KF Teuta Durres

Partizani_One · Posted: Fri Feb 29, 2008 6:07 pm Post subject: KF Teuta Durres

http://www.sportekspres.com/lajm.php?idt=6430

_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Mar 05, 2008 4:08 pm Post subject:

Teuta kthehet në një çështe “Buna”
5 Mars Ndryshe nga ditët e tjera, dje durrsakët e kanë realizuar stërvitjen disa orë më përpara se zakonisht. Pasdite ata janë nisur drejt Elbasanit, meqë sot do të zhvillojnë ndeshjen e parë çerekfinale të kupës së Shqipërisë ndaj verdhebluve. Ndonëse në kampionat Teuta pozicionohet në zonën që të rrezikon për të dalë nga kategoria, kjo gjë nuk i kondicionon ata për të patur pretendime në kupën e Shqipërisë. Nëse në turet e mëparshme, "djemtë e detit" janë ndeshur me skuadra të kategorive më inferiore, sot ata do të kenë përballë një ekip shumë të fortë dhe që pretendimet i ka drejtuar të tëra në kupë. Para nisjes drejt Elbasanit, lojtarët durrsakët kanë shprehur vlerësimin e tyre për këtë takim, në të cilin ata synojnë të marrin një rezultat të kënaqshëm. Mesfushori me përvojë, Qazim Buna, lidhur me këtë sfidë është shprehur: "Ne synojmë të paraqitemi sa më mirë në kupë, siç kemi bërë shpesh në vitet e fundit. Kemi arritur të shkojmë deri në çerekfinale, por shpresojmë të vazhdojmë dhe më tej. Përballë do të kemi një kundërshtar mjaft të fortë si Elbasani, i cili në fushën e tij bëhet dhe me i vështirë. Ne e vlerësojmë maksimalisht këtë takim dhe shpresojmë të bëjmë më të mirën në fushë". Në përballjet që ka patur Teuta në kampionat me verdheblutë nuk ka qenë shumë me fat, teksa është mundur dy herë me rezultat të ngushtë, madje në minutat e fundit të takimit. Buna shpreson që në kupë gjërat të shkojnë ndryshe, aq më tepër që ky kompeticion ka një fizionomi tjetër, ndërsa pohon se: "Nëse në kampionat duhet vazhdimësi, në kupë mjaftojnë dy ndeshje të mira për të kaluar në turin tjetër. Pastaj, ka shumë rëndësi dhe goli në fushë kundërshtare...". Një paralajmërim?
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Mon Mar 10, 2008 9:26 pm Post subject:

Mile: Të vazhdojmë me këtë shpirt gare
10 Mars Teuta e ka mbyllur në mënyrën më të mirë javën e kaluar, teksa të shtunën ka marrë një trepikësh mjaft të çmuar në "Loro Boriçi", në përballjen ndaj Vllaznisë. Me këtë fitore durrsakët kanë arritur në renditje edhe Kastriotin e vendit të nëntë, duke i rritur kështu shpresat për t'iu shkëputur zonës së ftohtë. Në ndeshjen me Vllazninë "djemtë e detit" i kanë zbatuar me rigorozitet detyrat e trajnerit, duke qenë të kujdesshëm në mbrojtje dhe kanë shfrytëzuar në maksimum rastet e paraqitura para portës shkodrane. Skuadra e Miles po pasqyron nga java në javë një forcë të madhe karakteri, e cila e ka ndihmuar atë të marrë rezultate të kënaqshme në ndeshjet e fundit. "Dua t'i përgëzoj djemtë - shprehet trajneri Mile, ? për forcën e karakterit që treguan në fushë. Ekipi luftoi deri në fund me synimin që të mos dilte nga fusha pa pikë. Mendoj se arritëm me meritë të merrnim pikët e plota në këtë ndeshje të vështirë".

Minutat e fundit, shans për durrsakët

Në pjesën e parë të sezonit një nga problemet e Teutës ishte mungesa e besimit nga futbollistët e saj. Ajo ka humbur shumë ndeshje pikërisht në minutat e fundit, duke lëshuar në këtë mënyrë jo pak pikë. Mjaftojmë të kujtojmë humbjen me Dinamon në Tiranë, ku deri pak minuta para përfundimit të ndeshjes skuadra bregdetare kryesonte, por dy gola në fund shkatërruan gjithçka. Gjithashtu, fundi ka qenë fatal për durrsakët në humbjet ndaj Elbasanit në fazën e parë e të dytë. Pas këtyre dështimeve, lojtarët durrsakë kanë nxjerrë mësime dhe tashmë i vlerësojnë ndeshjet deri në vërshëllimën e fundit të gjyqtarit. Tashmë është Teuta ajo, që i godet kundërshtarët në mbyllje, ndërsa një javë më parë, në Vlorë, ka barazuar në të 93', ndërsa po në të njëjtën minutë ka realizuar golin e fitores edhe ndaj Vllaznisë. Madje, lojtarët durrsakë kanë marrë përgëzime për këtë fitore, jo vetëm se e arritën në transfertë dhe ndaj një kundërshtari të fortë si Vllaznia, po edhe duke qenë në inferioritet numerik, pasi në pjesën e parë të ndeshjes është larguar nga fusha me karton të kuq mbrojtësi Pashaj. "Për ne, të gjitha ndeshjet konsiderohen si finale, - pohon trajneri Mile. ? Në ndeshjet e fundit, lojtarët kanë luajtur me shpirt, ndaj dhe kanë arritur të dalin me sukses. Vërtet kemi fituar një ndeshje të rëndësishme, e cila na jep shumë moral dhe na ngjit disi dhe në renditje, por që të vazhdojmë me këtë ritëm është e nevojshme që të luajmë me këtë shpirt gare deri në fund të sezonit".

Vëmendja, te ndeshja e kupës

Durrsakët nuk kanë shumë kohë për t'iu gëzuar fitores ndaj kuqebluve të Vllaznisë, pasi që prej ditës së djeshme ata kanë nisur të mendojmë për çerekfinalen e dytë të kupës, ndaj Elbasanit. Trajneri Mile kërkon që lojtarët e tij të qëndrojnë "me këmbë në tokë" dhe të përgatiten me seriozitet për ndeshjen e së mërkurës, ndaj verdhebluve. Në ndeshjen e parë djemtë e Miles kanë arritur një rezultat të kënaqshëm, siç është barazimi 1?1, por do të jetë përballja në "Niko Dovana", ajo që do të vendosë për kualifikin në gjysmëfinale. "Duhet të luajmë me të njëjtin shpirt gare që kemi treguar në ndeshjet e fundit - thekson i pari i pankinës durrsake, ? pasi vetëm ajo mënyrë loje na afron të mërkurën më shumë te kualifikimi".
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Mar 19, 2008 2:18 pm Post subject:

Edmond Hasanbelliu: Nuk zgjidhim gjë me ultimatume
19 Mars Presidenti i Teutës, Edmond Hasanbelliu, nuk ka qenë në grupin e presidentëve që kanë nënshkruar deklaratën që i dërgohej FSHF?së, për zgjidhjen e situatës së krijuar pas pezullimit të Shqipërisë nga FIFA. Për Hasanbelliun, nuk është koha për të gjetur përgjegjës, por duhet që të dy institucionet, si FSHF dhe MTKRS, duhet të bien dakord sa më shpejt për të hequr pezullimin që i është bërë Shqipërisë në arenën ndërkombëtare. Në intervistën e dhënë për “Sport Ekspres”, drejtuesi durrsak, veç temës së pezullimit ka folur dhe për objektivat e skuadrës së tij. Ndërsa është eliminuar nga kupa, ai shpreson shumë që në kampionat Teuta e tij të arrijë t’i shmanget zonës së ftohtë.

? Hasanbelliu, nuk keni qenë në grupin e presidentëve që në deklaratën e tyre ngarkuan me përgjegjësi FSHF?në për pezullimin e Shqipërisë?

? Ajo që ka më shumë rëndësi për ne në këto momente është zgjidhja sa më e shpejtë e situatës, në mënyrë që Shqipërisë t’i hiqet pezullimi nga FIFA. Për këtë, përgjegjësia bie tek dy palët që janë në konflikt, kështu që nuk zgjidhim asgjë me ultimatume ndaj FSHF?së, aq më tepër që kemi qenë ne që kemi votuar për të vendosur drejtuesit e saj.

? Nëse Teuta do të kishte pretendime për kupat e Europës a do të ishte Hasanbelliu më aktiv për zgjidhjen e situatës?

? Jo, reagimi im do të ishte i njëjtë. Pavarësisht se këtë vit ne nuk do të jemi në kupat e Europës, sërish pezullimi nga arena ndërkombëtare dëmton të gjithë futbollin dhe jo vetëm skuadrat pjesëmarrëse në kupat europiane.

? Të ndryshojmë temë. Teuta është eliminuar nga kupa e Shqipërisë: ju vjen keq që ndryshe nga sezonet e kaluar, këtë vit jeni larguar më shpejt nga ky kompeticion?

? Mundësitë ishin të mëdha që ne të shkonim më tej, pasi iu afruam shumë kualifikimit, por përvoja e pakët e skuadrës sonë na penalizoi. Tashmë nuk ia vlen të merremi më me atë çka kaluar, por duhet të përqendrohemi në kampionat, aq më tepër që na pret një ndeshje e vështirë ndaj Partizanit.

? Kur duhen dhe dhjetë ndeshje për t’u mbyllur kampionati, besoni që Teuta do të arrij- t’i shmanget zonës së ftohtë?

? Synimi ynë ky është. Ekipi ka treguar një ecuri të mirë në ndeshjet e fundit, ndaj shpresojmë të vazhdojmë me këtë ritëm. Nuk dua të bëj parashikime për fundin e sezonit, por kërkoj nga futbollistët të jenë të qetë, t’i marrin ndeshjet një e nga një dhe t’i vlerësojnë ato si të jenë finale.

? Do ta ruani përbërjen e kësaj skuadre dhe sezonin e ardhshëm?

? Eshtë herët për të folur për sezonin e ardhshëm, kur na duhet të mendojmë për tjetër gjë. Megjithatë, dëshirojmë që grupi të ruhet, madje duke e përforcuar dhe me lojtarë me më shumë eksperiencë.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Mar 20, 2008 4:27 pm Post subject:

Dushku: Do luajmë për trepikëshin
20 Mars “Eshtë bërë zakon të thuhet që “nuk na lejohen më hapa fals”, por në rastin tonë është me të vërtetë kështu”

Në kampin durrsak e gjithë vëmendja është përqendruar në ndeshjen e së shtunës, kur Teuta do të presë në fushën e saj Partizanin, një ndër skuadrat më të forta të këtij kampionati. Pavarësisht nga shkalla e vështirësisë që paraqet përballja, lojtarët durrsakë janë optimistë në arritjen e një rezultati të mirë. Në një intervistë të dhënë për “Sport Ekspres”, mbrojtësi shtatlartë i Teutës, Erion Dushku, shprehet se skuadra e tij do të luajë për trepikëshin.

? Erion, të shtunën luhet ndeshja e shtyrë me Partizanin...

? Përtej shkaqeve tronditëse, që çuan në shtyrjen e ndeshjes, duhet të pranojmë se këto ditë na dhanë mundësinë të përgatitemi më mirë, sidomos në planin psikillogjik, pas eliminimit nga Kupa.

? Veç Pashajt, që është i skualifikuar, a rrezikon ndonjë lojtar tjetër për të mos qenë në fushë në fundjavë?

? Skuadra ka qenë e plotë në stërvitje, shpresoj që kjo të ndodhë deri ditën e ndeshjes, në mënyrë që mos të kemi mungesa të tjera vec Pashajt, që është i skualifikuar prej kartonave të verdhë.

? Thuhet se lojtarëve durrsakë u mungon përvoja; sipas jush, ky është defekti i vetëm i skuadrës suaj?

? Unë e pranoj se mungesa e përvojës ndikoi në eliminimin nga kupa, por nuk ishte vetëm ai shkaku, ndërkohë që dhe fati nuk ishte me ne atë ditë. Në ndeshjet e fundit në kampionat ekipi ka treguar forcë karakteri, teksa ka besuar deri në fund, duke barazuar dhe fituar në transferta mjaft të vështira, si në Vlorë dhe Shkodër. Skuadra ka rritje krahasuar me fillimin e sezonit, por vetëm kaq nuk mjafton. Duhet të punojmë akoma më tepër e të vazhdojmë të marrim pikë, që të ngjitemi në renditje. Teuta i ka forcat për ta bërë këtë.

? Në fundjavë do të viheni përballë Partizanit, skuadra që pretendon për titullin kampion; do të jetë e vështirë të përballohet?

? Eshte normale që secili ekip të ketë pretendimet e tij dhe kërkon të bëjë maksimumin për t’i përmbushur ato. Ne luajmë në fushën tonë, ndaj, ashtu si çdo ndeshje tjetër, do ta vlerësojmë maksimalisht dhe do të kërkojmë vetëm trepikëshin. Eshtë bërë zakon të thuhet që “nuk na lejohen më hapa fals”, por në rastin tonë është me të vërtetë kështu.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri Mar 21, 2008 9:51 pm Post subject:

Durrsaket, piket e plota ndaj “demave”
21 Mars Ne pozicionin ku ndodhet skuadra durrsake ne renditje, e ka te nevojshme qe te marre sa me shume pike, per t’i shpetuar renies nga kategoria. Neser Teuten e pret nje sfide e veshtire, pasi do te ndeshet me nje skuader mjaft te forte, sikurse eshte aktualisht Partizani. Ne dy seancat e fundit trajneri Mile ka punuar kryesisht ne aspektin taktik, per t’u pergatitur sa me mire per perballimin e lojes se “demave”. Pavaresisht se Partizani i ka objektivat krejt te kunderta nga ato te Teutes, “djemte e detit” nuk druhen ne synimet e tyre, teksa besojne shume ne arritjen e nje rezultati pozitiv. “Na duhen shume piket ? shprehet Hodo, ? keshtu qe do te bejme maksimumin per t’i marre”.Ahmeti mund te zevendesoje Pashajn ? Ne perballjen me te kuqte, durrsaket do te vuajne mungesen e mbrojtesit Pashaj, qe eshte i skualifikuar. Me shume mundesi do te aktivizohet mbrojtesi kosovar Liridon Ahmeti. Pjesa tjeter e mbrojtjes pritet te mos kete shume ndryshime. Ne mesfushe, per shkak te konkurrences, trajneri Mile nuk ka preferuar te perfshije qe nga minuta e pare mesfushorin Buna, pasi forma e mire e Hodos dhe e Gondedes e ka bere me te veshtire zgjedhjen e tij. Ne sulm riktheher Vangjel Mile.Alcani do me shume hapesire ? Qe ne momentin e pare, kur ka mberritur tek Teuta, trajneri Mile kishte si synim rritjen e konkurrences brenda grupit, ku asnje lojtar te mos e mendonte te sigurt formacionin baze. Me Bunen, qe ka kerkuar me shume aktivizim, eshte bashkuar dhe mbrojtesi Alcani. Lojtari lezhjan, pasi luajti ne pjesen e pare te sezonit me Beselidhjen, ne merkaton e janarit erdhi tek Teuta. Gjate kesaj periudhe ai eshte aktivizuar me shume ne ndeshjet e kupes dhe pak ne kampionat. Mbrojtesi shpreson qe te aktivizohet pak me teper, sepse, sipas tij, me pervojen qe ai ka mund ta ndihmoje me teper skuadren. “Shpresoj qe ne ndeshjet ne vazhdim te aktivizohem dicka me teper, per te kontribuar per skuadren”, eshte shprehur mbrojtesi.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue Mar 25, 2008 6:46 pm Post subject:

Hasanbelliu, kundër Miles: Beri zgjedhje te gabuara!
25 Mars

Humbja e së dielës, ndaj Partizanit, e ka vështirësuar sërish situatën e Teutës në tabelën e renditjes. Durrsakët vërtet janë të pozicionuar të nëntët, por vetëm golaverazhi i ndan ata me vendin e dhjetë e të njëmbëdhjetë. Ndonëse ka qenë në avantazh të një goli përballë të kuqve, skuadra e Miles nuk ka ditur ta ruajë atë dhe pësoi dy gola, duke u rikthyer te humbja pas katër ndeshjesh. Presidenti Hasanbelliu edhe dje vazhdonte të ishte i zhgënjyer me skuadrën e tij. “Nuk është fundi i botës të humbësh ndaj një skuadre të fortë si Partizani ? shprehet Hasanbelliu, ? por, ajo që më zhgënjeu më shumë, nuk ishte rezultati se sa mënyra si u paraqit skuadra në fushë. Kaluam në avantazh në fund të pjesës së parë, ndonëse nuk po luanim më mirë se kundërshtari. Megjithatë, nuk morën asnjë masë për të qenë më të sigurt në prapavijë gjatë pjesës së dytë. Unë kërkoj një reagim sa më të shpejtë. Koha është flori”.

Kritika dhe ndaj stafit teknik ? “Nëse lojtarët ? vazhdon Hasanbelliu, ? treguan mungesë përvoje në fushën e lojës, edhe trajneri Mile ka bërë gabime”, duke atakuar direkt teknikun në këtë rast. “Vuajtëm në mbrojtje për shkak të zgjedhjeve të gabuara të tij. Në krahun e majtë na mungonte i skualifikuari Pashaj dhe në vend të tij do të luante pa probleme Ahmeti, që është një alternativë mjaft e mirë në këtë pozicion. Por, një ditë më parë këtij lojtari i është dhënë leje nga trajneri për të shkuar në Kosovë, me mendimin se ndeshja nuk do të luhej. Këto janë gabime të pafalshme dhe që na dëmtojnë shumë, kur dihet situata e vështirë e skuadrës në renditje”. Veç të tjerave, për presidentin e Teutës është e habitshme që një lojtar si Buna të qëndrojë jashtë formacionit. “Unë nuk mund ta quaj veten specialist futbolli, ? thekson Hasanbelliu, ? por të qenurit shumë vite pranë tij më lejon të kuptoj se një lojtar me përvojë, si Buna, nuk mund të mbesë jashtë formacionit të parë. Ai ka aftësi të luajë në disa pozicione, kështu që është detyrë e trajnerit për ta shfrytëzuar një lojtar, që mund ta ndihmojë më shumë skuadrën”.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Mar 26, 2008 3:03 pm Post subject:

Vila nuk sheh “dramë”
26 Mars Humbja me Partizanin, tre ditë më parë,ëka ulur me “këmbë në tokë” durrsakët, të cilët pas rezultateve mjaft të mira, të arritura në katër javët e mëparshme, janë frenuar. Mesfushoriëri, Emiliano Vila, kërkon që skuadra të harrojë sa më shpejt zhgënjimin e humbjes ndaj të kuqve dheëgjithë grupi të përqëndrohet në sfidën e radhës ndaj bluve. Për shkak të një gjendjeje gripale, Vila nuk ka mundur të qëndrojë në seancën e pasdites së djeshme, ndërsa konfirmon se nuk do të ketë probleme për t’u aktivizuar në përballjen ndaj Dinamos.

? Vila, pas katër ndeshjesh të suksesshme, kundër Partizanit skuadra juaj nuk ka arritur të marrë pikë; ishte Partizani në një formë të mirë, apo Teuta nuk ishte në ditën e saj?

? Duhet pranuar që në krahasim me ndeshjet e mëparshme, nuk ishim ditën tonë më të mirë. Ndoshta shtyrja disa herë e këtij takimi, kishte ndikuar që skuadra të mos kishte mobilizimin optimal. Gjithsesi, këto nuk janë justifikime, por duhet të pranojmë se duhet të bëjmë disa korrigjime për të qenë dhe më të fortë në ndeshjet e ardhshme.

? Eshtë ndërlikuar sërish situata në fund të renditjes...

? Nga mënyra se si erdhën gjërat, mendoj se në përballjen ndaj Partizanit nuk duhet të kishim dalë pa pikë. Megjithatë nuk duhet të dramatizoht shumë ky takim, pasi në fund të fundit humbëm me ekipin më të fortë për momentin dhe që kryeson kampionatin.

? Nuk jeni stërvitur për shkak të një gjëndje gripale; a mund të pengojë për të qenëëgatshëm në ndeshjen ndaj Dinamos?

? Unë shpresoj që jo. Ndaj dhe trajneri më dha leje për seancën e pasdites së djeshme me qëllim që të jem mëëqetë dhe mos të kem probleme për t’u aktivizuar ndaj bluve.

? Sa e vështirë do të jetë për Teutën, ndërsa do të përballet këtë javë me kryesuesen tjetër të kampionatit?

? Tashmë nuk ka ndeshje të lehta. Dinamo është një skuadër shumë e vështirë për t’u mundur. Këtë gjë e kemi provuar në dy sfidat e mëparshme me ta, ndërsa kemi humbur, ndonëse me rezultate minimale. Shpresoj që kësaj herë gjërat të shkojnë ndryshe dhe ekipi të marrë pikët e para ndaj ekipit dinamovit.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Mar 27, 2008 6:27 pm Post subject:

Durrsakët, shpresa për të korrigjuar
27 Mars Pasi nuk arriti të marrë qoftë dhe një pikë në përballjen me të kuqtë të dielën e kaluar, Teuta shpreson të korrigjojë diçka në sfidën e kësaj fundjave, teksa do të ndeshet me skuadrën tjetër që kryeson kampionatin, Dinamon. Në kampin durrsak të gjithë janë të vetëdijshëm që nuk lejohen më të tjera hapa fals, kështu që përqendrimi për sfidën ndaj bluve është maksimal, megjithëse pritet të jetë një ndeshje e vështirë. “E rëndësishme është të nxjerrim mësime nga humbjet ? shprehet ndihmëstrajneri Markelian Xhai. ? Në disa aspekte keni nevojë të korrigjohemi, ndërsa duhet të jemi më të vëmendshëm në goditjet standarde, pasi kemi pësuar shpesh gola nga të tilla pozicione”.

Likmeta dhe Hodo, mungesat ndaj bluve ? Në përballjen e së dielës, ndaj Dinamos, skuadra bregdetare nuk do të ketë dy lojtarë të rëndësishëm të formacionit bazë. Në prapavijë nuk do të jetë qendërmbrojtësi shtatlartë Arben Likmeta, kurse në mesfushë do të mungojë Bledar Hodo, pasi të dy janë të skualifikuar për plotësim të numrit të kartonave të verdhë. Nuk do të jetë e lehtë për teknikun Mile që të zëvendësojë këta dy futbollistë, megjithëse alternativat nuk mungojnë. Me shumë mundësi, në qendër të mbrojtjes mund të luajë Pashaj, i cili rikthehet në fushë pas mungesës në përballjen me të kuqtë. Kurse në vend të Hodos, që aktivizohet në qendër të mesfushës, mendohet të luajë Buna, por një mundësi ka dhe Oert Kotja, dy futbollistë që kanë jo pak përvojë me fanellën durrsake. “Te Teuta lojtarët nuk kanë diferenca me njëri?tjetrin ? shton Xhai ? Kjo është diçka pozitive për ne, sepse, edhe në rast se dikush mungon, atëherë nuk është shumë e vështirë për ta zëvendësuar. Ajo, çka skuadra duhet të bëjë në këto momente, është të rrisë besimin te forcat e saj, për t’iu rikthyer rezultateve pozitive”.

Kapllani, përsëri në stol ? Në ndeshjen me Partizanin, në mungesë të Kapllanit, shiritin e kapitenit të Teutës për të parën herë e ka mbajtur mesfushori Gentian Gjondeda. Portieri veteran ishte rezervë, ndërsa stafi teknik preferoi që në portë t’i jepej një mundësi Vashakut. Ndonëse nga trajnerët durrsakë nuk bëhet ende e ditur se kush do të jetë në portë të dielën, të gjitha gjasat janë që dhe në përballjen me blutë të jetë Vashaku ruajtësi i katërkëndorit të Teutës. Nga ana e portierit Kapllani nuk ka patur reagim për këtë lënie në stol, madje ai e ka pritur me qetësi vendimin dhe pohon se do të jetë i gatshëm kur të ketë nevojë skuadra.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue Apr 01, 2008 6:14 pm Post subject:

Hasanbelliu: FSHF, kujdes me gjyqtarët
1 Prill Opinioni i përgjithshëm është se, me lojën që paraqiti, Teuta nuk e meritonte të humbiste të dielën përballë Dinamos. Por edhe këtë herë fati nuk ka qenë me skuadrën e Miles, kur në sekondat e fundit të kohës shtesë janë ndëshkuar nga një penallti. Duket se Dinamo është kthyer në një “mace e zezë” për bregdetarët në këtë sezon, që i kanë humbur të tri ndeshjet me blutë. Ndërsa për presidentin e Teutës, Edmond Hasanbelliu, skuadra e tij nuk është ndëshkuar vetëm nga fati, por dhe nga gjykimi jo shumë objektiv i arbitrit Jemini, teksa shprehet: “Më vjen keq që humbëm, pasi skuadra luajti mirë dhe nuk meritonte të dilte pa asnjë pikë. Kemi qenë të pafat, por nuk duhet mohuar se jo pak na penalizoi dhe gjyqtari Jemini. Nuk më pëlqen të merrem shumë me arbitrat, por s’mund të rri pa thënë që gjykimi nuk ishte shumë objektiv. Mjaftojmë të kujtojmë që çdo faull i lojtarëve tanë ndëshkohej menjëherë me karton të verdhë, ndërsa nuk ndodhte e njëjta gjë me kundërshtarin. Si pasojë erdhi kartoni i kuq dhe për shumë minuta na u desh të luajmë me dhjetë lojtarë. Ndërsa penalltia ishte mjaft e dyshimtë, pasi prekja e topit me dorë nga Kotja ishte e pavullnetshme. Gjyqtari priste gabimin më të vogël për të na ndëshkuar. Teuta vërtet është një skuadër e re, por kjo nuk do të thotë që të konsiderohet si “e vogël” nga gjyqtarët”.

“Të mos luhet në kurrizin tonë” ? Me kalimin e javëve gjërat bëhen më të vështira për durrsakët, të cilët pas humbjes së pësuar ndaj Dinamon e shohin veten sërish në pozicionin e parafundit. Në këtë fazë të fundit të kampionatit, presidenti Hasanbelliu kërkon më shumë kujdes nga FSHF, sidomos përsa i përket arbitrimit. “Nuk kanë mbetur shumë ndeshje deri në fund të kampionatit, ? thotë Hasanbelliu ? kështu që çdo pikë e humbur e rëndon jo pak skuadrën. Ndaj, i kërkoj FSHF?së të jetë mjaft e kujdesshme përsa i përket gjykimeve, pasi nuk mund të lejojmë asnjë arbitër të luajë me djersën e futbollistëve tanë. Pavarësisht pozicionit ku ndodhemi, asnjë nuk duhet ta konsiderojë Teutën si një skuadër “të vogël”, aq më pak gjyqtarët. Asnjë nuk do të lejojmë të favorizojë skuadra të tjera në kurrizin tonë”.

Mbështetje maksimale për skuadrën ? Pas ndeshjes me Dinamon, duket se presidenti Hasanbelliu nuk ka asnjë ankesë ndaj skuadrës, ndërsa shpreson që ajo të ruajë nivelin e lojës që paraqiti në “Selman Stërmasi”. “Në këtë situatë jo të mirë, që po kalon skuadra në renditje ? nënvizon Hasanbelliu, ? ka shumë rëndësi që t’u qëndrojmë pranë lojtarëve. Ata janë të rinj dhe pa shumë eksperiencë, kështu që duhet t’i mbështesim maksimalisht nëaspektin psikologjik, në mënyrë që gjatë ndeshjeve mos jenë nën presionin e arritjes me çdo kusht të rezultatit”.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Superliga	All times are GMT + 1 Hour Page 1, 2, 3 Next
Page 1 of 3