KF Shkumbini Peqin

admin · KF Shkumbini Peqin

tema e Shkumbinit

Partizani_One

Magani: Në Vlorë nuk kemi ç’humbim
28 Janar Pasi kanë pushuar të dielën, futbollistët peqinas sot do të nisin përgatitjet për ndeshjen e parë të gjysmës së dytë të kampionatit, në transfertën ndaj Flamurtarit. Kapiteni i Shkumbinit, Lorenc Pashja, është shprehur: “Tani do të stërvitemi duke patur mendjen te ndeshja e së shtunës, ndaj Flamurtarit. Vërtet vlonjatët kanë një skuadër të fortë por kjo nuk na tremb, sepse po përgatitemi që t’i kundërvihemi me të gjithë potencialin tonë fizik e tekniko-taktik”. Këto fjalë të kapitenit peqinas tregojnë që bardhkaltërit po “shtërngojnë rripin”, për të dalë sa më mirë në ndeshjen e së shtunës. Nga ana e tij, trajneri Magani i përcakton ditët sëtrvitore, deri në ndeshjen me vlonjatët, si shumë të rëndësishme për vazhdimësinë e kampionatit. “Seancat stërvitore do të jenë me pikësynim ndeshjen me Flamurtarin” ka thënë Magani. Sipas teknikut, të mërkurën do të zhvillojnë ndeshjen e kontrollit në “familje”, ku do të përcaktojë dhe futbollistët që do të udhëtojnë drejt Vlorës. Magani ka mbetur i kënaqur nga miqësorja e fundit me Dajtin, sidomos në pjesën e parë, kurse në të dytën skuadra pati rënie. “Loja në pjesën e dytë nuk dha atë që kërkonim. Fjalën nuk e kam për rezultatin përfundimtar, por për mënyrën si futbollistët u aktivizuan dhe zbatuan detyrat” ka nënvizuar tekniku. Sipas tij, mundësitë për një rezultat pozitiv janë dhe skuadra e tij nuk duhet të kthehet pa pikë, edhe pse vlonjatët në fushën e tyre janë shumë të fortë. “E shoh si një ndeshje ku duhet të bëjmë shumë kujdes e të mos rrezikojmë që në nisjen e gjysmës së dytë të kampionatit, pasi do të kishte pasoja për ecurinë e mëtejshme të skuadrës” thotë Magani. Teknikun peqinas e ngrojë shumë stërvitja serioze që kryen në Ulqin dhe gjendja e mirë që gëzon skuadra. “Kemi përballë një kundërshtar të fortë, që ka patur sukses në ndeshjet ndaj Shkumbinit. Por futbolli është i bukur sepse ka dhe çudinë, të cilën do të përpiqemi ta bëjmë ne. Nuk do të jetë e lehtë, por në fund të fundit nuk kemi se çfarë të humbasim” përfundon Magani.

Partizani_One

Magani: Në Vlorë nuk kemi ç’humbim
28 Janar Pasi kanë pushuar të dielën, futbollistët peqinas sot do të nisin përgatitjet për ndeshjen e parë të gjysmës së dytë të kampionatit, në transfertën ndaj Flamurtarit. Kapiteni i Shkumbinit, Lorenc Pashja, është shprehur: “Tani do të stërvitemi duke patur mendjen te ndeshja e së shtunës, ndaj Flamurtarit. Vërtet vlonjatët kanë një skuadër të fortë por kjo nuk na tremb, sepse po përgatitemi që t’i kundërvihemi me të gjithë potencialin tonë fizik e tekniko-taktik”. Këto fjalë të kapitenit peqinas tregojnë që bardhkaltërit po “shtërngojnë rripin”, për të dalë sa më mirë në ndeshjen e së shtunës. Nga ana e tij, trajneri Magani i përcakton ditët sëtrvitore, deri në ndeshjen me vlonjatët, si shumë të rëndësishme për vazhdimësinë e kampionatit. “Seancat stërvitore do të jenë me pikësynim ndeshjen me Flamurtarin” ka thënë Magani. Sipas teknikut, të mërkurën do të zhvillojnë ndeshjen e kontrollit në “familje”, ku do të përcaktojë dhe futbollistët që do të udhëtojnë drejt Vlorës. Magani ka mbetur i kënaqur nga miqësorja e fundit me Dajtin, sidomos në pjesën e parë, kurse në të dytën skuadra pati rënie. “Loja në pjesën e dytë nuk dha atë që kërkonim. Fjalën nuk e kam për rezultatin përfundimtar, por për mënyrën si futbollistët u aktivizuan dhe zbatuan detyrat” ka nënvizuar tekniku. Sipas tij, mundësitë për një rezultat pozitiv janë dhe skuadra e tij nuk duhet të kthehet pa pikë, edhe pse vlonjatët në fushën e tyre janë shumë të fortë. “E shoh si një ndeshje ku duhet të bëjmë shumë kujdes e të mos rrezikojmë që në nisjen e gjysmës së dytë të kampionatit, pasi do të kishte pasoja për ecurinë e mëtejshme të skuadrës” thotë Magani. Teknikun peqinas e ngrojë shumë stërvitja serioze që kryen në Ulqin dhe gjendja e mirë që gëzon skuadra. “Kemi përballë një kundërshtar të fortë, që ka patur sukses në ndeshjet ndaj Shkumbinit. Por futbolli është i bukur sepse ka dhe çudinë, të cilën do të përpiqemi ta bëjmë ne. Nuk do të jetë e lehtë, por në fund të fundit nuk kemi se çfarë të humbasim” përfundon Magani.

Partizani_One

Mungon vetëm Jakimovski… “Duam një nga 6 vendet e para”
30 Janar Në prag të ndeshejs me Flamurtarin të shtunën sekretari peqinas Astrit Isaj është i kënaqur me punën që po bëhet gjatë këtyre ditëve nga skuadra e tij. Në kampin bardhekaltërt ka optimizëm, megjithëse janë të ndërgjegjshëm për forcën e kundërshtarit që do të jetë përballë. “Në pamje të parë duket një ndeshje e vështirë për skuadrën tonë, aq më shumë që do të luajmë në trasfertë. Por, kam mendimin se Shkumbini, gjatë përgatitjeve të zhvilluara në Ulqin, është me një tjetër gjendje fizike dhe nuk ka assjë arsye të mos besojmë se skuadra do të paraqesë një lojë dinjitoze dhe do të guxojë rezultatin pozitiv”, ka thënë Isaj. Sekretari i ka mëshuar rëndësinë së ndeshjes: “Ajo ka peshën e saj në synimin e skadrës për të shkurtuar diferencën e pikëve me gjashtë ekipet e grupit të kryesuesve, duke përfituar dhe nga ndonjë hap i gabuar i tyre”.

Zënia e një nga gjashtë vendeve të para në fund të fazës së dytë, shihet nga drejtuesit e skuadrës peqinase si një mundësi e mirë për të patur një paraqitje të suksesshme në ndeshjet e fazës së tretë. “Vetëm duke u futur në zonën e gjashtë skuadrave të para i shtojmë shanset që në fund të kampionatit të jemi në një hap me kryesuesit”, theksoi Isaj.

Në përfundim, sekretari peqinas nënvizoi faktin se, “në këtë ndeshje, trajneri Magani, me përjashtim të maqedonasit Jakimovski, do të ketë të gjithë kontigjentin e lojtarëve që ka në dispozicion, çka do ta ndihmojë në përzgjedhjen e formacionit më të mirë”.

LuAnIBarDhEKalTer

KTU QENKAM N SHPI TIME UNE ... Laughing

admin

LuAnIBarDhEKalTer

Partizani_One

Dabulla: Të mos dalim pa pikë
31 Janar Ndeshja e kësaj fundjave, që do të luhet në Vlorë ndaj Flamurtarit, do të jetë një provë shumë e vështirë për bardhekaltërit. Një gjë të tillë e ka pranuar dhe mbrojtësi Dabulla, sipas të cilit kjo transfertë do të jetë një prej më të vështirave, pasi njihet forca e skuadrës vlonjate kur luan në fushën e saj. “Megjithatë, kjo gjë nuk duhet të na trembë, ? është shprehur mbrojtësi. ? Përkundrazi, ne duhet të mobilizohemi për këtë ndeshje dhe të hyjmë në fushë me mentalitetin e fituesit. Nuk duhet të bëjmë gabime dhe s’duhet t’i japim mundësi kundërshtarit për të na goditur”. Dabulla e vlerëson Flamurtarin jo vetëm për faktin se luan në fushën e tij, por edhe sepse ka disa lojtarë cilësorë në përbërje. “Skuadra vlonjate ka lojtarë të shpejtë dhe teknikë, ndaj të cilëve ne duhet të jemi të kujdesshëm. Në të njëjtën kohë kanë dhe përvojën e duhur, për të përballuar sfida të tilla, ndaj do të vlerësohen maksimalisht prej nesh” është shprehur mbrojtësi, që dallohet në prapavijën peqinase. Në transfertat e deritanishme, Shkumbini ka arritur të marrë 6 pikë, në një kohë që mundësitë kanë qenë për më tepër. Ndaj, Dabulla shpreson që, në ndeshjen e radhës, skuadra e tij të funksionojë më mirë se në trasfertat e mëparshme dhe të mos dalë pa pikë nga stadiumi i Vlorës. “Shpresoj që, në ndeshjet në vazhdim, Shkumbini të vijë duke u përmirësuar në të gjitha drejtimet dhe të tregohet kompakt në lojë si skuadër” ka nënvizuar mbrojtësi energjik. Sipas tij, një mbështetje e mirë është përgatitja që kanë kryer në Ulqin, çka do të reflektohet që të shtunën në Vlorë, në ndeshjen ndaj Flamurtarit.

Në gjashtë skuadrat e para ? Kjo sfidë, për Dabullën nuk është thjesht e vështirë për Shkumbinin, por dhe shumë e rëndësishme.”Ne ? vijon mbrojtësi ? kemi dëshirë që, në fund të fazës së dytë, të jemi në grupin e gjashtë skuadrave më të mira, sepse vetëm kështu na jepet mundësia që në përfundim të renditemi sa më pranë kryesuesve të kampionatit. Për këtë arsye, ne duhet të bëjmë të pamundurën që të mos humbasim në Vlorë”. Më tej, Dabulla ka vijuar të tregojë se skuadra peqinase po përgatitet seriozisht për këtë ndeshje. “Pavarësisht se çfarë do të bëjë kundërshtari, ne po përgatitemi për një lojë kolektive, me shpirt gare e mobilizim maksimal, duke shfrytëzuar të gjithë potencialin që kemi në dispozicion. Ndaj vlonjatëve do të luajmë si të barabartë” nënvizon Dabulla, sipas të cilit lojtarët e skuadrës së tij janë në formë të mirë sportive dhe të aftë, për të arritur një rezultat pozitiv në këtë ndeshje, që për ta do të kishte mjaft rëndësi. “Vlonjatët nuk mund ta pranojnë që të humbasin pikë në fushën tyre, megjithatë, ne do të japim maksimumin tonë për të mos dalë pa gjë. E lehtë nuk është, por ne do të bëjmë punën tonë, në mënyrë që të ngushtojmë diferencën e pikëve me skuadrat që janë më lart në renditje” thekson Dabulla. Të dy skuadrat ndajnë vendet 7 e 8 në renditje, ndaj ndeshja e së shtunës ka një rëndësi të veçantë për secilën prej tyre, për ecurinë e mëtejshme. Dabulla është ndalur dhe te “arma” e skuadrës së tij në këtë ndeshje. “Jemi përgatitur me kujdes. Do të luajmë thjesht e në bllok, duke iu kundërvënë kundërshtarit taktikisht, për të minimizuar veprimet e individualiteteve të tij. Këtij qëllimi i shërben dhe ndeshja e kontrollit e zhvilluar në “familje” brënda llojit. Do të kërkojmë që, më së paku, të mos e humbasim ndeshjen në Vlorë”, ka përfunduar Dabulla.

Partizani_One

LuAnIBarDhEKalTer

LuAnIBarDhEKalTer

Shenaj s’do të ikë pa pikë nga Vlora

Në këtë fillim të pjesës së dytë të kampionatit, ekipi i Shkumbinit do të udhëtojë në drejtim të Vlorës për transfertën ndaj Flamurtarit. Padyshim që kjo nuk është një ndeshje e lehtë për Shkumbinin, ndaj edhe peqinasit kanë filluar t’i bëjnë mirë llogaritë për këtë ndeshje. Mesfushori gjirokastrit Shenaj, ka qenë gjatë gjithë fazës së parë një ndër lojtarët kryesorë të ekipit peqinas, si dhe është ndër lojtarët që ka pasur më pak mungesa në ndeshjet e kampionatit sesa shumë lojtarë të tjerë të ekipit. Për këtë transfertë, lojtari gjirokastrit shprehet tepër optimist teksa duket i vendosur se Shkumbini nuk do të kthehet pa pikë nga Vlora. Në një intervistë për “Panorama Sport”, lojtari shprehet.
Si mendoni për transfertën e radhës ndaj Flamurtarit?
Mendoj se ndeshja me Flamurtarin do të jetë një transfertë e vështirë. Ekipi i flamurtarit luan në fushën e tij dhe do të pretendojë së tepërmi për të arritur fitore. Nga ana jonë ne e kemi vlerësuar shumë këtë ndeshje dhe kemi punuar seriozisht gjatë kësaj periudhe që të japim më të mirën në fushën e lojës.
Çfarë mendoni rreth blerjes së një tjetër gjirokastriti?
Me Arlindin kemi luajtur edhe më parë dhe mendoj se ai është një lojtar me eksperiencë, që rrit edhe më tej cilësinë tek ekipi ynë. Me të kuptohemi shumë mirë dhe mendoj se do të jetë një forcë për ekipin. Shpresoj që së bashku të kontribuojmë sa më shumë për Shkumbinin në këtë fazë.
Si mendoni rreth rezultatit të këtij takimi?
Sikurse vlonjatët edhe ne kemi bërë përgatitjen tonë për këtë takim. Padyshim që ne nuk po shkojmë për shëtitje në Vlorë, por për të arritur një rezultat pozitiv. Kemi nevojë për rezultat pozitiv, ndaj mendoj se nuk do të dalim pa pikë nga Vlora.
Ku e mbështetni këtë që po thoni?
Së pari, sikurse ekipi vlonjat edhe ne kemi kryer një fazë përgatitore shumë të mirë, ndaj në këtë pikë ne nuk jemi inferiorë. Së dyti,ekipi i Flamurtarit ka bërë shumë lëvizje në merkato, mirëpo duhet që lojtarët të kenë një farë njohjeje dhe disa kohë që luajnë bashkë, që të harmonizojnë veprimet e tyre në fushën
e lojës. Ndërsa përsa na përket ne, dua t’iu them se tashmë, ekipi është i konsoliduar si dhe ka një grup me kualitete shumë të mirë ndaj mendoj se këtu ne jemi lart.
A do të dëshironit të shijoni sërish njëgol në kampionat pas golit në miqësoren ndaj Dajtit?
Shënimi i golit është një kënaqësi më vete, mirëpo puna ime është t’i shërbej
shokëve. Kur shënojnë shokët në veçanti nga shërbimi im, kënaqësia sërish është e madhe.

Partizani_One

http://www.sportekspres.com/lajm.php?idt=6014

Partizani_One

http://www.sportekspres.com/lajm.php?idt=6049

Partizani_One

http://www.sportekspres.com/lajm.php?idt=6073

Partizani_One

http://www.sportekspres.com/lajm.php?idt=6119

Partizani_One

http://www.sportekspres.com/lajm.php?idt=6119

Partizani_One

Dopio Elbasan”, për Norën mision i mundur
20 Shkurt Megjithëse ka pak kohe që është bashkuar me Shkumbinin, sulmuesi gjirokastrit Arlind Nora e ndien veten shumë mirë në Peqin. Madje, me çiltërsine e përgjigjeve të tij, ai thotë se e ndien veten si në shtëpinë e tij: “Nuk kam dëshirë të bëj krahasime, por ju them sinqerisht që në Peqin jam shumë i kënaqur me gjithçka që më rrethon, me kushtet, me marrëdhëniet me shokët në skuadër, me drejtuesit e klubit, presidentin, po aq dhe me tifozët. Janë aktorë që më inkurajojnë më shumë në lojën time, për të qenë sa më rezultativ në shërbim të ekipit”.

Sidoqoftë, diçka ka “kërcitur” nga humbja me Besën, që ndërpreu një seri rezultatesh jo negative. “Loja e dobët në sulm dhe mungesa e goditjeve në portën kundërshtare bënë që në këtë ndeshje të dilnim pa pikë”, pranon Nora. Por, ajo është tejkaluar tashmë, qoftë edhe për atë që, “loja e skuadrës në përgjithësi ishte e mirë. Me pak kujdes, mund të kishim marrë dhe pikë në këtë trasfertë”. Dhe më tej: “Humbja me Besën mund të ketë prekur në një farë mënyrë imazhin e skuadrës sonë, por asnjëherë pretendimet tona”.

Besa pas krahëve, troket Elbasani. “Eshtë një skuadër mjaft e mirë. E kemi të freskët përballjen me të për Kupë. Por tashmë për Shkumbinin nuk ka alternativa: duhet ta fitojmë patjetër këtë ndeshje, për të mbajtur gjallë shpresat për të qenë në fund të fazës së dytë midis gjashtë skuadrat e grupit të parë”.

Pa harruar se pas së shtunës është sërish një e mërkurë me Elbasanin. “Në rast fitoreje për kampionat, skuadra jonë do të rritet nga ana psikologjike dhe kjo ka rëndësi për ndeshjen kthimit për kupë që do të luhet në Elbasan, ku Shkumbini do të synojë kualifikimin për turin tjetër”, ka përfunduar Nora.

Partizani_One

http://www.sportekspres.com/lajm.php?idt=6428

Partizani_One

Shkumbini/ “Nuk falim më askënd”
5 Mars

Nuk është pritur aspak mirë humbja e fundit që Shkumbini pësoi të shtunën me Dinamon në transfertë në Tiranë. Një ndër ta që ka vlerësuar me tone kritike këtë humbje është dhe sekretari i skuadrës së Shkumbinit, Isaj. Përtej humbjes, ajo që e shqetëson sekretarin ka të bëjë me një lloj shkrehjeje që vihet re te futbollistë të veçantë, që e konsiderojnë të mbyllur "misionin". Shkumbini, në ndryshim nga disa sezone parardhës nuk përjeton rrezikun e rënies dhe te kjo kategori lojtarësh është zbehur ambicia për të synuar më lart. "Nëse dikush nga futbollistët - meqënëse Shkumbini ndodhet në mesin e renditjes dhe nuk ka shumë premisa për të ngjitur shkallët e po kështu dhe për të mos rrezikuar për mbijetesë - i quan ndeshjet e mbetura të kampionatit formale dhe sa për të shtyrë kohën, gabohet rëndë", tha Isaj duke mos munguar të flasë hapur. "Jemi thuajse pretendentja kryesore për t'u futur në grupin e gjashtë skuadrave të para, kemi bërë një sezon mjaft të mirë dhe nuk ka asnjë arsye të ulet ritmi, apo të ruhen rezerva. Aq më tepër tani që jemi larguar nga Kupa. Çdo lojtar duhet të shfaqë vlerat e tij reale dhe po kështu, Shkumbini si skuadër", ka theksuar Isaj.

Dhe ka logjikë. Ajo që ka arritur derimë tani skuadra peqinase nuk është falur, ndaj s'ka pse të falet e dhurohet: "Askush nuk na ka ndihmuar, përkundrazi na janë kundërvënë me sa më shumë forcë. Jeni ju ata - i drejtohet Isaj futbollistëve të tij - që i keni merituar të gjitha rezultatet. Ndaj duhet të vazhdojë kampionati me përgjegjësi të lartë dhe sedër sportive. Kjo periudhë - ka vijuar ai- duhet të jetë një lloj testimi për vlerat tuaja dhe nuk kanë përse të "rudhen" dhe të mos vazhdojnë me dinjitet. Kthesa kërkohet të jetë sa më e shpejtë. Vërtetë në ndeshjen e radhës kemi përballë një kundërshtar të fortë që na ka skualifikuar nga kupa, por në ndeshjen e së shtunës në "Ruzhdi Bizhuta" ne presim që Shkumbini të bëjë autokritikën e fortë", ka përfunduar sekretari.

Partizani_One

Dabulla: Nuk thyhemi përsëri në Elbasan
6 Mars Këtë të shtunë, skuadrën peqinase e pret një përballje e rëndësishme në “Ruzhdi Bizhuta”, ku do të luajë ndeshjen e parë të fazës së tretë me Elbasanin. Sipas mbrojtësit Dabulla, kjo ndeshje, dhe pse e vështirë, nuk do të jetë e jashtëzakonshme, ndaj kundërshtari nuk ka pse të fryhet. “Elbasani është një kunëdërshtar i fortë por ne nuk duhet ta mbivlerësojmë atë, edhe pse do të luajmë jashtë fushës sonë. Eshtë një “kockë” e fortë, por që mund të kapërdihet si çdo skuadër e superiores. Aq më tepër që na duhet një rezultat pozitiv, kur imazhi i skuadrës sonë është goditur pas asaj ndeshjeje, që na eliminoi nga Kupa” tha Dabulla. Sipas tij, në se pretendohet për të vënë në vend prestigjin e cënuar nga humbja në kupë, për skuadrën e tij nuk ka tjetër rezultat, përveç atij pozitiv, qoftë dhe një barazim. “Forcat dhe mundësitë i kemi që të dalim nga kjo gjendje që po kalojmë. Krahas përgatitjeve që po bëjmë për ndeshjen e së shtunës, le të lutemi që të kemi dhe fatin me vete në fushën e lojës, që na ka munguar dy ndeshjet fundit”, ka vazhduar Dabulla. “Futbollistët e Shkumbinit kanë treguar se janë në gjendje të përballojnë presionin që vjen nga skuadrat kundërshtare dhe tifozeritë e tyre, edhe atëherë kur ky presion është rritur mbi normalen” ka nënvizuar mbrojtësi. Eliminimi nga kupa ishte një goditje e rëndë, por kurrsesi nuk duhet të lejohet që të bëhet një tjetër hap fals në “Ruzhdi Bizhuta”, pasi do ta largonte nga skuadrat kryesuese, që është objektivi i Shkumbinit në kampionat. Ndaj, edhe kjo është një arsye më shumë që të shtunën peqinasit do të kërkojnë të mos humbin, për të garantuar vazhdimësinë pozitive dhe për të ndrequr imazhin. “Nuk do të thyhemi për së dyti në Elbasan” ka përfunduar prononcimin mbrojtësi Dabulla.

Partizani_One

Dështon “zotimi i ri”: Dy elbasanas, të lirë
10 Mars Shkumbini humbi përsëri në “Ruzhdi Bizhuta”, këtë herë për kampionat, në një ndeshje të interpretuar keq përballë verdhebluve elbasanas nga skuadra peqinase. Situata po ndërlikohet dhe tani duket se bardhekaltërit duhet të kënaqen me arritjen e objektivit minimal, që është evitimi i ndeshjeve të “plejautit”. Pas humbjes me Dinamon dhe eliminimit nga kupa, drejtuesit e skuadrës peqinase u betuan se do të bënin kthesën në ndeshjen e radhës me Elbasanin. Madje, me hesapet tyre e nxirrnin Shkumbinin mes gjashtë skuadrave të para. E gjithë kjo duket se po kthehet në një utopi, kur humbja me Elbasanin bëri që të dështojë dhe ky zotim i ri. Gjatë gjithë ditëve, që i paraprinë ndeshjes me Elbasanin, në kampin peqinas vërehej një gjendje e tensionuar psikollogjike. Me të drejtë, opinioni sportiv peqinas shqetësohet për nivelin jo në shkallën e duhur të mobilizimit të skuadrës së tyre, ndërsa disa futbollistë nuk luajnë as si amatorë. Ashtu si në ndeshjen e kupës, edhe të shtunën peqinasit kanë mbetur të pakënaqur nga atmosfera jonormale në tribunat e stadiumit, kur sharjet në kor në adresë të futbollistëve e të tifozerisë së Shkumbinit nuk kanë pushur. Edhe këtë herë ndaj tifozëve peqinas është mbajtur qëndrim i diferencuar, kur u është kërkuar të presin bileta, ndërsa ishte thënë nga drejtuesit e klubit elbasanas se hyjra qe falas. Jo vetëm kaq, por ata i vendosën në tribunën pas portës, në pjesën jugore të stadiumit. Duke lënë pas ato që kanë ndodhur, peqinasit e kanë drejtuar vëmendjen te ndeshja me Tiranën, që do të luhet në fushën e tyre. “Kjo ndeshje, ? thotë sulmuesi Nora, ? do të vendosë shumë përsa i përket ecurisë gjatë fazës së tretë. Do të jetë një përballje e fortë, ku synimi ynë është që të arrihet një rezultat pozitiv, për të ruajtur pozitat që kemi në klasifikim. Shpresojmë të bëjmë një paraqitje dinjitoze e të arrijmë suksesin ndaj kampionëve në fuqi”, përfundon Nora.

LuAnIBarDhEKalTer

ATIT STOJKUT JA BON MIRE ,POR EDHE KTE ROPSHIN TJETER DALIPIN DUHET TA KISHIN HEQ....

ISHALLAH PO IKEN KY PRESIDENTI KARIT EDHE TE NA VIJ NAJ PEQINES NE KRYE TE EKIPIT...

Partizani_One

Dervishin nuk e “mbush” një gol
26 Mars Në fitoren e së dielës së kaluar që peqinasit arritën në fushën e tyre ndaj Tiranës pa dyshim ka meritë të veçantë dhe sulmuesi Dervishi. Falë lojës së tij dhe Dalipit, veprimet sulmuese të Shkumbinit patën befasinë dhe agresivitetin e duhur. Sulmuesi bardhekaltërt shprehet i kënaqur që ka bërë detyrën e tij: “Rezultati i arritur nuk është i papritur. Kishim kohë që po përgatiteshim për këtë fitore. Vërtet ndeshja ishte me përgjegjësi të madhe, por ne ditëm të kurorëzonim me sukses”.

Dervishi ka bërë që mbrojtësit e Tiranës të viheshin shpesh herë në vështirësi, madje në disa raste ndërhynin në mënyrë të parregullt ndaj tij. Gjithsesi, për të, “e gjithë skuadra peqinase ka luajtur mirë dhe i është kundërvënë denjësisht kundështarit. Paraqitjes sonë në atë nivel që kërkonte ndeshja, iu shtua dhe ambicia e dëshira e madhe për të siguruar tre pikët, për vetë momentin që po kalonim. Ajo që më bëri përshtypje ishte fakti se të gjithë futbollistët e skuadrës sonë hynë në fushë me besimin se do ta fitonim këtë ndeshje”.

Në pjesën e dytë, Tirana ka ushtruar shumë presion dhe ka besuar shumë se mund të arrinte te barazimi. “Eshtë e vërtetë ? pranon Dervishi ? që në pjesën e dytë Tirana u rrit. Merita jonë është që nuk u çorientuam dhe nuk u përfshimë nga paniku, por administruam ndeshjen me shumë qetësi duke e çuar atë drejt fitores”. Sulmuesi ka mbetur i pakënaqur nga fakti se Shkumbini shënoi vetëm një gol: “Shpërdoruam shumë raste. Kjo sëmundje po na shoqëron, duke mos na lejuar të marim atë që meritojmë. Këmbëngul në atë që, nëse do të kishim shënuar më shumë gola në rastet që na u paraqitën në pjesën e parë, loja jonë në të dytën do të kishte marrë një tjetër rrjedhë”, ka shtuar Dervishi.

Edhe pse një fitore me vlerë, sulmuesi vëren: “Nuk jemi në formën tonë më të mirë, ndaj duhet të punojmë më shumë. Ne do të vazhdojmë të kryejmë mirë detyrat tona në stërvitje dhe në ndeshje për të marrë sa më shumë pikë në takimet që kanë mbetur. Dhe këtë do ta bëjmë në funksion të realizimit të objetivit që kemi për të konsoliduar pozitat në tabelën e renditjes”. Me një synim të tillë skuadra peqinase ka filluar përgatitjet për ndeshjen e fundjavës me Besën: “Mendoj se ndeshja do të jetë interesante. Besa ka individualitete në gjirin e saj. Për të fituar, duhet t’i kundërvemë lojën tonë në bllok dhe të harmonizuar”, mbyll Dervishi.

Partizani_One

Isaj, besimi për të dalë me pikë
27 Mars Fitorja e Shkumbinit ndaj Tiranës ka krijuar një klimë optimiste në kampin peqinas. Sekretari i klubit, Astrit Isaj, është shprehur se në skuadër është rritur besimi për të pretenduar ngjitjen më lart në renditje. “Fitorja e arritur ndaj Tiranës ka ndikuar shumë në përmirësimin e gjendjes së skuadrës, e cila më në fund u zhbllokua nga ngërçi psikollogjik, që e kishte pushtuar. Tani kemi të drejtë të pretendojmë për t’u ngjitur mbi mesin e tabelës” ka thënë Isaj. Në fundjavë, skuadra peqinase do të ndeshet në Kavajë me Besën, në kushtet kur, pas humbjes në Vlorë, ajo është e tur për pikë. Megjithatë, Isaj kujdeset të mos e “fryjë” kundërshtarin. “Do të jetë një ndeshje e vështirë, por jo e papërballueshme. Skuadra do të luajë për një rezultat pozitiv dhe unë mendoj se ajo i ka realisht mundësitë për të mos dalë pa pikë nga stadiumi i Kavajës” ka theksuar Isaj, duke treguar se peqinasit dëshirojnë të bëjnë një tjetër paraqitje dinjitoze, edhe pse këtë herë në transfertë. “Nuk duhet të gabojmë, nëse duam t’u afrohemi skuadrave në katet e larta të renditjes. Besoj se do të jetë një ndeshje e fortë, pasi të dyja skuadrat do të jenë të motivuara për të realizuar objektivat e tyre” nënvizon Isaj. Sipas tij, Shkumbini i ka të gjitha mundësitë të ballafaqohet si i barabartë me Besën, ndërsa nuk do t’i mungojë as mbështetja e tifozerisë peqinase, që do të jetë e shumtë në stadiumin e Kavajës. “Në një ndeshje mund të ndodhë gjithçka dhe Shkumbini disa raste është larguar nga Kavaja duke marrë pikë. Përse të mos ndodhë kështu dhe këtë herë” thekson Isaj, i cili nuk shikon që Besa të ketë shumë avantazhe, edhe pse do të luajë në fushën e saj. “Askush nuk e kishte menduar se Shkumbini do të fitonte ndaj Tiranës. Nëse edhe ndaj skuadrës kavajase do të luhet po me atë mobilizim dhe shpirt kolektiviteti, atëherë nuk do të dalim pa pikë edhe ndaj Besës” ka përfunduar Isaj.

Partizani_One

Xhyra, thirrje tifozëve për mbështetje
4 Prill Peqinasit do të presin të shtunën në fushën e tyre Vllazninë, që i ka bërë një nisje mjaft të mirë fazës së tretë, me tri fitore radhazi. Ndërsa skuadra shkodrane synon vazhdimësinë, Shkumbini ka si objektiv të marrë pikët e plota dhe të rehabilitohet pas humbjes ndaj Besës, në Kavajë. Mbrojtësi i Shkumbinit, Klement Xhyra, shpreson mjaft që gjërat në këtë ndeshje të shkojnë më mbarë për skuadrën e tij. “Kapitulli i Besës është mbyllur ndërsa tani po mendojmë ndeshjen me Vllazninë. Do ta përballojmë skuadrën kuqeblu, pasi na duhen ende pikë për të vazhduar me qetësi deri në fund të kampionatit” tha Xhyra. Sipas mbrojtësit peqinas, skuadra e ka kapërcyer goditjen psikollogjike të pësuar në transfertën me kavajasit. Gjithsesi, në kampin peqinas përballja me Vllazninë vlerësohet si e vështirë, edhe pse janë në shtëpinë e tyre. “Pas humbjes me Besën, një rezultat pozitiv ndaj Vllaznisë do të na fuste në rrugën e kthesës. Në asnjë mënyrë nuk na lejohen hapa fals, aq më tepër përballë publikut tonë, i cili ka mbetur i zhgënjyer nga loja e dobët dhe humbja në Kavajë, ku nuk shfaqëm vlerat tona” ka pranuar mbrojtësi peqinas. Xhyra gjen rastin t’u bëjë thirrje tifozëve peqinas që të mbështesin skuadrën e tyre, e cila në këto momente ka shumë nevojë për ta, teksa thekson: “Ne vijmë pas një humbjeje shokuese dhe të shtunën kemi një kundërshtar mjaft të fortë. Ndoshta kjo është një arsye më shumë, që tifozeria të jetë në stadium e të na mbështesë për të arritur fitoren ndaj Vllaznisë”. Edhe pse Shkumbini ka 34 pikë dhe është disi larg skuadrave që do të kërkojnë mbijetesën, llogaritë tashmë bëhen ndryshe. Skuadra peqinase do të kërkojë të ruajë këtë distancë deri në fund të kampionatit dhe, duke përfituar nga ndonjë hap i gabuar i kundërshtarëve që janë më lart në renditje, do të kërkojë të ngjisë qoftë dhe një shkallë. “Shkodranët do të kërkojnë tri pikë për të arritur synimet e tyre, por ne bëjmë llogaritë tona. Jemi të motivuar që të marrim pikët e plota në këtë ndeshje, për më tepër kur kujtojmë që në fazën e dytë ndaj kuqebluve kemi arritur një fitore të thellë me katër gola” është shprehur Xhyra, i cili në mbyllje ka përsëritur se nuk do të hedhin hap të gabuar para sportdashësve peqinas.

Partizani_One

Magani: Të besojmë të gjithë te suksesi
5 Prill Bardhekaltërit e Shkumbinit kanë sot një provë të vështirë e shumë të rëndësishme për të ardhmen e pozicionimit në tabelën e klasifikimit. Përballë tyre do të jetë Vllaznia, ndaj së cilës do të kërkohet një rezultat pozitiv për të mos e rënduar më shumë situatën në vazhdimësi, pa folur për pretendimet që të ngjiten një shkallë më lart. Një gjë të tillë e ka theksuar dhe tekniku Magani, i cili është shprehur se “ndeshja me Vllazninë duhet të fitohet patjetër”. Ky është dhe opinioni i tifozëve peqinas, të cilët mezi presin suksesin e skuadrës së zemrës, për më tepër që ajo do të luajë para tyre pas humbjes zhgënjyese në transfertën me Besën. “Kjo ndeshje, ? ka vijuar Magani, ? për ne ka rëndësi të veçantë sepse, nëse fitojmë, do të jemi më të qetë deri në fund të kampionatit, të siguruar nga çdo e papritur që mund të na ulte në katin e poshtëm, ku katër skuadra luftojnë për mbijetesë. Prandaj do të kërkoj nga lojtarët që të jenë tejet të mobilizuar. Gjithsesi, ecuria e Vllaznisë në tre ndeshjet e fundit, kur i ka fituar radhazi ato, i karikon futbollistët. Unë dua prej tyre të bëjnë më të mirën për skuadrën, duke luajtur me grintë e dëshirë. Nëse këtyre do t’u shtojnëedhe disiplinën në zbatimin e detyrave që do u ngarkoj, atëherë do të arrijmë të fitojmë”. Më tej, Magani nënvizon se gjatë javës ka këmbëngulur në veprimet kolektive të skuadrës, ndërsa secili nga lojtarët të japë maksimumin e tij. Sipas trajnerit peqinas, një rezultat pozitiv, ndaj një kundërshtari si Vllaznia, rrit besimin në forcat reale të skuadrës dhe përmirëson imazhin në vazhdim të kampionatit. “Jam me atë, që të gjitha momentet e ndeshjes duhen vlerësuar në maksimum, nëse kërkojmë rezultate pozitive. Në këto kushte, përballja me Vllazninë duhet të jetë një start i ri për ne, ndërsa humbja me Besën, përveç statistikës, tashmë është lënë prapa si një kujtim i hidhur, që nuk duhet të përsëritet” ka nënvizuar Magani. Duke vazhduar më tej, tekniku ka thënë se do t’u kërkonte futbollistëve që të përqëndroheshin maksimalisht në ndeshjen e sotme, ku nuk duhet të kënaqen me pak, por të kërkojnë të marrin pikët e plota, çka do t’i stakonte përfundimisht nga ankthi i rënies një kategori më poshtë. “Përmes një loje të mirë, trepikëshi do të krijonte klimën e përshtatshme për dy ndeshjet e ardhshme, kur përballë do të kemi skuadrat kryesuese, Partizanin e Dinamon” thotë Magani. Duke përfunduar, trajneri i Shkumbinit ka thënë se “më parë duhet të kalojmë me sukses përballjen me Vllazninë, pastaj do të kemi kohë të flasim për ndeshjet e tjera, qoftë dhe për ato me skuadrat e kreut”.

Partizani_One

Magani: Të vazhdojmë serinë pozitive
8 Prill Me trepikëshin e fituar ndaj Vllaznisë, Shkumbini tregoi se nuk ka hequr dorë nga ambiciet, për t’u ngjitur më lart në tabelën e renditjes. Trajneri i skuadrës peqinase, Gugash Magani, tregon se ka qenë një ndeshje e vështirë, nisur edhe nga fakti se Vllaznia vinte pas tri fitoreve radhazi në fazën e tretë. “E kishim vlerësuar në maksimum këtë përballje, ? pohon Magani, ? sepse pikët e plota na duheshin, jo vetëm për t’u konsoliduar në “mesin e artë”, por edhe për të ngritur moralin për ndeshjet e ardhshme, me synimin që të ngjisim edhe ndonjë shkallë më lart në renditje”. Pasi analizon momentet kryesore të ndeshjes, trajneri peqinas nënvizon faktin se Shkumbini e meritoi fitoren, sepse luajti më mirë se kundërshtari. Sipas Maganit, në këtë ndeshje skuadra e tij tregoi se kishte mundësi reale, jo vetëm për të zhvilluar lojëra me nivel, por edhe për të arritur rezultate pozitive. Për teknikun, ajo çka skuadra e tij tregoi të shtunën e kaluar në fushë, i shton besimin për një paraqitje të mirë dhe në ndeshjen e radhës, që Shkumbini do ta luajë në fundjavë në Tiranë, me Partizanin. “Gjithmonë përballjet midis këtyre dy skuadrave kanë qenë interesante, pavarësisht nga fusha ku janë luajtur. Por kjo kësaj radhe do të jetë pak më ndryshe, sepse të dy ekipet kanë objektiva ambiciozë: Partizani për titullin kampion ndërsa Shkumbini për t’u futur në grupin e gjashtë skuadrave të para. Ndaj, shpresoj që të shtunën tifozeritë e të dy skuadrave do të ketë rastin të shohin një ndeshje të bukur, por dhe një garë të nxehtë, nga e cila do të dalë fituese ajo, që do të gabojë më pak. Shpresojmë që serinë e rezultateve pozitive ta vazhdojmë edhe ndaj Partizanit” ka përfunduar Magani.

Partizani_One

Shenaj: Të mos i fryjmë të kuqtë
10 Prill Skuadra peqinase, pasi arriti një fitore tepër të çmuar ndaj Vllaznisë në fushën e saj, që nga e hëna po përgatitet me mjaft kujdes dhe impenjim maksimal për transfertën e së shtunës me Partizanin, që do të kuhet në stadiumin kombëtar “Qemal Stafa”. Përveç mbajtjes në tonus të skuadrës, teksa pas fitores me kuqeblutë futbollistët moral i futbollistëve është rritur dukshëm, preokupimi i stafit teknik është motivimi i lojtarëve për ta vlerësuar maksimal këtë ndeshje. Gjithsesi, peqinasit besojnë në forcat e tyre, aq sa nuk e fshehin se do të luajnë për një rezultat pozitiv, ndonëse pranojnë se do të jetë një transfertë e vështirë. Sipas mesfushorit gjirokastrit të Shkumbinit, Fejzo Shenaj, fitorja ndaj kuqebluve të Vllaznisë ka krijuar një klimë të ngrohtë psikollogjike në skuadër. “Me fitoren ndaj Vllaznisë kemi bërë një hap të rëndësishëm drejt arritjes së objektivit final që kemi në këtë kampionat. Kemi besim se kështu do të vazhdojmë deri në fund, ndërsa të shtunën, ndaj Partizanit, do të tregojmë vlerat tona më të mira” është shprehur gjirokastriti. Ndërkaq, Shenaj, edhe pse e pranon forcën e skuadrës së kuqe, tërheq vëmendjen e shokëve që të mos e mbivlerësojnë kundërshtarin. “Çdo “fryrje”, që mund t’u bëhet të kuqve, do të ishte me pasoja të rënda për skuadrën tonë. Mosbesimi në forcat tona, apo dhe frika nga kundërshtari do të na pengonin të dilnim në vlerat reale në këtë ndeshje” tha Shenaj. Në dy ndeshjet e zhvilluara në këtë kampionat, Partizani ka një ilanc pozitiv, pasi i ka marrë Shkumbinit katër pikë, përmes një fitoreje dhe një barazimi, por kjo për Shenajn nuk do të thotë asgjë. “Në ndeshjen e së shtunës, që ka vlera për të dy skuadrat, ne nuk duhet ta mendojmë se çfarë ka ndodhur mes nesh në dy fazat e para. E thënë ndryshe, do të jetë një ndeshje e hapur. Megjithatë, ne duhet të kemi parasysh se Partizani vjen në këtë ndeshje pas dy hapave të gabuar, me Kastriotin dhe Flamurtarin, kështu që do të kërkojë të mos bëjë gabimin e tretë radhazi” tërheq vëmendjen mesfushori. Besimi për të dalë me pikë ? Sipas Shenajt, peqinasit do t’ia bëjnë hyzmetin deri në fund kësaj ndeshjeje, për të treguar se Shkumbini e meriton të jetë më lart në renditje. “Ne duhet të luajmë me besimin se mund të marrim pikë në këtë ndeshje. Besimin në forcat tona, krahas përgatitjes serioze, merr një rëndësi të veçantë në përpjekjet për të marrë rezultat pozitiv. Në të kundërt, ne jemi të humbur që para se të dalim në fushën e lojës”. Prej kohësh Shkumbini është pozicionuar në vendin e shtatë dhe, vetëm nëse arrihet të merren pikë në transfertë, atëherë mund të ngushtohet diferenca me skuadrat që janë më lart në renditje, për ta mbyllur kampionatin në përbërje të gjashtë skuadrave të para. “E rëndësishme është të bëjmë gjithçka na takon, për t’i dhënë kuptim ndeshjes, që do të thotë se ne do të luajmë për rezultatin pozitiv” thotë Shenaj.

Partizani_One

Shkumbini/Një skuadër tërhiqet nga aleanca
11 Prill

Gjërat janë komplikuar menjëherë pas ndeshjes me Vllazninë. Drejtuesit shkodranë i janë drejtuar atyre peqinas. “Ne ju lamë ndeshjen, tani tripikëshin e morët, lërjani edhe ju Dinamos”. Ok, peqinasit e kishin kuptuar që shkodranët nuk kishin ndonjë dëshirë të madhe për të fituar ashtu sikundër e dinin gjithashtu që Dinamo do të toleronte në Kupë me Vllazninë, por pse të njollosen?! Ka pasur nga ata, brenda grupit të drejtuesve që edhe kanë pranuar. Në heshtje. “Fundja edhe mund t’ja lëmë Dinamos, fundja Dinamo na mund edhe vetë”. Por një njeri jo, të paktën deri tani. Ky është presidenti Ismaili. Ka mbledhur disa nga lojtarët kryesorë të skuadrës dhe u ka thënë. “Nëse ndeshja është e toleruar, atëherë do të iki dhe nuk ka më mbështetje financiare, nëse doni paratë do të luani”. Mirë por Dinamo mund të fitojë edhe vetë? “Asnjë skuadër nuk fiton në Peqin, dhe ju e dini mirë, kështu që besoj se e kuptoni çfarë po them”. Nënteksti është i qartë, mos guxojë njeri që të dalë mbi fjalën e tij. Drejtuesit e tjerë nuk kanë ndikim financiar, Ismaili po. Me siguri që edhe vetë presidenti ka qenë i dyzuar. Sepse ndonjëherë “dreqi e mori” jetojmë në Shqipëri, dhe të gjithë njihemi kush më pak e kush më shumë. Në fund ka vendosur të marrë një letër e një laps e të bëjë ca llogari. A nuk po bëjnë të gjithë llogari. Dhe pasi “shkruan”, iluminohet. Shkumbini nuk fiton asgjë, përkundrazi njollos emrin nëse bëhet pjesë e ndonjë skenari. “Nuk më intereson fare se kush del kampion, imazhi ka më shumë rëndësi se gjithçka”, ka menduar dhe më pas ka thirrur lojtarët.

Ndeshja do edhe disa ditë të luhet. Përpara Dinamos, Shkumbini ka Partizanin. “Edhe kjo na duhet ? mendojnë peqinasit – nëse humbasim do na thonë e latë. Po ne jashtë fushës vetëm një herë kemi fituar?”. Gjërat edhe mund të ndryshojnë. Teorikisht presioni i Dinamos, jashtë fushe mund të jetë i lartë. Sepse blutë e dinë mirë që ndeshja në Peqin është gati titulli. Dinamo luan dy transferta të vështira në javët e mbetura në Shkodër dhe në Peqin. Në Shkodër pritet tu kthehet dhurata, ndërsa në Peqin një dreq e di se çfarë do të ndodhë.

Pjesa më e vështirë në këtë histori është e lojtarëve. Sepse në futboll nuk thuhen të gjitha që ndodhin. Madje as gjysmat. Pyeteni një lojtar se “çfarë heq” përpara ndeshjeve të tilla. Ka thashetheme, provokime, skenarë që prishen e ndërtohen, fjalën, zhurmë, tifozëri. Dhe ata e vuajnë gjithnjë. Në rast ekzekutimi urdhri ose loje. Një Zot e di se si po ndjehen edhe ata, sepse edhe nëse luajnë drejt, ashtu si ka më shumë mundësi të ndohdhë: kush i garaton që janë më të mirë se blutë? Në fund e mbyllin duke parë lart. “Zoti i sheh të gjitha”. Por nuk tregon gjithçka

Partizani_One

Në Peqin, e shtuna s’do të jetë “ditë pazari”
16 Prill Kapiteni Pashja: “...bëjnë mirë të na lënë të qetë të shohim punën tonë”

“Nuk jemi pjesë pazaresh e kompromisesh: këtë do ta dëshmojmë edhe të shtunën ndaj Dinamos”. Kështu e nis prononcimin e tij, Lorenc Pashja, kapiten i Shkumbinit. Por si ta ketë nisur “në mes të rrugës”, i duhet të kthehet disa ditë më parë, ndonëse e ka vuajtur peshën e humbjes në transfertën e së shtunës me Partizanin. “Gjithë këto ditë ? tha Pashja ? aty më ka mbetur mendja. Dhe jo vetëm te rezultati negativ, që na i dobësoi disi shpresat për t’u futur në grupin e gjashtë skuadrave të para, por dhe te fakti që humbjen e pësuam për rrjedhojë të gabimeve tona në mbrojtje”.

Më tej, mesfushori bardhekaltërt flet për sëmundjen e përhershme të Shkumbinit në transfertë: “Në disa ndeshje radhazi të zhvilluara jashtë fushës sonë, kemi bërë paraqitje mjaft të mira, por rezultatet na kanë munguar. Kjo u duk dhe në ndeshjen e së shtunës ndaj Partizanit”.

Sidoqoftë, falë lojës së bukur dhe grintës që tregoi Shkumbini, është bërë e mundur hedhja poshtë e thashethemeve të përhapura për një tolerim të mundshëm të ndaj të kuqve. “Me qëndrimin e pastër, duke mos u pajtuar me kompromise që jo pak e kanë rënduar arenën e fundit të futbollit tonë sidomos në javët përmbyllëse të kampionatit, dhe nëpërmjet një futbolli të bukur e burrëror që zhvilloi ndaj Partizanit të shtunën, Shkumbini u tregoi njerëzve që ai nuk është pjesë e pazareve por e luan futbollin me pasion për të kënaqur tifozët e tij që nuk i ndahen kurrë”, ka thënë kapiteni Pashja. Duke vazhduar rreth kësaj, Pashja shton: “Këtë do ta dëshmojmë dhe në ndeshjen e së shtunës ndaj Dinamos në fushën tonë. Skuadra dinamovite këtë kampionat është pretendentja kryesore për fitimin e titullit kampionë. Ne jemi të bindur që Dinamo do të bëjë të pamundurën që të marrë tri pikët. Pikërisht për këtë i duhet kushtuar dhe më tepër vëmëndje kësaj përballjeje në fushën tonë”. Për këtë arsye skuadra peqinase ka filluar përgatitjet me seriozitetin e duhur me intensitet të plotë nën drejtimin e stafit teknik . “Ne po stërvitemi për të arritur rezultat pozitiv, sepse vetëm kështu mund të pretendojmë për t’u ngjitur më lart në renditje. Ju garantoj se Shkumbini do të bëjë gjithçka dhe do të luajë në mënyrë të pastër. Fusha jonë të shtunën do të jetë arenë e një beteje të ndershme”.

Duke ju rikthyer dhe njëherë prononcimit të tij në lidhje me akuzat ndaj skuadrës së tij, Pashja përfundon: “E kemi mbyllur këtë thashethemnajë aspak të këndshme dhe askush nuk mund të nxijë punën tonë. Ne nuk jemi pjesë e kompromiseve dhe atë që kemi arritur, askush nuk mund të na e prishë. Askush nuk mund të përcaktojë moralin tonë, apo të na shfrytëzojë për interesat e veta. Skuadra jonë ka objektivat e veta dhe bëjnë mirë të na lënë të qetë të shohim punën tonë”.

Partizani_One

Nora: Dinjitozë, por dhe me pikë
24 Prill Sulmuesi gjirokastrit i Shkumbinit, Arlind Nora, ka besim se skuadra peqinase do ta vazhdojë paraqitjen pozitive, duke përsëritur atë që bëri me Dinamon. “Jemi duke kaluar një moment të mirë pas barazimit me Dinamon, ? thotë Nora, ? ndaj duhet ta shfrytëzojmë atë. Pavarësisht se me kë luajmë, duhet të kërkojmë rezultatin pozitiv, sepse kështu do të shpresojmë për të ngjitur shkallët e renditjes”. Nora pranon se Besëlidhja, kundërshtarja e radhës e Shkumbinit, ka në përbërje futbollistë cilësorë, që i kanë dhënë skuadrës lezhjane një “fytyrë” tjetër në ndeshjet e fazës së tretë. Sipas tij, skuadra lezhjane do të kërkojë medoemos maksimumin e pikëve, për t’iu shkëputur vendit të parafundit në renditje, dhe ky moment duhet shfrytëzuar për ta goditur përmes kundërsulmit. “Por këto janë gjithnjë supozime, sepse gjithçka duhet parë në fushën e lojës, ku do të bëjmë detyrën tonë” thekson Nora, i cili do t’i japë më tepër agresivitet sulmit peqinas në këtë përballje. “E vlerësoj si një ndeshje të vështirë ? është prononcuar Nora, ? jo vetëm pse luhet në trasfertë, por sepse skuadra lezhjane lufton për të siguruar mbijetesën dhe kjo e detyron të luajë vetëm për fitore”. Megjithatë, sipas sulmuesit ky fakt mund të ketë dhe anën tjetër të medaljes, teksa shprehet: “Kjo situatë e skuadrës lezhjane, nga ana tjetër, do të na favorizojë, sepse mund të sjellë frenim psikollogjik te lojtarët e saj, duke i detyruar të bëjnë gabime. Sido që të jetë, ne duhet të pëfitojmë nga momenti jo i mirë që lezhjanët po kalojnë”. Peqinasit duket se janë të karikuar për ndeshjen e së shtunës me Besëlidhjen, pasi nuk kanë asnjë ngarkesë emocionale, kur ndodhen në mesin e tabelës së renditjes, larg zonës së rënies nga kategoria superiore. Sipas Norës, Shkumbini do të udhëtojë drejt Lezhës jo thjesht për të kaluar radhën, por me synime ambicioze. “As që disktutohet se në fushë do të futemi me dëshirën për të marrë rezultat pozitiv, sepse është absurde të mendohet ndryshe në këto situata, në të cilat ndodhet skuadra jonë” pohon Nora. Me këtë që thotë, ai nuk e nënvlerëson kundërshtarin, por nënvizon domosdoshmërinë e rezultatit pozitiv për Shkumbinin, që të shtunën do të luajë ndaj Besëlidhjes vetëm për të marrë pikë. “Normalisht, ky do të jetë objektivi ynë për këtë ndeshje. Kam besim se të gjithë së bashku do të bëjmë paraqitje dinjitoze dhe ta arrijmë këtë objektiv” përfundon Nora

Partizani_One

Ndoni “injekton” besim te shokët
25 Prill

Shkumbini do të luajë nesër në Lezhë, përballë Besëlidhjes, një ndeshje që do të ketë ndikimin e saj në arritjen e objektivit të skuadrës peqinase, për të qenë midis gjashtë të parave të renditjes. Ndeshja bëhet edhe më e vështirë, jo vetëm sepse luhet në transfertë, por përballë do të jetë një skuadër, që po bën të gjitha përpjekjet për të shmangur rënien e drjtpërdrejtë një kategori më poshtë. Mbrojtësi lushnjar i Shkumbinit, Laert Ndoni, ka besim se skuadra e tij do të ruajë vazhdimësinë e paraqitjeve pozitive dhe nuk do të largohet nga stadiumi i Lezhës pa pikë. “Skuadra e ka të qartë detyrën e saj në këtë ndeshje, ku është momenti më i mirë për të marrë pikë në transfertë. Rezultatin pozitiv nuk presim të na e sjellë rastësia, por do të punojmë për të gjatë gjithë ndeshjes” është shprehur Ndoni për gazetën tonë. Sipas mbrojtësit lushnjar, në ndeshjen e së shtunës ndaj Besëlidhjes nuk mund të gabohet, pasi koha për të rikuperuar pikët e humbura po zvogëlohet me shpejtësi. Ndoni e pranon se Besëlidhja ka një përbërje të mirë dhe në fazën e dytë ka fituar në fushën e saj ndaj Shkumbinit, kështu që nuk do të jetë një ndeshje e lehtë. Megjithatë, ai dhe shokët e tij shpresojnë deri në fund: “Edhe pse ndeshjet me këtë skuadër kanë qenë mjaft të vështira, ne jemi të motivuar për të arritur suksesin. Do të jemi të kujdesshëm në mbrojtje, por do të tregohemi agresivë edhe në sulm, përmes veprimeve të shpejta dhe të befasishme”. Sipas futbollistit, Shkumbini do të flasë me vepra në fushën e lojës, për të paraqitur fytyrën e vërtetë. Pozicioni, në të cilin ndodhet skuadra lezhjane, e bën atë mjaft të “etur” për pikë, për më tepër që Besëlidhja vjen në këtë ndeshje me moral të ngritur, pasi ka fituar një pikë të çmuar në transfertën vlonjate. Këtë Ndoni e di, por nuk ka dëshirë që ta “fryjë” më tepër se ç’duhet kundërshtarin. “Do të luajmë një ndeshje të vështirë, sepse do të përballemi me një kundërshtar që po lufton për “mbijetesën” në superiore. Por nuk mendoj se do të jetë një ndeshje e pakalueshme për ne. Madje, unë mendoj se skuadra jonë i ka të gjiitha mundësitë për të mos u larguar pa pikë nga Lezha” është treguar optimist Ndoni. Në vazhdim, kalendari do ta përballë Shkumbnin me dy skuadra të tjera që përpiqen të mbijetojnë në superiore, si Teuta e Kastrioti. “Këto ndeshje duhet t’i përballojmë me optimizëm e besim në mundësitë tona, e jo duke u trembur prej tyre” ka përfunduar Ndoni.

Partizani_One

Magani, jo pa pikë nga stadiumi i Lezhës
26 Prill Shkumbini e ka seriozisht, kur në ndeshjen e sotme ndaj Besëlidhjes, edhe pse në transfertë, do të kërkojë rezultatin pozitiv. Tekniku Magani, në stërvitjen e djeshme u ka thënë futbollistëve të tij se ky objektiv arrihet vetëm me një lojë dinjitoze dhe motivim maksimal prej të gjithëve në fushë. Tekniku peqinas u ka kujtuar bardhekaltërve të tij se skuadra lezhjane nuk duhet nënvlerësuar. “Kemi zhvilluar deri tani dy ndeshje me Besëlidhjen në këtë kampionat ? thotë Magani. ? Jo vetëm në fushën e tyre, ku na mundën, por dhe në Peqin, ku Shkumbini fitoi, lezhjanët janë treguar një kundërshtar i fortë dhe na kanë vënë në vështirësi. Një skuadër, që pretendon për t’u ngjitur më lart në renditje, duhet t’i vlerësojë të gjitha ndeshjet. Kështu duhet të ndodhë dhe me ne. Po hymë në fushë me idenë se do ta kalojmë lehtë, apo se kemi barazuar një javë më parë ndaj Dinamos kryesuese, atëherë nuk kemi gjë në vijë. Pra, duhet të jemi me “këmbë në tokë” dhe ta marrim ndeshjen seriozisht”. Tifozeria peqinase pret të provojë kënaqësinë e rezultatit pozitiv të Shkumbinit në transfertë, në ndeshjet e fazës së tretë. Magani shpjegon se fitorja do të ketë vlera psikollogjike për skuadrën, por gara, sipas teknikut, zhvillohet edhe për të grumbulluar sa më shumë pikë, në mënyrë që të arrihet objektivi për t’u renditur në gjashtëshen e parë në fund të kampionatit. Pas barazimit me blutë e Dinamos, stafi teknik ka punuar për eliminimin e defekteve të asaj ndeshjeje, sidomos në lojën sulmuese. “Edhe në ndeshjen e kontrollit ? rrëfen Magani, ? ideja jonë ishte që topi të shkojë sa më shpejt te lojtarët, të cilët nuk janë të mbuluar nga kundërshtarët. Gjithsesi, loja me grintë e dëshirë dhe zbatim i detyrave taktike do të na çojnë drejt arritjes së synimit, për të mos dalë pa pikë nga kjo ndeshje”. Kjo do të jetë themelore për skuadrën tonë”. Sipas Maganit, mes skuadrave superiore nuk ka diferenca të mëdha, ndaj nuk ka përse të mos besojnë në një rezultat pozitiv, qoftë duke luajtur dhe në trasfertë. “Të gjithë jemi optimistë se do të arrijmë rezultatin pozitiv në stadiumin e Lezhës” ka përfunduar Magani.

Partizani_One

Isaj: Nuk bëjmë lëshime
1 Maj Shkumbini, pas fitores me Besëlidhjen, më tepër se te ndeshja e radhës “shtëpiake” me Teutën, e ka mendjen te futja në grupin e gjashtë skuadrave të para. Për të kaluar në këtë grup, peqinasit kanë nevojë dhe për pikë të tjera, tri prej të cilave, edhe sipas sekretarit të klubit, Astrit Isaj, janë të mundshme për t’u marrë në ndeshjen e kësaj fundjave, me Teutën. Por bardhekaltërit duhet t’i bëjnë mirë llogaritë për ta arritur këtë objektiv, sidomos për dy ndeshjet që do luajnë jashtë shtëpisë së tyre. “Pas fitores së pritshme me Teutën, ? thotë Isaj, ? llogaritë duhet t’i bëjmë mirë jo vetëm ne, por edhe skuadrat e tjera, të cilat janë më lart në renditje”. “E rëndësishme për ne ? vijon më tej Isaj, ? është se futbollistët, megjithëse janë ndeshjet e fundit të sezonit, kanë rritur në mënyrë të ndjeshme motivimin e mobilizimin, për të bërë paraqitje të mira dhe rezultative edhe në transferta. Një gjë e tillë u vu re dhe në ndeshjen ndaj Besëlidhjes”. Me këtë që thotë, Isaj le të kuptohet se Shkumbini do të luajë fort e me ambicie edhe në dy ndeshjet në transfertë. Megjithatë, sekretari peqinas ka mendimin se Shkumbini do të ketë përballje mjaft të vështira deri në fund të kampionatit. Duke folur për ndeshjen e kaluar, në Lezhë, Isaj nënvizon faktin se fitorja atje kishte jo vetëm vlerën e tri pikëve, por luajti rol dhe në ngritjen e moralit të skuadrës. “Futbollistët tanë dhanë maksimumin, por më duhet të pranoj se përballuam një presion të madh për rreth 60 minuta nga vendasit”.

Të shtunën, Shkumbini do të përballet në Peqin me Teutën, një tjetër skuadër që po përpiqet të mbijetojë në superiore. Në dy ndeshjet e zhvilluara në këtë sezon mes tyre, skuadra peqinase ka marrë katër pikë, pasi ka barazuar në “Niko Dovana” dhe ka fituar në fushën e saj. Por të shtunën Shkumbini do të kërkojë fitoren e radhës, për të pretenduar të ngjisë shkallët më lart. “Edhe ndaj Teutës, në fundjavë, do të luajmë mjaft të motivuar dhe të karikuar” thotë zyrtari i klubit peqinas. “Teuta, pavarësisht nga synimet që ajo ka, do të kalohet lehtësisht dhe këtë e mbështes në moralin që ka skuadra jonë dhe gjendjen optimale që gëzon”. Pra, Isaj thotë shkurt se Shkumbinit kjo ndeshje i duhet e fituar, edhe pse mund të dëmtojë skuadrën durrsake, që ndodhet në pozita jo të mira në tabelën e klasifikimit. “Na duhet e fituar kjo ndeshje, pasi çdo rezultat tjetër na pengon arritjen e objektivit” thotë sekretari peqinas. Shkumbini ka një pikë më pak se Vllaznia e vendit të gjashtë. Pozita është e favorshme, jo vetëm për të ruajtur diferencën, por edhe për ta shuajtur atë në javët e tjera. “Të gjitha llogaritë që bëjmë, ? shpjegon Isaj, ? tregojnë se jemi përpara një beteje, ku duhet medoemos të fitojmë pikët, të cilat na afrojnë më shumë me gjashtë skuadrat e para”. Ndaj, sekretari i klubit këmbëngul që në këtë ndeshje, ndaj Teutës, duhet marrë maksimumi, si një shans që u jepet peqinasve për të ruajtur vazhdimësinë e ndeshjeve pozitive, duke shkuar drejt realizimit të objektivit final. Gjithsesi, ndeshja pritet të jetë interesante, në kushtet kur peqinasit luajnë me një skuadër, e cila ndodhet në vendet e fundit të renditjes dhe rrezikon rënien nga superiorja.

Partizani_One

Isaj: S’është kohë për të “fluturuar”
6 Maj Stafi teknik i Shkumbinit dje i ka “shkundur” lojtarët, kur u ka kujtuar se nuk është kohë për të “fluturuar”. Frika është që skuadra të mos përfshihet nga euforia pas rezultateve të fundit pozitive, çka do të rrezikonte arritjen e objektivave deri në fund të kampionatit. Këtë e pohon edhe sekretari i klubit Shkumbini, Astrit Isaj, megjithatë, ai ka besim se futbollistët e kuptojnë rëndësinë e momentit që po kalojnë. “Të paktën me ç’pashë në ndeshjen me Teutën, ? rrëfen Isaj, ? krijova përshtypjen se në skuadër ka optimizëm, por dhe vlerësim real të kundërshtarit e të forcave të skuadrës. Shkumbini po konkurron me dinjitet për një vend më lart në renditje dhe duhet ta ruajë këtë ritëm edhe në tri ndeshjet e mbetura. Gjithsesi, kujdesi duhet të jetë që të mos vetëkënaqemi, sepse kjo do ta dëmtonte rëndë skuadrën”. Duke vazhduar më tej, Isaj ka nënvizuar: “Tri ndeshjet e fundit të kampionatit janë të vështira, sepse përballë do të kemi skuadrat që kuftojnë për mbijetesë në kategorinë superiore, ndaj nuk është koha që lojtarët tanë “të fluturojnë”. Jemi në vendin e shtatë, por nga i gjashti na ndan vetëm një pikë, pa thënë që edhe me skuadrat e tjera, që renditen më lart, diferenca është shumë e vogël”. Skuadra peqinase po përgatitet për ndeshjen e fundjavës, që do ta luajë në transfertë me Kastriotin. Nga sa duket, stafi teknik nuk ka ndërmend të bëjë ndryshime në formacion, për më tepër që në tri ndeshjet e fundit janë shënuar pesë gola dhe nuk është pësuar asnjë. Duke iu kthyer ndeshjeve që janë përpara, Isaj thotë se përqendrimi e kujdesi duhet të reflektohen që në përballjen me Kastriotin. Fakti, që skuadra krutane është në vendet e fundit të renditjes, e përfshirë në luftën për mbijetesë, e detyron atë të luajë në këtë ndeshje vetëm për fitore. Por sekretari peqinas vlerëson edhe përbërjen e skuadrës së Ndreut, e cila, sipas tij, është e kompletuar, ku disa prej lojtarëve kanë fituar dhe titullin kampion me ekipe të tjera. “Do të luajmë në një fushë asnjanëse dhe Shkumbini duhet ta shfrytëzojë këtë moment, për të marrë një rezultat pozitiv e për të kënaqur peqinas. Unë u bëj thirrje atyre që ta mbështesin skuadrën e tyre në këtë ndeshje dhe ajo nuk do t’i zhgënjejë” ka përfunduar Isaj.

LuAnIBarDhEKalTer

FOOOOOOOOORCA SHKUMBINI

Partizani_One

Isaj: Me lojtarët, kontrata afatgjata
31 Maj Sipas sekretarit të klubit Shkumbini, Astrit Isaj, skuadra peqinase do të nisë përgatitjet për sezonin e ri më 23 qershor. Isaj ka sqaruar se deri më 12 korrik skuadra do të stërvitet në mjediset sportive të Peqinit, derisa grupi të plotësohet me lojtarë që janë piketuar si përforcime për sezonin e ri. Pas 12 korrikut, skuadra do të vazhdojë përgatitjet e grumbulluar në Strugë ose Ohër, ku janë kushtet më të mira. I mbështetur përsëri financiarisht nga presidenti Ismaili, Shkumbini i ri është piketuar si një skuadër me futbollistë cilësorë, emrate të cilëve nuk bëhen publikë nga Isaj “Skuadra e re është projektuar të jetë konkurruese dhe me ambicie. Nisur nga kjo, kemi piketuar edhe disa futbollistë cilësorë, të cilët duhet të jenë të gatshëm për të kontribuar për Shkumbinin dhe ta ndiejnë peshën e fanellës së tij” thotë Isaj. Sipas tij, disa nga futbollistët aktualë do të largohen nga skuadra, në mënyrë që të kenë mundësi të kontaktojnë me klube të tjera. Isaj nuk fsheh dhe telefonatat e shumta, që ai dhe drjtuesit e skuadrës po marrin gjatë kësaj periudhe nga futbollistë të ekipeve të tjera, që dëshirojnë të luajnë me Shkumbinin. “Dera e skuadrës sonë është e hapur për ata futbollistë, që dëshirojnë të kontribuojnë për Shkumbinin dhe që pranojnë kushtet tona” ka saktësuar sekretari i klubit peqinas, sipas të cilit, të gjithë të ardhurit rishtas do të kalojnë përmes “sitës” së stafit teknik por dhe të presidentit Ismaili. “Me këtë nuk tremb njeri, veçse u bëj të ditur paraprakisht se te Shkumbini, krahas vlerave sportive, do të kërkohet dhe zbatimi me rreptësi i kodit etik” ka nënvizuar Isaj, i cili thekson se skuadra peqinase do të paraqesë një tjetër imazh në sezonin e ri. “Për traditën e krijuar në Superiore dhe për emrin që ka tashmë skuadra peqinase, nuk na lejohet të përsërisim gabimet e sezonit të kaluar. Ne nuk do të nxitohemi në përzgjedhjen e futbollistëve, me të cilët do të lidhim kontrata më të gjata se njëvjeçare. Gjithçka do të bëhet për të ndërtuar Shkumbinin, që të shohë lart në tabelë dhe jo të vuajë ankthet e mbijetesës” ka përfunduar sekretari Isaj.