LAJME NGA KF.PRISHINA

KS.PRISHTINA · LAJME NGA KF.PRISHINA

Ulpiana (lipjan) – Prishtina

--------------------------------------------------------------------------------

Kupa e Republikës
1/8 e finales
Ulpiana – Prishtina
Lipjan, ora: 14.00

Rivali i ardhshëm i Prishtinës në kuadër të Kupës së Republikës së Kosovës është anëtari i Ligës së parë, Ulpiana e Lipjanit. Skuadra e Ulpianës viteve ’90-ta ka qenë anëtare standarde e Ligës elite të Kosovës, ndërsa pas luftës nuk ia ka dalë të ngjitet asnjëherë më lart.
Ndërsa edhe një herë pas luftës, po në Lipjan, janë takuar Ulpiana dhe Prishtina. Ishte stinori 2001/02, kur më 20 mars të vitit 2002, në kuadër të 1/16-s, Prishtina e drejtuar nga strategu, Medin Zhega mezi kishte mposhtur vendasit me rezultat minimal, 0:1 me golin e shënuar në minutën e 80-të nga ish-sulmuesi rahovecian, Fadil Vuçitërna.

Prishtina në ndeshjen e 1/16-s ka eliminuar Lepencin e Kaçanikut me rezultat të thellë 7:0.

Në edicionin e kaluar Prishtina ishte eliminuar në 1/8 duke u befasuar keqas nga Shqiponja në Prishtinë me rezultat 0:2.

Kupën e Republikës së Kosovës, Prishtina ka fituar tre herë (1993/94, 1994/95 dhe 2005/06) dhe një herë është mposhtur në finale (2002/03 nga KEK-u).

per me shum informacione www.prishtinafc.com
saiti zyrtar i KF.Prishtina

KS.PRISHTINA · Prishtina - Shqiponja E diel, ora 14:00

KËRKOHEN TRI PIKË

Ndeshjen e javës XVIII, Prishtina e zhvillon të diel nga ora 14.00 dhe takohet me skuadrën e Shqiponjës nga Peja. Për publikun prishtinas, kjo është paraqitja e parë e skuadrës në fushën e vet në stinorin pranveror. Pas humbjes së tre pikëve në Mitrovicë, Prishtina nuk i ka të sigurt as katër lojtarë nga përbërja e parë për shkak lëndimeve të pësuara në përballjen me Trepçën ’89. Të lënduar janë katër mesfushorët, Isull Llumnica, Azem Ahmeti, Bardhyl Kaçiu, ndërsa në bankinë do të qëndroj Yll Hoxha. Megjithatë për kryetrajnerin Tovërlani këto mungesa nuk do të paraqesin edhe aq shumë problem duke e ditur se Prishtina ka fondin e pasur me lojtarë dhe nga përbërja e cila nesër do të dalë në fushë pret ta japin maksimumin dhe ta arsyetojnë besimin e dhënë nga shtabi teknik.

KS.PRISHTINA · Prishtina – Shqiponja 3:0 (2:0

FITORE RUTINORE

Golashënues: S. Saliagiq 33’, M. Hoxha 44’, K. Munishi 74’

Shikues: 400

Gjyqtarë: Besnik Sejdiu e Mentor Baliu (Mitrovicë), Afrim Morina (Prizren)

Kartonë të verdhë: E. Hasan – B. Dobraj, A. Ademaj, G. Çekaj, Sh. Zeqiraj

Prishtina (3-5-2): K. Mushica /c/ – M Hoxha, V. Berisha (78’ K. Osmani), D. Vokshi – A. Skeraj, A. Kozhani (59’ Sh. Alili), T. Ademi, M. Idrizi, I. – E. Hasan, S. Saliagiq (63’ K. Munishi).
Trajner: Afrim Tovërlani

Shqiponja: S. Gashi, B. Dobraj, F. Tishukaj, K. Pulaj, A. Ademaj, D. Demaj, G. Çekaj, B. Domniku /c/ (55’ P. Hysenaj), A. Salihu, R. Daci (62’ P. Kabashi), Sh. Zeqiraj.
Trajner: Miftar Rama
Minutë për minutë:

2’ Domniku kroson në zonë, Zeqiraj tenton nga disa metra, por topi largohet nga mbrojtja vendase në korner.

11’ Kozhani gjuan nga goditja e dënimit nga 30 metra, topi prek murin e gjallë, parabolën portierin dhe topi kalon fare pranë trarit të epërm.

15’ Saliagiq nga më se 25 metra gjuan me volle-goditje, portieri mysafirë me vështirësi ndal topin.

17’ Nga një top i kthyer përfiton Berisha i cili gjuan me volle nga 25 metra, grushton portieri Gashi.

20’ Zeqiraj befas gjuan nga 20 metra, topi fluturon jo edhe aq larg pingules së djathtë.

24’ Demaj provon nga distanca, lart mbi portë.

25’ Aksion i bukur, bashkëveprim i Hasan dhe A. Skerajt i cili del përball portierit, në vend që të gjuaj në portë tenton ta gjej në krahun tjetër Adimin i cili dështoi të gjuaj në portë i cili edhe ashtu u gjend në pozitë jashtë loje.

31’ A. Skeraj harkon nga korneri i djathtë, topin e devijuar nga 10 metra e shqelmon fuqishëm V. Berisha, por edhe një herë ishte jo i saktë.

33’ Tahir Ademi ndërron anën dhe del në krahun e djathtë, kroson brenda zonës, topin e largon paska mbrojtja vendase dhe shkon deri te Saligiq i cili gjendej brenda trekëndëshit të zonës dhe me gjuajte pa pritur fare me të djathtën qëllon këndin e majtë të portës mysafire – 1:0.

44’ Rivënien e topit në fushë nga krahu i djathtë e bën Sh. Skeraj, V. Berisha harkon brenda zonës, në duel në ajër më i gjatë ishte qendërmbrojtësi Mervan Hoxha i cili nga 10-12 metra parabolën portierin dhe vendos topin në këndin e majtë të portës – 2:0.

54’ Mushica me shpejtësi ia pason topin Ademit i cili pa pritur fare ia vazhdon atë A. Skerajt i cili i ikën edhe vijës mbrojtëse edhe kurthit të ofsajdit, por i jep topit më shumë dhe më i shpejtë ishte portieri vendas.

62’ V. Berisha tenton edhe një herë nga distancë e largët dhe qëllon tërthorëzen.

74’ Sh. Skeraj në stilin e tij karakteristik kalon dy lojtarë në krahun e djathtë dhe pasi që lirohet ia vazhdon topin Munishit i cili në duel një me një del më i suksesshëm dhe nga afërsia në mes të portës vendos topin në rrjetë – 3:0.

81’ Salihu mysafir depërton nëpër gjysmëkrahun e majtë dhe gjuan nga 14-15 metra, kapiteni i sotëm i Prishtinës, portieri Mushica priti topin pa problem.

86’ Pas harkimit nga korneri dhe devijimit të topit, me gërshëre nga 10-12 metra gjuan K. Osmani, topi fluturon fare pranë pingules së majtë.
KOMENTI

Prishtina në këtë duel u paraqit pa komplet vijën e mesit të fushës. Të katër lojtarët standard të këtij reparti ishin të lënduar. Dhe me arsye shtabi teknik ia kishte drojën këtij takimi. Por, lojtarët që kishin fituar besimin e dhënë për të luajtur në këtë ndeshje e arsyetuan atë.
Sulmuesi, Saliagiq shënoi golin e tij të dytë në petkun e Prishtinës. Ndërsa qendërmbrojtësi, Mervan Hoxha shënoi edhe golin e tretë edhe atë me specialitetin e tij - me kokë. Sulmuesi, Munishi u paraqit pas shumë kohësh sërish në fushë dhe tregoi edhe një herë që nuk ka harruar të shënojë. Ndërsa, për mbrojtësin, Shiqiri Alili sot ishte ndeshja e tij debutuese dhe luajti në krahun e majtë. Pak a shumë këto ishin karakteristikat në këtë ndeshje që me një angazhim më të madh Prishtina sot do të mund ta deklasonte skuadrën modeste nga Peja. Por, Prishtina ka ndeshje menjëherë të mërkurën me Ulpianën për kupë dhe nuk kishte arsye që të forcohej ndonjë presion më i madh në takim.

DEKLARUAN:

Afrim Tovërlani, kryetrajne i Prishtinës:

Edhe pse të hendikepuar pa pesë futbollistë që në javën e kaluar kanë qenë pjesë të përbërjes së parë, mendoj se gjatë 90 minutave dominuam plotësisht dhe arritëm një fitore pa ndonjë mund të madh. Mesiguri që në pjesën e dytë nuk kemi dashur të shtrojmë presion më të madh duke e ditur që tani brenda një jave do ti kemi dy ndeshje tjera. Ka mjaftuar ky rezultat, jam i kënaqur me angazhimin, por ne sot kishim edhe një pengesë tjetër, fushën që nuk është aspak e mirë.

Driton Vokshi, mbrojtës i Prishtinës:

Ne sot dolëm në fushë pas ngarkesës së humbjes me fajin tonë në Mitrovicë. Pastaj ngarkesë ishte ta shfrytëzojmë rastin pas humbjes së Vëllaznimit. Mungesa e disa lojtarëve, me gjithë se Prishtina ka fond të mirë të lojtarëve, dhe fusha mjaft e vështirë bën që takimit ti hymë me kujdesin maksimal. Ishte pak vështirë deri te shënimi i golit të parë, por pastaj ndeshja deri në fund u zhvillua në frymën e rutinës.

Miftar Rama, trajner i Shqiponjës:

Skuadra ime përballet me mungesën e shumë lojtarëve të cilët dihet që më s’janë pjesë e jona. Lojtarët i kemi po thuajse të gjithë junior apo të rinj dhe nuk pritet diçka më shumë prej tyre.

KS.PRISHTINA · BESNIK KOLLARI DREJTOR I RI I SHKOLLËS SË FUTBOLLIT

Që nga dita e shtunë, 29 prill 2008, Drejtor i shkollës së futbollit të FC Prishtina, do të jetë Besnik Kollari. Kështu ka vendosur Bordi i FC Prishtina pas shpalljes së konkursit të hapur për këtë post e që ishte i zbrazët që nga shkuarja e ish-drejtorit Ajet Shosholli në Trepça ’89 dhe i emërimit të tij si drejtor sportiv në këtë skuadër mitrovicase.
Besnik Kollari është trajner i licencuar me licencën “A” të UEFA-s. Ka përvojë si trajner në skuadrën e Kosovës së Vushtrrisë dhe së fundi në Trepçë. Besnik Kollari po ashtu i takon plejadës së lojtarëve të Prishtinës të fund viteve 80-ta. Për Prishtina me ndërprerje ka luajtur edhe gjatë viteve 90-ta, ndërsa përfundimisht në Prishtinë rikthehet në sezonin 2001/02 për ta përfunduar karrierën pas përfundimit të stinorit vjeshtor të sezonit 2003/04.
Ardhja e drejtorit të ri në shkollën e futbollit nuk do të jetë risia e vetme, skuadra shumë shpejt do të hap një nënxhirollogari në kuadër të xhirollogarisë së klubit e cila do të shërbejë vetëm për kërkesat e kësaj shkolle. Kjo shkollë në afat të shkurtër kohor pretendon të ngritët në akademi të futbollit. Ndërsa ndihmesa më e madhe do të jetë përfundimi shumë i shpejtë i fushës së vogël ndihmëse me bari sintetik që do të ndërtohet pranë stadiumit, mbrapa tribunës perëndimore.
Kategoritë e reja kanë marrë ftesë nga dy turne futbolli në Gjermani dhe Barcelonë të Spanjës dhe besohet se të rinjtë prishtinas do të na përfaqësojnë në këto turne denjësisht.
Superliga e Kosovës

KS.PRISHTINA · Drita – Prishtina 1:1 (0:0)

V. BERISHA SIGURON NJË PIKË

Golashënues: Venhar Sërmaxhaj 50’ – Visar Berisha 90+1’

Shikues: afër 4.000

Gjyqtarë: Muhedin Ferati (Burim), Safet Berisha (Mitrovicë), Agim Rexhepi (Ferizaj)

Kartonë të verdhë: A. Kastrati, Vis. Sërmaxhaj, Ven. Sërmaxhaj, E. Imami, M. Bajrami – D. Vokshi, M. Idrizi, Y. Hoxha

Kartonë të kuq: A. Kastrati (’80 – 2KV), Vis. Sërmaxhaj (90+3’ – 2KV) – D. Vokshi (72’ – 2KV)

Drita: A. Ajdini – A. Sylejmani, E. Murati, K. Hyseni, A. Latifi (58’ Y. Kastrati), A. Kastrati, Vis. Sërmaxhaj, Ven. Sërmaxhaj (c), E. Imami, A. Bekteshi (89’ M. Bajrami), A. Shaqiri (81’ B. Isufi)

Prishtina (3-4-3): K. Mushica – M Hoxha, V. Berisha, D. Vokshi – Sh. Skeraj (10’ A. Kozhani), M. Idrizi, F. Humolli (c), Y. Hoxha – S. Saliagiq, T. Ademi (66’ A. Skeraj), E. Hasan (52’ E. Fetahu)
Trajner: Afrim Tovërlani
Minutë për minutë:

2’ Top i thellë i ardhur nga mbrojtja e Prishtinës në zonën e vendasve, së pari kërcen Saliagiq e më pastaj tenton Hasan me kokë, por ishte gjuajtje e lehtë drejt në portierin vendas.

8’ Pas një dueli në ajër afër vijës anësore, nga një lojtar vendas shtyhet Shqipron Skeraj i cili fluturon jashtë fushës dhe përplaset për toke. Shqipronit iu desh intervenimi i ndihmës së shpejtë i cili me këtë rast lëndoi rëndë kraharorin e djathtë.

21’ Depërtim i Saliagiq para zonës që pason me gjuajtjen e tij nga 18 metra, pak mbi portë.

31’ Visar Berisha në mënyrë mjeshtërore fut një top në mesin e mbrojtjes vendase, porse sulmuesi Ertan Hasan ishte më i ngadalshëm se portieri Ajdini.

35’ Nga goditja e dënimit nga 35 metra, pak anash nga krahu i djathtë gjuan Kozhani, portieri vendas dëbon topin mbi portë.

36’ Tahir Ademi për mrekulli harkon nga vija e 16-m., Hasan u gjend më së miri pas shpinës së mbrojtësve vendas i cili jo më larg se 8 metra gjuan me kokë, por topi fluturon fare pranë pingules së djathtë.

43’ Pas një kundërzbritje të shpejtë të vendasve, nga krahu i djathtë me shpejtësi depërton dhe futet në zonë A. Sylejmani i cili tenton ta gjejë dikë nga bashkëlojtarët e tij në krahun tjetër. Topi e dëbuar e marrin sërish vendasit, por tani ishte Venhar Sermaxhaj i cili nga pak metra gjuan, Mushica ia del ta prek pak topin dhe t’ia ndal hovin ndërsa mbrojtja spastron situatën.

50’ Topi ishte në pronësi të sulmuesit prishtinas Hasan, i cili mban topin pa nevojë dhe e humb atë. Pason kundërsulm i shpejtë i vendasve dhe topi kalon me lehtësi nëpër mesin e fushës së Prishtinës të shpartalluar në ato momente dhe vije deri te kapiteni Ven. Sërmaxhaj i cili mirë u gjend brenda zonës dhe nga 13-14 metra, në gjysmëkrahun e djathtë dhe fërfëllon topin në rrjetën e këndit të ulët të djathtë të portës – 1:0.

52’ Y. Hoxha ia vazhdon topin në krah të majtë Saliagiqit i cili kroson në zonë, Hasan gjuan me kokë nga pak metra, por topi i prekur nga vendasit del jashtë në korner.

53’ Kozhani harkon nga korneri i majtë, në shtyllën tjetër më së larti shkëputet Hoxha dhe gjuan me kokë shumë afër trarit të epërm.

57’ Kapiteni Humolli nga krahu i majtë për mrekulli gjen Saliagiq para portës larg nja 15 metra i cili bukur i krijoi vetës hapësirë i cili kishte vetëm portierin vendas përball, por topi edhe një herë kaloi shumë afër pingules (së majtë).

68’ Fetahu harkon nga krahu i majtë, Agron Skeraj gjuan me volle, portieri Ajdini pret, krijohet rrëmujë para portierit, topi vije sërish te A. Skeraj por gjuajtja e tij ndalet në këmbët e lojtarëve vendas.

82’ A. Sylejmani shërbehet nga auti në krahun e djathtë dhe i ikën Y. Hoxhës që e ndiqte dhe po sa futet në zonë pason parabola dhe qëllon pingulen e djathtë dhe topi kthehet në fushë.

86’ A. Skeraj edhe njëherë tenton brenda zonës dhe edhe një herë gjuajtja ndalet në këmbët e lojtarëve vendas.

88’ Pas harkimit nga korneri, topi devijohet në brendësi të fushës dhe nga 16 metra gjuan me kokë Y. Hoxha, topi qëlloi pjesën e epërme të tërthorëses.

90+1’ Qendërmbrojtësi, Visar Berisha merr topin para zonës së tij dhe shpejtësi kalon 2-3 lojtarë vendas dhe u ndal vetëm pas ndërhyrjes së palejueshme ndaj tij. Distanca ishte më larg se 40 metra. Topin para portierit e dërgon kapiteni Humolli, krijohet rrëmujë, topin Saligaiq ia kthen Kozhanit i cilki gjuan, por sërish topi ndalet nga rrëmuja e krijuar para portierit, dhe nga karamboli i krijuar topi vije deri te Visar Berisha i cili nga afërsia mposhti portierin Ajdini – 1:1.

45+4’ Yll Hoxha gjuan nga më se 20 metra, jo shumë lartë portës.
KOMENTI:

Numri i dhënë i kartonëve tregon për lojë shumë të fortë, të tensionuar dhe në momente nervoze. Deri sa në pjesën e parë ndeshja ishte në suaza të normales, krejt ndryshe ndodhi pas përfundimit të pjesëlojës së parë. Megjithëse lëndimi i Shqipronit ndodhi pas shqyerjes së lojtarit vendas, ai nuk u ndëshkua për këtë faul, por megjithatë kjo pjesëlojë rrodhi në suaza të korrektësisë.
Ndërsa në pushim të dy pjesëve mësohet se ka pas kërcënim dhe tentim sulmi në gjyqtarët e ndeshjes nga nikoqiri.
Vendasit shpejtë erdhën në epërsi pas fillimit të pjesës së dytë dhe po thuajse pas këtij momenti më nuk kishte lojë. Në fushë hidheshin nga dy e tre topa për një herë. Kujdestarët nga ana fushës asnjë top më nuk e futnin në fushë dhe këtë detyrë të tyre e bënin vet lojtarët e Prishtinës të cilët më shumë vraponin pas topit jashtë vijave të fushës se sa brenda fushës.
Pas përfundimit të ndeshjes dhe përshëndetjes së lojtarëve ndërmjet veti në qendër të fushës u duk se gjithçka do të përfundojë pa ndonjë problem. Por, shkëndija e parë ndodhi atëherë kur kryetrajneri Tovërlani bëhej gati të jepte deklaratë për gazetarët, afrohet njëri nga zyrtarët e KF Drita dhe fillon ta shaj Tovërlanin dhe u desh që të ndërhyhej nga anash për ta ndarë fjalosjen. Pastaj në tunel të teshatoreve ndodh eksesi i dytë ndërmjet disa lojtarëve vendas dhe dy-tre lojtarëve prishtinas. Pasoi intervenimi brutal i disa policëve të njësisë speciale e cila me këtë rast nuk kurseu as kërbaçët në drejtim të lojtarëve të Prishtinës (u godit Mervan Hoxha, Driton Vokshi,...) dhe sikur nuk u mjaftoi kjo ata edhe i shanë e i fyen rëndë në baza personale dhe lokale. U thye edhe një xham nga mbrapa teshatores së Prishtinës, por për fat nga guri i hyrë në teshatore nuk pësoi askush nga lojtarët prishtinas.
Më vonë gjithçka u qetësua dhe në përcjellje të policisë me vetura të taksive ekspedita prishtinase u përcoll deri te autobusi në dalje të qytetit.
Duhet theksuar se gjatë tërë ndeshjes, bankina e Prishtinës është “bombarduar” nga gjuajtjet e shumta nga ana e tifozerisë vendase të cilët po thuajse për 90 minuta pa ia ndarë fare në korr ofendonte, shante në mënyrë më bizare lojtarët e Prishtinës. Një këso lloj organizimi kaq i dobët i ndeshjes mesiguri nuk i bën nder skuadrës së Dritës e cila fatkeqësisht s’është hera e parë që Prishtinës në këtë stadium i ndodh nga kjo skuadër.

DEKLARUAN:

Afrim Tovërlani, kryetrajner i Prishtinës:

Pas një loje të fortë, më shumë angazhuese se sa të bukur për sy dhe pas humbjes së rasteve në pjesën e parë – jam i kënaqur me barazimin e arritur. Dhe më vije keq se pretendimet dhe dëshirat e disa medieve kinse për hakmarrje të Dritës ndaj Prishtinës nuk u realizuan. Loja në fushë ishte fer dhe korrekte, ndërsa sulmi fizik i policit të forcave speciale ndaj futbollistëve të Prishtinës do të paraqitet te vet Ministri i Punëve të Brendshme, sepse kjo është një shuplakë ndaj vet shtetit.

Visar Berisha, mbrojtës i Prishtinës:

Për mendimin tim loja ishte mjaft e mirë. Ne dominuam gjatë tërë ndeshjes duke krijuar disa raste shumë të mira, por si duket nuk ishte dita e sulmuesve tanë dhe ndodhi si ndodhi golin shënova unë në çastet e fundit të takimit dhe jam i lumtur që goli im nuk lejoi të na shkoj tërësisht mundi huq.
Ne nuk do të ndalemi aq te kjo ndeshje, vëmendjen duhet përqendruar te derbi me Vëllaznimin, ndeshje e cila edhe do ta përcaktoj titullin e kampionit.

KS.PRISHTINA · Kupa e Kosovës : Ulpiana – Prishtina 1:4 (1:2)

LEHTË NË ÇEREKFINALE

Golashënues: P. Preniqi 23’ – K. Munishi 21’, 39’, A. Ahmeti 63’, A. Kozhani 80’

Shikues: afër 800

Gjyqtarë: Albert Kastrati, Musa Rahimi, Kemajl Bunjaku - Gjilan

Kartonë të verdhë: A. Fazliu, A. Gashi

Ulpiana: A. Grajçevci, F. Hetemi, P. Osmani, A. Rrahmani, H. Sogojeva, B. Gërxhaliu (c), A. Fazliu (V. Buja), P. Marniku, P. Preniqi, Me. Idrizi (A. Gashi), Sh. Topalli.
Trajner: Enver Duriqi

Prishtina (3-5-2): K. Mushica – M Hoxha, V. Berisha (81’ B. Shabani), D. Vokshi – M. Idrizi, A. Ahmeti (70’ A. Kozhani), B. Kaçiu, I. Llumnica (65’ T. Ademi) F. Humolli (c) – E. Hasan, K. Munishi
Trajner: Afrim Tovërlani
Minutë për minutë:

3’ Kaçiu nga qendra prej goditjes së dënimit harkon në zonë, M. Hoxha kthen me kokë, Hasan nga afërsia me gërshërë nga mbrapa gjuan mbi portë.

5’ Kapiteni Humolli kroson nga krahu i majtë, në qendër të zonës nga 10 metra me kokë gjuan Idrizi, ish-portieri junior i Prishtinës, Graiçevci pret, topin e kthyer tenton ta fus në portë Hasan, por dështon.

7’ Llumnica depërton brenda zonës, pengohet nga një mbrojtës, mysafirët kërkojnë penallti – gjyqtari hesht.

14’ Llumnica për mrekulli ia pason topin përpara Hasanit të cilin e qet në rast ideal, por nga 10 metra gjuan mbi portë.

17’ Mosmarrëveshje në mbrojtjen vendase, përfiton Llumnica, por gjuajtja e tij nga 12 metra përfundon pranë pingules së djathtë.

21’ P. Osmani pa nevojë largon një top nga mbrapa dhe e hedh në vijë të 16-shit ku gjendej Munishi i cili njëherë ndal topin pastaj parabolën portierin vendas – 0:1.

23’ Mensur Idrizi (vëllai i Mirsad Idrizit) ekzekuton nga krahu i majtë në vijë të 16-shit goditjen e lirë. Para portierit Mushica krijohet rrëmujë, goditet traversa, topin e kthyer e fut në rrjetë Preniqi – 1:1. Ishte ky rasti i parë dhe i vetëm gjatë pjesës së parë për vendasit.

39’ Kapiteni depërton nëpër krah të majtë dhe pas manovrimit ia vazhdon topin Munishit i cili bukur lirohet nga mbrojtja vendase dhe posa futet në zonë, nga gjysmëkrahu i majtë gjuan rrëmbyeshëm dhe topi përfundon në këndin e kundërt të portës – 1:2, ishte ky goli i dytë në këtë ndeshje për “ujkun e vjetër” të Prishtinës.

43’ Humolli edhe njëherë bukur pason, Llumnica mirë lirohet por nga 13-14 metra gjuan drejt në portierin vendas.

48’ Llumnica gjuan nga 25 metra, jo shumë lart traversës.

51’ Munishi ia vazhdon topin Hasan i cili se kishte perceptuar aq mirë edhe pse ia del të gjuaj, por jashtë porte.

54’ Ahmeti gjuan nga një top i devijuar nga 16 metra, pranë pingules së djathtë.

58’ Berisha gjuan nga 35 metra, portieri vendas grushton, Hasan shënon me kokë, por goli anulohet për shkak pozitës së dyshimtë ofsajdi.

63’ Pas një topi të devijuar brenda zonës, Azem Ahmeti nga 15-16 metra për mrekulli e shqelmoi topin aq fort sa mezi e ndali rrjeta e portës vendase – 1:3. Ky gol u duartrokit edhe nga shikuesit objektiv vendas që në këtë ndeshje ishin të shumtë si kurrë më parë ndonjë herë në këtë qytezë.

69’ Berisha sërish tenton nga distancë e largët, topi pranë pingules.

73’ Topalli gjen A. Gashin i cili del përball Mushicës, por ky i fundit për mrekulli intervenoi dhe priti gjuajtjen e Gashit nga 13-14 metra.

80’ Kapiteni Humolli edhe njëherë depërton dhe kalon ndjekësin e tij nga krahu i majtë pastaj pason krosimi nga ana e tij brenda zonës, aty për mrekulli ndal topin Ardian Kozhani i cili lirohet nga një lojtar vendas dhe gjuan rrëmbyeshëm nga 16 metra dhe vendos topin mbi duart e portierit Grajçevci – 1:4. Ky gol u përshëndet gjatë nga publiku vendas për bashkëqytetarin e tyre i cili luan në petkun e Prishtinës.

83’ Preniqi gjuan nga 18 metra, top i lehtë për Mushicën.

90’ Idrizi harkon nga krahu i djathtë, Hasan i vetmuar nga 2-3 metra sërish nuk e perceptoi ashtu si do të duhej dhe me gjithë përpjekjen e tij me kokë topi shkon mbi portë.

KOMENTI:

Prishtina sot në Lypijan u prit jashtëzakonisht miqësisht. Para ndeshjes, kryetari i Komunës së Lypianit, z. Shukri Buja dhuroi një dhuratë modeste për mysafirët nga Prishtina, ndërsa edhe pas ndeshjes shtroi koktell për ekspeditën nga Prishtina.
Edhe ndeshja u zhvillua në frymë jashtëzakonisht korrekte dhe numri i madh i shikuesve shijoi një ndeshje të bukur futbolli me pesë gola në rrjetë.
Prishtina takimit i hyri pa tre lojtarë standard, të lënduarin, Sh. Skeraj dhe Fetahun e Y. Hoxhën që kryetrajneri Tovërlani i ruan për sfidën e ardhshme me Vëllaznimin.
Ç’është e rëndësishmja, në përbërjen e parë u kthyen tre lojtarët e mesit të fushës që nuk ishin paraqitur që nga ndeshja në Mitrovicë. Ndërsa edhe sulmuesi Munishi tregoi se akoma nuk ka harruar të luaj futboll dhe është po ai “ujku i vjetër” që shënon sa herët të gjendet në rast të pastër shënimi.
Pas kësaj fitore, Prishtina e qetë do ta pres ndeshjen e sezonit të dielën kundër Vëllaznimit dhe në takim do të hyjë vetëm pa dy lojtarë nga përbërja e parë, të lënduarin Sh. Skerajn dhe të suspenduarin, Vokshin.

DEKLARUAN:

Afrim Tovërlani, kryetrajne i Prishtinës:

Fillimisht kisha dashur ti falënderojë edhe zyrtarët e klubit edhe zyrtarët e Komunës së Lypianit për mikpritjen, lojën fer dhe korrekte. Ndërsa sa i përket vetë lojës, nga shumë rastet e treguara ne shënuam vetëm katër gola, por mund të them lirisht se ne sot u përballëm me një skuadër shumë më të mirë se sa disa skuadra të Superligës. Në përgjithësi jam i kënaqur me paraqitjen e futbollistëve të mi.

Kushtrim Munishi, sulmuess i Prishtinës:

Nuk është ndonjë befasi e madhe shënimi i dy golave, unë normalisht deri sa të luaj futboll do të luftojë që të jem në përbërjen e parë. Me rëndësi është se ekipi po arrin fitore, ndërsa unë sa herë të dal në fushë gjithmonë do të mundohem ta jap maksimumin.
Ndërsa sa i përket lojës, në pjesën e parë patëm pak vështirësi deri sa shënuam dy golat e avantazhit, por pas shënimit të dytë më gjithçka funksionoi ashtu si ne dëshironim.
Tani na pret ndeshja me Vëllaznimin. Ne jemi shumë të qetë para këtij takimi, jemi në përparësi, lojtarët e Vëllaznimit gjenden më në presion. Përvoja mendoj se është në anën tonë, unë besoj dhe shpresoj që në fund të takimit do të jemi ne ata që do ti arkëtojmë tri pikë.

Azem Ahmeti, mesfushor i Prishtinës:

Kjo ndeshje ishte një parapërgatitje e mirë para përballjes me Vëllaznimin. Loja ishte e mirë, ne dhamë atë çka kërkohej nga ne, kontrolluam mesin e fushës, shënuam katër gola dhe me meritë shkojmë tutje.
Personalisht jam i kënaqur me kthimin tim pas lëndimit dhe ndihem tërësisht i aftë që të paraqitem denjësisht të dielën.

Enver Duriqi, trajner i Ulpianës:

Ishte një ndeshje e fort dhe e bukur për sy dhe për shikues. Prishtina fitoi me meritë. Ulpiana ka kapacitet për Superligë dhe për këtë gjë jemi orientuar me të gjitha forcat që në këtë vit në 80-vjetorin e klubit ta kurorëzojmë me hyrje në rang më të lart.

SPORTI_DARDAN · Prishtina – Vëllaznimi

PRISHTINA – VËLLAZNIMI
NDESHJA E SEZONIT

Ndeshja e vlerësuar si e sezonit ndërmjet Prishtinës dhe Vëllaznimit do të zhvillohet të dielën nga ora 17:00 dhe të gjithë adhuruesit e Prishtinës në botën e jashtme do ta kenë rastin që ndeshjen ta ndjekin direkt në televizionin publik të Kosovës - RTK.
Takimi ka zgjuar kërshërinë e madhe të futbolldashësve jo vetëm në kryeqendër dhe Gjakovë, por në mbarë Kosovën dhe pritet të mbushen tribunat e stadiumit të qytetit.
“Plisat”, tifozët e Prishtinë kanë paralajmëruar spektakël, ashtu siç dinë vetëm ata të krijojnë. Ndërsa edhe tifozeria gjakovare, “Kuqezinjët e Jakovës” kanë rezervuar 3.000 bileta për këtë derbi.
Të gjitha përgatitjet e zyrtarëve të FC Prishtina për këtë ndeshje po thuajse janë bërë gati dhe vetëm pritet fillimi i takimit të dielën në ora 17:00.

KS.PRISHTINA · Konferenc per shtyp e KF.Prishtina

Në konferencën e mbajtur enkas para ndeshjes derbi me Vëllaznimin, drejtori i FC Prishtina, Arbnor Morina dha disa informata kryesisht rreth organizimit teknik të ndeshjes.
Me gjithë se para gazetarëve prezent ishin edhe kryetrajneri Tovërlani dhe dy lojtarët, Fetahu e Kaçiu, çuditërisht gazetarët u interesuan vetëm për çështjet teknike të organizimit të ndeshjes dhe po thuajse fare apo shumë sipërfaqësisht u interesuan të dinë diçka më shumë për vetë ndeshjet e futbollit.

Drejtori Morina, me këtë rast theksoi se gjithçka sa i përket organizimit të ndeshjes tani më është e kryer dhe vetëm pritet fillimi i ndeshjes. Klubi ka lëshuar në shitje 10.000 bileta, me dy lloj çmime, 3 euro në tribunën perëndimore dhe 2 euro në tribunën lindore. Pse vetëm 10.000 bileta janë lëshuar në shitje dhe jo sa ka kapacitetin stadiumi (16.400), drejtori Morina theksoi se kjo gjë është bërë thjeshtë për shkak sigurisë më të mirë në stadium dhe që shikuesit të ndjehen komod gjatë ndjekjes së ndeshjes.
Biletat në shitje do të dalin që nga ora 10 e mëngjesit të ditës së diel në 15 vende të caktuara në qytet dhe përreth stadiumit. Dyert e stadiumit do të hapen në ora 15:00, ndërsa do të mbyllën gjysmë ore para fillimit të ndeshjes, në ora 16:30. Pra, ata shikues që duan ta ndjekin ndeshjen nga shkallët e stadiumit duhet t’ia mësyjnë stadiumit më herët, sepse për ndryshe do ta kenë të pamundur të futen brenda.

Z. Morina theksoi se klubi ka bërë gjithçka, që nga sigurimi i mjaftueshëm i policëve, sigurimit privat e gjërave tjera që mikpritja e tifozerisë gjakovare të jetë e njëjtë sikurse që ka ndodhur në Gjakovë. Nuk u bë e ditur numri përfundimtar i biletave që do tu takojnë mysafirëve, por u theksua se do të ketë aq sa edhe do të kërkojnë. Tifozeria mysafire do të vendoset në skajin e majtë të tribunës perëndimore të ndarë me kordon police me pjesën tjetër të shikuesve në këtë tribunë.

Prezent në konferencë ishte edhe udhëheqësi i “Plisave”, Sami Dili i cili me këtë rast ftoi të gjithë adhuruesit e klubit dhe të gjithë Plisat që në numër sa më të madh të jenë prezent në stadium dhe premtoi se “Lindja” edhe njëherë do të gjendet në “flakë” nga atmosfera që pritet ta krijojnë adhuruesit më të flaktë të klubit.

Pritet që topin nga mesi i fushës ta nis Kryeministri i Republikës së Kosovës, z. Hashim Thaçi. Kjo informatë tregon se sa me rëndësi dhe me peshë do të jetë kjo ndeshje të dielën pasdite.

Edhe gjyqtari i takimit do të dihet vetëm një orë para takimit kur nga 2-3 gjyqtarët e mundshëm do të hidhen në shortë. dhe do të caktohet se kush do ta ndajë drejtësinë.

DEKLARUAN:

Afrim Tovërlani, kryetrajner:

Ndeshjes mesiguri do ti qasemi për ta fituar atë. Nuk do të hyjmë në fushë me rezervime dhe taktizime të paarsyeshme, sepse e dimë edhe
fuqinë tonë edhe të kundërshtarit, i dimë edhe aftësitë tona tekniko-taktike sikurse edhe ato fizike. Domethënë do të hymë ta fitojmë ndeshjen, por jo në mënyrë të pa kontrolluar. Mesiguri se do të jemi më syçelë se herëve tjera, por gjithmonë, e përsëris, në kërkim të fitores dhe dëshirojmë që edhe publikun tonë ta kënaqim me lojë.
Ndeshjet do ta fillojë me 4-4-2, por kjo nuk do të thotë asgjë, sepse varësisht prej rrjedhës së ndeshjes, pozicionimin e kundërshtarit, pas vetëm 3-4 minutash mund ta ndryshojë atë sistem. Për Prishtinën më nuk paraqet ndonjë problem që gjatë 90 minutave dy e edhe tri herë ta ndërrojmë pozicionimin apo skemën e lojës.
Për njëmbëdhjetëshin e parë, jo 100 %, por përafërsisht tani më jam i përcaktuar. Nuk kam as ndonjë problem dhe as ndonjë mëdyshje rreth përcaktimit të përbërjes, por thjesht atë do ta bëjë të ditur atëherë kur të gjithë të pranishmit në stadium mund ta shohin.

Bardhyl Kaçiu, zëvendëskapiten-mesfushor i Prishtinës:

Edhe kjo ndeshje, edhe kampionati dallon prej derbit të fund të madh që kemi pasur me Besën vjet. Sivjet them se gjithçka është më në rregull si nga korrektësia, te ndarja e drejtësisë e unë them deri te niveli i lojës që po tregohet.
Ndërsa edhe këtë ndeshje unë do ta çmoja më shumë, do të jetë një ndeshje e fortë, përballja me Vëllaznimin që ka për mendimin tim ekip mjaft të mirë, do të jetë motiv i yni shtesë që ne të japim maksimumin dhe duelit ti hyjmë për ta mposhtur rivalin tonë. Përparësinë e shoh tek skuadra jonë në komponimin e ekipit që tani më e disa kohë jemi bashkë dhe njihemi shumë mirë, deri sa skuadra e Vëllaznimit ka pasur prurje në skuadër dhe komponimin e kanë shumë më të vështirë dhe më të pamundur. Unë besoj që gjakovarët ndeshjes do ti hyjnë me ambicie të mëdha sepse tek e fundit s’kanë çka të humbin, do të tentojnë të na sulmojnë që nga minuta e parë duke dashur edhe të revanshohen për humbjen e pësuar atje dhe po ashtu për ti treguar publikut prishtinas se nuk janë rastësisht pretendent për titull. Por, se sa do t’ia dalin të na shkaktojnë ndonjë problem mbetët të shihet, unë them se nuk do t’ia dalin dhe në fund të takimit ne do të jemi ata që do të dalim triumfues.

Enis Fetahu, sulmues i Prishtinës:

Ndeshjes duhet ti hyjmë që së pari të shënojmë gola e pastaj me paraqitjen tonë ta gëzojmë publikun tonë. Derbive të kaluar na ka munguar fati, kemi krijuar shumë raste e nuk kemi shënuar gola. Ndërsa tash, përveç komponimit shumë më të mirë të skuadrës se në të kaluarën, po ashtu jemi të etur dhe na ka marrë malli të paraqitemi para reflektorëve.
Nëse Vëllaznimi do të vije thjesht të luaj futboll dhe jo të merren me ndonjë gjë tjetër, jam më se i bindur se ndeshjen do ta fitojmë pa ndonjë problem të madh. Po ashtu jam i bindur se ndeshja do të vendoset në 25 minutat e para të ndeshjes. Krejt këtë optimizëm timin e bazoj në fuqinë që disponon skuadra jonë, por ashtu pres, shpresoj dhe besoj se ndeshjen do ta vendos dhe lojtari përcaktues që do ta bëjë dallimin do të jetë Isuf Llumnica.
Ndërsa dallimi ndërmjet ndeshjes së fundit të madhe të zhvilluar me Besën vjet dhe sivjet me Vëllaznimi them se Besa vjet nuk ka luajtur futboll aspak, gjatë tërë ndeshjes ka krijuar një rast dhe është marrë me gjëra tjera. Por, Besa për mendimin tim ka qenë më e rrezikshme atëherë se sa Vëllaznimi tani dhe përveç ndihmës dhe përkrahjes që do ta kenë nga publiku i tyre nuk shoh diçka tjetër me rrezik nga ta.

admin

9000 shikues Shocked

qenka si Tirana - Partizani kjo ndeshje me duket Very Happy

KS.PRISHTINA · Gjithçka Madhështore Një Hap Afër Titullit

Prishtina – Vëllaznimi 4:3 (1:2)

Golashënues: V. Berisha 15’, I. Llumnica 48’, 75, E. Fetahu 55’ - U. Emra 4’, I. Ramushi 38’, L. Efendija 82’

Shikues: Rreth 9.000

Gjyqtarë: Muhedin Ferati (Burim), Zymer Berisha (Ferizaj), Afrim Morina (Prizren)

Kartonë të verdhë: Humolli, Kaçiu, Ahmeti – Papuqi, B. Krasniqi, Doçi, Ramushi

Kartonë të kuq: Papuqi (69’ pas dy kartonit të dytë)

Prishtina (4-4-2): K. Mushica – M. Idrizi, M. Hoxha, V. Berisha, F. Humolli (c) – I. Llumnica, A. Ahmeti (90’ A. Kozhani), B. Kaçiu, Y. Hoxha – S. Saliagiq (46’ A. Skeraj), E. Fetahu (80’ T. Ademi).
Trajner: Afrim Tovërlani

Vëllaznimi: V. Bytyqi – L. Efendija (c), F. Papuqi, B. Krasniqi, P. Doçi, D. Gashi (59’ M. Duraku), R. Gjeraj, A. Dylazeka (12’ I. Ramushi), N. Komoni, L. Buçaj (71’ A. Pruthi), U. Emra.
Trajner: Genc Hoxha
Minutë për minutë:

4’ Ndalet sulmi i Prishtinës dhe deri sa komplet skuadra vendase gjendej në mesfushën e mysafirëve, D. Gashi shqelmon fuqishëm topin në drejtim të Emrës i cili në duel me kapitenin Humolli ishte më i shpejtë, del përball Mushicës dhe nga 12-13 metra plason topin në këndin e majtë – 0:1.

5’ Llumnica kroson në zonë, Fetahu me kokë gjuan, portieri nuk befasohet.

7’ Idrizi gjuan furishëm nga 25 metra, Bytyqi në vend.

10’ Y. Hoxha harkon nga korneri i djathtë, Berisha gjuan me kokë jashtë.

15’ Sërish Yll Hoxha harkon nga korneri i djathtë, kësaj here Visar Berisha i vetmuar bukur shkëputet dhe me kokë nga 5 metra vendos topin në mes të portës mysafire – 1:1.

31’ Gjeraj kroson nga goditja e dënimit, B. Krasniqi në kërcim së larti prek topin me kokë, në shtyllën e majtë vonohet Ramushi dhe topi fare pranë pingules del jashtë.

38’ Aksion i gjatë, i bukur i mysafirëve nëpër krahun e djathtë, ndërsa finalizimin e aksionit e nisi Komoni kur bukur ngatërron mbrojtjen vendase, ia pason në gjysmëkrah të djathtë Emrës i cili edhe me bukur me top të gjatë gjen Ramushin dhe nga 2-3 metra mposhtë Mushicën i cili me gjithë tentimin ishte i shkurtër ta prekte topin – 1:2.

48’ Prishtina filloi furishëm pjesën e dytë. Nga një top i devijuar nga zona mysafire, topi vije deri te Ahmeti i cili ia vazhdon topin më në krah Idrizit i cili bukur harkon dhe gjen Agron Skerajn i cili edhe me bukur me kokë parabolën portierin dhe qëllon traversën. Topi u duk se preku brenda vijës së portës, Llumnica me shpejtë kërcen dhe qëllon topin me kokë i cili edhe një herë rrok traversën dhe më në fund topi prek rrjetën – 2:2.

53’ A. Skeraj depërton para zonës dhe gjuan me të majtën nga 17 metra, topi ulët përfundon jashtë fare pranë pingules së djathtë.

54’ Y. Hoxha harkon nga korneri i djathtë. V. Berisha bukur përcjell topin në shtyllën tjetër, por se qëlloi si duhet dhe në vend të portës së zbrazët topi del jashtë.

55’ Llumnica nga krahu i majtë për mrekulli gjen Enis Fetahun i cili i ikën B. Krasniqit dhe përball me Bytyqin vetëm e vazhdon topin tutje i cili përfundon në këndin e ulët të djathtë të portës – 3:2.

62’ Fetahu me një diagonale gjen A. Skerajn i cili një me një me Papuqin bukur manovron dhe pasi që krijon hapësirë godet furishëm, por intervenon Bytyqi.

67’ Buqaj nga goditja e dënimit nga 17-18 metra gjuan shumë lartë kuadratit.

69’ Mervan Hozha, mbrojtësi i Prishtinës rrëmben një top para mbrojtjes dhe niset përpara, intervenon Papuqi mjaft ashpër i cili me këtë rast ndëshkohet me kartuçin e dytë të verdhë dhe automatikisht të kuqin.

75’ Idrizi tenton ta gjej A. Skerajn përpara në krah të djathtë, Komoni e kishte topin në këmbët e tij, por se kishte perceptuar mirë dhe me këtë rast përfiton Skeraj i cili me furi niset përpara dhe pas mbajtjes së mirë të topit tamam në stilin e tij, aty nga bri-16-shi, me një top të lartë gjen në krahun tjetër Isuf Llumnicën i cili pasi që bukur ndal topin, i pa penguar dhe i vetëm me portierin Bytyqi, aty nga 12-13 metra saktë plandos topin në këndin e djathtë të ulët – 4:2.

82’ Doqi kroson në zonë, Humolli largon me kokë anash ku ishte Y. Hoxha i cili pa dashje, në mënyrë mjaft të pa kontrolluar pa asnjë nevojë, sepse s’kishte ndonjë rrezik, prek topin me dorë dhe gjyqtari Ferati jep penallti. I saktë nga 11-metra ishte kapiteni Efendija – 4:3.

87’ Y. Hoxha harkon nga krahu i majtë, topin e merr A. Skeraj i cili edhe një herë pas depërtimit të tij karakteristik gjuan nga 17 metra largësi, topi prej një lojtarë mysafir dhe për pak sa del jashtë pingules.

88’ Pas një topi të dëbuar nga portieri Bytyqi, Ahmeti gjuan rrëmbyeshëm nga 18 metra, topi përfundon jashtë pranë pingules së majtë.

90’ Efendija godet në vend të ndjeshëm A. Skerajn i cili me gjithë dhimbjen merr topin me vrapim të gjatë futet brenda zonës, por portieri Bytyqi bukur zvogëlon këndin dhe tentimin e Skerajt e ndal suksesshëm.
KOMENTI:

Në praninë e rreth 9.000 shikuesve, në stadiumin e qytetit u zhvillua ndeshje për çka edhe shikuesit paguajnë biletën për ta parë atë ndeshje. Përveç që u shënuan 7 gola, u panë shumë rikthime në rezultat dhe krejt kjo lojë bëri që shikuesit deri në momentet e fundit të takimit ta presin me ethe.
Ndeshja e treguar e arsyetoi interesimin e madh që kishte opinioni për këtë ndeshje.
Edhe më madhështore, këtë përballje e bënë “Plisat” në tribunën “Lindore” që me animin dhe përkrahjen që i bën skuadrës treguan se janë numër 1.
Spektaklit i dhanë hijeshi edhe rreth 3.000 tifozë gjakovarë të ardhur të organizuar në ndeshje. E mbarë ndeshja, hiq disa rasteve të vogla, kaloi pa më të voglin ekses.
Zyrtarët e FC Prishtina dhanë edhe një herë provimin dhe treguan, se dinë, duan dhe ia dalin të organizojnë kaq ndeshje me rëndësi në nivelin më të lart lokal që ekziston për momentin te ne.
Të pranishëm ishin edhe shumë personalitete politike e shoqërore që besojmë u kënaqën me shfaqjen e dhënë nga të dy skuadrat në fushën e gjelbër.
Deri sa në aspektin teknik të organizimit dhe mbarëvajtjes së ndeshjes gjithçka shkoi si më mirë, situata në fushë ishte më e ndërlikuar dhe u desh paraqitja brilante e djelmoshave të Tovërlanit në pjesën e dytë që të japin lojën të cilën dinë dhe me admirimin e thellë nga futbolldashësit për lojën e treguar ta mbyllin atë me fitoren e re të arritur, hap që afron akoma më shumë titullin e kampionit.
DEKLARUAN:

Afrim Tovërlani, kryetrajne i Prishtinës:

Ndeshje shumë e vështirë, shumë e rënd. E kemi ditur që Vëllaznimi s’ka çka të humb dhe do të vijë gjithsesi për fitore. Edhe ne e kemi ditur që nuk guxojmë të dështojmë dhe kemi dashur t’ua bëjmë të gjithëve me dije se cila është skuadra më e mirë kosovare edhe pse këtë e dinë shumica, por ka edhe shumë në mesin e mediumeve i zvogëlojnë rezultatet dhe sukseset e Prishtinës.
Dy herë u ndodhën në disavantazh. Pas 1:2, u frikova pak se mos ndoshta lojtarët e mi nuk do të mund ta përballojnë presionin. Sidomos kapiteni Humolli nuk ishte në element në pjesën e parë. Por, në pjesën e dytë mund të them se ishte më i sigurti në mbrojtje. Aktivizimi i Agronit dhe caktimi i disa detyrave për Idrizin, Kaçiun dhe Ahmetin rezultoi që ta kthejmë rezultatin. Pak skuadra e rikthejnë rezultatin, sidomos kur është pesha e lojës siç ishte kjo për titull. Në pjesën e dytë ishim shumë më të fortë dhe dëshmuan edhe një herë se përveç përgatitjes fizike, edhe përgatitja psikike skuadra e Prishtinës është larg skuadrave tjera. Pastaj shtimi i angazhimit dhe shtimi i disiplinës përveç angazhimit të Agronit ka bërë që të vije deri te kthimi ynë në lojë. Por, e theksoj se aspekti fizik ka qenë më e rëndësishmja sepse u pa se lojtarët e Vëllaznimit në pjesën e dytë nuk kanë mundur ta mbajnë ritmin e pjesës së parë.

Isuf Llumnica, mesfushor i Prishtinës:

Në pjesën e parë e respektuam shumë Vëllaznimin. Por, në pushim, me këshillat që na dha trajneri ne në pjesën e dytë u angazhuam më shumë deshëm fitoren më shumë dhe fituam me meritë.
Ka edhe shumë lojë deri në fund të kampionait, ne do të bëjmë përpjekje të vazhdojmë me këtë ritëm dhe në fund besoj që do të bëhemi kampion.

Visar Berisha, qendërmbrojtës i Prishtinës:

Ishte atmosferë mjaftë e nxehtë në të dy palët. Ne ishim më të motivuar dhe në fund ia arritëm qëllimit. Do të doja ti falënderoja shumë bashkëlojtarët e mi për angazhimin e dhënë në fushë e falënderim të posaçëm kam për “Plisat” të cilat me atmosferën e zjarrtë të krijuar na ndihmuan dhe na përkrahen drejt kësaj fitoreje të madhe.
Në pjesën e parë duhet pranuar se na kishte kapur një panik e pa nevojë në të gjitha repartet, por në pjesën e dytë u këndellëm, treguam lojë mjaftë të mirë dhe me meritë shënuam fitore.

Agron Skeraj, mesfushor ofanziv i Prishtinës:

Ishte dëshira ime që aktivizimin, besimin e dhënë nga trajneri, ta shpërbleja me maksimumin tim me qëllim që ta rikthenim lojë në duart tona. Më vije mirë që aktivizimi im, loja ime, bëri që ta ndihmojë skuadrën që ta rikthejmë rezultatin dhe në fund të shënojmë fitore të merituar.
Jam i vetëdijshëm se prej që kam ardhur në Prishtinë kjo ishte paraqitja ime më e mirë ne petkun e Prishtinës, dhe këtë lojë të mirë ia dedikoj komplet skuadrës, ndjehem shumë i lumtur për këtë çka tregova sonte në fushë.

Enis Fetahu, sulmues i Prishtinës:

Në pjesën e parë kemi luajtur pa mes të fushës dhe mua nuk më konvenon loja me topa të lartë pasi që unë nuk jam aq i gjatë sa ti ndal topat dhe të jem aq i suksesshëm, por edhe gjyqtarët tani kanë krijuar paragjykim duke menduar se po stimuloj dhe nuk po japin faulle.
Pas pësimit të golave, për mu shumë naiv, në pjesën e dytë luajtëm me top për toke, dhe me ndihmën e dy ekstra-mesfushorëve, Llumnicës dhe lojtarit, për mua të ndeshjes, Agron Skerajn, kthyem rezultatin, luajtëm lojën që ne dimë të luajmë dhe thjesht e shkelëm kundërshtarin.

Genc Hoxha, trajner i Vëllaznimit:

Edhe pse shënuam tre gola, nuk ia dolëm të fitojmë. Golat që pësuam ishin shumë të lehtë. Prishtina ka krijuar epërsi 10 pikëshe, por ne do të luftojmë deri në fund, nuk do të dorëzohemi.

Uliks Emra, sulmues i Vëllaznimit:

Sinqerisht ishte vështirë të kthehesha në stadiumin e Prishtinës me skuadër tjetër kundër ish-skuadrës sime. Ishte ndjenjë që zor mund ti di dikush tjetër, por gjithmonë është kënaqësi të paraqitesh para “Plisave” e që unë i kam dashur shumë e që vazhdoj ti dua akoma, por ja që fati kishte dashur që unë të ndahem nga Prishtina, dhe në anën tjetër megjithatë unë sonte tentova ta jap maksimumin për skuadrën që tani luaj, tamam si një profesionist që jam.
Ne krijuam disa gabime në momentet e para të pjesës së dytë që edhe na kushtuan me humbje. Ato gabime ndikuan që ndeshja të marr kah tjetër dhe në vend që ne të sulmonim më shumë ne përkundrazi pësuam gola shumë të shpejtë dhe humbëm ndeshjen që për mendimin tim e kishim në dorë.

KS.PRISHTINA · Trepça - Prishtina E enjte, ora 15:00

RIVALËT E VJETËR
ME QËLLIME TË NDRYSHME

Pas një rivali të madh, Prishtinën tani e pret rival tjetër, po aq i madh dhe i vjetër, por me role dhe ambicie të ndryshme. Dy skuadrat më të vjetra dhe më të suksesshme kosovare, të enjten do të takohen ndërmjet vete për qëllime të ndryshme. Deri sa Prishtina qëllim ka titullin e katërt pas luftës, Trepça me të gjitha forcat lufton që të mbes në elitë. Skuadra mitrovicase ka vetëm dy pikë më shumë se sa vendi i 14-të (14. Kosova dhe 15. Fushë-Kosova), vend që shpije në Ligën e parë, rang më i ulët i garave.
Prishtina ka ambicie edhe tri pikë të reja, që nëse jo kyçe atëherë do të ishin pikët e sigurisë së madhe që në vazhdim të garave Prishtina të paraqitej me shumë lehtësi.
Ndoshta lehtësi tjetër për skuadrën tonë do të jetë edhe zhvillimi i ndeshjeve tjera një ditë më herët, por varësisht nga rezultatet do të mund të ishte edhe e kundërta nëse veç kundërshtarët e Trepçës arrijnë suksese në duelet e tyre.

MUNGESAT

Prishtina në “Adem Jashari”, do të paraqitet pa dy lojtarë të përbërjes e parë. Mungesave pas Shqipron Skerajt, i shtohet edhe sulmuesi, Suad Saliagiq i cili në përballje me Vëllaznimin pësoi lëndim dhe pritet të pushojë në tre-katër ditët e ardhshme. Por, në përbërjen e parë kthehet qendërmbrojtësi Driton Vokshi i cili ishte me një ndeshje i suspenduar pas skuqjes me Driten në Gjilan. Kthimi i Vokshit do të shtojë vetëbesimin në mbrojtje dhe edhe ndryshim në skemën mbrojtëse pasi që sërish në vijën e fundit do të paraqitet tandemi, Hoxha – Berisha – Vokshi, trio i cili i ka zhvilluar të gjitha ndeshjet pranverore, por edhe disa ndeshje të fundit të stinorit vjeshtor.

DEKLARUAN:

Afrim Tovërlani, kryetrajner:

Në Mitrovicë shkojmë të luajmë një lojë të mirë, e kondita kryesore për këtë ekziston pasi që fusha atje është ideale. E dimë që Trepça din të jetë shumë e pa përshtatshme, sidomos kur është si vendas e cila në radhët e saj ka disa individ shumë të mirë dhe dinë të jenë të rrezikshëm për skuadrat me të cilat ndeshen. Ne si gjithmonë, si në çdo ndeshje, edhe në Mitrovicë shkojmë të luajmë futboll të hapur, ofanziv dhe në fund kush të jetë më i mirë le të fitojë. Nuk do të ketë absolutisht kurrfarë taktizimi nga ana jonë, përveç dy mungesave ne atje shkojmë të kompletuar dhe them edhe një herë kush të jetë më i mirë le ta fitoj ndeshjen.

Mirsad Idrizi, mbrojtës i djathtë:

Pas fitores kundër Vëllaznimit mesiguri se ne tani jemi më të qetë pasi që kemi kryer një punë shumë të madhe. Ndeshja në Mitrovicë pres të jetë e vështirë pasi që ata luftojnë për ekzistencë, kurse ne me fitore eventuale do të bënim hapin kryesor drejt qëllimit tonë të fitimit të titullit. Besoj se do të zhvillohet lojë e mirë për sy dhe tërheqëse për shikues, sepse një gjë të tillë do të na mundësoj vetë fusha e mirë. Ne do të insistojmë ta shtrojmë lojën tonë që na karakterizon, motivi do të jetë shumë i madh në anën tonë që të tregojmë edhe në këtë përballje se Prishtina është më e mira në Kosovë.

DY SKUADRAT MË ME RENOME

Trepça dhe Prishtina janë dy skuadrat e para kosovare që gjithmonë kanë arritur të parat sukseset e mëdha ose më të mëdha.
Prishtina është skuadra e parë që pas Luftës së dytë Botërore (1945 dhe 1946) është shpallë kampione e asaj kohe e Kosovës, ndërsa Trepçka skuadra e dytë që e ka arritur këtë sukses (1947).
Trepça, në fakt ish-Rudari, skuadra që më vonë këto dy skuadra bashkohen në një emër të vetëm, Trepça, është skuadra e parë kosovare që ka fituar statusin e anëtarit federativ, të ish-ligës së dytë të atëhershme (1960), ndërsa Prishtina skuadra e dytë (1961).
Trepça është skuadra e parë që hynë në Ligën e parë federative (1977), ndërsa Prishtina m 1983.
Prishtina është kampioni i parë zyrtar i Republikës së Kosovës me 1992, ndërsa Trepça një vit më vonë.
Por, në fund të viteve të 90-ta, kur s’kishe kushte as elementare për gara, Trepça kishte mbetur në rang më të ulët që nga viti 1996 për mos tu kthyer deri vitin e kaluar, më 2006, pas plotë 10 vitesh.
Kështu këto dy skuadra me renome, kanë vetëm tri përballje pas luftës. Të tri ndeshjet kanë përfunduar me më pak se dy gola të shënuar. Dy ndeshje janë mbyllur baras me rezultat identik 1:1, ndërsa takimin e fundit në Prishtinë ka fituar Prishtina me golin e shënuar nga mbrojtësi, Driton Vokshi, me kokë në minutën e 90-të të ndeshjes.

Ndeshjet e ndërsjella pasluftës:

Vjeshtë, 2006 – Mitrovicë: Trepça – Prishtina 1:1
Pranverë, 2007 – Prishtinë, Prishtina – Trepça 1:1
Vjeshtë, 2007 – Prishtinë, Prishtina – Trepça 1:0

KOSOVA2008

KS.PRISHTINA mos harro te na tregosh pasi qe te perfundoi ndeshja
edhe kush ka shenu.
je ka bon pune te mire qe po tregon lajme te Prishtines
Te kishte pas edhe tifoz tjer per skuadra tjera kishte qen
shum mire.

KS.PRISHTINA · Trepça – Prishtina 0:0

BARAZIMI KËNAQË DY PALËT
PRISHTINA TANI + 10 PIKË

Shikues: 500

Gjyqtarë: Hajriz Hajdari (Drenas), Ahmet Gashi (Baran), Muharrem Aliu (Besianë)

Kartonë të verdhë: Cakaj, Llapashtica, Vojvoda - Llumnica

Trepça: B. Ismajli – A. Haxhaj, I. Cakaj, F. Llapashtica, D. Dervishi, A. Tërnava, F. Ademi, I. Munishi (c), Sh. Jusufi (70’ I. Sejdiu), E. Jashari (82’ L. Hyseni), B. Vojvoda (87’ F. Sejdiu).
Trajner: Nazmi Rama

Prishtina (3-5-2): K. Mushica – M. Hoxha, V. Berisha, D. Vokshi – M. Idrizi, I. Llumnica, A. Ahmeti, B. Kaçiu (c), Y. Hoxha – E. Fetahu (81’ K. Munishi), E. Hasan (46’ A. Skeraj).
Trajner: Afrim Tovërlani
Minutë për minutë:

2’ Jashari bukur përvidhet në krahun e majtë dhe nga 14-15 metra furishëm gjuan, topi kalon fare pranë pingules së majtë.

15’ Vojdona nëpër krah të majtë i ikën Idrizit topin ia pason Jasharit i cili bukur i shmanget vijës mbrojtëse, Mushica ishte më i shpejtë dhe me intervenim të guximshëm eviton rrezikun, por Jashari rrëzohet në duel me Mushicën dhe kërkon penallti, por i këtij mendimi s’ishte gjyqtari Hajrizi.

21’ Kornerin e majtë kapiteni Kaçiu shkurt e drejton deri te Llumnica i cili ia kthen sërish kapitenit e ky kroson në zonë ku më së miri dhe i vetmuar u gjend Fetahu, por nga 4-5 metra me kokë gjuajti plogësht jashtë portës.

47’ Fetahu nga krahu i majtë e gjen përball golit Llumnicën i cili nga 14 metra shqelmon fuqishëm topin i cili në rrugëtim e sipër prek një lojtar vendas dhe fluturon pranë pingules së djathtë.
49’ Kapiteni vendas, Ismet Munishi gjuan nga goditja e dënimit, 16 metra, bri-zonës në anën e djathtë. Mushica intervenon dhe dëbon topin mbi tërthore.

59’ Cakaj provon gjuajtjen nga 16-17 metra, ulët, por Mushica mbron.

69’ Llumnica për mrekulli u përvodh në gjysmëkrahun e majtë dhe jo më shumë se nga 10 metra afër vijës fundore gjuan drejt në portë, portieri Ismajli u gjend në vend.

76’ Ismet Munishi në stilin e tij depërton nëpër gjysmëkrahun e djathtë dhe papritmas vendos të gjuaj nga më se 25 metra, topi pak metra para portierit Mushica aq keç ndërroi kahun sa vetëm koncentrimi i Mushicës ishte vendimtar që në moment të duhur ta prek pak topin dhe ta dëbon tutje mbi kokën e tij.
76’ I. Munishi kroson nga korneri i majtë, në shtyllën e dytë i vetmuar u gjend I. Sejdiu i cili me kokë gjuajti nga afërsia, por ishte pre e lehtë për Mushicën.

90’ Top i kthyer nga mbrojtja pas ekzekutimit të kornerit, nga 15-16 metra furishëm e shqelmon A. Skeraj, por lart mbi portë
KOMENTI:

Po thuajse e tërë loja ishte nën mbizotërimin e lojtarëve me fanella bardh e kaltër. Por me gjithë se angazhimi nuk mungoi për asnjë moment, munguat tentimet më serioze për ta konkretizuar këtë përparësi. Kishte shumë tentime e gjuajte aty përreth vijës së 16-shit, por po thuajse të gjitha përfundonin ose jashtë portës ose lartë mbi portë, pra ndonjë saktësi drejt në portë.
Ndërsa vendasit, duke i parë mundësitë e tyre reale, atunë e vetme e kishin kundërzbritjen, por që as ajo nuk ishte aq e shpejtë sa ta shpërthente mbrojtjen e fortë të treshit mbrojtës të mysafirëve.
Kështu, në fund të më të gëzuarit ishin lojtarët vendas që kjo pikë në fund të kampionatit mund edhe ta shpëtojë nga rënia, kurse për Prishtinën pika e fituar do të thotë + 10 pikë nga dy skuadrat ndjekëse.
Prishtina takimin e radhës e zhvillon të dielën nga ora 15:00 dhe ndeshet me rivalin e kryeqendrës, 2 Korrikun të cilëve po ashtu seriozisht iu kanoset rreziku nga rënia në kategori më të ulët.

DEKLARUAN:

Afrim Tovërlani, kryetrajner i Prishtinës:

I falënderoj vendasit për mikpritje të mirë. Kishim pak më shumë se sa nikoqiri nga loja, por ato pak raste që i patën nuk ia dolëm ti shfrytëzojmë. Trepçës i uroj sukses në të ardhmen.

Nazmi Rama, kryetrajner i Trepçës:

Për shkak rrethanave që gjendemi po thuajse çdo ndeshje jemi duke e luajtur sikur në ethe dhe për shkak pozitës në të cilën gjendemi mendoj se ky rezultat është real edhe pse mendoj se më shumë e deshëm fitoren duke krijuar dy-tre raste, por prapë se prapë lojtarëve të mi u uroj nga zemra për angazhimin të cilët sot e dhanë. Prishtinës i dëshiroj suksese në të ardhmen.

SPORTI_DARDAN

KS.PRISHTINA Ne shkallet e stadiumit Adem Jashari ne Mitrovic mire paska pas Shikushmeri 500 edhe i shikova disa disa pjes te lojes qe i
tregoi RTK mire shum ne diten e ejte 500 shikues shum mire
ati stadiumi i suhen edhe ulset me shegullu edhe pisten e vrapimit qe eshte demtu dhe behet nje stadium shum i mire.

SPORTI_DARDAN

Ndesha Prishtina dhe 2 Korriku a do te luhet ne te njejten ore me te gjith ndeshjet a do te luhet me reflektore.

KS.PRISHTINA · Prishtina – 2 Korriku

NË DERBIN LOKAL
ME AMBICIE TË NDRYSHME

Të dielën në stadiumin e qytetit, nga ora 15.30 zhvillohet derbi i parë lokal në stinorin pranveror. Skuadra më e vjetër kryeqytetase, ajo bardhekaltër e Prishtinës do të jetë nikoqire e verdhekaltërve të 2 Korrikut.
Dy rivalët kësaj here duelit do ti hyjnë me ambicie të ndryshme takimit. Deri sa Prishtina për qëllim do ta ketë fitoren dhe mbajtjen së paku të +8 pikëve ndaj pretendentëve tjerë për titull, 2 Korriku mesiguri në mendje ka pikët shpëtimtare pasi që papritur në këtë stinor u gjend në pozitë të palakmueshme në tabelën e klasifikimit.

MUNGESAT

Prishtinës edhe në këtë takim, sikurse në ndeshjen e mesjavës në Mitrovicë, do ti mungojnë dy lojtarë të cilët do të mund ta shtonin konkurrencën për përbërjen shartuese. Shqipron Skeraj i cili pritet që nga stërvitja e parë të hënën ti kthehet stërvitjeve të lehta dhe sulmuesi Suas Saliagiq i cili pritet që në ndeshjen për Kupë të mërkurën ndoshta të konkurroj për një vend në formacion.

DEKLARUAN:

Afrim Tovërlani, kryetrajner:

Skuadra nuk është e lodhur dhe kjo është më se e sigurt. Por, kam thënë edhe më parë se ai futbollist i Prishtinës që nuk e kupton se për Prishtinën nuk ka lojë të forta dhe të lehta gabon shumë. Për Prishtinën kurrë nuk ka lojë të lehta. Problemi ndonjë herë është te motivimi më vështirë tek lojtarët. Shembull në ndeshjen kundër Vëllaznimit nuk ka qenë ndonjë nevojë e veçantë për motivim përveç përgatitjes taktike. Ndërsa kundër skuadrave që luftojnë për ekzistencë është më e vështirë ti gatitësh. Them edhe një herë, lojtarët e mi nuk kanë asnjë lloj krize, sepse janë skuadra më e përgatitur fizikisht, por veç nganjëherë ju mungon dëshira për luftë më të madhe dhe duhet ta kuptojnë se lojë të lehtë për ta nuk ka. Çdo skuadër në Kosovë, pa marrë parasysh e cilit rang qoftë, dëshiron ta mposhtë Prishtinën, sepse me atë fitore bukfalisht për gjashtë muaj mund ta festojnë nëpër ato provinca dhe të lavdërohen me të.
Kurse sa i përket dy përballjeve me 2 Korrikun, së pari do të mendojmë për ndeshjen e parë kampionale e që do ta kemi shumë vështirë pasi që 2 Korriku tradicionalisht është ekip i papërshtatshëm për ne.
Gjithsesi takimit do ti hyjmë me lojë sulmuese, e respektojmë skuadrën rivale, por pikët i kemi më se të nevojshme, sepse lufta për titull akoma s’ka përfunduar.
Ne jemi shumë të motivuar për nesër, sidomos mbas një lëshimi që kemi bërë në ndeshje me Trepçën dhe nesër nuk guxojmë asgjë t’ia lëmë rastit dhe të na përsëritet angazhimi plogësht. Nga dy përballjet kurrsesi asnjërën në asnjërin rast nuk do ta kisha veçuar, të dyja ndeshjet në të dy frontet janë shumë të rëndësishme, jetike dhe edhe futbollistët duhet ta kuptojnë dhe e kanë kuptuar këtë rëndësi shumë të madhe në këto dy ndeshje.

Driton Vokshi, qendërmbrojtës:

Ishte fati i tillë që dy ndeshje të njëpasnjëshme të ndeshemi me 2 Korrikun. Për neve dy ndeshjet janë ekzistenciale dhe shumë të rëndësishme. Qëllimi ynë dihet dy trofetë dhe assesi nuk do t’ia lëmë rastit asnjërën ndeshje. Duke e ditur se ne lëshuam nga dora ndeshjen në Mitrovicë, pastaj duke e njohur pak a shumë rivalin e nesërm, unë jam më se optimist se ndeshjet do ta fitojmë. E vërtetë se në vjeshtë kishim vështirësi, por duhet theksuar se atë kohë, pas kthimit në elitë, motivi dhe vullneti te 2 Korriku ka qenë shumë i madh dhe ka qenë jo e lehtë të luash kundër tyre, por tani është tjetër situatë dhe qëllimi ynë është që të dy ndeshjeve ti qasemi me seriozitetin më të madh dhe me lojë të sigurt ti fitojmë pikët.

KS.PRISHTINA · Golashënuesit e KF.Prishtines per stinorin 2007-2008

Golashënuesit gol
1. Ertan Hasan 12
2. Enis Fetahu 9
3. Isuf Llumnica 7
4. Visar Berisha 6
5. Kushtrim Munishi 5
6. Mervan Hoxha 3
7. Suad Saliagiq 2
8. Yll Hoxha 1
Nikollë Dushi 1
Agron Skeraj 1
Bardhyl Kaçiu 1
Driton Vokshi 1

KS.PRISHTINA · KF.Prishtina - KF.2 Korriku 2:0

EDHE ME 10 LOJTARË
SHUMË TË FORTË

Golashënues: Driton Vokshi 3’, Kushtrim Munishi 24’

Shikues:300

Gjyqtarë: Idriz Kelmendi (Pejë), Ergyn Janjevaliu e Ismet Breznica (Prishtinë)

Kartonë të verdhë: Kozhani – Kutllovci, Breznica, Rexha, Zhdrella, Arifi

Kartonë të kuq: Visar Berisha (23’)

Prishtina (3-5-2): K. Mushica – M. Hoxha, V. Berisha, D. Vokshi – M. Idrizi, I. Llumnica (76’ T. Ademi), A. Kozhani, B. Kaçiu (c), Y. Hoxha (83’ F. Humolli) – E. Fetahu, K. Munishi (59’ A. Skeraj).
Trajner: Afrim Tovërlani

2 Korriku: T. Myftari – K. Kutllovci, T. Duli, A. Breznica, A. Sylejmani, S. Ambe, M. Zhdrella, A. Syla (46’ B. Ademi), A. Mavriqi (79’ B. Mehmeti), L. Rrrmoku, K. Rexha (63’ E. Arifi).
Trajner: Arsim Thaqi
Minutë për minutë:

2’ Gjuajtje e lirë për Prishtinën bri-16-sh*t në krahun e djathtë. Harkimin nga 22-23 metra e bënë Yll Hoxha ndërsa më së larti me kokë në qendër të zonë shkëputet mbrojtësi Driton Vokshi dhe në largësi 5-6 metra, shënon golin e parë për bardhekaltrit në këtë takim dhe të dytin e tij në kampionat – 1:0.

5’ Idrizi bukur shërben M. Hoxhën i cili i ikën kurthit të ofsajdit, por në shtyllën e djathtë kur tentoi ti gjej në krahun tjetër dy sulmuesit gaboj duke ua pasuar topin mbrapa tyre.
16’ Kapiteni Kaçiu gjuan nga 40 metra, portieri mysafir pret.

19’ Idrizi edhe njëherë bukur ngrit një top në zonë, Fetahu shkëputet lart dhe nga 12 metra gjuan me kokë dhe parabolën edhe portierin e dalë, por edhe portën.

20’ Ambe harkon nga korneri i djathtë, Zhdrella i vetmuar dhe i harruar gjuan me kokë nga 6-7 metra, por për fat të vendasve nuk e qëlloi topin si duhet dhe përfundon jashtë pingules së djathtë.

23’ Tani ishte gjykuar goditje dënimi në krahun e majtë, bri-16-sh*t. Derisa kapiteni Kaçiu bëhej gati ta harkonte topin, ndërkohë brenda zonës sulmuesi Rexha duke e kapur mbrojtësin V. Berisha e rrëzon atë. Berisha tenton të ngrihet, por Rexha aty mban për këmbë, ndërsa Berisha ia del të shkëputet nga ai këmba i shkon në trup të Rexhës së rrëzuar i cili bukuar inskenon me këtë rast. Gjyqtari kryesor, Kelmendi me këshillën e anësorit, Janjevaliu përjashton me kartuç të kuq Berishën ndërsa ndëshkon vetëm me kartuç të verdhë Rexhën. Bankina prishtinase me këtë rast reagoi, por ishte e kot.
Ndërkohë vazhdon loja. Kapiteni Kaçiu kroson brenda zonës, sulmuesi Munishi në duel në ajër më i suksesshëm se sa portieri Myftari dhe nga 5-6 metra me kokë në shtyllën e parë, të djathtë, plason topin në rrjetë – 2:0. Ishte kjo një hakmarrje e vogël për përjashtimin e padrejtë të Berishës.

34’ Munishi gjuan anash nga e majta nga 7-8 metra, portieri prek pak dhe dëbon në korner.

39’ Ambe harkon nga goditja e dënimit nga krahu i djathtë, bri-zonës, në duel në ajër Syla faulon dikë nga lojtarët vendas, topi në karambol përfundon në portë, por gjyqtari Kelmendi anulon golin.

50’ Ademi gjuan përtokë nga 30 metra fare pranë pingules së majtë.

53’ Munishi – Kozhani bukur bashkëveprojnë dhe ky i pari i ikën mbrojtjes, por edhe këtij i ikën topi dhe më i shpejtë ishte portieri Myftari.
61’ Breznica harkon nga krahu i djathë brenda zonës, Rexha kërcen lartë dhe gjuan me kokë nga 10-11 metra, Mushica ishte i vëmendshëm.

62’ Idrizi harkon nga krahu i djathtë, në kërcim në ajër një me një, Llumnica gjuan me kokë nga afërsia, portieri mysafir mbron.

67’ Arifi me kthim gjuan pak anash nga krahu i djathtë prej 10 metrave, fare pranë tërthorëses.

81’ Y. Hoxha me top të lartë gjen Fetahun i cili i ikën ndjekësit të tij, por ikën pak më shumë anash, gjuan por portieri mysafirë ia kishte ngushtuar këndin.

89’ Arifi sërish tenton nga 22-23 metra me të majtën e tij dhe fare pranë pingules së majtë.

90’ Ademi nga krahu i djathtë pason te A. Skeraj në krahun tjetër, gjuan nga afërsia, topi dëbohet, merr sërish A. Skeraj dhe ia kthen mbrapa më në qendër Kozhanit i cili gjuan përtokë nga 16 metra, portieri mysafirë bukur shtrihet dhe kap topin.

90+2’ Ambe tenton me volle-goditje nga 17 metra, topi fluturon përskaj pingules së djathtë.

90+3’ Fetahu në bashkëveprim me A. Skerajn depërton brenda zonës, pak anash nga e djathta gjuan nga 10 metra ulët, pret portieri Myftari.

KOMENTI:

Duke e marrë seriozisht takimin që nga minuta e parë, lojtarët bardhekaltër shumë shpejt shënuan golin e parë dhe kështu morën lojën në kontrollin e tyre. Pas përjashtimit të padrejtë të Berishës, Prishtina shënoi edhe golin e dytë dhe kështu për 70 minuta me shumë sukses pa një lojtar në fushë mbrojti rezultatin dhe shpesh herë me kundërzbritje rrezikshëm paraqiteshin para portës mike.
Prishtina me këtë fitore kaloi edhe një pengesë, mbajti përparësinë tetëpikshe ndaj rivalëve dhe me hapa të sigurt ecën drejt titullit.
Dueli i rivalëve lokal do të ndodh sërish kësaj të mërkure, por kësaj here në kudër të Kupës së shtetit.

DEKLARUAN:

Afrim Tovërlani, kryetrajner i Prishtinës:

Fitore e pritur e cila na u vështirësua pas përjashtimit të Berishës. Mendoj se nuk diskutohej në asnjë moment fitorja jonë, u pa se në gjitha aspektetet ishim më të mirë dhe më të fortë, ndërsa 2 Korrikut i uroj sukses që të mbesin në elitë.

Kushtrim Munishi, sulmues i Prishtinës:

Unë kam thënë që në çdo lojë që do të luaj do të mundohem të jap kontributin tim për Prishtinën. Kontribut për të arritur deri te synimet që kemi para vetës për titull të kampionit. Edhe si ekip luajtëm mirë dhe ne prapë se prapë edhe pa një lojtar jemi shumë të fortë për Superligën e Kosovës.

Ardian Kozhani, mesfushor i Prishtinës:

U mundova që me këtë paraqitje pas besimit të dhënë pas disa ndeshjeve të qëndruar në bankë, që sa më denjësisht të paraqitem dhe ta jap maksimumin në angazhimin tim. Fusha nuk ishte aq e përshtatshme për ta zhvilluar lojën tonë të cilën ne dimë ta shfaqim. U munduam që ne ti përshtatemi këtyre kushteve dhe në fund të arrijmë sukses. Me gjithë përjashtimin e lojtarit të shtyllës së mbrojtjes, ne me angazhimin tonë dhe falë përgatitjes tonë fizike që kemi kompensuam këtë mungesë dhe nuk lejuam që kjo të vërehet në lojën tonë aq më pak të na rrezikonte fitoren.

Arsim Thaçi, kryetrajner i 2 Korrikut:

Edhe sot u dëshmua se Prishtina është ekip shumë më e fortë se sa 2 Korriku dhe ekipet tjera vendore. Treguan edhe 45-minutat e dytë se edhe me një futbollist më pak ta ruaj rezultatin. Unë Prishtinës i uroj fitoren e merituar.
Nuk më pëlqeu ndarja e drejtësisë nga gjyqtari, nuk ishte shumë korrekte, ku për mendimin tim nuk i lejoi futbollistët të luajnë lojë më të mirë. S’kemi ç’të bëjmë, ky është cilësia edhe e referimit, por edhe e lojës tonë. Sidoqoftë mendoj se loja ishte korrekte dhe në nivel, ndërsa edhe njëherë them se fitorja e Prishtinës është e merituar dhe e padiskutueshme dhe i uroj sukses në të ardhmen.

KS.PRISHTINA · Kupa e Republikës së Kosovës KF.PRISHTINA - 2 Korriku

Prishtina – 2 Korriku
Stadiumi i qytetit, Prishtinë
E mërkure, ora 15.30
Gjyqtarë: P. Hasani, I. Shuleta, G. Havolli

SYNOHET EDHE KUPA E KOSOVËS

Pas ndeshjes së të dielës për pikë kampionale, rivalët e kryeqendrës takohen sërish të mërkurën, por tani për qëllim tjetër – për Kupën e Republikës së Kosovës. Takimi do të jetë i vlefshëm për gjysmëfinalen e këtij kompeticioni dhe zhvillohet vetëm një ndeshje, e në rast të përfundimit të ndeshjes me rezultat të barabartë shkohet menjëherë në ekzekutimin e penalltive.
Ndërsa në rast të plasimit në gjysmëfinale, atëherë do të zhvillohen dy ndeshje, vajtje – ardhje.

MUNGESAT

Në këtë ndeshje do të mungojë qendërmbrojtësi, Visar Berisha i cili skuq në ndeshjet kampionale të dielën, ndërsa tani e disa kohë mungon edhe mbrojtësi i djathtë, Shqipron Skeraj.
Ndërsa sulmuesi, Suad Saliagiq, pas lëndimit të ligamenteve të këmbës së djathtë, ai më tani është kuruar dhe për të mërkurën kryetrajneri, Tovërlani mund të llogaris në të.

DEKLARUAN:

Afrim Tovërlani, kryetrajner:

Në këtë ndeshja na mungon Berisha, por si me të si pa të, Prishtina në ndeshje do të hyjë që ta fitoj ndeshjen, të shkojmë në gjysmëfinale dhe në fund edhe ta synojmë trofeun. Prishtina nuk është e lidhur individualisht me emra, edhe pse Visari është në formë shumë të mirë, do të na mungojë, por edhe në të kaluarën kanë munguar emra të tjerë, neve na duhet të luajmë edhe pa të dhe të shkojmë tutje.

Në ndeshjen e zhvilluar të dielën e kam pa lojën e kundërshtarit tonë. I kemi pa pikat e dobëta dhe të forta të tyre dhe në stërvitjen tonë të fundit (të martën) do të vendos se çka do të ndryshojë nga takimi i fundit i zhvilluar me ta. Me rëndësi është se motivi do të jetë akoma më i madh se në ndeshjen kampionale dhe nuk dyshoj në rezultatin pozitiv për ne.

TRI KUPA TË FITUARA

Nga pas lufta, Prishtina ka fituar vetëm një trofe të Kupës së Kosovës (2005/06), ndërsa edhe një herë tjetër është mposhtur në finale (2002/03). Në gjashtë sezonet tjera, Prishtina vetëm edhe një herë ia ka dalë të kualifikohet për çerekfinale (2003/04), një herë është eliminuar që 1/16-ën e finales, ndërsa plot katër herë tjera është eliminuar në 1/8-ën e finales.
Por, Prishtina ka edhe dy trofe tjera të Kupës së Kosovës nga para lufta. Prishtina trofeun e çmueshëm e ka fituar dy herë rresht (1993/94 dhe 1994/95). Kurse, nga pesë sezone të paraluftës që janë mbajtur gara për kupë, Prishtina nga njëherë është eliminuar në 1/8-ën (1996/97), rundin e parë (1992/93) dhe rundin e dytë (1995/96).
Garat e Kupës së Kosovës janë mbajtur që nga pas Lufta e dytë Botërore. Fituesit e kësaj kupe gjithmonë janë shpërblyer dhe janë zhvilluar në praninë e udhëheqësve dhe zyrtarëve të lart politik vendor të asaj kohe. Ndërsa fituesi gjithmonë ka vazhduar garat, pra është kualifikuar për ndeshjet tjera të radhës në kuadër të Kupës së Marshallit, apo përndryshe Kupës së shtetit që nuk ekziston më.

KS.PRISHTINA · KUPA E KOSOVES PRISHTINA -2 Korriku 6:0

FURIA BARDHEKALTËR SHKEL
HET-TRIK I FETAHUT

Golashënues: Kaçiu (p) 2’, Fetahu 4’, 11’, 16’, Hasan 48’, Munishi 63’

Gjyqtarë: P. Hasani, I. Shuleta, G. Havolli (Prishtinë)

Kartonë të verdhë: Kozhani – Neziri, Arifi, Ambe, Bunjaku, Mavriqi

Prishtina (4-4-2): K. Mushica – M. Idrizi, D. Vokshi, M. Hoxha, F. Humolli (c) – I. Llumnica (46’ T. Ademi), A. Ahmeti, B. Kaçiu (68’ Sh. Alili), A. Kozhani – E. Fetahu (46’ E. Hasan), K. Munishi.
Trajner: Afrim Tovërlani

2 Korriku: F. Neziri – K. Kutllovci, F. Ademaj, A. Breznica, E. Arifi (53’ A. Mavriqi), S. Ambe, K. Rexha, L. Rrmoku (46’ A. Syla), M. Zhdrella, B. Ademi (c), E. Bunjaku (65’ B. Mehmeti).
Trajner: Arsim Thaçi
Minutë për minutë:

1’ Saktësisht ndeshja zhvillohej në sekondën e saj të 40-të, kur pas depërtimit të Llumnicës në krah të majtë intervenon gabueshëm portieri, Neziri dhe shkakton penallti.

2’ Nga pika e 11-shit i saktë ishte zëvendëskapiteni, Bardhyl Kaçiu – 1:0.

4’ Fetahu para zonës mysafire në duel një me një me mbrojtësin vendas bukur i shmanget djathtas futet në zonë dhe nga

5-6 metra gjuan saktë në këndin e ulët të djathtë të pambuluar të portierit Neziri – 2:0.

11’ Llumnica nga krahu i djathtë kroson brenda zonës, një lojtar vendas duke dashur ta largojë topin gabon dhe topi vije deri te Munishi i cili s’ia doli ta kontrolloj si duhet dhe i ikën nga këmbët, ndërsa në krahun e majtë nga 5-6 metra furishëm gjuan Fetahu i pambuluar dhe vendos topin në këndin e majtë të ulët të portës – 3:0.

16’ Aksion perfekt i bardhekaltërve. Para mesit të fushës nga qendra e saj Kaçiu ia pason topin Idrizit në krahun e djathtë, ky me top të lartë e gjen Llumnicën që me shpejtësi e zë këtë top atje në thellësi të krahut, pason krosimi i tij brenda zonës, kurse Fetahu me të brendshmen e së majtës së tij nga 10-12 metra plason topin në këndin e majtë të portës – 4:0.

21’ Zhdrella gjuan nga goditja e dënimit nga 25 metra përskaj pingules së djathtë.

24’ Munishi harkon nga krahu i majtë, Fetahu i harruar hyn me kokë, gjuan, por jashtë pingules së majtë.

26’ Besim Ademi me goditje qendrore nga goditja e dënimit prej 20 metrave gjuan drejt në portë, Mushica intervenon, por u deshtë edhe ndihma e pingules ta shpëtoj portën dhe topi të dëbohet sërish brenda fushës.

32’ Kapiteni Humolli pas depërtimit në krah të majtë gjuan furishëm nga 22-23 m. mbi portë.

34’ Zhdrella kroson nga goditja e dënimit nga anash, në zonë i harruar Rrmoku gjuan me kokë plogësht drejt në duart e Mushicës.

36’ Munishi bukur u gjend në zonë në gjysmëkrahun e majtë, gjuan rrëmbyeshëm mbi portë.

38’ Arifi nga gjysmëkrahu i majtë gjuan jashtë pingules së majtë.

48’ Ahmeti harkon nga largësia prej krahut të majtë, në tollovinë e krijuar nga 2-3 metra më së miri u gjend Hasan i cili me shtrirjen e këmbës shënon golin e tij të parë pranveror – 5:0.

56’ Kapiteni Humolli nga e majta e gjen Munishin në vijë të zonës që gjuan volle precize dhe të fortë, portieri Neziri pret.

63’ Kaçiu me shpejtësi nis topin nga goditja e dënimit dhe ia pason Munishit tinëzak i cili i ikën mbrojtjes, e kalon edhe portierin, por shkon anash te vija e kornerit. Kur pritej që rasti të shkonte huq, kështu nuk mendoi edhe Munishi i cili po thuajse nga këndi i vdekur gjeti vrimën dhe sikurse nëpër birë të gjilpërës fut topin në rrjetë – 6:0.

67’ Top i kthyer i pa kontrolluar i mbrojtjes vendase, Ambe përfiton nga 16 metra duke gjuajtur me volle, por pak mbi portë.

71’ B. Ademi gjuan nga 25 metra, jashtë pingules së djathtë.

79’ Mavriqi tenton me gjuajtje ballore nga 22 metra, pret Mushica.

KOMENTI:

Ishte pritur që Prishtina ta fitonte takimin, por se kaq lehtë dhe se do ta dërrmonte tërësisht rivalin e saj, zor kush ta kishte pritur.
Prishtina ishte në epërsi që nga minuta e dytë, kurse pas vetëm 16 minutave Prishtina tani më kishte kapital prej katër golave epërsi. Për 12 minuta, nga minuta 4-të deri te ajo e 16-ta, sulmuesi Enis Fetahu, megjithëse ishte me grip, shënoi njërin ndër het-trikat më të shpejtë, nëse veç jo më të shpejtin, në historinë e KF Prishtina.
Pjesa e dytë ishte formalitet, megjithëse të përzgjedhurit e Tovërlanit shënuan edhe dy herë tjera, ndërsa njërin prej këtyre dy golave e shënoi edhe sulmuesi, Ertan Hasan, i cili në stinorin pranveror po thuajse kishte “agjëruar” duke mos shënuar as edhe një gol, përkundër 12 golave të shënuar në vjeshtë.
Prishtina me këtë fitore arriti në gjysmëfinale të Kupës së Republikës së Kosovës dhe nga hedhja e shortit, nga dy përballjet që do të mund të luante kundër tre gjysmëfinalistëve tjerë, si Vëllaznimi, Besa dhe Trepça ’89.
Për Prishtinën në këtë takim nuk u paraqiten, i ndëshkuari me tre (!) ndeshje, Visar Berisha, dhe të lënduarit e mëhershëm, S. Saliagiq, Sh. Skeraj dhe Yll Hoxha i cili rënkon nga një lëndim jo aq i rëndë.

DEKLARUAN:

Afrim Tovërlani, kryetrajner i Prishtinës:

Po shihet cilësia, kualiteti, përgatitja fizike teknike, po thuajse në të gjitha aspektet ishim më të mirë.
U kualifikuam në gjysmëfinale me 30 % të forcës. Në pjesën e parë kam insistuar në presion, por në atë të dytën s’kisha nevojë ta bëja një gjë të tillë, sepse nuk doja që futbollistët e mi të harxhonin energji pasi që të dielën na pret ndeshja e rëndësishme e radhës

Kushtrim Mushica, portier i Prishtinës:

Fitoren e arritëm më lehtë seç e kishim pritur. Tani do të shohim kush do të na bije në dy duelet gjysmëfinale. Apetitet tona tani janë rritur akoma më shumë dhe mesiguri synojmë edhe kupën. Pra, përveç titullit synim kemi edhe kupën, por jo me çdo qëllim, por vetëm me lojëra të mira dhe të pëlqyeshme për shikues siç ishte edhe kjo ndeshje e zhvilluar sot.

Aesim Thaçi, kryetrajner i 2 Korrikut:

2 Korriku nuk është skuadër dhe s’ka pasur ambicie të lufton për Kupë sidomos duke pasur rival Prishtinën. Ne kemi hyrë pa ndonjë motiv në këtë ndeshje, duke u përqendruar në ligë dhe mbetjen tonë në Superligë. Skuadra hyri e relaksuar në ndeshje, sidomos në fillim të ndeshjes me çka edhe u ndëshkuam.
[/img]

KS.PRISHTINA

E shtunë, 19/04/08

Golashënues: B. Krasniqi 12’, V. Krasniqi 61’, Sh. Syla 75’, M. Mazrekaj 86 – K. Rexhepi 34’

Shikues: 50

Gjyqtarë: A. Fazlija, F. Brahushi, S. Kukalla - Gjakovë

Kartonë të verdhë: Syla, Ramadani, Osmani, Alshiqi, V. Krasniqi – Vokshi, Rexhepi, Hasani

Prishtina: L. Ferati – Sh. Syla, A. Islami (E. Rama), L. Beqiri, V. Sadiku, V. Kuka, B. Krasniqi (c), V. Krasniqi (A. Sahiti), D. Ramadani (E. Mehmeti), P. Osmani (E. Rama), M. Mazrekaj.
Trajner: Ali Osmani

Gjilani: F. Maloku - B. Vokshi, F. Zymberi, A. Bajraliu, A. Ajeti (V. Rushiti), F. Hasani (c), A. Dubova, R. Uka (B. Fetahu), M. Alimi (A. Selmani), K. Rexhepi, F. Ramadani.
Trajner: Skender Hajrullahu

Sot paradite u zhvillua dueli i javës së XXIII-të i Superligës së Kosovës për junior. Prishtina arriti edhe një fitore dhe kështu mban përparësinë e theksuar ndaj skuadrave ndjekësi dhe është në hap të duhur drejt fitimit të titullit të kampionit në këtë kategori garash për të rinj.

KS.PRISHTINA · HYSI - PRISHTINA 2:1

E diel, 20/04/08

Golashënues: Elhami Berisha 29’, Ardian Shehu 71’ – Enis Fetahu 90’

Shikues: afër 500

Gjyqtarë: Hajriz Hajdari (Drenas), Ergyn Janjevaliu (Prishtinë), Faton Brahushi (Gjakovë)

Kartonë të verdhë: Bajgora, Ademi, Sogojeva, A. Zabërgja, Haliti – Llumnica, Humolli

Hysi: A. Latifi – B. Ahmeti, F. Ademi, R. Sogojeva (68’ V. Raqi), A. Bajgora, M. Mehmeti, A. Zabërgja, A. Haliti, E. Berisha (c), E. Zabërgja (89’ B. Murseli), M. Visoka (63’ A. Shehu).
Trajner: Hysni Maxhuni

Prishtina (4-4-2): K. Mushica – M. Idrizi, M. Hoxha, D. Vokshi, F. Humolli /c/ (83’ T. Ademi), A. Skeraj (61’ S. Saliagiq), A. Ahmeti (77’ A. Kozhani), B. Kaçiu, Y. Hoxha – I. Llumnica, E. Fetahu
Trajner: Afrim Tovërlani
Minutë për minutë:

1’ Berisha vendas harkon nga korneri i djathtë, në shtyllën e dytë A. Bajgora nga 5 metra gjuan me kokë, portieri Mushica ia del ta prek topin i cili përfundon në pjesën ku bashkohen dy shtyllat në këndin e djathtë të portës.

13’ Kaçiu harkon nga korneri i majtë, A. Skeraj nga 7-8 metra gjuan lehtë me kokë me gjithë se portieri vendas vetëm pas dy-tre tentimeve kap topin.

13’ A. Zabërgja gjuan nga 30 metra, Mushica i sigurt.

29’ Top i gjatë i ardhur nga mesi i fushës, E. Berisha përfiton dhe del fitues në duel me dy-tre lojtarë mysafirë del përball Mushicës dhe me këmbën e djathtë nga 10 metra shtyn topin në këndin e majtë të Mushicës – 1:0.

33’ Mehmeti nga goditja e dënimit, pozita ballore, gjuan nga 35 metra, jashtë pingules së majtë.

36’ Kapiteni Humolli nga mesi i fushës ia del t’ia pasoj topin përpara Fetahutm i cili njëjtë ia vazhdon topin përpara Llumnicës i cili ishte pak anash në krahun e majtë dhe posa futet brenda zonës shtyn topin përpara ndërsa portieri Latifi me vrull përplaset me Llumnicën. Kjo për gjyqtarin Hajdari s’ishte penallti edhe pse mysafirët protestuan duke kërkuar në njëmbëdhjetëmetërsh.

38’ E. Zabërgja në krahun e djathtë brenda zonës kalon kapitenin Humolli, ia vazhdon topin Visokës i cili nga 2-3 metra tenton me thembër ta drejtoj topin në portë, por ky tentim i shkon huq pas intervenimit të Mushicës dhe një mbrojtësi tjetër prishtinas.

39’ Sogojeva gjuan nga goditja e dënimit, pozita ballore prej 25 metrave, jashtë pingules së majtë.

40’ A. Ahmeti gjuan nga 30 metra, lart mbi portë.

41’ Fetahu nga krahu i majtë – anash, gjuan prej 15-16 metrave mbi portë.

43’ Llumnica prej bri-16-m. majtas gjuan lartë mbi portë.
48’ Y. Hoxha harkon nga krahu i djathtë, Kaçiu prek pak me kokë, ndërsa Ahmeti largon topin nga vija e portës. Topi vije sërish te Ylli i cili kësaj here gjuan rrëmbyeshëm nga po kjo pozitë dhe qëllon shtyllën pingules të djathtë.

50’ Y. Hoxha harkon nga korneri djathtë, Fetahu i vetmuar dhe i pa penguar gjuan me kokë nga 2-3 metra mbi portë.

51’ Ahmeti vendas gjuan nga 15 metra furishëm përtokë, pret Mushica.

53’ Ahmeti kroson nga krahu i djathtë, A. Skeraj nga 14-15 metra me kokë gjuan përskaj pingules së djathtë.

54’ Kaçiu harkon nga goditja e dënimit nga 16 metra bri-zonës në krahun e majtë, në shtyllën e dytë në top vrapojnë Fetahu dhe M. Hoxha. Ky i fundit gjuan me kokë jashtë pingules tjetër – asaj të djathtë.

55’ Kaçiu harkon nga korneri i majtë, M. Hoxha nga 16 metra gjuan me kokë, dhe kur të gjithë menduan se topi do të përfundojë në portë, ai doli jashtë fare pranë pingules së djathtë.

58’ Tentimi i E. Berishës nga 20 metra preket nga një lojtar mysafirë dhe afër pingules përfundon në korner.

60’ Topin e kthyer mbrapa Mushica e shqelmon fuqishëm dhe shkon te Llumnica i harruar nga mbrojtja i cili depërton nga krahu i majtë, ia shtyn topin përpara në shtyllën e parë Fetahut i cili vonohet dhe intervenon portieri Latifi.

63’ Gjykohet në të ashtuquajturin indirekt brenda zonës vendase. Nga 14 metra gjuan Llumnica, topi ndalet në murin e gjallë.

71’ Mehmeti nga gjysmëkrahu i majtë e drejton topin në pozitën ballore para zonës, Shehu i posahyrë në lojë me kokë nga 15-16 metra drejton topin në këndin e ulët të djathtë të Mushicës së shkurtër me këtë rast – 2:0.

78’ Llumnica gjuan nga pozita ballore prej 16 metrave, pret portieri.

81’ Bajgora vendas fuqishëm gjuan me afe nga 25 metra, dhe në moment të fundit Mushica grushton topin.

83’ Llumnica pas depërtimit ia kthen Kozhanit i cili gjuan rrëmbyeshëm nga 25 metra, portieri Latifi me majën e gishtërinjve dëbon mbi portë.

90’ Kaçiu harkon nga korneri i majtë, Fetahu nga 5 metra vendos topin me kokë në mes të portës – 2:1.

90+1’ Fetahu nga goditja e dënimit prej krahut të djathtë harkon në zonë, Vokshi nga afërsia tenton me kokë, portieri vendas me intervenimin e tij e dëbon topin mbi portë.

90+2’ Vokshi harkon nga krahu i djathtë, Y. Hoxha me kokë gjuan, fare pranë pingules së djathtë.

KOMENTI:

Prishtina pësoi humbjen e dytë të saj pranverore përkatësisht të tretën gjatë këtij kampionati.
Derbi i skuadrave të pjesës së epërme të tabelës i takoi skuadrës llapjane e cila gaboi më pak dhe ishte më konkrete. Deri sa në pjesën e parë Prishtina nuk krijoi aq shumë raste, në atë të dytën që me fishkëllimën e gjyqtarit u sulën pareshtur drejt portës vendase. Futbollistët nga kryeqendra krijuan një mori rastesh, por assesi ta gjenin mënyrën për ta vendosur topin në portë. Dhe përderisa këtë gjë nuk e arritën prishtinasit, atëherë shënuan vendasit me të sapo inkuadruarin në lojë, Shehun dhe kështu dënuan skuadrën mike për krejt ato raste të huqura.
Prishtina krejt çka ia doli ishte të shënonte gol në minutën e 90-të me golin e 10-të të Enis Fetahut dhe kështu ta zbuste rezultatin.
Duhet theksuar edhe gjykimin mjaft labil dhe aspak të sigurt të gjyqtarit Hajdari. Ishte ky takimi i tretë që ky gjyqtarë ndëshkon Llumnicën me kartuç të verdhë (dhe të kuq) dhe sikur është bërë hije e futbollistit më të mirë të Superligës dhe ndoshta më korrektit dhe më urtit në ligë. Llumnica assesi nuk ia dilte të koncentrohej dhe më i merituari për këtë gjë ishte gjyqtari kryesor i cili më shumë nuk ndalte ndërhyrjet e palejuara që bëheshin ndaj këtij futbollisti. Në fund ky gjyqtar përfundoi takimin më herët se sa pesë minutat e dhënë shtesë nga vetë ai.

DEKLARUAN:

Afrim Tovërlani, kryetrajner i Prishtinës:

Gabimet në mbrojtje dhe moskoordinimi sidomos nga Mirsad Idrizi dhe Florim Humolli ndikuan shumë në lojën tonë negative. Mos shfrytëzimi i rasteve, sidomos i fillimit të pjesës së dytë shkaktoi sot humbjen tonë.
Nuk mund të them se kjo ndeshje na e rrezikon titullin pasi që Vëllaznimi ka më shumë ndeshje jashtë. Por, edhe kur kemi qenë në epërsi prej 10 pikëve ndaj tyre unë kam theksuar se nuk ka marrë fund lufta për titull të kampionit sidomos duke i ditur rrethanat se ndaj skuadrës së Prishtinës është një urrejtje e madhe. Derisa Prishtina luan vetëm futboll dhe në asnjë mënyrë nuk dëshiron ta blejë, por dëshiron ta fitoj atë. Ndërsa kush dëshiron ta blejë le të vazhdon. Ne dëshirojmë që vetëm nëpërmjet lojës dhe futbollit ta fitojmë titullin dhe mos ta blejmë në asnjë mënyrë.

Hysni Maxhuni, trajner i Hysit:

Ishte një dëshirë e madhe e jona për ta fituar lojën, kjo u shpreh edhe në këtë ndeshje nga ndeshjet tjera. Është ky përparim i madh për skuadrën time. Nuk e respektuam fort skuadrën e Prishtinës e cila ka ekip me kualitet shumë më të lartë dhe të cilët me meritë gjenden në vendin e parë. Me një lojë kolektive me realizimin e detyrave të dhëna në nivelin më të lartë arritëm që me meritë ta fitojmë këtë lojë.

SPORTI_DARDAN · DY TRAJNERË TË SHF-së VIZITË NË FC KOLN

Nga data 23 prill deri më 30 prill, mysafirë të skuadrës së mirënjohur gjermane, FC Koln, do të jenë drejtori i shkollës ë futbollit të FC Prishtina, Besnik Kollari dhe trajneri i kategorive të reja (U-13), Gazmend Haliti. Në këtë vizitë njëjavore, në skuadrën e Bundesligës së dytë gjermane, dhe ish-kampionin e Gjermanisë, dy trajnerët prishtinas janë të ftuar nga udhëheqësi zyrtar i akademisë së futbollit të FC Koln, Christof Henkel. Z. Henkel edhe më herët ka qenë në kontakt me trajnerët tanë sikurse në seminarin e organizuar në Barcelonë në vitin e kaluar kur atje gjendeshin trajnerët, Ramiz Krasniqi dhe Gazmend Haliti.

“Përfitimi jonë me këtë rast do të jetë se do të njoftohemi deri në detale se si është e organizuar një akademi e mirëfilltë e futbollit. Skuadra e Kolnit hyn në rangun e skuadrave të mëdha dhe në gjirin e saj ka akademi profesionale për shkollimin dhe krijimin e futbollistëve të rinj” theksoi para nisjes, trajneri Gazmend Haliti.

Dy trajnerët, Kollari dhe Haliti gjatë kësaj vizite, nën shoqërimin e ekspertit, Henkel, nga afër do të përcjellin, ndër të tjera ndeshje, pesë prej tyre që kategoritë e reja të FC Koln në fushën e vet do ti presin skuadrat e njohura gjermane si, Bohum, Schallke ’04, Bayer Leverkusen, Borussia Dortmund dhe Borussia Mönchengladbach.

Përveç ndjekjes, analizimit të ndeshjeve të këtyre kategorive, dy trajnerët tanë për së afërmi do të shohin se si punohet që nga mosha 7 vjeçare (U-7) deri te ajo 23 vjeçare (U-23).
Nga kjo vizitë dhe pas bisedave që dy përfaqësuesit tanë do të kenë atje do të shihet mundësia e bashkëpunimit më të ngushtë ndërmjet dy organizmave të kategorive të reja dhe pse jo dhe të ndonjë ndihme konkrete në rrafshin sportiv.

“Nga kjo vizitë do të mësojmë më shumë rreth strukturës organizative të një akademie të futbollit siç është ajo e FC Koln. Do të shkëmbejmë përvojat në punët tona, do të shohim se me çfarë përvojash përballen, administrata se si funksionon, etj. Ne e dimë përafërsisht se çfarë kushtesh kanë ata, por ne do të njoftohemi edhe për nga afër me rrethanat e tyre. Do të shohim se çka kemi të përbashkët dhe nëse neve në të ardhmen na krijohen kushtet edhe ne të tentojmë ta krijojmë akademinë tonë dhe të shohim se çka krejt kërkohet për një nivel të tillë të organizimit, sidomos atë të infrastrukturës. Ne deri tani nuk kemi pasur rastin që nga afër të shohim struktura të tilla organizative dhe besoj shumë se nga kjo vizitë do të përfitojmë maksimalisht dhe këtë përvojë ta përcjellim më saktësisht në terren – tek fëmijët e shkollës tonë”- theksoi me rastin e këtij udhëtimi, drejtori Besnik Kollari.

KS.PRISHTINA · Prishtina – Flamurtari E diel, ora 16.00

ALTERNATIVA E VETME - FITORJA

Dy skuadrat më të mëdha dhe kryesore të kryeqendrës, të dielën do të takohen për herë të njëmbëdhjetë pas luftës në stadiumin e qytetit me Prishtinën nikoqire.
Rolet dhe ambiciet para takimit janë të ndryshme, bardhekaltrit synojnë titullin dhe pas humbjes së pësuar kundër Hysit domosdoshëm kërkojnë tri pikë dhe të paktën të mbajnë distancën pesë pikëshe me ndjekësen e parë në tabelën e klasifikimit. Ndërsa, kuqezinjtë deri sa në stinorin vjeshtor gjendeshin po thuajse në fund të tabelës, në stinorin pranveror janë paraqitur me mjaftë sukses duke mos pësuar asnjë humbje dhe nga tetë takimet e zhvilluara kanë arritur katër fitore dhe katër barazime duke tubuar 16 pikë dhe tani mbajnë pozitë solide duke u renditur në vendin e shtatë tabelore. Por, Flamurtari ka mbrojtjen e tretë më të dobët në ligë duke pësuar 40 gola ose 25 gola më shumë se sa lideri, Prishtina. Kanë shënuar vetëm 35 gola, 17 më pak se sa Prishtina dhe dallimi mes pikëve të tubuara ndërmjet dy skuadrave është plot 22 pikë në të mirë skuadrës më të moçme kryeqytetase, Prishtinës.
Në radhët e Flamurtarit janë pesë ish-lojtarë të saj, që në të kaluarën kanë veshur petkun e Prishtinës dhe të dielën mund ta kenë rastin të paraqiten, Milaim Humolli, Artan Krasniqi, Valon Bajgora, Lekë Pula, Burim Hashani e ndoshta edhe vëllezërit Keçi.

Në skuadrën e Prishtinës do të mungojnë vetëm dy mbrojtësit, ai qendror, Visar Berisha përshkak dënimit prej tri ndeshjeve dhe me këtë duel i skadon pezullimi, dhe anësori i djathtë, Shqipron Skeraj. Do të mungojë edhe sulmuesi, Kushtrim Munishi i cili ka rast vdekjeje në familje.

Dy skuadrat rivale, në stadiumin e Prishtinës deri sa kjo e fundit ishte nikoqire, janë takuar plot dhjetë herë që nga vitit 1999. Prishtina ka fituar 9 takime ndërsa Flamurtari takimin e vetëm si mysafire e ka fituar në pranverë të edicionit 2003/04, dhe kishte fituar me rezultat minimal 0:1, deri sa Prishtina atë vit ishte stolisur me titullin e saj të gjashtë, kurse Flamurtari në fund të kampionatit kishte shpëtuar nga më e keqja, rënia nga elita.
Në këto dhjetë takime Prishtina ka shënuar 19 gola dhe ka pësuar vetëm katër gola. Nga dhjetë takimet, skuadra mike ia ka dalë të shënojë gola në vetëm katër takime.

Ndeshjet e ndërsjella kampionale pas lufte, Prishtina si vendase:

1999/00, Pranverë: Prishtina – Flamurtari 5:0
2000/01, Vjeshtë: Prishtina – Flamurtari 1:0
2001/02, Pranverë: Prishtina – Flamurtari 1:0
2002/03, Pranverë: Prishtina – Flamurtari 3:1
2003/04, Pranverë: Prishtina – Flamurtari 0:1
2004/05, Pranverë: Prishtina – Flamurtari 3:2
2004/05, play off: Prishtina – Flamurtari 2:0
2005/06, Pranverë: Prishtina – Flamurtari 1:0
2005/06, play off: Prishtina – Flamurtari 2:0
2006/07, Vjeshtë: Prishtina – Flamurtari 1:0

KS.PRISHTINA · Prishtina – Flamurtari 0:0

RIVALËT NDAHEN BARAS

E diel, 27/04/08

Shikues: 300

Gjyqtarë: Muhedin Ferati (Burim), Besnik Sejdiu (Mitrovicë), Florim Jakupi (Prizren)

Kartonë të verdhë: Berisha, Llumnica, Ahmeti – Pula, Isufi

Prishtina (3-5-2): K. Mushica – M. Hoxha, V. Berisha D. Vokshi – M. Idrizi, B. Kaçiu (c), A. Ahmeti, Y. Hoxha (78’ A. Skeraj), I. Llumnica – E. Fetahu, S. Saliagiq (46’ E. Hasan).
Trajner: Afrim Tovërlani

Flamurtari: N. Prapashtica – N. Kodraliu, L. Pula, H. Veliu, M. Humolli /c/ (86’ M. Simnica), B. Isufi, V. Bajgora (90+2’ A. Krasniqi), G. Gashi, Q. Sejdiu, F. Zejnullahu, B. Hashani.
Trajner: Agim Hasani

Minutë për minutë:

1’ Topin e dëbuar nga mbrojtja vendase nga 25 metra e shqelmon fuqishëm Azem Ahmeti, por mbi portë.

3’ Llumnica depërton në krahun e majtë dhe po sa hynë në zonë gjuan lehtë nga 10 metra, portieri mysafir kap topin.

6’ Aksion i shpejtë i vendasve, Fetahu i vazhdon topin në krah të djathtë Llumnicës i cili kroson brenda zonës, Fetahu ndal disi, gjuan por plogësht dhe topin e ndal Prapashtica, tenton Saliagiq, por më i shpejtë ishte portieri mysafirë dhe kap topin.

10’ Vokshi në dyluftim rrëmben topin dhe me diagonale ia vazhdon Y. Hoxhës i cili me vrapim të shpejtë afrohet zonës dhe gjuan furishëm me të majtën nga 20 metra bri-zonës, portieri Prapashtica dëbon, ndërsa Saliagiq nuk ia doli ta fus këmbën në top i cili largohet nga një mbrojtës kuqezi.

14’ Nga tollovia e krijuar në zonën e Prishtinës përfiton B. Isufi i cili me gërshërë bukur gjuan nga 5-6 metra, por topi shumë pranë trarit të epërm fluturon mbi portë.

23’ V. Berisha gjuan nga goditja e dënimit nga 22 metra nga këndi i majtë i zonës, portieri mysafir dëbon në korner.

63’ Berisha humb topin në duel me Hashanin i cili furishëm niset në drejtim të topit, ndërkohë Berisha e zë prapë dhe Hashani vendos të gjuaj nga 15-16 metra, topi furishëm përfundon jashtë këndit të majtë portës.

77’ Hashani gjuan nga 30 metra, Mushica pret pa problem.

89’ Topi dëbohet nga mbrojtja vendase, kapiteni Kaçiu gjuan nga 20 metra, dukej se topi do të përfundonte në portë kur njëri nga lojtarët mysafirë me kokë dëbon në korner. Kaçiu harkon nga korneri i majtë, Hasan në shtyllën e parë gjuan me kokë nga 2-3 metra, topi prek dikë nga mysafirët dhe sërish del në korne.

KOMENTI:

Katër vite iu desh Flamurtarit që sërish kokë lart ta lëshojnë stadiumin e Prishtinës. Ishte ky një sukses i madh i tyre në këtë përballje dhe kështu vazhduan serinë pa humbje në stinorin pranveror.
Ndërsa kjo është ndeshja e dytë radhazi që Prishtina nuk shënon fitore dhe është barazimi i dytë (pa gola) në fushën e saj në këtë kampionat.
Kjo pikë Prishtinën mban në + 5 pikë nga ndjekësi, Vëllaznimi. Ndërsa Prishtina nuk do të ketë kohë për vajtim pasi që menjëherë të mërkurën e pret takimi shumë i rëndësishëm i ndeshjes së parë të gjysmëfinales së Kupës së Kosovës kundër Trepçës ’89.

DEKLARUAN:

Afrim Tovërlani, kryetrajner i Prishtinës:

Ky barazim na i vështirëson punët dhe na detyron që në të gjitha fushat, në të gjitha ndeshjet që na kanë mbetur, të shtrëngohemi shumë më fortë, shumë më seriozisht se sa në këtë ndeshje. Normalisht që pesë plus aq sa janë të vogla janë edhe të mëdha, sepse po shihet që nuk jemi të pamposhtur, as ne e as Vëllaznimi. Lufta vazhdon tutje, edhe gjashtë javë janë shumë të nxehta.

Agim Hasani, kryetrajner i Flamurtarit:

Kam thënë edhe më herët se Flamurtari është ndër tri skuadrat më të mira të Kosovës, kjo edhe u vërteta sot. Me gjithë se Prishtina, sidomos në pjesën e dytë, e kishte iniciativën, por ne krijuam disa raste më të mira për shënim. Pikën që e morëm shumë e merituam dhe i uroj lojtarët e mi për angazhimin që dhanë.

admin

Prishtina - Flamurtari 0-0

KS.PRISHTINA · Prishtina – Trepça ‘89 E mërkurë, ora 16.00

SYNOHET REZULTAT SA MË I FAVORSHËM

E marte, 29/04/08

Të mërkurën nga ora 16.00 do të zhvillohet dueli i parë i gjysmëfinales së Kupës së Republikës së Kosovës ndërmjet Prishtinës dhe Trepçës ’89 nga Mitrovica.
Prishtina këtij takimi shumë të rëndësishëm do ti hyjë, po thuajse për herë të parë në stinorin pranveror, me të gjithë lojtarët e saj në dispozicion dhe do të jenë vetëm vendimi i fundit i shefit të shtabit teknik, ai që do të vendos për njëmbëdhjetëshin startues.

Nga pas lufta, Prishtina ka fituar vetëm një trofe të Kupës së Kosovës (2005/06), ndërsa edhe një herë tjetër është mposhtur në finale (2002/03). Në gjashtë sezonet tjera, Prishtina vetëm edhe një herë ia ka dalë të kualifikohet për çerekfinale (2003/04), një herë është eliminuar që 1/16-ën e finales, ndërsa plot katër herë tjera është eliminuar në 1/8-ën e finales.
Por, Prishtina ka edhe dy trofe tjera të Kupës së Kosovës nga para lufta. Prishtina trofeun e çmueshëm e ka fituar dy herë rresht (1993/94 dhe 1994/95). Kurse, nga pesë sezone të paraluftës që janë mbajtur gara për kupë, Prishtina nga njëherë është eliminuar në 1/8-ën (1996/97), rundin e parë (1992/93) dhe rundin e dytë (1995/96).
Garat e Kupës së Kosovës janë mbajtur që nga pas Lufta e dytë Botërore. Fituesit e kësaj kupe gjithmonë janë shpërblyer dhe janë zhvilluar në praninë e udhëheqësve dhe zyrtarëve të lart politik vendor të asaj kohe. Ndërsa fituesi gjithmonë ka vazhduar garat, pra është kualifikuar për ndeshjet tjera të radhës në kuadër të Kupës së Marshallit, apo përndryshe Kupës së shtetit që nuk ekziston më.

Prishtina dhe Trepça ’89 asnjëherë nuk janë takuar ndonjëherë më parë në ndeshje për kupë. Mitrovicasit po ashtu asnjëherë nuk kanë fituar trofe të kupës dhe nuk kanë luajtur ndonjëherë në finale.

Dy përballjet e fundit kampionale i ka fituar secila skuadër në fushën e vet, Prishtina në vjeshtë 4:1, pasi që pjesa e parë ishte në të mirë të mysafirëve 0:1, ndërsa në Mitrovicë, para jo shumë jave, fituan mitrovicasit me rezultat minimal 2:1, por edhe në këtë ndeshje pjesa e parë ishte mbyllur në të mirë të mysafirëve, 0:1.

DEKLARUAN:

Afrin Tovërlani, kryetrajner:

E dimë se kemi të bëjmë me një skuadër të mirë, por megjithatë në lojë do të hymë për ta krijuar një rezultat të favorshëm për ndeshjen e kthimit në Mitrovicë dhe jam optimist se do të kualifikohemi për në finale.

Enis Fetahu, sulmues:

Na pret një lojë e fort dhe neve na duhet përqendrim maksimal. Në këtë muaj kemi pasur dhe akoma kemi disa ndeshje të forta dhe neve na duhet ta kthejmë vetëbesimin dhe përqendrimin, sepse pa këto dy komponentë dhe pa angazhim maksimal nuk ka fitore.

Humbja në Mitrovicë ka qenë rastësi ku ne vetvetes ia kemi sjellë humbjen. Neve nuk na konvenojnë ndeshjet ku provokohemi, sepse gjysma e skuadrës tonë janë të rinj dhe nuk po munden ti bëjnë ballë këtyre provokimeve. Jemi të edukuar të shfaqim vetëm futboll dhe vetëm atëherë loja e Prishtinës vije në shprehje.

Është e vërtetë që reparti i sulmit nuk ka qenë aq frytdhënës pasi që Suadi ka qenë i lënduar dhe pastaj e humbi kontinuitetin. Edhe unë në disa ndeshje fillova të ndjej lodhje përshkak përballjeve në duele të shumta dhe përshkak ndoshta sepse shpesh përgjegjësia binte mbi mua. Por, as reparti i sulmit nuk mund të jetë aq efikas kur mesi i fushës nuk funksionon apo edhe kur tenton që neve sulmuesve të na gjen me topa të lartë, pasi që, e përsëris neve nuk na konvenon loja me topa të lartë.
Ne presim që të kthjellemi sa më shpejtë që është e mundur dhe me lojëra të mira të sjellim trofetë në klub.

Bardhyl Kaçiu, zëvendëskapiten, mesfushor:

Pres një ndeshje të fortë dhe lojë burrash dhe rivali i jonë i nesërm nuk do ta ketë aspak lehtë sepse që nga fillimi i ndeshjes ne do të vërsulemi përpara me të gjitha forcat që kemi dhe këso lojë të forta tash e tutje do ti pretë të gjitha skuadrat që do të na gostitin në fushën tonë.

Deri më tani ne në fushën tonë jemi paraqitur shumë butë, derisa nga kemi udhëtuar me plot kuptimin e fjalës na kanë bërë me gjak. Kështu që tani e tutje më asnjë skuadër nuk do të dalë aq lehtë pa u djersitur mirë nga fusha jonë.

Ne jo vetëm në këtë takim, por edhe atë kthyes në Mitrovicë, në fushë do të hyjmë ta fitojmë ndeshjen. Humbja me ta ishte krejtësisht e rastësishme, sepse ne atë lojë po thuajse e kishim falur me gabimet tona që i kishim bërë në atë ndeshje. Por, ato gabime më nuk do ti përsërisim dhe ka ardhur koha t’ju tregojmë të gjithë njerëzve se kush është Prishtina. Lëshime më në asnjë mënyrë nuk do të tolerojmë.

SPORTI_DARDAN · Prishtina – Trepça ’89 2:2 (0:2)

NË NDESHJËN E DYTË
VENDOSET PËR FINALISTIN

E mërkurë, 30/04/08

Golashënues: E. Fetahu 48’, A. Ahmeti 75’ – E. Osmani 28’, V. Shkupolli 35’

Shikues: 400

Gjyqtarë: Perparim Hasani (Prishtinë), Zekë Miranaj (Burim), Kemajl Bunjaku (Gjilan)

Kartonë të verdhë: Humolli, Ahmeti, Llumnica, E. Fetahu, A. Skeraj – Ibrahimi, Sh. Fetahu, S. Sahiti

Prishtina (4-4-2): K. Mushica – Sh. Skeraj (38’ M. Idrizi), M. Hoxha, V. Berisha, F. Humolli (c) – I. Llumnica, A. Ahmeti, B. Kaçiu, Y. Hoxha – E. Fetahu, S. Saliagiq (52’ A. Skeraj).
Trajner: Afrim Tovërlani

Trepça ’89: E. Manxholli – F. Ibrahimi, Sh. Idrizi, Sh. Fetahu (85’ F. Muharremi), L. Misini, Y. Duraku, I. Peci, S. Sahiti, V. Shkupolli (67’ K. Haxha), S. Onbashi (62’ V. Shabani), E. Osmani (c).
Trajner: Fahrudin Duraku

Minutë për minutë:

5’ Berisha nga thellësia nëpër krah të majtë gjen Fetahun i cili depërton dhe gjuan pak nga e majta nga 14 metra mbi portë.

15’ Sh. Skeraj rivënë topin nga auti i djathtë te Llumnica i cili nga krahu i djathtë nga 14 metra gjuan lehtë, pret portieri.

26’ Kaçiu krosim nga krahu i majtë, me kokë tenton M. Hoxha, pret portieri mysafir.

28’ Portieri Manxholli degazhon larg topin, Shkupolli me kokë ia pason përpara E. Osmanit i cili i ikën mbrojtjes vendase që flinte dhe në përballje me Mushicën i vetmuar nga 15-16 metra, Osmani gjen këndin e majtë të portës vendase – 0:1.

30’ Ahmeti harkon nga goditja e dënimit, në anën e majtë nga 7-8 metra tenton M. Hoxha me kokë, sërish top i lehtë për Manxhollin.

34’ F. Ibrahimi furishëm gjuan ulët nga 40 metra, Mushica pas intervenimit të dytë kap topin.

36’ Pasim i thellë i topit nga mbrojtja mysafire, topi vije deri te Shkupolli që i pason në krah të djathtë Osmanit i cili edhe një herë i ikën mbrojtjes prishtinase, në përballje me Mushicën Osmani bukur lëshon topin para portës ku më i shpejtë ishte Shkupolli se sa kapiteni Humolli dhe nga afërsia fut topin në rrjetë – 0:2.

37’ Tentim i A. Ahmetit nga 30 metra, jashtë pingules.

40’ Humolli gjen mirë Saliagiqin i cili me kthim me gjuajtje të ulët tenton nga 15-16 metra, por plogësht, portieri në vend.

42’ Y. Hoxha kroson nga korneri i djathtë, dikush nga mysafirët prek topin me dorë, vendasit kërkojnë penallti, gjyqtari Hasani hesht.

45’ Idrizi nga auti i majtë deri te Llumnica i cili me kokë gjuan nga 7-8 metra, jo furishëm, në vend portieri.

49’ Visar Berisha gjuan nga më se 3 metra nga goditja e dënimit, Manxholli ndal këtë gjuajte, topin e kthyer tenton ta plasojë në rrjetë Fetahu, sërish Manxholli pret, tani gjuan pak ana e majtë Saliagiq dhe qëllon pingules e djathtë, topin e kthyer kësaj here me saktësi Enis Fetahu nga afërsia vendos në këndin e majtë të portës – 1:2.

51 Idrizi në stilin e tij karakteristik të rivënies së topit nga auti i djathtë gjen Kaçiun në krah, ky kroson, topin e kthen mbrapa Feahu, por Llumnica vonohet të gjuaj në portë.

54’ Idrizi edhe një herë nga auti te Llumnica, bukur manovron para zonës, gjuan, topin e prek dikush nga mysafirët dhe parabolën portën dhe del në korner.

59’ Berisha gjuan nga 25 metra, topi prek në kokë një mbrojtës dhe kalon fare pran mbi portë, korner.

63’ Idrizi nga auti, Fetahu brenda zonës nga 7-8 metra provon, topi prek këmbët e njërit prej lojtarëve mysafirë, korner.

73’ E. Fetahu gjuan nga goditja e dënimit, nga ana e djathtë, portieri mysafirë me grushtim dëbon në korner.

75’ Kaçiu harkon nga korneri i majtë, topi dëbohet nga mbrojtja vendase, Azem Ahmeti nga 15 metra me mençuri gjuan dhe në mesin e shumë futbollistëve vendos topin në këndin e majtë të portës – 2:2.

78’ Visar Berisha gjuan furishëm nga goditja e dënimit prej 25 metrave, topi fluturon fare pranë këndit të majtë të kuadratit.

84’ Humolli gjen A. Skerajn i cili pasi që ndal topin me gjoks, gjuan në rrëzim e sipër nga 15 metra, gjuajtjen jo aq të fortë e ndal Manxholli.

88’ Kaçiu nga goditja e dënimit prej krahut të majtë harkon në shtyllën e dytë, M. Hoxha kthen me kokë topin para zonës, Fetahu para portierit shënon gol, por gjyqtari Hasani anulon golin dhe ndëshkon Fetahun me kartuç të verdhë pasi që ky shënoi gol me dorë.

45+3’ Gjuajtjen e Agron Skerajt nga largësia e dëbon në korner Manxholli.

KOMENTI:

Ndeshja e parë gjysmëfinale e Kupës së Republikës së Kosovës pati dy pasqyre, atë në pjesën e parë kur mysafirët udhëhoqën me dy gola epërsi dhe pjesa e dytë e lojës kur prishtinasit jo vetëm që barazuan rezultatin, por mysafirët herë fati e herë portieri Manxholli i shpëtoi nga disfata.
Prishtinës assesi nuk i konvenon ky rezultat, por Prishtina ka kapacitet dhe ka aftësi që nga Mitrovica të kthehet me fitore dhe të plasohet në finalen e shumë kërkuar.

DEKLARUAN:

Azem Ahmeti, mesfushor i Prishtinës:

Ne i hymë ndeshjen me motiv të madh dhe deshëm që sa më parë të shënonim golin e epërsisë, por Trepça ’89 me anë të kundërsulmit ia doli që dy herë të na befasojë.
Ndërsa në pjesën e dytë, me sugjerimet e trajnerit dhe me një angazhim maksimal të të gjithë lojtarëve, arritëm ta barazojmë rezultatin. Unë shpresojë shumë se me lojë të ngjashme sikurse në pjesën e dytë, nga Mitrovica do të arrijmë të kthehemi me fitore dhe të plasohemi në finale.

Fahredin Duraku, trajner i Trepça ’89:

Ne sot kemi ardhur për rezultat pozitiv, e arritëm qëllimin edhe pse ne kemi mundur të dalim fitues nga kjo ndeshje, por unë prapë se prapë jam i kënaqur edhe me këtë barazim. Ju uroj djelmoshave të mi për angazhimin maksimal gjatë 90 minutave ku në fund edhe iu shpërblye me rezultat pozitiv për ne. Unë besoj se ky rezultat është shumë i favorshëm për ne para ndeshjes kthyese në Mitrovicë. Ndërsa Prishtinën e uroj për lojë korrekte dhe iu dëshiroj suksese në të ardhmen.

SPORTI_DARDAN

Prishtina zhgenjeu tifozet e vet
me lojra te dobeta por qe dyshohen
si me qen lojra tesuse eksperimentale

SPORTI_DARDAN

KS.PRISHTINA prita qe mos po e publikon kete lajm e pasi qe
e pash se nuk ishte publikua e publikova une.

admin

KS.PRISHTINA · Kosova (Vushtrri) - Prishtina e Dielle ora 16:00

PIKËT E DOMOSDOSHME

E premte 02/05/08

Duke parë makinacionet e ndryshme që po bëhen dhe po tentohen të bëhen në dëm të Prishtinës, bardhekaltrit nuk do të kenë luks të madh përveç se në ndeshjen e javës së XXV-të në Vushtrri të udhëtojnë për gjah të plotë. Kjo s’do të jetë aspak e lehtë për shkak gjendjes tabelore të vendasve që me çdo kusht janë duke luftuar që të mbesin në elitë, por edhe tu e marrë parasysh formën jo të mirë të ekipit në tri ndeshjet e fundit. Të gjitha këto, lojtarët e Prishtinës duhet ti harrojnë, ti vejnë me një anë dhe publikut fanatik vushtrrias ti tregojnë se Prishtina është skuadra më cilësore vendore dhe se di dhe mund të nxjerr rezultat të favorshëm edhe atë kur është më së vështiri.
Kryetrajneri Tovërlani, pritet që në dispozicion ti ketë të gjithë lojtarët dhe do të jetë ai i cili do të vendos për njëmbëdhjetëshin e parë që do të nis ndeshjen.

TRADITA NË ANËN E PRISHTINËS

Nga gjashtë takimet e zhvilluara pas luftës në Vushtrri, vendasit ia kanë dalë ta fitojnë vetëm një takim, të barazojnë dy herë dhe i kanë të shënuara tri humbje në përballje me kryeqytetasit. Goldallimi është në të mirë të Prishtinës 4:8. Nga gjashtë takimet, Kosova vetëm dy herë nuk ka shënuar gol, ndërsa në katër takimet tjera ka shënuar vetëm nga një gol. Ndërsa Prishtina nga gjashtë takimet vetëm një herë nuk ka shënuar gol.
Nga kthimi i Kosovës në Superligë në vitin 2006-të, janë zhvilluar tri takime, ku dy prej tyre të fundit në fushën e saj Prishtina ka fituar me rezultat 2:0 (pranverë 2007) dhe 2:1 (vjeshtë 2007).

Ndeshjet e ndërsjella kampionale pas lufte në Vushtrri:

Pranverë, 2000: Kosova (V) – Prishtina 1:1
Vjeshtë, 2000: Kosova (V) – Prishtina 0:1
Vjeshtë, 2001: Kosova (V) – Prishtina 1:0
Vjeshtë, 2002: Kosova (V) – Prishtina 0:3
Pranverë, 2004: Kosova (V) – Prishtina 1:2
Vjeshtë, 2006: Kosova (V) – Prishtina 1:1

KS.PRISHTINA · Të Gjithë Kundër–prishtina 1:0

Golashënues: M. Dragusha 82’ (penallti)

Shikues: mbi 3.000

Gjyqtarë: Albert Kastrati (Gjilan), Ali Peshteri e Ahmet Gashi (Pejë)

Kartonët e verdhë: Vilanci, Mehmeti, Izmaku, Zeneli, Zabërxha – Idrizi, Vokshi, Shabani, Fetahu

Kartonët e kuq: Xh. Mehmeti (90+5’ pas dy të verdhëve)

Kosova: B. Sadiku – Xh. Mehmeti, B. Vilanci, B. Berisha, I. Izmaku, M. Maxhuni (c), F. Zeneli, M. Dragusha, B. Zyçaku (68’ I. Hasani), A. Zabërxha (90+4’ B. Kera), L. Osmani (90+6’ M. Gërxhaliu)
Trajner: Isa Sadriu

Prishtina (4-4-3): K. Mushica – M. Idrizi, M. Hoxha, V. Berisha, D. Vokshi – B. Kaçiu (c), B. Shabani, Y. Hoxha – T. Ademi (46’ A. Ahmeti), A. Skeraj, S. Saliagiq (46’ E. Fetahu)
KOMENTI:

Skuadra e Prishtinës sot përjetoi edhe një gjë që në traditën e saj shumë vjeçare në shumë nivele rangjesh nuk e kishte përjetuar më parë. Në hyrje të Vushtrrisë, ishte mbledhur masë e madhe, me gjasë e huliganëve vendas, dhe ekspedita e Prishtinës të përcjellë nga automjeti i policisë, iu desh të kthehet mbrapa, të dal në magjistrale dhe të vendoset në katër automjete të policisë për të shkuar deri në stadiumin e qytetit. Kjo ndodhi klubit në historinë e gjatë nuk i kishte ndodhur ndonjë herë më parë.
Ndërsa, ndeshja filloi si ishte më së miri dhe deri diku pjesa e parë e saj kaloi në mënyrë korrekte, pjesa e dytë ishte kapitull në vete.
Që nga fishkëllima e parë, gjyqtari kryesor i takimit, Albert Kastrati filloi të gjykoj ndeshjen me tendencë të qëllimtë që në çdo moment dhe në çdo rast ti dëmtojë mysafirët.
Kulmi ishte referimi i penalltisë së paqenë dhe ishte ky rast më se i pritur që ky gjyqtar i paskrupullt të dalë në skenë.
Më herët, në shumë raste, ky i ashtuquajtur gjyqtar futbolli, referon mbi 10 faulle në dobi të vendasve përreth zonës mysafire. Prishtinasit më s’kishin gjasa ta kalon as gjysmën. Sulmuesi i saj, Enis Fetahu grushtohet në disa raste, ky bije për tokë, ndërsa jo që nuk mbrohet, nuk i referohen faullimet, nuk qortohen të paktën mbrojtësit vendas për lojë brutale të qëllimshme, por Fetahu edhe ndëshkohet me kartuç të verdhë kinse për simulim. Rasti tjetër bizar ishte, kur mesfushori Agron Skeraj, goditet me bërryl para syve të gjyqtarit anësor, Peshteri, dhe ky i fundit jep faull për vendas!
Lojtarët e Prishtinës grushtoheshin e qëlloheshin pa top, sikur të ndodhte kjo larg syve të gjyqtarëve, por s’kishte nevojë për një gjë të tillë përball tre këmishëzinjve të tillë.
Pas shënimit të golit, më nuk kishte lojë as futboll, tani kishte (tragjedi)komedi. Lojtarët vendas rrëzoheshin për tokë si pa kokë duke simuluar para gjyqtarëve, në fushë futeshin nga tre topa, nxirreshin jashtë dhe sërish kjo përsëritej posa “fillonte” ndeshja.
Në fund, ekspedita prishtinase pyeste me vete (duke mos patë kë ta pyeste tjetër !?), se çka do të ndodhte sikurse Prishtina të fitonte një pikë, apo mos e bjer Zot ta fitonte ndeshjen !?
Pas ndeshjes më nuk kishte ndonjë incident, edhe pse nga masa e grumbulluar e tifozëve vendas që kishin vërshuar fushën shanin dhe fyenin prishtinasit. Ndërsa, sërish nga stadiumi lojtarët dhe zyrtarët e Prishtinës dolën në automjetet e policisë për tu kthyer në Prishtinë të revoltuar dhe të deprimuar nga krejt kjo çka është ka ndodh ndaj djersës së tyre, duke pyetur sërish vetveten, se deri kur më kështu, se a ja vlen e gjithë kjo !?...
Minutë për minutë:

9’ A. Zabërxha gjuan nga goditja e dënimit prej 25 metrave, jashtë pingules së djathtë.

18’ Y. Hoxha depërton nëpër krah të majtë, mbi shpinën e Saliagiq një lojtar vendas dëbon topin tutje i cili shkon deri te A. Skeraj dhe godet furishëm nga 18 metra, fare pranë pingules së djathtë.

21’ Y. Hoxha gjuan nga pozita ballore prej 28 metrave, topin prek një mbrojtës dhe përfundon në korner pranë pingules së djathtë.

38’ F. Zeneli provon nga 30 metra, shumë lartë portës.

42’ M. Dragusha, gjuan nga goditja e dënimit nga anash, krahu i djathtë, Mushica grushton topin në korner.

43’ Kaçiu nga mesi i fushës bukur gjen A. Skerajn e liruar nga krahu i majtë i cili me shpejtësi depërton brenda zonës dhe nga 10 metra as nuk gjuan saktë e as nuk tenton të kthej topin mbrapa te Ademi apo Saliagiq, por përfundon jashtë pingules së majtë.

45+2’ Dragusha para zonës mysafire ndal një top të devijuar me dorë, këtë nuk e shohin gjyqtarët, ia vazhdon topin në të djathtë Zenelit i cili afër vijës fundore tenton të krosoj apo të gjuaj në portë, por Mushica i vëmendshëm.

50’ Nga një top i gjatë i dërguar në zonë, Mushica nuk merret vesh me mbrojtësit, e kalon topi, por Idrizi i vëmendshëm para Osmanit largon topin në korner.

54’ Idrizi kroson nga krahu, brenda zonës me dy duart shtyhet A. Skeraj nga përcjellësi i tij, por i ashtuquajturi ndarësi i drejtësisë nuk e sheh as këtë moment.

62’ Dragusha edhe një herë nga goditja e dënimit prej 25 metrave gjuan mbi këndin e majtë të portës.

69’ Idrizi gjuan topin nga auti i djathtë brenda zonës te Fetahu të cilin gjithmonë e ka një lojtar mbi shpinë dhe si gjithnjë këtë gjyqtarët nuk e shohin, topi disi devijohet deri te Y. Hoxha i cili nga 5-6 metra gjuan lehtë me kokë në këndin e djathtë, por portieri vendas syçelë.

70’ Dragusha, nga goditja e dënimit anash nga ana e majtë jashtë zone, gjuan, Mushica nuk e kishte perceptuar topin si duhet dhe qëllohet pjesa e epërme e pingules së majtë.

73’ Y. Hoxha me shpejtësi depërton nga krahu i majtë dhe gjuan ulët nga 20 metra, topi shkon përskaj pingules së majtë.

79’ Dragusha harkon nga goditja e dënimit, tani nga krahu i djathtë, në shtyllën e djathtë nga afërsia gjuan Vilanci jashtë portës.

82’ Zeneli gjendet brenda zonës, i ikën topi, pranë tij gjendej Y. Hoxha i cili as që e prek e Zeneli rrëzohet dhe tani gjyqtari Kastrati merr frymë lehtë, mezi s’kishte pritur këtë moment, akordon penallti për vendas. Pasojnë reagimet e kota të prishtinasve.

82’ Dragusha nga pika e 11-metrave gjuan ulët në këndin e majtë me gjithë tentimin e Mushicës topi përplaset në rrjetë – 1:0.

82’ Nga kjo minutë e deri te përfundimi i ndeshjes në minutën e gjashtë shtesë, me gjithë se gjyqtari Kastrati kishte vazhduar vetëm 4 minuta, por s’kishte kohë ta përfundonte nga hedhja e topave nga tribunat, nga kujdestarët përreth fushës, bankina vendase, pastaj zhagitjet disa minutëshe të lojtarëve vendas deri sa ky gjyqtar u detyrua në sekondat e fundit ta s’kuq Mehmetin për simulim duke tentuar ta lajë fytyrën e tij në fund të ndeshjes.

45+2’ Tentimi i fundit i mysafirëve. Fetahu nga goditja e dënimit prej krahut të djathtë, që mezi e kishte referuar më në fund një të tillë gjyqtari, harkon brenda zonës, topi devijohet, Vokshi gjuan nga 10 metra me të majtën mbi portë. Lexoni tani se çka ndodh në këtë çast: Një lojtar vendas rrëzohet në zonë të tij, ndërsa nga tribunat jo një top, por dy topa tjerë përfundojnë në fushë duke harruar se s’kishe nevojë për këtë bizaritet kur topi i parë vetëm gjendej jashtë fushës.

90+6’ Përfundon takimi, lojtarët e Prishtinës, disa të përlotur, kërkojnë sqarim nga treshja e këmishëzinjve, por e tëra çka mund të bënin ishte që kokë ulur të drejtuar nga shefi i shtabit Tovërlani ti drejtoheshin teshatoreve.

DEKLARUAN:

Afrim Tovërlani, trajner i Prishtinës:

Marre, marre, marre! Nuk ka futboll në Kosovë dhe të gjithë ata çka mendojnë kështu vetëm e rrejnë veten.

Isa Sadriu, trajner i Kosovës:

Sa i përket penalltisë, unë isha shumë larg me pamje, gjyqtari ishte më së afërmi, dhe është ai i cili e vlerëson dhe e gjykon se çka duhet të bëjë. Për të tjerat nuk dua të komentojë, nuk jam kompetent, por nuk ma merr menja që ka ndikuar diçka tjetër, sepse e kemi dashur më shumë fitoren dhe ia arritëm ti shkëpusim tri pikë të rëndësishme nga një ekip që është lider gjatë tërë kampionatit. Kjo u pa edhe me angazhimin e lojtarëve të mi, edhe me dominimin gjatë gjithë ndeshjes, kështu që ai mund dhe ai angazhim i lojtarëve të mi ia arriti që ti fitoj tri pikë shumë të vlefshme për mbijetesë në Superligë. I falënderoj të gjithë pjesëmarrësit dhe akterët e këtij takimi të cilët ia dhanë ngjyrën fitores sonë.

KS.PRISHTINA · Me 17 Maj FC Schaffhausen – FC Prishtina

Me 17 Maj
FC Schaffhausen – FC Prishtina

Skuadra bardhekaltër e Prishtinës do të rifillojë aventurën tjetër të rradhës për tu ndeshur në takime miqësore me skuadra evropiane.
Pas takimit në Gjermani dhe Zvicër dhe fitoreve të arritura kundër FC Offenbach Kickers dhe Winterthur, Prishtina takimin e tretë miqësor ndërkombëtar do ta ketë kundër skuadrës tjetër zvicerane, FC Schaffhausen.
FC Schaffhausen – FC Prishtina, do të zhvillohet me 17 maj dhe do të fillojë nga ora 20:00. Kështu edhe një herë adhuruesit e shumtë të klubit më të madh kosovar do të kenë rastin ta shohin skuadrën e tyre të zemrës dhe të jenë afër saj në një takim me një skuadre të njohur zvicerane.
Skuadra e Schaffhausen luan në Swiss Challenge League, përndryshe kategoria e dytë e futbollit zviceran. Skuadra momentalisht gjendet në vendin e 7-të tabelës ku dy javë para përfundimit të kampionatit ka tubuar 44 pikë, 23 pikë më pak se sa vendi i parë dhe 28 më shumë se sa vendi i fundit në tabelë. Kjo skuadër edhe në vitin e ardhshëm do të garoj në ligën e dytë të futbollit zviceran.
Nikoqirja e Prishtinës, skuadra e FC Schaffhausen, para tri viteve në fund të sezonit 2003/04 ishte ngjitur në rang më të lart garash, në kategorinë e parë apo Superligën zvicerane. Në fund të kampionatit të tyre në elitë, kishin përfunduar të parafundit në tabelë dhe vetëm pas ndeshjes barazh kishin mbetur sërish në ligë. Në sezonin tjetër, 2005/06 kishin qenë më të suksesshëm dhe kishin qëndruar sërish në këtë rang garash për të rënë përfundimisht në fund të sezonit 2006/07.
Skuadra ka katër shqiptar në radhët e saj, njëri prej tyre ka edhe shtetësi shqiptare, mesfushori Shkelzen Gashi (13 ndeshje), ndërsa tre lojtarët tjerë shqiptarë janë edhe dy mesfushorët tjerë, Allmir Ademi (29 ndeshje, 3 gola) e Genc Mehmeti (9 ndeshje 1 gol) dhe lojtari i katërt, sulmuesi Gezim Sadiku (10 ndeshje).
Klubi FC Schaffhausen është formuar në vitin e largët, 1896. Stadiumi i saj “Breite” ka kapacitet prej 7.300 vendeve, ndërsa ngjyrat e klubin janë verdhë e zi.

KS.PRISHTINA · PRISHTINA IU KTHEHET FITOREVE

Golashënues: Isuf Llumnica 19', Kushtrim Munishi 25
Shikues: 1.000
Gjyqtarë: Përparim Hasani e Bejtë Fejzullahu (Prishtinë), Zekë Miranaj (Pejë)
Kartona të verdhë: Llumnica, Hasan – Shabanaj, Bajraktari

Prishtina (4-4-2): F. Statovci – M. Idrizi, V. Berisha, M. Hoxha (58' B. Shabani), D. Vokshi – I. Llumnica (73' A. Kozhani), A. Ahmeti, B. Kaçiu (c), Y. Hoxha – K. Munishi (61' A. Skeraj), E. Hasan.
Trajner: Afrim Tovërlani

Besa: S. Bandiq – G. Shabanaj, A. Cacaj, B. Morina (66' D. Molliqaj) , R. Duraku, B. Bajraktari, F. Krusha, R. Mullallari, B. Hysenlekaj, H. Zeka /c/ (46' A. Ahmeti), F. Haliti.
Trajner: Valdet Shoshi
Minutë për minutë:

7' Haxhi Zeka pas tentimit të dytë nga goditja e dënimit nga 20 metra gjuan mbi portë.

9' Llumnica nga goditja e dënimit

16' A. Ahmeti harkon nga gjysmëkrahu i djathtë, Hasan me kokë nga 5-6 metra qëllon këndin e djathtë të kuadratit të portës mysafire.

18' Llumnica suksesshëm depërton nëpër krahun e majtë dhe afër vija fundore kroson në qendër, Ertan Hasan me gjoks nga 2-3 metra ia ndërron kahun topit i cili qëllon pingules e djathtë, ishte kjo shtylla e dytë e qëlluar e Hasan për pak minuta.

19' Idrizi bukur me një top të lart nga jashtë zona fut në zjarr Llumnicën i cili në mesin e disa futbollistëve mysafirë depërton dhe nga ana e djathtë prej 4-5 metrave parabolën portierin Bandiq dhe vendos topin në pjesën e ulët të këndit të djathtë të portës – 1:0.

25' Visar Berisha po thuajse nga mesi i fushës, ndoshta edhe më larg, me top të gjatë përtokë gjen Kushtrim Munishin i cili i ikën kurthit të ofsajdit dhe vijës mbrojtëse dhe nga ana e majtë nga 14-15 metra gjuan saktë, ulët dhe vendos topin në këndin e majtë të portës – 2:0.

35' Topi kthehet nga mbrojtja vendase, Kaçiu e godet furishëm nga 20 metra i cili së pari prek një mbrojtës, merr kahun e harkut dhe për pak sa shkon lart mbi trarin e epërm.

35' Nga korneri i djathtë shkurt Y. Hoxha topin ia pason Llumnicës i cili pak anash nga ana e djathtë nga 13-14 metra gjuan përskaj pingules së majtë.

45+2' A. Ahmeti nga goditja e dënimit nga krahu i majtë harkon në shtyllën e dytë, M. Hoxha me kokë dërgon topin tek shtylla e djathtë të cilin me kokë Berisha e fut në rrjetë, por gjyqtari Hasani anulon golin, M. Hoxha kishte shkaktuar faull.

54' R. Mullalari gjuan nga 16 metra drejt në duart e portierit Statovci i cili grushton. Ishte gjuajtja e parë dhe e fundit e skuadrës pejane në drejtim të portierit, sot të papunë, Feim Statovci.

75' Tek vija anësore në krahun e djathtë mirë bashkëveprojnë A. Skeraj dhe Kozhani, ky i fundit edhe më bukur fort kroson në zonë, E. Hasan nga 5-6 metra gjuan me kokë, ndal portieri Bandiq.

84' Bajraktari gabon në pranimin e topit para zonës së tij, aty pranë ishte A. Ahmeti i cili përfiton, niset në drejtim të portës dhe pak anash nga e djathta nga 14-15 metra gjuan furishëm ulët shumë pranë pingules së djathtë.

85' A. Ahmeti në dyluftim ia merr topin Bajraktarit tek vija anësore e majtë dhe harkon tek sulmuesi Hasan i cili në duel me mbrojtësin mysafirë bukur ndal topin, dhe në kthim e sipër me volle goditje edhe më bukur gjuan nga 15 metra dhe qëllon edhe më bukur tërthorësen. Ishte shtylla e tretë e Hasan në këtë takim.

87' A. Ahmeti harkon nga goditja e dënimit prej krahut të majtë, tek shtylla e majtë Burim Hashani shënon gol me kokë nga afërsia, por anulohet me sinjalizimin anësorit Bejta, për shkak pozitës çuditërisht të ofsajdit.

45+3' Azem Ahmeti për mrekulli ia pason topin përpara Y. Hoxhës i cili depërton me shpejtësi, del përball i vetmuar me portierin Bandiq, dhe nga 7-8 metra gjuan gabimisht pranë pingules së djathtë.
KOMENTI:

Pas pesë ndeshjeve, tri ndeshjeve kampionale dhe dy për kupë, Prishtina sërish iu kthye fitoreve duke fituar ndaj kampionit aktual Besës së Pejës. Prishtina me shënimin e dy golave, riktheu besimin në vete dhe vazhdon luftën prej plus 2 pikëve më shumë se sa ndjekësi më i afërm Vëllaznimit.

Ndërsa skuadra pejane, tërësisht e dorëzuar, nuk kishte fuqi më shumë se sa të kënaqej me pranimin e vetëm dy golave dhe njëkohësisht vazhdoi agjërimi i sulmuesve të saj në fushën e Prishtinës. Nga 11 takimet e zhvilluara pas luftës në ndeshjet kampionale në Prishtinën, Besa ka shënuar vetëm tre gola, ndërsa ka pranuar 24 gola.

DEKLARUAN:

Afrim Tovërlani, kryetrajner:

Më në fund u erdhi fundi i serisë së dobët të Prishtinës. Mendoj se fituam me meritë, shfrytëzuam disa nga rastet e shumta, sidomos në pjesën e parë kemi qenë shumë më agresiv drejt fitores, sepse në pjesën e dytë nuk kemi dashur ta rrisim më tej ritmin duke e ditur që të mërkurën na pret takimi tjetër i vlefshëm e Fushë-Kosovën. E falënderoj Besën për lojën korrekte.

Visar Berisha, qendërmbrojtës i Prishtinës:

Ne gjatë gjithë ndeshjes dominuam, ndërsa në pjesën e dytë ishim shumë më të mirë dhe këmbëngulës ku edhe shënuam dy golat që përcaktuan fituesin. Në pjesën e dytë luajtëm mençur duke menduar edhe për ndeshjen me Fushë-Kosovën. Më duket se me këtë ndeshje na është kthyer forma e dikurshme vjeshtore dhe Prishtina kështu do të shkoj deri në fund me fitore.

Ertan Hasan, sulmues i Prishtinës:

Besoj ndeshja ishte shumë e mirë, ashtu siç është një derbi i vërtetë. Me angazhimin dhe lojën e treguar, ne më shumë e deshëm dhe në fund me plotë meritë e fituam ndeshjen.

Po, kjo ishte paraqitja më e mirë e imja në stinorin pranveror, nuk pata fat, qëllova tre shtylla, por besoj që në ndeshjen e radhës do të jenë tre gola nga ana ime.

Valdet Shoshi, kryetrajner i Besës:

Në pjesën e parë, pas minutës së 15-të dështuam pak pasi që morëm gol shumë naiv me fajin tonë dhe siç duket në vazhdimësi të takimit kjo ndikoi negativisht tek lojtarët e mi.

Edhe dalja e Haxhi Zekës në pjesën e dytë për shkak gripit i cili kishte dëshirë të luante nga fillimi i ndeshjes, dhe duke e ditur fondin tonë të lojtarëve, me gjithë se deri diku u konsoliduam, prapë se prapë nuk ia arritëm që ta zbusim rezultatin. Prishtinës i uroj fitoren e merituar.

KS.PRISHTINA · FFK nukder Prishtines

E KOTË, NUK MUNDËSH KUNDËR TË GJITHËVE !!!

Superliga e Kosovës
Java XXVII
Fushë–Kosova – Prishtina 2:1 (1:0)

Golashënues: Q. Kida 41’, M. Hoxha (aut) 89’ – S. Saliagiq 82’
Shikues: rreth 1.500

Gjyqtarë: Zymer Berisha (Ferizaj), Ali Peshteri (Pejë), Nexhmedin Krasniqi (Prizren) Kartona të verdhë: S. Salihu, Shala, Gjurevci, Krasniqi, Jakupi, Zogiani – Idrizi, Ahmeti, Hasan
Fushë-Kosova: I. Uka – S. Salihu, Q. Kida (c), B. Shala, B. Gjurevci, B. Salihu, I. Krasniqi, N. Dushi, F. Krasniqi (90+1’ Y. Prekopuca), A. Jakupi (52’ V. Bajrami), L. Haliti (85’ V. Zogiani)

Lojtar, trajner: Besim Gjurevci
Prishtina (4-4-2): F. Statovci – M. Idrizi, V. Berisha, M. Hoxha – A. Skeraj, A. Ahmeti (61’ A. Kozhani), B. Kaçiu (c), I. Llumnica, Y. Hoxha – K. Munishi E. Hasan (57’ S. Saliagiq).

Trajner: Afrim Tovërlan

Minutë për minutë:
3’ Dushi vendas nga goditja e dënimit, prej 16 metrave gjuan mbi portë.

10’ Volle gjuajtje e A. Skerajt nga 20 metra, lehtë për portierin vendas.
21’ I. Krasniqi harkon nga goditja e dënimit nga 16 metra djathtë, Dushi nga 5-6 metra gjuan me kokë jashtë portës.

32’ A. Skeraj harkon nga goditja e këndit të djathtë, në rrëmujën e krijuar, V. Berisha nga 5-6 metra gjuan me gërshërë, portieri vendas mirë intervenon dhe dëbon mbi portë. Tani nga këndi tjetër harkon Ahmeti, ndërsa në shtyllën e dytë nga 7-8 metra me kokë ulët gjuan M. Hoxha, sërish portieri Uka intervenon dhe dëbon në korner.
41’ Goditjen e dënimit nga 25 metra, pozita ballore, suksesshëm e gjuan Q. Kida i cili vendos topin në këndin e djathtë të portierit Statovci – 1:0.

54’ F. Krasniqi bukur fut topin përpara për L. Halitin, por portieri Statovci ishte më i shpejtë dhe dëbon tutje.
64’ Visar Berisha gjuan nga goditja e dënimit prej 25 metrave dhe qëllon këndin e kuadratit të portës, topin e dëbuar nga 10-12 metra e fut në rrjetë sulmuesi Saliagiq dhe po sa përplaset topi në rrjetë tek atëherë i ashtuquajturi ndarës i drejtësisë, Ali Peshteri qon flamurin lartë në shenjë ofsajdi. Protesta të kota të lojtarëve të Prishtinës.

72’ Goditjen e dënimit nga 20 metra e gjuan V. Berisha, topi devijohet dhe tek vija fundore në krah të djathtë në drejtim të portës në shtyllën e parë e kthen Saliagiq, por para sulmuesit Munishi intervenon portieri vendas i cili pas këtij rasti për disa çaste qëndron i shtrirë kinse është lënduar.
78’ Munishi me gërshërë brenda zonës nga krahu i majtë dërgon topin në qendër, aty kthen M. Hoxha me kokë dhe sërish tenton me kokë sulmuesi, Saliagiq nga 4-5 metra, por i lehtë për portierin vendas i cili sërish pas këtij intervenimi simulon kinse pësoi lëndim.

82’ Visar Berisha dërgon top të gjatë nga fusha e tij, topi vije deri te M. Idrizi në gjysmëkrahun e djathtë i cili menjëherë e drejton te sulmuesi Saliagiq i cili nuk pret dhe gjuan me të parën nga nja 10 metra dhe vendos topin në këndin e epërm të portës – 1:1.
84’ Y. Hoxha provon gjuajtjen nga 30 metra, afër pingules së djathtë.

89’ Gjyqtari Berisha akordon gjuajte dënimi në krah të djathtë. Topin e harkon në zonë V. Bajrami, në kërcim së larti mbrojtësi M. Hoxha prek topin i cili shkon drejt e në këndin e djathtë të ulët të portierit Statovci që gabimisht kishte lëshuar dhe perceptuar topin – 2:1.
90+4’ Një top i gjatë i ardhur nga mbrojtja mysafire vije deri te sulmuesi Munishici i cili depërton brenda zonës, por që edhe ishte e mbajtur për krahu nga mbrojtësi vendas, megjithatë ia del të gjuaj nga nja 11 metra, por portieri Uka prek aq topin sa dëbon mbi portë.

admin

admin

Schaffhausen - Prishtina 2-2

KS.PRISHTINA · PRISHTINA RIKTHEHET ATY KU EDHE E KA VENDIN – NË FRON!

PRISHTINA RIKTHEHET ATY KU EDHE E KA VENDIN – NË FRON!

Prishtina nga Drenica kthehet me tri pikë të mëdha dhe të barabarta me titullin e kampionit të cilin Prishtinës i mungon qe tre vite. Skuadra arriti deri te fitorja e artë pas shënimit të golit nga sulmuesi Kushtrim Munishi në minutën e 16-të.
Duhet theksuar dhe përshëndetur tërë skuadrën e Drenicës për mikpritjen siç vetëm ata dinë të bëjnë dhe në veçanti të ngrohta ishin thirrjet e publikut drenicas para dhe pas përfundimit të ndeshjes, Prishtina-Prishtina; Kampion-Kampion.
Pas përfundimit të ndeshjes, të përlotur, lojtarët dhe e tërë udhëheqësit e FC Prishtina u gjenden të përqafuar dhe të gëzuar deri në dilerium për suksesin që e pret tani e tri vite i tërë kryeqyteti .
Skuadrën në hyrje të qytetit e pritën qindra “Plisa” e adhurues të skuadrës duke ndarë gëzimin së bashku me lojtarë dhe zyrtarë të skuadrës.
Megjithatë, festa e madhe do të jetë pas një jave, të dielën me 1 qershor, pas ndeshjes së javës së fundit me KEK-un.

Më gjerësisht më vonë...

Superliga e Kosovës
Java XXVIX
Drenica – Prishtina 0:1 (0:1)

Golashënues: Kushtrim Munishi 16’

Shikues: rreth 500

Gjyqtarë: Isa Mustafa (Mitrovicë), Zekë Miranaj (Burim), Nexhmedin Mehana (Vushtrri)

Kartonë të verdhë: F. Lushtaku – I. Llumnica

Drenica: E. Shosholli – A. Lushtaku (46’ L. Dajaku), F. Lushtaku, B. Krasniqi, N. Jashari, F. Koci, S. Geci (c), L. Syla (46’ S. Jashari), B. Bajraktari (73’ A. Syla), P. Demiraj, V. Tahiri.
Trajner: Tahir Lushtaku

Prishtina (4-4-2): K. Mushica – Sh. Skeraj M. Hoxha, V. Berisha, D. Vokshi – M. Idrizi (64’ A, Skeraj), I. Llumnica, A. Kozhani, Y. Hoxha – K. Munishi (90+2’ K. Osmani), S. Saliagiq (90+3’ B. Shabani).
Trajner: Afrim Tovërlani

Minutë për minutë:

6’ F. Koci kroson nga krahu i majtë, P. Demiraj nga shtylla e parë gjuan me kokë shumë afër pingules së majtë.

6’ Tentim i Llumnicës nga 16 metra, parabolën e tij e dëbon portieri vendas mbi portë.

11’ Llumnica nga 12-13 metra gjuan furishëm, por nga porta e zbrazët largon njëri nga mbrojtësit me kokë.

16’ Aksion i gjatë dhe i bukur i Prishtinës. Llumnica para zonës gjen Idrizin në gjysmëkrahun e djathtë i cili bukur gjen Munishin dhe ky nga 3-4 metra plason topin në rrjetë – 0:1.

22’ Llumnica nga krahu i majtë fut në zonë Y. Hoxhën i cili e drejton topin furishëm para portës, por që Saliagiq me gjithë tentimin e tij nuk ia doli t’ia ndërrojë kahun topit.

24’ Kozhani gjuan plogësht nga 20 metra, kap portieri Shosholli.

26’ V. Berisha nga goditja e dënimit prej 20 metra gjuan mbi portë.

32’ Munishi harkon nga i ashtuquajturi korner i shkurt nga ana e majtë, Saliagiq në shtyllën e parë prek pak topin me kokë, Shosholli i vëmendshëm.

39’ Y. Hoxha pas soloaksionit, nga bri-zona e majtë gjuan furishëm mbi këndin e epërm të majtë të portës vendase.

44’ V. Tahiri harkon nga krahu i majtë, Bajraktari nga afërsia gjuan me kokë krejt afër tërthorëses.

65’ Y. Hoxha nga krahu i majtë gjen në zonë Saliagiqin i cili me kokë ulë topin te Munishi që i përballur me vetëm portierin Shosholli qëllon pjesën e jashtme të portës.

68’ Visar Berisha nga goditja e dënimit prej 40 metrave furishëm qëllon dhe shkund tërthorësen e Shoshollit.

70’ Sh. Skeraj gjuan nga bri-zona e djathtë, e lehtë për Shoshollin.

75’ L. Dajaku me të jashtmen e të djathtës së tij provon nga bri-zona e majtë, e lehtë për Mushicën.

85’ Tentim i Jasharit, topi prek një lojtar të Prishtinës dhe del jashtë pranë pingules së djathtë, korner.

86’ F. Lushtaku harkon nga korneri i majtë, L. Dajaku nga afërsia me kokë gjuan mbi portë.

87’ A. Skeraj harkim i lartë nga krahu i majtë, M. Hoxha nga 11 metra me kokë për pak sa nuk fërfëllon topin në rrjetë.

90’ Minuta e fundit e takimit. Publiku korrekt vendas fillon të brohoras, Prishtina-Prishtina. Nuk vonoi shumë, kësaj brohoritje iu bashkua edhe jehona tjetër, Prishtina – Kampion!

DEKLARUAN:

Afrim Tovërlani, kryetrajner i Prishtinës:

Falënderoj Drenicën, që në stadiumin e saj që mban emrin e ish-futbollistit të Prishtinës, Bajram Aliu, lejoi edhe zhvilloi lojë më se korrekte. Pas gjithë këtij rrugëtimi, mendoj se megjithatë, nëse e analizojmë rrjedhën e gjithë kampionatit, Prishtina me meritë rikthen pozitën e parë. Ne para ndeshjes kemi pasur disa probleme me lëndime dhe kartonë, por megjithatë, ata lojtarë që sot gëzuan besimin e dhënë kanë qenë të vetëdijshëm se është një ndeshje vendimtare. Kemi luajtur aq sa na është dashur ti fitojmë tri pikë, nuk kemi dashur të rrezikojmë shumë apo ti hymë ndonjë aventure. Kryesorja kanë qenë tri pikët dhe asgjë tjetër. Për humbjen e Vëllaznimit në Vushtrri, mund të them vetëm se edhe Prishtina ka pësuar atje, nuk mund ta komentojë ndeshjen e zhvilluar atje, sepse se kam parë ndeshjen, megjithatë Vushtrria ka skuadër të mirë, ndërsa i mbetët Vëllaznimit ta analizojnë humbjen e tyre, unë analizojë vetëm humbjet e mija.

Tahir Lushtaku, kryetrajner i Drenicës:

Prishtina është skuadra që gjatë dy pjesëve të kampionatit ka luajtur dhe e ka merituar titullin e kampionit. Është thjesht skuadra më e mirë vendore, unë ju uroj titullin e kampionit dhe ju dëshiroj sukses edhe në të ardhmen.
Ndërsa sa i përket skuadrës time, unë them se Drenica në sezonin e ardhshëm do të reflektojë krejt ndryshe dhe lirisht mund t’ju them se do të jemi skuadër që do të mëtojmë aty diku vendin e tretë apo të katërt.

admin

Drenica – Prishtina 0:1

admin

Prishtina - KEKu 2-0

Prishtina shpallet kampione e Kosoves per sezonin 2007/08

Click to see full size image

KS.PRISHTINA · PRISHTINA NDERON ISTOGUN

Të dielën, me 8 qershor, nga ora 16:00, në stadiumin e qytetit në Istog, do të takohen Istogu – Prishtina. Kjo ndeshje do të zhvillohet për nder të skuadër vendase të Istogut e cila sivjet ka arritur suksesin më të madh në historinë e saj me inkuadrimin e skuadrës në Superligën e Kosovës. Me këtë rast do të takohen dy kampionët e dy Ligave të para, dhe kampioni Superligës, Prishtina, me këtë ndeshje do ta nderojë tërë rajonin e Istogut për këtë triumf historik të tyre.
Në skuadrën e Prishtinës, që nga afati kalimtar i dimrit, luan edhe ish-lojtari, atëherë golgeteri i skuadër së Istogut, Suad Saliagiq.

ALBSPORTNEWS · 120.000 EURO PESHON TRANSFERI I SHQIPRON SKERAJT

120.000 EURO PESHON TRANSFERI I SHQIPRON SKERAJT

U bë edhe zyrtare kalimi i Shqipron Skerajt në skuadrën gjermane të Bundesliga 2, SpVgg Greuther Fürth. Nënshkrimin e kontratës transferuese, i rëndë 120.000 euro në dobi të FC Prishtinës, e bënë Kryetari i Bordit të FC Prishtina, Remzi Ejupi, lojtari, Shqipron Skeraj dhe menaxheri i skuadrës gjermane, njëherit edhe menaxher i vetë Skerajt, Diter Marquadtt.
Kontrata do ti mundësojë skuadrës së Prishtinës, përveç 120.000 eurove edhe 20 % të shumës së përgjithshme të kalimit të Skerajt në ndonjë skuadër tjetër nga Greuther Fürth.
Ndërsa vetë Shqipron Skeraj bëri të ditur se ka nënshkruar kontratë tre vjeçare me skuadrën e tij të re, Greuther Fürth. Por, nuk deshi të shpalos se sa do të përfitoj apo sa do të jetë paga e tij mujore, duke bërë të ditur vetëm se me këtë kontratë është jashtëzakonisht i kënaqur.

KS.PRISHTINA · KOSOVA (V) – PRISHTINA 2:1

FC Prishtina sot ka zhvilluar takimin e katërt përgatitor miqësor para sezonit të ri futbollistik, 2008/09. Prishtina ishte mysafire e skuadrës së Kosovës nga Vushtrria, Vushtrriasit mbyllën takimin në të mirë të tyre, 2:1. Golin e vetëm për Prishtinën shënoi sulmuesi, Suad Saliagiq. Ndërsa, mesfushori, Isuf Llumnica nuk u paraqit në këtë ndeshje pasi që në dy ditët e fundit ka qenë i sëmurë.

Pas ndeshjes së zhvilluar në Vushtrri, Afrim Tovërlani, shef i shtabit të Prishtinës, theksoi:

“Ne edhe pse humbëm takimin, megjithatë kishim disa raste shumë të mira shënimi. Me formacionin e parë i cili luajti vetëm në pjesën e parë të ndeshjes jam i kënaqur vetëm pjesërisht. Ka ende punë për tu bërë edhe pse këto ditë lojtarët janë të lodhur, por gjithsesi na duhen akoma përmirësime.
Ndërsa, në pjesën e dytë zëvendësova shumicën e lojtarëve, por disa prej lojtarëve që kanë hyrë në pjesën e dytë, me qasjen dhe angazhimin e tyre, zor se do të mund ta largojnë dikë nga përbërja e parë e ekipit”.

Prishtina në pjesën e parë u paraqit me këtë përbërje:

F. Statovci - M. Idrizi, V. Berisha, D. Vokshi, Sh. Alili – A. Kozhani, A. Azemi, B. Maliqi, Y. Hoxha – E. Fetahu, S. Saliagiq

Në pjesën e dytë u aktivizuan edhe tjerë lojtarë

KS.PRISHTINA · Orari i ndeshjeve te KF.Prishtina

Orari i ndeshjeve te KF.Prishtina per stinorin Vjeshtore te
superliges 2008 - 2009

Java e 1-te: Drita - Prishtina
Java e 2-te: Prishtina – Trepca ‘89
Java e 3-te: Kosova – Prishtina
Java e 4-te: Prishtina – Flamurtari
Java e 5-te: Besiana – Prishtina
Java e 6-te: Prishtina – Besa
Java e 7-te: Hysi – Prishtina
Java e 8-te: Prishtina – Ulpiana
Java e 9-te: Gjilani – Prishtina
Java e 10-te: Prishtina – Trepca
Java e 11-te: 2 Korriku – Prishtina
Java e 12-te: Ferizaj – Prishtina
Java e 13-te: Prishtina – Istogu
Java e 14-te: Vellaznimi – Prishtina
Java e 15-te: Prishtina – Drenica

KS.PRISHTINA · SYNOHET SUPERKUPA E GJASHTË

Nesër, të mërkurën me 27 gusht, zhvillohet ndeshja e vlefshme për Superkupnë e Kosovës ndërmjet Prishtinës – kampione e Kosovës dhe Vëllaznimit – fituese e Kupës së Kosovës. Takimi do të zhvillohet në stadiumin e qytetit në Prishtinë dhe do të luhet nën ndriçimin e reflektorëve nga ora 20:00. Kjo ndeshje përndryshe do të jetë hapëse e edicionit të ri, 2008/09 i cili do të nisë në këtë fundjavë.

SHANSET E BARABARTA

Para takimit të nesërm, shefi i shtabit teknik, Afrim Tovërlani, theksoi:
Për këtë takim të vlefshëm jemi të përgatitur aq sa duhet të jemi për këtë ndeshje dhe për këtë moment. E njohim mirë Vëllaznimin sikurse që edhe ata na njohin mirë neve. Nuk kemi fshehtësi asnjëra skuadër edhe pse të dy skuadrat kanë pësuar ndryshime në formacionet e tyre gjatë kësaj vere. Pres një lojë të vështirë, sepse e respektoj dhe Vëllaznimi pa dyshim është një skuadër shumë e mirë. Megjithatë do të hymë për fitore me një lojë të hapur dhe shpresoj që do ti përsërisim ndeshjet, si ne si Vëllaznimi të edicionit të kaluar, sikurse në Gjakovë dhe Prishtinë. As mangësi, as dobësi e as përparësi nuk kemi para kësaj ndeshje. Jemi të barabartë dhe 50 me 50, gjasat e barabarta i kemi për fitore.

DO TË TREGOJMË EDHE NJË HERË SE JEMI MË TË MIRË

Ndërsa, kapiteni i skuadrës, sulmuesi, Enis Fetahu tha:
Kjo ndeshje tani më dihet që është ndeshje-derbi. Vëllaznimit do ti tregojmë edhe një herë se ne jemi Prishtina dhe sa herë na është dashur i kemi mposhtur, si në Gjakovë po ashtu edhe në Prishtinë dhe edhe kësaj here, shpresoj dhe besoj se do të ndodh e njëjta gjë. Besoj se të gjithë bashkëlojtarët e mi do ta kenë ditën e tyre dhe nuk besoj se do të kemi ndonjë problem aq të madh drejt fitimit edhe të një trofeu.
Pres nga publiku ynë që të na përkrah 95 minuta, sepse futbollit nuk i dihet dhe si mund të ndodh që ndeshjen ta fitojmë në minutat e parë të ndeshjes, po ashtu mund të ndodh që ta zgjidhim edhe në minutat shtesë të takimit.
Mendoj që përparësitë në çdo aspekt janë në anën tonë, ndërsa mangësi e rivalit tonë do të jetë shkuarja e shumë e lojtarëve gjatë verës, kurse edhe kur kanë pretenduar të jenë shumë të fortë ne iu kemi treguar që jemi më të mirë se ata, e ashtu do t’ju tregojmë edhe kësaj radhe.

PESË SUPERKUPA TË FITUARA

Prishtina para kësaj përballje ka edhe pesë trofe tjerë të Superkupës së Kosovës, rekordere absolute e këtij trofeu të çmuar. Para luftës ka fituar dy herë radhazi, 1994/95 (fituese e Kupës së Kosovës) dhe 1995/96 (Kampione e Kosovës). Ndërsa ndeshja e edicionit 1996/97 nuk ishte zhvilluar me skuadrën e 2 Korrikut të Prishtinës e cila atëherë kishte fituar Kupën e Kosovës. Pas luftës Prishtina ka fituar edhe tri herë tjera këtë trofe. Fituese ishte në vitet, 2000/01 (Kampione e Kosovës), 2003/04 (Kampione e Kosovës) dhe 2005/06 (fituese e Kupës së Kosovës). Edhe dy herë tjera skuadra nuk ia kishte dalë ta fitoj këtë trofe, një herë para luftës, 1993/94 (fituese e Kupës së Kosovës) dhe në edicionin e parë pas luftës, 1999/00 (Kampion i Kosovës).

admin

Java 8: Prishtina - Ulpiana 4-1

Link

admin

Java 10: Prishtina - Trepca 2-1

Link

LAJME NGA KF.PRISHINA

Prishtina - Shqiponja E diel, ora 14:00

Prishtina – Shqiponja 3:0 (2:0

BESNIK KOLLARI DREJTOR I RI I SHKOLLËS SË FUTBOLLIT

Drita – Prishtina 1:1 (0:0)

Kupa e Kosovës : Ulpiana – Prishtina 1:4 (1:2)

Prishtina – Vëllaznimi

Konferenc per shtyp e KF.Prishtina

Gjithçka Madhështore Një Hap Afër Titullit

Trepça - Prishtina E enjte, ora 15:00

Trepça – Prishtina 0:0

Prishtina – 2 Korriku

Golashënuesit e KF.Prishtines per stinorin 2007-2008

KF.Prishtina - KF.2 Korriku 2:0

Kupa e Republikës së Kosovës KF.PRISHTINA - 2 Korriku

KUPA E KOSOVES PRISHTINA -2 Korriku 6:0

JUNIORËT NUK KANË TË NDALUR Prishtina – Gjilani 4:1 (1:1)

HYSI - PRISHTINA 2:1

DY TRAJNERË TË SHF-së VIZITË NË FC KOLN

Prishtina – Flamurtari E diel, ora 16.00

Prishtina – Flamurtari 0:0

Prishtina – Trepça ‘89 E mërkurë, ora 16.00

Prishtina – Trepça ’89 2:2 (0:2)

Kosova (Vushtrri) - Prishtina e Dielle ora 16:00

Të Gjithë Kundër–prishtina 1:0

Me 17 Maj FC Schaffhausen – FC Prishtina

PRISHTINA IU KTHEHET FITOREVE

FFK nukder Prishtines

PRISHTINA RIKTHEHET ATY KU EDHE E KA VENDIN – NË FRON!

PRISHTINA NDERON ISTOGUN

120.000 EURO PESHON TRANSFERI I SHQIPRON SKERAJT

KOSOVA (V) – PRISHTINA 2:1

Orari i ndeshjeve te KF.Prishtina

SYNOHET SUPERKUPA E GJASHTË