’u veshur verdheblu për gjysmën e dytë të kampionatit. Megjithatë, gjithçka ka mbetur në dorën e trajnerit Krenar Alimehemeti, i cili akoma nuk e ka thënë fjalën e fundit për Bokatolën. Tekniku i verdhebluve e ka vëzhguar të porsardhurin në ndeshjen e djeshme të kontrollit, që ka zhvilluar me skuadrën e vet, ndërsa pas përfundimit të saj është shprehur: “Bokatola është në provë, ashtu si dhe Staniç e Gjukanoviç, që kanë ardhur para tij tek ne. Ai e njeh futbollin jo keq, ka krijuar dhe përshtatshmëri në kampianatin shqiptar, por duket se ka disa mangësi në përgatitjen fizike, për arsye të mungesës së një stërvitjeje të rregullt. Nuk mund të them me siguri, nëse do të mbetet apo jo në skuadrën tonë, sepse do ta shoh dhe në ditët e ardhshme që do të stërvitet me ne”. Alimehmeti pati kërkuar në merkaton e dimrit të paktën dy mesfushorë dhe një sulmues. Dhe me ardhjen e Sakajt, Roshit e Bokatolës njëra kërkesë e tij është plotësusr, madje tejkaluar, por “nota” e prodhimit të tyre akoma nuk është vendosur nga pedanti Alimehmeti.

Staniç e Gjukanoviç mund të largohen - Ndërsa për Bokatolën Alimehmeti lë shteg për mbajtjen e tij në skuadër, ndryshon puna kur bëhet fjalë për Staniç dhe Gjukanoviç. Trajneri i Elbasanit nuk ka mbetur i ënaqur nga ato, çka kanë treguar këta futbollistë në këto dy ditë provash, madje ky mendim i është përforcuar atij dje, pas ndeshjes së konktrollit. Si sulmuesi kroat ashtu dhe mesfushori boshnjak kanë gjasa që të largohen nga Elbasani së shpejti. “Por, -thotë Alimehmeti, - unë nuk di me kë të komunikoj për çështjen e të dy futbollistëve. Nuk e di se kush i ka sjellë për provë, pasi nuk shoh njeri të interesohet për ta. Po pres që dikush të më telefonojë dhe do t’ua them vendimin tim. Të dy këta futbollistë nuk na bëjnë punë. Po të jetë për rezerva, më mirë mbajmë të rinjtë tanë, se sa të shpenzohen para për këta të huaj” ka përfunduar tekniku i verdhebluve.

Partizani_One

Bokatola thuajse verdheblu. Pritet fjala e Alimehmetit
25 Janar Afrikani i njohur në kampionatin shqiptar, Riçard Bokatola, pasi ka shëtitur në disa skuadra tona, si Vllaznia, Partizani, Flamurtari, Kastrioti, është stacionuar së fundi në Elbasan, teksa ka filluar të stërvitet me verdheblutë. Ai ka luajtur pjesën e parë të kampionatit me Kastriotin, ndërsa kohët e fundit ka qenë i diskutuar në Komisionin e Disiplinës, sepse kishte kërkuar zgjidhjen e kontratës me skuadrën krutane. Tashmë Bokatola është futbollist i lirë dhe, në këto kushte, ka rënë në “grepat” e presidentit Arben Laze, për t’u veshur verdheblu për gjysmën e dytë të kampionatit. Megjithatë, gjithçka ka mbetur në dorën e trajnerit Krenar Alimehemeti, i cili akoma nuk e ka thënë fjalën e fundit për Bokatolën. Tekniku i verdhebluve e ka vëzhguar të porsardhurin në ndeshjen e djeshme të kontrollit, që ka zhvilluar me skuadrën e vet, ndërsa pas përfundimit të saj është shprehur: “Bokatola është në provë, ashtu si dhe Staniç e Gjukanoviç, që kanë ardhur para tij tek ne. Ai e njeh futbollin jo keq, ka krijuar dhe përshtatshmëri në kampianatin shqiptar, por duket se ka disa mangësi në përgatitjen fizike, për arsye të mungesës së një stërvitjeje të rregullt. Nuk mund të them me siguri, nëse do të mbetet apo jo në skuadrën tonë, sepse do ta shoh dhe në ditët e ardhshme që do të stërvitet me ne”. Alimehmeti pati kërkuar në merkaton e dimrit të paktën dy mesfushorë dhe një sulmues. Dhe me ardhjen e Sakajt, Roshit e Bokatolës njëra kërkesë e tij është plotësusr, madje tejkaluar, por “nota” e prodhimit të tyre akoma nuk është vendosur nga pedanti Alimehmeti.

Staniç e Gjukanoviç mund të largohen - Ndërsa për Bokatolën Alimehmeti lë shteg për mbajtjen e tij në skuadër, ndryshon puna kur bëhet fjalë për Staniç dhe Gjukanoviç. Trajneri i Elbasanit nuk ka mbetur i ënaqur nga ato, çka kanë treguar këta futbollistë në këto dy ditë provash, madje ky mendim i është përforcuar atij dje, pas ndeshjes së konktrollit. Si sulmuesi kroat ashtu dhe mesfushori boshnjak kanë gjasa që të largohen nga Elbasani së shpejti. “Por, -thotë Alimehmeti, - unë nuk di me kë të komunikoj për çështjen e të dy futbollistëve. Nuk e di se kush i ka sjellë për provë, pasi nuk shoh njeri të interesohet për ta. Po pres që dikush të më telefonojë dhe do t’ua them vendimin tim. Të dy këta futbollistë nuk na bëjnë punë. Po të jetë për rezerva, më mirë mbajmë të rinjtë tanë, se sa të shpenzohen para për këta të huaj” ka përfunduar tekniku i verdhebluve.

Partizani_One

Alimehmeti, një skuadër mesfushorësh
27 Janar

Pas një ndërprerjeje disaditore, kanë filluar përsëri vizitat e futbollistëve të huaj në Elbasan. Dje në mbrëmje te verdheblutë është paraqitur për t’u provuar mesfushori kroat Marko Janjetoviç, i cili i përket klubit të njohur Dinamo e Zagrebit, por ka luajtur i huazuar me një tjetër skuadër kroate të kategorisë së parë. Megjithëse nevojat e verdhebluve janë më urgjente për sulmues, drejtuesit e klubit janë të detyruar të pranojnë për provë edhe ndonjë futbollist të repartit të mesfushës, me shpresën se mund të gjendet ndonjë që të bëjë diferencë me të tjerët. I porsaardhuri Janjetoviç është aktivizuar në ndeshjen e djeshme miqësore, që Elbasani luajti me Besën në stadiumin e Kavajës, por me një shikim të parë teknikët elbasanas nuk mund të japin ndonjë mendim të saktë për aftësitë e futbollistit.

Lumë mesfushorësh - Tekniku i verdhebluve, Krenar Alimehmeti ka në dispozicion të tij një numër të konsiderueshëm mesfushorësh. Sipas skemës taktike, që ka përdorur ai të paktën deri tani, vetëm katër prej tyre do të luajnë në formacionin kryesor dhe Alimehmetit i duhet të zgjedhë midis Nuhijit, Dalipit, Merxhës, Bulkut, Tetovës por ndër ata që nuk kanë firmosur akoma kontratën, si Roshi, Bokatola, Cakaj, Nenaj, të riut Yshmeri dhe të huajve që kanë ardhur për provë ditët e fundit, si Gjykanoviç, Janjetoviç e ndonjë tjetër. Pra, është gati një skuadër e tërë mesfushorësh, që ka shtuar jo vetëm konkurrencën midis futbollistëve, por edhe dilemën e Alimehmetit në përzgjedhjen e tyre.

Stop miqësoreve - Me ndeshjen e djeshme në Kavajë, që u fitua nga Besa 2-1, verdheblutë u kanë dhënë fund miqësoreve. Ata kanë luajtur katër ndeshje gjatë kësaj periudhe pas 7 janarit, me Bylisin, Lushnjën, Apoloninë e Besën. Përveç ndeshjes me Bylisin, edhe të tjerat Elbasani i luajti jashtë fushës së vet, pasi, sipas trajnerit Alimehmeti, ky ka qenë dhe synimi i tij. “Do të luajmë së pari me Tiranën dhe një javë më pas me Dinamon, për kampionat, të dyja në kryeqytet - ka sqaruar Alimehmeti. - Ndaj kërkuam që t’i zhvillojmë ndeshjet jashtë Elbasanit”. Tani teknikut të verdhebluve do t’i duhet të rehatohet edhe nga lëvizjet e merkatos dhe të vendosë përfundimisht se cilët futbollistë do të ketë në dispozicion për pjesën e mbetur të sezonit. Deri më sot dihet se asnjëri nga futbollistët, që kanë ardhur për t’u provuar, nuk ka firmosur kontratë me klubin elbasanas. Një situatë e tillë mund të vazhdojë deri në orët e fundit të mbylljes së merkatos dimërore.

Partizani_One

Gogunja: Ilion Lika, “veza e artë”
28 Janar Drejtuesit e skuadrës elbasane janë vënë në një situatë të vështirë në rastin e portierit Ilion Lika, i cili mund të largohet nga verdheblutë. Sipas përgatitësit të portierëve, Bujar Gogunja, Lika i ka bërë të ditur atij nga Turqia, nëpëmjet telefonit, se e ka përfunduar marrëveshjen me skuadrën ruse Tom të Tomskit dhe do të vijë sot ose nesër në Elbasan, ndoshta për të kërkuar lejen e klubit verdheblu. Mëdyshja e drejtueve elbasanas është e qartë: keq ta lejojnë Likën të largohet, ndërkohë që po bëjnë të gjitha përpjekjet që skuadra e Alimehmetit të ruajë të paktën pozicionin që mban në renditje, por keq dhe të mos e lejojnë”. Vetë presidenti Laze ka pranuar që, në kontratën e firmosur me portierin Ilion Lika në filim të sezonit, të shtohej një klauzolë, që e lejonte të largohej nga Elbasani, në rast se i krijohej mundësia të luante jashtë Shqipërisë. Pro Likës është dhe arësyetimi, sipas të cilit portieri i verdhebluve e ka pësuar një herë, kur ishte me Dinamon, gjë që që i kushtoi mosgrumbullimin në kombëtare, ndaj në Elbasan nuk duan të bëhen pengesë për të ardhmen e tij. Trajneri i Likës, Gogunja, u shpreh dje se “Lika e ka bërë vezën e artë në Elbasan”, që do të thotë se ai gëzon respekt të veçantë në këtë qytet.

“Kemi Toçin” - Gjithsesi, në Elbasan janë përgatitur tashmë për mungesën e Likës. “Kemi Irakli Toçin - thotë Gogunja, - i cili është një portier i kompletuar. Ai është stërvitur me përkushtim dhe seriozitet, jo vetëm në këtë periudhë kur nuk është Ilioni, por dhe më parë. Tani që po vjen momenti i tij, Toçi është i përgatitur edhe psikollogjikisht për përgjegëjsinë e titullarit. Megjithëse Lika mund të luajë në ndeshjen ndaj Tiranës, apo dhe në ndonjë tjetër pas saj, ne duhet të mbështetemi tani e tutje te Toçi si “gardian”. Ai po kalon një formë të mirë sportive dhe këtë e ka treguar në ndeshjet miqësore, që kemi zhvilluar në këtë periudhë. Unë kam besim të plotë te aftësitë e tij” ka përfunduar Gogunja.

Trampolinë për kombëtaren

Nuk kanë qenë të paktë futbollistët joelbasanas, në këto vitet e fundit, të cilët, duke u aktivizuar me verdheblutë, kanë arritur të tërheqin vëmëndjen e trajnerëve të kombëtares kuqezi, duke u bërë pjesë e saj. Kështu ka ndodhur me Tefik Osmanin, Armend Dallkun, Endri Vrapin, ndërsa pak më ndryshe ka qënë puna e Nevil Dedes dhe Ilion Likës, të cilët e kanë rifituar vendin e humbur në kombëtare pikërisht pasi treguan provë të shkëlqyer duke luajtur me Elbasanin.

Partizani_One

Alimehmeti, pa nostalgji: “S’duhet të gabojmë më”
31 Janar Eshtë pritur me interesim të veçantë, nga sportdashësit elbasanas, ndeshja e kontrollit që verdheblutë kanë zhvilluar dje pasdite, në stadiumin “Ruzhdi Bizhuta”. Në këtë ndeshje, trajneri Alimehmeti ka bërë koaludimin e fundit taktik të skuadrës, në prag të sfidës së vështirë me bardheblutë e Tiranës, ndonëse në grupin e futbollistëve ka ende nga ata, që vetëm sot do të zyrtarizohen me verdheblutë. Tekniku tiranas i Elbasanit ka gjasa që të ruajë të paprekur dy repartet, atë të mbrojtjes dhe të sulmit, me ata futbollistë, me të cilët ka ndërtuar formacionin në pjesën e parë të kampionatit, duke përjashtuar portierin Ilion Lika. Kështu, para portierit Toçi, Alimehmeti ka aktivizuar Mehmetajn, Shetën, Karçevin dhe Ahmatajn, ndërsa në sulm Bejzaden dhe Xhafën. Probleme paraqet mesfusha, pasi disa nga të ardhurit rishtaz duan pak kohë që të ingranohen me grupin. Kështu, përveç Nuhijit e Dalipit, në mesfushë u aktivizuan fillimisht edhe Roshi dhe kroati Janjetoviç, kurse më pas në këtë repart është provuar dhe Bokatola. Tekniku Alimehmeti, në prononcmin për gazetën tonë, e konsideroi ndeshjen me Tiranën si mjaft të rëndësishme për ecurinë e mëtejshme të skuadrës së tij. Tiranasi “puro”, i zhveshur nga çdo lloj ndjenje nostalgjie për të kaluarën e tij bardheblu, ka mendimin se një rezultat pozitiv për skuadrën e tij, të shtunën, do të thotë që të mbajë në largësi njërin nga rivalët direktë që ka në renditje. “Mendoj se nga grupi i futbollistve, që patëm në dispozicion në pjesën e parë të kampionatit, ? nënvizoi tekniku i verdhebluve, ? morëm atë që morëm, me anët pozitive dhe negative, që demostruam në ndeshje të ndryshme. Kemi humbur shumë pikë në ndeshjet e luajtura në fushën tonë, por kompensuam diçka në disa të tjera jashtë. Tani nuk duhet të përsërisim gabimet tona, pasi kampionati sa vjen e vështirësohet. Kemi bërë një punë të mirë në këtë periudhë të përgatitjes dimërore, ndërsa do ta shohim të konkretizuar në fushën e lojës”.

Partizani_One

http://www.sportekspres.com/lajm.php?idt=5995

Partizani_One

http://www.sportekspres.com/lajm.php?idt=6014

Partizani_One

http://www.sportekspres.com/lajm.php?idt=6051

Partizani_One

http://www.sportekspres.com/lajm.php?idt=6069

Partizani_One

http://www.sportekspres.com/lajm.php?idt=6069

Partizani_One

http://www.sportekspres.com/lajm.php?idt=6169

Partizani_One

http://www.sportekspres.com/lajm.php?idt=6236

Partizani_One

Gogunja: Kritikë, lëreni të qetë Toçin!
20 Shkurt Ndonëse luajti vetëm pesë muaj me Elbasanin, ish?portieri Ilion Lika la përshtypje mjaft të mira për gjithçka bëri për skuadrën e Alimehmetit në pjesën e parë të kampionatit. Pritej që mungesa e tij të ndikonte në ecurinë e skuadrës verdheblu, pasi skepticizmi i për aftësitë e portierit Hirakli Toçi në radhët e një pjese të tifozerisë ishte i pranishëm. Por, megjithë respektin ndaj portierit të Kombëtares, tek Elbasani nuk ka ndodhur hataja me zëvendesuesin e tij në portë. Trajneri që meret me përgatitjen e portierëve, Bujar Gogunja, shpreh shqetësimin se ende ka zëra mosbesues që dëgjohen dhe nga shkallët e stadiumit në ditët e ndeshjeve të Elbasanit. Zëra që nuk bëjnë gjë tjetër, veçse dëmtojnë moralisht ruajtësin e portës. “Toçi ? thotë Gogunja ? është një futbollist mjaft punëtor dhe model nga të gjitha anët. Ai e ndien peshën e përgjegjësisë që ka marrë mbi vete, pas largimit Likës, dhe po bën të gjitha përpjekjet. Për mendimin tim, Toçi ia ka arritur, të paktën në tre ndeshjet e kampionatit që është aktivizuar. Në këto ndeshje ai ka pësuar vetëm dy gola në “Qemal Stafa” ndaj Tiranës, njërin me penallti dhe tjetin pas një topi të devijuar nga shokët e tij në një goditje dënimi. Ndërsa nuk ka pësuar me dy kryesueset e kampionatit, Dinamo e Partizani. Toçi është djalë për së mbari dhe me sedër dhe me gjithë këtë presion që ka mbi vete po stërvitet kokëulur dhe me përkushtim maksimal. Por ? kërkon Gogunja? ai duhet të mbështetur moralisht dhe nga ato pak tifozë që nuk kanë besim te cilësitë që zotëron ai”.

Partizani_One

http://www.sportekspres.com/lajm.php?idt=6375

LuAnIBarDhEKalTer

Partizani_One

Partizani_One

ngaqe ka qene dhe trajner i atyre Laughing

Partizani_One

http://www.sportekspres.com/lajm.php?idt=6393

Partizani_One

http://www.sportekspres.com/lajm.php?idt=6432

Partizani_One

Elbasani/Nuk kemi lene asgje: Kaq e patem takatin”
3 Mars Elbasani ka pesuar humbjen e pare ne “shtepine” e tij dhe kjo ka deshperuar mjaft tifozerine elbasanase. Inatin e tyre fansat verdheblu e kane shprehur ne nje menyre origjinale duke brohoritur ne kor per skuadren kundershtare. Madje paradoksi i ketij veprimi ishe dhe fakti se, ndersa tre dite me pare futbollistet elbasanas festuan gjate para fansave te tyre, te shtunen ishin lezhjanet qe pershendeten sportdashesit elbasanas ne vend te futbollisteve vendas. Por, me pas, kur u moren vesh rezultatet e ndeshjeve te tjera, u bene llogarite sipas kalendarit te fazes se trete dhe gjasat u qetesuan, pasi ky kalendar konsiderohet i favorshem ne Elbasan. Madje, sic po flitej ne rrethe te ngushta tifozesh Elbasani nuk kishte ndonje leverdi te madhe dhe nese e fitonte ndeshjen me Beselidhjen.

Jo leshim!

“Cfare leshimi! Ne asnje menyre nuk pati asgje te tille ne ndeshjen mr Beselidhjen”, nisi prononcimin e tij sekretari i klubi elbasanas Artim Kovaci. “Kush e ka pare ndeshjen ne fushe do te konstatonte qarte se skuadra jone humbi nga pamundesia fizike, si edhe vetkenaqesia e tyre. Ata paten harxhuar shume energji te merkuren dhe nuk ishin ne gjendje te perballonin dhe Beselidhjen qe kishte me shume motiv se skuadra jone. Ishte nje humbje normale duam apo s’duam ne. Ku e dinim ne se si do te perfundonin ndeshjet e tjera ku ne fund te fundit Tirana?Partizni perfundonte tre ore pas ndeshjes sone. Pastaj ne kampionat duhen sa me shume pike nese kerkon te perfaqesohesh me dinjitet dhe te arrish synimet, e jo t’i falesh ato pa filluar akoma faza e trete. Nuk duhen ulur dhe vlerat qe paraqiti skuadra lezhjane qe e meritoi fitoren”.

Perseri me Shkumbinin

Eshte e katerta here qe Elbasani do te ndeshet me Shkumbini brenda nje periudhe te shkurter kohe dhe e dyta radhazi ne “Ruzhdi Bizhuta” kur do te luajne me ta ne celje te fazes se trete te shtunen e ardhshme. Per hir te se vertetes, ne Elbasan, nuk do ta donin kaq shpejt nje ballafaqim tjeter me Shkumbinin. Jane te fresketa taze ngjarjet e trazuara te se merkures se kaluar ne ndeshjen per kupe midis ketyre dy skuadrave kur tifozerite nuk ishin aspak dashamirese me njera?tjetren. Askush nuk deshiron me qe te shikoje me shume uniforma blu se sportdashes ne stadium. Sporti ka msion tjeter. Sikleti i organizatoreve elbasanas per kete ndeshje eshte i dukshem, aq sa askush nuk e ka mendjen tek e merkura kur Elbasani do te prese Teuten e Durresit per kupen e Shqiperise.

Partizani_One

Sakaj: Kalimi i turit, “ilaci” me i mire
4 Mars

Pas polemikave mediatike, lidhur me humbjen e fundit ndaj Beselidhjes, verdheblute e kane mbledhur mendjen dhe jane perqendruar per ndeshjen e neserme me Teuten, per turin e trete te kupes se Shqiperise. Humbja e se shtunes ka ardhur ne nje moment te pafavorshem per skuadren e Alimehmetit, pas kualifikimit te merituar per ne turin cerekfinal. “Duhet ta hedhim pas kraheve ndeshjen me Beselidhjen, ? thote per gazeten tone mesfushori vlonjat Artan Sakaj, ? sepse nuk eshte ne interesin tone te vazhdojme te merremi me ate cka ka kaluar. Nje “ilac” i mire per ne do te jete suksesi ne ndeshjen me Teuten, te merkuren. Nuk kemi pse ta fshehim, qe kupa e Shqiperise eshte synimi yne kryesor tani dhe do te bejme te gjitha perpjekjet deri ne fund”.

Kujdes ndaj durrsakeve ? Skuadra durrsake tradicionalisht ka luftuar ndaj Elbasanit, pavaresisht nga pozicioni qe ka patur ne renditjen e kampionatit. Ne dy ndeshjet, qe Elbasani ka luajtur me Teuten ne kete kampionat, ka fituar ngushte 1?0, me gola te shenuar nga Bejzade, ne minutat e fundit te seciles prej tyre (ne te 81' dhe 82'). Fakti qe Teuta po ben perpjekje te medha per ta kaluar gjendjen e veshtire ne kampionat, duket sikur ia lehteson punen Elbasanit ne ndeshjen per Kupe. Por Sakaj i kundershton te tilla hamendesime, qe sipas tij jane te demshme. “Nese do te hyjme ne fushen e lojes me kete mendim, do te gabonim rende. Se cfare llogarish ben kundershtari, nuk na intereson. Ndeshjet e kupes kane specifiken e tyre dhe ne duam qe te bejme maksimumin tone, per te zgjidhur shume gjera qysh ne ndeshjen e pare. Une nuk kam luajtur me Elbasanin ne dy ndeshjet e kampionatit ndaj Teutes, por e njoh skuadren durrsake. Teuta ka futbolliste te rinj, qe kane deshire te tregojne veten dhe nuk bejne llogari te ndryshme, vec perfaqesimit dinjitoz te tyre. Sa per skuadren tone, mendoj qe, nese do te perserimim grinte dhe luften sportive, qe demostruam kur eliminuam Shkumbinin, atehere them se punen e kemi ne vije”

Shorti, ashtu sic eshte ? Shorti i kupes e ka menjanuar Elbasanin nga perplasja me ndonje nga kryesueset e kampionatit, te pakten ne kete tur, dhe duket sikur e ka ledhatuar pak skuadren e Alimehmetit. Mesfushori Sakaj, nje nga futbollistet me punetore dhe me grinte te verdhebluve, shprehet se shorti duhet marre ashtu sic eshte. Ai aludon se askush nuk shpeton nga “perplasjet e medha”, nese synon trofeun. “Te perpiqemi per te kaluar kete tur, pastaj ka kohe te merremi dhe me te tjeret. Thashe dhe ne fillim, se fitimi i kupes eshte synimi yne kryesor, ndaj lufta me “te medhenjte” eshte e pashmangshme” ka perfunduar Artan Sakaj.

Partizani_One

Elbasani, tani mendjen te Teuta në kupë

Ervin SINA
03-03-2008
Mail Print

Ka ndodhur ajo që pakkush e mendonte në takimin e javës së fundit të fazës së dytë në ndeshjen Elbasani Besëlidhja. Verdheblutë edhe pse të ndodhur para sportdashësve elbasanas kanë dalë huq përballë vendit të parafundit, duke u mundur në shifrat 1-2. Në fakt është bërë realitet frika e pragndeshjes nga ana e drejtuesve të Elbasanit, të cilët i trembeshin më së shumti euforisë që solli në kampin elbasanas kualifikimi kundër Shkumbinit në kupë. Veç kësaj, jo vetëm që elbasanasit ishin të "dehur" nga ky triumf, por dukej qartë se në Elbasan mendja e të gjithëve ishte përqendruar te takimi i ditës së mërkurë në kupë kundër Teutës, sesa te marrja e tri pikëve kundër Besëlidhjes në kampionat. Dhe në fakt ishin tre pikë të humbura, të cilët përfundimisht i kanë dhënë fund shanseve të Elbasanit për të pretenduar deri në fund për titullin kampion. Tani në kampin verdheblu askush nuk do të ketë më logjikën që të flasë për titullin kampion, ndërsa edhe shanset për vendin e dytë janë limituar së tepërmi. Një logjikë e tillë lë të nënkuptosh në mënyrë të qartë synimet e Elbasanit në këtë moment të sezonit. Kupa e Shqipërisë bëhet tashmë trofeu aq shumë i lakmuar nga ana e presidentit Arben Laze dhe të mendosh që vetëm pak kohë më parë flisnim për një Elbasan që ndodhej shumë pranë eliminimit nga kupa dhe se vendi i dytë do të ishte shpëtimi i vetëm i sezonit. Por planet janë rrotulluar në 360 gradë, gjë të cilën e pranojnë edhe vetë elbasanasit, që nga stafi teknik dhe deri te vetë futbollistët, të cilët kanë në mendjen e tyre vetëm ndeshjen e ditës së mërkurë kundër Teutës. I këtij mendimi është edhe Toni Meglenski, mesfushori maqedonas, i cili ka qenë protagonist në javët e fundit në kupë dhe kampionat për Elbasanin, duke luajtur si titullar në mesin e fushës. Meglenski gjen shumë pak shkaqe për të shpjeguar humbjen kundër Besëlidhjes, duke deklaruar se në këtë disfatë ndikoi jo pak edhe lodhja në mesjavë kundër Shkumbinit. "Një rezultat i tillë ishte i papritur, por të mos harrojmë që nuk mund të jemi gjithnjë në maksimumin e mundësive tona. Ne kemi pasur probleme me dëmtime të ndryshme lojtarësh dhe nuk mund të përballonim me të njëjtin ritëm të dy takimet, si në kupë, edhe kampionat. Kundër Shkumbinit djersitëm shumë në fushën e lojës dhe 120 minuta kaq të lodhshme e dhanë disi edhe efektin e tyre. Gjithsesi, me lojën që u zhvillua kundër Beslidhjes unë mendoj se duhet të kishim marrë të paktën një pikë, por fati nuk ishte me ne në shtyllën e goditur në fund nga Nenaj," shprehet 25-vjeçari Toni Meglenski, i cili e sheh me shumë optimizëm takimin e parë çerekfinal kundër Teutës, ku sipas tij, Elbasani duhet të shënojë me patjetër dhe nga ana tjetër nuk duhet të pësojë asnjë gol. "Tani normalisht që kupa është kthyer në një objektiv shumë të rëndësishëm për ne, pasi është rruga më e sigurtë për të arritur në finale dhe për të kaluar në kupat e Europës. Ne shpresojmë që në këtë 90 minutësh të na rikthehen edhe lojtarët e dëmtuar, ndërsa na duhet të shënojmë patjetër gol, duke mos lejuar që nga ana tjetër Teuta të shënojë në portën tonë. Pavarësisht situatës ku ndodhet Teuta në kampionat, unë do ta cilësoj një përballje shumë të vështirë, pasi kupa ka një tjetër specifikë," ka përfunduar mesfushori i Elbasanit, Toni Meglenski.

Partizani_One

Kupa e Elbasanit është një makth “Pesë dëmtime!”
5 Mars

Eshtë katandisur "kokoshi një thelë" do të thuhej për skuadrën e Alimehmetit në prag të ndeshjes së sotme me Teutën. Janë shumë futbollistë, nga më kryesorët, që nuk do të luajnë në këtë ndeshje për arsye dëmtimi, apo skualifikimi. Duke filluar që nga kapiteni Ahmataj dhe më pas Xhafa, Lako e Tetova, kanë probleme dëmtimi, ndërsa Karçev ka plotësuar tre kartonat e verdhë në ndeshjen ndaj Shkumbinin dhe nuk mund të luajë ndeshjen e sotme. Një dopio dënim për maqedonasin e verdhebluve që ka mbetur i befasuar, por i ka prishur mjaft punë skuadrës së tij. "Kemi mjaft probleme për këtë ndeshje", tha trjaneri Alimehmeti, "sepse kemi mbetur një gjysmë skuadre. Aq më keq për stolin ku nuk kemi futbollistë tamam në numër. Kam shpresë se mund të aktivizohet Tetova, por nuk jam i sigurt për gjendjen reale fizike të tij, pasi ka qënë i dëmtuar"

Dilemat - Mungesat e Karçevit, Lakos e Ahmatajt kënë bërë që tekniku i verdhebluve të ketë vetëm dy futbollistë titullarë: Shetën dhe Mehmetajn, ndërsa i duhet të "arnojë" jo pak për të formatuar një katërshe emergjente, për të përballuar këtë ndeshje. Duke e ndierë dhe rrezikun e pësimit të golit në fushën e vet, tiranasi i pankinës elbasanase ka qenë në dilemë për përcaktimin e formacionit kryesor, deri një ditë para ndeshjes. Pas dëmtimit që pësoi korçari Stavrion Lako që në fillim të lojës ndaj lezhjanëve të shtunën e kaluar, Alimehmeti ka aktivizuar në qendër të mbrojtjes Bellon, i cili luajti për herë të parë me Elbasanin në kampionat. Për sot, alternativa të tjera për kolegun e Shetës në qendër, mund të jenë vlonjati Sakaj, që do të tërhiqet nga mesfusha, ose dhe spostimi i Mehmetajt nga anësori i djathë për në qendër. Ndërkohë, trajnerit të Elbasanit do t'i duhet të mendojë dhe për krahët e mbrojtjes. Gjithsesi, ky "mal" problemesh për verdheblutë ka ardhur në një moment delikat kur kërkohet kalimi i këtij turi të kupës, fitimi i së cilës ndoshta mbetet synimi i vetëm i Elbasanit për këtë sezon futbollistik.

Partizani_One

Karçev e Sula mohojnë dhunën ndërmjet tyre
10 Mars “Asgjë nga ato që janë shkruar nëpër gazeta se unë qenkam konfrontuar me deputetin e Peqinit, Sula, nuk është e vërtetë”. Kjo deklaratë ka ardhur dje, pikërisht nga lojtari maqedonas i Elbasanit, Nikola Karçev. Ai ka pohuar se asgjë nuk është e vërtetë, përsa i përket fjalëve që janë shkruajtur në shtyp, pas ndeshjes Elbasani?Shkumbini. “Jam befasuar kur shokët e skuadrës më kanë thënë se çfarë kishin shkruar gazetat dhe kam mbetur i hutuar. Nuk mund ta besoja. Akoma nuk e kam kuptuar se përse është shkruajtur një gjë e tillë. Kjo, pasi e vërteta është krejt ndryshe. Mes meje dhe deputetit Sula nuk ka pasur asnjë “përplasje”, aq më tepër të ketë patur dhunë fizike, siç kam lexuar. Mes mej dhe Sulës ka patur vetëm një bashkëbisedim që në të vërtetë unë nuk e kam kuptuar mirë, sepse nuk di të flas shqip”. Kanë qenë këto fjalët e maqedonasit Nikola Karçev, që ka pohuar se është shumë i indinjuar nga ajo që ai e konsideron shpifje. “Mund të kuptoj deri diku se mediat janë në kërkim të “bumit”, por, këtë nuk e lejoj të bëhet në kurrizin tim. Madje, unë i them të gjithë gazetarëve që të shkruajnë ngjarje të vërteta, sepse këto konflikte inekzistente që ata shpikin, nuk i bëjnë mirë askujt”, ka përfunduar Karçev.

Në ndryshim nga Karçev, i cili ka dashur ta zbusë situatën, një reagim shumë të ashpër ka bërë deputeti Dashnor Sula, pasi ka lexuar në disa të përditshme se kishte vënë dorën mbi lojtarin maqedonas të Elbasanit, Karçev, pas përfundimit të ndeshjes, Elbasani?Shkumbini. “Kam mbetur shumë i habitur për atë çfarë kam lexuar. Pa asnjë motiv, pa asnjë të drejtë dhe fakt, unë akuzohem se paskam goditur Karçevin e Elbasanit. Më vjen shumë keq që lajme të tilla shkruhen dhe imagjinohen sipas gustove të njërit apo tjetrit gazetar. Mund të them se kjo është hera e dytë që më ndodh, pikërishtme Elbasanin. Unë desha të di si ka mundësi që disa gazeta politike, gazetarët e të cilave nuk e kanë idenë se ku ndodhet stadiumi “Ruzhdi Bizhuta”, paskanë dëgjuar se unë paskam goditur një lojtar. Një gjë e tillë është e rëndë për imazhin tim dhe nuk ka për të kaluar kaq lehtë”, ka sqaruar deputeti Sula. Sipas tij, kjo histori duhet të kalojë patjetër në Gjykatën Civile, ku sot, ai pritet të paraqesë një denoncim për shpifje.

LuAnIBarDhEKalTer

ORE KTIJ SLLAVIT JA BONI MIRI AI..POR KUR TE VIJNE NE PEQIN KTO DO E SHIKOJN PICKEN E MIZES...EDHE TE NA DALI LAZJA ROPQIRI BASHKE ME DYLBERAT E TJERE E TE NA THOJE QE SLUHET FUTBOLL NE PEQIN PASTAJ...

Partizani_One

Kovaçi: Nuk bëhej fjalë për ndeshje
16 Mars Një numër i pakët sportdashësish elbasanas i janë drejtuar stadiumit “Ruzhdi Bizhuta”, për të ndjekur ndeshjen e skuadrës së tyre me Skënderbeun e Korçës, pak para orës 15:00, dhe në ato momente janë njohur me vendimin e FSHF?së për ndërprerjen e veprimtarive të djeshme. Ndonëse ata që erdhën ishin nga fansat më të thekur të verdhebluve, askush nuk shprehur keqardhje për moszhvillimin e ndeshjes, ndërsa shumë syresh sapo ishin shkëputur nga pamjet filmike të katastrofës së Gërdecit, të transmetuara nga stacionet televizive. Të gjithë ishin të mendimit se nuk mund të bëhej fjalë për sport pikërisht në momente të tilla tragjike dhe kanë përkrahur pa rezerva vendimin e FSHF?së.

Artin Kovaçi ? Sekretari i klubit elbasanas, Artin Kovaçi, thotë për gazetën tonë se është njoftuar rreth orës 13:00 për moszhvillimin e ndeshjes nga zyrtarë të FSHF?së dhe këtë lajm ua ka përcjellë drejtuesve të skuadrës, të cilët ishin nisur për në stadium. “I kishim marrë të gjitha masat organizative për zhvillimin normal të ndeshjes, ashtu si zakonisht, por në situata të tilla të paparashikuara nuk mund të bësh gj- tjetër, veç të urosh që dëmet të jenë sa më të pakta e sa më të lehta për t’u përballuar. Sa për ditën e zhvillimit të ndeshjes, deri tani nuk kemi ndonjë njoftim nga FSHF, ndaj presim si do të rrjedhin më tej ngjarjet.

Krenar Alimehmeti ? Tekniku i verdhebluve, tiranasi Krenar Alimehmeti, sapo është njohur me vendimin e FSHF?së për anullimin e ndeshjes e ka shfrytëzuar momentin për të zhvilluar një seancë stërvitore me skuadrën e tij. Pasi shprehu solidaritetin me familjet e të humburve dhe të lënduarit prej shpërthimeve të Gërdecit, Alimehmeti hyn në anën sportive të çështjes, duke shtuar se me skuadrën e tij do ta shfrytëzojë edhe këtë ditë të shtyrjes së ndeshjes. “Vazhdojmë të kemi probleme dëmtimi me disa nga futbollistët dhe mbase na duhej ky pushim, edhe pse nuk do ta donim kurrë në të tilla rrethana. Përveç Shetës, Lakos, Xhafës, Bokatolës, të cilët nuk do të luanin nëse do të zhvillohej ndeshja, ka qenë me dyshim edhe Bejzade. Ky kishte shprehur dëshirën për të luajtur dhe do ta provonte veten në nxemjen para ndeshjes, nëse do të ishte në gjendje të luante, apo jo. Tani do të kemi më shumë kohë në dispozicon për të bërë të mundur rikuperimin, të paktën të një pjese të futbollistëve të dëmtuar”, ka përfunduar trajneri Alimehmeti.

Partizani_One

Laze: Embelsira pa sherbet
17 Mars Ne klubin elbasanas ka lene pershtypje te hidhur lenia e futbollit shqiptar jashte dyerve te Evropes. Si nje nga skuadrat, qe pretendon te marre pjese ne kompeticionet evropiane, ne kampin e Elbasanit jane “shokuar” kur kane mesuar vendimin e FIFA?s dhe kjo eshte reflektuar se pari te drejtuesit e klubit. Sekretari i klubit verdheblu, Artin Kovaci, thote se eshte autorizuar per te dhene nje prononcim nga presidenti Arben Laze, i cili ndodhet aktualisht jashte Shqiperise. “Pas ketij vendimi, gara e kampionatit, por dhe kupes se Shqiperise duken si “embelsire pa sherbet”. Perderisa mungon motivi kryesor, qe e shtyn nje skuader drejt zoterimit te trofeut, nuk ka pike lezeti dhe nese e fiton ate. Statistikat nuk kane me vlere, financimet tona kane marre nje goditje te rende. Cfare mund te themi tjeter, pervecse palet te ulen dhe te merren vesh per hir te futbollit. Ndersa politika te qendroje sa me larg ketij sporti. Sa me shpejt te behet kjo, aq me mire do te jete per futbollin dhe gjithe dashamiresit e tij” ka cituar Kovaci presidentin Laze.

Verdhblute, sot ne stervitje ? Trajneri Alimehmeti, para se te anullohej ndeshja e se shtunes me Skenderbeun, kishin planifikuar qe futbollistet e tij te pushonin ne dy ditet e tjera te pasndeshjes, pra te dielen dhe te henen, ndersa tani ai eshte ne pritje te zhvillimit te ngjarjeve te metejshme. Shtyrja e ndeshjes me korcaret, por dhe pezullimi nga ana e FIFA?s, mund te detyroje FSHF?ne qe te beje ndryshime ne kalendarin e kampionatit superior, kur ishte parashikuar qe te shtunen e ardhshme te mos kishte ndeshje, per shkak te miqesores se kombetares. Nsdersa tani gjasat jane qe ne fundjave te luhen ndeshjet e kampionatit. “Gjithsesi ? tha tekniku Alimehmeti, ? per t’i paraprire cdo situate i kam paralajmeruar futbollistet e mi qe te paraqiten per stervitje te henen, ndonese me pare e pata llogaritur si dite pushimi”

Partizani_One

File: Nuk heqim dorë nga synimet
18 Mars

Verdheblutë kanë rifilluar stërvitjen dje pasdite, në një situatë aspaka të favorshme për një punë normale. Tragjedia e Gërdecit, por dhe vendimi i FIFA?s, për pezullimin e futbollit shqiptar, kanë ndikuar në gjendjen morale të futbollistëve, që natyrisht nuk është për t’u lavdëruar. Gjithsesi, me shpresën se situata në planin sportiv do të zgjidhet, me gjithë vështirësitë dhe kompleksitetin e saj, skuadra e Alimehmetit po vazhdon përgatitjet, për të përballuar ndeshjet e radhës. Nga ana e FSHF?së ka ardhur njoftimi se në këtë fundjavë do të luhen ndeshjet e anulluara të së shtunës të kaluar, ndërsa më tej kampionati do të vazhdojë rrjedhën e vet, sipas datave të përcaktuara më parë. Kjo u ka ardhur sipas midesë drejtuesve të skuadrës elbasanase, e cila do të pres në fushën e saj Skënderbeun e Korçës. Më parë u fol për një shtyrje të këtyre ndeshjeve për një datë të mëvonshme dhe se do të luhej java pasardhëse, e 25?ta, ku Elbasani do të përballej me Tiranën. Në Elbasan nuk e dëshironin një ndeshje me kampionët në fuqi që këtë fundjavë, pasi disa nga titullarët e verdhbluve nuk i kanë kaluar plotësisht problemet e dëmtimit, që kanë pasur në periudhën e fundit. Ndihmëstrajneri Ilirian File, në një prononcim për gazetën tonë, tregohet optimist për gjendjen e skuadrës dhe thotë që ky pushim u ka bërë mirë futbollistëve, jo vetëm atyre që po bëjnë përpjekje për rikuperim por dhe të tjerëve. “Ngarkesa e madhe psiko?fizike që ka patur skuadra jonë në këto javët fundit, kur i është dashur që të përballojë ndeshjet e të dy kompeticioneve kombëtare njëkohësisht, ka bërë që futbollistët ta kenë të nevojshme një ulje ngarkese” ka sqaruar File. Dje verdheblutë kanë zhvilluar seancën stërvitore në fushën e stadiumit. Sipas Files, mendohet që deri ditën e ndeshjes të jenë të gatshëm të gjithë futbollistët, të cilët kanë qenë të dëmtuar. Në këtë periudhë nuk kanë qenë pak, por tetë futbollistë me probleme të tilla, si Ahmataj, Sheta, Tetova, Xhafa, Lako, Nenaj, Bejzade e Bokatola, të cilët edhe kur kanë luajtur kanë sakrifikuar shumë. “Tani ? thotë File ? ata janë stërvitur me skuadrën dhe deri ditën e ndeshjes me korçarët besoj se do ta kemi të gjithë kontigjentin e futbollistëve në dispozicion. Sidoqoftë ? përfundon File, ? me gjithë këto situata jo të favorshme që po përjetojmë dhe që nuk varen nga ne, po vazhdojmë punën pa hequr dorë nga pretendimet tona, si për fitimin e kupës ashtu dhe për një vend nderi në kampionat

Partizani_One

Lako nuk e “kursen” Skënderbeun
19 Mars Verdheblutë e Alimehmetit janë stërivitur dje në fushës sportive “Shefqet Lamçja”, ndërsa sot parashikohet që ata të zhvillojnë jë ndeshje kontrolli në stadium, natyrisht nëse do të jetë mot pa rreshje. Me kalimin e ditëve, skuadra ka hyrë gjithnjë e më shumë në atmosferën e garës, ndërsa të gjithë futbollistët po stërviten nën drejtimin e trajnerit Alimehmeti dhe ndihmësve të tij, File dhe Gogunja. Dje, Xhafa, Lako, Bokatola e Nenaj janë parë jashtë grupit, ndërsa kanë ushtruar vrapime aerobike përreth fushës. Me verdheblutë është stërvitur dhe Gentian Stojku, që është lënë i lirë nga skuadra e Shkumbinit ku ka luajtur i huazuar. A mund të ndërrojë sërish skuadër në këtë moment? E vështirë, por lojtari ka si “armë” atë që nuk është larguar me dëshirën e tij nga Shkumbini.

Mbrojtësi korçar i verdhebluve, Stavrion Lako, po e përfundon periudhën e rikuperimit pas dëmtimit së dytë, që pësoi në ndeshjen ndaj Besëlidhjes që në 1 mars. Në njëfarë mënyre, atë “e hanë këmbët” për të luajtur dhe e pret me padurim ditën e aktivizimit. Madje Lako shpreson të jetë i gatshëm që ndaj ish?skuadrës së tij, Skënderbeut, ndeshje që do të luhet në “Ruzhdi Bizhuta”. “Nuk e fsheh, e kam një dëshirë të tillë ? thotë për gazetën tonë ? por një dëshirë akoma më të madhe kam që të luaj një javë më pas kur të ndeshemi me Tiranën. Ndeshjet e Elbasanit me Tiranën janë evenimente që sjellin kënaqësi, jo vetëm për sportdashësit që i ndjekin nga shkallët e stadiumit, por dhe për vetë ne futbollistët që luajmë në fushë. Eshtë një rast që nuk duhet humbur”. Duke iu kthyer ndeshjes me Skënderbeun, mbrojtësi shpreh keqardhjen për gjendjen kritike ku ndodhet ish?skuadra e tij. “Situata te Skënderbeu duket e pashpresë, pasi vetëm llogaritë matematikore e mbajnë akoma këtë skuadër në Superiore. Ndonëse është e vështirë që të gjesh një futbollist korçar sot te Skënderbeu, askush nga ne që luajmë në klube të tjera nuk dëshiron ta shohë skuadrën e qytetit tonë në fund”, thotë Lako. Më pas, kthehet në “bazë” dhe mendon se Elbasanit i duhet një fitore në këto ndeshje, pasi ka synime për një vend nderi në kampionat. “Për këtë ? përfundon prononcimin korçari i verdhebluve ? do të na duhet të mos kursejmë as Skënderbeun”.

Partizani_One

Bejzade: Kështu humbim të gjithë
20 Mars “Arusha verdheblu”, Skerdi Bejzade, vazhdon të ketë probleme në kofshën e dëmtuar që prej disa javësh. Në ndonjë nga ndeshjet e fundit ai e ka ndierë që nuk i ka kënaqur fansat e tij të shumtë në Elbasan, ndonëse ka sakrifikuar duke u aktivizuar. Bejzade, në intervistën për gazetën tonë, e ka patur peng për t’u justifikuar para tifozëve, që me të drejtë kërkojnë shumë nga idhulli i tyre. Ndërsa për situatën aktuale tëfutbollit shqiptar, ai lutet që ajo të mos përkeqësohet akoma më shumë, ndaj këshillon maturi dhe gjakftohtësi midis palëve në konflikt. “Kjo është për të mirën e të gjithve” shprehet Bejzade.

? Si e gjykoni situatën aktuale, që po kalon futbolli shqiptar?

? Mendoj se kjo situatë konfuze është e dukshme për të gjithë dhe nuk ka nevojë për shumë koment. Eshtë në dëm të njerëzve, që merren direkt me futbollin, por dhe i atyre, të cilët e ndjekin nga tribunat e stadiumit. Sigurisht, ne futbollistët nuk kemi gjë në dorë dhe vetëm shpresojmë që kjo situatë të mos përkeqësohet akoma më shumë, por të marrë rrugën e zgjidhjes sa më shpejt që të jetë e mundur. Nuk e kuptoj pse qenka kaq e vështirë, që palët të ulen dhe të gjykojnë me gjak të ftohtë për të mirën e të gjithëve.

? Do të ketë ndikim në nivelin e lojërave?

? Këtu duhen ndarë disa gjëra. Nëse do të gjykojmë thjesht si profesionistë, ne futbollistët duhet të vazhdojmë punën tonë si më parë, pavarësisht se çfarë bëjnë me njëri?tjetrin ata që drejtojnë futbollin. Por kjo situatë cënon drejtpërdrejt interesat e një pjese të mirë të skuadrave, të cilat synojnë pjesëmarrjen në kompeticionet evropiane. Pra, po të na mbyllen dyert e Europës, bie shumë interesi për të zënë një vend sa më të mirë në kampionat dhe kjo ndikon direkt në cilësinë e lojërave.

? Vazhdoni të keni probleme dëmtimi?

? Akoma nuk më kanë kaluar, por, meqë më ngacmuat në këtë pikë, dua të sqaroj diçka. Në këto tre sezone, që kam milituar për Elbasanin, kam sakrifikuar shumë, pasi kam luajtur dhe kur më duhet të pushoja në raste të veçanta dëmtimi. Në këtë sezon nuk kam luajtur vetëm në një ndeshje kupe, ndërsa në disa të tjera jam aktivizuar me sforcim, edhe pse kam ndierë dhembje, sidomos kohët e fundit. Fansave të mi, të cilët më duan dhe më respektojnë, do të desha t’iu thoja se Skerdi Bejzade e ndien përgjegjësinë e tij. Asnjëherë nuk kam luajtur për vete, por për skuadrën, dhe i tillë do të jemë dhe në të ardhmen.

? Ndeshje e lehtë të shtunën, me Skënderbeun?

? Në letër po, kështu duket. Ndërsa kur mendon se Skënderbeu nuk ka çfarë humbet, atëherë ndryshojnë pak gjërat. Ne na duhen tri pikët, sepse kemi shanse të ngjitemi më lart në renditje, duke parë dhe kalendarin e ndeshjeve të rivalëve tanë më të afërt. E kemi pësuar një herë, kur e menduam ndeshjen me Besëlidhjen si të fituar ende të paluajtur. Vlera e fitores është e njëjtë, si ndaj së parës, ashtu dhe ndaj të fundit në renditje, prandaj do ta marrim seriozisht këtë ndeshje.

Partizani_One

Alimehmeti: Asgjë nuk është çudi!
25 Mars Gjatë gjithë seancave stërvitore të javës së kaluar, n- pritje për t’u ndeshur me skuadrën korçare, futbollistët elbasanas janë prononcuar në mediat sportive se do të luanin me seriozitet, me gjithë situatat e turbullta që u krijuan. Arsyeja kryesore e një vlerësimi të tillë ishte se mundësitë, për t’u ngjitur në vendin e tretë në renditje, qenë reale, duke u bazuar edhe te ndeshjet e vështira që kishin disa nga rivalët e verdhebluve, si Besa në Vlorë dhe Tirana në Peqin. Dhe gjithçka shkoi sipas parashikimeve për skuadrën e Alimehmetit, që aktualisht renditet në vendin e tretë, pas fitores së thellë ndaj Skënderbeut. Në ndeshjen së dielës nuk pritej ndonjë surprizë nga ana e korçarëve, pasi atyre u mungonte motivi kryesor nxitës dhe përbërja e re e skuadrës ishte larg homogjenitetit dhe kompaktësisë, aq të domosdoshme për të arritur diçka përballë një kundërshtari të fortë, siç u paraqit Elbasani të dielën në fushë. Verdheblutë e administruan me lehtësi situatën, por dhe u “kujdesën” që të mos e dëmtonin akoma më shumë moralisht skuadrën korçare, që duket se është “prerë në besë” nga drejtuesit e saj.

“Do të tentojmë”

Tekniku i verdhebluve, Krenar Alimehmeti, vazdhon të punojë në qetësi të plotë, pa patur asnjë lloj “presioni” nga lart dhe shpreson që të kujtohet për mirë si parardhësit e tij “jabanxhinj”, trajnerët Bushati e Daja, kur me të parin arritën në vendin e dytë, ndërsa me të dytin fituan titullin kampion. Në prononcimin e tij tepër konçiz për gazetën tonë, Alimehmeti tregohet realist dhe, pse jo, deri guximtar, kur nuk e quan ndonjë çudi të madhe që Elbasani i tij të kapë një nga dy skuadrat e kreut, që ka përpara. “Sigurisht, do të tentojmë ? thotë trajneri tiranas, ? ndryshe është e kotë që të lodhemi në kampionat. Tani e tutje të gjithë pretendentët do të fillojnë të ndeshen me njëri?tjetrin dhe cila nga skuadrat, do të tregohet më e qëndrueshme në këto sfida të drejtpërdrejta, do përfitojë më shumë. Jemi vërtet 9 pikë larg nga dy të parat, por janë për tu luajtur edhe nëntë ndeshje të tjera deri në fund të kampionatit dhe shumë gjëra mund të ndryshojnë rrugës”.

Mendjen te Tirana

Kreu i pankinës elbasanase nuk dëshiron të thotë shumë gjëra për ndeshjen e së dielës së kaluar, me Skënderbeun, ndoshta edhe sepse gjykon që nuk është ndonjë gjë e madhe të mundësh një skuadër të “cfilitur”, siç do të thoshin vetë korçarët. “Megjithatë ? u shpreh Alimehmeti, ? futbollistët tanë luajtën me seriozitet dhe realizuam qëllimin që kishim, fitimin e trepikëshit, që na çoi në vendin e tretë. Tani duhet të shohim vetëm përpara. Në fundjavë do të kemi përballë një nga rivalet tona më të afërta, Tiranën, megjithëse do ta kemi më të lehtë në drejtim të karikimit të skuadrës. Dihet që në tilla përballje motivimi as që nuk diskutohet, ndërsa do të na duhet të përgatitemi sa më mirë në drejtime të tjera, kryesisht në planin fizik e atë tekniko?taktik. Besoj se edhe të dëmtuarit Xhafa, Lako, Nenaj e Bokatola do t’i kemi në dispozicion për këtë ndeshje, sepse kanë bërë mjaft përmirësime në gjendjen e tyre” ka përfunduar trajneri i Elbasanit, Krenar Alimehmeti

Partizani_One

Ndaj Tiranës, me premtim “lab”
26 Mars Siç pohojnë vetë futbollistët verdheblu, përgatitjet për ndeshjen me Tiranën i kanë filluar që javën e kaluar kur ishin në pritje të luanin me Skënderbeun. Duke e konsideruar ndeshjen me korçarët më të lehtë për t’u kaluar, skuadra elbasanase e ka patur mendjen te ndeshja me kampionët në fuqi. Trajneri Alimehmeti, ndryshe nga disa ndeshje të tjera, ku i është dashur të aktivizojë futbollistë me probleme dëmtimi për nevojat e skuadrës, të dielën e kaluar nuk e bërë këtë gjë. Arsyeja kryesore ishte se, në ndeshjen e fundjavës ndaj Tiranës, ai dëshiron ta ketë sa më të plotë kontigjentin e futbollistëve.

Vlonjati Roland Nenaj është një nga të dëmtuarit, që nuk është sakrifikuar në ndeshjen me korçarët, teksa pritet të jetë i gatshëm të shtunën e ardhshme. Pas kalimit të një periudhe të gjatë jashtë fushës, Nenaj filloi të aktivizohet me verdheblutë, madje duke spikatur në ndeshjen e kthimit me Shkumbinin për kupë. “Por ? thotë vlonajti ? ngarkesa e lartë e ndeshjeve të njëpasnjëshme që zhvilluam për kupë e kampionat solli dhe dëmtimin tjetër këtë radhë më të rëndë, një tërheqje muskulare. Tani jam mirë dhe plotësisht i gatshëm për të luajtur”.

Si “macja me minjtë”

Nenaj kujton se dhe kur luante me Flamurtarin, atmosfera në pragndjeshjen me Tiranën ishte tejet e ndezur. “Por ? shton ai ? sfida Elbasani ? Tirana duket si ajo e maces me miun. Ky fakt e bën akoma më intersante këtë ndeshje. Jemi vetvetiu të karikuar për të zhvilluar një lojë të pëlqyeshme dhe sigurisht për të dalë me sukses. Kryesorja është të mos humbasim, pasi kështu do ta lëmë pas Tiranën në renditje dhe për një javë tjetër. Personalist them se dhe barazimi nuk është keq”. Kur i kujton Nenajt se, dhe dy ndeshjet e tjera me Tiranën në këtë kampionat, Elbasani i ka barazuar 1?1 dhe 2?2, vlonjati i verdhebluve përgjigjet: “Ashtu? Epo mirë atëherë, do ta fitojmë të tretën!”.

“Kemi Fjodorin!”

Një arsye tjetër që e bën optimist Roland Nenajn për një rezultat pozitiv ndaj Tiranës është dhe besimi për një rikthim të Fjodor Xhafës në lojë. Sulmuesi i mungon Elbasanit që prej një muaji ? më saktë nga 24 shkurti ? kur u dëmtua në ndeshjen e luajtur në Peqin. Ai u aktiviza më pas vetëm në 15 minutat e fundit në javën e 23?të të kampionatit, përsëri në ndeshjen ndaj Shkumbinit, por këtë herë në “Ruzhdi Bizhuta”. Ndërsa shpresohet që të jetë i gatshëm për ndeshjen e radhës. “Besoj se këtë herë do ta kemi Xhafën në formacion”, thotë Nenaj. “Fjodorit i ka ecur gjithmonë me Tiranën”, thotë vlonjati për vlonjatin, duke kujtuar se Xhafa është autor i golit kundër Tiranës në ndeshjen e fazës së parë të luajtur në Elbasan 1?1.

Partizani_One

Bejzade, dilema e Alimehmetit
27 Mars Te sportdashësit elbasanas kanë filluar ethet e ndeshjes me Tiranën. sidomos kur u mësua se ajo do të luhet të premten. Megjithëse në pamje të parë duket se nga ajo nuk varet fitorja e ndonjë trofeu, aq më shumë kur bëhet fjalë për një ndeshje kampionati, pritet që dhe ky ballafaqim të mos u lërë mangët atyre, që janë luajtur më parë midis këtyre dy skuadrave. Në seancën stërvitore të ditës së djeshme, trajneri Alimehmeti i kushtoi më shumë rëndësi veprimeve tekniko?taktike, duke ia lënë vendin në fund një loje me dy porta në gjysmë fushe. Ashtu si gjatë gjithë kësaj periudhe të fundit, që nga fillimi i fazës së tretë tekniku i verdhebluve vazhdon të jetë në dilemë për formacionin kryesor, që duhet të nxjerrë në fushë në përballjen e nesërme. Ndoshta gjithçka mund të vendoset edhe pak para fillimit të ndeshjes, pasi varet dhe nga gjendja fizike e shëndetësore e disa futbollistëve, që kanë patur probleme dëmtimi javët e fundit.

“Arusha” i bashkohet Xhafës

Në seancën e djeshme stërvitore është reduktuar numri i futbollistëve, që janë stërvitur veçmas grupit, ndërsa mund t’i prishin shumë punë skuadrës, nëse do të mungojnë në ndeshjen e nesërme ndaj Tiranës. E ka filluar vetëm sulmuesi Fjodor Xhafa, i cili ka kryer vrapime aerobike rreth fushës së kompleksit sportiv “Shefqet Lamçja” dhe disa ushtrime speciale, nën kujdesin e mjekut të skuadrës, Buzmerxhani. Më pas atij i është bashkuar dhe Skerdi Bejzade, i cili është dhe goleadori i verdhebluve me dhjetë gola të shënuar, nga 24 që ka shënuar gjithsej skuadra në ndeshjet e deritanishme. Bejzade ndien akoma shqetësime në muskujt e kofshës, ndonëse ka luajtur duke sakrifikuar shumë në disa ndeshje. “Dua të ruhem për të mos e përkeqësuar gjendjen ? tha për gazetën tonë Bejzade. ? Kam luajtur në disa ndeshje të tjera me gjendje jooptimale për shkak të dëmtimit, por ia vlen të sakrifikoj përsëri në këtë ndeshje. Gjithsesi, dhe të pamundurën nuk mund të bëj dot, pasi nuk mjafton vetëm dëshira për të ndihmuar skuadrën, pasi duhet të jesh dhe i gatshëm fizikisht. Nuk do të doja kurrsesi që të luanim të premten, kur koha për rekuperim është e reduktuar, pasi përveç meje është në dyshim dhe Xhafa, i cili ka disa ndeshje që nuk aktivizohet” ka përfunduar “Arusha verdheblu”. Nëse Elbasanit do t’i mungojnë të dy sulmuesit kryesorë në ndeshjen ndaj Tiranës, Xhafa dhe Bejzade, kur alternativat e Alimehmetit në këtë repart janë të pakta, do të rriten më shumë vështirësitë e verdhebluve për të arritur objektivin.

Partizani_One

Bejzade: Jo baltë mbi trajnerin
1 Prill Verdheblutë kanë filluar dje pasdite, në stadiumin “Ruzhdi Bizhuta”, javën stërvitore për t’u përgatitur për ndeshjen me Besën, që do ta presin në “shtëpi”. Shumëkush nga futbollistët e Alimehmetit do të kishte dashur ndoshta që kjo ndeshje të luhej që sot, vetëm që të hiqnin nga mendja imazhet e humbjes ndaj Tiranës të premten e kaluar. Të shtytur ndoshta dhe nga ndonjë mendim i hedhur pa “doganë” në ndonjë emision televiziv, i cili kritikonte trajnerin Alimehmeti për ndërrimin e parakohshëm të Bejzades, në radhët e tifozerisë elbasanase kanë filluar të besojnë se ky ishte dhe momenti, që ndryshoi krejt situatën në atë ndeshje të çuditshme për nga rrjedha e ngjarjeve. Situata e kreut të pankinës verdheblu rëndohet paksa, kur aludohet dhe për ndonjë lëshim të paramenduar, për të vetmin fakt që kundër tij punon edhe “prejardhja” bardheblu. Por është vetë futbollisti i verdhebluve, Skerdi Bejzade, i cili kërkoi të prononcohet për gazetën tonë, ku hedh poshtë çdo kritikë apo aludim për gjëra të paqena në drejtim të trajnerit të tij. I njohur dhe në mjediset e mediave sportive si tip që “ka kokën e vet mbi supe”, “Arusha” thotë: “I kam ndjekur analizat dhe mendimet e shprehura në disa kanale televizive, për ndeshjen tonë të humbur me Tiranën, dhe jam ndierë keq, kur është sulmuar trajneri ynë në rastin e ndërrimit tim. Ata që janë në Elbasan dhe që kanë ndjekur stërvitjet e skuadrës sonë, me siguri e kanë të qartë se unë kam qenë i dëmtuar dhe jam stërvitur në mënyrë individuale. Jam konsultuar me trajnerin dhe mjekun e skuadrës dhe vendosëm së bashku që të luaja në formacionin kryesor dhe më pas të dilja nga loja, kur ta shihja se nuk mund të vazhdoja më. Rast më të mirë për t’u ndërruar nuk kishte, kur ishim në epërsi të një goli dhe kur kishte rreth 20 minuta lojë për t’u luajtur, aq më tepër kur situatën në përgjithësi e kishim në kontroll. Në një ndeshje futbolli mund të ndodhë gjithçka dhe asgjë nuk mund të parashikohet me siguri të plotë. Mund të kishte ndodhur edhe që unë të mos aktivizohesha fare dhe ne mund ta fitonim atë ndeshje” ka përfunduar Skerdi Bejzade, shënuesi i golit të vetëm në ndeshjen Tirana?Elbasani, që u humb nga verdheblutë të premten e kaluar.

Partizani_One

Elbasani “harron” ndëshkimet: Tani na duhet qetësia
2 Prill Në kampin elbasanas janë të mendimit se lufta sportive për një renditje sa më të mirë në kampionat do të vazhdojë deri në fund, pavarësisht hapave të gabuar që mund të bëhen rrugës. Sekretari i klubit, Artin Kovaçi kërkon nga futbollistët e Alimehmetit që të hynë sa më shpejt në atmosferën e ndeshjes me Besën, që do të luhet të shtunën në “Ruzhdi Bizhuta”, duke lënë pas atë çka ndodhi në ndeshjen e kaluar me kampionët në fuqi. “Tani ka filluar pjesa më e rëndësishme e kmapionatit për të gjitha skuadrat ? thotë Kovaçi ? si për ato që synonjë kreun e renditjes, ashtu dhe për t’ju shmangur fundit. Të katër skuadrat që vinë pas dy të parave, pra Vllaznia, Besa, Tirana dhe Elbasani, do të ndërrojnë shpesh vendet midis tyre nga java në javë, pasi janë shumë pranë njëra?tjetrës. Madje që këtë javë, duke përjashtuar ndoshta ndeshjen Tirana ? Skënderbeu, dy të tjerat, Shkumbini? Vllaznia dhe Elbasani ? Besa mund të sjellin ndryshime në renditje”.

S’ka mbledhje

Pas përfundimit të ndeshjes së humbur me Tiranën, në kampin verdheblu u fol për një analizë të fortë, që mund të shoqërohej dhe me masa ndëshkuese ndaj futbollistëve, nga ana e presidentit Arben Laze. Por ai që e njeh nga afër kreun e futbollit elbasanas nuk besonte se do të ndodhte vërtet një gjë e tillë. Dhe kështu rezultoi. Lidhur me këtë, Kovaçi u shpreh se nuk është bërë ndonjë mbledhje e tillë. “Eshtë tjetër gjë analiza teknike që bën trajneri me skuadrën e tij për ndeshjet. Ndërsa ndonjë analizë për mbledhje të osaçme për të marrë dhe masa ndërshkuese nuk është bërë. Madje, as ka qenë në plan për tu bërë”. Duket se drejtuesit e klubit elbasanas e kanë konsideruar humbjen e javës së kaluar si rutinë e kampionatit. “Jemi në katërshen e Kupës së Shqipërisë ? ka sqaruar Kovaçi? dhe nesër do të njohim dhe kundërshtarin me të cilin do të diskutojmë për një vend në finale. Nisur nga synimi madhor që kemi për ta fituar këtë trofe, nuk do të ishte mirë që merreshim gjatë me një humbje në një ndeshje kampionati. Skuadra tani ka nevojë më shumë se kurrë për qetësi dhe moral”.

Bashkohet Xhafa, ndahet Bejzade

Për ndeshjen me Besën, gjasat janë që dyshja e sulmit verdheblu Bejzade ? Xhafa, që ka mbajtur mbi supe një peshë të mirë të kampionatit, të mos jetë që në fillim të lojës. Vlonjati i ka munguar formacionit së Alimehmetit në pesë ndeshjet e fundit, ndërsa këto ditë ai i është bashkuar grupit në seancat stërvitore. E kundërta ka ndodhur me Bejzaden: pasi sakrifikoi sa mundi të premten e kaluar në ndeshjen ndaj Tiranës, ai është stërvitur në mënyrë individuale këto ditë dhe dyshen sulmit në ndeshjen e së shtunës mund ta përbëjë Fjodor Xhafa dhe Arben Nuhihi.

Partizani_One

Vlonjatët, java “non stop”
2 Prill

E gjithë java do të jetë në funksion të përgatitjeve për ballafaqimin e ditës shtunë me Partizanin. “Nuk dëshiroj që askush të justifikohet për paraqitjen që ka bërë skuadra në ndeshjen me Vllazninë. Asnjë nuk mund fshihet pas një gjuajtje që ka bërë në portë. Në fushën e lojës kam parë atë skuadër që shumë pak e kisha menduar. Defektet riparohen vetëm me punë dhe stërvitje, ndaj s’do të ketë pushim”, mësohet t’u ketë thënë trajneri Kovaçiç futbollistëve të tij në analizën e kësaj humbjeje.

Të ashpër dhe aspak pajtues me këtë ndeshje të humbur janë shfaqur dhe ndihmësat e “Kovës”, Behari dhe Birçe, të cilët, në “akord” njëri me tjetrin, kanë patur të gatshme “faturën” saj, kur thonë: “Kemi luajtur një ndeshje që ishte e kundërta e asaj të zhvilluar një javë më parë. Një paqëndrueshmëri e pajustifikueshme në lojë, që na detyron ta pranojmë humbjen ashtu siç është. Na duhet ta harrojmë atë ndeshje të shëmtuar, sepse prej saj nuk kemi çfarë themi se e kemi bërë mirë”.

Ndaj, “harrojeni pushimin”! Në fakt, kështu ka ndodhur. Futbollistët, pa bërë as më voglin kundërshtim, kanë ulur kokën dhe i janë përveshur punës, edhe me dy seanca në ditë. “Në dy javët e para të punës mendova që futbollistët e kishin kuptuar mirë pozicionin që kishte skuadra në klasifikim, ndaj stërvitjen e kisha organizuar më të larmishme. Por, kur mungon rezultati i punës, siç ndodhi javën e kaluar, përse të kërkojmë të pushojmë? Jo një ditë, por asnjë minutë!”, është shprehur përpara skuadrës “Kova”.

Mirë që s’ka pushim, por kanë filluar të mungojnë dhe fjalët. Reflektim për ndeshjen e humbur në Shkodër, apo pasiguri për atë të radhës Partizanin, vështirë ta gjesh. Sidoqoftë, “Kova”, pas seancës së djeshme të stërvitjes ka preferuar të “zbutet” pak. Kroati ka marrë pjesë në bisedat e lira me futbollistët. Të ulur në tapetin e fushës ? dukej një kuvend “labç” ? skuadra dhe trajneri kanë folur për shumë gjëra, pa përjashtuar dhe zgjidhjet që duhen bërë për ditën e shtunë me Partizanin.

Partizani_One

Elbasani, pa motiv ndaj Besës
4 Prill Megjithës ndeshja me Besën është në prag, ende trajneri verdhebluve Krenar Alimehmeti nuk ka vendosur plotësist se cilët futbollistë do të përbëjnë formacionin kreysor të skuadrës së tij. “Problemi kryesor, – thotë ai, – është në sulm, ndonëse Xhafa është stërvitur së bashku me grupin gjatë kësaj jave, jam akoma në mëdyshje për ta aktivizuar që në fillim të lojës. Loja ka situata të papritura nga të cilat futbollisti që ka probleme dëmtimi të parikuperuara mund ta pësojë edhe më keq”. E provoi njëherë vetë Xhafa, i cili u aktivizua në ndeshjen me Shkumbinin për kampionat dhe u dëmtua akoma më rëndë se më parë. “Po kështu, – vazhdon shpjegimin e tij trajneri Alimehmeti, – është dhe puna me Bejzaden. Sot ai u ingranua mirë në strërvitjen me grupin e futbollistëve, por për aktivizimin e tij në ndeshjen me Besën, mbase do të vendos pak para rifillimit të saj, pasi do të shoh reagimin e tij dhe në seancën e fundit sot pasdite”. Tekniku i verdhebluve ndonëse nuk u shpreh hapur, gjasat janë që ta ketë më shumë mendjen te ndeshja e së mërkurës për kupë ndaj nuk kërkon me ngulm që futbollistët që janë me probleme dëmtimi t’i aktivizojë në sfidën ndaj kavajasve të shtunën

Duke i kërkuar Alimehmetit nëse ka ndonjë informacion të freskët për Besën dhe taktikën e përgjithshme që do të përdorë ai në këtë ballafaqim, tekniku detyrohet të pranojë se motivimi për këtë ndeshje nuk është në shkallën më të lartë. “U thashë futbollistëve të mi që para ndeshjes me Tiranën që do të luanim të premten e kaluar se nëse do ta fitonim atë do të ishim në gjendje të sulmonim me kurajo vendin e dytë në kampionat. Këtë bindje e patë se kam vërejtur se dhe skuadra e kreut të tabelës ka një rënie në ritmin e tyre dhe ne mund të përfitonim në këtë situatë. Tiranën e pamë vetë në ndeshjen që fitoi aq papritur me ne, ndërsa dhe Dinamo dhe Patizani fituan pikë javën e kaluar, vetëm nga emrat që kanë jo nga loja që zhvilluan me skuadrat që luftojnë për mbijetesë. Ndërsa tani që ngjarjet rodhën kështu, them se si ne, ashtu dhe Besa jemi në të njëjtat nivele morali për kampionat. Megjithatë, ne do të përpiqemi të marrim tre pikët, pasi nuk mund të veprojmë ndryshe para sportdashësve tanë”.

Partizani_One

Arian Sheta: Fitore morali
5 Prill

Futbollistët elbasanas janë njohur me opinionet apo vlerësimet, që jepen nga media dhe specialistë të ndryshëm mbi gjendjen psikollogjike që po kalon skuadra e tyre, në prag të ndeshjes me Besën, që do ta luajnë në “Ruzhdi Bizhuta”. Sipas këtyre opinioneve, Elbasani nuk e ka gjendjen e duhur të moralit të përgjithshëm për ndeshjen e radhës për kampionat, pasi është i përqendruar krejt te gjysmëfinalja e Kupës. Nga ky këndvështrim, nuk është ndonjë gabim i madh që gjykohet kështu, pasi kjo tregon dhe vlerësimin e situatës në përputhje me interesat imediate të skuadrës. Megjithatë, vetë protagonistët e skuadrës së Alimehmetit janë të mendimit se të tilla konsiderata, që jepen për ndeshjen me Besë, nuk janë si të prera me thikë. “Ne, ? prononcohet njëri prej tyre, qendërmbrojtësi Arian Sheta ? vërtet i kemi më shumë sytë nga ndeshjet për kupën, por kjo nuk do të thotë që do të lëshojmë në kampionat. Madje, unë mendoj se do të jemi më të qetë nga ana psikollogjike në ndeshjen me Besën, sepse nuk kemi shumë ngarkesë emocoionale si në përballjet e tjera. Na humbi një shans i mirë për të pretenduar më tepër, kur humbëm në atë mënyrë me Tiranën javën e kaluar, por e ndiejmë se jemi më të lirshëm tani dhe kjo mund të na ndihmojë që të nxjerrim një lojë më të mirë, të shoqëruar me fitore”.

“Gol? Pse jo!”

Arian Sheta, që ka luajtur më parë dhe me Besën, ka shënuar një gol në këtë kampionat me fanellën verdheblu, madje pikërisht në portën kavajase, në ndeshjen e fazës së dytë midis këtyre skuadrave, të luajtur në “Ruzhdi Bizhuta”. Ai gol i tij i hapi rrugë fitores së elbasanase në atë ndeshje (2?0 ), kur më pas shënoi dhe Ardian Nuhiji. Kur e ngacmon tiranasin e verdhebluve, nëse janë mundësitë që të përsëriten ngjarjet e asaj ndeshjeje, Sheta e ka më të lehtë të parashikojë fitore e skuadrës së tij, sesa autorësinë e ndonjë goli. “Ne mbrojtësit nuk mund të marrim zotime të tilla, që kanë të bëjnë me shënim golash, nisur nga vetë detyra që kemi në taktikën e lojës. Por, nëse më krijohet mundësia të shënoj përsëri në portën e Besës, përse të mos e bëj? Kënaqësia ime do të ishte dyfish, nëse fiton edhe skuadra, ashtu si ndodhi në atë ndeshje që fituam 2?0”.

Test për të mërkurën

“Kjo ndeshje na duhet e fituar dhe për një arsye tjetër ? ka vazhduar Sheta, ? pasi do të na shërbejë dhe për rritjen e moralit për sfidën që kemi me Tiranën, të mërkurën e ardhshme, për gjysmëfinalen e parë të kupës së Shqipërisë. Pra, sido që të interpretohet nga jashtë mjedisit të skuadrës, pa asnjë mëdyshje ne do ta vlerësojmë këtë ndeshje njësoj si të tjerat” ka përfunduar Sheta

Partizani_One

Elbasani, Xhafa: “Ndeshja jonë e sezonit”
8 Prill

“Kam shumë besim se do të dalim me sukses dhe këtë e shoh edhe te shokët e tjerë të skuadrës”

Pas fitores bindëse ndaj Besës, të shtunën në “Ruzhdi Bizhuta”, verdheblutë e kanë kthyer kursin te ndeshja e parë gjysmëfinale e kupës, kur të mërkurën do të presin në “shtëpi” Tiranën. Pasi pushuan të dielën, futbollistët e Elbasanit kanë përveshur mëngët për t’u përgatitur seriozisht për përballjen e nesërme. Ndonëse në kampin verdheblu, për efekt “taktik”, mundohen që kësaj sfide me Tiranën t’i japin ngjyrat e një ndeshjeje të zakonshme, në të vërtetë “kazani zien nga brenda”. Në Elbasan të gjithë e dinë mirë se dy ndeshjet me bardheblutë kanë në dorë ndoshta gjithë sezonin e skuadrës së Alimehmetit. Një eleminim nga gjysmëfinalja do të thotë dështim i plotë në objektivat, që janë vënë nga drejtuesit që në fillim të sezonit. Ndërsa një vend në finale i jep mundësi skuadrës elbasanase që të synojë pjesmarrjen në kupën Uefa edhe nëse nuk e fiton atë, por me kushtin që Dinamo të shpallet fituese e titullit kampion dhe të jetë njëkohësisht finaliste përballë saj. Në të vërtetë, këto llogari me “qitje të largët” bëhen më shumë në mjedisin e sportdashësve elbasanas, ndërsa vetë protagonistët janë të përqendruar për ndeshjen e nesërme me Tiranën.

Të gjithë të gatshëm

“Këtë herë i kemi të gjithë futbollistët në dispozicion dhe kjo është një shenjë e mirë për ne”, u shpreh ndihmëstrajneri i Elbasanit, Ilirian File, pas përfundimit të seancës së djeshme stërvitore. “Ky ? vazhdoi File ? është një nga rastet e rralla, kur nuk kemi mungesa të futbollistëve, si për arsye dëmtimi ashtu dhe për skualifikime nga kartonat. Kemi patur shumë probleme të tilla gjatë kësaj periudhe që nga janari, por të paktën për këtë ndeshje do të kemi mundësi të nxjerrim një formacion sa më të përshtatshëm, për të synuar një rezultat të kënaqshëm për ne. Gjithsesi, nuk duhet të harrojmë se kjo ndeshje është vetëm hapi i parë, që gjithsesi duhet ta hedhim mirë, sepse gjithçka vendoset në kthim”. Në fakt, stafi teknik i skuadrës verdheblu i ka filluar me kohë përgatitjet. Trajneri Alimehmeti ka rrezikuar në ndeshjen e fundit të kampionatit, duke mos aktivizuar disa nga titullarët, me synimin që ata të jenë të gatshëm për këtë sfidë tepër të rëndësishme. Njëri prej këtyre futbollistëve, sulmuesi vlonjat Fjodor Xhafa, ka gjasa që ta përfundojë “karantinën”, që e ka mbatur për katër?pesë javë jashtë fushës së lojës, dhe të luajë nesër në “Ruzhdi Bizhuta”. Vlonjati, i njohur për realizmin e tij në prononcimet në media, thotë për gazetën tonë se ndihet mjaft mirë dhe i gatshëm për të kontribuar për skuadrën. “Unë e konsideroj këtë përballje me Tiranën si ndeshjen e sezonit, ? është shprehur Xhafa. ? Këtë nuk e them për ta rritur shumë se ç’duhet rëndësinë e saj, por sepse kështu është në të vërtetë. Jemi mjaft të mobilizuar për të bërë maksimumin e mundshëm në të dyja ndeshjet, sepse e dimë mirë sa vlen për ne një vend në finalen e Kupës. Megjithatë, duhet pranuar se Tirana është gjithnjë Tiranë dhe kjo sfidë ruan brenda edhe enigmat e saj. Me këtë dua të them se kërkohet të bëjmë shumë kujdes, sepse ndeshjet me eliminim kanë dhe rrezikun brenda, pasi gabimet mund të të ndëshkojnë rëndë dhe të shkon kot e gjithë puna e bërë”. Xhafa dhe Bejzade nuk janë aktivizuar nga trajneri Alimehmeti të shtunën e kaluar, kur Elbasani fitoi me Besën, edhe pse të dy sulmuesit ishin në gjendje të mirë për të luajtur. Xhafa e ndien përgjegjësinë e besimit që kanë për të si dhe shpresat që mbështesin fansat elbasanas në lojën e tij. “Jam stërivitur rregullisht dhe ndihem mirë, ndaj do të bëj të gjitha përpjekjet e mia për të dhënë maksimumin në këtë ndeshje. Kam shumë besim se do të dalim me sukses dhe këtë e shoh edhe te shokët e tjerë të skuadrës” ka përfunduar Xhafa.

Partizani_One

Alimehmeti: “Unë nuk bëj luftë, por hakmerrem”
9 Prill

? Si e përjetuat “dramën” e humbjes së ndeshjes me Tiranën për kampionat ?

? Tashmë, atë ndeshje e quaj si diçka që i përket të kaluarës. Por për t’i qëndruar besnik etikës them se është një eveniment që nuk të hiqet kollaj nga mendja. Askush nga trajnerët nuk ndihet mirë kur skuadra e tij pëson në atë mënyrë, siç e pësuam ne. Këto janë vërtetë raste të rralla, por që nga ana tjetër kanë dhe të mirën e vet sepse tregojnë dhe bukurinë e garës së futbollit.

? Keni dashur Tiranën si kundërshtar në gjysmëfinale: mos është pak e tepruar për një nga “emblemat” e futbollit tiranas, siç jeni ju?

? Jo nuk do ta konsideroja kështu dëshirën time. Jam shprehur kështu pas ndeshjes që humbëm në Tiranë për kampionat duke vlerësuar forcën momentale të Tiranës. Unë jam trajneri i Elbasanit dhe kam të drejtën time për të gjykuar sipas interesave të skuadrës që unë drejtoj, por kjo nuk do të thotë aspak se kundërshtarët tanë në kupë janë më të dobët se të tjerët. Unë kam vlerësuar dhe faktorë të tjerë që shpreha atë dëshirë.

? Kjo sfidë kupe po vlerësohet dhe si një hakmarrje për humbjen e pësuar para dhjetë ditëve...

? Jo, jo. Nuk i kemi udhëzuar në asnjë mënyrë lojtarët tanë për t’u hakmarrë. Nuk ditën të përfitonin në atë ndeshje dhe këtu mbaron historia e saj. Tani duam të realizojmë synimet tona në kupë dhe për këtë po luftojmë. Janë dy ndeshje për t’u luajtur, pasi nuk mbaron gjithçka sot.

? Ka tension skuadra juaj?

? Nuk e mohoj që ka, por këtë tenson e vlerësoj brenda normave të garës. Pra nuk është frenues dhe kjo më bën optimist se futbollistët tanë do të interpretojnë një ndeshje dinjtoze.

? Ku i keni dilemat më të shumta në formacion?

? Në ndonjë individ të veçantë, por jo në reparte.

? Pa Xhafën dhe Bejzaden, Elbasani shënoi tre gola në ndeshjen me Besën: mund të merret kjo si sfidë ndaj dy sulmuesve kryesorë?

? Unë do ta quaja thjesht si forcë e grupit, asgjë më shumë.

? Ç’do të thotë një kualifikim i mundshëm për në finale?

? Një hap i madhe drejt realizimit të objektivit tonë..., por të kalojmë me sukses 90 minutat e para.

Partizani_One

Bejzade do Nallbanin në portë
9 Prill

Shënuesi më i mirë i verdhebluve, Skerdi Bejzade, përveç të tjerave ka një dëshirë origjinale: të shëtisë dhe një herë tjetër në Elbasan me entuziazmin verdheblu, kur të fitojë Kupën e Shqipërisë, ashtu siç bëri me rastin e fitimit të titulit kampion në maj 2006. Duke u kthyer me këmbë në tokë, “arusha” shpreson se nuk mund të dënohet përsëri skuadra e tij, pasi ka besim te forca dhe aftësia e saj, të cilën e ka treguar shpesh në ndeshjet në Elbasan.

? Si ndiheni pas dëmtimit?

? Nuk mund të them se jam plotësisht i gatshëm për të luatjur. Kam luajtur dhe në disa ndeshje të tjera duke sakrifikuar dhe mendoj se ia vlen që për këtë ndeshje të sakrifikoj përsëri. Pastaj, kam dhe një merak personal. Nuk e shoh dot ashtu të braktisur në meshirë të fatit autobuzin verdheblu te fusha e vjetër, me të cilin shëtitëm nëpër Elbasan kur fituam kampionatin para dy vjetësh. Dua t’i hip dhe një herë tjetër, por këtë herë me Kupën e Shqipërisë

? Keni shënuar golin e vetëm në ndeshjen e humbur me Tiranën (1?2), një gol që nuk ishte trepikësh...

? Kur dola nga loja e lashë rezultatin 1?0 për ne, ndërsa Tiranën me 9 lojtarë. Nuk mund të imagjinohej që do të humbisnim atë ndeshje. Dua të shtoj se me Tiranën më ka ecur për gol. Gjatë gjithë ndeshjeve që kam luajtur kundër kësaj skuadre mund të ketë vetëm 3?4 që nuk i kam shënuar gol në gjithë karrierën time.

? Trajneri Alimehmeti nuk e vlerëson si hakmarrje ndeshjen e sotme për humbjen e çuditshme që pësuat për kampionat; po ju?

? Tashmë jemi mësuar me të tilla ndeshje rivalësh. Unë do të dëshiroja shumë që, fatin që pati Tirana në ndeshjen e kaluar, tan kemi ne.

? Fitorja e së shtunës me Besën ka ndikuar në rritjen e moralit të skuadrës...

? Sigurisht. Skuadra jonë ka luajtur mjaft mirë atë ndeshje. Dhe unë që nuk luaja, u kënaqa kur shikoja aksionet e rrjedhshme të shokëve të mi. Me thënë të drejtën, po “vloja” me vete në ato momente: po të kisha luajtur, patjetër që do të kisha shënuar dhe do të rrisja numrin e golave personalë.

? Keni presion psikologjik në ndeshje të tilla të rëndësishme, kur nga ju pritet shumë në Elbasan ?

? Do të thoja se më shumë nxitem në të tilla sfida, se sa frenohem psikologjikisht. Përvoja bën të vetën...

? Kë do të preferonit të ruante portën e Tiranës: Nallbanin, apo Osmanin?

? Osmanin nuk e njoh mirë, ndërsa me Nallbanin ndryshon puna. Me të kemi luajtur bashkë dhe te Partizani. E kam “shqepur” në gola kur stërviteshim!

? Domethënë ....

? Nallbanin, pra!

Partizani_One

Alimehmeti kthehet brenda 24 orëve
11 Prill

Pas ndeshjes së humbur të mërkurën me Tiranën, në ndeshjen e parë gjysmëfinale të kupës së Shqipërisë, Alimehmeti u nis drejt kryeqytetit i dorëzuar. Ka parë gjithnjë një skuadër aty pranë trofeve, por kundër Tiranës e ka kuptuar që sezoni nuk ka më asnjë shans. Me presidentin Laze e ka pasur të pamundur të komunikonte dhe ia ka transmetuar vendimin e tij sekretarit të klubit, Artim Kovaçi. Alimehmeti u zgjua dje si një trajner i dorëhequr, por pa e ditur se atje, në qytetin e Shqipërisë së Mesme, e kërkojnë me ngulm për të vijuar një punë serioze të lënë në mes. Kryesia e klubit është mbledhur dhe pa asnjë kundërshti ka vendosur: të kthehet Alimehmeti. Presidenti Laze ka telefonuar të preferuarin e tij dhe sot pritet që sërish të dalë në stërvitje.Në Elbasan, ndërkohë, i kishin marrë parasyshë të gjitha: në vend të Alimehmetit, nëse ky nuk bindej për t’u rikthyer, do të drejtonte ndihmësi Ilirjan File. Madje, dje pasdite ai ka drejtuar seancën stërvitore 60?minutëshe të verdhebluve, së bashku me ndihmësin Gogunja. Vitin e shkuar, pikërisht më 7 prill, File mori deri në fund të kampionatit drejtimin e skuadrës, pas shkarkimit të Edmond Gëzdarit. Historia nuk u përsërit.Për objektiva sportivë është pak e vështirë të flitet. Ky Elbasan, gjithsesi, nuk ka bërë në këtë edicion asgjë më pak nga mundësitë që ka realisht. Ndoshta shpreson te një Tiranë që fiton Kupën e shqipërisë dhe kështu i hapet rrugë një vendi në Intertoto. “Ne asnjëherë nuk kemi menduar se e keqja e skuadrës sonë ishte Alimehmeti ? tha Kovaçi për gazetën tonë, ? përkundrazi, e kemi vlerësuar se është një trajner shumë serioz, i cili gjithnjë ka menduar vetëm pozitivsht për Elbasanin. Të jemi të ndërgjegjshëm se nuk mund të bëhej më shumë me këtë grup lojtarësh dhe, në përgjithësi, kemi bërë një kampionat dinjitoz”.Fundi i kampionatit duket intrigues. “Ne do të vijojmë të bëjmë punën, sepse jemi ende në zonën “europiane”, duke përfshirë këtu edhe Intertoton”, tha Kovaçi, duke lënë të kuptohet se kështu ndoshta shpëtohet edhe sezoni.

Partizani_One

Alimehmeti: Barazimi, rezultati më i drejtë
14 Prill Rezultati i barabartë pa gola, që verdheblutë arritën në Shkodër ndaj Vllaznisë, konsiderohet pozitiv edhe për faktin se humbja do ta kishte zhytur akoma më thellë moralin e skuadrës së Elbasanit. Trajneri Alimehmeti e ka quajtur të turpshme humbjen 0?3, në ndeshjen e Kupës ndaj Tiranës, ndaj dhe vendosi që të largohej nga skuadra. Ndaj, çdo rezultat tjetër në “Loro Boriçi”, përveç humbjes, do të ishte i mirë si për teknikun e skuadrës elbasanase, ashtu dhe për futbollistët, që të mblidhnin veten pas disfatës me bardheblutë .

Synohet vendi i tretë ? Loja e Elbasanit, të shtunën e kaluar, ishte përgjithësisht e mirë dhe e organizuar. Mbrojta e përqendruar, pavarësisht ndonjë rasti shënimi që patën vendasit, dhe kompaktësia e mesfushorëve i dhanë frymëmarrje lojës së verdhebluve, duke iu përgjigjur me të njëjtin impenjim kundërshtarëve për të shënuar gol. “Kemi patur mundësi të shënonim ndonjë gol në portën e Vllaznisë ? tha Alimehmeti ? dhe, nëse do ta kishim bërë këtë me anën e Bejzades apo Ardian Nuhijit, atëherë do të ktheheshim nga Shkodra me tri pikët në xhep. Megjithatë, duke gjykuar se edhe Vlaznia ka patur raste që mund të na ndëshkonte, mendoj se duhet të jemi të kënaqur me barazimin. Ky ishte dhe rezultati më i drejtë, për nga mënyra se si luajtën të dyja skuadrat”. Edhe më parë, në një nga prononcimet e tij për gazetën tonë Alimehmeti kishte parashikuar se katër skuadrat, që e ndjekin pas dyshen kryesuese Dinamo e Partizani, do të ndërrojnë vendet midis tyre nga java në javë. Kështu ndodhi dhe këtë herë, kur Besa, Elbasani, Tirana dhe Vllaznia janë ngjeshur fort pas njëra?tjetrës. “Ne do të vazhdojnë të synojmë vendin e tretë dhe shpresojmë që në fund të kampionatit ta bëjmë tonin” ka përfunduar trajneri.

Rikthehet dyshja Xhafa?Bejzade ? Dy sulmuesit e Elbasanit, Bejzade dhe Xhafa, i kanë munguar formacionit të skuadrës që nga 24 shkurti. Ka qenë ndeshja Shkumbini? Elbasani, e luajtur në Peqin për javë e 21?të të kampionatit, kur pas 20 minutash lojë Xhafa ka dalë nga fusha i dëmtuar. Më pas, edhe Bejzade nuk ka zhvilluar të plota disa nga ndeshjet, sepse pësoi tërheqje muskulare. Dhe vetëm të shtunën, në “Loro Boriçi”, dyshja e sulmuesve ka qenë përsëri pjesë e formacionit kryesor të skuadrës verdhblu. Të dy sulmuesit deri tani kanë shënuar 14 gola së bashku (11 Bejzade dhe 3 Xhafa) nga 28 që ka realizuar gjithsej skuadra

Partizani_One

Elbasani “Ne në Intertoto? Jo, faleminderit”
15 Prill Ndonëse synimi për zënien e vendit të tretë në kampionat ? i cili më shumë ka vlera honorifike dhe statistikore ? është shpallur te verdheblutë sapo ata pësuan disfatën në ndeshjen e kupës me Tiranën, askush në Elbasan nuk e ka zënë në gojë pjesëmarrjen në kupën Intertoto. Gjasat janë që, nëse Elbasani do të arrijë këtë objektiv të ri, pra të renditet i treti në këtë kupë evropiane mund të shkojë një skuadër tjetër e kampionatit tonë, gjithmonë nëse do të kalohet pengesa e pezullimit tonë ndërkombëtar. Këto vitet e fundit Elbasani ka pasur në përbërjen e tij futbollistë me shumicë nga klubet e tjera, me të cilat janë lidhur kontrata 1 vjeçare. Pas përfundimit të sezonit drejtuesve të klubit verdheblu u është dashur që të bëjnë përpjekje të mëdha për të riformuar një skuadër të re në përbërje për të përballuar sezonin pasardhës. Në rastin e problemit të pjesëmarrjes në kupën Intertoto ata duhet të zgjidhin përsëri “qesen” për të mbajtur me sforcim futbollistët, të cilët u përfundon kontrata menjëherë pas përfundimit të kampionatit. Nëse do të bëhej fjalë për një pjesëmarrje në ligën e kampioneve, apo kupën UEFA, që ka ndodhur me Elbasanin dy vjet të shkuara, ia vlen të sakrifikosh financiarisht, pasi ajo ka dhe shpërblimin nga ana e organizmit Evropian pas përfundimit të këtyre veprimtarive. Ndërsa për një Intertoto, në të cilën duhet të përballojë veten në të gjitha shpenzimet, as që ia vlen “barra qeranë”. Ndaj, drejtuesit e futbollit elbasanas nuk e kanë përmendur ndonjëherë si nxitje morale për skuadrën e tyre faktin se kanë një kupë Intertoto që duhet marrë pjesë, por janë mjaftuar vetëm se do të luftohet për vendin e tretë.

Partizani_One

Verdheblutë nuk lëshojnë: “Eshtë ndeshje e vërtetë”
17 Prill Moti me reshje të vazhdueshme të këtyre ditëve të fundit i ka detyruar futbollistët elbasanas ta ndërrojnë shpesh terrenin stërvitor, duke iu shmangur fushës së stadiumit. Edhe dje pasdite, ditë në të cilën trajneri Alimehmeti planifikon si zakonsisht ndeshje kontrolli, elbasanasit i janë drejtuar fushës së kalçetos, edhe pse ata i pret të shtunën një përballje e vështirë me Partizanin. Drejtuesit e skuadrës, si trajneri Alimehmeti, ashtu edhe dy ndihmësit e tij, File dhe Gogunja, shprehin habi se si ka disa njerëz që e paragjykojnë ndeshjen me Partizanin, duke aluduar për mosipenjim serioz të Elbasanit. Njëzëri ata kërkojnë që t’i hedhin poshtë këto insinuata që dëmtojnë garën e ndershme sportive, pasi nuk ka asnjë arsye për ta bërë këtë. Në fakt nuk mbahet mend ndonjëherë që Elbasani dhe Partizani të kenë bërë ndonjë aleancë ose marrëveshje gjatë gjithë historisë së përballjeve midis tyre. Nuk kanë pse ta bëjnë këtë gjë dhe të shtunën pasi Elbasani të paktën nuk ka siguruar veten e tij dhe kërkon me ngulm të kapë një vend sa më të mirë në kampionat pas “aventurës” pothuaj të dështuar të kupës. Nga ana tjetër gjykohet se nuk ka arsye që të fitojnë një “miqësi” me Partizanin dhe të humbin një tjetër me Dinamon, nëse lëshojnë dhe në fund tifozëria elbasanase e ka inatin me skuadrën e saj që nga e mërkura e javës së kaluar kur ajo u mund thellë 0?3 nga Tirana dhe një mendjelehtësi tjetër e verdhebluve do të krijonte një hendek të thellë me fansat e tyre që presin të tjera gjëra nga futbollistët

Partizani_One

Elbasani: “Partizan, tani nis kampionati yt”
18 Prill

Përkundër tymnajave që lëshohen andej këtej, por që nuk kanë të bëjnë fare me realitetin, futbollistët elbasanas kanë vazhduar përgatitjet e radhës për ndeshjen me Partizanin. “Kush ka menduar për ne që të kemi ndonjë detyrim për të lëshuar në këtë ndeshje?”. Kështu e ka filluar prononcimin e tij për gazetën trajneri Alimehmeti pas seancës së djeshme stërvitore. “Ne do të bëjmë detyrën tonë si profesionistë, sepse kemi synimet tona në kampionat dhe duam që të lëmë gjurmë në të. Partizani ka objektivin e tij por më duhet të them pavarësisht se si mund të kuptohet nga të tjerët se në Elbasan fillon kampionati i vërtetë për të”. Më pas Alimehmeti si për të plotësuar idenë e moslëshimit ndaj të kuqve përmend përsëri ato ngjarje që ai i quan si të paimagjinueshme që përjetoi në rastin e humbjes (1?2 në ndeshjen me Tiranën në “Selman Stërmasi”, pra me ish?skuadrën e tij). “E kam parë përsëri këto ditë kasetën e asaj ndeshjeje të paharruar një rast i ngjashëm me të nuk e kam hasur ndonjëherë në karrierën time dhe ende nuk më besohet se si e kemi humbur lojën. Nëse do t’i kishim ato tri pikë do të flisnim ndryshe sot dhe ajo që na vuri përfund moralisht ishte humbja tjetër 0?3 po me Tiranën për kupë në fushën tonë”. Këtu Alimehmeti ka heshtur si për të folur me mendjen e tij. “Përderisa mua më kanë djegur aq shumë këto dy ndeshje kundër ish skuadrës sime që m` rriti dhe më bëri siç jam, çfarë më mban që të mos luftoj ndaj një skuadër tjetër me të cilën nu më lidh asgjë”, do ketë thënë me vete trajneri i Elbasanit.

Tetova, drejt operacionit

Durrsaku i vedhebluve, Edlir Tetova, nuk do të jetë në dispozicion të skuadrës në ndeshjen kundër Partizanit. Ai vuan nga një shqetësim i hershëm në muskujt e fundbarkut dhe ka gjasa që t’i nënshtrohet një ndërhyrje kirurgjikale. “Tetova nuk është stërvitur kët javë me skuadrën ?, tha Alimehmeti ?, dhe, nëse këtë javë operohet mund t’i thotë lamtumirë këtij sezoni”. Njëkohësisht ish futbollisti me një jetëgjatësi të konsiderueshme në karrierën e tij shpreh dhe habinë për këtë sëmundje të re të futbollistëve të sotëm. “Kam luajtur një jetë futboll, ? thotë Alimehmeti ?, kemi bërë dhe stërvitje sfilitëse por nuk e kam dëgjuar ndonjëherë këtë lloj dëmtimi që po u ndodh rallë futbollistëve të sotëm”.

Mungon “arusha”

Elbasani nuk do të ketë në ndeshjen e nesërme sulmuesin e tij kryesor Skerdi Bejzade. Ai ka marrë tre kartona të verdhë dhe do të jetë i skualifikuar ndaj të kuqve. “Ndonëse akoma nuk e kam vendosur ka gjasa që të luajmë me Xhafën të avancuar në sulm i mbështetur nga Arben Nuhiji ose Bokotola”. Mungesa e shënuesit më të mirë Bejzades që ka shënuaar 11 gola deri tani do të jetë e vështirë për tu mbuluar, sidomos nëse nuk do të funksionojë grupi në këtë sfidë të vështirë me Partizanin.

Partizani_One

Dalipi: Ishte penallti sade
21 Prill

Të pranosh një faull, e aq më tepër një penallti, që nuk është ndëshkuar nga gjyqtari, tashmë që kanë kaluar dy ditë nga ndeshja, për të tjerët do të duket sikur futbollisti që e bën këtë gjë vjen nga një “planet tjetër” dhe jo nga kampionati shqiptar. Por, ai është “tokësor” dhe quhet Endri Dalipi, mesfushor i Elbasanit. Ka qenë minuta e 75?të e ndeshjes Elbasani?Partizani, kur pas një krosimi të Partizanit, në zonën elbasanase, Dalipi ka mbajtur nga fanela Muzakën, i cili, pasi ka humbur krejtësisht ekuilibrin, ka gjuajtur, por pa rrezikuar portën kundërshtare. “Unë nuk i kam parë pamjet filmike në emisionet televizive të së shtunës, por më kanë thënë ata që i kanë parë, që, veprimi im mund të ndëshkohej me penallti nga gjyqtari”, ka thënë për “Sport Ekspres” me shumë sinqeritet Dalipi. Në fakt ai ka dëshirë të sqarojë më shumë gjëra nga ky moment, i cili dhe mund të kishte zgjidhur fatin e kësaj ndeshjeje interesante që u luajt të shtunën në “Ruzhdi Bizhuta”. “Kam qenë pranë Muzakës, ? sqaron Dalipi ?, së bashku me Ahmatajn në atë moment që topi ishte në ajër. Kundërshtari më ka shtyrë dukshëm me trup, duke më prishur ekuilibrin, ndërsa unë kundërveprova instiktivisht, duke e tërhequr atë nga fanella. Shtyrje apo kapje të tilla me duar me njëri?tjetrin janë të zakonshme në lojë, sidomos në dyluftime ajrore, ndaj dhe unë nuk u mendova shumë në atë çast për pasojat që mund të kishte ai veprim për skuadrën. Gjithsesi e pranova që shkaktova faull”, ka shtuar ai.

Sinqeriteti i Dalipit

“Dalipi i vogël”, siç e quajnë në Elbasan ? pasi është vëllai i Klevisit që luan aktualisht me Shkumbinin ? nuk e ka për turp të pranojë një faull të shkaktuar nga ai vetë gjatë lojës, pasi të tillë e ka edukatën e fituar edhe nga i ati ish?futbollisti i shquar i Elbasanit Kujtim Dalipi. I dalë nga një familje futbollistësh me emër, Endri spikat për cilësitë e tij futbollistike, por sidomos për korrektësinë karakteristike ne lojë. Duket se në këtë kohë “hileqare” që përjeton futbolli, pranimi i gabimeve të tilla duken si jashtë “serie”, por që shërbejnë si mjete efikase edukative për të cilat ka aq nevojë ky futboll.

Problem, pasi i fundit

Lidhur me ndeshjen me të kuqtë, mesfushori elbasanas ka dëshirë të vërë në dukje se skuadra e tij luajti për vete dhe e kërkoi fitoren “Ndoshta Partizani kishte më shumë mundësi për ta fituar ndeshjen, për arsye që dihet dhe kjo solli një farë stepjeje nga ana jonë fillimisht, ? shton Dalipi në prononcimin e tij. Në pjesën e dytë, sidomos ne hymë tamam në rrjedhën normale të lojës dhe i patëm të gjitha mundësitë që të shënonim dhe gol që mund të na shërbente me marrjen e tr pikëve”. Më pas, mesfushori elbasanas që spikat për teknikën dhe përdorimin e topit si dhe horizontin që ka në fushën e lojës shpreh dhe mendimin se reparti i mesfushës që bën pjesë dhe ai vetë duhet të bëjë më shumë për të ndihmuar në aksionet sulmuese. “Jemi kritikuar nga trajneri ynë se mesfusha duhet të tërheqë përpara skuadrën, duke mbështetur vazhdimisht sulmin dhe për këtë ai ka të drejtë. Efikasiteti i pasit të fundit para portës nuk është në nivelin e duhur te skuadra jonë, prandaj ne kemi shënuar pak gola në kampionat”.

Verdheblutë: Kemi shpresë për kupën

Të mërkurën Elbasani do të luajë ndeshjen e kthimit me Tiranën për gjysmë finalen e Kupës së Shqipërisë. Të mendosh të përmbysësh një rezultat 0?3 aq më tepër kur ai është arritur në fushën tënde, duket si “ëndërr në sirtar” për verdheblutë. “Megjithatë, ? sqaron Dalipi, ? kjo nuk do të thotë se jemi dorëzuar pa luajtur dhe 90 minutat e tjera. Ne do të luajmë seriozisht në këtë ndeshje të kthimit. Nuk na gjen gjë nëse guxojmë...”

Partizani_One

Ishte penallti, por mos abuzoni më me gjyqtarin”
23 Prill Dalipi: “Po përdoret sinqeriteti im nga ana e drejtuesve të Partizanit. Unë e pranova vetë që shkaktova një faull kundrejt Muzakës, megjithatë, ambienti e keqpërdoroi këtë deklaratë, duke iu kundërvënë arbitrit. Sa për të tjerat mendoj se nuk meritonim të humbisnim”

Mesfushori elbasanas Endri Dalipi, i cili një ditë pas ndeshjes me Partizanin të shtunën e kaluar pati guximin të pranojë publikisht një faull të shkaktuar ndaj Muzakës brenda zonës së 16 metrave, është i detyruar t’i kthehet dhe një herë tjetër asaj “historie”. Siç thotë ai, “Po abuzohet me sinqeritetin tim për të kryqëzuar gjyqtarin Kridens Meta”. Dalipi dha një shembull mjaft pozitiv për rrëfimin e sinqertë dhe për këtë mori vlerësimet e duhura nga njerëz të ndryshëm objektivë në arsyetimin e tyre, siç dhe pati ndonjë kritikë të veçuar nga ndonjë tifoz i sëmurë. Megjithatë, ai nuk mund të jetë dakord me këtë fushatë të ndërmarrë ndaj Metës këto ditë, duke e akuzuar atë si pjesë e sistemit, apo duke bërë dhe personazh batutash nga kampi i kuq. “Rasti im ? sqaron Dalipi ? ishte tipik një gabim njerëzor i gjyqtarit Meta. Pasi e ka parë tani në televizion atë moment, kur i prisha ekuilibrin Muzakës, them se Meta ishte në vijë të drejtë me lojtarin e Partizanit dhe pas këtij të fundit isha unë që e tërhoqa nga fanella. Në atë pozicion, ai nuk mund ta shihte veprimin tim, ndaj dhe nuk ka vërshëllyer”. Për ta bërë edhe më të besueshëm rrëfimin e tij, Dalipi shton: “Edhe vetë trajneri i Partizanit, Lika, deklaroi se nuk e ka parë këtë faull në fushë. Madje dhe shumë të tjerë që ishin në shkallët e stadiumit nuk e vunë re këtë veprim. Gjithçka u pa më qartë vetëm në moviolën televizive, prandaj nuk duhet ta abuzohet me këtë rast, që ndodh shpesh në ndeshjet e futbollit”.

Po kështu, Dalipi kërkon të sqarojë edhe një moment tjetër të dyshimtë: “Në rastin e pengimit të Bakajt nga Karçev, ky i fundit ka tërhequr shumë shpejt këmbën dhe, siç na ka thënë vetë pas ndeshjes, prekja e tij ka qënë fare e pndjeshme ndaj kundërshtarit”.

Dhe duke u rikthyer te rasti i tij, duket sikur bën dhe një apel: “Nuk më vjen mirë që të përflitet kaq shumë. Me të vërtetë e pranova me ndërgjegje që shkaktova faull, por nuk mund të mendoja se sinqeriteti im do të përdorej për të akuzuar dhe përfolur të tjerët”, ka përfunduar jo pa keqardhje futbollisti i verdhebluve Endri Dalipi.

Shumë “zhurmë”, që gjithsesi nuk do të ndikojë në “sjelljen” e Elbasanit në këtë fund kampionati. “Bëmë një ndeshje të ndershme e përgjithsisht të mirë ndaj Partizanit e po kështu do të përpiqemi të bëjmë dhe ndaj Dinamos ? thotë Endri ? Veç vendit të tretë që ne vijojmë ta synojmë, paraqitje të tilla të japin më shumë pikë se sa thjesht një fitore. Na duhet të bëjmë gjithçka që njerëzit të besojnë te futbolli”.

Partizani_One

Xhafa: Sikur të mos jetë Kotorri!
26 Prill Sulmuesi i verdhebluve, Fjodor Xhafa, si pengesë kryesore në ndeshjen e sotme ndaj Dinamos nuk shikon as pozicionin e bluve në renditje dhe as faktorin fushë, por vetëm portierin Elvis Kotorri. Xhafa i ka të freskëta momentet, kur pas një gjuajtjeje spektakolare të tij me thembër, Kotorri ka bërë mrekullinë duke e pritur topin, në atë ndeshje të luajtur më 10 shkurt në “Selman Stërmasi”, për fazën e dytë të kampionatit. “Ah, sikur të mos luajë Kotorri këtë herë, do ta kisha shënuar të paktën një gol” pohoi Xhafa për gazetën tonë. “Portieri elbasanas i Dinamos na ka mohuar fitoren në atë ndeshje” ka shtuar Xhafa.

Vlerësim për veten ? Përveç vlerësimit për Kotorrin, Xhafa shpreh dhe besimin për arritjen e një rezultati pozitiv në këtë ndeshje. “Dinamo ? vazhdon Xhafa, ? po udhëheq kampionatin prej një kohe të gjatë dhe duket sikur është mësuar tashmë me këtë pozicion. Mendoj që nuk duhet të na shqetësojë ky fakt, por ta vlerësojmë veten, edhe pse kemi disa pikë më pak se blutë. Ne mund të përfitojmë dhe nga fakti që nuk e kemi ngarkesën psikollogjike si kundështari”.

Të fitojë kohën e humbur ? Fjodor Xhafa është rikthyer në formën e tij të zakonshme, pas një mungese të gjatë në fushën e lojës për shkak dëmtimi. Ai dha një provë të sukseshme të mërkurën e kaluar, në ndeshjen e kthimit gjysmëfinale të kupës së Shqipërisë, ndaj Tiranës. Vlonjati shënoi dy gola, por u dallua dhe për lojën me rendiment. “Më ka ecur zakonisht në fushën e “Selman Sërmasit” ? thotë Xhafa. ? Si kur luaja me Dinamon e Tiranën, ashtu edhe me Flamurtarin dhe tani me Elbasanin, kam shënuar gola në atë stadium. Shresoj që të kem fat dhe në këtë ndeshje. I kam munguar skuadrës sime në disa ndeshje të rëndësishme dhe dua të fitoj kohën e humbur”.

Më mirë jashtë ? Kur e pyetëm Xhafën, nëse e konsideron ndeshjen me Dinamon si pikë kyçe për ecurinë e mëtejshme të skuadrës së tij, ai u përgjigj: “Nuk duam të ngarkohemi me të tilla vlerësime. Unë e konsideroj atë si ndeshje të radhës, por që i duhet bërë shumë hyzmet pasi luajmë me kreysuesen e kampionatit. Nga pesë ndeshje që do të zhvillojmë deri në mbyllje të kampionatit, tri prej tyre do t’i luajmë jashtë fushës sonë, duke u nisur nga kjo me Dinamon. Këtë kampionat më mirë jemi shprehur në ndeshjet jashtë se në ato brenda. Besojmë se kështu do të ndodhë dhe këtë herë”.

Partizani_One

Kovaçi: Të mësuar me llafe
1 Maj “Nuk ka dyshim që do të luajmë për hesapet tona dhe s’do të ndikohemi aspak nga çfarë thuhet”. Me këto fjalë e ka nisur prononcimin për gazetën tonë, sekretari i klubit elbasanas, Artin Kovaçi, lidhur me situatën përpara ndeshjes me Besëlidhjen. Para Kovaçit, një deklarim të tillë e kanë bërë dhe trajneri Alimehmeti si dhe futbollistët verdheblu, ndërsa tashmë duhej dhe “vula” e ekzekutivit të Elbasanit, për ta bërë më të besueshëm një gjë të tillë. Ndeshjet e fundit po përcillen me situata të çuditshme për skuadat, që kanë dalë jashtë synimeve për të fituar trofe, siç po ndodh dhe me Elbasanin. Për verdheblutë nuk është hera e parë që ndodh një fenomen i tillë, pasi kështu u fol dhe në prag të ndeshjes me Partizanin, dy javë më parë, sikur Elbasani do të toleronte ndaj të kuqve, edhe pse nuk ndodhi aspak kështu. Madje, si për ironi, edhe në ndeshjen me Besëlidhjen në fazën e dytë, të luajtur në “Ruzhdi Bizhuta”, fitorja e lezhjanëve u përfol si tolerim i elbasanasve. Kovaçi, duke qëndruar në një linjë me të tjerët, thekson se nuk duhet hequr nga mendja arritja e vendit të tretë, edhe pse Besa ka gjashtë pikë më shumë, por janë për t’u luajtur edhe katër ndeshje. “Tashmë jemi mësuar me llafe rrugësh dhe kafenesh, ? përfundon Kovaçi, ? por nuk bëhet fjalë për të toleruar njërën apo tjetër skuadër, pasi dhe kalendarin e ndeshjeve tona do ta quaja të favorshëm”.

Në dyshim Bejzade dhe Lako ? Përveç Tetovës, që tashmë e ka mbyllur sezonin nga dëmtimi i rëndë, si dhe Memetajt, i cili do të mungojë edhe këtë javë për shkak skualifikimi, te verdheblutë janë në dyshim për të shtunën edhe Bejzade e Lako. I pari nuk është rikuperuar plotësisht nga dëmtimi muskular, ndërsa korçari po kalon një gjendje gripi. Dje pasdite, në ndeshjen e kontrollit që Elbasani ka zhvilluar me skuadrën e të rinjve të trajnerit Muharrem Doci, të dy ata nuk janë aktivizuar, por kanë zhvilluar vrapime aerobie individualisht. Gjithsesi, deri ditën e ndeshjes me lezhjanët gjërat mund të ndryshojnë për mirë dhe Bejzade e Lako mund të jenë të gatshëm për trajnerin Alimehmeti.

Partizani_One

Nis hedhja e firmave. Alimehmeti në “rrezik”
31 Maj

Pasi i kanë humbur shpresat për një pjesëmarrje në kupën Intertoto, në kampin verdheblu po mendojnë për të rindërtuar skuadrën e sezonit të ardhshëm. Pas disa varianteve, duket se ka fituar ai i mbajtjes së një pjese të grupit të skuadrës, që e përfundoi sezonin e fundit. Kështu, sipas burimeve nga klubi elbasanas, për sezonin e ri kanë firmosur deri tani kontratën, përveç maqedonasve Karçev e Menglevski, edhe A.Sheta, S.Lako, S.Bejzade, F.Xhafa. Duket se presidenti Laze dhe bashkëpunëtorët e tij të shoqërisë aksionere kanë filluar nga puna, së pari, me futbollistët “jabanxhinj” që kanë luajtur me Elbasanin, më pas do të operojnë edhe me të tjerë, sipas preferencave që do të ketë edhe trajneri, i cili do të ulet së shpejti në drejtim të pankinës verdheblu.

Elbasanasit, pa firmë

Në këtë nisje të formatimit të skuadrës elbasanase bie në sy se mungojnë firmat e futbollistëve elbasanas, që ishin pjesëtarë të skuadrës së Alimehmetit, si Toçi, Memetaj, Ahmataj, E.Dalipi e ndonjë tjetër. Mendohet se për kapitenin Ahmataj, hedhja e firmës është çështje kohe, ndërsa të tjerët mund të kenë edhe hezitime, për shkak të ofertave nga klube të tjera.

“Bie” Alimehmeti?

Megjithëse drejtuesit e klubit verdheblu nuk japin ndonjë prononcim zyrtar për emrin e trajnerit të ardhshëm të Elbasanit, po forcohet bindja se në pankinë nuk do të jetë më Krenar Alimehmeti. Ndonëse në deklarimet e mëparshme ishte lënë të kuptohet se Alimehmeti do të vazhdonte të drejtonte verdheblutë, tashmë po bëhet e qartë se gjërat kanë ndryshuar, teksa presidenti A.Laze është në kërkim të një emri të ri. Gjasat janë që i pari i skuadrës, për sezonin e ardhshëm, të jetë përsëri nga kryeqyteti dhe mendja të shkon te ata, që e mbyllën sezonin “të papunë”, si S.Starova, M.Josa, A.Hafizi e ndonjë tjetër. E sigurt është që tratativat, për gjetjen e një trajneri me përvojë për Elbasanin, që synon të mbetet në elitë edhe për sezonin e ardhshëm, kanë filluar.

Në fokus, dy “ish”

Megjithë tentativën për “ruajtjen e sekretit”, në mjedisin elbasanas të futbollit po flitet për ofertat, që u janë bërë dy ish?futbollistëve verdheblu, portierit E.Kotorri dhe mesfushorit H.Çapja. Të dy janë nga “armata” e futbollistëve, me të cilët Elbasani u shpall kampion dy sezone më parë, ndërsa tani kërkohet që ata të lenë skuadrat, me të cilat luajtën sezonin e kaluar, respektivisht Dinamon e Tiranën. Thuhet se ofertat e “majme” nga Elbasani i kanë lëkundur jo pak të dy futbollistët.

admin

Oriand Abazaj tashmë mund të quhet pjesë e skuadrës së Elbasanit, përderisa është parë të dalë në stërvitje dje me ekipin verdheblu. Gjithashtu, në stërvitje me verdheblutë ka dalë edhe futbollisti i ri shkodran, Jozef Thana, i cili së fundmi ka luajtur me ekipin e Skënderbeut të Korçës, teksa nuk mundi të jetë pjesë e Vllaznisë këtë sezon.