KS Beselidhja Lezhe

Partizani_One · Posted: Wed Mar 19, 2008 2:23 pm Post subject:

Besëlidhja: Nëndetsja do të mbytet në Lezhë!
19 Mars Kapiteni lezhjan, Sokol Toma, pasi ka mësuar se ndeshja me Dinamon do të luhet ditën e shtunë ka thënë se, “për ta fituar këtë ndeshje duhet të hedhim shpirtin në fushë”. Lezhjanët janë tejet të vendosur që në këtë përballje të japin maksimumin e tyre. Sipas Tomës, lezhjanëve nuk u intereson aspak se ç’do të bëjë Dinamo dhe me çfarë qëllimi vjen ajo në Lezhë. Skuadra është tejet e karikuar për ti marrë maksimumin Dinamos pasi pikët e plota konsiderohen të domosdoshme në rezultatet që duhen për të realizuar objektivin. “Duhet ta realizojmë këtë ? tha kapiteni ? se hapat deri në fund të kampionatit janë tejet të kufizuar dhe nëse ne gabojmë, sidomos në këtë ndeshje shtëpiake, ne do të hymë në një rrugë që nuk na çon atje ku duhet”. Prej këtej, bindja: “Skuadra është në formë, teksa grupin e kemi të plotë dhe stimuli material për fitoren na josh të gjithëve. “Nëndetsja” do të “mbytet” në Lezhë!”.

“Të ruhemi në minutat e para”

Mbrojtësi i qendrës u ka bërë thirrje shokëve të tij për t’iu raujtur befasisë së kundërshtarit. “Ne ? ka thënë ai ? duhet të mbrohemi mirë, sidomos në minutat e para, për të mos u ndëshkuar. Përvoja jonë ka treguar se, sidomos në ndeshjet shtëpiake, kemi vështirësi në rimarrjen e vetes kur pësojmë. Kjo ndoshta dhe për faktin e presionit që na bëhet nga prania e tifozerisë”. Ndërkaq Toma ka kërkuar nga skuadra e veçanërisht nga dy repartet e tjera të skuadrës që të interpretojnë sa më mirë. “Na duhet të shënojmë ?ka vijuar mbrojtësi ? Kemi goleadorët Ngjela dhe Ivanaj, por dhe Petreskin, pa harruar që për skuadrën tonë kanë shënuar mbrojtës dhe mesfushorë”.

Bazuar në përgatitjet që Gjyla ka realizuar me skuadrën është dukur qartë se loja e skuadrës lezhjane do të jetë ofensive në këtë ndeshje. Ai çdo ditë eksperimenton dhe siç thotë Toma, “ka dhe tre ditë për të bërë atë që duhet”

Vjen Smajli, dëmtohet Baliç

Dje, pas një shkëputje disaditore për arsye dëmtimi, mesfushori lezhjan Smajli është bashkuar me grupin në stërvitje. Eshtë rikuperuar plotësisht dhe ka përballuar mjaft mirë ngarkesën. Ka qenë ogur i mirë për Gjylën, që e ka “qarë” mungesën e tij. Por, teknikut i është prishur qejfi kur, në fund të takimit, ka parë mbrojtësin Baliç të lërë fushën e stërvitjes, për shkak të një tërheqjeje. Gjyla e konsderon Baliçin si një pikë të fortë të skuadrës ndaj dhe ka lënë detyrë për stafin mjekësor që të bëjnë çmos për riaftësimin e tij.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Mar 20, 2008 4:28 pm Post subject:

Ivanaj, golin e parë ndaj bluve
20 Mars Një ndër lojtarët e njohur të skuadrës lezhjane, ish?goleadori i saj, Kreshnik Ivanaj, ka folur për gazetën tonë lidhur me ndeshjen e fundjavës me Dinamon. Ivanaj ndihet keq që ende nuk ka gjetur golin pas rikthimit në skuadër, por ndeshjen me blutë e konsideron moment të mirë për të gëzuar veten dhe tifozerinë lezhjane. Sipas tij, goli i parë do të prodhohet në këtë ndeshje dhe këtë ai e parandjen.

? Ndërsa njiheni si golshënues, në tri ndeshjet që kemi luajtur, pas rikthimit në skuadër, nuk keni dalë te goli...

? Nuk janë tri ndeshje të plota, por kam luajtur pjesë të tyre, përveç asaj me Partizanin, ku jam aktivizuar për 90 minuta. Sidoqoftë, unë kam bërë përpjekje por duhet thënë se jo gjithmonë kam luajtur i avancuar. Megjithatë, fakti që unë ende nuk kam prodhuar gol më mundon. E di se do të çlirohem dhe do të dal në “zanatin” tim fill pasi të shënoj golin e parë.

? Në këto ndeshje që keni luajtur, jeni ndëshkuar dy herë...

? Pa dashur të justifikohem, sqaroj se me Teutën jam ndëshkuar për luftë të fortë sportive, ndërsa me Besën kam gabuar instiktivisht teksa gjyqtarët kanë zbatuar rreptësisht rregulloren pa toleruar aspak. Sigurisht, skuadra ka vuajtur prej këtyre ndëshkimeve të mia dhe unë do të përpiqem të gaboj sa më pak.

? Thuhet se Dinamos “ia keni marrë dorën”, pasi kur keni luajtur ndaj saj keni shënuar...

? E vërteta është se ndaj Dinamos përgjithësisht kam shënuar. Vite më parë, kur kam luajtur për Shkumbinin, kalendari na ka përballur me Dinamon, ndeshje të cilën e kemi zhvilluar në Elbasan, unë kam shënuar golin e vetëm e të fitores, por bluve u kam bërë gol edhe në Tiranë.

? Kjo do të thotë se golin e parë tuajin e keni rezervuar për Dinamon?

? Mbase po. Duke luajtur si sulmues të mirëfilltë me Ngjelën, them se është momenti për t’u rikthyer te goli. E parandiej se dëshira ime dhe e tifozerisë do të plotësohet duke shënuar në portën e Dinamos.

? Ndeshja e së shtunës....

? Ndeshje e vështirë, kur mendon se kundërshtari renditet në vendin e parë. Detyra jonë është të japim gjithçka tonën për të marrë maksimumin dhe besoj se i kemi mundësitë reale për ta bërë.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue Mar 25, 2008 6:45 pm Post subject:

Lezhjanët, gëzimi pa eufori për fitoren
25 Mars Atmosfera në mjediset sportive të Lezhës, pas ndeshjes me Dinamon, që përfundoi me fitoren e Besëlidhjes, ka qenë festive. Lezhjanët e futbollit kanë gëzuar deri në orë të vona për atë trepikësh, që ia kanë rrëmbyer me meritë kryesueses, duke hedhur një hap jo të vogël drejt objektivit final.

Profecia e futbollistëve ? Të gjithë futbollistët kanë besuar te një fitore e mundshme ndaj Dinamos. Gjatë javës ata e kanë deklaruar këtë dhe e realizuan atë çka kishin premtuar. Mbrojtësi kosovar, Erdin Hashani, kishte thënë se “nuk do të gabojmë tri herë radhazi me dinamovitët” dhe ai ka qenë lojtari më taktik i Gjylës, ndërsa Dritan Smajli, “tanku” i Besëlidhjes, ka interepretuar në mënyrë të shkëlqyer detyrat. Kurse Kreshnik Ivanaj premtoi se golin e tij të parë në këtë kampionat do ta shënonte ndaj dinamovitëve dhe kështu ndodhi me të vërtetë. Janë dalluar edhe të tjerët, që nga kapiteni Toma, për të vazhduar me Da Silvën dhe Paulinjon, ndërsa Ngjela, edhe pse deri tani ka shënuar vetëm një gol për Besëlidhjen, mbetet i pazëvendësueshëm në skuadrën e Gjylës. Ka qenë model i shpirtit luftarak në ndeshjen me Dinamon, kur nuk ka lënë pëllëmbë të fushës pa shkelur, madje duke zgjidhur situata të vështira edhe para portës së tij. “Unë zbatoj deyrat që më jep trajneri, teksa golat do t’i shënoj natyrshëm” thotë vetë Ngjela.

Mendojnë për ndeshjet e tjera ? Një nga shtyllat e Besëlidhjes edhe në këtë ndeshje ka qenë kapiteni Sokol Toma. Sidomos pas ardhjes së teknikut Gjyla, ai po kalon një formë mjaft të mirë. Jo më kot tekniku Gjyla e ka veçuar Tomën, duke thënë se ai mund të jetë i vlefshëm edhe për përfaqësuesen tonë. Por për Tomën shqetësimi është qëndrimi i Besëlidhjes në Superiore. “Mjaft kemi festuar për këtë fitore, tani të përgatitemi sa më mirë për ndeshjet e radhës. Ato janë të gjitha të rëndësishme për ne, ndaj në asnjë moment nuk duhet të lëshojmë” ka thënë për gazetën tonë kapiteni Toma.

Skuadra stërvitet në Shëngjin

Reshjet e shumta, që ranë dje, kanë përmbytur thuajse të gjitha mjediset e stërvitjes. Aneksi i stadiumit i ka ngjarë një pishine noti, ndërsa fusha ka qënë gjysmë e përmbytur. Në këto kushte, skuadra lezhjane, në drejtimin Gjylës, ka udhëtuar drejt Shëngjinit, ku në rërën e pambuluar me ujë është zhvilluar stërvitja. Sidoqoftë, Gjyla ka pohuar se në ato kushte ka qenë e pamundur të realizohet programi i stërvitjes, duke e reduktuar atë në vrapime. M.C
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri Apr 04, 2008 8:24 pm Post subject:

Lezhjanët, “frika” nga arbitrimi
4 Prill Shorti i “zgjedhur”, siç e kanë quajtur ata caktimin e gjyqtarit të ndeshjes së tyre me durrsakët, i ka ngacmuar lezhjanët, që kanë reaguar. Sipas tyre, ata janë të interesuar të dinë se cili e ka kërkuar këtë mënyrë të caktimit të arbitrit dhe ç’qëllim kishte. Burime nga klubi i futbollit Besëlidhja bëjnë të ditur se nga pala lezhjane nuk ka pasur asnjë kërkesë për një short të tillë. Ndaj dhe habia lezhjane është se, përse pikërisht për këto dy skuadra përzgjidhen tre gjyqtarë, prej të cilëve njëri do të gjykojë. Tekniku i Besëlidhjes, Ilir Gjyla, thotë se të paktën ai nuk ka pasur asnjë ankesë për gjyqtarët. “Për mua, të gjithë janë kopetentë dhe me eksperiencë” thotë Gjyla, prandaj ai nuk e ka quajtur të arsyeshme veçimin për përzgjedhjen e gjyqtarëve në ndeshjen me Teutën. “Nëse ne do ta kërkonim këtë mënyrë përzgjedhjeje, atëherë sektori i garave mund ta bënte. Por ne nuk kemi kërkuar asgjë, pasi ndeshjen me Teutën e konsiderojmë si të radhës” ka sqaruar tekniku. Nga ana e saj, tifozeria e Besëlidhjes ka frikë se mos kundërshtarët e kanë “rekrutuar” ndonjërin prej këtyre gjyqtarëve. Gjithsesi, e gjithë kjo histori mund të jetë e lidhur edhe me faktin se ndeshja Teuta?Besëlidhja është më e rëndësishmja e kësaj jave, sepse ka të bëjë me fati e dy skuadrave që kërkojnë mbijetesën. Tekniku Gjyla, edhe pse ka shprehur habi për këtë short, ka folur vetëm për masat që po merr me skuadrën e tij për të futur në “grackë” Teutën. “Ne duhet t’u marrim futbollistëve tanë maksimumin dhe, nëse arrihet kjo në Durrës, jemi të fituar” ka thënë ai.

Sulmuesit premtojnë gol ? Dy sulmuesit e Besëlidhjes, Kreshnik Ivanaj dhe Marjus Ngjela, premtojnë se do të shënojnë në portën e Teutës. Ivanaj, i cili ka rritje të dukshme në lojën e tij, ka treguar dhe me vepra, në ndeshjen e kontrollit të së mërkurës, se ai vërtet mund të shënojë nesër në Durrës. Në ndeshjen brenda “familjes” ai ka qenë i papërmbajtur. Së bashku me Ngjelën ata synojnë të shënojnë secili golin e tretë për Besëlidhjen. “Veç detyrave si sulmues i tërhequr ? ka thënë ai, ? do të përpiqem të integrohem më mirë në veprimet sulmuese, për të shënuar ndaj durrsakëve”.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sat Apr 05, 2008 2:04 pm Post subject:

Lezhjanët, besim por dhe ankth nga gjykimi
5 Prill Skuadra lezhjane do të luajë në Durrës me bindjen e plotë se ajo i ka të gjitha mundësitë për ta fituar ndeshjen me Teutën, edhe pse mendojnë se jo gjithçka do të varet prej tyre. Gjykimi i ndeshjes është paralajmëruar si “thembra e Akilit”, pasi frika është se mos vendosin ata, që nuk janë pjesë e skuadrave. Skuadra e Gjylës është përgatitur seriozisht dhe seancën e fundit e kanë kryer dje, ndërsa më pas është nisur drejt Durrësit. Futbollisti i përfaqësueses kuqezi U?17, Teodor Përlleshi, ka pohuar se skuadra e tij, më së paku në aspektin psikollogjik, ka besim se ndaj Teutës do të fitojë, për të shkuar pastaj drejt realizimit të saj madhor, qëndrimi në Superiore. Përlleshi, përveçse mendon që skuadra e tij do të jetë fituese me durrsakët, ka bindjen se do ta arrijë atë me një lojë të bukur. Tekniku Gjyla, nga ana e tij, në ndeshjen e sotme mendon të hedhë në fushë një skuadër agresive, e cila do ta kërkojë golin që në minutat e para. Futbollistët lezhjanë e dinë mjaft mirë rëndësinë e fitores në këtë ndeshje dhe ndihen komod në planin psikollogjik, sepse kanë tri pikë më shumë se durrsakët. Ndërsa në lidhje me frikën e gjykimit, edhe Përlleshi është bërë i ndjeshëm dhe, ndonëse sipas tij si i ri është herët që të merret me probleme të tilla, fakti që emrat e gjyqtarëve për këtë ndeshje janë kufizuar në short e ka bindur atë të mendojë si të gjithë të tjerët.

Reagon Jaku ? Lidhur me hedhjen e shortit të gjyqtarëve në Alsat, ka reaguar dhe drejtori ekzekutiv i klubit Besëlidhja, Gjokë Jaku. Duke nënvizuar faktin që klubi i tij nuk ka kërkuar asgjë nga sektori i garave në FSHF, ka pohuar se organizimi i shortit për Besëlidhjen mund të ketë qenë dhe i qëllimshëm. “Të më falin gjyqtarët, pasi për të gjithë kam respekt, por në mënyrë të veçantë gjirokastritit Latifi do t’i kërkoja drejtësi në gjykimin e kësaj ndeshjeje të rëndësishme për të dy skuadrat. Unë do të kërkoja që përfaqësues të FSHF në ndeshjen në Durrës të jenë monitorues të arbitrimit, për të mos lejuar njëanshmëri, qoftë dhe në favorin tonë. Le të fitojë ajo skuadër që e meriton, pasi vendimi i Komisionit të garave në FSHF është i parevokueshëm. Vetëm kaq mund kërkoj për këtë ndeshje, por njëherazi duke nxjerrë mësimin për të reaguar shpejt në të ardhmen, nëse do të na krijohen situata të tilla” ka përfunduar Jaku.
_________________
Ngjyr e kuqe ngjyr dashnie e ka frik cdo mi bashkie

K.F. LAÇI · Posted: Tue Apr 08, 2008 9:40 pm Post subject:

Besëlidhja ia faturon humbjen gjyqtarit

Sporti Shqiptar
08-04-2008
Mail Print

I ka kushtuar shumë Besëlidhjes humbja me Teutën në Durrës, pasi e ka rikthyer ekipin lezhjan në vendin e parafundit. Nuk i kanë treguar fare lezhjanët vlerat e tyre në këtë ndeshje. Madje nuk kanë korrigjuar asgjë nga ajo lojë e dobët në Korçë, ku megjithëse kanë luajtur keq, kanë marrë tri pikë. Sulmuesi kryesor, Ivanaj, me gjithë përpjekjet e tij, nuk ka arritur të rrezikojë portën durrsake, ashtu si dhe kolegu i tij Ngjela. Ata e kanë ndier veten të izoluar dhe të vetëm në veprimet sulmuese. Përveç lojës së dobët, në lojën e lezhjanëve ka ndikuar edhe njëfarë vetëkënaqësie e papërligjur, e cila i kishte lëshuar rrënjët pas atyre rezultateve pozitive të arritura në ndeshjet e para të fazës së tretë. Por lojës së Besëlidhjes ia ka prerë krahët dhe gjykimi i njëanshëm i gjyqtarit. Drejtuesit e klubit, futbollistët dhe tifozëria lezhjane e patën kontestuar ashpër mënyrën e organizimit të shortit për gjyqtarët e ndeshjes së tyre kundër Teutës. Madje drejtori Jaku përzgjedhjen e tre gjyqtarëve për t'u futur në një vazo të veçantë e pati cilësuar një farsë që bëhet me kërkesën e drejtuesve durrsakë në dëm të Besëlidhjes. Ishte një farsë e gatuar në zyrën e Kotherjes, për t'u përligjur gjoja me transparencën televizive dhe për t'u zbatuar në stadiumin e Durrësit. Pas ndeshjes trajneri Gjyla ia ka faturuar tërësisht humbjen në Durrës gjykimit të njëanshëm. Largimin e kapitenit Toma ai e vlerëson tërësisht të padrejtë, kur thotë: "Sulmuesi durrsak ishte në pozicion të dukshëm jashtë loje kur ka ndërhyrë Toma kundër tij. Megjithëse me një futbollist më pak, ne u përpoqëm ta balancojmë lojën, por gjyqtari ka vazhduar të na godasë me goditje dënimi të paqëna në afërsi të zonës sonë. Kundër nesh është luajtur tepër rëndë dhe në asnjë rast gjyqtari nuk ka ndërhyrë, duke e mbyllur skenarin me golin e dytë, që ishte në pozicion jashtë loje."

Por Gjyla fajëson dhe futbollistët e tij për shpirt gare e lojë me shumë gabime. Megjithëse ai ka ndërhyrë në formacion, duke kryer edhe zëvendësimet e mundshme, për t'i dhënë lojës ritëm, përsëri në fushë nuk ka ndryshuar thuajse asgjë. Gjyla i kishte paralajmëruar gjatë gjithë javës futbollistët për të vënë shpirtin lojës dhe për të larguar çdo ndjenjë vetëkënaqësie, pasi Besëlidhja nuk e ka luksin për t'u përfshirë nga një sëmundje e tillë, por futbollistët pak kanë reaguar ndaj kërkesave të trajnerit, duke rezultuar të infektuar nga ky "virus", që u ka kushtuar shumë në lojën e tyre. Tani humbja në Durrës duhet lënë pas, për të menduar për ndeshjen e radhës me Kastriotin në Lezhë. Besëlidhja i ka të gjitha mundësitë për ta kaluar me sukses këtë ndeshje, pasi ka treguar vlera loje e rezultate pozitive me çdo kundërshtar, kur ka zbatuar detyrat e ka luajtur i mobilizuar e me shpirt gare. Dhe për këtë, duke filluar që dje, trajneri Gjyla i është përveshur punës për të përgatitur ekipin për këtë sfidë.

Lekë Miraj
_________________
Oleee Oleee Oleeee Oleee kush esht me Industrialin te vije ketu me ne!!!!!!!!

Partizani_One · Posted: Wed Apr 09, 2008 8:56 am Post subject:

Gjyla: Të dënuar veç të fitojmë
8 Prill

Dhembjen e humbjes ndaj durrsakëve, duket se lezhjanët e kanë kaluar shumë shpejt. Dje, stafi teknik i Besëlidhjes, mbase dhe për arsye psikollogjike, nuk ka zhvilluar ndonjë analizë, siç ndodh rëndom në ditët pas ndeshjes. Para fillimit të stërvitjes së djeshme, tekniku Gjyla pak kohë i ka kushtuar humbjes ndaj Teutës dhe menjëherë ka filluar përgatitjet për përballjen me rivalin tjetër, Kastriotin, me të cilin do të ballafaqohen të shtunën. “Duam të harrojmë shijen e hidhur të asaj humbjeje, kur, për hir të së vërtetës, duhet të pohojmë se as ne nuk ia bëmë hyzmetin ashtu siç duhet ndeshjes, pavarësisht gjykimit” ka thënë Gjyla. Duke vazhduar më tej, tekniku lushnjar ka thënë se është e kotë të kontestosh, edhe pse kanë patur shumë të drejtë: “Kur mendon se ato bien në vesh të shurdhët, është krejt e pavlerë të merresh me to”. Madje, sipas tij, një ndër arsyet që ka ndikuar në lojën e dobët të skuadrës mund të ketë qenë dhe ankimi ndaj gjykimit: “Jam i bindur që ky ka qenë presion psikollogjik ndaj futbollistëve tanë, pasi nuk ka arsye që të luanin në atë mënyrë”. Ndërkaq, lezhjanët kanë nxjerrë mësim, se energjitë e tyre duhet t’i shfrytëzojnë për t’u përgatitur dhe për të dhënë maksimumin në ndeshjet e ardhshme. Ky ka qënë dhe thelbi i fjalës së teknikut Gjyla para futbollistëve, në prag të stërvitjes së djeshme. “Jemi të dënuar për të marrë maksimumin në çdo ndeshje, pasi të jeni të bindur se askush nuk na fal gjë, nëse duam të qëndrojmë në elitën e futbollit shqiptar. Mundësitë i kemi, por kërkohet që të kreyejmë më së miri detyrat tona, pavarësisht se ç’bëjnë të tjerët” u ka thënë Gjyla lojtarëve.

“Infermieria”, plot ? Në përballjn me Teutën, lezhjanët kanë pasur një mori mungesash, disa prej të cilave tashmë janë të vjetëra. Armend Jusufi dhe Stojçevski kanë muaj që i kanë munguar skuadrës, teksa kosovari Baliç ndiehet i pamundur për të luajtur, pas tërheqjes muskulare të pësuar para një muaji. Por dhe Smajli në ndeshjen me Teutën ka qenë jo krejt i gatshëm, ndërsa Gjyla, për nevoja dhe për situatën e krijuar, e ka aktivizuar. Edhe ndeshja me Teutën ka prodhuar firo te Besëlidhja: dje nuk kanë qenë në stërvitje me skuadrën serbi Miçiç dhe kosovari Hashani, për arsye të dëmtimeve që kanë marrë të shtunën.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Apr 16, 2008 4:01 pm Post subject:

Besëlidhja: Miçiç, urgjent në spital
16 Prill Kriza në veshka përpara stërvitjes së pasdites ka bërë që shokët ë skuadrës të çojnë serbin Dragan urgjentisht në spitalin rajonal të Lezhës, ku është ekzaminuar. Sot diagnoza.

Një ngjarje e pazakontë ka ndodhur dje, tek skuadra e Besëlidhjes. Kështu, serbi Dragan Miçiç dje paradreke ka përfunduar në spitalin rajonal të Lezhës. Një krizë e menjëhershme, e cila është shoqëruar me dhimbje të forta të veshkave, ka bërë që lojtari të mos ndihet mirë dhe menjëherë atij i është dhënë ndihma e parë nga ana e shokëve të skuadrës, të cilët, më pas e kanë dërguar atë urgjent në spital. Menjëherë ai ka filluar mjekimin dhe gjendja e tij është përmirësuar. Ndërkohë që ndaj tij po ekzaminohet për të përcaktuar diagnozën përfundimtare dhe të saktë që solli edhe atë krizë dhe frikë. Ka të ngjarë që të shtunën, ndaj vlonjatëve, përveç Smajlit, të skualifikuar, formacionit të Gjylës t’i mungojë dhe serbi Miçiç.

Kruja: “Fitorja s’merret me zor”

Sado që lezhjanët kanë rrezikuar me barazimin ndaj rivalëve krutanë, dita e djeshme për ta ka qenë krejt normale. Futbollistëve u është rikthyer qetësia. Mesfushori Alket Kruja, ndër futbollistët më me përvojë të Besëlidhjes, mendon se vlerësimi për ndeshjet e mbetura kërkohet të jetë në shkallën e duhur. Shpresat e lezhjanëve nuk janë shuar dhe jo vetëm matematikisht, por dhe realisht mundësitë ekzistojnë. Në lidhje me ndeshjen ndaj Teutës dhe ndaj Kastriotit, lezhjanët nuk arritën të përfitojnë prej tyre, përkundrazi, kundërshtarët kanë dalë më të fituar. Në këtë konteks Kruja ka pohuar se asgjë nuk merret me zor. “Në dy ndeshjet me Teutën dhe Kastriotin ekipi jonë nuk ka patur qetësi në lojë pasi sipas tij skuadra është e kompletuar. Megjithatë mendohet se vuajtjet psikologjike të skuadrës lezhjane do të jenë më të lehta. Jam i bindur, ? ka vazhduar Kruja ?, se në ndeshjet e mbetura do të luajmë lirshëm, pasi s’kemi ç’të humbasim”. Ndërkohë ai ka besim se skuadra e çliruar do të dalë në lojë ndaj dhe ai pret që në ndeshjet e mbetura të arrihen rezultate surprizë. Pavarësisht se Kruja në parashikimet e tij duket jo fort i besueshëm, këtë mendim e ka pjesa dërrmuese e skuadrës, teksa dhe tekniku Gjyla nuk i ka humbur shpresat.

Në Vlorë, mentalitet fituesi

Në dy ndeshjet e para në mes tyre, Flamurtari dhe Besëlidhja janë ndarë miqësisht dhe kjo duhet të jetë ndeshja e tretë e cila për lezhjanët është e vështirë, jo vetëm pse luhet në transfertë, por edhe sepse skuadra vlonjate është cilësore. Por, sipas Krujës lezhjanët po përgatiten për të udhëtuar në Vlorë për të marrë një rezultat pozitiv. Për hir të miqësisë mes dy qyteteve ku ambasadorë kanë qënë njerëz të këtij sporti, Kruja mendon se skuadra e tij nuk do ta ndjejë shumë faktin se kjo ndeshje nuk do të luhet në transfertë. Madje ai kujton se sa herë ka luajtur në stadiumin e Vlorës, skuadra lezhjane është respektuar prej tifozerisë së mrekullueshme vlonjate. Ndërkaq lezhjanët e dinë se vlonjatët vijnë pas një humbje shkatërruese me blutë e kryeqytetit dhe kjo mund të jetë arsyeja që ata do të kërkojnë me insistim të rehabilitohen para tifozerisë së tyre, duke luftuar fort për të fituar ndeshjen. “Mirëpo fakti që skuadra lezhjane në Vlorë do të luajë si në shtëpinë e saj ka të ngjarë që ajo të dalë faqebardhë në Vlorë”, ka përfunduar Kruja.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Apr 23, 2008 1:15 pm Post subject:

Lapsi” shmang rënien direkte
23 Prill Duke kaluar nëpër mend ndeshjet që kanë mbetur, lezhjanët i kanë bërë llogaritë që këtyre pesë ndeshjeve t’u merren pikët e mjaftueshme, së pari, për të mos rënë direkt një kategori më poshtë.Duhet që të kryejnë detyrat e tyre për të mos gabuar në ndeshjet shtëpiake, duke filluar nga ajo e së shtunës me Shkumbinin.

Tekniku Gjyla i ka vlerësuar të favorshme për skuadrën e tij përplasjet e rivalëve direktë: “Duhet thënë se Teutës dhe Kastriotit i është shtuar dhe Flamurtari. Që nga kjo javë kalendari është interesant. Kastrioti do të luajë në Korçë e Flamurtari në Durrës dhe pas një jave, rezultati i ndeshjes Flamurtari ? Kastrioti, në përqindje të lartë, do të përcaktojë fatin e skuadrave konkurrente”. Gjyla shpreson shumë se dhe rezultatet e këtyre ndeshjeve do të jenë në favorin e lezhjanëve.

Por, duke mos shkuar aq larg, skuadra lezhjane ka dy ditë që po përgatitet për të pritur peqinasit që kanë një skuadër shumë të mirë. “Ata, edhe nëse nuk do të luajnë fort, do të luajnë të qetë, çka përbën vështirësi për ne”, ka thënë Gjyla.

Largohet dhe Baliç

Kosovari Baliç është i dyti futbollist që, brenda javës, largohet nga skuadra lezhjane. Stafi mjekësor ka arritur në konkluzionin që nuk mund të jetë i gatshëm për lojë për më tepër se një muaj. Baliç pat ardhur te skuadra lezhjane në fazën e dytë, kur Besëlidhja zhvillonte përgatitjen dimërore në Maqedoni. Ka luajtur katër ndeshje me Besëlidhjen, madje ka shënuar dhe gol në ndeshjen me Elbasanin ku Besëlidhja fitoi dhe ai u dëmtua rëndë. Pas Stojçeksit, Baliç është i dyti futbollist i huaj që, për arsye dëmtimi, “çregjistrohet” nga Besëlidhja.

Skuadra mer premio

Dje klubi lezhjan ka shpërblyer futbollistët e skuadrës me shumën 100 mijë lekë të vjetra për çdonjërin prej tyre, për barazimin e arritur Vlorë. Ndërsa të gjithë futbollistët kanë ngelur të kënaqur klubi ka treguar dhe njëherë se skuadrën do ta mbajë të karikuar dhe nuk ka nd`rmend të dorëzohet deri në minutat e fundit të kampionatit. Barazimi dhe shpërblimi skuadrës kanë krijuar atmosferë tjetër dhe tek tifozeria e cila këtë javë i është rikthyer stadiumit për të ndjekur skuadrën në stërvitje.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Apr 24, 2008 1:39 pm Post subject:

Gjyla, theksi në lojën sulmuese
24 Prill Përgatitjet për ndeshjen me Shkumbinin kanë marrë vlerësimin maksimal prej të gjithë protagonistëve të skuadrës lezhjane. Pavarësisht se në këtë kampionat mes këtyre dy skuadrave gjithçka është në barazpeshë, ku secila prej tyre ka një fitore “shtëpiake”, tre gola të shënuar dhe po aq të pësuar, lezhjanët kërkojnë të marrin epërsi ndaj peqinasve, pasi e konsiderojnë si shumë të rëndësishëm faktorin fushë. Ndërkaq, qetësia që mbizotëron në skuadër dhe mungesa e ngarkesës psikollogjike janë avantazhe, që Besëlidhjes i kanë munguar në përballjet direkte me rivalët, të cilët luftojnë për mbijetesë. Kjo mund të konsiderohet një epërsi apo armë e skuadrës lezhjane, e cila do ta përdorë me efektivitet në ndeshjet që kanë mbetur. Në seancën e djeshme stërvitore, Gjyla ka bërë “kolaudimin” e skuadrës, që do të nxjerrë në fushë përballë peqinasve. Ndeshja e kontrollit, e kryer “brenda familjes”, ku janë aktivizuar dhe lojtarë nga skuadra e të rinjve, si Thana, Shyti, Macolli e Boraku, që kanë spikatur në lojën e tyre, ka qenë shumë e fortë dhe me rivalitet. Megjithatë, mungesat e Smajlit, Tomës dhe Da Silvës e kanë detyruar teknikun Gjyla të eksperimentojë, me synimin që të shtunën të bëjë zgjedhjet e duhura. Mendohet që prapavija është e stabilizuar edhe nëse kapiteni Toma nuk do të luajë. Ndërsa Kruja, me lojën që ka zhvilluar të shtunën e kaluar në Vlorë, ka bindur se e meriton të jetë titullar në ndeshjen e radhës dhe mund të jetë një pikë e fortë në mesfushë.

Stërvitje me golshënuesit ? Një shqetësim i teknikut Gjyla është shënimi golit nga sulmuesit e skuadrës së tij. Ndërsa ata janë të shquar si shënues, shterpësia e golave prej Ngjelës e Ivanajt e kanë detyruar Gjylën të merret në mënyrë të diferencuar me ta. Pas stërvitjes, ai është ndalur me sulmuesit, sidomos me Ngjelën, Ivanajn, Petrevskin e Përlleshin, ku janë improvizuar situata loje dhe atyre u është kërkuar të gjuajnë me saktësi në portë. Ka punuar gjatë me ta dhe, si duket, në ndeshjen me Shkumbinin përparësi tekniku do t’i japë lojës sulmuese të skuadrës. Edhe dje Gjyla ka eksperimentuar të luajë me tre sulmues, ndërsa duket se në këtë ndeshje do të ndërrojë dhe modulin e lojës, nga 3?5?2 në 3?4?3, duke shpresuar se ku rreshtim i skuadrës do të prodhojë shpejt golin dhe do të garantojë fitoren. Ka provuar të luajë me katër lojtarë në mesfushë, ku ka zëvendësuar Grudën me Përlleshin, i cili mendohet të përforcojë lojën mësymëse të Besëlidhjes në ndeshjen e së shtunës, kur do të presin Besëlidhjen.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Kategoria e Pare	All times are GMT + 1 Hour Page Previous 1, 2, 3 Next
Page 2 of 3