KS Skenderbeu Korce

Register · Status:

Partizani_One · Posted: Wed Apr 09, 2008 8:58 am Post subject:

Skënderbeu, Çajku e Drabaj duan “amnisti”
8 Prill Futbollistët Daniel Çajku e Edi Drabaj, të larguar para pak kohëve nga Skënderbeu, janë gati të kthehen për ndeshjet e mbetura të këtij sezoni. Madje, të dy janë treguar të gatshem të harrojnë edhe kërkesat ekonomike, nëse kryesia do t’i pranonte në skuadër. Burimet thonë se, të hënën, një i besuar i të dy lojtarëve ka pasur një bisedë me zv/presidentin Zoi Mindili, të cilit i ka kërkuar që të dy kthehen në ekip deri në fund të kampionatit. I pyetur për këtë, vetë Mindili nuk ka pasur fort dëshirë të bëjë komente, edhe sepse, sipas tij, trajneri Rrapo nuk i ka për zemër të dy lojtarët, të cilët u larguan atëherë, kur skuadra kishte nevojë për ta. “Të gjithë futbollistët, përfshi Çajkun e Drabajn, ? pati thënë vetëm pak ditë më parë kryepankina korçare, ? duhet të kuptojnë se Skënderbeu, edhe në situatën që po kalon, e ka një zot. Ata nuk mund të ikin e të vijnë kur të duan”. Më këtë, Rrapo e ka konsideruar të mbyllur kapitullin e të dy futbollistëve titullarë. Trajneri u kishte kërkuar të mos largoheshin vetëm për vonesën e rrogës së muajit shkurt, por ata e lanë skuadrën pikërisht para ndeshjes me Elbasanin, ku Rrapo mendonte të merrnin të paktën një pikë. Ndaj, edhe për këtë, trajneri e ka disi të vështirë t’i pranojë të dy lojtarët e vetlarguar.

Kryesia i ka përjashtuar ? Fill pas largimit të dy lojtarëve, kryesia kishte bërë të ditur, nëpërmjet zv/presidentit, se Çajku e Drabaj ishin të përjashtuar nga skuadra, madje, për këtë vendim u njoftua edhe sektori i garave në FSHF. Jo vetëm kaq, por shefit të sektorit të garave iu bë e ditur se lojtarët kishin prishur kontratën në mënyrë të njëanshme, ndaj dhe nuk mund të luanin me asnjë ekip edhe sezonin tjetër, pa shlyer më parë detyrimet financiare. Mirëpo, të hënën, të dy lojtarët kanë “futur” te zëvendëspresidenti Mindili një të besuar, jo vetëm të tyre, për ta bindur që të kthehen në skuadër, bile pa kushte. Mbase e kërkojnë këtë edhe për të shpëtuar nga sanksionet, por kjo është punë e tyre. Rrapo thotë se nuk i pranon në skuadër, kurse Mindili ka pranuar se do ta shikojnë. Që do të thotë se edhe mund të kthehen, madje q?_?_eshjen me Teutën. Gjithsesi, personi që ka biseduar me Mindilin nuk është pa peshë në futbollin korçar.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Apr 10, 2008 3:13 pm Post subject:

Tiko është për ardhjen e Çajkut e të Drabajt
10 Prill Kapiteni Tiko ka mendimin se Drabaj e Çajku duhet të jenë në skuader, aq më tepër kur, sipas tij, ata janë treguar të gatshëm për t’u bashkuar me grupin. “Për mua, si lojtar, nuk më intereson shumë përse janë larguar nga skuadra, pasi të gjitha këto janë punë e tyre. Por kjo nuk do të thotë se nuk jam për atë, që të dy të jenë në ekip, sepse në një situatë si kjo, si njëri e tjetri, i bëjnë punë Skënderbeut” mësohet të jetë shprehur kapiteni. Megjithatë, deri tani nuk ka pasur asnjë reagim nga kryesia dhe trajneri Rrapo, të cilët duket se janë shprehur kundër ardhjes së dy titullarëve në skuadër pas largimit të tyre. “Gjithsesi, gjithmonë ka një mundësi, ? thotë Tiko, ? sigurisht, nëse ka një vullnet të mirë nga të dy palët”. Lojtarët kanë treguar se janë të gatshëm për t’i harruar problemet që kanë pasur me klubin. Tani, sipas kapitenit, është radha e të tjerëve për t’u treguar të gatshëm për pak tolerancë.

Rrapo e krkon ndeshjen të fituar ? Trajneri i Skënderbeut gjatë gjithë kësaj jave ka punuar fort për ndeshjen në shtëpi me Teutën, që sipas tij kanë për ta mundur. “Edhe për t’u hakmarrë për atë largim, që na bëri nga kategoria superiore para dy sezoneve, në bashkëpunim me skuadra të tjera aleate” shprehet Rrapo, çka ua ka thënë edhe lojtarëve, edhe pse asnjëri prej tyre nuk ka luajtur atëherë me Skënderbeun. “Sidoqoftë, është Skënderbeu” mbyll Rrapo, duke theksuar se këtë ndeshje e kërkon veçse të fituar.
_________________
Ngjyr e kuqe ngjyr dashnie e ka frik cdo mi bashkie

admin · Administrator Joined: 10 Jan 2008 Posts: 1870 Status:

Bie nga Superliga, por Skënderbeu bëhet me fushë të re
Fusha e stadiumit "Skënderbeu" të qytetit të Korçës do të rehabilitohet sipas parametrave bashkëkohorë, duke e shtruar atë me një tapet të ri të gjelbër. I pritur prej disa vitesh, ky investim ka filluar të zbatohet nga dita e hënë falë një investimi të Bashkisë së qytetit dhe biznesi vendas, në bashkëpunim me Federatën Shqiptare të Futbollit. Një fond prej 25 milion lekësh, nga të cilat 10 milion kontribut i bashkisë së Korçës dhe i biznesit vendas, është akorduar për të rehabilituar fushën e stadiumit "Skënderbeu".Kryetari i bashkisë së Korçës, Niko Peleshi, tha se rehabilitimi i fushës së stadiumit do të realizohet brenda vitit 2008, në mënyrë që vitin e ri, korçarët ta nisin në fushën e re. Sipas tij, ky është një investim që mund të motivojë edhe më shumë ekipin e qytetit në të ardhmen, për të prezantuar një futboll sa më cilësor mes skuadrave më të mira të vendit. Ndërkaq, korçarët e kanë prerë tashmë biletën për një kategori më poshtë, teksa gjenden në vendin e fundit të renditjes me vetëm 13 pikë.

Gazeta Sot
_________________
FutbolliShqiptar.net

Partizani_One · Posted: Wed Apr 16, 2008 4:00 pm Post subject:

Skënderbeu: Kryebashkiaku kërkon skuadrën, pastaj Superioren
16 Prill Ekipi i Skëderbeut janë të gjitha gjasat të mos e kërkojë më kategorinë superiore pa qenë gati për të qëndruar gjatë në këtë kategori. Një gjë e tillë, pak a shumë, është thënë nga kryetari i Bashkisë, Niko Peleshi, kur ka bërë të ditur se fill pas këtij sezoni do të ndërtohet një skuadër me lojtarë që do të jenë pjesë e këtij ekipi për shumë kampionate. Me këtë, Peleshi ka lënë të nënkuptohet se është kundër një ekipi “emergjence”: “Skënderbeu është larguar dy herë brënda tre sezonesh nga kategoria superiore vetëm sepse kemi bërë ekipe me lojtarë me kontrata afatshkurtëra. Në kontrata të tilla ? ka mendimin Peleshi ? është thuajse e pamundur të punohet nga trajnerët. Më e keqja, nuk mund të bëhet një skuadër për të synuar në një kategori si kjo e superiores. Ndaj, duke filluar nga sezoni tjetër, pjesa më e madhe e lojtarëve të Skënderbeut kanë për të qenë korçarë”.

Grupi rritet të martën

Ndryshe nga dita e parë e kësaj jave, dje para trajnerit Rrapo kanë qenë 18 lojtarë, që janë stërvitur në pjesën e paprishur të fushës së stadiumit, që ka nisur nga rikonstruksioni. Në stërvitjen e djeshme ka qënë dhe Kotomelo që ka munguar në ndeshjen me Teutën dhe Xaka, lojtar që ka muaj jashtë skuadre për shkak dëmtimi. Pjesë e skuadrës ka qënë dhe Ismail dhe në kushte kur flitet se do të largohet nga skuadra korçare, ndërkohë që nuk është parë në stërvitje Tafxhafa, megjithëse të paktën të hënën paradite ka qënë në një lokal të Korçës në shoqërinë e një grupi të vogël.
_________________
Ngjyr e kuqe ngjyr dashnie e ka frik cdo mi bashkie

admin · Administrator Joined: 10 Jan 2008 Posts: 1870 Status:

Skënderbeu, 480 minuta pa shënuar
Skuadra korçare duket se në këtë kampionat do të bëjë histori me shumë të veçanta. Konkretisht, e veçanta më e fundit është se në javën e 28-të skuadra korçare hyri në minutën e 480-të që nuk shënon gol, që nga java e 23-të më 8 mars 2008, në humbjen 1-3 me Dinamon. Dhe kjo shifër bashkohet me një tjetër, ku në 6 ndeshje të fazës së tretë Skënderbeu ka vetëm 6 humbje, pra ka luajtur 540 minuta lojë pa një rezultat pozitiv, barazim ose fitore. Për Skënderbeun janë 16 golat e pësuar në fazën e tretë, me një mesatare 2.65 gola të pësuar në një ndeshje. Ndryshe, në javën e 28-të korçarët pësuan një nga tri humbjet minimale 0-1, ashtu sikundër në javën e 11-të me Kastriotin dhe në javën e 16-të me Elbasanin. Të gjitha humbjet e tjera janë me më shumë gola të pësuar.
_________________
FutbolliShqiptar.net

Partizani_One · Posted: Wed Apr 23, 2008 1:16 pm Post subject:

Skënderbeu: “Të rinjtë s’bëjnë kompromise”
23 Prill Ekipi korçar, takimin e kësaj jave do ta luajë në Pogradec. Gjithsesi trajneri Rrapo nuk e fsheh se ka kërkuar të luhej në fushën e bilishtarëve, edhe për atë se ajo fushë është e një cilësie shumë herë më e mirë se ajo e liqenorëve. “Megjithatë, nuk na mbetet gjë tjetër veçse ta kërkojmë këtë ndeshje me krutanët, të fituar në këtë fushë”, thotë Rrapo. “Më tepër se për gjithçka tjetër, për atë se këta lojtarë të rinj e meritojnë një fitore për të gjitha ato sakrifica që kanë bërë në këtë fund kampionati. Kastrioti ështe një mundësi”, thotë Rrapo, “një skuadër që e kemi mundur edhe njëherë tjetër në shtëpinë tonë”. Nje gjë të tillë mësohet se Rrapo ua ka kërkuar edhe lojtarëve, me të cilët kërkon të shkoj tek fitorja me krutanët. “Edhe për të pasur disa pikë më tepër”, thotë, aspak me humor, kryepankina korçare, megjithëse ka nga ato që thonë se kjo fitore kërkohet edhe për dikë tjetër. “Nuk është e vërtetë”, vjen reagimi i menjëhershëm i Rrapos, duke treguar se këtë fitore e kërkon për dy gjëra: “Nuk mund ta mbyllim sezonin me kaq pak pikë dhe ky grup e ka hak një fitore si kjo e kësaj jave”.

Eksperimentet - Në ndeshjen e kësaj jave, nga minuta e parë pritet të jetë vetëm Kokona. Të tjerët nga të rinjtë e ardhur këto ditë në skuadrën korçare janë në stol në pritje për të luajtur për aq minuta sa mendon Rrapo. Kjo trgon se Rrapo nuk e ka ndërmend të bëjë eksperimente të shumta, çka tregon se më tepër se t’i shërbejë këtij grupi e ka mendjen për të ndalur edhe një herë tjetër Kastriotin. Ndalesë që “ia fik qiririn” krutanëve në kategorinë superiore.

Rikthimi - Ervin Kotomelo, korçari i rikthyer në gjysmën e dytë të këtij sezoni tek Skënderbeu është gati për të qenë në lojë këtë javë me krutanët, pas një dëmtimi që e ka lënë jashtë skuadre në dy takimet e fundit. Por duhet pritur vendimi i Rrapos, që ka pasur më shumë dëshirë të merret me lojtarë që në fund të këtij sezoni largohen nga skuadra pa dhënë asgjë të mirë për këtë ekip.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Apr 24, 2008 1:37 pm Post subject:

Rrapo, nota pozitive lojtarëve të rinj
24 Prill “Ndeshja me Besën ka treguar se skuadra do të reagojë më mirë të shtunën”

Trajneri i Skënderbeut, Renato Rrapo, ka filluar ta shikojë ndryshe grupin e futbollistëve, pas ndeshjes së humbur në transfertë me Besën. “Sepse kanë treguar gjëra të bukura, të cilat shpresojmë t’i shikojmë edhe këtë fundjavë me Kastriotin” pohon tekniku orçar.

? Rrapo, edhe pse humbët, keni pasur dëshirë të thoni fjalë të mira pas ndeshjes me Besën...

? Sepse ky grup lojtarësh të rinj ka luajtur ndeshjen më të mirë në këtë sezon, edhe pse së bashku kanë vetëm gjysmë kampionati.

? Doni të thoni që, në qoftë se do t’i kishit pasur që në fillim të sezonit, do të ishte ndryshe?

? Pse jo. Do të kishim më shumë kohë për t’u marrë me ta, ashtu si dhe lojtarët do të përshtateshin më mirë me njëri?tjerin. Gjithsesi, nëse do të kishim më tepër kohë, skuadra do të ishte vërtet ndryshe.

? Edhe me këtë grup lojtarësh?

? Po flasim për këtë grup. Nuk duhet të harrojmë se pothuajse të gjithë lojtarët, që janë pjesë e Skënderbeut, nuk kanë më shumë se një gjysmë kampionati që luajnë së bashku. Me kaq pak kohë, ishte e pamundur të merrnim më tepër se kaq. Gjithsesi, ndeshja me Besën ka treguar se skuadra do të reagojë më mirë të shtunën dhe do të më pëlqente të fitonim tri pikët, qoftë dhe për lojtarët, të cilët po përballojnë shumë në këtë sezon.

? E keni fjalen edhe për presionin mediatik?

? Deri diku edhe po. Ata janë fare të rinj dhe në një farë mënyre kanë pasur nevojë për pak më tepër ngrohtësi, duke mos u treguar aq të ashpër me ta.

? Mos doni të thoni as me ju?

? Të jem i sinqertë, edhe këtë e kam shkuar nëpërmend. Thjesht për atë se nuk kam pasur çfarë të bëj më shumë se kaq me këtë skuadër.

? Të shtunën, Kastrioti...

? Nuk ka për të qenë dhe aq e lehtë, kur mendon se ndeshjen do e luajmë në një fushë tjetër. Do të ndiehesha mirë po të fitonim.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sat Apr 26, 2008 1:52 pm Post subject:

Rrapo, skuadrën gati
26 Prill Në stërvitjen e djeshme, trajneri i Skënderbeut ka treguar grupin e lojtarëve, me të cilët, sipas tij, kërkon të shkojë te fitorja në ndeshjen e sotme me Kastriotin, edhe pse do të luhet në stadiumin e Pogradecit. Në portë, Llapanji ndiehet përsëri i sigurt, megjithëse edhe Peleshi ka javë që është bërë gati ta nis lojën nga minuta e parë. Gjithsesi, kur luhet vetëm për të respektuar kampionatin, trajneri Rrapo nuk ka pse të aktivizojë deri në fund të njëjtët futbollistë, qoftë dhe portierin Llapanji. Në mbrojtje, në stërvitje janë parë Meta në krahun e djathtë e Pashaj nga e majta, kurse shkodranët Guri e Kepi në qendër. Kurse në mesfushë, Thana nga e djathta e Shtupina nga e kundërta, por nuk përjashtohet mundësia që Rrapo gjatë ndeshjes t’i lëvizë krahët e tyre, gjë të cilën e ka bërë edhe në ndeshje të tjera. Çipi e Ismail është një mundësi të jenë nga brenda, gjithmonë nëse F.Rrapo nuk bëhet për të luajtur. Nëse Rrapo do të jetë gati, janë të gjitha gjasat që Ismail ta nisë nga stoli ndeshjen e sotme. Në sulm, Tiko e Vukaj mbeten si më të mundshmit, aq më tepër kur dhe Kokona nuk luan, pas dëmtimit në ndeshjen e javës së kaluar me Besën. Por ky grup edhe mund të lëvizë, në qoftë se Rrapo krijon më shumë hapësirë për lojtarët e rinjë, të cilët kanë filluar ta bindin më shumë në ndeshjet e fundit. Deri tani Rrapo nuk ka thënë asgjë, aq më tepër kur vetëm Kokona, gjithnjë sipas tij, e meriton ta nisë ndeshjen nga fillimi. Por nuk duket punë e mirë, që ky grup lojtarësh, të cilët stërviten me të rinjtë, bashkohen me të rriturit vetëm një ditë para, çka nuk iu krijon mundësinë më të vogël të përshtaten me pjesën tjetër. Ndaj, edhe për këtë, të paktën lojtarët e piketuar prej trajnerit si pjesë e të rriturve, duhet të jenë pjesë e skuadrës në të gjitha stërvitjet e saj. Gjithsesi, edhe në pragun e ndeshjes me Kastriotin, Rrapo ka treguar se akoma nuk e ka besimin e duhur për këtë grup lojtarsh, aq më tepër kur ka bërë me dije se sot kërkon vetëm fitore me krutanët.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu May 01, 2008 6:21 pm Post subject:

Rrapo, gati “fshesën”
1 Maj Në pragun e ndeshjes me Vllazninë, nga skuadra korçare do të largohen edhe tre futbollistë të tjerë, ka bërë të ditur trajneri i Skënderbeut. Rrapo, kur është pyetur, jo vetëm që nuk ka treguar se për kë bëhet fjalë, por as se për çfarë arsye do të largohen këta lojtarë, tani kur kampionati po shkon drejt mbylljes. Ka shumë gjasa që ata të jenë jokorçarë, njëri prej të cilëve ka luajtur në ndeshjen e humbur me krutanët. Gjithsesi, të largosh lojtarë në këtë kohë nuk duket dhe aq e moralshme, edhe pse pjesa më e madhe nuk kanë dhënë asgjë për Skënderbeun. Në fund të fundit, të gjithë këta lojtarë kanë ardhur në këtë skuadër edhe me “bekimin” e vetë Rrapos. Ndaj, edhe për këtë, e mira e punës është të lihen të luajnë deri në fund të sezonit, qoftë dhe për të treguar se të gjithë kanë qenë korrektë me ta, aq më tepër kur njëri, që mund t’i jepet e shtyra në këtë fundkampionati, nuk është as shqiptar.

Nuk luan Kokona, rikthehet Kotomelo ? Ndryshe nga çfarë është pritur, Kokona nuk luan në transfertën me Vllazninë, pasi, sipas Rrapos, nuk është rikuperuar pas dëmtimit në ndeshjen me Besën. Ndërkaq, është kthyer Kotomelo, që për shkak demtimi ka qenë për tri javë jashtë grupit. Por nuk luan as F.Rrapo, i cili s’ka qenë në stërvitje prej ditësh. Pak dihet, a do të jetë këtë fundjavë Xaka, kur është stërvitur me grupin edhe në kushte loje, pasi Rrapo mendon se për të kampionati ka përfundur, edhe në rrethana kur lojtari duket i rikuperuar. “Prej shumë javësh Xaka nuk ka qenë në stërvitje me skuadrën” arsyeton tekniku.

Dy të rinj të tjerë ? Në ndeshjen me Vllazninë, Rrapo thotë se do të ketë edhe dy lojtarë të tjerë nga ekipi i të rinjve, duke lënë të kuptohet se, në këto javë të mbetura, po merret me atë grup, që mund të jenë pjesë e skuadrës në kategorinë e parë. Në fakt, të paktën në këto javë të fundit, Rrapo ka guxuar të luajë me lojtarë të kësaj moshe. Gjithsesi, nuk dihet, nëse do ta bënte krejt kështu po të ishte në pankinë edhe në kushte të tjera, qoftë dhe në kategori të parë.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Kategoria e Pare	All times are GMT + 1 Hour Page Previous 1, 2
Page 2 of 2