FK Partizani Tirane

Partizani_One · Posted: Sat May 17, 2008 9:40 am Post subject:

Prej pesë vjetësh është mënjanuar nga Partizani, megjithatë
Perlat Musta nuk ka sesi të mos jetë ende me zemër aty. Ajo është
skuadra, që e bëri të njohur, duke i shërbyer si vitrinë për të shpalosur
cilësitë. Atë vazhdon ta ndjekë edhe sot, ndonëse thjesht si
dashamirës. Portieri legjendar, që ka luajtur kushedi sesa derbi,
ka pranuar të flasë më kënaqësi për duelin e sotëm, duke u përpjekur
të jetë subjektiv. Ndonëse e ka të pamundur që disa fjalë të
mos i dalin nga shpirti. “Vërtet blutë nisen të favorizuar, përderisa
janë dy pikë përpara në renditje dhe u mjafton një barazim.
Megjithatë, në aspektin psikologjik Partizani është paksa më i
çliruar, përderisa nuk ka ç’të humbasë. Prandaj do të hyjë me
synimin për të fituar, duke
luftuar deri në minutën e fundit.
Mendoj se do të di t’ia dalë
mbanë. Këtë e them jo vetëm si
tifoz, por edhe për atë që ka
treguar gjatë kësaj periudhe.
Meritën unë do t’ia jepja trajnerit
Lika dhe stafit të tij”.
Duke dashur t’i hyjë një analize
të ecurisë së dy skuadrave,
Musta thotë: “Dinamo e nisi
shumë mirë kampionatin, por
në fazën e dytë dhe të tretë shfaqi
lëkundje, përtej rezultateve...
Ndërsa Partizani ka qenë më i
qëndrueshëm në ecurinë e vet,
duke gabuar më pak”. Një
tregues jo pa rëndësi, sipas ishportierit
të kuq, sot mund të jetë tradita: “Partizani gjatë viteve e ka
treguar se është më lart se Dinamo, ashtu siç Tirana është më lart
se Partizani. Edhe tifozët më të shumtë kanë anuar nga ajo, që ka
qenë skuadra më e suksesshme. Mjafton të shohësh sesa ka Partizani
dhe sa Dinamo”. Në lidhje me tifozët e ka të vështirë të mos
konstatojë diçka: “Të vjen keq të shohësh që për një ndeshje të tillë,
ku ekziston mundësia të realizohet ajo që kërkojmë prej kohësh,
afrimin e tifozëve në stadiume, një pjese të mirë të tyre u privohet
prania. Gjithsesi, e rëndësishme është që ata do të jenë dhe besoj
se do të dinë të bëjnë t’u ndihet zëri”
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sat May 17, 2008 9:40 am Post subject:

Taljavento, parukieri që gjykon derbin

Një parukier nga Italia për të gjykuar derbin
Dinamo-Partizani. Duket si shaka, por në të
vërtetë është e vërtetë. “Bilbili” i Serisë A, 35-
vjeçari Paolo Taljavento, do të luajë rolin e
“gjykatësit” asnjëanës në duelin, që do të përcaktojë
kampionin e ri të Shqipërisë. Në vitin 2006,
emri i tij u përfshi në hetimin e skandalit të famshëm
“Calcopoli”, pasi u shfaq në procesverbalet
e përgjimeve telefonike. Gjithsesi, më pas Taljavento
u çlirua nga çdo akuzë, pasi gjykata
sportive nuk gjeti prova bindëse. Më 1 janar të
vitit 2007, Taljavento u bë gjyqtar ndërkombëtar,
teksa në kampionatin italian ka drejtuar mbi 50
ndeshje, ku e para daton në fundin e sezonit 2003-
2004, 25 prill 2004. Taljavento do të jetë “xhaketa”
e katërt italiane, që do të gjykojë një ndeshje
në Shqipëri. Rrugën e hapi Paskuale Rodomonti,
i cili në vitin 2003 gjykoi ndeshjen e “play-off”-it
midis Lushnjës e Apolonisë (4-1). Me pas ishte
Alfredo Trentalanxh, që gjykoi finalen e Kupës
së Shqipërisë, Dinamo-Tirana (1-0). Paskuale Rodomonti
drejtoi finalen e Kupës së Shqipërisë,
Vllaznia-Tirana (0-1). Në Shqipëri kanë gjykuar
edhe spanjolli Fernandez Marin (2002) në takimin
Dinamo-Tirana (0-0) të vlefshëm për kampionatin
e 63-të Kombëtar, por dhe gjermani Babak Rafati,
i cili gjykoi finalen e këtij viti të Kupës së Shqipërisë,
Vllaznia-Tirana 2-0
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sat May 17, 2008 9:41 am Post subject:

Në vitin ’90, në të fundit Dinamo-Partizani vendimtare për titull ishte trajner i bluve,
që u kurorëzuan kampionë. Sot Bejkush Birçe do të synojë të bëjë të njëjtën gjë, por
si drejtor teknik i Partizanit. ”Atëherë, Partizanit i duhej të fitonte 3-0 për të dalë
kampion, por s’shkoi më shumë se 2-0. Pak a shumë, situatë e ngjashme është tani,
kur neve na duhet vetëm fitorja, ndërsa Dinamos i mjafton barazimi. Në ndryshim
nga atëherë, jemi ne ata që kemi më shumë lojtarë të grumbulluar në Kombëtare.
Do të fitojë skuadra, me më shumë dëshirë për të arritur objektivin
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sat May 17, 2008 9:41 am Post subject:

Dhëmbi-Pinari: Si 6 vjet më parë!
MOLGEN BALENA
Gjashtë vjet më
parë, të dy bashkë
ngrinin trofeun
e kampionit me fanelën
e Dinamos. Atë, që këtë herë
Paulin Dhëmbi dhe Luan
Pinari do të kenë detyrën ta
shohin si “hasëm”, nëse
duan të rikthehen për t’u
kurorëzuar me një titull, që
ndoshta do të vlente më
shumë se herë tjetër, duke
parë edhe se Partizani s’e
fiton prej plot 15 vjetësh.
Dhëmbi
Sidomos, mesfushori
duket se ndjen më tepër këtë
trofe, përderisa mbrojtësi e
fitoi edhe me Tiranën, disa
vjet pasi ia doli me Dinanon.
“Kam fituar një titull me
fanellën blu, por tani jam një
lojtar i Partizanit dhe do të
mendoj ta përsëris me këtë
skuadër atë, që bëra në vitin
2002 me Dinamon - thotë shkurt
Dhëmbi -. “Ndoshta do
të ketë pak tension, sepse do
të ndeshen skuadrat më në
formë të kampionatit dhe
është sfida që përcakton sezonin.
Prandaj do të ketë një
rëndësi të veçantë. Gjithsesi
besoj se gjyqtari italian
mund të ndikojë për ta zbutur
paksa”. Partizani mund
të ngrohet edhe nga një fakt
se me Dhëmbin e Pinarin në
fushë s’ka humbur ndonjë
ndeshje me Dinamon.
Pinari
Një nga pikat kyçe të
mbrojtjes së kuqe ka
mundësinë të bëjë tris, përsa
i takon titujve me tre
skuadra të ndryshme, madje
brenda kryeqytetit.
Ndërkohë, e kaluara si blu
duket se në këtë moment
nuk merr fare rëndësi për
mbrojtësin veteran: “S’do
mend që do të gëzohem
sikur ta fitoj unë këtë titull,
sesa ta fitojë Dinamo. Them
se ky titull do të jetë me
rëndësi për faktin se do të
zgjidhet çdo gjë në javën e
fundit. Jo vetëm për mua,
por për të gjithë lojtarët që
do të zbresin në fushë do të
jetë një përgjegjësi e madhe,
pasi kjo sfidë me siguri do
të hyjë në historinë e futbollit
shqiptar”. Aty do të
hynte edhe Pinari, bashkë
me të gjithë Partizanin, në
rast triumfi.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sat May 17, 2008 9:42 am Post subject:

Nëse Partizani
fiton në
ndeshjen e
sotme,
atëherë do të
ketë mundësi
të barazohet
me tituj
kampionë me
Dinamon,
pikërisht nga
16 secila,
teksa rekordin
për kampionate
të fituar
e mban Tirana,
me 23.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri May 23, 2008 3:13 pm Post subject:

Partizani, në një merkato...”ëndrrash”
23 Maj Daniel Xhafaj? Marius Ngjela? Gilman Lika? Devis Mema, apo Enkel Alikaj? Gjithë këto emra nuk kanë sesi mos të të ngacmojnë kuriozitetin, por sa të vërteta janë fjalët që qarkullojnë? Xhafaj ka një kontratë me Tiranën dhe prej andej duket se nuk ka ndërmend të lëvizë, pavarësisht se dëshira e Partizanit për ta afruar është e madhe. Presidenti Xhani dhe trajneri Lika e “dashurojnë”, por jo vetëm, pasi edhe lojtarët e Partizanit e duan Danielin në skuadër. Megjithatë, përtej dëshirës, mbetet një objektiv shumë i vështirë. Nuk është hera e parë që flitet për të dhe asnjëherë ai nuk ka patur as më të voglin kontakt me drejtuesit e skuadrës së “demave”. Marius Ngjela? Sulmuesi korçar sigurisht mund të joshet nga fanella e Partizanit, aq më tepër që në skuadrën e kuqe janë tre korçarë, të cilët mund t’ia gjejnë atij anën, sidomos në këto momente, kur Besëlidhja zriti në një kategori inferiore. Por duket se drejtuesit e kuq nuk e kanë shumë për zemër këtë fubollist.Gilman Lika? Sigurisht, është një lojtar shumë i talentuar dhe një gjë të tillë e kanë evidentuar të gjithë specialistët, madje edhe drejtuesit e Partizanit. Shkodrani mund të bëjë shumë punë. Por deri tani nuk ka pasur asnjë lloj kontakti ndërmjet tij dhe drejtuesve të Partizanit. Devis Mema? Mund të jetë objektivi numër 1 i të kuqve në këtë merkato. Sulmues, i ri, punëtor dhe korçar. Katër cilësi që duket se mjaftojnë për të qenë pjesë e familjes së kuqe. Por a do ta lejojnë drejtuesit e Flamurtarit që Mema të shkojë në kryeqytet dhe të veshë fanellën e Partizanit? Kjo u takon drejtuesve të kuq. Pra, edhe për Memën, deri tani asnjë tratativë zyrtare.Enkel Alikaj? Mesfushori tiranas ka qenë te Partizani dhe është larguar prej andej jo me shumë kënaqësi. Ndoshta rikthimi i tij duket paksa i vështirë, por nga të sipërpërmendurit është i vetmi, nga sa mësohet, që ka dëshirë të kthehet te të kuqtë.
_________________
Ngjyr e kuqe ngjyr dashnie e ka frik cdo mi bashkie

K.F. LAÇI · Posted: Sat May 24, 2008 7:43 pm Post subject:

Ah sa te kemi Xahnin ne veshtire do e kemi gjithmone...
_________________
Oleee Oleee Oleeee Oleee kush esht me Industrialin te vije ketu me ne!!!!!!!!

Partizani_One · Posted: Sun May 25, 2008 9:34 am Post subject:

eh ca ti bejm mortjes Confused

_________________
Ngjyr e kuqe ngjyr dashnie e ka frik cdo mi bashkie

admin · Administrator Joined: 10 Jan 2008 Posts: 1870 Status:

merkato fuqishme si zakonisht
_________________
FutbolliShqiptar.net

admin · Administrator Joined: 10 Jan 2008 Posts: 1870 Status:

mund te marrim Memen, Zeqirin dhe Veliun nga Flamurtari. Kta dy te fundit donte ti merrte qe ne janar Xhani po si doli gje. Me ket Memen dhe Ngjelen do na perforcohet cik sulmi te pakten.

_________________
FutbolliShqiptar.net

	Futbolli Shqiptar Forum Index -> Superliga	All times are GMT + 1 Hour Page Previous 1, 2, 3 ... , 17, 18, 19 Next
Page 18 of 19