UEFA pezullon Shqiperine

Register · Status:

Partizani_One · Posted: Fri Mar 21, 2008 9:40 am Post subject:

ky thote e drejte se do me u be per vete president i fshf
_________________
Ngjyr e kuqe ngjyr dashnie e ka frik cdo mi bashkie

admin · Administrator Joined: 10 Jan 2008 Posts: 1870 Status:

Nga i pari te i fundit, cdo llaf qe thone e thone vetem per interesat e veta se per futbollin si plas asnjerit.
_________________
FutbolliShqiptar.net

Partizani_One · Posted: Fri Mar 21, 2008 1:31 pm Post subject:

pale bejne edhe sikur e dun shum te miren e futbollit shqiptar
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri Mar 21, 2008 9:53 pm Post subject:

Pango-Duka, “30 minuta” per asgje
21 Mars

Armando Duka eshte zgjuar me heret se zakonisht, pasi ministri i tij i kishte fiksuar nje takim ne oret e para te mengjesit. Eshte dukur rreth ores 8:30 te dites se djeshme ne oborrin e MTKRS?se dhe duke evituar te gjithe syte qe e ndiqnin me habi ngjiti shkallet dhe iu drejtua njeriut i cili e ka akuzuar publikisht edhe per ngjarje mafioze.

Me siguri nuk i ka menduar keto kur eshte ulur balle per balle me Pangon. Per 30 minuta kane insistuar te dy qe “te dy kane te drejte” dhe kur ka dale nga dera ka treguar qarte ne fytyren e tij se asnje kompromis nuk eshte arritur.

“Mua me vjen keq por ne kemi shume pak ne dore, si komunitet i futbollit. Detyrat e shtepise i ka vete shteti”. Ka marre makinen e tij dhe eshte larguar. Me siguri qe ne ikje e siper ka menduar: perse ministri me therret kur nuk ka asgje te re per te thene.

Pango nuk ka folur, nuk ka dhene asnje prononcim zyrtar. i njohur si nje drejtues energjik, po e kupton dale nga dale se energjite per kete lufte po fillojne te shterojne. Dhe pergjithesisht jane energji te harxhuara pa asnje motiv. Te njejtat energji nese po per futbollin do ishin perdorur ne nje menyre tjeter me siguri Shqiperia do te kishte mimunimi nje infrastrukture juridike dhe sportive me te mire.

Thashethemnaja ne zyrat e dikasterit shteteror ka vijuar gjate gjithe dites se djeshme. Ka pasur nga ata qe e kane perkthyer kete ftese te Pangos per Duken si nje “renie” te kuotave te ministrit, ka pasur nga ana qe e kane perkthyer si nje gje serioze, qe ministri fundja duhet ta bente. Ka pasur edhe nga ata qe ne mos e kane thene me ze te larte e kane menduar njehere se: ndoshta ky futboll po behet shkak qe ministri te ike. Por, aty per aty, e ka hequr nga mendja kete ide.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri Mar 21, 2008 9:54 pm Post subject:

Ja cfare humbasin klubet, qe do te bojkotojne ndeshjet
21 Mars

Sipas Kodit te Drejtesise Sportive, klubet te cilat kane kercenuar me bojkot te kampionatit shqiptar te futbollit do te humbasin shume, nese e bejne nje gje te tille diten e shtune. Nje klub, i cili nuk garanton fundin e aktivitetit ku merr pjese eshte i detyruar sipas Statutit te FSHF?se te miratuar nga vete delegatet e klubeve, te zbrese dy kategori me poshte.

Nje ndeshje – nese klubet qe kane kercenuar bojkot vendosin qe ta bejne nje gje te tille vetem per kete te shtune, atehere ndeshjet humbiten nga keto skuadra me rezultatin 0?2 ne tavoline. Gjithashtu klubet qe nuk luajne humbasin edhe tri pike te tjera nga kjo humbje. Pertej kesaj, gjoba financiare eshte 5 milione leke te vjetra.

Perseritja – Ne rast se klubet e perserisin nje gje te tille, pra edhe ne javen ne vijim nuk paraqiten ne fush-n sipas kodit te drejtesise sportive zbresin nje kategori me poshte dhe gjobiten me 500 mije leke te reja serish.

Bojkoti – Ne rast se nje skuader vendos ta bojkotoje e mos ta mbaroje kampionatin, atehere kjo e fundit shkon automatikisht dy kategori me poshte.

Llogarite? Opionioni publik eshte i bindur se veshtire qe ndonje nga klubet te mos beje llogarite e duhura dhe te dergoje skuadren drejt ketij perfundimi. Mbi te gjitha ata qe vriten nga kjo forme kercenimi jane vete klubet dhe te ardhurat e vete presidenteve.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue Mar 25, 2008 6:48 pm Post subject:

Audit i brendshëm në FSHF, urdhër politik
25 Mars

Një nga tre pikat që FIFA dhe UEFA i kanë vënë si kusht shtetit shqiptar që Shqipëria të rifillojë të aktivizohet në strukturat ndërkombëtare është mos bërja e asnjë auditi të brendshëm në Federatën Shqiptare të Futbollit. Shteti shqiptar, më saktë zyra e auditit pretendon se është duke e bërë një audit të tillë.

Qëndrimi – politik në gjithë këtë histori ka qenë i habitshëm. Pajtim Shehu, shefi i auditit, në daljen e parë publike, ka deklaruar se po e bën këtë audit në sajë të një ligji që detyron shtetin të kontrollojë shoqëritë. Por fillimisht ai harroi të theksonte se ky ligj përcaktonte gjithë ato shoqëri që kanë të paktën 51% kapital shtetëror. Ministri Pango në një dalje të dytë të tij, theksoi se MTKRS nuk ka kërkuar asnjëherë audit dhe se këtë audit e ka kërkuar Ministria e Financave. Ndërkohë në daljen e fundit në publik, Shehu theksoi se auditi po bëhet duke u bazuar në fondet që përfitues kanë kompani shqiptare, pavarësisht se këto para mund të kenë ardhur nga UEFA dhe FIFA.

Kontrolli – Federata Shqiptare e futbollit, sipas urdhërit që ka marrë nga FIFA dhe UEFA nuk i ka vënë në dispozicion auditit asnjë dokument që të mund të fillojë kontrolli. “Fakti që shteti pretendon se po bëhet audit atëherë unë mendoj se po gjehet në rrugë të tjera dhe vijon të jetë një problem, pasi kjo konsiderohet një mos bindje. Nuk na intereson se ku i gjen të dhënat ky audit thjesht duhet të kuptohemi që kjo manovër po bëhet pikërisht pa OK e FIFA?s”. Shefi i auditit ka deklaruar në një debat tv në “ora neës” se janë përcaktuar deri tani shkelje të shumta që çojnë deri në evazion fiskal. Përgjithësisht shefi i auditit iu referua shkeljeve që federata, sipas tij, ka bërë me kompani shqiptare. Nuk harroi edhe të theksonte një detaj: që këto para FSHF i ka marrë nga FIFA dhe UEFA. Këto të fundit, gjatë gjithë kësaj kohe e kanë kontrolluar federatën nëpërmjet një raporti auditimi që FSHF në Asamblenë e saj ka përcaktuar ta bëjë firma e licensuar në Shqipëri, “Deloitte”. “Ne do vijojmë ta bëjmë auditin sipas ligjit dhe po ju siguroj se ai ka mbaruar dhe shumë shpejt do t’i bëhen të dhënat publike si FSHF?së ashtu edhe FIFA?s”, tha Shehu duke harruar se pikërisht këto dy institucione nuk e kanë kërkuar fare kontrollin e tij. “Po habia këtu qëndron – thotë Duka – që auditi është “prokurori”, edhe në faktin që del në përfundime jo zyrtare që ka shkelje është e pabesueshme. Është njësoj sikundër kryeprokurori të theksojë në shtet gjatë një procesi do të ketë një dënim”.

Paratë ? në një tjetër dalje publike në “Alsat”, të shtunën në mbrëmje zëvendësministri Spahia ka theksuar se shteti po kontrollon vetëm 240 milionë lekët që qeveria sipas grantit të futbollit ia jep federatës që kjo ta shpërndajë klubeve. “Besoj se e kuptoni që shifra është qesharake – thotë Duka – nëse ka ndonjë shkelje kjo është brenda komunitetit sportiv, që do të thotë se mund të ketë rezerva nga ndonjë klub pse ka marrë më shumë ose më pak se një klub. Por të jeni të sigurtë që shifra e cila ndahet në thesarin e shtetit e marrë nga klubet në total në përfundim është 240 milionë”.

Pjesa – tjetër e parave që qarkullon Federata Shqiptare e Futbollit janë produkt i punës së saj dhe fondeve që i jep FIFA dhe UEFA. Madje një gjë e tillë ekziston prej vitesh. Më parë shteti jepte edhe 30 mln të vjetra në muaj për rrogat e punonjësve, fond që prej kohësh federata nuk është e interesuar ta marrë duke ia dhuruar vetë shtetit.

E drejta TV – Shefi i auditit Pajtim Shehu, pretendon që FSHF ka manipuluar të drejtën TV, duke ia shitur një kompanie të huaj, që ofronte një çmim më të lartë se sa një kompani tjetër. E drejta Tv, në fakt, është një e tillë e deleguar nga shteti për federatën shqiptare të futbollit dhe kjo e fundit mund të zgjedhë në tender sipas kritereve jo të shteti shqiptar, duke qenë se tenderi zhvillohet me kompani të huaja, federata mund të përdorë ligje ndërkombëtarë të tenderimit të njohura edhe nga federata homologe. Në thelb shteti nga kjo e drejtë TV ka të drejtë të kërkojë 10% të shumës përfundimtare që arrin federata me kompanitë e huaja me të cilat ajo operon.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Mar 26, 2008 2:58 pm Post subject:

Një histori në letër trukimesh
26 Mars

Qeveria shqiptare, e udhëhequr nga dy prej anëtarëve të saj më të lartë, kryeministri Sali Berisha dhe ministri i TKRS?së, Pango, udhëhoqi një fushatë të tërë akuzash kundrejt përfaqësueses shqiptare të futbollit në ditët e fundit të vitit të shkuar, në thelb të së cilës paraqitej një pretendim i shtetit se presidenti Duka, së bahsku me disa futbollistë të përfaqësueses shqiptare kanë manipuluar dy ndeshjet e fundit duke fiksuar rezultatin e tyre. “Ata turpëruan flamurin”, tha Berisha, ndërkohë që vetë Pngo i dërgoi një letër UEFA?s që të fillonte hetimet, një letër që Duka e konsideroi si aktin më të turpshëm qeveritar që ka lidhje me futbollin në Shqipëri.

Vijimi – Pas akuzave të bëra sidomos në TV publike anëtarët e shtetit për asnjë moment nuk siguruan një provë të vetme që të kompromentojë përfaqësuesen e futbollit. UEFA dhe FIFA pritën për shumë kohë dhe më pas e vunë këtë pikë si një kusht për rikthimin e Shqipërisë në FIFA, ç’ka do të thotë praktikisht që tanimë qeveria, jo më në mënyrë të ndrojtur, por direkt duhet të dalë publikisht dhe të mohojë këto akuza.

Bastet – Shqipëria, si një vend ndër më të varfërit në Ballkan e Evropë është padyshim një nga shtetet ku trukimi i ndeshjeve të futbollit, jo vetëm që mund të bëhet lehtë por gjithashtu mund të behet edhe për shuma shumë të vogla financiare. Askush në Shqipëri nuk e ka anashkaluar faktin se ekziston një fenomen, pjellë e një të tillë ndërkombëtar që i lidh skuadrat tona të futbollit me një rrjet të tillë “mafioz”. Por akuzat e qeverisë në çdo moment kanë qënë të pafaktuara dhe fundi i kësaj historie nuk lë një shije të mirë te të gjithë ata që besonin pëkërisht te akuza e kësaj qeverie.

Shteti – shqiptar priti sa përfaqësuesja rrëshkiti në dy ndeshjet e fundit dhe akuzoi direkt përfaqësuesen e futbollit për trukim, ndërkohë që në të shkuarën, sidomos në vitet e fundit, sidomos klubet shqiptare, janë akuzuar në mënyrë të frenuar dhe diplomatike jo vetëm nga krerët e vetë UEFA?s por edhe nga media përgjithësisht botërore. Ndeshjet, e Partizanit, Dinamos, Besës dhe Vllaznisë në Kupat e Evropës janë përshkruar gjithnjë nga një thashethmnajë për trukim rezultatesh, sa madje në takimin e fundit Vllaznia?NK Zagreb, i deleguari i UEFA?s u ka tërhequr vëmendjen skuadrave për kujdes, pasi kishte sinjalizime se për këtë ndeshje janë luajtur shuma të frikshme në kompanitë e basteve aziatike. Asnjë nga këto mini prova nuk u konsideruan të mjaftueshme nga shteti shqiptar për të ngritur zërin. Përkundrazi, një rrëshkitje e përfaqësueses solli “tërmetin”.

E vërteta – të gjesh të vërtetën në një ndeshje futbolli është një mision i pamundur. Teorikisht përderisa është një lojë që luhet nga njerëzit ka një risk të jashtëzakonshëm për të qenë një lojë jo e ndershme. Njerëz që blihen dhe shiten mund të gjesh kudo. Por përderisa në duart e krerëve të shtetit nuk ka absolutisht asnjë fakt në lidhje me trukimin që ata pretendojnë që krerët e futbollit i kanë bërë dy ndeshjeve të fundit, atëherë sipas të gjitha gjasave një përgjegjësi morale dikush duhet patjetër të ndjejë.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Mar 27, 2008 6:31 pm Post subject:

Shqipëria nuk luan, “të luajë” Pango!
27 Mars Këshilltari juridik i FIFA?s, Zherom Shampanje, dje, në një intervistë ekskluzive të dhënë për Top?Channel, ka sqaruar edhe një herë kërkesat që ka FIFA dhe UEFA kundrejt shtetit shqiptar. “E para që duhet të theksoj është që Shqipëria sot duhet të luante dy ndeshje ndërkombëtare, dhe nuk i ka luajtur. Dhe nëse ministri juaj nuk lëviz, atëherë gjërat do të përkeqësohen. Ne respektojmë shtetin shqiptar, por edhe ai duhet të na respektojë ne”.

Për statutin: “Kemi marrë OK nga ky ministër në muajin qershor të vitit të kaluar që do ta firmosë ashtu siç është; tani nuk mbetet gjë tjetër veçse të mbajë fjalën e dhënë. Nuk duhet të ketë probleme dhe diskutime në këtë pikë”.

Për auditimin: “Shteti kërkon të kontrollojë edhe të drejtën TV? Por ai nuk duhet të marrë as 10%, sepse në fund të fundit është e drejtë e FIFA?s kjo e drejtë TV, pasi aktiviteti luhet nën drejtimin tonë. Auditi nuk mund të bëhet për fondet që japim ne. Shteti të kontrollojë ato fonde që jep vetë”. Dhe dihet se shteti nuk i jep asnjë qindarkë FSHF?së.

Trukimet: “Kemi kërkuar prova për trukim ndeshjesh dhe deri tani asnjë provë nuk na ka ardhur”.

Kryeministri i vendit ka akuzuar rëndë Dukën: “Nuk bëj komente në lidhje me deklaratat e kreut të qeverisë suaj; unë di që shteti duhet të nxitojë nëse dëshiron ta shohë Shqipërinë të luajë futboll. Ne po e monitorojmë situatën; ne do ta ndjekim edhe mbledhjen e klubeve nesër (sot). U kujtoj klubeve shqiptare që janë në mënyrë indirekte dhe anëtarë tanët, kështu që nuk duhet të nxitohen në vendimet e tyre”.
_________________
Ngjyr e kuqe ngjyr dashnie e ka frik cdo mi bashkie

KS_Besa · Fillestar Joined: 31 Jan 2008 Posts: 64 Status:

FIFA di vetem ato qe i thote Duka.

I ka bere shoke ai duke u dhene votat sa here u duhen atyre.

Partizani_One · Posted: Tue Apr 01, 2008 6:11 pm Post subject:

Topi-Duka në 60 minuta. Ja biseda në Presidencë
1 Prill

Hera e fundit që të dy bashkë kishin qëndruar në karrige pranë njëri?tjetrit në një stadium ka qenë kur Shqipëria luante një ndeshje të jashtëzakonshme kundër Holandës. Të dy bashkë janë parë në minutën e fundit duke shfryrë. Van Nistëlroi na kishte dënuar. Megjithatë Topi, presidenti i vendit kishte përjetuar një 90 minutësh fantastik. “Kjo është ajo që të dhuron futbolli”, kishte thënë pas ndeshjes. i njëjti futboll që tani në letër nuk ekziston më. Presidenti Duka, pasi ka provuar të gjitha shanset për të bindur një qeveri të tërë për ta shpëtuar topkëmbën shqiptare nga pezullimi ndërkombëtar, ka përfunduar në fund te presidenti. Jo rastësisht. “Ky duhet të më kuptojë ? ka menduar – nuk është vetëm tifoz, ka qenë presidenti i skuadrës kampione deri në shtator”. Dhe i ka telefonuar. Takimi i djeshëm ka qenë i tëri “sportiv”. Një fair?play i vërtetë.

Duka ? Në 60 minuta Duka ia ka thënë të gjitha. “Po ju them pse nuk duhet ta bëni atë ndryshim në Statut. FIFA nuk e do, dhe mos ia kërkoni FIFA?s sepse unë i pari do të më vijë keq nëse më duhet t’i them jo presidentit të vendit tim. Duhet firmosur ai Statut me atë Nen, ashtu si është dhe më pas Pango le të sjellë edhe 20 ndryshime të tjera si ministër që është dhe unë do t’i parashtroj në Asamblenë e radhës”. Topi i është përgjigjur që do bëjë të pamundurën për të zhbllokuar situatën. “Unë e respektoj tragjedinë që i ka ndodhur vendit tim dhe gjithë aganzhimin qeveritar për çështjen e Gërdecit, por ama duhet të merreni pak edhe me futbollin”. Topi sërish i ka dhënë të drejtë. “Mua nuk më shqetëson vetëm ky statut, mua më shqetëson mentaliteti. Duhet të kuptojmë që ministri e ka detyrim firmosjen, nuk është se po i bën ndonjë nder futbollit”.

Topi – Presidenti ka mbetur i shtangur nga fakti që neni për të cilin bëhej fjalë nuk ishte “ndonjë serioze”. “Jam konsultuar me Pangon dhe më ka thënë që është kundër ligjeve shqiptare ta firmos. Duhet të më besoni që sidomos pasi të zgjidhim çështjen e Natos unë do të kërkoj patjetër një zgjidhje ligjore për këtë problem. Nga ana morale unë dua që Shqipëria të mos jetë e pezulluar, por do ndërhyj edhe ligjërisht nëse është nevoja”. Ndërkohë Topi i ka kërkuar Dukës korrespondencën treshe ndërmjet Federatës, FIFA?s dhe MTRS?së.

E ardhmja – Sinjalet janë të gjitha pozitive. Palët janë ndarë me një fanelë dhuratë me numrin 10 për presidentin dhe Duka është parë i gëzuar kur ka dalë nga Presidenca. Futbollin e shpëtojnë njerëzit e futbollit. Për fatin e mirë të futbollit, presidenti i vendit është një njeri i tillë.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Kombetarja Shqiptare	All times are GMT + 1 Hour Page Previous 1, 2, 3, 4, 5, 6 Next
Page 4 of 6