UEFA pezullon Shqiperine

Register · Status:

Partizani_One · Posted: Tue Apr 01, 2008 6:11 pm Post subject:

Platini bën “presion”, madje vjen në Tiranë
1 Prill “Të gjitha armët për të mundur ndërhyrjet politike në futbollin shqiptar”. Mishel Platini, presidenti i UEFA?s ka programuar një vizitë në kryeqytetin shqiptar në ditët e para të muajit maj. Vizita do të jetë bashkangjitur një turi që numri 1 i futbollit evropian do të realizojë në rajon. “Pritet që Platini të jetë për 24 orë në kryeqytetin shqiptar. Është e sigurtë që do të jetë në Maqedoni gjatë ditëve të para të muajit maj, dhe sipas të gjitha gjasave ka premtuar edhe një “kthesë” në Shqipërinë e problemeve. Mesazhi që do të japë Platini në atë periudhë është sigurisht një palë kundër shtetit dhe në favor të futbollit”, thanë dje për gazetën burime zyrtare pranë institucionit të futbollit. Gjithësesi ndoshta deri atëherë shteti do jetë tërhequr dhe vizita e Platinisë, nëse do zhvillohet do jetë e tëra me nuanca sportive.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue Apr 01, 2008 6:12 pm Post subject:

Brigel donte Azerbajxhanin, por zgjedhin Berti Vogst
1 Prill Ish?trajneri i Kombëtares shqiptare, gjermani Hans Peter Brigel humbi betejën për të drejtuar përfaqësuesen e Azerbajxhanit. Lajmi vjen pikërisht nga kryeqyteti azer, Baku. Por, gjithsesi një tjetër gjerman do të drejtojë vendin e Europës së largët. Berti Vogts është përzgjedhur midis një liste të madhe kandidatësh, ku, përveç Brigelit, spikatin dhe emrat e gjermanit Horst Këpel e francezit Filip Trusier. Dy të fundit u përfolën kohë më parë edhe si kandidatë për të pasuar Oto Bariçin në stolin shqiptar. Brigel, i cili arriti dy fitore të mëdha me Shqipërinë, ato kundër Rusisë (3?1, për eliminatoret Euro 2004) dhe kundër Greqisë (2?1, për eliminatoret e Botërorit 2006), drejtoi në nivel kombëtaresh Bahrenin për një përiudhë të shkurtër. Puna e tij e fundit ishte ajo e trajnerit të skuadrës turke Ankaragucu (i shkarkuar dhe prej andej). Është e natyrshme, që ndeshjet më emcionuese për Berti Vogts, do të jenë ato kundër Kombëtares së vendit të tij, Gjermansië, së cilën Vogts e udhëhoqi në vitin 1996 në fitimin e Kampionatit Europian të zhvilluar në Angli. Së fundi, Berti Vogts drejtoi Nigerinë, me të cilën arriti deri në çerekfinalet e Kupës së Afrikës.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Apr 09, 2008 8:50 am Post subject:

Firma në statut nuk vjen, auditi eshtë në “kërkim”
8 Prill Në pamje të parë duket sikur gjithçka është qetësuar. Shkak sigurisht është bërë ajo dalje publike e ministrit në Top Shoë, rreth 8 ditë më parë. “Unë do e firmos dhe Shqipëria nuk do përjashtohet”, ka qenë premtimi i numrit 1 të qeverisë për çështjet futbollistike. Por që atëherë jemi futur në Nato, kemi pasur një sërë “punësh” të rëndësishme, ndërsa futbolli vijon të jetë “off?side”.

Statuti – Burimet e palëve e jepnin të sigurtë që ministri Pango, do të gjente formën e duhur për ta firmosur statutin kështu si është (ndoshta me ndonjë rezervë, gjë që e parashikon ligji) dhe më pas do t’i hapej udhë heqjes së pezullimit të Shqipërisë. Por që nga deklarata e fundit, ministri nuk ka gjetur kohën e duhur për të diskutuar me veten çështjet futbollistike. Fillimi i majit që është edhe dead?line i fundit për Shqipërinë është shumë afër, dhe hamendësirat të tipit “kemi kohë” veç bëjnë dëm. Në mënyrë ironike qetësinë e komunitetit e ka kthyer edhe Federata e cila mendon për grumbullimin e përfaqëuseses. Por faktet nuk kanë lidhje me njëra?tjetrën. Ministri duhet ta firmosë atë Statut.

Auditi ? Shefi i auditit, Shehu kishte deklaruar me tone “fitimtari” se auditi ka mbaruar, se ka evazion fiskal dhe së shpejti raporti do bëhet publik. Megjithëse FIFA dhe UEFA kanë deklaruar që nuk e njohin auditin, shteti nguli këmbë. Kanë kaluar shumë ditë prej premtimit se për 46 orë do të dalë raporti mbi auditin dhe asnjë raport nuk është bërë publik. Ndoshta sërish e ka fajin NATO Nga një pikëpamje shteti bën shumë mirë që nuk e bën publik auditin. A ishte kjo një kërkesë e FIFA?s?!

Trukimet – për këtë pikë ka pak për të folur. Pango e pranoi vetë se nuk ka asnjë fakt në lidhje me implikimin e zyrtarëve të federatës dhe futbollistëve në një trukim të mundshëm të dy ndeshjeve të fundit dhe duke bërë këtë në një farë mënyre u distancua nga akuzat e veta personale. Sigurisht që askush nuk pret që ai të thotë “më falni”. Mjafton vetëm.
_________________
Ngjyr e kuqe ngjyr dashnie e ka frik cdo mi bashkie

admin · Administrator Joined: 10 Jan 2008 Posts: 1870 Status:

Domethene nuk paska pike shprese per tu heq pezullimi.
_________________
FutbolliShqiptar.net

Partizani_One · Posted: Wed Apr 09, 2008 1:24 pm Post subject:

se keta tanet jane secili koke me vete Evil or Very Mad

_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Apr 17, 2008 5:06 pm Post subject:

Duka: Besoj te Topi!
17 Prill Sot, takim tresh në presidencë; pritet zgjidhja e konfliktit dhe hapja rrugë e heqjes së pezullimit

Për të qenë të qartë që në fillim: askush nuk duhet të krijojë ndonjë iluzion, në lidhje me vullnetin e kësaj Qeverie për të dhënë suport maksimal për këtë sport. Sepse, edhe nëse do të ketë një tërheqje ? sipas të gjitha gjasave, po ?, do të jetë një e tillë e imponuar. Nga dy faktorë shumë të rëndësishëm. Qëndresa e komunitetit të futbollit për të qenë së bashku në këtë “luftë” principesh dhe ndërhyrja, për t’u duartrokitur, e ish?presidentit të Tiranës, tanimë presidentit të Shqipërisë, Bamir Topi. Kjo pritet të ndodhë sot në një takim të kreut të shtetit me presidentin e FSHF?së, Duka, dhe Ministrin e TKRS?së, Pango.

Qoftë edhe formalisht, futbolli duket se po i afrohet një fitoreje. Ministri Pango, pas një korrespondence me ndërkombëtarët e futbollit dhe me vetë FSHF?në, ka pranuar se ndoshta statuti mund të firmoset, neni i shumëpërfolur mund të mbetet “i ngrirë” deri në Asamblenë e radhës dhe një nga pikat detyruese të FIFA?s të plotësohet. Në mos pastë ndonjë lajthitje apo ndonjë manovër tjetër, gjërat duken drejt përmirësimit. Sepse pika e dytë, auditi, është harruar e nuk ka asnjë raport, ndërsa përsa përket trukimeve, vetë Pango në mënyrë të përsëritur ka deklaruar se nuk ka asnjë provë.

Edhe gjatë pasdites së djeshme, Ministri bëri një përpjekje tjetër në gjithë meidat për të mos e konsideruar ende të mbyllur konfliktin. Duhet më parë të bëhet takimi tresh e më pas të zyrtarizohet ndonjë lëvizje. Nga ana tjetër, FIFA dhe UEFA japin garanci se, qoftë edhe me një vendim qarkullues, Shqipërisë mund t’i hiqet pezullimi. Të bësh “të ligin” e të mendosh se kleçka të tjera do dalin nuk shkon. Megjithatë, dje pasdite, Komiteti Ekzekutiv i FSHF?së është mbledhur dhe ka përcaktuar se si do të “sillet” Duka sot në Presidencë.

Ajo që do të ndodhë më pas është për t’u shqetësuar. Klubet, më së fundi, e kanë kuptuar që duhet të bëhen sportivisht më agresivë në kërkesat e tyre, e ndoshta edhe shteti ka kuptuar që futbolli nuk ndihmohet duke nxjerrë shpatën. Ndonjë kacidhe më shumë nuk do ishte keq. Por duke qënë se te ky vullnet askush nuk beson hë për hë, më mirë “ta lërë të qetë futbollin”. Edhe kështu e ka përmbushur një pjesë të misionit.

“Besoj te Topi”, ka thënë në vijimësi Duka. I shkruar me të madhe të çon te Presidenti i Republikës, i shkruar me të vogël të çon te futbolli. Eshtë rastësi, por për fat Topi e do topin. Ndaj dhe Duka beson te të dy...
_________________
Ngjyr e kuqe ngjyr dashnie e ka frik cdo mi bashkie

K.F. LAÇI · Posted: Thu Apr 17, 2008 8:07 pm Post subject:

Ishalla po kthehena shpejt aty ku e meriton futbolli se politika gjithmone na ka shfrytezu! Laughing

_________________
Oleee Oleee Oleeee Oleee kush esht me Industrialin te vije ketu me ne!!!!!!!!

Partizani_One · Posted: Fri Apr 18, 2008 4:36 pm Post subject:

Futbolli rifiton “pavarësinë”
18 Prill Shqipëria, për punë ditësh do të jetë sërish një anëtare me të drejta të plota e FIFA?s dhe UEFA?s, pasi shteti shqiptar është tërhequr nga lufta që prodhoi edhe pezullimin e përkohshëm. Në presidencë dje gjatë paradites, Topi, Duka dhe Pango kanë pasur një takim, i cili, në përfundim solli shuarjen e konfliktit.

Ministri Pango pranoi të firmosë të plotë Statutin e FSHF?së me gjithë ndryshimet e tij dhe sipas porosisë së FIFA?s do ta dorëzojë këtë Statut në Gjykatë për t’u bërë edhe regjistrimi. Nga ana tjetër FSHF u zotua që deri në Asmablenë e radhës nuk do ta verë në përdorim Nenin 53 të cilin kontestonte ministri dhe më pas një grup pune mes palëve do të studiojë qënien apo jo të këtij Neni. Mosfirmosja e plotë e Statutit nga ana e ministrit ishte në thelb një nga arsyet kryesore të pezullimit.

Audit dhe akuzat për trukim janë mbyllur tanimë dhe nuk ka pengesa për dy pikat e tjera që kërkonte FIFA dhe UEFA. Federata Shqiptare e Futbollit ka mbajtur në koherencë organizmat ndërkombëtare për zhvillimet e fundit dhe pritet që sapo Statuti të regjistrohet në Gjykatë nga ana e MTKRS?së, me një vendim qarkullues organizmat ndërkombëtare do t’ja heqin masën e dënimit shqipërisë.

Për t’u vlerësuar në një konflikt të tillë ka qenë padyshim ndërhyrja e presidentit të vendit Topi. Duke qenë një njeri i lidhur ngushtë me komunitetin e futbollit, presidenti pasi pa që palët, MTKRS dhe FIFA e UEFA nuk po arrinin dot marrëveshjen propozoi takime të cilat më pas sollën rishfaqjen e Shqipërisë në arenën ndërkombëtare.

Për t’u zyrtarizuar heqja e pezullimit duhet që përveç firmës, që Pango e ka bërë zyrtarisht, dje, ta regjistrojë këtë Statut në Gjykatë.

Duka: Topi ishte deçiziv

Presidenti i FSHF?së, Duka në daljen e tij pas takimit në Presidencë ka rithekusar edhe njëherë faktin që presidenti i Republikës ka qenë një faktor shumë i rëndësishëm në zgjidhjen e situatës. “Pavarësisht tensioneve e rëndësishme në fund të kësaj historie është që futbolli shqiptar të vijojë në skenën ndërkombëtare”.

Pango: Unë e arrita objektivin

Ministri Pango ka deklaruar se ngrirja dhe mos aktivizimi i Nenit 53 ka qenë objektivi i tij primar në lindjen e konfliktit. “Më vjen mirë që ky Nen nuk do të realizohet dhe që do të diskutohet sërish nga komuniteti i futbollit. Në 20 shkurt unë këtë doja, e firmosa Statutin nen për nen, por jo me nenin 53. Asnjëherë nuk kam dashur ta dëmtoj futbollin dhe vlerësoj gjithashtu edhe argmentat e presidentit të Republikës, Topi”.

Padia e mëparshme bie direkt

Regjistrimi në Gjyaktë nuk do të krijojë probleme, megjithëse ekziston një padi që në kohën e Leskajt lidhur me Statutin. Akordi me FIFA?n ka qenë që pas firmosjes Pango duhet ta regjistrojë në Gjykatë Statutin, gjë që do të thotë se institucioni që ai drejton do të tërheqë padinë e mëparshme për t’i hapur rrugë regjistrimit të ri.

Asnjë raport zyrtar nga auditi

Shteti shqiptar ka pretenduar se ka bërë një audit në federatën shqiptare të futbollit ku sipas auditit të brendshëm rezultonte që ka evazion fiskal. Një nga kërkesat e FIFA dhe kushtet për heqjen e pezullimit ka qenë mos bërja e këtij auditi. Fakti që nuk ka dalë asnjë raport zyrtar në lidhje me këtë kontroll tregon se shteti në një farë mënyre e ka zbatuar këtë pikë të kërkuar nga ndërkombëtarët.

Akuzat për turkime, nuk ka prova

Minsitri Pango personalisht e ka mbyllur edhe kërkesën e tretë të kërkuar nga ndërkombëtarët për tërheqjen nga akuzat për trukim duke deklaruar në një dalje publike. Se: “Kisha të drejtë morale dhe shtetërore të dyshoja te përfaqësuesja pas asaj që thuhej por nuk gjeta asnjë provë. Mua ky më duket kapitull i mbyllur”. Tani që të tre kërkesat janë drejt realizmit nga ana e shtetit, Shqipëria shpejt do të kthehet në FIFA e UEFA.

Autogoli i Ministrit

Nëse ka pasur gjithnjë një ndryshim të madh mes politikës dhe sportit ka qenë morali. i përkthyer ndryshe në mbajtjen e fjalës dhe në realizimin deri në fund të një premtimi të dhënë. Politika, mbi të gjitha ajo shqiptare mund të jetë mësuar që shumë rallë ta realizojë atë që deklaron e më pas pa provuar ndonjë ndjenjë faji të harrojë sikur mos ta ketë përmendur kurrë. Ndryshe është puna me sportin. Mund të ketë qenë kjo një arsye e rëndësishme që tërheqja e ministrit Pango nuk ka lënë një shije të mirë në ambjentin futbollisitk e jo vetëm kaq. Sepse ministri në harkun e disa muajve ka bërë deklarata të ndryshme nga njëra tjetra, akuza deri në kufijtë e gënjeshtrës.

Dalja e parë në publik e ministrit Pango në lidhje me futbollin ka qenë e menjëhershme pas asaj të kreut të qeverisë Berisha në fundin e vitit të shkuar. Me tone aspak miqësore dhe me një mllef e prepotencë të deklarueshme ministri akuzoi rëndë klikën bandit e futbollstike për shitjen e dy ndeshjeve të fundit të kombëtares. Dhe këtë e bazonte në fakte shumë të forta, në dëshmi rrënqethëse, të cilat po sistemoheshin nga një grup pune dhe më pas do servireshin publikut, prokurorisë dhe UEFA?s e FIFA?s. Sot muaj më vonë, ministri, pa ndjerë asnjë përgjegjësi drejt komunitetit që u drejtua dhe akuzoi, tha që nuk ka më asnjë provë. Ndoshta ka folur si një ultras që kishte humbur një skedinë.

I njëjti ministër në atë fund viti ka shfryrë për evazion fiskal, për financa e rryshfete që kishin mbizotëruar në shtëpinë e futbollit. Ka folur për miliona euro që do kontrolloheshin sepse askush nuk dinte ku kanë shkuar. Sot i njëjti ministër deklaron se auditi nuk i intereson fare. Merren të tjerë dikasterë me këtë punë.

E treta, i njëti ministër, pati në skrivaninë e tij që në qershorin e shkuar një kopje të Statutit. Nuk e firmosi deri në tetor, muaj ky ndryshimi i ligjit për sportin i dha obligimin shtetëror për ta firmosur. Gjeti njënen, e konsideroi të paligjshëm, dhe e la pezull publikimin e kësaj parregullsie deri në 20 shkurt, një ditë përpara afatit përfundimtar të ndërkombëtarëve. Sot ministri me ndihmën e presidentit të Republikës dhe FIFA?s e UEFA?s gjeti një zgjidhje për këtë nen. Nuk do të ishte më e moralshme ta gjente këtë zgjidhje që në qershorin e vitit të shkuar.

Minsitri dështoi në luftën e tij (mund të mos jetë vetëm e tij, por ishte ai që bëri luftëtarin) për t’iu hequr autonominë komunitetit të futbollit. Me kokëfortësi dhe pa asnjë sens ju fut një beteje me ndërkombëtarët, FIFA dhe UEFA, dhe i zhgënjeu të gjithë ata që shpresonin se në fund do të gjente ndonjë aferë që vërtetonte shitjen e një ndeshjeje futbolli. Më pas gradualisht duke fituar terren është zbutur. Dhe ka kërkuar t’u mbushë mendjen të gjithëve se rikthimi në FIFA është sërish një vepër e zemërgjerësisë së tij. Nuk funksionon kështu. Askush nuk është naiv sa ta “besojë”. Ministri i shkuar, Leskaj, nuk pati asnjë të drejtë në luftën që bënte me të njëjtin futboll, por në fund u largua duke thënë që “do të të fus në burg”. E mbrotji tezën e tij deri në momentet e fundit të qeverisjes së asaj ministrie. Ndoshta kishte pak nga morali i sportit, që është burrëria.
_________________
Ngjyr e kuqe ngjyr dashnie e ka frik cdo mi bashkie

admin · Administrator Joined: 10 Jan 2008 Posts: 1870 Status:

Shyqyr u pranuam e te luajm ndonje mqisore. Tani ajo me Polonine besoj s eduhet te luhet. Shqyyr se s'do na iki dhe trajneri.
_________________
FutbolliShqiptar.net

Partizani_One · Posted: Fri Apr 18, 2008 7:22 pm Post subject:

se kuptoj c'arsye kishte te ndodhte ter kjo Shocked

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Kombetarja Shqiptare	All times are GMT + 1 Hour Page Previous 1, 2, 3, 4, 5, 6 Next
Page 5 of 6