Vokrri:Stadiumi i Llukarit dhe ai i Dumnicës simbole të futb

SPORTI_DARDAN

Vokrri: Stadiumi i Llukarit dhe ai i Dumnicës simbole të futbollit kosovar para luftës
2008-03-31
Kryetari i FFK-së, Fadil Vokrri në emër të Komitetit Ekzekutiv të FFK-së, ka ndarë sot mirënjohje dhe plaketa për kontribut të veçantë dhënë futbollit të Kosovës në periudhën pas pavarësimit të futbollit kosovar, Sali Krasniqit nga fshati Llukar dhe të ndjerit Selim Islami nga Dumnica, në emër të cilit mirënjohjen e mori i biri i tij, Hakifi. Me këtë rast, Vokrri theksoi se stadiumi i Llukarit dhe ai i Dumnicës kanë qenë simbole të futbollit kosovar në atë periudhë të vështirë, jo vetëm për futbollin, por në përgjithësi për sportin dhe vetë jetën e popullit shqiptar që gjendej nën okupim. Ndërkohë Sali Krasniqi dhe Hakif Islami u shprehën të nderuar për iniciativën e FFK-së që të mos harrohen ata që kontribuan për zhvillimin e futbollit kosovar ndër vite dhe njëherësh i uruan kryetarit, Fadil Vokrri dhe zyrtarëve tjerë të FFK-së suksese në punë dhe pranim sa më të shpejtë në UEFA e FIFA. Drejtuesit e FFK-së u zotuan se edhe në të ardhmen do të nderohen të gjithë ata që në mënyra të ndryshme kanë ndihmuar futbollin kosovar që ta zhvillojë veprimtarinë dhe të vjen deri në ditët e sotme.