KS Laci

Register · Status:

K.F. LAÇI · Posted: Fri May 09, 2008 10:52 am Post subject: “Bylisi s’bën dhurata"

Roshi premton fitoren e fundit para ballshiotëve

“Bylisi s’bën dhurata,
Laçi me fat humbësi”

Vendësit kërkojnë të kundërpërgjigjen për humbjen në Kurbin

Në Ballsh, edhe
Laçi do të ketë fa
tin e humbësit.
Bylisi nuk llogarit tjetër rezultat
përveç fitores”.
Kështu deklaron mesfushori
Klevis Roshi, para
ndeshjes me kurbinasit. Ky
takim do të jetë i fundit, që
Bylisi do të luajë përballë
publikut të vet për sezonin
2007–2008. Java ka qenë e
ngarkuar me përgatitjet që
janë bërë për të realizuar
me sukses mbylljen dhe
për të dhuruar spektakël
para sportdashësve mallakastriotë.
Roshi që ka
dhuruar golin e barazimit
në një ndeshje të tensionuar,
të luajtur në Kamzë,
shprehet se: “Skuadra ka
lënë pas një ëndërr të keqe
dhe tani po mendon e motivuar
vetëm për takimin e
radhës. Tifozeria jonë pret
kurorëzimin e skuadrës
me titullin Kampion. Pasi
kemi përmbushur objektivin
për ngjitjen në Superiore,
tashmë ne do t’i
dhurojmë publikut tonë
edhe titullin Kampion, për
të ndezur festën dhe
shumëfishuar gëzimin. E
shtuna do të jetë dita që do
të nënshkruajë përfundimisht
Bylisin si Kampion
i Kategorisë së Parë”. Më
tej, Roshi siguron se
kundërshtari nuk do ta
gjejë në befasi nga euforia.
“E dimë dhe e kemi të
qartë se me kë luajmë. Laçi
mund të vijë me euforinë e
rezultateve që ka siguruar
në javët e fundit dhe mund
të mendojë se do të gjejë
Bylisin të shokuar nga ajo
që ka ndodhur në Kamzë.
Por unë i siguroj se do të
gjejnë një ekip më të fortë
se kurrë dhe më të etur se
asnjëherë tjetër për fitore.
Gjatë këtij kampionati, i
kemi bindur një herë të
tjerët dhe mbarë opinionin
sportiv për garën e
ndershme që ne kemi zhvilluar.
Edhe këtë herë,
këtë do të bëjmë. Do të luajmë,
do të fitojmë dhe do
të kemi ditën e festës
sonë, ditën e rikthimit me titull drejt kampionatit të
“të mëdhenjve”. Do ta arrijmë
fitoren përmes një
futbolli korrekt dhe të
bukur që di të zhvillojë
Bylisi”, shprehet mes të
tjerash mesfushori i
mallakastriotëve, Klevis
Roshi. Takimi ndaj Laçit do të luhet në kuadrin e
javës së 33-të të kampionatit
të Kategorisë së
Parë dhe në rast fitoreje,
Bylisi do të përmirësojë
edhe bilancin me
laçianët, pasi takimi i
fazës së parë është fituar
nga skuadra veriore.
_________________
Oleee Oleee Oleeee Oleee kush esht me Industrialin te vije ketu me ne!!!!!!!!

K.F. LAÇI · Posted: Sat May 10, 2008 11:21 am Post subject: Re: “Bylisi s’bën dhurata"

PARAAAAAA LAÇI. FITORE PER KURBININ SOT ÇUNA. U SE HARROVA EDHE PER LUSHNJEN SE GJYNAH. Laughing

_________________
Oleee Oleee Oleeee Oleee kush esht me Industrialin te vije ketu me ne!!!!!!!!

K.F. LAÇI · Posted: Sun May 11, 2008 12:18 pm Post subject: LAÇI

Kryesuesit humbasin. Qindra ballshiotë largohen nga stadiumi pa festuar

Bylisi, tifozët dyshojnë për trukim

Në pjesën e dytë u bë tifo për Laçin, por u dëgjuan edhe thirrjet: “E shitët!”

BYLISI–LAÇI
BYLISI: Egbo, Prela, Bedini,
Driza (Heqimi 46’), Ziambo,
Novi, Kule, Muhamadou (Besha
45’), Roshi, Dimo, Bakiu.
Trajner: F. Sejdini.
LAÇI: Rizvani, Sekseri, Çela,
Dollaku (Shazivari 35’), Kastrati,
kola, Kashari, Muçollari
(Ahi 52’), Sefgjini (Baçi 74’),
Çerepi, Tanushi.
Trajner: S. Nica.
GOLAT: Bakiu 34’ / Kola 47’,
Çerepi 76’.
GJYQTARË: A. Janku (Tiranë),
R. Çokaj (Lezhë), E.
Biçaku (Tiranë).

Bylisi–Laçi ka nde
zur atmosferën që
para fillimit të
takimit, përmes fishekzjarrëve
e banderolave,
me sloganin “Bylisi–
Kampion”. Madje, që
në fillim të pjesës së
dytë, publiku nuk ka
përkrahur skuadrën e
vet, por ka bërë tifo për
kurbinasit, ku nuk
kanë munguar as thirrjet
akuzuese “E
shitët!”, adresuar futbollistëve
dhe stafit
drejtues të Bylisit. Pjesa
e parë në tërësi ka
qenë e qetë dhe me fare
pak raste për shënim
në portat respektive.
Në minutën e 31-të,
Çela do të provojë nga
rreth 20 metra me një
gjuajtje që nuk përbën
aspak problem për
portierin e Bylisit. Reagojnë
vendësit. Ziambo nis
një pasim drejt Dimos, që ka
gjuajtur jo siç duhet dhe ka
larguar me këmbë portieri
Rizvani. Në minutën e 34-t
do të jetë sërish Dimo që inspiron
një sulm të të tijve.
Gjuan në hyrje të zonës, topi
përplaset te mbrojtësi Sekseri
dhe shkon drejt Bakiut, i cili
realizon qetësisht golin e
avantazhit për Bylisin. Pas
kësaj minute duket se loja për
fierakët ka përfunduar, pasi
nuk duket thuajse fare në
fushën e lojës. Janë miqtë ata
që sulmojnë vazhdimisht
dhe që kërkojnë të barazojnë.
Në katër minutat e fundit tentojnë
dy herë Kola e një herë
Sefgjini, por arrijnë të ndalen
nga ndërhyrjet e sakta të portierit
Egbo. Pjesa e dytë është
luajtur vetëm në një portë.
Laçianët mund të kishin
shënuar edhe disa gola të
tjerë. Ballshiotët sikur nuk
ekzistojnë në fushë dhe nuk
kanë shkuar as edhe një herë
të vetme drejt portës së Rizvanit.
Në minutën 47, Çerepi
ka depërtuar pa vështirësi në
zonën e Bylisit, nis një pasim
drejt Kolës, i cili ka barazuar
shifrat në 1–1. Miqtë vijojnë
të jenë në aksion. Në minutat
54, 59’, 62’, Tanushi, Ahi dhe
Sefgjini do të bëjnë më të vështirën
teksa kanë shpërdoruar
raste shumë të pastra shënimi.
Në minutën 67, Sekseri
kryen një sllallom, teksa
driblon 2-3 futbollistë të Bylisit
dhe në momentin final, ka
ndërhyrë Besha, që ka
zgjidhur gjithçka. Në
minutën 70, Sefgjini e Tanushi
nuk merren vesh siç
duhet me njëri–tjetrin. Në të
75-ën, i sapofuturi në lojë,
Baçi, “vallëzon” mes
mbrojtjes vendëse, por gjuan
jashtë. Një minutë më vonë,
pasi ka marrë një top nga Ahi,
nga krahu i djathtë i sulmit
të Laçit, Çerepi gjuan bukur,
por topi përplaset në shtyllë
dhe përfundon në rrjetë. Bylisi–
Laçi 1–2 dhe pas kësaj
nuk ka më histori. Një tifozëri
që largohet nga stadiumi
pa festuar, një Bylis që
ka lëshuar drejt publikut hijet
e dyshimit për ndeshje të
trukuar. Laughing

_________________
Oleee Oleee Oleeee Oleee kush esht me Industrialin te vije ketu me ne!!!!!!!!

K.F. LAÇI · Posted: Mon May 19, 2008 10:40 pm Post subject: Re: LAÇI

Ekipi fierak, i drejtuar nga trajneri Gerti Haxhiu, i doli zot vetes për në Superiore
Apolonia, fituesja e madhe
Kurbinasit luajtën shkëlqyer dhe me fair-play në fushën e tyre, por dje fati s’ishte me ta

LAÇI-APOLONIA 1-1
LAÇI: Rizvani, Sekseri, Çela,
Kastrati, Shazivari, Kola,
Muçollari, Mustafaraj,
Sefgjini (Kashari 46’),
Çerepi (Ahi 40’), Tanushi.
Trajner: S.Nica
APOLONIA: Dine, Shoshi, Spaho,
Elmazi, Meto, Da Silva, Guna
(Nikolla 90’), Gega, Gërço,
Çerçizi (Popesko 85’),
Dhrami (Junior 60’).
Trajner: G.Haxhiu
GOLAT: Tanushi 84’/ Gega 22’
KARTONË TË VERDHË: Muçollari,
Tanushi, Sekseri/ Gega, Çerçizi.
GJYQTARË: A.Romeo,
G.DeSantis, F.Lanciani (Itali)

ARDI HASANI
Laçi e filloi me një
barazim dhe po me
barazim e mbylli këtë
kampionat të 69-të kombëtar të
Kategorisë së
Parë. Takimi i
djeshëm ka
prishur gjithçka
që kurbinasit
kishin ndërtuar.
Skuadra nuk
është mjaftuar
me një pikë, pasi
nga Cerriku
kanë mbërritur
lajme të këqija.
Matjanët kanë
fituar dhe kanë
p a r a k a l u a r .
Gjithsesi Laçi
ishte superior në
këtë përballje.
Rrethuar nga
një atmosferë
festive, formacioni
i Nicës ka
krijuar epërsi të
jashtëzakonshme. Te goli shkojnë
thuajse të gjithë lojtarët.
Tanushi, Muçollari, Mustafaraj,
Çela, Shazivari, Ahi. Përballë një
Dine dhe një muri mbrojtës me
Shoshin protagonist. Madje do
të ishin miqtë ata, të cilët që në
vizitën e parë te Rizvani, do
kalojnë përpara. Gega ka gjuajtur
thjesht dhe ka gjetur të papërgatitur
ruajtësin vendës. Në
pjesën e dytë Nica ka bërë ndryshime,
por dhe spostime. Ahi në
qendër të sulmit në krah të Tanushit.
Raste të panumërta kur
në minutën e 67-të, topi i goditur
nga kapiteni laçian, Tanushi,
godet shtyllën. Dhe goli
vjen nga kurbinasi që në të 84’
ka barazuar. Minutat e mbetura
janë të nxehta. Duel i madh
mes sulmit bardhezi dhe
mbrojtjes fierake. Tri herë në kohën
shtesë topi gjendet në vijën
fatale, por gol triumfi nuk ka.
Pas vërshëllimës së Romeos,
miqtë festojnë gjatë në Laç. Ndërsa 5000 fansat e pranishëm në stadium pranojnë në heshtje verdiktet e fatit. Apolonia
në Superiore dhe Laçi në vend të pestë. “Qepenat” e bardhezinjve
ulen këtu, duke pranuar
në një farë mënyre dështimin
sezonal. Atmosfera festive
mbeti në tentativë. Ky është futbolli
i vërtetë, që dje në Laç dha
imazhin e atij të përparuar. Fitoi
loja magjike, që në Kurbin po përshkohet
edhe përmes fair-play.
Crying or Very sad

Click to see full size image
_________________
Oleee Oleee Oleeee Oleee kush esht me Industrialin te vije ketu me ne!!!!!!!!

KS_Besa · Fillestar Joined: 31 Jan 2008 Posts: 64 Status:

me vjen mire qe po mbushen stadiumet ne cdo kategori. per Lacin me thene te drejten se doja ne Superlige se gjithmon ka pasur probleme dhe rremuje ne Lac.

megjithate bravo per sezonin dhe besoj se e meritonit para Burrelit

K.F. LAÇI · Posted: Mon May 19, 2008 10:53 pm Post subject:

K.F. LAÇI · Posted: Thu May 22, 2008 4:10 pm Post subject:

Futboll

Tanushi rrëfen “infiltrimin”
22 Maj Laçianët janë pyetur dje në Federatë për akuzën e ngritur ndaj fierakëve, për trukim të ndeshjes

Të martën dhe të mërkurën, kurbinasit ishin në institucionin më të lartë të futbollit shqiptar në kryeqytet. Shkak për këtë janë bërë zhvillimet e fundit, të cilat erdhën pas ngjarjeve të pazakonta para ndeshjes Laçi ? Apolonia. Laçianët deklarojnë dhe këmbëngulin me forcë se, drejtuesit fierakë kanë përdorur hapur metoda të turpshme korruptive, në këmbim të rezultatit. Sipas tyre, krerët e sportit në Shqipëri, si dhe organizmat përgjegjëse, duhet të ndalen me dorë të hekurt.

Laçianët kanë depozituar të martën paradite, në sektorin e garave, një kasetë me pamje tronditëse në të cilën dallohet qartë angazhimi i stafit fierak për t’i paguar 15.000 dollarë disa lojtarëve kurbinas. Jo vetëm kaq. I pari i klubit bardhezi, Pashk Laska, gjithçka nga dokumentacioni i vënë në dispozicion, e ka shoqëruar me një deklaratë të një punonjësi të Abisnetit Fier, ku pranohet, me nënshkrimin e vullnetshëm dhe pa as më të voglin dyshim, prapaskena e përgatitur nga eprorët e Apolonisë, në dëm të futbollit të vërtetë. Seria e monedhave amerikane është një tjetër provë, prej së cilës askush s’mund të shmanget. Njëri nga pjestarët e telenovelës së iniciuar nga fierakët dhe “luajtur” gjer në fund nga njëshi i Laçit, Laska, është sulmuesi E.Tanushi. Kurbinasi, i cili njihet për ndershmëri dhe karakter të fortë, u desh të qëndronte në këtë mesele që, sipas tij, u krye në dijeni të plotë të Laskës. Për dy minuta, në ekranet e televizioneve, dy futbollistë të Laçit dhe njeriu nga Fieri tërhoqën vëmendjen e shikuesit, çka ka bërë që rreth figurës së tij të ketë ndonjë deformim. Gjithsesi, është vetë kapiteni i Laçit që shpjegon pozicionin real me fjalët: “Nuk arrij të besoj se çfarë ka ndodhur. Pranova të takohem me njerëz që më thërritën për kafe. Mendova se mos ishte ndonjë mik i hershëm kur unë luaja në Fier. Sapo më kanë hapur biseda për trukim të ndeshjes, jam tronditur dhe më pas kam njoftuar presidentin tim. E ndieja detyrim. Unë jam kapiteni i skuadrës dhe përgjegjësia është e madhe. Ndaj bëra atë që më dukej më normale. Pas një pauze, presidenti i Laçit më tha se duhej të bëja të “korruptuarin”. Më besoni, nuk isha më ai që më njohin”. Tanushi vijon: “Duket se kreu ynë, me këtë veprim, kërkonte të ruante grupin për të mos pasur të tjera ndërhyrje. Me mbërritjen e Laskës në vendin ku ishim ulur, gjithçka u deklarua nga personi me para në duar, mbërritur nga Fieri. E përsëris: unë nuk mund të shitem, jo për 15.000 $, por as për qindra milonë të tillë. Unë e quaj rast unikal, të paprecedent dhe katërcipërisht të dënueshëm. Denoncova këtë rast dhe pranova të bëhem palë me njerëzit e ndershëm të futbollit, duke besuar në drejtësi... Ata gjithnjë kanë kërkuar fakte dhe faktet ja tek i keni”, tha Eduart Tanushi dje pas kthimt nga zyrat e FSHF?së, ku ishte thirrur për t’u dëgjuar nga inspektorët e saj.
_________________
Oleee Oleee Oleeee Oleee kush esht me Industrialin te vije ketu me ne!!!!!!!!

K.F. LAÇI · Posted: Tue May 27, 2008 5:33 pm Post subject:

LAÇI
Laçianët gjatë këtyre ditëve kanë pritur një vendim nga Disiplina. Akuzuesit nga Laçi mbetën të zhgënjyer nga sektori i garave, që sipas kurbinasve lejoi të zhvillohej faza e play-off-it. Faktet e shumta korruptive dhe zhurma mediatike për përfshirjen e Apolonisë në afera të tilla u kyçën në sirtar. Nga Laçi deklarojnë se “dosja” është e hapur. Sipas tyre, FSHF-ja po paragjykon disa skuadra dhe po privilegjon të tjera. Me këtë veprim, sektori i garave duket se bëhet palë me Apoloninë, e cila dorëzoi në duart e futbollisteve laçianë, Kurbinasit, të zhgënjyer nga FSHF-ja vetëm pak orë nga zyrtarja mes tyre, monedha amerikane në këmbim të rezultatit. Jo vetëm heshtja ndaj realitetit e këtyre pazareve që fieraket bënë me futbollistë laçianë, por dhe caktimi i një gjyqtari të huaj (s’kishte ndodhur ndonjëherë në Shqipëri me ekipe te ligave inferiore) vlerësohen si afeksion i madh për kampe të ndryshme në kohë të njëjtë. Megjithatë laçianët shprehen se do bëjnë të tyren. Procedurat e mëtejshme ligjore shihen si mënyrë efikase që pas denoncimit publik mund të japin efektin e duhur. Ardi Hasani Crying or Very sad

_________________
Oleee Oleee Oleeee Oleee kush esht me Industrialin te vije ketu me ne!!!!!!!!

K.F. LAÇI · Posted: Wed Jun 04, 2008 2:02 pm Post subject:

Donatori kryesor i kurbinasve nuk heq dorë nga objektivi
Laska plot ambicie,
Laçi në Superiore
Bashkëpunimi i ngushtë me bashkinë do të forcojë financën
Sekretari dhe donatori
kryesor i Laçit, Pashk
Laska, të premten
dhe të martën ka pasur takime
pune me kryebashkiakun e
Laçit, Luigj Isufi. Javën e shkuar
në tryezë asistoi dhe deputeti i
zonës, Pal Dajçi, dhe sipas
Laskës u fol “ngushtë” për edicionin
që u mbyll. Të martën
mësohet se njeriu kryesor i futbollit
në Kurbin paraqiti te vendori
i lartë projektet e së
ardhmes. Klubi i Laçit, i cili
mbeti për një pikë të vetme larg
zonës play-off, ka akuzuar fort
makinacionet e takimeve të
fundit. Kjo duket se nuk ka gjetur
zgjidhje konkrete nga sektori
i garave në FSHF. Ndaj,
laçianët kanë hedhur vështrimin
nga e ardhmja. Në plan
ata kanë rritjen e parametrave
në infrastrukturë, baza kryesore
e lojës me këmbë. Por nga
kampi bardhezi ka sinjale edhe
ARDI HASANI
për riformatimin e grupit.
Megjithëse nuk ka ende emra,
ndërkohë që futbollistet vijojnë
pushimet, nën zë pranohet se
gjithçka do të nisë që nga stafi
teknik. Do të rinovojë Nica apo
do të kemi një “bum” të ri. Do të
ruhet kontigjenti apo do afrohen
elementë më të zotë? Gjithsesi,
nga Laçi janë deklaruar
largimet e para. Sipas drejtuesve
kurbinas nuk do të thirren
për të kontribuar edicionin
e ardhshëm futbollistë si Çerepi
apo Rizvani. Rivaliteti i
madh që parashikohet në këtë
kategori midis ekipeve si Kastrioti,
Besëlidhja, Skënderbeu
e ndonjë tjetër vështirëson objektivat
e laçianëve, të cilët nuk
kanë ndërmend të zmbrapsen
në synimet e tyre për përparim
drejt elitës. Faktor i rëndësishëm,
mjaft përcaktues, do të
jetë dhe zhvillimi i merkatos.
Veçse, financa është e para. Në
fakt, Laçi nën drejtimin e
Laskës dhe mbështetjen e bashkisë
i ka përballuar mirë situata
të tilla, por kur kërkohen futbollistë
cilësorë, doemos që
hallka kryesore mbetet rritja
e buxhetit. Ndërkohë, ditët në
vijim është parashikuar anketa
që për të dytin vit do të
përcaktojë futbollistin më të
mirë të sezonit. “Po, kemi
ndërmend që me shoqatën
‘Para Laçi’ dhe specialistë të
ndryshëm nga sporti të zhvillojmë
një takim stimulues,
qoftë dhe duke dhënë ndonjë
shpërblim”, - u shpreh Ardian
Laska, i cili vijon një kurs
për trajner të licencës B në
kryeqytet. “Laçi do të jetë faktor
dhe gjithçka do të ndiqet
paraprakisht në shërbim të
kauzës, pasi ne duam të rikthejmë
futbollin e madh”, -
tha ndihmësi i Nicës.
_________________
Oleee Oleee Oleeee Oleee kush esht me Industrialin te vije ketu me ne!!!!!!!!

K.F. LAÇI · Posted: Mon Jun 30, 2008 8:03 am Post subject: LAÇI

Javashllëk
nga mungesa
e trajnerit
Një sezon më parë,
klubi i futbollit “Laçi”
nisi përgatitjet në datën
4 korrik. Sivjet duket se
gjithçka i është lënë në
dorë spontanitetit. Në
kampin e tyre vijojnë të
pushojnë. Shkëndija e
parë e nënshkrimit me
lezhianin Kreshik
Ivanaj dy javë më parë,
u cilësua si hap i rëndësishëm
i drejtuesve kurbinas,
por vetëm kaq.
Mungesa e emrit të
stolit teknik duket se ka
ndikuar për të mos
avancuar në merkato.
Nga Laçi janë lënë të
lirë shumë nga lojtarët
që përfunduan garën
duke krijuar pikëpyetjen
e madhe se cilët do
të jenë pasuesit e
radhës. Sipas burimeve
të klubit, reparti më
problematik konsiderohet
ai i mbrojtjes
pasi veç Rizvanit në
portë, mendohet se dhe
Dollaku, Sekseri e Baçi
do të lihen të lirë. Kësisoj,
vetëm Çela është
në listë për të vijuar në
mesfushë ku paraprakisht
është larguar pogradecari
Çerepi. Të
gjithë të tjerët shihen të
dobishëm. Në sulm
parashikohet efektive
dyshja Ivanaj-Tanushi.
Megjithatë te bardhezinjtë
shqetësimi kryesor
ka të bëjë me teknikun e
parë. Pas ngrirjes së dialogut
me përgatitësin
atletik Sinella, “reflektorët”
janë përqendruar
te të tjerë trajnerë. Gjithsesi
në Laç ka angazhime
sportive. Ajo që
dominon ka të bëjë me
ndërhyrjen e fundit në
infrastrukturë, teksa bri
stadiumit “Laçi” po insistohet
për të sistemuar
një fushë stërvitore. Deri
më tani është kryer hapja
e kanaleve drenazhues,
ato të kullimit dhe pritet
të vendosen tubacionet e
shkarkimit. “Këtë fazë do
të jetë me bar natyral”, -
thotë sekretari i klubit
Laska. “Ne po i qëndrojmë
mbi “kokë” firmës zbatuese,
e cila ka marrë përsipër
përfundimin në
kohë. Laçi ka paguar në
të shkuarën mungesën e
terreneve stërvitore, por
tani mendojmë se ky
fenomen përfundon
njëherë e mirë”, - tha
Laska.
Ardi Hasani

_________________
Oleee Oleee Oleeee Oleee kush esht me Industrialin te vije ketu me ne!!!!!!!!

	Futbolli Shqiptar Forum Index -> Kategoria e Pare	All times are GMT + 1 Hour Page Previous 1, 2, 3, 4, 5, 6, 7 Next
Page 6 of 7