SK Flamurtari Vlore

Register · Status:

Partizani_One · Posted: Mon Apr 14, 2008 8:42 pm Post subject:

Humbja “lë pa gojë” vlonjatët
14 Prill

Edhe dje, gjatë gjithë ditës, në mjediset publike dhe sportive të Vlorës njerëzve u dukej e pabesueshme ajo humbje aq e thellë e Flamurtarit, në ndeshjen e së shtunës përballë bluve të Dinamos. Pyetja, sesi kishte ndodhur, që futbollistët e skuadrës së tyre i kishin turpëruar deri në atë gradë, sa të pësonin gjashtë gola pa shënuar vetë asnjë, nuk gjente përgjigje nga askush. Asnjë nuk ishte në gjendje të merrte përsipër të shpjegonte atë që ndodhi në “Selman Stërmasi”, ndonëse, në fund të fundit, dihet që në futboll humbje të tilla surprizë kanë pësuar edhe skuadra më të mëdha se Flamurtari. Por edhe kjo nuk i ngushëllonte sportdashësit vlonjatë. Kjo “heshtje” ndihej deri në mjediset e klubit të futbollit, ku askush nuk ka thënë qoftë edhe një fjalë ngushëlluese, ndonëse edhe dje, në kulmin e dëshpërimit, Kovaçiç e ka nxjerrë skuadrën në një seancë stërvitore. Nga burime tepër të besuara, është mësuar se përpara fillimit të stërvitjes, me skuadrën është zhvilluar një analizë e shkurtër pune, ku kanë marrë pjesë stafi teknik dhe drejtues të saj. Gjatë analizës nuk kanë munguar tonet kritike në adresë të futbollistëve nga ana e trajnerit kroat. Por pas saj, asnjë nga ata, që morën pjesë në këtë analizë të shkurtër, nuk ka thënë asgjë për shtypin, sepse, sipas tyre, kjo ishte një porosi e veçantë e drejtuesve të skuadrës. E vetmja e re, që është thënë nga stafi teknik, është se, gjithnjë sipas tyre, sot paradite pritet të zhvillohet analiza e plotë e kësaj humbjeje të thellë, ndoshta e paparashikuar nga askush. Sipas burimeve, në këtë analizë do të fokusohen përgjegjësitë personale të çdo futbollisti, madje, deri në dyshimet, që mund të hidhen mbi këtë paraqitje të shëmtuar të Flamurtarit në përballjen me Dinamon. Për të pasur një informacion më të plotë për këtë humbje, të vlerësuar si nga më të paprnueshmet për skuadrën vlonjate, trajneri kroat, Kovaçiç, ka kërkuar që të ketë në dispozicion dhe kasetën filmike të ndeshjes. Ndoshta, duke ballafaquar lojën e çdo futbollisti me detyrën e ngakuar për të kryer në fushën e lojës, “Kova” do ta ketë më të lehtë analizën, kërkesën e lllogarisë ndaj skuadrës dhe, pse jo, edhe masat që pritet të jepen për lojtarë të veçantë. Për humbjen është prononcuar edhe sekretari i klubit, Geri Çipi: “Humbja e thellë me Dinamon ngarkon me përgjegjësi ata, që e interpretuan në mënyrën më të keqe këtë ndeshje, që la një shije aspak të pranueshme një skuadër si Flamurtari, të pamësuar me rezultate të tilla bombastike”.

Vlonjatët presin reagim ? Nga burime mësohet se në analizën e sotme ka shumë mundësi të jetë edhe kryebashkiaku Gjika, që për arsye pune nuk e ka ndjekur skuadrën në ndeshjen me Dinamon. Nga ana tjetër, edhe trajneri Kovaçiç, i cili pas ndeshjes nuk është paraqitur në konferecën për shtyp, duket më së shumti për shkak se mungonte përkthyesi, ka mbetur “pa gojë” nga loja e skuadrës së tij dhe humbja shokuese që ajo pësoi. Vetëm një ditë para kësaj ndeshjeje “Kova” ishte shprehur “Edhe pse me mungesa, për shkak të dëmtimeve, skuadra do të luajë e motivuar dhe larg kompromiseve”. Tani, pas kësaj humbjeje, duket se kroati e ka kuptuar se ka çfarë të thotë dhe të bëjë për ata futbollistë, që sipas tij “paguhen si profesionistë dhe luajnë më keq se amatorë”. Ndoshta ky është dhe momenti, kur trajneri dhe ndihmësat e tij duhet të veprojnë, për të bërë atë që kishin ndërmend pas humbjes të pësuar dy javë më parë ndaj Vllaznisë. Opinioni sportiv vlonjat kërkon të reagohet ndaj atyre futbollistëve, që nuk e meritojnë fanellën e Flamurtarit.
_________________
Ngjyr e kuqe ngjyr dashnie e ka frik cdo mi bashkie

admin · Administrator Joined: 10 Jan 2008 Posts: 1870 Status:

Flamurtari pezulon kroatin Deda

Nje nga kroatet e blere ne merkaton e dimrit nga Flamurtari eshte pezulluar nga skuadra menjehere pas humbjes se thelle me Dinamon ne Tirane. Ndaj Anton Dedes, i pranishem ne radhet e Flamurtarit vetem nga janari, eshte marre vendimi ekstrem pas analizes se bere ndeshjes me Dinamon, ku rezultati final solli nje humbje historike te Flamurtarit me rezultatin 6-0. Shkak per perjashtimin e Dedes eshte bere pasiviteti dhe mungeses se rezultateve ne fushe, shoqeruar edhe me loje te dobet. Reagimi i bere ne momentin e zevendesimit te tij nuk eshte kapercyer nga drejtuesit, qe ka ndeshkuar sjelljen e lojtarit.

Koha Jone
_________________
FutbolliShqiptar.net

Partizani_One · Posted: Wed Apr 16, 2008 3:50 pm Post subject:

Zihet me Kovën, largohet lojtari
16 Prill Anton Dedaj, pasi ka polemizuar me trajnerin nuk është dukur në stërvitje

Dje paradite futbollisti shqiptaro?kroat, Anton Dedaj, ka marrë rrugën për t’u kthyer në vendlindjen e tij, Kroaci. Burime të sigurta kanë bërë me dije se largimi i tij ka qenë një vendim i marrë nga drejtuesit e skuadrës, pas replikave të tri ditëve më parë me me trajnerin Kovaçiç. Në mbledhjen ? analizë të humbjes me Dinamon, Dedaj nuk ka pranuar të ketë bërë paraqitje të dobët dhe ka bërë debat me teknikun. Drejtuesit e kanë pezulluar dhe më pas duhet të ketë ardhur “urdhëri” i largimit. Por, sekretari Çipi ka një version tjetër: “Ka nënën sëmurë dhe do të kthehet të mërkurën e javës së ardhshme”. Por, duket thjesht një “taktikë” e përsëritur: përdoret shpesh nga drejtuesit vlonjatë, kur vendosin për të larguar nga skuadra një futbollist të padëshiruar.

Humbja ? Me gojën e mbyllur për shtypin. Me kokën ulur në stërvitje. Kështu ka zgjedhur të “sillet” Flamurtari pas humbjes shokuese nga dinamovitët në Tiranë. Askush nuk ka pipëtirë kur trajneri Kovaçiç, ashtu si disa javë më parë, i ka bërë “zbor” skuadrës. Pa asnjë ditë pushimi, stërvitja ka nisur që të dielën. “Nuk meritojmë asnjë orë, dhe jo një ditë pushimi, duke filluar nga unë i pari e deri tek masazhatori, për atë ndeshje të interpretuar në mënyrën më të keqe të saj”, mësohet të jetë shprehur kreu i pankinës vlonjate. Por “Kova”, ashtu si dhe drejtues të tjerë të Flamurtarit, nuk ka parapëlqyer të japë spjegime për arsyet e asaj humbje. Gjithsesi, në asnjë rast, në bindjen e tij nuk mund të hiqet dorë nga puna dhe stërvitja, për të gjetur moralin e duhur për të harruar atë ëndërr të keqe të ditës shtunë: “Humbja ka qenë e thellë dhe e turpshme, por na duhet të mos jetojmë gjatë me të keqen. Përpara kemi ndeshjen e radhës me Besëlidhjen me jo pak rëndësi për vlerën që kanë për ne tri pikët”.

Post ndeshja, po ndëshkimet?

0?6. Pritej, madje dhe u paralajmërua një “furtunë” mbi futbollistët. Por,... heshtje. Geri Çipi, sekretar i klubit vlonjat, thotë: “Nga ana e drejtuesve dhe stafit të trajnerëve nuk është vënë asnjëherë në diskutim që ajo e së shtunës ishte ndeshja më e keqe e Flamurtarit, dhe jo vetëm në këtë sezon. Përgjegjësia është konkrete për të gjithë skuadrën dhe askush nuk mund të justifikojë e aq më pak të paragjykojë, për atë shfaqje të shëmtuar në fushën e lojës. Por, nuk kemi vepruar. Skuadra ka një vend delikat në renditje dhe duhet të jemi të kujdesshëm për ndeshjet e ardhshme. Të paktën në ndeshjet në fushën tonë, duke filluar që nga ajo me Besëlidhjen, të mos diskutohet fitorja. Megjithatë, një analizë paraprake me skuadrën është kryer, ku janë përcaktuar dhe ata futbollistë që nuk meritojnë të qenurit pjesë e Flamurtari. Nuk do të mungojnë dhe saksionet financiare. Le të presim momentin e duhur...”, ka mbyllur sekretari Çipi.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Apr 17, 2008 5:10 pm Post subject:

Pas largimit të Dedajt, të tjerë duhet të ikin
17 Prill Largimi nga skuadra vlonjate i mesfushorit shqiptar nga Kroacia, Anton Dedaj, është pranuar për mediat me pak sforco prej drejtuesve të Flamurtarit. Ndoshta askush prej tyre nuk do ta kishte bërë të njohur këtë fakt, nëse Dedaj nuk do të ishte parë të martën në mëngjes, teksa largohej nga Vlora me një taksi, për t’iu drejtuar aeroportit të Rinasit “Nënë Tereza”, ku i ka hipur avionit e ka fluturuar drejt vendit të tij. Anton Dedaj kishte ardhur me jo pak bujë në përbërje të skuadrës vlonjate në ditët e merkatos dimërore, ndërsa vetë reklamonte shpesh faktin që dikur për të ishte interesuar edhe stafi teknik i kombëtares kuqezi. Me fillimin e gjysmës së dytë të sezonit, mesfushori u aktivizua në tetë ndeshje dhe shënoi vetëm një gol, në përballjen e fazës së tretë me Besën. Megjithatë, edhe kur e ka nisur ndeshjen si titullar, në asnjë rast nuk e ka përfunduar si i tillë, sepse është zëvendësuar, madje që në pjesën e parë, sikurse ndodhi në humbjen e thellë me Dinamon. Në fakt, zëvendësimi i tij ka ndodhur si në kohën, kur skuadrën e drejtonte trajneri vlonjat Memushi, ashtu edhe tani, kur në pankinë është ulur kroati Kovaçiç.

Dedaj, lojtar “skarco” ? Për opinionin futbollistik vlonjat tashmë është bërë e qartë se, ndonëse i servirur nga menaxherët si lojtar cilësor, ai ishte vetëm një “skarco”, i cili, sikurse thuhet tani, para se të vinte te Flamurtari kishte një vit që nuk luante, për shkak të një dëmtimi. Megjithatë, edhe pse kjo gjendje e tij mund të dihej nga pjesëtarë të stafit të Flamurtarit, sikurse ndodh shpesh në raste të tilla, është preferuar heshtja dhe qëndrimi indiferent, për të mos e prishur me mikun apo shokun. Dhe, po të mos kishte ndodhur përplasja mes Dedajt dhe trajnerit Kovaçiç, ku tekniku kroat e ka kritikuar ashpër edhe për prishje të regjimit sportiv, teksa kishte luajtur me letra tërë natën në prag të ndeshjes me Dinamon, ai s’do të ishte larguar dhe do të vazhdonte të ishte pjesë e Flamurtarit. Në fakt, Kovaçiç, që ditën e parë të punës me skuadrën vlonjate, e kishte bërë të qartë qëndrimin e tij ndaj të huajve: “Çdo futbollist i huaj duhet të jetë më shumë se tridhjetë për qind më i mirë se ata vendas, për të qënë pjesë e formacionit të parë”. Por që të zbatohej ky paralajmërim i “Kovës”, duhej të vinte humbja e thellë me Dinamon. Edhe pse Dedaj është vetëm “viktima” e parë, të cilin drejtuesit vlonjatë nuk dëshironin ta bënin publike, nga burime mësohet se pas tij ka edhe të tjerë, që mund ta pësojnë këtë fat, madje që pas ndeshjes me Besëlidhjen, po nuk bindën se kanë filluar të reflektojnë. Në fakt, disa futbollistë, veçanëriht të huaj, nuk kanë justifikuar besimin e dhënë dhe trajtimin financiar që iu bëhet, ndaj nuk duhet të jenë pjesë e Flamurtarit të ardhshëm, madje, ndonjë e ka mbushur kupën dhe e ka të tepërt çdo orë që qëndron te skuadra vlonjate.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Mon Apr 21, 2008 2:00 pm Post subject:

“Kova”: Jam i zhgënjyer nga rezultati
21 Prill Edhe pse që ditën e parë që filloi punë në krye të pankinës së Flamurtarit, trajneri kroat, Kovaçiç kishte deklaruar se për të dhe skuadrën e tij do të ishte i papranueshëm barazimi për ndeshjen në “shtëpi”, tashmë kjo është bërë një fakt i kryer. Këtë rezultat, jashtë dëshirës për skuadrën vlonjate, e ka bërë ditën e shtunë në Vlorë një skuadër si Besëlidhja, që dikush, në prag të ndeshjes shprehej me siguri të plotë për fitoren. Kështu, tani, kur kanë kaluar pak më shumë se një muaj që “Kova” është në krye të Flamurtarit, i ka provuar të tre llojet e rezultateve që prodhon një ndeshje futbolli. “Të lësh pikë në një ndeshje në fushën tënde, nuk besoj se është e pranueshme për një skuadër si Flamurtari. Unë jam trajner me përvojë dhe kur shikoj që skuadra nuk mori shpërblimin që kërkoi gjatë gjithë ndeshjes, nuk mund të them se jam ndier mirë. Kemi krijuar shumë raste për shënim, por na mungoi goli i fitores. Nuk jemi treguar të saktë në finalizimin e aksioneve”, kanë qenë fjalët e trajnerit kroat, Kovaçiç. Ndërkohë, përsa i përket tifozëve vlonjatë, kur është pyetur, ai ka thënë: “ U bënë dy ndeshje që tifozeria jonë nuk kënaqet me rezultatin që po merr skuadra. Jemi një skuadër me futbollist me moshë të re dhe pa përvojën e duhur, ku më shumë se çdo gjë tjetër kërkohet vetëm punë dhe stërvitje. Rezultatet nuk t’i dhuron askush, përveç lojtarëve tanë. Tifozët në tribuna me të drejtë kërkonin fitoren. Le të besojmë dhe të shpesojmë se në ndeshjet e ardhshme nuk do të mugojnë emocione të tilla për tifozerinë dhe dëshirën tonë”, ka përfunduar prononcimin e tij i pari i pankinës vlonjate, kroati Sllavko Kovaçiç.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Apr 23, 2008 1:15 pm Post subject:

Kovaçiç mendon edhe për play?out
23 Prill Barazimi me Besëlidhjen ka bërë që vlonjatëve t’u prishet pak “terezia”, për t’i qëndruar larg zonës së ftohtë në renditje. E thënë më hapur, në pesë javët e fundit, duke filluar që nga ndeshja e ardhshme me Teutën, kuqezinjtë e Vlorës duhet të ecin me “llogari”. “Kundështarët nuk i kemi larg nga dy anët u ndodhemi në klasifikim. Duhet të zgjedhim me shumë guxim më të mirën. Çdo gabim në ndeshjet e ardhshme na kushton, duke na afruar pranë rrezikun e plejautit. Çdo sukses na bën më të qetë në mesin e artë ku jemi, por na krijon dhe mundësinë për të ngjitur shkallë në renditje. Zgjedhjen më të mirë e kemi vetë në dorë për ta bërë, ashtu siç dhe do të kërkojmë dhe të paraqitemi në ndeshjet e ardhshme”, ka thënë jo më larg se dje, trajneri i Flamurtarit, kroati Sllatko Kovaçiç. I interpretuar pak me kujdes, ky prononcim i Kovës kërkon të thotë se vendi që ka në klasifikim Flamurtari nuk jep shumë siguri për të ardhmen. Por, më shumë se kaq, ai ka dashur të thotë se, deri në fund të këtij kampionati, Flamurtari do të luajë me “letra të hapura”, për të marrë pikë.

Në fakt, kundër atyre që duan të thonë se vlonjatëve nuk iu duhen shumë pikë, sepse nuk rrezikojnë, është jo vetëm trajneri Kovaçiç, por dhe pjesa tjetër e stafit dhe vetë skuadra. Këtë kërkon të thotë në prononcimin e tij dhe zëvendëstrajneri Ardi Behari: “Eshtë normale që në javët e fundit çdo skuadër fillon e bën llogari për vete, por dhe për kundështrarët që ka pranë. Me shqetësim jetojnë, jo vetëm ata që ndodhen në pozitën tonë, ose më keq, që kërkojnë të shmangin rrezikun, por dhe ata kërkojnë të gëzohen për titullin dhe vende nderi. Kështu, kur të gjithë fillojnë e bëjnë llogari për vete, dikush edhe për tjerët, nuk ka se si të mos reagohet. Dhe Flamurtari, pas barazimit javën e kaluar, është i detyruar ta bëjë këtë. Jo për të tjerët, siç ndodh rëndom në fund të kampionatit, por për llogari të tij”.

Prej këtej, Behari “ndan detyrat”: “Na duhen pikë, jo thjesht për të siguruar mbijetesën, por, pse jo, për synuar që të lëvizim nga vendi tetë, ku jemi stacionuar për shumë javë”.

Përgjigjen më të mirë, në këtë rast e jep vetë trajneri Kovaçiç: “Në pesë javë drejtimi te Flamurtari kam jetuar me emocionet dhe shijet e fitores, humbjes dhe tani së fundi, edhe të barazimit. Janë rezulate që i njeh një ndeshje futbolli, edhe pse duhet të pranoj se Flamurtarit i duhen pikë në çdo ndeshje. Skudra ka mundësi dhe dëshirë. Kalendari, në pamje të parë, duket i lehtë për t’u kaluar, por e vërteta është shumë më ndryshe nga se mendohet. Javën e kaluar, në ndeshjen me Besëlidhjen, të zhvilluar dhe në fushën tonë, skuadra bëri lojën dhe krijoi raste të shumta, por miqtë morën pikën e dëshiruar. Kjo nuk duhet ndodhë në asnjë nga ndeshjet e ardhshme, duke filluar që këtë javë me Teutën. Tani e në vazhdim s’ka më llogari”, ka mbyllur “Kova”.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Apr 24, 2008 1:37 pm Post subject:

Vlonjatët, për pikë në “derbin bregdetar”
24 Prill Edhe pse ndeshja e së shtunës, me Teutën në “Niko Dovana”, nga vlonjatët vlerësohet si e vështirë, përsëri ata janë optimistë se nuk do të dalin pa pikë nga ky ballafaqim interesant, që njihet edhe si “derbi bregdetar” i kampionatit shqiptar. Ndërsa po përgatiten me seriozitet për këtë ndeshje, ata kujtojnë dy përballjet e mëparshme të këtij kampionati, ku njërë e kanë humbur me durrsakët ndërsa tjetra ka përfunduar në barazim, ndërsa gjithçka është përmbysur në minutat shtesë. Lidhur me këtë fakt, është shprehur mesfushori Taluant Kuqi. “Nuk mund t’i harrojmë lehtë dy ndeshjet e kaluara me këtë skuadër, ? thotë Kuqi. ? Kemi humbur në fazën së parë, në ndeshjen e luajtur në Durrës, që u paragjykua nga gjyqtarët. Pesë minuta përpara përfundimit të ndeshjes ishin në avantazh dhe në fund jemi ndëshkuar me dy gola fantazmë. Edhe në ndeshjen e fazës së dytë, në Vlorë, miqtë na kanë barazuar në minutat shtesë të ndeshjes me një gol shumë të dyshimtë. Të shtunën do të jemi përballë njëri?tjetrit për herë të tretë. Kemi besim se këtë radhë, edhe pse ndeshja zhvillohet në stadiumin e Durrësit, nuk do të dalim pikë nga pikë nga fusha e lojës”.

“I bëjnë gabim llogaritë” ? Sipas mbrojtësit të majtë, Halim Begaj, nga rezultati pozitiv i kësaj ndeshjeje Flamurtari do të ndihet më i qetë në renditje, ndërsa nënvizon: “Këto ditë po ndjekim në shtyp euforinë që ka pushtuar kampin durrsak, se në ndeshjen e së shtunës, ndaj Flamurtarit, nuk e diskutojnë fitoren. Ata bëjnë llogaritë e tyre, por gabojnë në parashikimet, sepse kanë për t’u befasuar nga paraqitja e skuadrës sonë. Askush të mos mendojë se Flamurtari do të hedhë hapa të gabuar në këto pesë ndeshjet e fundit të kampionait. Duke filluar që nga kjo ndeshje, ku do të guxojmë të marrim me çdo kusht pikë, por dhe në vazhdim, ne asnjëherë nuk do e mendojmë se Flamurtari do të rrezikojë për mbijetesë, përkundrazi, synimi do të jetë të ngjitemi në renditje. Për mendimin tim, momenti më i mirë, për të arritur një rezultat të kënaqshëm, është që këtë të shtunë”.

“I njohim mirë durrsakët” ? Fantazisti Hair Zeqiri të shtunën pritet të kthehet si titullar në formacion. Kur vjen radha për të folur për ndeshjen me Teutën, pasi tregon se po përgatiten me seriozitet, Zeqiri kujton edhe dy ndeshjet e kaluara mes tyre: “Jemi ndëshkuar në minutat e fundit të ndeshjes, duke na hequr nga duart rezultatin që kemi merituar. Kjo është dhe një arsye më shumë që të kërkojmë të marrim më të mirën në këtë përballje të tretë. I njohim mirë lojën e Teutës dhe lojtarët e saj, ndaj nuk ka përse të mos të pretendojmë për të marrë pikë”.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri Apr 25, 2008 6:34 pm Post subject:

Flamurtari. Kova, sulmi “kolaudohet”
25 Prill Në seancat stërvitore të këtyre ditëve, në kuadrin e përgatitjeve për ndeshjen me Teutën, kreu i pankinës së skuadrës vlonjate, kroati Kovaçic, është parë të punojë veçanërisht me grupin e futbollistëve, që mendohet të jenë të besuarit e tij në organizimin dhe finalizimin e manovrës sulmuese. Kështu, Mema, Cani, Shehaj, Zeqiri, Veliu dhe Shabani kanë praktikuar gjuajtjet në portë, lëvizjet taktike në zonë dhe deri skemat në ekzekutimin e goditjeve stadarde. Nisur edhe nga kjo punë speciale, përforcohet mendimi se në ndeshjen me “djemtë e detit” vlonajtët do të kërkojnë të luajnë një ndeshje me theks sulmues dhe me synimin për një rezultat pozitiv. Nga ana tjetër, kjo punë e “Kovës” argumentohet edhe faktin se në ndeshjen e javës së kaluar, me Besëlidhjen, janë shpërdoruar shumë raste shënimi për gol, duke e lënë “peng” fitoren e premtuar. “U krijuan shumë raste në ndeshjen e javës së kaluar, ? thotë kovaçiç, ? por mungoi goli, pra dhe fitorja. Një ndeshje futbolli ka si qëllim final shënimin e golit dhe jo numërimin e rasteve të humbura përpara portës kundështare. Rasti që të vjen një herë nuk të përsëritet. Kur këto raste të humbura bëhen shumë, mendo sa keq ndihen tifozët, shokët e skuadrës dhe ne drejtuesit. Kemi nxjerrë mësime nga këto defekte, ndaj po përqendrohemi më shumë në punën me sulmuesit. Në ndeshjet e tjera, duke filluar nga ajo me Teutën, do të kërkoj nga futbollistët, të cilëve do u besoj të jenë në fushë, që të kryejnë më mirë detyrën e të konkretizojnë lojën e skuadrës me rezultat pozitiv”. “Kova” ka shpjeguar se në çdo ndeshje e motivon skuadrën për luajtur me shpirt gare dhe me dëshirën për rezultat pozitiv. “Në asnjë rast nuk i lejoj futbollistët të jetojnë gjatë me ndeshjen që lëmë prapa. Edhe për ndeshjen me Teutën kështu kemi vepruar, duke e vlerësuar në çdo drejtim kundërshtarin. Të gjithë përgatitjen e kemi kryer me synimin që edhe në këtë ndeshje të shënojmë dhe të mos dalim nga fusha pa pikë” ka mbyllur Kovaçiç prononcimin.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sat Apr 26, 2008 1:52 pm Post subject:

Behari: Presionet na motivojnë më tepër
26 Prill Flamurtari sot do të luajë një ndeshje të rëndësishme në “Niko Dovana” të Durrësit, për të cilën është përgatitur me mjaft kujdes gjatë gjithë javës, sidomos në planin taktik. Në seancat stërvitore është vërejtur një klimë optimiste, ndërsa trajneri kroat, Kovaçiç, i ka kushtuar mjaft veprimeve taktike, sidomos në drejtim të sulmit. Duke folur për atmosferën në prag të kësaj ndeshjeje në transfertë, ndihmëstrajneri Ardi Behari është shprehur: “Përmes mediave jemi njohur me objektivin që i kanë vënë vetes durrsakët, për ta fituar me çdo kusht këtë ndeshje. Sigurisht, ata kanë të drejtë të bëjnë llogaritë e tyre, por, sa më shumë që kundërshtari të ushtrojë presion psikollogjik ndaj skuadrës sonë, aq më tepër motivohen lojtarët tanë. Ky moment është pozitiv për ekipin tonë, që është mobilizuar për të mos dalë pa pikë nga stadiumi i Durrësit”. Megjithatë, Behari kujton faktin se, ndonëse ka gjashtë pikë më pak, Teuta në dy ndeshjet e deritanishme ka qenë befasuese me rezultatet ndaj Flamurtarit, kur ka fituar në Durrës dhe ka barazuar në Vlorë. “Në të dy ndeshjet jemi ndëshkuar në minutat e fundit dhe ato shtesë, duke na ikur fitoret nga duart. Teuta është një skuadër, që lufton deri në vërshëllimën e fundit të ndeshjes, ndaj duhet patur mjaft kujdes. Këtë herë do të jemi ne që do të imponojmë me lojën sulmuese dhe i kemi marrë masat për ta administruar sa më mirë ndeshjen” ka nënvizuar Behari.

Mungesat nuk shqetësojnë ? Në ndeshjen e sotme Flamurtari do të jetë i detyruar të luajë me pesë mungesa: Paniç, Beqiri, Malaj e Brajkoviç, të pezulluar prej kartonave, dhe Rustemi i dëmtuar. Me skuadrën është bashkuar brazialiani Flavio Zhunior, i kthyer nga dëmtimi, që ka shumë mundësi të jetë në pankinë. Megjithatë, Kovaçiç dhe stafi tij nuk kanë shfaqur ndonjë shqetësim dhe nuk e kanë humbur besimin për të dalë me pikë nga kjo ndeshje. Në të kundërt, sikurse shprehen ata vetë, me zgjidhjet që janë piketuar skuadra do të funksionojë ndoshta dhe më mirë se në ndeshjet e tjera jashtë “shtëpisë”. Rreshtimi taktik në fushë nuk do të ketë ndryshim, teksa do të jetë po 4?2?3?1, por në formacionin bazë do të përfshihen mbrojtësi Arifaj dhe mesfushori fantazist Zeqiri.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu May 01, 2008 6:20 pm Post subject:

Vlonjatët, “firo” nga skualifikimet
1 Maj Edhe në ndeshjen e së shtunës së ardhshme, me Kastriotin, skuadra vlonjate do të duhet të përballet me “firo” të futbollistëve titullarë, për shkak të skualifikimeve prej kartonave. Nga katër futbollistët, që në ndeshjen e javës së kaluar në Durrës, ndaj Teutës, u ndëshkuan me kartona të verdhë, tre prej tyre, dhe pikërisht Guga, Alvizh dhe Zeqiri, janë të detyruar që përballë Kastriotit të “pushojnë”, pasi do të jenë të pezulluar për shkak të plotësimit të numrit të kartonve. Por këtyre u shtohet edhe mbrojtësi Beqiri, i cili duhet të plotësojë numrin tre të ndeshjeve të pezulluara, sepse ka koleksionuar nëntë kartona të verdhë në këtë kampionat. Gjithsesi, katër mungesa nuk janë pak, për më tepër që Flamurtari, në çdo ndeshje të fazës së tretë, ka patur mesatarisht dy deri në tre lojtarë të skualifikuar. Por ky problem është bërë më shumë shqetësues në tri javët e fundit, ku janë regjistruar deri në pesë futbollistë të skualifikuar. Gjithsesi, shkaqet përse ndodh kështu dihen, ndërsa drejtuesit e skuadrës nënvizojnë faktin se futbollistët nuk tregohen profesionistë të vërtetë, për t’i shmangur momente të tilla gjatë ndeshjes. Në një bilanc të bërë, kur duhen edhe 4 ndeshje që kampionati të ulë siparin, rezulton se Flamurtari është ndëshkuar me 82 kartona të verdhë dhe 4 të kuq (31 të verdhë dhe 2 të kuq i përkasin fazës parë, 32 të verdhë dhe 2 të kuq fazës së dytë, ndërsa 19 kartona të verdhë janë marrë vetëm në shtatë ndeshjet e fazës së tretë). Duke vazhduar më tej, statistikat tregojnë se në asnjë ndeshje të këtij kampionati Flamurtari nuk ka shpëtuar pa u ndëshkuar, duke pasur një mesatare rreth tre kartonë. Kur njihesh me fakte të tilla, mendja të shkon se kemi të bëjmë me një problem shqetësues, jo vetëm për shumat financiare që duhen derdhur në arkën e federatës, por edhe në planin sportiv, sepse skuadra ka qenë e detyruar të përballojë çdo ndeshje të kampionatit me “firo” të titullarëve. Edhe trajneri kroat, Kovaçiç, e ka shprehur shqetësimin e tij për këtë fenomen: “Në gjykimin tim, kaq shumë ndëshkime në skuadër janë të pajustifikueshme. Futbollistët tregohen të pakujdesshëm në situata të veçanta të ndeshjes, duke bërë gabime që mund të evitoheshin. Pa pjesën e gabimeve të tyre nuk mbesin edhe gjyqtarët, që në ndonjë rast na kanë ndëshkuar për të na dëmtuar në ndeshjet pasardhëse. Megjithatë, lojtarët tanë duhet të bëjnë shumë kujdes në këtë drejtim, sepse ndëshkimet e tyre ndikojnë direkt në rezultatet e ndeshjeve”.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Superliga	All times are GMT + 1 Hour Page Previous 1, 2, 3, 4, 5, 6 Next
Page 5 of 6