KS Kastrioti Kruje

Register · Status:

Partizani_One · Posted: Wed Apr 09, 2008 8:55 am Post subject:

Ramadan Ndreu: Të ruajmë ritmin
8 Prill Fitorja ndaj Dinamos ka rritur moralin e skuadrës së Ndreut, por ka përmirësuar edhe pozicionin e Kastriotit, që tashmë ka kaluar në renditje përpara Teutës e Besëlidhjes, me të cilat do të diskutojë për të siguruar një nga vendet, që nuk e rrëzon automatikisht një kategori më poshtë. Megjithatë, trajneri Ndreu mendon se nuk ka vend për vetëkënaqësi, pasi deri në fund të kampionatit duhet të luhen edhe shtatë ndeshje, gjatë të cilave mund të ndodhin edhe përmbysje. Për më tepër që Kastrioti do të ketë dy përballje direkte, duke filluar që këtë fundjavë, me Besëlidhjen e Teutën. Duke u prononcuar për gazetën tonë, trajneri Ndreu, ndër të tjera, është shprehur: “Në dy ndeshjet e fundit skuadra ka marrë katër pikë, madje i ka fituar ndaj dy kryesuesve të kampionatit, Partizanit dhe Dinamos. Por kjo nuk do të thotë se skuadra duhet të kaojë në eufori. Për fitoren ndaj Dinamos, dua të përgëzoj të gjithë futbollistët pa përjashtim, për atë që dhanë në fushën e lojës. Duke përfituar nga mundësia që m’u dha, dua të falënderoj pa masë tifozerinë krutane, e cila e ka mbështetur skuadrën gjatë 90 minutave, duke u kthyer në lojtarin e 12?të të saj. Dhe Kastrioti ia shpërbleu me lojë e me rezultat. Por atë fitore e kemi lënë pas, ndërsa tani duhet të mendojmë për dy ndeshje të vështira, me Besëlidhjen dhe Teutën, të cilat janë rivalet tona të drejtpërdrejta në përpjekjet për mbijetesë”. Ndreu ka nënvizuar që skuadra e tij duhet të ecë me ritmin e dy ndeshjeve të fundit, ku ka luajtur me shpirt të lartë gare. “Në fundjavë do të kemi një sfidë përcaktuese në Lezhë. E rëndësishme është që skuadra u rikthye te fitorja, çka ka rritur shumë moralin e saj dhe lojtarët do të jenë tepër të motivuar për një rezultat pozitiv” përfundon trajneri Ndreu.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Apr 16, 2008 3:56 pm Post subject:

Kastrioti: vetëm fitore
16 Prill 23 vjeçari, Renaldo Kalari i cili luan sezonin e tretë radhazi për ngjyrat e Kastriotit vazhdon të jetë një ndër pikat kyçe në repartin e mesfushës në skuadrën krutane. Duhet pranuar fakti se loja e tij ka patur rritje të theksuar nga java në javë por sipas tij mundësitë ekzistojnë për të dhënë dhe më shumë në fushën e blertë. Dhe këto mundësi kërkon ti shfaqë në javët e mbetura të kampionatit. Në ndeshjen e fundit me Besëlidhjen ai është aktivizuar pothuajse në të tria repartet. Ndonëse roli i tij i preferuar është ai i mesfushorit atë shpesh e kemi parë të dalë dhe në radhët e sulmit dhe gjithashtu dallohet dhe në goditjet standarte ku dhe ka shënuar dy gola mjaft të rëndësishëm në fitoren ndaj Besëlidhjes 2?1 në 29 Dhjetor 2007. Gjithsesi në një prononcim për gazetën tonë ai do të shprehej kështu “ Kampionati nga java në javë po bëhet dhe më interesant si për kreun ashtu dhe për fundin e klasifikimit. Por duke përjashtuar Skënderbeun që me keqardhja mund të them se ka zbritur një kategori më poshtë. Në valle janë tri skuadra që kërkojnë mbijetesën Kastrioti, Besëlidhja dhe Teuta ku njëra prej tyre do të shoqërojë Skënderbeun për një kategori më poshtë. Barazimi i arritur me rivalin tonë Besëlidhja ka treguar dhe njëherë forcën e Kastriotit e cila e meriton plotësisht për të mbijetuar në Superligë, por kjo nuk do të thotë që të vetkënaqemi pasi nga përfundimi i kampionatit janë dhe gjashtë ndeshje duke qënë dhe 18 pikë në lojë dhe gjithçka mund të përmbyset. Gjithsesi për ne çdo ndeshje duhet vlerësuar si një finale pavarësisht nga emri i kundërshtarit si dhe pozicioni që mban në klasifikimi sepse në fund të fundit Kastrioti ka arritur të marrë rezultate pozitive ndaj skuadrave si Besa, Vllaznia, Elbasani, Dinamo, Partizani dhe Tirana . Por pasi kemi lënë prapa atë barazim me Besëlidhjen tani po mendojmë për sfidën e fundjavës me Teutën dhe ky një rival i drejpërdrejtë për mbijetesë. Skuadra do të ketë të gjitha shanset për tu ngjitur më lart në klasifikim por që të arrihet ajo që ne kërkojmë duhet patjetër të fitojmë me Teutën. Nga kjo përballje na ndajnë dhe disa ditë, duke shpresuar që skuadra të jetë mëse e kompletuar në të tria repartet me përjashtim të mbrojtësit Elton Grami që është i skualifikuar me karton të verdhë por i dyshimtë mund të jetë dhe aktivizimi i sulmuesit tiranas Abazaj i dëmtuar në ndeshjen e fundit me Besëlidhjen” ka përfunduar mesfushori i Kastriotit 23 vjeçari Renaldo Kalari.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue Apr 22, 2008 3:08 pm Post subject:

DERGO KOMENTO PRINT

Dergoja kete lajm nje shoku
Emaili shokut
Emaili juaj
Koment

Dergo nje koment per kete lajm
KomentJo me shume
se 200 karaktere Koment
Emri
Emaili

Futboll

Ndreu: Të ruhemi nga të papriturat
22 Prill Në kampin krutan u ka “djegur” barazimi i fundit me Teutën, kur të gjithë ishin pompuar se do të fitonin ndaj skuadrës durrsake dhe do ta kalonin atë në renditje. Por në stadiumin “Loro Boriçi• të Shkodrës nuk është parë Kastrioti që pritej, sidomos nisur dhe nga rezultatet e fundit. Pas ndeshjeve të javës së kaluar, pozitat e tri skuadrave, që luftojnë t’i shmangen rënies direkt nga kategoria, Besëlidhjes, Kastriotit e Teutës, nuk kanë ndryshuar, duke ruajtur diferencën e një pike nga njëra?tjetra. Deri në fund të kampionatit, skuadra krutane do të ndeshet me Skënderbeun, Flamurtarin, Shkumbinin, Elbasanin e Tiranën, nga të cilat do të vendoset për të ardhmen e saj në superiore. Pas barazimit me Teutën, trajneri i Kastriotit, Ramadan Ndreu, thekson se nuk është koha për t’u alarmuar, por skuadra duhet të përgatitet për të përballuar ndeshjet e radhës. Sipas tij, ndryshe nga ç’pritej, Kastrioti në ndeshjen e fundit, sidomos në pjesën e parë ka luajtur si i përgjumur, ndërsa është përmirësuar loja e tij pas pushimit, por pa mundur të shënojë. “Gjithsesi, barazimi me Teutën duhet harruar, pasi sfida më të vështira na presin, kur deri në fund të kampionatit duhet të përballojmë edhe pesë ndeshje” ka nënvizuar Ndreu, që ka vijuar: “Kastrioti e meriton plotësisht të qëndrojë në Superiore, kur mendojmë se i ka luajtur të gjitha ndeshjet në transfertë. Duke parë kalendarin e ndeshjeve, që kemi përpara, them se ai na favorizon, por duhet të jemi të kujdesshëm e të mos biem viktimë e të papriturave”.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Apr 23, 2008 1:17 pm Post subject:

Kastrioti: “Në Korçë “djeg”, humbëm 0-2”
23 Prill

Fatmir Caca, mbrojtësi shtatlartë i krutanëve, shprehet optimist për javët e mbetura të kampionatit. Sipas tij, skuadra nuk do të vërë në dyshim objektivin, që është mbijetesa në superiore. I aktivizuar pothuajse në të gjitha ndeshjet e kampionatit, 22?vjeçari ka qenë ndër më të mirët në ndeshjen e së shtunës me Teutën. Ndonëse roli i tij i preferuar është ai i mbrojtësit, Caca nuk ka munguar të jetë edhe në mesfushë e sulm ndaj durrsakëve. Por i duhet të pranojë: “Në kundërshtim me ndeshjet e fundit, ku kemi patur ngritje nga java në javë, si në lojë, ashtu dhe në rezultate, me rivalen tonë, Teuta, ka qenë një Kastriot krejt ndryshe në fushën e lojës. Kjo ndoshta ka ardhur dhe ngaqë e morëm disi të lehtë këtë ndeshje; skuadra nuk doli në lojën e saj, çka na ka kushtuar në lënien e dy pikëve, që ishin të domosdoshme për skuadrën tonë”.

Mbrojtësi gjen rastin të kërkojë dhe ndjesë: “Normalisht që ky barazim me Teutën nuk është pritur mirë nga tifozeria krutane, që ka qenë e shumtë në “Loro Boriçi”. Në emër të gjithë shokëve të skuadrës i falënderojmë për mbështetjen që na dhanë, si dhe u kërkojmë falje që nuk arritëm t’ua shpërblejmë me fitore”. Dhe menjëherë e ndeshja e radhës: “Mbeten edhe pesë dhe çdo takim vlerësohet si finale. Vetëm kështu arrihet objektivi që i kemi vënë vetes. Kastrioti e ka treguar forcën e tij ndaj çdo kundërshtari dhe do të jetë i aftë të përballojë dhe Skëndebeun po kështu. Vërtet ata kanë rënë matematikisht, por po luajnë ndershëm e fort kampionatin. Nga ana tjetër, nuk harrojmë se në fazën e dytë ata na kanë mundur në shtëpinë e tyre. Me këtë dua të them se kjo sfidë do të jetë p-rcaktuese dhe ne do ta vlerësojmë si të tillë. Largqoftë, një rezultat negativ në përballjen me Skënderbeun do të na nxirrte përfundimisht nga objektivi ynë minimal”, ka mbyllur mbrojtësi krutan.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Apr 24, 2008 1:38 pm Post subject:

Kryebashkiaku Guni: Duhet të mbijetojmë
24 Prill Në kampin krutan, sfida e fudjavës me Skënderbeun vlerësohet si mjaft e rëndësishme, jo vetëm nga skuadra dhe stafi i saj, por edhe nga tifozeria. Në seancat stërvitore të këtyre ditëve është dëmtuar sulmuesi Orjand Abazaj, i cili do të mungojë në ndeshjen me Skënderbeun. Këtë mungesë e ka konfirmuar edhe mjeku i skuadrës, por në Korçë nuk do të jetë dhe mbrojtësi Elton Grami, i skualifikuar prej plotësimit të numrit të kartonave. Në dispozicion të trajnerit Ndreu do të jetë mbrojtësi gjirokastrit Shenaj, i cili ka munguar në disa ndeshje për arsye shëndetësore. Nisur nga rëndësia e ndeshjes së të shtunës, kryebashkiaku Lulzim Guni ka zhvilluar një takim me stafin në mjediset e fushës sportive ku Kastrioti kryen seancat stërvitore. Guni ka porositur që të mos nënvlerësohet Skënderbeu, pasi ajo do të luajë lirshëm, sepse, në fund të fundit, nuk ka se çfarë të humbasë më tepër. Kryebashkiaku nuk ka lënë pa përmendur dhe barazimin e fundit me Teutën, ku sipas tij skuadra nuk ishte ajo e ndeshjeve të fundit. Ai ka kërkuar që ajo paraqitje të mos të mos përsëritet në javët e mbetura të kampionatit, duke filluar që me Skënderbeun. Guna, duke përfituar nga rasti, ka falënderuar tifozerinë e mrekullueshme krutane, e cila e ka mbërshtetur Kastriotin në çdo ndeshje, të cilat i ka luajtur të gjitha në transfertë. “U jemi borxhlinj, por shpresojmë t’ua shpërblejmë me qëndrimin e Kastriotit në kategorinë superiore. Eshtë një rrugë që nis nga Korça dhe do të përfundojë në Tiranë, kuluajmë ndeshjen e fundit të kampionatit, për të zhvilluar më pas ndeshjen e “plejautit” me një skuadër të kategorisë së parë. Bashkia e Krujës, në bashkëpunim me biznesin vendas, do të bëjmë të gjitha përpjekjet që skuadrës të mos i mungojë ana financiare, me synimin e vetëm mbijetesën në kategorinë Superiore. E rëndësishme është që skuadra të fitojë në Korçë”, ka përfunduar kryebashkiaku Guni.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sat Apr 26, 2008 1:52 pm Post subject:

Hyka: Të mos gabojmë
26 Prill Kastrioti sot do të luajë në Pogradec, ku përballë nuk do të ketë skuadrën e atij qyteti, por Skënderbeun. Skuadra krutane dhe ajo korçare kanë arritur ndaj njëra?tjetrës nga një fitore në dy ndeshjet e deritanishme të këtij kampionati. Gjatë javës, skuadra e Ndreut është stërvitur me mjaft impenjim, me synimin e vetëm për t’u paraqitur sa më denjësisht e për të marrë një rezultat pozitiv, pasi në të kundërt do të rrezikonte mjaft për ecurinë e mëtejshme. Në ndeshjen e kontrollit në mesjavë, ku futbollistët kanë luajtur mjaft të mobilizuar, Ndreu ka bërë dhe disa ndryshime përsa i përket formacionit bazë, duke filluar nga porta, pasi Mustafa vazhdon të jetë i dëmtuar dhe në vend të tij do të jetë Tafaj, që do të fillojë lojën nga minuta e parë. Mbrojtja do t’u besohet atyre që u aktivizuan dhe në ndeshjen e fundit me Teutën, si Gallo, Brahja, Hoxha, Caca, ndërsa në mesfushë Turdiu dhe Rustami do ta fillojnë ndeshjen nga stoli. Pas një mungese shumë të gjatë për arsye shëndetësore, Sokol Bulku është rikthyer dhe pritet ta fillojë lojën nga minuta e parë, së bashku me Kalarin, Merxhën dhe Osusin, që nuk ka luajtur prej javësh. Ndërsa sulmi do t’u besohet Rizvanollit dhe të riut Hyka, pasi Abazaj vazhdon të jetë i dëmtuar. Sulmuesi 22?vjeçar i Kastriotit, Alban Hyka, i cili është aktivizuar rregullisht në ndeshjet e fundit, në pragtë ndeshjes së sotme është shprehur për gazetën tonë: “Jemi në një pozitë të rrezikshme, në grup me dy skuadrat që kërkojnë mbijetesën në superiore, Besëlidhjen e Teutën. Deri në fund të kampionatit do të jetë një luftë e fortë sportive, për t’iu shmnagur vendit të parafundit, që të zbret automatikisht në kategori më poshtë. Ndeshja me Skënderbeun vlen për ne sa i gjithë sezoni, ndaj do të bëjmë gjithçka për ta fituar atë, pasi vetëm kështu mund të shpresojmë që të radhitemi në zonën e “plejautit”.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu May 01, 2008 6:22 pm Post subject:

DERGO KOMENTO PRINT

Dergoja kete lajm nje shoku
Emaili shokut
Emaili juaj
Koment

Dergo nje koment per kete lajm
KomentJo me shume
se 200 karaktere Koment
Emri
Emaili

Futboll

Braho: Të kënaqur edhe me barazimin
1 Maj Pasi ka lënë prapa fitoren me Skënderbeun, skuadra krutane, e drejtuar nga trajneri Ndreu, është përqendruar te ndeshja e radhës e kampionatit, kur në fundjavë do të përballet në Vlorë me Flamurtarin. Edhe pse ndeshja është e rëndësisë së veçantë dhe do të kërkojë vlerësimin e duhur, ajo nuk mund të zgjidhë gjithçka, pasi prova të tjera të vështira e presin Kastriotin, që në vazhdim, deri në fund të kampionatit, do të përballet me Shkumbinin, Elbasanin dhe Tiranën. Kur kanë mbetur edhe katër ndeshje deri në ditën e fundit të kampionatit, gjithçka mbetet e hapur përsa i përket objektivit që ka Kastrioti. I këtij mendimi është dhe futbollisti gjirokastrit i Kastriotit, 23?vjeçari Florian Braho, i cili është prononcuar për gazetën tonë. “Kemi arritur të marrim një trepikësh tepër të rëndësishëm, edhe pse të pritshëm, në ndeshjen me Skënderbeun, ndërsa jemi ngjitur një shkallë më lart duke përfituar nga hapi fals i rivalëve, ? tregon gjirokatriti. ? Megjithatë, asgjë nuk ka përfunduar, pasi na presin dhe katër finale të tjera, në të cilat do të kërkojmë të marrim pikët maksimale, duke filluar nga kjo fundjavë. Duke vazhduar serinë pozitive, ne jemi optimistë se do të jemi të suksesshëm edhe në ndeshjen “plejaut” me një nga skuadrat e kategorisë së parë, për të siguruar mbijetesën në Superiore”. Për përballjen e fundjavës, ndaj Flamurtarit, Braho thotë se në skuadrën krutane mbisundon optimizmi për një nga rezultatet pozitive, çka mbështetet edhe nga fakti se, në pesë ndeshjet e fundit, Kastrioti nuk ka pësuar humbje. Nga ana tjetër, Braho lë të kuptohet se e vlerësojnë Flamurtarin dhe janë përgatitur që skuadra vlonjate do të kërkojë medoemos fitoren, ndryshe rrezikon të përfshihet edhe vetë në zonën e “plejautit”. “Gjithsesi, ? ka nënvizuar Braho, ? për ne e rëndësishme është të mos humbim. Kjo do të thotë se edhe me barazimin do të ishim të kënaqur, duke llogaritur se luajmë në transfertë”. “Përtej rezultatit, që për ne ka shumë rëndësi, duhet thënë se në Vlorë do të luhet një futboll i bukur dhe korrekt” ka përfunduar Braho.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue May 06, 2008 2:14 pm Post subject:

Krutanët, llogaritë e “plejautit”
6 Maj Skuadra krutane, që ndodhet në zonën e “plejautit”, ka humbur në ndeshjen e së shtunës të kaluar, në Vlorë, duke mos përfituar nga hapi i gabuar që hodhën edhe dy rivalet e saj, që ndodhen më poshtë në renditje, Besëlidhja e Teuta. Nga ana tjetër, krutanët edhe janë qetësuar paksa, kur, edhe pse kanë humbur, nuk kanë zbritur në renditje dhe kanë ruajtur diferencën e pikëve me ndjekëset, sidomos me Besëlidhjen, që është e parafundit. “Eshtë e vërtetë që loja e skuadrës ka pasur ngritje në javët e fundit, kur në pesë ndeshje radhazi kemi grumbulluar 9 pikë dhe i kemi përforcuar pozitat në klasifikim. Por serialin e rezultateve pozitive na e ka prishur humbja e fundit me Flamurtarin, çka nuk e prisnim pas atij seriali pozitiv. Gjithsesi, skuadra mori atë që dha në fushën e lojës, edhe pse në disa raste kemi qenë shumë pranë barazimit” është shprehur trajneri Ndreu. Sipas teknikut të Kastriotit, humbja me Flamurtarin duhe harruar dhe skuadra duhet të përqendrohet në tri ndeshjet e fundit, nga të cilat varet arritja e objektivit për të mbijetuar, duke mbetur të paktën në zonën e “plejautit”, për të luajtur pastaj një ndeshje me skuadrën e kategorisë së parë, pasi për më lart praktikisht është e pamundur, kur nga skuadra vlonjate diferenca është 7 pikë. “Ka shumë faktorë, që na bëjnë optimistë se do ta arrijmë këtë objektiv, ? ka thënë Ndreu. ? Humbjen me Flamurtarin e kemi lënë prapa dhe që nga e hëna kemi filluar përgatitjet anti? Shkumbini. Me peqinasit ambiciozë kemi një ndeshje që duhet vlerësuar në maksimum, pasi dihet forca e kundërshtarit, kur në tri javët e fundit ka arritur të grumbullojë shtatë pikë dhe synon të ngjisë shkallët. Megjithatë, kemi akoma ditë përpara deri në atë ndeshje, për të cilën do të përgatitemi seriozisht”.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu May 08, 2008 3:19 pm Post subject:

Aksidentohen 4 lojtarë të Kastriotit
8 Maj Edhe një herë shpejtësia e madhe, si edhe mosrespektimi i rregullave të qarkullimit rrugor ka qenë pranë kthimit në një tragjedi, që këtë herë ka goditur edhe futbollin krutan. Kështu, dje, rreth orës 11:00 të paradites, gjatë kohës që katër lojtarët e Kastriotit, Elton Grami, Erion Rizvanolli, Erald Turdiu dhe Xhejms Osusi, po shkonin për në stërvitje në Krujë, në afërsi të fshatit Tapizë, kur automjeti, i drejtuar nga Grami, me në bord katër lojtarët, ka dalë nga kontrolli dhe ka përfunduar jashtë rruge, duke aksidentuar rëndë futbollistët. Shkak për këtë aksident, të paktën nga burimet e para të policisë, mësohet se ka qenë shpejtësia e madhe e makinës dhe një parakalim i gabuar, çka, për të evituar impaktin me një kamion që po vinte përballë, kanë dalë nga rruga duke bërë tre saltro në ajër dhe duke përfunduar në një kanal në afërsi të rrugës, madje duke marrë përpara edhe një grua, kalimtare të rastit, rreth të 60?tave. Pas përplasjes, të aksidentuarve u është dhënë ndihma e parë, teksa mësohet se Rizvanolli ka qenë më i dëmtuari, teksa ka marrë një goditje në kokë, edhe pse nuk ka qenë një dëmtim serioz, pasi, pas mjekimit në Spitalin Ushtarak, ai ka dalë dhe ndodhet në shtëpi. “Nuk e di se si ndodhi. Rëndësi ka që shpëtuam gjallë. Eshtë një moment ku e gjithë jeta të kalon përpara syve. Ishte rrënqethëse”, kanë qenë fjalët e Rizvanollit, i cili ndodhet në shtëpi, në regjim shtrati, pas qepjeve në kokë. Nga ajo që mësohet lojtarët dhe e aksidentuara janë jashtë rrezikut për jetën.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Kategoria e Pare	All times are GMT + 1 Hour Page Previous 1, 2
Page 2 of 2