FK Partizani Tirane

Register · Status:

Partizani_One · Posted: Tue May 13, 2008 2:39 pm Post subject:

Omani:“Pa frikë! Do të fitojmë ku të dojë Dinamo”
13 Maj

Mund të quhet pa frikë njeriu i batutave në klubin e kuq, për vetë faktin se në të shumtën e rasteve është, ose të paktën duket në humor. Megjithatë, për mbrojtësin korçar, Tefik Osmani, ndeshja e 17 majit, pra të shtunës, ndaj Dinamos, është më seriozja dhe një gjë të tillë ai e di mirë se ç’do të thotë. “Ne jemi të gjithë të përqëndruar në këtë sfidë. Sigurisht, më parë duhet të fitojmë ndaj Skënderbeut dhe të marrim pikët maksimale. Ndërsa, më pas, të gjithë kundër Dinamos”, ka thënë Osmani. E qeshura nuk i mungon, madje duket shumë i qetë kur flet për sfidën, e cila përcakton sezonin, qoftë për Partizanin, ashtu edhe për Dinamon. Do të jetë ndeshja më e rëndësishme e këtyre 18 viteve të fundit (që nga ’90 kur Dinamo fitoi kampionatin, për një gol më pak në ndeshjen direkte me “demat”. “Për Partizanin do të jetë derbi më i rëndësishëm i 15 viteve të fundit”.

Megjithatë, Dinamo do ta zhvillojë këtë sfidë në “Selman Stërmasi”, çka, për Osmanin, por edhe për të gjithë të kuqtë e tjerë, do të thotë një poshtërim që i bëhet këtij derbi dhe një frikë shumë e madhe nga ana e bluve, të cilët kanë frikë se në “Qemal Stafa” do të munden vetëm nga tifozët e kuq. “Unë mendoj se një derbi i tillë duhet të luhet në “Qemal Stafa”, sepse është një reklamë për të gjithë futbollin shqiptar në përgjithësi. Megjithatë, nëse Dinamo ka vendosur kështu, kjo është dëshira e saj dhe ne do ta respektojmë. Madje, unë po ju them se pavarëisht se ku do të luhet kjo ndeshje, kudo që të dojë Dinamo, edhe në kompleksin e saj madje, ne do ta fitojmë. Këtë radhë nuk do blutë nuk do të kenë përballë as Vllazninë, as Tiranën, as Besën, e as Elbasanin. Nuk kanë ku shkojnë të shtunën, ne mezi e presim atë ditë. Do të jetë derbi i jetës me ë vërtetë”, ka vijuar Osmani. “Përveçse lojtarë, ne jemi edhe tifozë të Partizanit, ashtu si edhe prindërit tanë, ç’ka do të thotë se këtë herë kemi zemrën me vete në fushë, përtej stimujve të tjerë”, ka përfunduar ai.

“Europa, e kuqe”

“Në të gjitha vendet europiane po fiton kampionatin ngjyra e kuqe. Në Angli, Mançesteri, në Gjermani Bajerni, edhe në Itali ka shumë mundësi ta fitojë Roma. Edhe ne nuk do bëjmë përjashtim, apo jo? Partizani e meriton më shumë se kushdo”

“Partizani, si Roma”

“Ne jemi si Roma. Pavarësisht se Interi fiton në Itali me gjyqtarë, por edhe me skuadra që tolerojnë ndaj tij, përsëri një skuadër si Siena bëri që kampionati të rihapej përsëri dhe Roma që e ka ndjekur gjithë sezonin t?_të mundësi për titull. Avantazhi ynë, në krahasim me Romën është se ne luajmë ndeshje direkte me Dinamon”.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue May 13, 2008 2:40 pm Post subject:

Birçe: “Nuk është më ’90, Tani do fitojmë ne”
13 Maj

Njëri nga ata persona, i cili e ka të rrënjosur në mendjen e tij shumë mirë vitin 1990, kur Dinamo fitoi kampionatin në ndeshjen e fundit me Partizanin, për një gol, është pikërisht Bejkush Birçe. Ish?trajneri i Dinamos asokohe (që i ka fituar të tre trofetë në një sezon, me Dinamon) dhe aktualisht drejtori sportiv i Partizanit e ka ende të freskët në kujtesë atë ndeshje. ”Partizanit i duhet të fitonte 3?0 për të dalë kampion, ndërsa fitoi 2?0 dhe kampionë u shpall Dinamo”, sqaron Birçe. Sa i përafërt është ai kampionati dhe ajo ndeshje, me atë të së shtunës? “Unë mendoj se ka të ngjashme, ashtu si edhe të kundërta. Për shembull, Partizanit i duhet vetëm fitorja për të dalë kampion, ndërsa Dinamos i mjafton edhe një barazim. Kjo është e ngjashme, në kuptimin e asaj që edhe atëherë Partizani kishte vetëm një detyrë, të fitonte 3?0. E ndryshmja është se Partizani ka 15 vjet pa trofe dhe se tani, në ndryshim nga atëherë, jemi ne ata që kemi lojtarët më të mirë, pra Partizani dhe kemi më shumë lojtarë të grumbulluar në kombëtare se Dinamo”, sqaron Birçe. Pra, do të fitojë Partizani? “Këto ndeshje janë shumë të rëndësishme dhe shumë të vështira. Ka presion dhe tension dhe është mëse normale. Unë mendoj se kampionatin do ta fitojë skuadra që do të jetë më e mobilizuar dhe do të ketë më shumë dëshirë për të arritur objektivin. Edhe tifozëria mendoj se do të luajë rol kryesor në këtë përballje”. Por do të zhvillohet në “Selman Stërmasi” “Ky është një problem më vete. Edhe pse ne duam që ndeshje të tilla, që sjellin shumë tifozë në stadium, të zhvillohen në “Qemal Stafa”, përsëri nuk e kemi në dorë. Megjithatë, unë mendoj se fusha nuk ka rëndësi në këto momente që kemi ardhur”. Megjithatë, për Birçen, një ndeshjeje futbolli nuk i dihet asnjëherë fundi. ”Kushdo mund të mendojë se do të fitojë, por futbolli është shumë kapriçoz në këto raste. Ajo që duhet të bëjmë ne, është të mundohemi të luajmë dhe të japim maksimumin për to 90 minuta. Nuk duhet të presim që kundërshtari të gabojë, por duhet ta bëjmë ne, me presionin tonë që të gabojë. Vetëm kështu mund të arrijmë ta mundim. Edhe pse, përsëri duhet të kemi kujdes. Dinamo është një skuadër shumë e mirë në kundërsulm dhe ne duhet të bëjmë shumë kujdes në lojën tonë”, ka përfunduar Birçe.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue May 13, 2008 2:40 pm Post subject:

Ultrasët e kuq: “Kemi 20 mijë kërkesa për stadium”
13 Maj Edhe pse duket si e pabesueshme, duket se interesi për të parë derbin Dinamo?Partizani po rritet dita?ditës. Kështu, sipas tifozëve të Partizanit, ata pohojnë zyrtarisht se deri tani kanë 20 mijë kërkesa të konfirmuara të tifozëve të tjerë në gjithë Shqipërinë, të cilët duan të vijnë e të bëjnë tifo për Partizanin. Nga sa mësohet janë plot 7 autobuzë, të cilët do të nisen nga Skrapari, të konfirmuar, katër nga Përmeti, 4 nga Fushë Kruja, nga Lushnja, Librazhdi, por edhe Laçi, të cilët mezi presin të shikojnë Partizanin kampion të Shqipërisë. “Stadiumi “Selman Stërmasi” do të duket si një kuti shkrepëseje përpara kësaj rryme tifozësh që kanë shprehur dëshirën të vijnë nga anembanë Shqipërisë”, kanë thënë dje disa kryetarë të ultrasëve të Partizanit, të cilët presin edhe më shumë tifozë të shtunën, madje ata i ftojnë të gjithë grupimet e ultrasëve anembanë vendit të cilët janë tifozë me Partizanin të vijnë dhe të mbështesin të kuqtë gjatë 90 minutave, edhe sikur t’u duhet të rrinë në këmbë, apo edhe jashtë stadiumit. “Sa më shumë aq më mirë. Dinamo do të shpëtojë nga ne, por një gjë e tillë nuk ka për të ndodhur”, kanë thënë ata.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue May 13, 2008 2:41 pm Post subject:

Ndaj Skënderbeut, pa katër titullarë
13 Maj Edhe pse të kuqtë do të kenë një ndeshje nesër, ndaj Skënderbeut, në “Qemal Stafa”, duket se e gjithë vëmendja është përqëndruar tek përballja e 17 majit, me Dinamon, takim që do të përcaktojë titullin kampion për të dyja skuadrat. Kështu, nga sa mësohet, trajneri i “demave”, Hasan Lika, pritet të bëjë edhe një rotacion, në përballjen e nesërme ndaj korçarëve, për të ruajtur disa nga lojtarët titullarë për derbin e së shtunës. Ardit Beqiri është i pari që do të mungojë, për shkak se kapiteni i Partizanit, ka marrë të verdhën e tretë në ndeshjen me Vllazninë, çka ka bërë që ai të jetë i skualifikuar për ndeshjen me korçarët. Gjergji Muzaka, Bledi Shkëmbi dhe Paulin Dhëmbi janë tre emrat e tjerë, të cilët pritet ta nisin nga stoli këtë ndeshje të së mërkurës, edhe pse do të jenë në dispozicion të trajnerit Lika për çdo rast. Nga sa mësohet, skuadra pritet që të grumbullohet sot, në të përhershmin hotel “Besani” dhe prej andej do të vijë për të zhvilluar të mërkurën ndeshjen me Skënderbeun, teksa do të udhëtojë sërish për në Shkëmbin e Kavajës, ku do të akomodohet deri të shtunën në mëngjes, ku edhe do të niset për në Tiranë, për të luajtur derbin e titullit, atë ndaj Dinamos, në “Selman Stërmasi”.“Ajo ndaj Skënderbeut, do të jetë një ndeshje, të cilën nuk duhet ta nënvlerësojmë, pasi na duhet patjetër trepikëshi”, kanë thënë të kuqtë, të cilët, pavarësisht katër mungesave, u duhet të luajnë dhe të fitojnë ndaj Skënderbeut, i cili, pavarësisht se është i rënë “de fakto” nga kategoria, mund t’ua bëjë jetën të vështirë “demav”. “Ne jemi mësuar me këto vështirësi, pasi asnjë skuadër nuk ka toleruar ndaj nesh, ndryshe nga ç’kanë bërë me Dinamon”, kanë përfunduar të kuqtë.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue May 13, 2008 2:42 pm Post subject:

Derbi, me arbitër italian
13 Maj Do të jetë një gjyqtar i Serisë A italiane, ai që pritet të gjykojë ndeshjen finale, ose më mirë derbin e titullit, të së shtunës, ndërmjet Dinamos dhe Partizanit. Një lajm të tillë e ka dhënë dje shefi i Sektorit të Garave në FSHF, Ilir Shulku. “Kemi kontaktuar me Federatën Italiane të Futbollit (FIGC), e cila ka pranuar kërkesën për një treshe gjyqtarësh italianë në atë ndeshje”, ka thënë Shulku. Megjithatë, emrat e tyre nuk janë bërë ende publikë. Kjo, pasi sipas Federatës Italiane, Seria A ka një javë shumë delikate dhe duhet që të paktën në dy ndeshje të rëndësishme, si Parma?Inter dhe Katania?Roma, të jenë dy gjyqtarët më të mirë italian. “Pas shortit të Serisë A, italianët do të zyrtarizojnë emrat e gjyqtarëve”, ka përfunduar Shulku.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri May 16, 2008 3:44 pm Post subject:

Shkëmbi: Festa mund të bëhet kudo, titulli është i yni
16 Maj Nëse ka një gjë, për të cilën mesfushori korçar i “demave”, Bledi Shkëmbi është i bindur si “buka që ha”, është pikërisht se Partizani do të fitojë në ndeshjen e së shtunës, me Dinamon dhe do të arrijë të marrë titullin kampion që e pret prej 15 vitesh.“Që nuk do të jetë ndeshje e lehtë, këtë tashmë edhe një fëmijë e di, sepse në një ndeshje finale mund të ndodhë gjithçka”, kanë qenë fjalët e atij, që nuk është kurorëzuar asnjëherë kampion në karrierën e tij. Do të luhet në “Selman Stërmasi” dhe ky nuk është një ogur i mirë për Partizanin, edhe pse Shkëmbi mendon tjetër gjë, madje, duket se e vetmja gjë për të cilën do t’I vinte keq, nëse sfida do luhet në “kotecin e pulave”, siç i thonë tifozët e Partizanit atij stadiumi, do të ishte pikërisht mungesa e një numri të madh fansash të Partizanit. “E vetmja gjë, për të cilën do të më vinte keq, është pikërisht sepse fansat tanë nuk do të kenë mundësi të jenë të shumtë në numër në stadium për të ndjekur skuadrën e tyre të zemrës”, ka shtuar ai. Po, përtej tifozëve, sa do të ndikojë fakti që të kuqtë do të luajnë në “Selman Stërmasi” për vetë psikologjinë e skuadrës? Sipas Shkëmbi, as që bëhet fjalë. “Është një ndeshje finale dhe nuk ka rëndësi se ku do të luhet. Unë mendoj se edhe në “Selman Stërmasi”, ne jemi të përgatitur psikologjikisht dhe fizikisht për ta përballuar këtë sfidë dhe për të mundur Dinamon. Ne jemi futbollistë dhe, si të tillë, mendojmë për ato 90 minutat në fushë që të mundim skuadrën kundërshtare. Kjo është e gjitha”. Titulli do të jetë “I kuq” – i pyetur për faktin se Dinamo e mendon të fituar titullin dhe madje ka organizuar edhe festën, Shkëmbi nuk ka dashur të bëjë shumë komente, edhe pse nuk ka nguruar të thotë: ”Dinamo le të përgatitet për festën e saj tek kompleksi, ndërsa ne do të luajmë në fushë dhe d të bëjmë që një Shqipëri e tërë, e dashuruar me ne, të festojë në të gjitha qytetet kur ne të ngremë atë trofe. Kemi 15 vjet që Partizani nuk shijon një titull, mendoj se ka ardhur momenti që ta tregojmë në fushë se ka ardhur ora për të marrë atë që na takon, titullin kampion”, ka përfunduar Shkëmbi.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri May 16, 2008 3:45 pm Post subject:

Partizani, tre të dëmtuar
16 Maj Ndeshja me Skënderbeun nuk ka kaluar pa pasoja tek Partizani. Kështu, Beqiri, Karapici dhe Tafaj janë lojtarët më të prekur nga këto dëmtime. Tafaj ka pësuar një çarje në vetull, gjë që është parë edhe në ndeshje. Ndërkohë, Beqiri paraqet dy hematoma në gju dhe dje ka çaluar paksa, gjë e ngjashme edhe për Karapicin. Të tre lojtarët dje nuk kanë zhvilluar stërvitje me grupin, por të veçuar. Sipas mjekut të skuadrës, Pertef Rusi, të tre lojtarët paraqesin dëmtime të një shkalle serioze, edhe pse, sipas tij, të tre ata janë të rekuperueshëm. “Tafaj ka një të çarë deri në kafkë, edhe pse ne e kemi qepur dhe me një mbrojtëse nuk do të ketë rrezik. Beqiri duket se ka një dëmtim akoma më të madh, teksa ka dy hematoma në këmbë dhe çalon pak. Po kështu edhe Karapici”, ka thënë Rusi. Megjithatë, duket se lojtarët, po sipas Rusit, kanë marrë ndihmën e duhur dhe kanë nisur trajtimin. “I kemi filluar kalçifikimet, barnat kundër helmeve dhe dje kanë zhvilluar orë të zgjatura hidromasazhi dhe banjo turke. Këto ditë do të vlerësohet sërish gjendja e tyre”, ka përfunduar mjeku Rusi.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri May 16, 2008 3:45 pm Post subject:

Ndeshja e vitit, vetëm 4100 bileta në treg
16 Maj Tre drejtues të lartë të Ministrisë së Brendëshme, zëvendësministr i sporteve, përfaqëuesit e Dinamos dhe i FSHF?së janë drejtuar dje në mesditë stadiumit “Selman Stërmasi” në një takim ku do të përcaktohej zhvillimi i ndeshjes ndërmjet skuadrave kryesusese të kampionatit shqiptar. Partizani nuk i është përgjigjur ftesës dhe asnjë prej drejtuesve të skuadrës së kuqe nuk ka qenë e pranishme në këtë takim. Pas debateve të ndezura palët kanë vendosur: ndeshja të luhet në stadiumin “Selman Stërmasi”. Ja çfarë ka ndodhur Brenda takimit.

Kundërshtitë – ai që ka kundërshtuar më fort për të zhvilluar ndeshjen në këtë stadium ka qenë zëvendësministri i sporteve, Spahia: Kjo është praktikisht një ndeshje finale, kështu që sugjerojmë që të luhet në një stadium më të madh. Policia e ka përkrahur këtë ide, fillimisht duke dhënë argumentin që puna e forcave blu bëhët më e thjeshtë, nëse takimi luhet në stadiumin qendror të Tiranës. Dinamo ka rezistuar dhe ka argumentuar zgjedhjen e saj në “Selman Stërmasi”, duke qenë thënë që ka një kontratë me “Selman Stërmasin” dhe ky stadium i plotëson të gjitha kushtet e licensimit nga Federata Shqiptare e Futbollit. Në fund palët ia kanë lënë në dorë vendimin Dinamos e cila ka vënë veton.

Ndarja – Stadiumi ka një kapacitet zyrtar prej 4100 vendesh të ulura. Anekset e tribunës kryesore dhe tribunat anësore nuk do të hapen për tifozëritë sepse nuk plotësojnë kushtet e licensimit. Drejtuesit e Dinamos programuan që stadiumi të ndahet përgjysëm. “Tribuna A t’i përkasë Dinamos, ndërsa B Partizanit. E njëjta ndarje simetrike të bëhet edhe në tribunën përballë. Në mes do të ketë disa kolona bosh ku policia do të ndajë tifozëritë me njëra? tjetrën. Në total nuk mund të ketë më shumë se 4100 bileta në dispozicion për një ndeshje të tillë.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri May 16, 2008 3:46 pm Post subject:

Xhani: S’luftojmë dot kundër Dinamos dhe federatës
16 Maj Nuk e ka kapërdirë dot presidenti i Partizanit, Xhani, faktin që ndeshja më e rëndësishme e kampionatit shqiptar, por edhe e “demave” dhe e tij personale, të zhvillohet në stadiumin “Selman Stërmasi”. Kështu, sapo është vendosur që sfida më e rëndësishme e këtij dhjetëvjeçari të zhvillohet në stadiumin e dytë kryeqytetas, Xhani, nuk ka hezituar që të akuzojë Dinamon dhe FSHF?në, që dalin në kundërshtim me Policinë e Shtetit dhe që arrijnë ta zhvillojnë ndeshjen në “Selman Stërmasi”. “Nuk kam se çfarë të them. Nuk luftoj dot edhe kundër Dinamos, edhe kundër FSHF?së. Këta janë bërë një binom shumë i fortë dhe mesa duket Federata jonë po del hapur dhe po shkon në krahun e bluve”. Dukej i intosur, por nga ana tjetër edhe i qeshur, teksa në fund ka qenë tepër i qetë. “Nëse FSHF dhe Dinamo dalin mbi policinë, atëherë këta qenkan shtet më vetedhe do të mbajnë përgjegjësi për gjithçka”. Ç’doni të thoni? “Unë kam shumë dëshirë dhe uroj që të mos ndodhë asgjë me fansat tanë, madje u kemi bërë thirrje që të respektojnë çdo zgjedhje. Por, në rast se do të ndodhte diçka, unë dhe stafi im nuk e urojnë në asnjë moment, por atëherë do të jetë FSHF dhe Dinamo ata që do të mbanin përgjegjësi për këtë. Sepse, ashtu siç e pranojnë edhe vetë, ata dinë të dalin më lart se policia dhe se janë kthyer vetë në policë të kampionatit”, ka përfunduar Xhani.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sat May 17, 2008 9:39 am Post subject:

PARTIZANI NË KAMPIONAT
Duke llogaritur edhe 32
ndeshjet e këtij sezoni,
Partizani, fitues i 15
kampionateve ka zhvilluar
deri tani 1499 ndeshje.
Bilanci është pozitiv i
dukshëm: 811 fitore, 394
barazime dhe 294 humbje.
Golaverazhi: 2710 gola të
shënuar, 1235 gola të pësuar.
+1475 diferenca e golave

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Superliga	All times are GMT + 1 Hour Page Previous 1, 2, 3 ... 16, 17, 18, 19 Next
Page 17 of 19