KF Teuta Durres

Partizani_One · Posted: Wed Apr 02, 2008 8:26 pm Post subject:

Hysa: Goli ka emër, pikët jo!
2 Prill Humbja dramatike që Teuta pësoi në sekondat e fundit përballë Dinamos, nuk është kaluar lehtë në kampin durrsak. Megjithëse nuk kanë arritur të marrin asnjë pikë në sfidën përballë bluve, bregdetarët ngushëllohen me faktin se kanë luajtur më mirë, por fati i ka mohuar marrjen e një pike. Një prej lojtarët më të mirë për Teutën ka qenë sulmuesi më i ri i saj, Vilfor Hysa. Falë një aksioni personal, ai arriti të shënojë golin e barazimit momental për skuadrën e tij. Jo vetëm goli, por paraqitjet e tij kanë bërë që të jetë një pjesë e rëndësishme e formacionit durrsak. Sulmuesi ka besim se, nëse skuadra do të luajë si përballë bluve, do të kthehet shumë shpejt tek pikët.

? Hysa, megjithëse keni realizuar një lojë të mirë, nuk keni arritur të merrni pikë përballë Dinamos.

? Nga mënyra se si u paraqitëm në fushë nuk meritonim të dilnim pa pikë. Por futbolli është i tillë, dënohesh dhe atëherë kur luan mirë. Pastaj, nuk duhet të harrojmë se dhe gjyqtari pati një lloj përgjegjësie në humbjen tonë, duke na ndëshkuar më shumë se ç’e meritonim. Para se Ahmeti të ndëshkohej me karton të kuq, po luanim mjaft mirë dhe po e vinim në vështirësi kundërshtarin, madje dhe me një lojtar më pak nuk e ulëm ritmin e lojës. Gjithsesi nuk kemi kohë të merremi me atë që kaloi, por të shohim përpara për të korrigjuar gjithçka në takimin e kësaj jave ndaj Besëlidhjes.

? Një pjesë e skuadrës përbëhet nga lojtarë me moshë mjaft të re; sa ka ndikuar mungesa e eksperiencës në humbjet e fundit?

? Sigurisht që përvoja jo shumë e madhe e skuadrës tonë mund të ndikojë, por nuk është vetëm ajo. Para disa javësh, Teuta ka arritur të përmbysë rezultatin në transfertë ndaj Flamurtarit dhe Vllaznisë. Mendoj se në dy takimet e fundit, me Partizanin dhe Dinamon, më shumë na ka ndëshkuar fati. Ekipi i ka bërë të gjitha përpjekjet për të arritur rezultatin pozitiv.

? Këtë të shtunë do të prisni në fushën tuaj një kundërshtar direkt për mbijetesë, Besëlidhjen...

? ...tashmë për ne, ndeshjet janë finale, pavarësisht kundërshtarit që kemi përballë. Dinamo, apo Besëlidhja, janë pikët që duhen. Pavarësisht se nuk kemi marrë pikë në dy ndeshjet e fundit, nuk duhet demoralizohemi, por të luftojmë më shumë për të arritur tek suksesi.

? Një tjetër gol ndaj lezhjanëve?

? Pikët, më parë!

? Po që të merren pikët duhen golat, apo jo?

? Pikët s’kanë emër, le të mos ketë as goli! Veç të jenë të Teutës!
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri Apr 04, 2008 8:26 pm Post subject:

Gjondeda: Të qetë dhe pa presion
4 Prill Ndonëse ndeshja e nesërme ndaj Besëlidhjes është mjaft e rëndësishme për “djemtë e detit”, përsa i përket luftës për të qëndruar në kategori, stafi teknik po bën të gjitha përpjekjet që lojtarët të mos jenë nën presionin e rezultatit. Mesfushori me përvojë, Genti Gjondeda, shpreson që pas dy humbjeve Teuta do të reagojë dhe do t’ia dalë me sukses në këtë sfidë direkte për mbijetesë. Me gjithë mungesat që Teuta do të ketë në këtë ndeshje, Gjondeda ka besim se skuadra e tij i ka mundësitë për të dalë e fituar.

? Gjondeda, të shtunën do të luani një ndeshje të rëndësishme përballë Besëlidhjes...

? Për ne të gjitha ndeshjet deri në fund të kampionatit janë mjaft të rëndësishme. Në secilën prej tyre është e nevojshme të japim qind për qind të forcave tona, për t’u shkëputur nga zona që të zbret nga kategoria. Vërtet dy humbjet e fundit kanë ndikuar jo mirë në moralin e skuadrës, por këto dështime na kanë futur më në pozita pune, për t’u korrigjuar dhe për të bërë një lojë dhe më bindëse ndaj Besëlidhjes, ku ne shpresojmë se do të kthehemi te fitorja.

? Edhe në këtë ndeshje Teuta do të ketë mungesa të lojtarëve titullarë...

? E mira do të ishte që në një përballje të tillë skuadra të kishte në dispozicion të gjitha forcat e saj. Gjithsesi, nuk duhet të qahemi për mungesat, por të përgatitemi për ta përballuar me sukses kundërshtarin.

? Nëse nuk arrihet fitorja përballë Besëlidhjes, sa mund të ndërlikohet situata e ekipit tuaj në fund të renditjes?

? Ne nuk duam të mendojmë asnjë rezultat tjetër, përveç fitores. Gjithsesi, kjo nuk do të thotë se do ta kërkojmë atë në mënyrë të dëshpëruar, pasi ndonjëherë presioni dhe të pengon në arritjen e objektivit. Ndeshje ka ende shumë, ndaj do të përpiqemi të jemi të qetë për ta administruar mirë lojën, ndërsa duhet të tregohemi të vëmendshëm në mbrojtje dhe të mos gabojmë në finalizim. Shpresojmë që kësaj here fati të jetë me Teutën dhe të bëjmë realitet synimet tona.

? Në dy ndeshjet e para me skuadrën lezhjane keni qenë të suksesshëm, teksa keni marrë një fitore dhe një barazim...

? Ne nuk merremi me ndeshjet e kaluara, por vlerësojmë atë që kemi përpara. Të gjithë jemi zotuar se do të bëjmë maksimumin për ta nxjerrë skuadrën të fituar nga fusha e lojës.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Apr 09, 2008 8:55 am Post subject:

Pashaj: S’lejohen më hapa fals
8 Prill Pikët e fituara ndaj Besëlidhjes, të shtunën e kaluar, i kanë rritur mjaft shpresat e durrsakëve për të mbijetuar në kategorinë superiore. Një prej lojtarëve më të mirë të Teutës në atë ndeshje, Enton Pashaj, i cili ishte dhe autori i golit të parë, në prononcimin e tij thotë se, pas këtij trepikëshi të çmuar, vëmendja duhet përqendruar në transfertën e Korçës, edhe pse Skënderbeu renditet në fund të tabelës.

? Pashaj, Teuta mori pikët maksimale ndaj Besëlidhjes, rivales në luftën për mbijetesë...

? Fatmirësisht, gjërat na shkuan mbarë dhe arritëm të fitojmë me meritë ndaj një kundërshtari direkt. Ndonëse kishim shumë mungesa, të gjithë bënë të pamundurën për të fituar, pasi një rezultat tjetër do të na e vështirësonte shumë ecurinë tonë në të ardhmen. Kjo fitore na dha siguri dhe po përgatitemi më të qetë për ndeshjen e radhës.

? Gjithsesi, lufta për mbijetesë është bërë mjaft e fortë...

? Sigurisht, lufta për mbijetesë mes nesh, Besëlidhjes e Kastriotit do të vazhdojë të jetë e ashpër, pasi jemi shumë pranë me pikë. Duhet që të gjitha ndeshjet e mbetura të vlerësohen si finale, pasi çdo hap fals në këto momente mund ta bënte më të vështirë qëndrimin në superiore.

? Falë golit tuaj, Teuta kaloi shumë shpejt në avantazh...

? Goli i shpejtë na ndihmoi, pasi na hoqi emocionet, që secili prej nesh kishte para kësaj ndeshjeje delikate. Pas golit të pësuar, Besëlidhja u hodh në sulm për të kërkuar barazimin dhe ne mund ta kishim goditur me golin e dytë më përpara se në minutën e fundit.

? Të shtunën do të udhëtoni në Korçë, ku do të ndesheni me Skënderbeun; ndoshta mund të përfitoni nga përplasja direkte që kanë lezhjanët me krutanët po në atë ditë?

? Në fillim duhet të mendojmë për ndeshjen tonë dhe të marrim fitoren, e cila nuk duhet të mendohet se do të arrihet lehtë. Duhet vlerësim maksimal, sepse lënia e ndonjë pike në këtë ndeshje do të zhvlerësonte trepikëshin e fituar ndaj Besëlidhjes.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Apr 10, 2008 3:14 pm Post subject:

Dushku, mbrojtësi, që përjashtohet
10 Prill Ashtu sikurse ishte paralajmëruar një ditë më parë, dje drejtuesit e Teutës kanë marrë vendimin për të larguar një nga titullarët e skuadrës, qendërmbrojtësin lezhjan Erion Dushku. Para stërvitjes së djeshme, lojtarit i është komunikuar të mos paraqitet më në stërvitje, sepse nuk do të jetë më pjesë e kësaj skuadre. Shkaku i largimit të mbrojtësit ka qenë mungesa e disiplinës dhe sjellja jo e mirë që ai ka patur në skuadër. “Më vjen keq ? shprehet presidenti Hasanbelliu, ? pasi Dushku ka cilësi si futbollist, por sjellja jo e mirë dhe mungesa e disiplinës nga ana e tij ishin mjaft negative për skuadrën. Në këto kushte u detyruam ta largojmë nga Teuta, pasi nuk mund të tolerohet nga asnjë lojtar të prishë harmoninë në skuadër”.

Alcani dhe Gega, paralajmërim ? Veç Dushkut të përjashtuar, dy futbollistë të tjerë të skuadrës durrsake, Alert Alcani dhe Ermal Gega, janë paralajmëruar nga drejtuesit, ndërsa do të vazhdojnë të jenë pjesë e Teutës deri në fund të sezonit.

Skënderbeu nuk nënvlerësohet ? Ndeshja e radhës, transferta me Skënderbeun, po vlerësohet maksimalisht nga durrsakët, pasi Teutës i duhen medoemos tri, për të përmirësuar pozitat në renditjen e kampionatit. “Ndeshja me korçarët duhet të vlerësohet maksimalisht ? thekson ndihmëstrajneri Xhai. ? Në të kundërt, do ta kishim të vështirë të merrnim trepikëshin në transfertë, që na nevojitet shumë në këto momente”. Në ndeshjen e kësaj fundjave pritet që Teuta të jetë më e plotë, ndërsa do të kthehen nga skualifikimi Hodo dhe Ahmeti, madje edhe mesfushori Vila, që ishte i dëmtuar dhe nuk luajti ndaj Besëlidhjes, mendohet të jetë i gatshëm këtë të shtunë. Në seancën e djeshme, durrsakët kanë luajtur një ndeshje kontrolli, që e ka ndihmuar trajnerin Mile për të ideuar formacionin, që do të hedhë në fushë përballë Skënderbeut.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Mon Apr 14, 2008 8:42 pm Post subject:

Djemtë e detit” bënë detyrën
14 Prill

Teuta ka fituar të shtunën tri pikë të çmuara, në transfertën e Korçës, duke mundur 2?0 Skënderbeun, që nuk ka më motive. Ndonëse luanin me skuadrën më të dobët të kategorisë superiore, djemtë e Miles nuk e kishin nënvlerësuar aspak ndeshjen. Menjëherë sapo ka nisur loja, durrsakët janë hedhur në sulm, me synimin për të shënuar dhe për ta siguruar sa më shpejt trepikëshin. “Për ne të gjitha ndeshjet janë finale ? është shprehur trajneri Mile. ? Kemi arritur të kthehemi te fitorja në dy përballjet e fundit, por duhet të vazhdojmë me këtë ritëm dhe në ndeshjet e mbetura, në mënyrë që të arrijmë objektivin tonë për të mbetur pjesë e kategorisë superiore”. Ky trepikësh u ka dhënë mundësinë bregdetarëve që të ngjiten në pozicionin e nëntë në renditje, duke përfituar dhe nga barazimi që kanë arritur në përballjen direkte dy rivalët e tyre për mbijetesë, Kastrioti dhe Besëlidhja. “Gjithçka është e hapur në luftën për mbijetesë ? vazhdon trajneri Mile, ? pasi diferenca e pikëve midis tri skuadrave është shumë e vogël. Duhet që në këto gjashtë ndeshje të mbetura të jemi mjaft të kujdesshëm e të bëjmë sa më pak gabime, me qëllim që të marrim sa më shumë pikë për t’iu larguar fundit të rrezikshëm”.

Sulmuesit shënojnë, por duhet dhe më shumë

Dy golat e Teutës, në ndeshjen ndaj Skënderbeut, janë shënuar nga dy lojtarët e sulmit, Vangjel Mile dhe Vilfor Hysa. Kjo dyshe duket se po funksionon mirë, kur falë shpejtësisë që kanë ata arrijnë të vënë në vështirësi jo pak herë mbrojtjet kundërshtare. Ndonëse lojtarët sulmues kanë gjetur golin në ndeshjen e fundit, sërish trajneri Mile kërkon më shumë nga ky repart. Sipas tij, lojtarët sulmues duhet të jenë më të saktë para portës, pasi në transfertën e Korçës kanë patur disa raste të tjera mjaft të pastra, të cilat nuk janë finalizuar me sukses nga “djemtë e detit”.

Sot, nisin përgatitjet

Pas pushimit të së dielës, sot djemtë e Miles do t’i kthehen fushës së stërvitjes, për të nisur përgatitjet për ndeshjen e radhës, ndaj një rivali direkt në renditje, sikurse është Kastrioti, që ka vetëm një pikë më pak dhe renditet në vendin e dhjetë. Kjo ndeshje parashikohet të jetë mjaft delikate për Teutën, pasi durrsakëve u kërkohet medoemos trepikëshi, për të qenë më të sigurt në luftën për mbijetesë.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Apr 16, 2008 3:52 pm Post subject:

Çaushaj: Kastrioti vlen gjashtë
16 Prill Mesfushori i majtë i skuadrës durrsake, Ilirjan Çaushaj beson shumë se skuadra e tij do të arrijë synimin e saj për të mbijetuar në kategorinë superiore. Por, ai e ka të qartë se për t’u realizuar kjo, Teuta duhet të dalë me sukses në ndeshjet e mbetura të kampionatit, duke filluar që nga sfida e radhës ndaj një rivali direkt, siç është Kastrioti. Sipas Çaushajt, në takimin përballë krutanëve, ekipi duhet të japë maksimumin e tij: një rezultat pozitiv në këtë sfidë do t’i rriste shumë shpresat e durrsakëve për qëndrimin te elitarët.

? Çaushaj, keni fituar dy ndeshje rresht: mendoni se tashmë luhatjet e javëve të mëparshme janë lënë pas?

? Ne e dinim që rezultatet nuk do të mungonin, pasi dhe në takimet e disa javëve më parë ku ne nuk kemi marrë pikë, Teuta ka luajtur mirë. Ai që na ka munguar ka qenë vetëm fati. Ajo që vlerësoj për këto dy ndeshje është se nuk kemi bërë “të dëshpëruarin” në fushën e lojës, por kemi qenë të kujdesshëm për të arritur atë që na nevojitet më shumë në këto momente, tre pikët.

? Të shtunën, një rival direkt si Kastrioti; sa shanse ka Teuta për të qenë fituese dhe në këtë takim?

? Shanset janë aty, në fushën e lojës. Përballja e kësaj jave ka një rëndësi të veçantë, pikërisht se jemi përballë një kundërshtari direkt për mbijetesë. Kjo do të thotë se, fitorja merr dyfish vlerë. Matematika e këtyre rasteve thotë se janë 6 pikë për t’u fituar. Motivimi ynë s’ka nevojë për koment, gjitnjë duke patuur parasysh se Kastrioti po kalon një formë të mirë gjatë këtyre javëve.

? Teuta është në pozicionin e nëntë. Shpresoni shkëputjen edhe më nga Kastriotit dhe Besëlidhjen, apo afrimin te Flamurtari?

? Të dyja bashkë. Nëse arrijmë të paraqitemi mirë në javët e mbetura ekziston mundësia për t’u ngjitur më tepër. Fillimisht duhet të mendojmë t’i shkëputemi zonës së ftohtë ku skuadra krutane dhe Besëlidhja janë shumë afër me pikë me në. Ndërsa përsa i përket arritjes së Flamurtarit është diçka më e vështirë, pasi diferenca është pak më e madhe. Asgjë nuk është e pamundur...
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri Apr 18, 2008 4:39 pm Post subject:

Hodo: Të mos hedhim më asnjë hap fals
18 Prill

Ndërsa afron sfida e radhës ndaj skuadrës krutane, durrsakët kanë hyrë në fazën e fundit të stërvitjes. Trajneri Mile dhe stafi i tij po punojnë më shumë në planin taktik, për të përcaktuar mënyrën se si skuadra e tyre do të luajë përballë Kastriotit. Meqenëse në këtë ndeshje Teuta nuk do të kenë mungesa, alternativat do të jenë më të shumta për trajnerin Mile, për të zgjedhur lojtarët më në formë. I vetmi futbollist, që është në dyshim për të qenë i gatshëm në këtë ndeshje është mesfushori Emiliano Vila, i cili nuk ka qenë në kondicionin fizik optimal në javët e fundit. Në prag të ndeshjes, për gazetën tonë është prononcuar mesfushori Bledar Hodo, i cili ka shumë gjasa që të shtunën të kthehet në pozicionin e mëparshëm, në të djathtë të mesfushës. “Eshtë një ndeshje mjaft delikate ? thekson Hodo ? pasi luajnë dy skuadra me synimin për të mbijetuar në kategorinë superiore. Duhet të jemi të kujdesshëm për të shmangur çdo hap fals, pasi në këto ndeshje të mbetura gabimet mund të rëndojnë shumë”.

Vlerësohet sulmi i kundërshtarit ? Skuadra krutane vlerësohet si shumë e fortë, pasi ka bërë një paraqitje mjaft të mirë në ndeshjet e fundit. Por reparti, që vlerësohet më shumë te Kastriotit, është sulmi, ndërsa njihet rrezikshmëria e Abazajt dhe e Rizvanollit. “Megjithëse ndodhemi në pozicionet e fundit, si ne ashtu dhe Kastrioti ? vijon Hodo,? gjatë këtyre dy javëve kemi arritur rezultate të mira. Skuadra krutane duhet vlerësuar, ndërsa do të veçoja sulmin, ku luajnë dy lojtarë mjaft të rrezikshëm. Prapavija jonë duhet të bëjë të pamundurën që ata mos t’i afrohen zonës para portës sonë, në mënyrë që mos të pësojmë gol”.

Shpresohet fitorja e dytë ndaj krutanëve ? Në dy ndeshjet e mëparshme, që Teuta e Kastrioti kanë luajtur mes tyre në këtë kampionat, secila ka nga një fitore. Në fazën e parë, skuadra krutane ka fituar me rezultatin 1?0 në ndeshjen e luajtur në stadiumin e Kavajës, ndërsa në të dytën, durrsakët kanë marrë hak në “Niko Dovana”, duke fituar 2?0. “Djemtë e detit” do të kërkojnë një tjetër sukses, me shpresën që t’i shkëputen fundit të renditjes. “Synimi ynë, në të gjitha ndeshjet e mbetura ? përfundon Hodo, ? është vetëm të fitojmë. Ndeshjet do t’i marrim një e nga një dhe shpresojmë shumë të dalim me sukses në këtë përballje ndaj një rivali të drejtpërdrejt në klasifikim”.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Mon Apr 21, 2008 1:58 pm Post subject:

Mile, ankesa për konkludim të dobët
21 Prill

Durrsakët nuk kanë shkuar më shumë se barazimi në ndeshjen e së shtunës të kaluar, ndaj Kastriotit, që u luajt në “Loro Boriçi” të Shkodrës. Ky rezultat nuk u ka dhënë mundësinë djemve të Miles të shkëputen nga fundi i renditjes, duke i lënë në të njëjtat pozita, ku Teuta vazhdon të jetë vetëm një pikë para Kastriotit dhe dy pikë më tepër nga skuadra lezhjane. “Synimi ynë ? shprehet trajneri Mile ? ishte vetëm fitorja, por nuk e arritëm atë, pasi nuk u treguam të saktë para portës. Rastet për shënim nuk na munguan gjatë ndeshjes, por nuk ditëm t’i shfrytëzojmë ato për të fituar tri pikët”.

Kërkohet më shumë saktësi në finalizim ? Në javët e fundit, skuadra durrsake po tregon një gjendje të mirë, duke i vënë jo pak herë në vështirësi kundërshtarët. Problemi i saj kryesor mbetet finalizimi i aksioneve, ndërsa skuadra prodhon shumë lojë, por pa mundur të konkludojë me saktësi në portë. Trajneri Mile kërkon nga lojtarët e tij të jenë më të qetë para portës, sepse shpesh gabojnë e humbasin raste mjaft të mira shënimi. “Në pjesën e parë duhet të kishim shënuar ? tregon Mile, ? por lojtarët tanë nuk e bënë këtë edhe për shkak të mungesës së qetësisë para portës. Duhet të punojmë për të qenë më të saktë në mbylljen e aksioneve, përndryshe, kur nuk finalizon rastet e paraqitura, humbet dhe siguria. Ndaj, duhet të korrigjohemi, në mënyrë që në ndeshjet e ardhshme të jemi më të saktë dhe të kthehemi te fitorja”. Në minutat e fundit të ndeshjes me krutanët, Teuta ka lëshuar duke rrezikuar shumë, aq sa mund të dilte pa asnjë pikë. “Në fund të ndeshjes ? vazhdon Mile, ? skuadra lëshoi pak në lojë, ndoshta duke u kënaqur para kohe me pikën e marrë. Ishte lëshim i pakuptimtë, sepse kundërshtarët në minutat e fundit patën një rast të mirë, me të cilin dhe mund të na kishin goditur”.

Përgatitjet për “derbin bregdetar”

Ndërsa duhen dhe pesë ndeshje për t’u mbyllur kampionati, durrsakët vazhdojnë të jenë të rrezikuar në zonën e ftohtë të renditjes. Ndeshjet e mbetura do të jenë përcaktuese për fatin e skuadrave, që gjënden në fund të renditjes, sikurse është dhe Teuta. Trajneri Mile kërkon nga lojtarët e tij seriozitet dhe impenjim në stërvitje, për të përballuar me sukses këto ndeshje të mbetura. Dje bregdetarët janë lënë pushim, ndërsa pritet që sot pasdite të nisin përgatitjet për ndeshjen delikate të kësaj jave, kur në “Niko Dovana” do të presin Flamurtarin. B.K
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue Apr 22, 2008 3:08 pm Post subject:

Hasanbelliu: Ta mbështesim skuadrën
22 Prill

Përpara se të nisin përgatitjet për përballjen e radhës ndaj Flamurtarit, dje durrsakët kanë analizuar ndeshjen e luajtur të shtunën e kaluar në Shkodër, me Kastriotin. Ndonëse skuadra durrsake nuk arriti të shënojë, presidenti i Teutës, Edmond Hasanbelliu, ka pëlqyer lojën e futbollistëve të tij, duke veçuar sidomos pjesën e parë të ndeshjes. “Jam përgjithësisht i kënaqur me skuadrën, që në përballjen me krutanët ka bërë një lojë kryesisht pozitive. E kemi filluar ndeshjen mirë, madje mund të them se në pjesën e parë kemi paraqitur një prej lojërave më të bukura. Ishte për të ardhur keq që nuk u ruajt ky ritëm deri në fund të ndeshjes, sepse me siguri do të arrinim të fitonim”, është shprehur Hasanbelliu.

Pret më shumë nga sulmi ? Fakti, që Teuta nuk fitoi përballë krutanëve, tregon se jo gjithçka ka shkuar si duhet. Skuadra ka prodhuar lojë, por i ka munguar saktësia në finalizim. “Më pëlqeu paraqitja e skuadrës në fushë, ? vazhdon të analizojë presidenti, ? por sërish pati disa të meta që duhen korrigjuar. Reparti që funksionoi mjaft mirë ishte mesfusha, ndërsa lojtarët e saj punuan shumë, si për të mbrojtur ashtu dhe në mbështetje të sulmit. Problemet tona ishin në vijën e parë, ndërsa nuk arritëm t’i shfrytëzojmë rastet që na u paraqitën. Gjithsesi, në këto momente delikate është e nevojshme që skuadra të mbështetet, më shumë se të kritikohet. Ata janë lojtarë të rinj, kështu që me më shumë mbështetje u jepet më tepër besim për të arritur te suksesi”.

Kampionati, më i fortë ? Rivaliteti sportiv, si në katet e sipërme të renditjes ashtu dhe në fund të saj, e ka bërë më tërheqës kampionatin. I këtij mendimi duket se është dhe presidenti i Teutës, Edmond Hasanbelliu, që e quan këtë kampionat si një nga më të fortët, teksa shprehet: “Megjithëse duhen dhe pak javë të mbyllet kampionati, gjithka mbetet e hapur, si përsa i përket titullit ashtu dhe për skuadrat që luftojnë për mbijetesë. Pesë ndeshjet e mbetura janë si finale për ne, ndaj u kërkoj lojtarëve përqendrim maksimal për të arritur objektivin. Këtë të shtunë na pret një ndeshje e vështirë, por, nëse do të luajmë si në pjesën e parë ndaj Kastriotit, unë kam besim se do t’ia dalim mbanë”.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sat Apr 26, 2008 1:51 pm Post subject:

Mile Junior: Gol? Më parë fitorja!
26 Prill Në stadiumin “Niko Dovana” sot do të luhet “derbi bregdetar”, mes Teutës dhe Flamurtarit, dy skuadra të cilat i ndan vetëm një shkallë në renditje, edhe pse vlonjatët kanë gjashtë pikë më shumë. Eshtë dhe kjo një arsye më tepër, që e bën këtë ndeshje tepër intriguese. “Djemtë e detit” ndihen më të favorizuar në këtë sfidë, për shkak se janë pritës në fushën e tyre. Por, pavarësisht se luajnë në “shtëpi”, ata janë të vetëdijshëm se ndeshja e sotme do të jetë mjaft e vështirë, pasi përballë do të jetë një skuadër e fortë dhe mjaft e motivuar. Në seancën e djeshme durrsakët kanë bërë përgatitjet e fundit për këtë ndeshje, teksa trajneri Mile dhe stafi i tij kanë punuar kryesisht me skemën dhe variantet taktike, që do të përdorë Teuta sot, përballë kuqezinjve vlonjatë. Në kampin e durrsakëve shpresohet që skuadra të kthehet te goli, por trajneri Mile ua ka bërë të qartë djemve të tij, se kjo gjë arrihet vetëm përmes qetësisë dhe saktësisë në finalizimin e aksioneve drejt portës. Me shumë mundësi, edhe në ndeshjen e sotme Teuta do të luajë në vijën e parë me dyshen Hysa dhe Vangjel Mile, të cilët janë dhe shënuesit më të mirë të skuadrës në këtë pjesë të dytë të sezonit. Kjo sfidë e radhës, përballë Flamurtarit, vlerësohet së tepërmi nga ana e sulmuesit kryesor të durrsakëve, Vangjel Mile, i ardhur në janar nga Dinamo, i cili për gazetën tonë, ndër të tjera, është shprehur: “Pozicioni ku ndodhemi në renditje na detyron që në këto ndeshje të mbetura të impenjohemi maksimalisht. Do të presim në fushën tonë një kundërshtar të fortë, ndaj është e nevojshme të bëjmë më të mirën, me qëllim që ta kalojmë me sukses këtë sfidë”.

Nuk ka rëndësi kush shënon ? Marrja e tri pikëve në përballjen e sotme konsiderohet mjaft e rëndësishme për sulmuesin Mile, pasi është një mundësi për të ruajtur diferencën me kundërshtarët në luftën për mbijetesë, por, nga ana tjetër, i afrojnë dhe më shumë me skuadrën vlonjate, duke krijuar premisat për t’u larguar nga zona e “plejautit”. “Shpresojmë që në këtë ndeshje skuadra të funksionojë sa më më mirë ? shprehet Mile, ? pasi është domosdoshmëri të fitohen pikët e plota, të paktën për të ruajtur pozicionin që kemi në renditje”. Përsa i përket kthimit te goli, Mile nuk e fsheh dëshirën e tij për të shënuar, për të kontribuar kështu në arritjen e objektivit nga skuadra e tij. Por për të parësore është fitorja e Teutës dhe nuk ka rëndësi, nëse është ai që shënon apo ndonjë shok tjetër i skuadrës. “Dëshira e të gjithëve ? shton Mile Junior, ? është që skuadra të dalë e fituar nga fusha. Ndaj të gjithë do të përpiqemi të bëjmë më të mirën për ta bërë realitet këtë. Mua do të më pëlqente shumë të shënoja, por në një ndeshje të tillë nuk ka rëndësi autori i golit, vetëm skuadra të marrë trepikëshin”.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Superliga	All times are GMT + 1 Hour Page Previous 1, 2, 3 Next
Page 2 of 3