KF Vllaznia Shkoder

Register · Status:

Partizani_One · Posted: Tue Mar 25, 2008 6:47 pm Post subject:

Admir Teli: Kaluam provën e vështirë
25 Mars Një fitore e vështirë është quajtur ajo e së dielës, që realizoi Vllaznia përballë Kastriotit, në fushën e stadiumit “Besa” të Kavajës. Sipas shtatlartit të mbrojtjes shkodrane, Admir Teli, transferta e kësaj radhe ka qenë jo pak e lehtë. Së pari, pa shkuar deri te ndeshja, skuadra ka kaluar përmes një situate aspak normale. “Edhe pse, në një farë mënyre, situata konfliktuale e futbollit shqiptar ka qenë prezente në opinion publik, deri në ditën e fundit të javës, kur po përgatiteshim për t’u nisur drejt Kavajës, ajo nuk është ndjerë edhe fort nga ne”, thotë mbrojtësi Teli. Por futbollistëve u ka krijuar shqetësim jo të vogël momenti, kur nisën të qarkullonin fjalët, herë se do të luhej e herë jo. Sipas Telit, një situatë e tillë e nderë ka ndikuar jo pak në anën emocionale të skuadrës, që gjithsesi është munduar të bëjë më të mirën.

Kënaqësia e trepikëshit

Kuqeblutë janë gëzuar, kur vërshëllima përfundimtare e gjyqtarit i ka gjetur ata të fituar ndaj skuadrës krutane. Ata e kanë vlerësuar fitoren, sepse i ka mbajtur në pretendimet për të lapur një vend në Europë edhe përmes kampionatit, ndërkohë që e synojnë këtë edhe në Kupë. “Të kesh në skuadër një lojtar si Sinani, do të thotë ta fillosh lojën me gol”, thotë Teli, duke vlerësuar sulmuesin, që i dha trepikëshin Vllaznisë. “Ne jemi të ndërgjegjëshëm se nuk kemi bërë më të mirën në fushën e lojës, pasi mundësitë tona janë për më tepër, megjithatë, dolëm të kënaqur nga fusha me trepikëshin e çmuar” vijon Teli prononcimin e tij për “Sport Ekspres”.

“Nuk ishte Bici, fituam më lehtë!”

Ka qenë interesant edhe një pohim i mbrojtësit Admir Teli, i cili vazhdimisht shquhet mes grupit kuqeblu për humorin e tij. “Nuk ishte Bici, prandaj fituam disi më lehtë”, ka qenë thënia e radhës e Telit, e cila, e përfshirë me një notë humori, kishte brenda edhe një të vërtetë. “T’ju them të drejtën, sa herë jemi ndeshur me skuadra, që ka drejtuar trajneri Vasil Bici, e kemi pasur gjithnjë shumë të vështirë. Kështu ka ndodhur kur ai ka drejtuar Shkumbinin, Dinamon, Besën, por edhe Kastriotin, ballafaqimet me të cilat i kemi humbur”, thekson Teli, duke kujtuar atë të fundit, në fillimin e shkurtit, kur u mundën në Shijak nga Kastrioti, që kishte në pankinë Bicin. Dhe duke vazhduar me pak humor, por jo krejt, fitoren ndaj Kastriotit, të dielën e kaluar, ia faturoi në një farë mase edhe mungesës së Bicit në pankinë.

Sot, anti?Flamurtari

Sipas kalendarit, Vllaznia do të presë në “Loro Boriçi”Flamurtarin. “Një tjetër ndeshje e vështirë”, pranon Teli, i cili vlerëson përvojën e skuadrës vlonjate, që sidomos në “Loro Boriçi” ka luajtur vazhdimisht mirë, siç ka ndodhur edhe në ndeshjet e këtij sezoni, të cilat janë zhvilluar në barazpeshë. Ndërkohë, për Telin, një fakt, që duhet patur në konsideratë, është ulja në pankinën e Flamurtari të kroatit Kovaçiç, vlerat e të cilit dihen, aq më tepër kur të dielën ka marrë urimet e para për fitoren bindëse ndaj skuadrës kavajase. Teli nuk anashkalon edhe faktin se në formacionin e Flamurtarit bëjnë pjesë djem të rinj të talentuar, përfshi dhe shkodranin teknik Nevian Cani. “Për Flamurtarin do të fillojmë të mendojmë që nesër (sot)”, thotë Teli. Seanca e parë stërvitore e kuqebluve do të jetë sot në orën, 14:00. G.M
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Mar 27, 2008 6:29 pm Post subject:

Deda”, skaner kuqeblu: “Lojtarët, të lodhur”
27 Mars I është gëzuar marrjes së trepikëshit ndaj Kastriotit, por në krahun tjetër, trajneri Dervish Haxhiosmanoviç është parë të jetë shumë i mërzitur për atë që skuadra e tij dha në fushën e lojës. Pakënaqësinë për lojën e Vllaznisë ai e ka shfaqur në pankinë gjatë ndeshjes, por edhe në konferencën e shtypit menjëherë pas përfundimit të saj. Gjithçka ka qënë e lidhur me mënyrën se si e ka interpretuar skuadra e tij ndeshjen në transfertë me krutanët, në stadiumin e Kavajës. Një lojë monotone, e cila, nëse nuk do të kishte patur golin e shënuar nga një sulmues i spikatur si Sinani, mund të ishte mbyllur me tjetër rezultat. Pakënaqësinë për lojën e të tijve “Deda” e ka shprehur edhe të martën, në seancën e parë stërvitore të kësaj jave, pasi kuqeblutë kishin pushuar të hënën. Në një farë mënyre, ai e kishte paralajmëruar një qëndrim të tillë, kur menjëherë pas ndeshjes në Kavajë pati thënë se “kur të kthehemi në shtëpi do ta analizojmë këtë ndeshje me një sy shumë krititk”.

Meraku, përgatitja fizike

Ajo, çka duket se e shqetëson më tepër “Dedën”, është ana fizike, që sipas tij ka qenë nga dobësitë më të spikatura të skuadrës në ndeshjen e fundit. “Futbollistët m’u dukën shumë të lodhur, çka patjetër ndikon në lëvizshmërinë e pakët në fushë dhe në mungesën e frekisë në zbatimin e detyrave të dhëna nga stafi teknik” është shprehur Deda pas seancës stërvitore të ditës së djeshme, gjë që ua kishte thënë edhe futbollistëve më parë. Edhe pse teknikut nuk i pëlqejnë shumë analizat, këtë herë e ka ndierë të domosdoshme që për disa minuta t’i ngacmojë futbollistët e tij sidomos në këtë pikë. “Deda” ka pasur edhe kritika të tjera në adresë të futbollistëve të veçantë, por gjendja fizike në tërësi e skuadrës ka qenë preokupimi kryesor i tij. Trajneri u ka kërkuar futbollistëve që, krahas përgatitjes tekniko?taktike, t’i kushtojnë më tepër vëmendje gjëndjes së tyre, duke u përpjekur të përfitojnë gjatë seancave stërvitore të kësaj jave. “Nëse nuk ndryshojmë edhe në këtë aspekt, krahas mënyrës së të luajturit, ne nuk do të jemi të aftë të pretendojmë për vend nderi në kampionat dhe as për fitimin e kupës së Shqipërisë”, është shprehur Deda, krejt i pakënaqur nga loja e skuadrës së tij në ndeshjen e fundit, ndaj Kastriotit.

Flamurtari? Fitorja e tretë radhazi!

Trajneri i Vllaznisë dallohet për optimizmin dhe entuziazmin e tij në prag të çdo ndeshjeje, duke e karikuar skuadrën e tij për një rezultat pozitiv, pavarësisht se ndaj cili kundërshtar luan. Në prag të përballjes me Flamurtarin, Haxhiosmanoviç ka një arsye më tepër të besojë në suksesin, sepse deri tani, në dy ndeshje që ka drejtuar Vllazninë, ajo ka fituar: në fillim ndaj Besës, për çerekfinalen e dytë të kupës, duke u kualifikuar për në turin tjetër, pastaj të shtunën e kaluar, ndaj Kastriotit. “Kampionati do të bëhet edhe më i vështirë në fundin e tij. Kemi përballë një Flamurtar të fortë, që mundi Besën në javën e kaluar, por do të bëjmë gjithçka që ta fitojmë edhe këtë ndeshje, për t’iu bashkuar dy të parave”, ka thënë Haxhiosmanoviç.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Mon Mar 31, 2008 7:56 pm Post subject:

Deda: Të tretin? Nuk duhet ta lëshojmë më!
31 Mars Tri ndeshje, po aq fitore, nuk janë pak për një trajner. Një bilanc të tillë do ta dëshironte kushdo, që është në krye të një skuadre të superiores. Suksesi bëhet edhe më i dukshëm, kur dihet që ky është edhe starti i teknikut malazias të pankinës shkodrane, Dervish Haxhiosmanoviç, në rikthimin e tij të katërt në krye të Vllaznisë. Megjithatë, teksa bisedon me të 24 orë pas përfundimit të ndeshjes të së shtunës të kaluar, e treta e tij në krye të Vllaznisë, “Deda”, si e thërrasin shkodranët, tregohet modest. Në prononcimin e tij për “Sport Ekspresö”, Haxhiosmanoviç, edhe pse merr një lum me urime nga drejtuesit e klubit dhe përfaqësues të tifozerisë shkodrane, përpiqet të tregohet paksa diplomat në qëndrimin e tij. “Ndoshta kishim edhe pak fat në këto tri ndeshje që fituam”, thotë Deda, që përveç përgëzimit dhe evidentimit të vlerave të paraqitura nga skuadra e tij, nuk nguron të nxjerrë në pah edhe ndonjë të metë që shfaqi Vllaznia në këtë ndeshje. Megjithatë, pavarësisht nga kritikat që mund të ketë, sipas Dedës skuadra e tij po paraqet një rritje në drejtim të nivelit të lojës. “E kamë thënë edhe më parë, se ajo që më ka shqetësuar më tepër ka qenë përgatitja fizike, por në këtë ndeshje ky element ka patur një farë përmirësimi. Kjo tregon se te fubollistët mund të ketë ndikuar edhe ngarkesa e madhe që ata kanë patur, duke zhvilluar nga dy ndeshje në javë”, thotë Haxhiosmanovi, i cili në këtë mes fut edhe oshilacionet jo të vogëla që pati skuadra në ditët e konfuzionit prej bojkotit.

“Vendi i tretë? Nuk duhet ta lëshojmë”

Fitorja ndaj Flamurtarit e ka rikthyer Vllazninë në vendin e tretë të tabelës së renditjes. Një pozicion, që edhe pse në fakt fillimisht nuk ka qenë i preferuar, sepse kërkohej i dyti e lart, për si erdhën punët, nëse mbahet deri në fund do t’i kënaqte shkodranët. “Nuk duhet ta lëshojmë më”, shprehet Deda, duke patur besim te skuadra e tij se do të arrijë ta mbajë. Teksa llogarit se për këtë vend janë në luftë edhe disa skuadra të tjera, Haxhiosmanoviç, duke e llogaritur Vllazninë si favorite kryesore, shton: “E di se do të jetë e vështirë jo pak për ta mbajtur këtë vend, sepse përpara na presin edhe shumë ndeshje të tjera, ndoshta dhe më të forta, por mendoj se kur e ke në dorë, është më lehtë që ta mbashë atë, se sa kur duhet t’ia marrësh dikujt tjetër”. Duke mos iu ndarë një llogjike të tillë opimiste për të dhe skuadrën e tij, Deda vijon duke u angazhuar se “tashmë, që e kemi në dorë vendin e tretë, do ta mbajmë, sepse kjo varet varet prej nesh.

Shqetësimi përkartonin e Kaçit

Edhe pse nga stafi teknik nuk dihet me siguri, nëse i ka plotësuar apo jo tre kartonat e verdhë, që e skualifikojnë për ndeshjen e radhës, e cila do të luhet të shtunën në stadiumin e Peqinit kundër Shkumbinit, tekniku shpreh shqetësimin për kartonin e marrë nga Albert Kaçi në përballjen e fundit. “Ai po depërtonte në zonë dhe në përpalsje me mbrojtësit u pengua, por arbitri e ndëshkoi me të verdhëö, thotë Deda, i shqetësuar për gatishmërinë e arbitrit për ta ndëshkuar si një simulim, që për të nuk ishte i tillë. “Nuk e dha faull, nuk ka problem, po përse ta dënojë aq rreptë me karton, sepse edhe futbollisti ynë nuk është se reagoi duke kërkuar penallti patjetër” thotë Deda, që nuk harron të nënvizojë faktin se, nëse ky është kartoni i tretë, do ta dëmtojë jo pak skuadrën në Peqin.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue Apr 01, 2008 6:15 pm Post subject:

Sinani: Nuk i kam harxhuar ende golat
1 Prill

Dopieta, e realizuar të shtunën e kaluar, e ka ngritur Vioresin Sinanin në kuotën e 17 golave, duke qenë i vetëm në krye të golashënuesve të kampionatit të Superiores. Kur kanë mbetur edhe tetë ndeshje deri në fund të kampionati, ai ka besim se do të shënojë edhe gola të tjerë. Gjatë bisedës që patëm me të mbrëmë, menjëherë pas seancës stërvitore, ai shprehet mjaft i kënaqur me kaq sa ka arritur, sidomos për tre golat e shënuar në dy ndeshjet e fundit, të cilët i dhanë Vllaznisë gjashtë pikë dhe frymëmarrjen në pretendimet për të kapur treshen e katit të parë të tabelës së renditjes.

? Viori, së pari e fillojmë me skuadrën: u rikthye në vend të tretë...

? Në fakt, në fillim të sezonit, edhe pse kemi deklaruar se do të jemi në tri skuadrat më të mira, kishim parashikuar që të jemi më lart, pra, të kapnim të paktën vendin e dytë. Megjithatë, edhe vendi i tretë nuk është i keq, i cili të krijon mundësitë të ballafaqohesh në kompeticionet europiane. Megjithatë, duhet pranuar se nuk do të jetë e lehtë për ta mbajtur, sepse njëherësh po e synojnë edhe skuadra të tjera. Rivaliteti do të jetë i madh, megjithatë kemi besim se nuk do të zbresim më poshtë.

? Po kupa, çfarë vendi zë në objektivat e Vllaznisë?

? Pa diskutim, synojmë ta fitojmë atë. Ky objektiv bëhet edhe më emergjent, kur në kampionat duket se nuk do të shkojmë më tepër se vendi i tretë. Dinamo, Tirana e Elbasani janë tre gjysmëfinaliste të forta dhe për asnjërën prej tyre nuk kam ndonjë preferencë për shortin. Detyra ime është t’i shërbej Vllaznisë, që ajo të zotërojë trofeun.

? Tre golat në dy ndeshjet e fundit ju kanë ngritur në kuotën 17, ndërsa në total, në karrierën tuaj keni shënuar 173 “rrjeta”. Deri ku synoni të mbërrini?

? Nuk kam bërë ndonjë përllogaritje, por që do të shënoj sërish në tetë javët e mbetura të kampionatit kjo as që diskutohet. Edhe shifra totale do të rritet, sepse shpresoj të luaj sa më gjatë.

? Tri ndeshje, po aq fitore me Dedën; dikush, por edhe trajneri e kanë quajtur fat...

? Nuk besoj se është krejt fat, sepse skuadra ka luajtur me përkushtim në të tri ndeshjet. Edhe pse ka patur ndonjë oshilacion, ajo ka prodhuar lojë, e cila besoj se në vazhdim do të jetë edhe më e mirë. Këtë ua garantoj edhe sportdashësve tanë, që për momentin janë ftohur pak, por me siguri në ndeshjet vendimtare të mbetura do të na mbështesin përsëri.

? Ndërrimi i trajnerëve, si është përjetuar nga Sinani?

? Në përgjithësi, unë kam pasur marrëdhënie shumë të mira me të gjithë trajner`t, kjo edhe për faktin se jam përpjekur të bëj punën në mënyrën më korrekte. Ndaj, nuk e kam shumë për qejf të jap komente të tilla. Di të them vetëm se Mirel Josën e respektoj për punën që ka bërë tek Vllaznia. Në të njëjtën kohë, edhe me Dedën kam njohje të vjetër, që po përforcohet tani, aq më tepër që puna po na ecën për së mbari.

? “Këpuca e Artë” është afruar shumë; a do ta fitoni?

? Në një prononcim të mëparshëm për “Sport Ekspres”, juve u kam thënë se të gjithë duhet ta dinë që unë jam kandidat serioz për ta fituar atë. Dhe, përderisa e kam fituar dy herë, përse të mos e marr prapë. Do të ishte një tjetër kënaqësi në karrierën time sportive.

? Në fundjavë, mysafirë në Peqin; ndeshje e vështirë?

? Pa diskutim. Megjithatë, ne po përgatitemi seriozisht për të mos u kthyer pa pikë nga kjo ndeshje.

? Do të mungojë Kaçi, me tre kartona të verdhë...

? Për mendimin tim, Kaçi ka treguar një formë shumë të mirë sportive në këtë kampionat. Pa dyshim që mungesa e tij do të ndihet, por shpresoj që stafi të bëjë zgjedhjen e duhur në ndërtimin e formacionit.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Apr 02, 2008 8:23 pm Post subject:

Sasha Delain: Unë, “truproja” e Grimës
2 Prill Ndodh edhe kështu. Kongolezi me pasaportë gjermane, Sasha Delain, në fundin e vitit të kaluar ishte ndër ata që duhej të largoheshin nga Vllaznia, përfshirë edhe dy të huajt e tjerë Leandro dhe Simo, si dhe të ndonjë tjetri më vonë, siç ishte dyshja Ahi?Kraja. Madje, një gjë të tillë ai e kishte nuhatur fort mirë, dhe për këtë arsye kishte filluar të bënte planet e kalimit tek ndonjë skuadër tjetër e kampionatit shqiptar, apo edhe jashtë. Interesante ishte fakti, që ndër ato skuadra që ai mendonte të transferohej ishte edhe ish?skuadra e tij, Flamurtari, edhe pse ndarja me të nuk kishte qenë e këndshme.

Kthesa...

Ishin dy ndeshjet e fundit të vitit 2007, ato që tjetërsuan gjithçka në situatën e Sasha Delainit. Një dëmtim i veteranit Lici, mungesa e të cilit shkatoi alarm tek kuqeblutë, e “detyroi” stafin teknik të atëhershëm me krye tiranasin Josa t’i besonte atij vendin e titullarit. Një aventurë e guximshme, që edhe mund të sillte dështim të tijin, dhe më keq, të Vllaznisë, që ishte në pikën më kritike të saj. Por, Sasha e justifikoi plotësisht atë që iu besua. Si një profesionist i vertetë e kuptoi se ky ishte momenti i tij. Dhe e ka shfrytëzuar në mënyrën më të mirë, sidomos në 90 minutëshin e fundit përballë bardhebluve të Tiranës kur tërhoqi vëmendjen e të gjithëve. Por, sërish “krrak”. Në pushimet e ndërrimit të viteve, Sasha udhëtoi në Gjermani pranë familjes. Nisur edhe nga një vonesë dy ditëshe në kthim, pati interpretime se po i kthehej “zakonit të vjetër”, siç kishte bërë edhe në Vlorë. Përkundrazi, jo vetëm që u kthye, duke u bashkuar në kohë me skuadrën në përgatitoren e Ulqinit, por në sajë të një stërvitjeje korrekte arriti që, atë formë të mirë që shpalosi në fundin e vitit të kaluar, ta prezantonte sërishmi, madje edhe me nota më të larta vlerësuese. Thuajse në çdo ndeshje të Vllaznisë, emri i tij nuk ka munguar të radhitet ndër më të dalluarit. i tillë ka qenë edhe në ndeshjen e fundit, atë përballë Flamurtarit, të luajtur të shtunën e kaluar në “Loro Boriçi”. Krahas Sinanit, merita e të cilit qëndron në përcjelljen dy herë të topit në rrjetën Moçkës, Delain ka qënë pa dyshim më i spikaturi në fushën e lojës. Specialistët e pranishëm, shumë të kënaqur nga loja e tij, theksuan se nuk ka gabuar as edhe një herë, duke qenë i saktë dhe vendimtar në ndalimin e sulmuesve vlonjatë e duke shpëtuar kësisoj ekipin e tij nga disa raste shënimi në portën e Grimës.

Befasohet Gjika, kryebashkiaku vlonjat

Një lojë, por edhe një përshtypje shumë e mirë në lidhje me krrektesën e marrëdhënieve me klubin, sidomos pas dhjetorit ka befasuar jo pak edhe kryebashkiakun vlonjat Shpëtim Gjika. Nisur nga prapësirat që Sasha kishte bërë në Vlorë, Gjika e pati konsideruar si “të pandreqshëm”. Të gjitha këto kanë bërë që Sasha ta ndiejë veten mirë në qytetin verior, aq sa ka filluar të mendojë që tani për vijueshmërinë e bashkëjetesës me Vllazninë.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri Apr 04, 2008 8:25 pm Post subject:

Mariglen Kapaj: Jo si në fazën e dytë!
4 Prill Kuqeblutë janë në mbyllje të përgatitjeve për ndeshjen ndaj Shkumbinit, kur sot paradite do të zhvillojnë seancën e fundit stërvitore ndërsa pasdite do ta lënë Shkodrën, për ta kaluar natën në një nga hotelet e plazhit të Durrësit. Pas stërvitjes së djeshme, i kemi kërkuar një prononcim tiranasit Mareglen Kapaj për ndeshjen e nesërme në Peqin. Edhe pse Haxhiosmanoviç akoma nuk e ka deklaruar zyrtarisht formacionin, gjasat janë që Kapaj të jetë në fushën e lojës si titullar, madje në një rol të ri, atë të mesfushorit të qendrës, ku mendohet të luajë me Nallbanin e Hotin. Një lëvizje e tillë bëhet edhe për faktin se Vllaznisë, përveç Kaçit të pezulluar me tre kartona të verdhë, do t’i mungojë edhe Lika, me një tërheqje muskulare. “Po, është e vërtetë që do të jem në formacion”, thotë Kapaj, i cili pranon të ketë marrë edhe konfirmimin e Dedës për këtë, duke u rikthyer si titullar. Në fakt, Kapaj ka qenë ka qenë ndër titullarët më të besuar të Vllaznisë në këtë sezon, por pas mbërritjes në pankinë të teknikut malazias ai mbeti jashtë, qoftë dhe për momentin. Në prononcimin e tij për “Sport Ekspres” Kapaj tregon se nesër do të jetë në fushë dhe do të bëjë më të mirën, duke u vlerësuar njëlloj si edhe më parë, pra, për të qenë titullar në formacion.

Besim tek fitorja

Gjatë bisedës, Kapaj tregohet optimist për një rezultat pozitiv në transfertën me Shkumbinin. Madje, përtej barazimit, Kapaj kërkon edhe trepikëshin, kur thotë se “vetëm ky rezultat na bën që të jemi të qetë në objektivin për të marrë vendin e tretë”. Duke iu referuar skuadrës kundërshtare, por edhe mjedisit ku do të luhet, Kapaj nuk nguron të përcjellë vlerësimet e tij. “Peqini ka ndryshuar tërësisht, jo vetëm si skuadër, por edhe si qytet. Në përbërje të skuadrës janë lojtarë cilësorë e me përvojë. Kam bindjen se edhe atmosfera në stadiumin e Peqinit tashmë është krejt tjetër, çka është parë edhe në ndeshjet e këtij kampionati”, thotë Kapaj, i cili e parashikon ndeshjen shumë të hapur nga të dyja skuadrat dhe më i fituari do të jetë publiku. Kapaj e ka këtë bindje, sepse Vllaznia e ka ndërtuar lojën me theks sulmues, në kërkim të golit sa më të shpejtë, për të mos u përsëritur ndeshja e fazës së dytë, e cila u humb thellë. Megjithatë, tiranasi kërkon të mos marrë përgjegjësitë e asaj humbjeje, pasi ka qenë i skualifikuar pas tre kartonave të verdhë. Ndërsa tani, që është në formacion, beson se do të bëjë më të mirën për skuadrën, në mënyrë që ajo të dalë me sukses.

Lika, në Podgoricë për kurim

Gilman Lika, pasi ka përfunduar seancën e djeshme stërvitore, menjëherë është nisur drejt Podgoricës për t’u mjekuar. I pyetur nga “Sport Ekspres”, ai ka pranuar të jetë i dëmtuar, por jo në atë masë sa për të mos luajtur fare. “Do të bëj të gjitha përpjekjet për t’u riaftësuar për lojë”, ka thënë Lika, por, në krahun tjetër, mjeku sportiv Çoba, pasi është konsultuar edhe me teknikun Haxhiosmanoviç, ka pohuar se futbollisti me 99 për qind nuk do të jetë pjesë e skuadrës në Peqin. Stafi ka lënë të kuptohet se u interson më tepër ta kenë të gatshëm të mërkurën e ardhshme, në ndeshjen e parë gjysmëfinale të Kupës së Shqipërisë, me Dinamon, që do të luhet në “Loro Boriçi”
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sat Apr 05, 2008 2:02 pm Post subject:

Kuqeblutë në “alarm”, por Deda s’dorëzohet
5 Prill Mungojnë katër titullarë, Kaçi, Lika, Teli e Sukaj, megjithatë në Peqin do të kërkohet të mos dalin pa pikë

Kaçi, Lika, Teli e Sukaj janë katër lojtarët, që nuk do të jenë sot në transfertën e vështirë të Vllaznisë në fushën e Peqinit. Nuk mjaftuan problemet e Kaçit, i deklaruar që nuk do të ishte i gatshëm menjëherë pas ndeshjes me Flamurtarin, javën e kaluar, kur kartoni i “idhët” që mori ishte i treti dhe e la pushim për këtë javë. Më pas, në mesjavë, telashet vazhduan me Gilman Likën, i cili pësoi një tërheqje muskulare, ndërsa numri i mungesave është shtuar, duke e bërë situatën shumë alarmante. Admir Teli ishte “dhembja e kokës” e radhës për shkodranët në fillimin e seancës stërvitore të djeshme, që u zhvillua paradite në stadiumin “Loro Boriçi”, ndërsa aty nga fundi i saj vjen edhe goditja tjetër po aq e rëndë, kur dëmtohet Xhevahir Sukaj. Shtatlarti Teli, edhe pse ishte stërvitur rregullisht gjatë ditëve të javës, dje nuk është paraqitur fare në stërvitje. Stafi teknik është vënë në dijeni për gjendjen aspak të mirë shëndetësore të mbrojtësit shkodran, për të cilin thuhet se po kalon një grip të rëndë, ndërkohë që ka dhe një shqetësim jo të vogël me një dhëmballë, që ia ka enjtur nofullën. Sapo është informuar për gjendjen, mjeku Çoba ka nxituar menjëherë tek banesa e Telit, në përpjekje për të dhënë ndihmën në mundësinë e riaftësimit. E, ndërsa është kthyer në stadium, Çoba është ballafaquar me dëmtimin e Xhevahir Sukajt, që e ka rënduar së tepërmi situatën në kampin kuqeblu.

Karikimi i skuadrës

Në të tilla kushte, kur problemet shfaqeshin zinxhir njëra pas tjetrës, trajneri Haxhiosmanoviç është përpjekur të marrë frenat e situatës në dorë. Kësisoj, pasi ka mbledhur skuadrën në përfundim të seancës, Deda u ka folur jo pak futbollistëve për rëndësinë që ka kjo ndeshje për Vllazninë, sepse një rezultat pozitiv u jep kuqebluve një garanci më tepër, për të vijuar të komandojnë vendin e tretë. Në rast të kundërt, nëse ata humbasin dhe rivalët i kapërcejnë në tabelë, atëherë vështirësitë e realizimit të objektivit shtohen së tepërmi. Ndaj, Deda i ka kërkuar skuadrës të mobilizohet maksimalisht për këtë ndeshje e ta kalojnë atë me sukses. Edhe pse në të tilla kushte, malaziasi i pankinës shkodrane nuk dorëzohet, kur thotë se “do të luftojmë fort për të marrë një fitore, por, edhe nëse ndeshja përfundon në barazim, sërish duhet të jemi të kënaqur, nisur nga situatat me të cilat po përballet skuadra”. Dhe, mesa thuhet nga burime brenda skuadrës, Deda ka marrë nga futbollistët premtimin se do të japin gjithçka në fushën e lojës, për ta kapërcyer me sukses këtë ndeshje delikate.

Në mes dy “zjarreve”

Fati që të mërkurën e ardhshme Vllaznisë do t’i duhet të luajë ndoshta një nga ndeshjet më vendimtare të këtij sezoni, atë me Dinamon në “Loro Boriçi”, në kuadrin e gjysmëfinales së parë të Kupës së Shqipërisë, i ka vënë kuqeblutë nën një trysni të madhe. Pikët duhen në Peqin për të mbajtur vendin e tretë, por në krahun tjetër, 90?minutëshi i së mërkurës është tejet ngacmues për ta. Burimet nga brenda klubit shkodran bëjnë të ditur se, në raport me dëmtimet dhe gjendjen aktuale të skuadrës, projektet për lojtarët, që do të dalin në fushë nga minuta e parë, janë duke u analizuar me tepër seriozitet dhe profesionalizëm. Gjithsesi, synohet që të krijohet një situatë sa më normale në ballafaqimin e sotëm, ndërkohë që informacionet janë që vemendja dhe përqendrimi kryesor do të jenë patjetër te krijimi i klimës sa më të shëndoshë për ndeshjen e së mërkurës në kupë, aty ku Vllaznia duhet të jetë më e kompletuar se kurrë.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Apr 09, 2008 8:54 am Post subject:

Sukaj: Do të sakrifikoj
8 Prill Sot do të bëjë një vizitë te specialisti në Podgoricë, me dëshirën që të luajë, pasi kupën e quan si shansin e vetëm për “biletën europiane”

Kuqeblutë kanë lënë mënjanë ndeshjen e humbur të shtunën, ndaj Shkumbinit, dhe totalisht janë përqendruar te gjysmëfinalja e kupës së Shqipërisë. Nesër, në “Loro Boriçi”, shorti ka vendosur që Vllaznia të presë Dinamon, skuadrën kryesuese të kampionatit, çka ka bërë që interesimi të jetë kulmet e tij. Emocionet e një ndeshjeje “luksi” ndihen në stërvitjet e skuadrës, por edhe te fansat shkodranë, që pritet të mbushin tribunat e sdtadiumit.

“Infermieria”, sërish probleme

E, megjithatë, ndonëse në kampin shkodran ka ditë që janë fokusuar te kjo ndeshje, shqetësimi për gjendjen shëndetësore të futbollistëve del në plan të parë, me dëshirën që të gjithë të jenë në dispozicion të Dedës. “Infermieria” në prag të ndeshjes me Shkumbinin kishte qenë jo pak e mbushur. Seanca e djeshme stërvitore, e zhvilluar në fushën sportive të Shtojit, është ndjekur me shumë kujdes nga mjeku sportiv Çoba, i cili në drejtim të gjendjes shëndetësore të mbrojtësit Teli ka folur me optimizëm, madje ka garantuar se deri ditën e ndeshjes ai do të jetë i gatshëm për t’i shërbyer skuadrës në fushën e lojës. Po kështu, përmirësime të ndjeshme janë vënë re edhe te Lika e Sukaj, që të dy me probleme të dëmtimit të kaviljeve, të pësuara në pragndeshjen e javës së kaluar me Shkumbinin. Megjithatë, për aktivizimin e tyre në përballjen e nesërme me Dinamon nuk ka asnjë garanci. Madje, edhe gjatë seancës së djeshme stervitore, që të dy, si Lika edhe Sukaj kanë punuar në mënyrë individuale jashtë grupit, duke kryer më tepër vrapime rrethë fushës. Por, në krahun tjetër, “infermierisë” i është shtuar edhe një emër tjetër, tiranasi Marenglen Kapaj, i cili në dy ditët e fundit është përfshirë nga një gjendje e rënduar gripale. Sipas mjekut shkodran, nëse gjendja e tij nuk ndryshon për mirë në dy ditët në vazhdim, ai do ta ketë krejt të pamundur të aktivizohet.

Optimizmi i Xhevahir Sukajt

Në të vërtetë gjendja e tij nuk është normalizuar akoma, por, teksa bisedon me të për ndeshjen e nesërme, ai shfaq dëshirën e madhe të tij për të qenë në fushën e lojës. “Jam i dëmtuar në pjesën e poshtme të kaviljes së këmbës të djathtë, ku kam një zgjatje ligamentesh, e cila vazhdon të më shqetësojë akoma. Megjithatë, unë do të bëj të pamundurën për të qënë pjesë e skuadrs sime në këtë ndeshje”, thotë Sukaj për “Sport Ekspres”. Në vazhdim, Sukaj e gjykon se do të jetë jo pak e lehtë për të për të sfiduar dëmtimin, por sidoqoftë, ai është i gatshëm edhe të sakrifikojë për të qenë në këtë ndeshje. “Nuk kemi se çfarë të presim më, kjo është finalja për ne, sepse duhet të eliminojnë patjetër Dinamon, për të menduar më pas për trofeun. Kjo është e vetmja mundësi që kemi në dorë për të marrë një “biletë europiane”, ndaj duhet ta shfrytëzojmë në maksimum atë”, thotë Sukaj. Ndërsa në lidhje me rezultatin, Sukaj pranon se përballë kanë skuadrën më të fortë të kampionatit, që me meritë është në krye të klasifikimit, megjithatë, ai është optimist se në këtë ndeshje kuqeblutë të jenë fitues. “Duke shpresuar në një mbështetje maksimale, që do të na japë publiku ynë i zjarrtë, kam besim se do të dalim fitues ndaj Dinamos, duke hedhur një hap drejt kualifikimit në finale, që sigurisht do të vendoset në ndeshjen e kthimit. Prandaj kërkohet që në “shtëpi” të arrijmë një rezultat premtues”, thotë Sukaj, i cili rithekson dëshirën e tij për të qenë në fushën e lojës, me angazhimin se do të japë gjithçka për të kontribuar në suksesin e skuadrës.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Apr 09, 2008 1:40 pm Post subject:

Sinani: “Një gol në Kupë vlen më shumë”
9 Prill Të gjithë i kanë sytë tek Sinani. Nga sulmuesi shkodran pritet shënimi i golit, që në fakt në këto javët e fundit nuk ka munguar. Madje, ka ardhur më shumë se asnjëherë trjetër. Por, a do të shënojë sërish Sinani në këtë ndeshje? Pyetjes, ai iu përgjigj me shumë qetësi, por edhe me modesti. “Shpresoj që goli të mos ndalet edhe në këtë ndeshje, dhe këtë në fakt e dëshiroj shumë edhe unë, sepse një gol në ndeshje kupe vlen shumë më tepër se në kampionat”, thotë Sinani. Ndërsa, në përgjithësi për ndeshjen, ai thekson se, “skuadra është shumë e mobilizuar, pasi e dimë shumë mirë se çfarë kemi përballë, ndaj edhe përgatitjet tona kanë qënë tepër serioze këto ditë”. Edhe pse problemet në lidhje me dëmtimet janë të shumta, goleadori shkodran ka besim se kjo sfidë, “do të kalohet me sukses”.
_________________
Ngjyr e kuqe ngjyr dashnie e ka frik cdo mi bashkie

admin · Administrator Joined: 10 Jan 2008 Posts: 1870 Status:

Vllaznia - Elbasani 0-0 ( 12 Prill 2008 )

_________________
FutbolliShqiptar.net

	Futbolli Shqiptar Forum Index -> Superliga	All times are GMT + 1 Hour Page Previous 1, 2, 3, 4, 5, 6 Next
Page 4 of 6