UEFA pezullon Shqiperine

Register · Status:

Partizani_One · Posted: Wed Apr 23, 2008 1:19 pm Post subject:

Kombëtarja luan “kartën” Turqi
Skuadra përfaqësuese shqiptare nuk i ka humbur ende shanset për të luajtur të paktën një miqësore me një skuadër “të vërtetë” në grumbullimin e majit që do të zhvillohet në afërsi të Shtutgartit në Gjermani. Trajneri Ari Han ka kërkuar domosdoshmërisht një ndeshje të tillë dhe drejtuesit e federatës shqiptare i janë rikthyer pistës polake. “Po presim që të konfirmohet një mundësi tjetër për ndeshjen me Poloninë. Fakti që kemi marrë garanci nga FIFA që me regjistrimin e Statutit në Gjykatë t’i rikthehemi futbollit ndërkombëtar lë sinjale pozitive për këtë ndeshje. Kemi pasur një komunikim të fuandit me drejtuesit e federatës polake dhe ndoshta, ndoshta ata do të na presin edhe disa ditë”. Ndeshja ishte planifikuar për t’u luajtur më 27 maj në Reutlinger dhe polakët kërkonin garanci brenda 20 prillit për zhvillimin e miqësores. Shqipëria është ende e pezulluar nga FIFA dhe UEFA, megjithatë për punë ditësh ky vendim do të anulohet.

Turqia – Federata shqiptare njëkohësisht ka hyrë në tratativa me homolgoen e saj turke për zhvillimin e një ndeshjeje miqësore, mundësisht në ditën e fundit të majit. “Turqit janë duke u përgatitur për në kampionatin evropian gjatë asaj periudhe dhe ka mundësi që të zhvillojmë një ndeshje miqësore. Kishimarritur një akord me federatën e këtij vendi për zhvillimin e një takimi të tillë në gusht megjithatë fakti që nuk kemi luajtur asnjë ndeshje deri tani na detyron të zhvillojmë sa më shumë përgatitje të kësaj natyre. Nëse Turqia bie dakord që ndeshja të luhet në maj do të mundohemi të gjejmë një tjetër kundërshtar për gushtin. Por kjo ka vetëm anë pozitive”, tha zyra për shtyp e FSHF?së.

Han – Trajneri i përfaqësueses ka mbetur shumë i zhgënjyer nga situata në Shqipëri megjithatë hë për hë nuk bëhet fjalë për ndonjë largim. “Normalisht ekziston një kontratë mes palëve dhe nëse trajneri dëshiron ta prishë duhet të paguajë dëmshpërblimin për prishje të njëanshme të kontratës. Megjithatë për momentin nuk është shfaqur një vullnet i tillë”, thanë burime zyrtare në FSHF. Gjithsesi Han mund të konsiderohet si një ndër trajnerët më të pafat të Evropës në këto momente. Pasi ka nënshkruar kontratën më datë 1 janar, trajneri kuqezi ende nuk ka shijuar provën e një sfide të vërtetë ndërkombëtare. Një grumbullim disaditor në Turqi, i zhvilluar në muajin janar me lojtarët më të mirë të kampionatit dhe disa ndeshje të ndjekura nga ana e legjionarëve nuk paraqesin një tablo reale të gjendjes së përfaqësueses shqiptare.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri Apr 25, 2008 6:37 pm Post subject:

Zgjohemi në FIFA
25 Prill

Statuti i Federatës Shqiptare të Futbollit është regjistruar dje në Gjykatën e Tiranës dhe një veprim i tillë i lë të gjitha shanet komunitetit të futbollit për të shpresuar që sot në një mbledhje të grupit të emergjencës në selinë e FIFA?s, ndërkombëtarët të zyrtarizojnë heqjen e pezullimit për kuqezinjtë.

“Pas një sërë ditësh përpjekje dhe negociata më së fundi palët kanë arritur kompromisin dhe me ndërhyrjen e të gjitha instancave është bërë edhe regjistrimi i Statutit të ri në Gjykatë. Tani presim një mbledhje të shpejtë të grupit të emergjencës të FIFA?s e cila do të mbahet sot dhe pritet që t’i rikthehemi futbollit ndërkombëtar. Shefi i zyrës juridike, Shampanj, ka përgatitur një relacion në lidhje me rastin Shqipëri dhe besojmë të gjithë se do të jetë e mjaftueshme për të na rikthyer”, tha zyra për shtyp e FSHF?së.

Shqipëria kishte më shumë se një muaj që ishte pezulluar nga instancat ndërkomb`tare për ndërhyrje të forta të politikës në punët e brendëshme të futbollit. FIFA dhe UEFA, pasi monitoruan me muaj të tërë rastin vendosën në unison që të pezullojnë Shqipërinë deri sa shteti të ndërgjegjësohej dhe të hiqte dorë nga pretendimet absurde.

Shqipëria humbi nga ana futbollistike gjatë kësaj periudhe, pasi dy ndeshjet miqësore kundër Arabisë dhe Moldavisë u anuluan duke mos i dhënë ende shans trajnerit të ri të përfaqësueses, Ari Han që të zhvillojë një takim të vërtetë. Shteti hoqi dorë nga auditi i përgjithshëm dhe nga mania për të zbuluar trukime në ndeshjet e përfaqësueses, por një betejë e vërtetë edhe me karakter juridik u zhvillua për firmosjen e statutit. Minsitri Pango nuk ishte dakord me një nen në ndryshimet e statutit në FSHF dhe e la çështjen pezull deri në minutat e fundit. Ndërhyrja e presidentit të vendit, Bamir Topi, i cili njihet dhe për kontributin në komunitetin futbollistik, arriti të zgjidhte çdo gjë mes palëve.

Komuniteti i topkëmbës në Shqipëri pretendon që tani e tutje pala e shtetit ta ketë kuptuar që çdo ndërhyrje me nuanca politike në punët e futbollit mund të shkaktojë shumë probleme, jo vetëm për futbollin shqiptar por edhe për imazhin kuqezi. Shqipëria ndërkohë do fillojë përgatitjet për eliminatoret e Botërorit të ardhshëm, eliminatore që nisin në 4 shtator me ndeshjen Shqipëri?Suedi.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Kombetarja Shqiptare	All times are GMT + 1 Hour Page Previous 1, 2, 3, 4, 5, 6
Page 6 of 6