KF Vllaznia Shkoder

Partizani_One · Posted: Tue Apr 15, 2008 8:11 pm Post subject:

Fushaj kërcënon kuqeblutë: Kupën ose vendin e tretë
15 Prill Për hirë të së vërtetës, duhet pranuar se, pas ndeshjes së barazuar me Elbasanin, të luajtur në stadiumin “Loro Boriçi”, presidenti i Vllaznisë, Valter Fushaj, është parë shumë i shqetësuar. Ai, sikurse edhe sportdashësit shkodranë, ishte përgatitur të shijonte fitoren, e cila automatikisht do ta ngrinte skuadrën e tij në vendin e tretë në klasifikim. Por kjo nuk ka ndodhur, ndaj dhe mërzitja ishte e dukshme. Megjithatë, pas ndeshjes nuk foli, duke e mbajtur gjithçka përbrenda. I ka hipur makinës së tij dhe është larguar nga stadiumi. Ndërsa dje, gjatë një bisede që patëm me të lidhur me ndeshjen e kaluar, por edhe për ato që do të vijnë më pas, Fushaj bëri të ditur një vendim, që kishte marrë pas paraqitjes së dobët të skuadrës ndaj Elbasanit. “30 për qind të kontratës vjetore, që ka të lidhur secili futbollist me klubin Vllaznia, do t’i zbriten në rast se, në përfundim të sezonit, skuadra nuk do të realizojë njërin nga objektivat: fitoren e kupës së Shqipërisë, ose vendin e tretë në kampionat”, ka thënë ai në prezencë të dejtorit ekzekutiv Ardian Zaganjori, duke u shprehur se kjo është masa më e lehtë që është duke marrë, në rast se nuk realizohen objektivat. Paralajmërimi i dhënë nga Fushaj ka lidhje me financat që ai ka vënë në dispozicion të skuadrës në këtë sezon, që janë në parametrat e një ekipi që pretendohet të marrë pjesë në kompeticionet europiane.

Mbledhja me skuadrën

Deklaratat e mësipërme Fushaj i ka dhënë paradite, ndërkohë që pasdite ka kërkuar një takim me skuadrën, që është realizuar në mjediset e stadiumit “Loro Boriçi”. Të pranishëm kanë qënë të gjithë futbollistët dhe stafi teknik, të cilët u përballën me kritika të shumta, që presidenti Fushaj ka lëshuar në adresë të tyre. “Nuk jam aspak i kënaqur nga loja që keni bërë me Elbasanin. Me humbjen e atyre dy pikëve keni vënë në diskutim objektivat tona në kampionat, prandaj, nëse nuk doni të ndëshkoheni me sanksione, duhet të lëvizni seriozisht nga vendi” i është drejtuar Fushaj skuadrës. Presidenti ka kërkuar rezultate më të mira, duke filluar që nga ndeshja e radhës me Tiranën, në kryeqytet. I rreptë dhe aspak toleruses është treguar ai ndaj të dëmtuarve, për të cilët ka pranuar se një gjë e tillë është pjesë e lojës, apo edhe e stërvitjes, por në të njëjtën kohë ka tërhequr vemendjen që ata duhet të jenë më të kujdesshëm, për të mos mbërritur në pikën ekstreme, duke mos qenë fare të gatshëm për skuadrën. Kësaj kategorie, Fushaj u ka kërkuar që në ditët në vazhdim, sidomos në finalen e kupës së Shqipërisë, pasi gjysëmfinalen e dytë me Dinamon e quan punë të kryer, të jenë patjetër të gjithë të gatshëm për skuadrën Kapaj, vazhdojnë problemet shëndetësore

Seanca e djeshme stërvitore, e zhvilluar në stadiumin “Loro Boriçi”, ka ekspozuar edhe emrat e atyre, që janë ende jo në gjendjen e duhur fizike e shëndetësore, problemi numër një shqetësues i Vllaznisë në ditët e fundi, kur në listë kanë qenë disa futbollistë, si Kapaj, Lici, LIka, Sukaj, Grima, etj. Ndërsa seanca e djeshme, nga gjithë këto emra ka paraqitur vetëm njërin prej tyre, tiranasin Marenglen Kapaj, gjendja e të cilit duket më shqetësuese se e të tjerëve. Dje, ai është parë të jetë më në fund në stervitje, por duke bërë vetëm disa vrapimë rreth fushës. Më pas ai është veshur, sepse gjendja e tij nuk përballonte më tepër ngarkesër. “Do ta provoj edhe të martën (sot), ? tha Kapaj për “Sport Ekspres” sepse dëshira është mjaft e madhe që unë të rikuperohem për këtë javë, aq më tepër kur përballë do të kemi bardheblutë e Tiranës. Eshtë një preferencë e kahershme e imja për të luajtur kundër tyre”.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Apr 16, 2008 3:58 pm Post subject:

Deda “lëviz gurët”
16 Prill Përballë Tiranës, tekniku malazias ka ndërmend të spostojë mjaft titullarë në rolet e tyre. Një Vllazni fituese? Kjo nuk është e sigurt, por që do të jetë një Vllazni tjetër, është e prekshme

Kërkesa ultimative për Europën, dhënë nga presidenti Valter Fushaj, ka “shkundur” kuqeblutë, të cilët menjëherë kanë filluar nga puna për ndryshimin e situatës. Përveç një ndryshimi të dukshëm në mobilizimin e të gjithëve për të kryer në masën më të mirë detyrat e dhëna nga stafi teknik, ajo që vihet re është tendenca e malaziasit të pankinës shkodrane për të lëvizur diçka edhe në aspektin taktik, si dhe të vendosjes së lojtarëve në fushën e lojës. Seanca e djeshme ka zbuluar disa prej projekteve që Deda ka menduar t’i zbatojë në ditët në vazhdim. Tekniku ka eksperimentuar në një minutazh të shkurtër, përmes ballafaqimit të të dy formacioneve në fushë. Pavarësisht se nuk ka ndryshim në emra, spostimet në role janë të prekshme. Kështu, Lici, nga e majta e mesfushës, ka kaluar në anën tjetër, në të djathtë, edhe pse në fakt shquhet si mëngjërash. Në vend të tij mendohet të luajë Kotrri, që do të ketë më prapa Elvin Beqirin. Ndërkohë, veterani Osja, pasi ka kaluar eksperimentimin në disa ndeshje radhazi në krahun e djathtë, tani i është rikthyer pozicionit të tij dikurshëm në qëndër të mesfushës, zonë të cilën do ta administrojë së bashku me Hotin djathtas dhe Kapajn majtas. Ky i fundit, befasisht dje, i është rikthyer normalitetit, duke kryer nj- seancë të plotë me grupin. Vija e parë nuk duket të jetë prekur nga projekti i ri i Haxhiosmanoviçit: në të janë parë Sinani?Kaçi.

Nga e gjithë kjo, Deda kërkon që në kryeqytet, përballë bardhebluve të Tiranës, të prezantohet ndryshe, pse jo të marrë rezultatin e dëshiruar në kampionat. Njëherësh t’i japë një “mesazh të drejtpërdrejtë” kësaj skuadre, që në përqindjen më të madhe pritet të jetë përballë saj në finalen e Kupës së Shqipërisë.

Edhe pse një vendosje e tillë është eksperimentuar me tepër seriozitet në një tip ndeshjeje kontrolli, që Deda e ka për zakon ta zhvillojë shpesh në pjesën e fundit të seancës, ajo nuk mund të merret krejt e mirëqenë, pasi deri në ditën e përballjes të së shtunës, mund të ketë edhe surpriza të tjera. Eksperimenti sapo ka filluar.

Lika ? Sukaj, dyshja që s’premton të jetë

Pritej që edhe dje shqetësimi kryesor të ishte tiranasi Kapaj, por krejt papritur Marengleni ka lënë krevatin dhe ka marrë përsipër të jetë “i barabartë” me të tjerët në fushën e stervitjes. Madje, jo vetëm aq, por duke e bindur Haxhiosmanoviçin ta projektojë në njëmbëdhjetëshen e parë, gjë e cila, edhe kur ka qenë në rregull me shëndetin i ka munguar në periudhën e ardhjes së Dedës në krye të skuadrës. Por, shqetësimi ka dalë diku tjetër: dyshja Lika?Sukaj i rikthehet problemeve që kishin shfaqur edhe një javë më parë. Për t’u theksuar është fakti se që të dy kanë qënë prezent në ditën e parë stërvitore të javës, ndërkohë që dje janë evidentuar si të pa gatshëm për transfertën e kësaj jave me bardheblutë kryeqytetas. Lika, në pamundësi për të përballuar ngarkesën e grupit, ka kërkuar mirëkuptimin e stafit teknik për të qenë i veçuar, duke kryer vetëm vrapime të lehta rreth fushës së stërvitjes. Ndërsa Sukaj nuk është paraqitur fare në stërvitje. Madje, u tha se mund të ketë udhëtuar drejt Podgoricës për t’i bërë një kontroll kaviljes së dëmtuar ditë më parë. Në të tilla situata, Deda duket se ia ka vënë “vizën” që të dyve (të paktën për momentin) për t’i pasur në dispozicion të ballafaqimit të fundjavës.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu Apr 17, 2008 5:11 pm Post subject:

Suad Lici: Bardheblu, tani është radha jonë
17 Prill Futbollisti universal i kuqebluve ka besim se për skuadrën e tij ka ardhur momenti i suksesit, jo vetëm për të marrë vendin e tretë në kampionat, por edhe për të kthyer Kupën e Shqipërisë në Shkodër, pas 21 vite pritjeje

Sfida Tirana?Vllaznia ka nisur të futet në një rrugë interesante. Dy përballjet mes tyre, në harkun e një muaji, po komentohen gjatë në opinionin publik, sidomos nga tifozeritë përkatëse. Pjesë e kësaj atmosfere të ndezur janë patjetër edhe protagonistët e fushës, të cilët kanë filluar të ngacmohen nga emocionet e këtij fundsezoni. Njëri prej tyre është edhe veterani i skuadrës, Suad Lici, i cili vazhdon të përligjë epitetin “universal”, pasi është aktivizuar në role e reparte të ndryshme, nga njëri në krah në tjetrin, shumë herë edhe në qendër, ndërkohë që për ndeshjen e fundjavës, ndaj bardhebluve në kryeqytet, pritet të kalojë nga e majta e mesfushës në të djathtën.

Mesazhi drejtuar bardhebluve

Në karrierën e tij të pasur sportive, Suad Lici ka një pjesë edhe me “aromë Tirane”. Me bardheblutë ai ka kujtime mjaft të këndshme, si planin e marrëdhënieve njerëzore e deri te kënaqësia e fitimit të dy titujve kampionë dhe e dy superkupave. Megjithatë, gjithçka i takon së kaluarës dhe aktualisht Lici mban të veshur fanellën e skuadrës së qytetit të tij, së cilës i shërben me më të mirën e mundësive, çka do të vazhdojë ta bëjë deri në fund, për të arritur që Vllaznia të marrë pjesë në një kompeticion europian. “Nuk kam pse ta mohoj, ? thotë Lici për gazetën tonë, ? se kujtimet eperiudhës kur luaja për Tiranën janë të mrekullueshme. Megjithatë, tani që jam përballë bardhebluve, do t’u përcjell një mesazh: E kemi radhën ne!”. Mesazhi, sipas Licit, është jo vetëm për ndeshjen e kësaj fundjave, ku do të kërkojnë vendin e tretë në kampionat, por më së shumti edhe për atë më të rëndësishmen, që do të luhet më 7 maj, për finalen e Kupës së Shqipërisë. “Natyrisht, kujdesi ynë do të jetë i madh edhe në ndeshjen e kësaj fundjave, por ajo e 7 majit ka angazhimin tonë më të madh. 21 vjet pa kupë në Shkodër janë shumë, prandaj kemi marrë angazhim që t’ia sjellim tifozerisë trofeun në mbrëmjen e 7 majit”, është shprehur Lici, me një optimizëm për ta pasur zili.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri Apr 18, 2008 4:38 pm Post subject:

Kapiteni Grima: Do të luhet për fitore
18 Prill Kuqeblutë do të udhëtojnë në kryeqytet për të marrë rezultatin maksimal, një objektiv i deklaruar që në fillim të javës, edhe pse përballë do të jetë një skuadër si Tirana. Në fakt, këtë sezon Vllaznia ka qenë autoritare karshi bardhebluve, kur në dy ndeshje të këtij kampionati ka fituar thellësisht njërën, në “Loro Boriçi”, e tjetrën e ka barazuar në transfertë. Ndoshta janë këto rezultate, që e bëjnë Vllazninë sërish optimiste edhe në këtë përballje të tretë, që do të luajë jo pak rol në pozicionimin e skuadrave në renditje. “Në skuadër prej ditësh kemi patur probleme me dëmtimet, megjithatë të gjithë janë të mobilizuar për ndeshjen me bardheblutë” thotë portieri Grima, i cili në cilësinë e kapitenit përcjell edhe mendimin e grupit, lidhur me objektivin për të fituar trepikëshin. Sipas kapitenit shkodran, fitorja është alternativa e vetme, që mund të krijojë premisat për të rimarrë vendin e tretë, të cilin e patën në dorë, por që e lëshuan pas humbjes në Peqin.

Vlerësimi për kudërshtarin

Edhe pse përcjell një frymë optimiste, që vazhdon të shfaqet në radhët e kuqebluve në lidhje me fitoren e pretenduar në këtë ndeshje, kapiteni shkodran ndalet jo pak edhe te kundërshtari. “Tirana është Tiranë dhe gjithmonë ka vlerat e saja. Edhe këtë radhë ajo e tillë do të përpiqet të paraqitet”, thotë Grima, i cili përfiton nga rasti që të paralajmërojë shokët e skuadrës për kujdesin, që duhet treguar ndaj bardhebluve, pasi në gjirin e tyre ka individialitete të spikatura, që nuk të falin po iu dha rati. Për këtë, Grima kujton ndeshjen e disa ditëve më parë, kur Tirana shpartalloi Elbasanin, një skuadër pretendente sidomos për kupën. Gjithsesi, Grima mendon se e fituar në këtë rast do të jetë edhe tifozeria, e cila pritet të jetë e madhe në numër në këtë ndeshje, duke patur rastin të shijojë një nivel të pëlqyeshëm loje. GASPER MARKU

Kampionati e Kupa, dy të ndryshme

Duke komentuar faktin se, brenda harkut kohor të më pak se një muaji, këto dy skuadra do të ndeshen dy herë me njëra?tjetrën, nesër për kampionat dhe me 7 maj (gjithnjë nëse të dyja do ta kalojnë me sukses turin gjysmëfinal) në finalen e Kupës së Shqipërisë, kapiteni shkodran i ndan të dy përballjet. “E përbashkëta është se në të dyja ne do të luftojmë maksimalisht për të marrë fitoren, por e veçanta është ndeshja e kupës, pasi aty do të përqendrohet i tërë potenciali i Vllaznisë, me synimin për ta zotëruar trofeun”, thotë Grima. Sipas kësaj llogjike, Grima kërkon të thotë që, edhe nëse nëse dështohet në kampionat, kur fjala është për vendin e tretë, por fitohet kupa, objektivi është i realizuar plotësisht.

Mungesat, sërish problem

Nuk ka patur ndonjë të veçantë për situatën e “infermierisë”, kur lojtarët e dëmtuar vazhdojnë të jenë në të njëjtat pozita. Shqetësuese paraqitet situata për dyshen Lika?Sukaj, të cilët nuk po bëjnë hapa përpara në drejtim të rikuperimit. Kujdesi ndaj tyre vazhdon të jetë maksimal, çka është parë edhe dje, kur menjëherë pas përfundimit të seancës stërvitore të pasdites, e cila është zhvilluar në stadiumin “Loro Boriçi”, janë nisur përsëri për në Podgoricë, ku janë duke bërë terapinë rikuperuese. Me sa shikohet, tekniku haxhiosamnoviç nuk e ka asnjërin prej tyre në planet e aktivizimit në këtë ndeshje. Por përveç tyre do të mungojë edhe kosovari Ilir Nallbami, i skualifikuar me tre kartona të verdhë, ndërkohë që probleme dëmtimi ka edhe Uliks Kotrri, ndonëse gjendja e tij mund ta lejojë të luajë në ndeshjen e nesërme në kryeqytet, ndaj Tiranës.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Mon Apr 21, 2008 1:59 pm Post subject:

Kuqeblutë, lamtumirë vendit të tretë!
21 Prill

Sikurse ndodh rëndom në rastet e paraqitjeve zhgënjyese, që në fakt në këtë sezon nuk kanë qenë të pakta për Vllazninë, opinioni sportiv shkodran ka reaguar me shqetësim. Një pjesë e tifozëve e kanë ndjekur ndeshjen “live”, disa të tjerë përmes ekranit të televizorit apo transmetimit në radio, ndërsa në përfundim të saj e gjatë ditës së djeshme kanë diskutuar jo thjesht për humbjen aq të thellë, e cila automatikisht i ka larguar nga pretendimet për vendin e tretë në kampionat, por me frikën edhe për finalen e Kupës së Shqipërisë. Eshtë trofeu, që shpëton një sezon të tërë, por edhe i siguron Vllaznisë “biletën europiane”.

Kontaktet, krejt e pamundur ? Për të mësuar diçka më konkrete, rreth asaj paraqitje të Vllaznisë nbë ndeshjen e humbur të shtunën ndaj Tiranës, deri në orët e vona të mbrëmjes së djeshme jemi përpjekur të kontaktonim me ndonjë nga pjesëtarët e stafit teknik, apo edhe nga futbollistët, por ka qenë krejt e pamundur. Pas rezultateteve të tilla zhgënjyese, futbollistët, sidomos ata titullarë, nuk bëhen “të gjallë” në qytet, duke evituar çdo mundësi kontakti me publikun, por edhe me përfaqësuesit e medias. Sidoqoftë, përmes telefonit, edhe pse ndonjëri prej tyre jep ndonjë sqarim me detaje për ndeshjen, apo dhe probleme në radhët e formacionit, nuk vonon të thotë: “Të lutem, nuk mund të flas më gjatë, më mirë merrni kontakt me drejtuesit e skuadrës apo të klubit, të cilët e njohin më mirë se ne situatën”.

Pakënaqësia e presidentit

Duke e parë skuadrën e tij të luante aq dobët gjatë pjesës së parë, mësohet se presidenti i Vllaznisë ka lënë tribunën VIP të “Selman Stermasit” dhe ka zbritur në dhomën e zhveshjes të kuqebluve. Pasi u ka tërhequr vëmendjen për paraqitjen e dobët, ai u është drejtuar me tone kritike me emër edhe lojtarëve të veçantë, duke i ngarkuar me përgjegjësi. Madje, Fushaj nuk ka lënë pa prekur edhe stafin teknik, të cilëve u ka tërhequr seriozisht “veshin”. E gjitha kjo nuk ka kaluar pa ndonjë replikë në radhët e grupit, megjithatë asnjë nga të besuarit e formacionit nuk është lëvizur. Megjithatë, edhe zëvendësimet pas pushimit, jo vetëm që nuk dhanë ndonjë ndryshim për mirë në lojën e kuqebluve, përkundrazi, golat në portën e Grimës ranë si breshër. Madje, po të kishte akoma lojë, këmbët Duros me shokë do t’i ndëshkonin edhe me më tpër se pesë gola. Gjithsesi, edhe pse thuhet se Tirana i ktheu “reston” Vllaznisë, pas atij shkatërrimi në fundvitin e kaluar, duhet pranuar se skuadrës shkodrane i janë shuajtur shpresat për vendin e tretë, për të mos thënë që mund të shkojë edhe më keq. Shkodranëve u “djeg” më tepër në këtë mes atmosfera në prag të finales së Kupës të Shqipërisë, pasi kanë marrë një goditje psikollogjike nga bardheblutë. Tifozeria shkodrane mund të “pajtohet” me skuadrën e saj, vetëm atëherë, nëse ajo arrin të bëhet fituese e Kupës.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue Apr 22, 2008 3:10 pm Post subject:

Xhevahir Sukaj: Finalja? Le t’i marrim me radhë!
22 Prill

Humbja e thellë në transfertën ndaj Tiranës, të shtunën e kaluar, ka krijuar një klimë aspak të mirë në mjedisin sportiv të qytetit verior. E njëjta situatë shfaqet edhe në kampin kuqeblu, si në skuadër, ashtu dhe te drejtuesit e klubit Vllaznia, të cilëve mesa duket akoma nuk u ka kaluar goditja e rëndë, që morën nga Tirana. Edhe në seancën e djeshme stërvitore është ndjerë jo pak pesha e humbjes, kur futbollistët janë rreshtuar të zymtë përpara stafit teknik, në fushën sportive të Shtojit. Siç ndodh zakonisht në të tilla raste, asnjëri nuk e ka për qejf të flasë me gazetarët, megjithatë kemi mundur të shkëpusim një prononcim prej sulmuesit Xhehahir Sukaj.

“Ishte një turp!”

Xhevoja është futur drejtpërdrejt e në temë, duke bërë një analizë të asaj, që skuadra shkodrane paraqiti në përballjen me Tiranën. “Nuk di ç’të them, vetëm se ishte një turp për të gjithë ne, që ishim në fushën e lojës”, thotë Sukaj, duke përfshirë edhe veten, megjithëse ai ishte autor i të vetmit gol, që shënoi Vllaznia në këtë ndeshje. Sipas sulmuesit shkodran, i cili në fakt ka sakrifikuar jo pak për të qenë pjesëtar i formacionit në këtë ndeshje, pasi ishte i dëmtuar në kavilje, lojtarët titullarë ishin jashtë forme dhe gjatë ndeshjes nuk bënë asnjë gjë të mirë për skuadrën. “Në këto kushte, Tirana përfitoi dhe dominoi në të gjitha drejtimet, pasi ne ishim në ditë të zezë”. Pa dashur t’i japë shumë vend, sepse sipas tij kjo humbje nuk ka asnjë justifikim, Sukaj thotë se edhe fati, në një farë mënyre, nuk ka qenë me Vllazninë. Sipas tij, nëse do të ishin realizuar rastet dhe topi do të kishte përfunduar gol, kur është goditur shtylla, ndërsa Tirana udhëhiqte vetëm me një gol, rezultati mund të barazohej dhe Vllaznia nuk do të ishte aq konfuze në fushën e lojës. “Megjithatë, futbolli i njeh edhe këto rezultate”, thotë Sukaj, i cili kujton se një fat i tillë i ndoqi tiranasit tre muaj më parë në Shkodër, kur Vllaznia fitoi thellësisht 4?1.

Vendi i tretë, përsëri në fuqi

Xhevahir Sukaj, 21?vjeçari i cilësuar si një ndër lojtarët më të rëndësiëshëm të formacionit kuqeblu, shprehet optimist për vendin e tretë. Edhe pse raportet në renditje kanë ndryshuar në disfavor të Vllaznisë, për Sukajn asgjë nuk ka mbaruar në lidhje me pretendimet për të marrë vendin e tretë në kampionat. “Mos harroni se kemi dy ndeshje radhazi brenda, njëra me rivalen direkte, Besën, dhe tjetrën me Skenderbeun modest, në të cilat ne do të përpiqemi të marrim gjashtë pikë, që mund të na ngrejnë sërish në atë pozicion”, thotë Sukaj.

Dinamo, vlerësim maksimal

Për Sukajn, por edhe për të gjithë skuadrën, ndeshja e nesërme përballë Dinamos, në gjysmëfinalen e kupës, nuk do të jetë thjesht një shëtitje. Në vazhdim të prononcimit të tij për “Sport Ekspres”, sulmuesi shkodran thekson seriozitetin që do të tregojë Vllaznia në këtë ndeshje. “Pavarësisht se çfarë planesh do të ketë Dinamo, skuadra e jonë e ka vlerësuar edhe këtë ndeshje, që duhet kaluar me sukses. Kemi fituar thellësisht (4?0) në ndeshjen e parë dhe normalisht që duhet të jemi më të qetë për kalimin në finale. Megjithatë, futbollit nuk i dihet, mjafton të kujtojmë humbjen tonë të fundit me Tiranën. Pasi ta kalojmë këtë ndeshje e të sigurojmë kualifikimin, atëherë do të mendojmë për finalen, që do të kërkojë një trajtim krejt tjetër në të gjitha drejtimet. Finalja luhet vetëm me një ndeshje dhe ajo ka sekretet e veta në fushën e lojës”, ka përfunduar prononcimin Sukaj.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Apr 23, 2008 1:16 pm Post subject:

Vllaznia: “Penalitetet janë ende në fuqi”
23 Prill Dështimet, si ai me Tiranën, zakonisht janë shoqëruar me masa të rrepta nga ana e drejtuesve të klubit. Por, këtë radhë nuk është ndierë një gjë e tillë, aq sa një pjesë e opinionit e mori këtë si një lëshim që presidenti shkodran po i bënte skuadrës së tij. Nuk është krejt ashtu: “Mesa di unë, javën e kaluar e kam theksuar veçanërisht për gazetën tuaj se, nga ana e kryesisë së klubit Vllaznia është marrë një vendim, që u është komunikuar futbollistëve. Ky vendim shpreh qartë në detaje gjithçka ne u kemi përcjellë atyre: nëse nuk bëjnë realitet fitoren e kupës së Shqipërisë, ose vendin e tretë në kampionat, do t’u ndalen nga shifrat e kontratës vjetore shuma prej 20?30 përqind. Kësisoj, nuk kemi përse të mblidhemi më për këtë punë; ata e dinë mjaft mirë dhe janë të qartë në këtë drejtim. Po pres fundin e sezonit për të parë se si duhet vepruar”, thotë zoti Fushaj, që duket se nuk parapëlqen të bëjë “xhelatin”: “Kam qenë jashtëzakonisht korrekt, duke ua plotësuar një për një të gjithë detyrimet e mia, gjë për të cilën janë të gjithë koshient. Paratë që u kam premtuar nuk kam dëshirë aspak t’ua mbaj, por ata duhet të bëjnë realitet njërin prej objektivave”, vijon Fushaj, me bindjen se, përveç Kupës së Shqipërisë, matematikisht “është në lojë” edhe për vendin e tretë në kampionat, të cilit do t’i bëjnë shërbimin deri në fund.

“Paratë janë, duhet t’i fitoni me Kupën!”

E kishte menduar krejt ndryshe, por si po vijnë punët, pritet të ketë një mbyllje jo shumë miqësore të njëshit të kuqebluve me skuadrën e tij. Pa llogaritur disa oshilacione në periudha të ndryshme të sezonit, ajo që e ka mërzitur më shumë se të gjithë ka qënë humbja e thellë e pësuar në kryeqytet me Tiranën, që ka bërë të ndihet të keq, për vetë shifrat e thella të regjistrura.

Ka qenë kjo arsyeja që prej ditës së shtunë, ai nuk ka patur dëshirë të komunikojë me shtypin, edhe pse në publik qarkullonin opinione për ashpërsimin e marrëdhënieve të tij me skuadrën në tërësi.

Megjithatë, pasi kanë kaluar ditë nga zhgënjimi që mori në “Selman Stermasi”, presidenti Fushaj pranon të flasë për “Sport Ekspres”. Gjithsesi, nuk duket se thotë ndonjë gjë të re. “Humbja edhe mund të pësohet, sepse ajo është pjesë e lojës, por t’ju them të drejtën k?__zultat nuk e kisha menduar në asnjë mënyrë”, thotë Fushaj që më së shumti ia vë fajin mungesës së përgjegjësisë së shfaqur në fushë. Sipas tij, përveç problemeve të tjera teknike e taktike që ka pasur skuadra në përbërje të saj, si dhe disa oshilacioneve me traumat e disa titullarëve, më tepër se gjithçka ishte mosvlerësimi i bënë Tiranës, duke e matur atë me rezultatin e fazës së dytë kur Vllaznia e mundi po thellë në “Loro Boriçi”.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri Apr 25, 2008 6:32 pm Post subject:

Lika: Kupa dhe vend nderi në kampionat
25 Prill

Ashtu sikurse ishte parashikuar, edhe ndeshja e kthimit gjysmëfinale e kupës së Shqipërisë ka kaluar pa asnjë problem për kuqeblutë. Duke i fituar të dy ndeshjet ndaj Dinamos, me bilancin 7?0, Vllaznia është finaliste dhe më 7 maj do të përballet me Tiranën. Gilman Lika, njëri prej titullarëve të formacionit kuqeblu, që luajti përballë Dinamos të mërkurën e kaluar, thotë se “pavarësisht avantazhit të thellë në ndeshjen e parë, skuadra jonë ishte orientuar nga stafi teknik për të luajtur me disiplinë taktike e të mos toleronte për asnjë moment, jo vetëm për të mos vënë në diskutim kualifikimin në finale, por kryesisht për t’i shërbyer harmonizimit të skuadrës për pjesën e mbetur të kampionatit dhe sidomos për finalen e madhe të 7 majit”.

Angazhimi, në dy fronte

Duke folur për javët e mbetura të sezonit, Lika thotë se Vllaznia vazhdon të jetë e angazhuar në dy fronte, për kupë dhe kampionat. “Në fakt, 90 për qind e përqendrimit tonë është te finalja e kupës, pasi fitorja e trofeut na shpëton sezonin dhe na garanton pjesëmarrjen në Kupën UEFA e Europës. Megjithatë, edhe pse kemi lëshuar jo pak në kampionat, një sy e kemi edhe aty, duke synuar vendin e tretë”, thotë Lika. Futbollisti nuk e quan krejt të pamundur arritjen e objektivit të kampionatit, kur në vazhdim kanë dy ndeshje në “shtëpi”: “Po kaluam me sukses Besën këtë të shtunë, çka nuk e vëmë në dyshim, atëherë do të flasim ndryshe, sepse edhe rivalët tanë për vendin e tretë mund të lënë pikë”. Lika flet edhe për seancën e djeshme stërvitore, të zhvilluar në fushën sportive të Shtojit, e cila sipas tij ka kaluar normalisht, përveç faktit të shqetësimeve që kanë ndjerë titullarët Sukaj e Kaçi, të cilët nuk janë në gjendjen më të mirë. Ndërsa në lidhje me gjendjen e tij, Lika thotë se duket që e ka kaluar dëmtimin. “Kanë qenë 20 ditë të mundimshme, që më kanë penguar në angazhimin tim në procesin stërvitor, por fatmirësisht tani kam lënë gjithçka prapa, çka e provova edhe me gjendjen e mirë që pata në ndeshjen e së mërkurës përballë Dinamos. Megjithatë, për të ardhur aty ku isha, duhet të shtoj përpjekjet në procesin stërvitor, për të kompensuar deficitin e krijuar gjatë periudhës që isha i dëmtuar. Sidoqoftë, finalja e 7 majit do të më gjejë “top”, për të bërë më të mirën për skuadrën time, në kërkim të fitores së këtij trofeu kaq të rëndësishëm për ne”, ka përfunduar Gilman Lika.

Rraboshta, talenti i radhës

Siguria, që i ofronte ndeshje e së mërkurës me Dinamon, kur kualifikimi në finalen e kupës ishte thuajse i garantuar, është shfrytëzur nga trajneri Haxhiosmanoviç për të testuar ndonjë nga futbollistët e pankinës, sidomos ata të rinj, vlerat e të cilëve janë evidentuar edhe nga specialistët shkodranë. Të tillë kanë qenë Hasani në mesfushë, i cili ishte provuar edhe më parë, por sidomos shtatlarti Rraboshta, të cilit iu besua të jetë në lojë gjatë 90 minutave. Për 16?vjeçarin Jasmin Rraboshta kjo ishte ndeshja premierë me fanellën kuqeblu të Vllaznisë. I riu është “prodhim” nga ekipet zinxhir me trajner Ferit Borshin, më pas te Akademia e Futbollit e të rinjve të Sabah Bizit, për të mbërritur në ekipin e parë kuqeblu. Opinioni i përgjithshëm, edhe pas ndeshjes në Shijak, është për një të ardhme shumë premtuese, falë të dhënave që ai disponon. G.M

VLLAZNIA ? BESA

Bilanci ndërmjet tyre: 126 ndeshje; 56 fitore Vllaznia (e fundit 25.11.2006 1?0), 34 barazime (i fundit 10.11.2007 1?1), 36 fitore Besa (e fundit 01.03.2008 1?0), gol. 183?122 (f.e)

(Të shtunën, ora 16:30, në stadiumin “Loro Boriçi”)
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sat Apr 26, 2008 1:49 pm Post subject:

Sinani: fitorja na fut në valle për të tretin
26 Prill

Pas “pushimit” në ndeshjen për kupë me Dinamon, goleadori rikthehet në majë të sulmit kuqeblu

Vllaznia ka sot një shans jo të vogël që, duke fituar trepikëshin ndaj Besës dhe duke përfituar nga “karambolet” e kundërshtarëve, të mund të jetë e treta në klasifikim në mbyllje të kampionatit. Madje, sipas përllogaritjeve që bëhen në kampin shkodran, ky është shansi i fundit matematikor për ta arritur këtë objketiv. Një gjë të tillë e pohon edhe Vioresin Sinani, goleadori kuqeblu, që njëkohësisht është dhe në garën për trofeun “Këpuca e Artë”. “Ky diskutim ka ditë që bëhet në grupin e skuadrës. Për gjithsecilin është e qartë që asnjë rezultat tjetër, përveç fitores ndaj Besës, nuk do të na e jepte mundësinë e pretendimit për më tej, ndaj të gjithë janë të mobilizuar për të bërë më të mirën në këtë ndeshje” thotë Viori.

Më parë Besa, pastaj kupa

Duke bërë të ditur angazhimin e tij maksimal për këtë ndeshje, ndonëse nuk e ka për zakon të deklarojë garancinë e të shënuarit, duket se shënjestra këtë radhë është kolauduar që topi të shkojë në rrjetë nga këmbët e tij. “E rëndësishmë është që të fitojmë dhe për këtë do të bëjmë të gjitha përpjekjet tona, edhe pse përballë kemi një kundërshtar që mund të jetë më i motivuar se ne, ngaqë të gjitha bateritë do t’i lëshojë për të mbajtur vendin e tretë, që i jep mundësinë të luajë në Europës”, nënvizon Sinani. Ndërsa pyetjes së bërë, rreth finales së kupës së Shqipërisë, Viori i përgjigjet shkurt: “Ajo pa diskutim është ndeshja më e rëndësishme e këtij sezoni, megjithatë, për atë mund të flasim nga java tjetër, kur të kemi siguruar trepikëshin ndaj Besës”.

Gaper Marku

Mungon Osja

E reja më e fundit, kur deri dje asnjë nuk e kishte bërë të ditur këtë fakt, është se skuadrës do t’i mungojë Safet Osja, i pezulluar pas plotësimit të numrit të tre kartonave të verdhë. Mungesa e veteranit mund të krijojë probleme në mesfushën e kuqebluve, edhe pse në pankinë “Deda” ka lojtarë të aftë. Situatën e teknikut mund ta vështirësojë edhe gjendja e Kaçit. Nëse ky i fundit mund të bëhet për lojë, atëherë gjërat do të jenë më të lehta. Gjithsesi, deri dje Haxhiosmanoviç akoma nuk kishte vendosur se me kë do ta zëvendësonte
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu May 01, 2008 6:20 pm Post subject:

Dede mendjen te Kupa, por pa lëshuar me korçarët
1 Maj Skuadra shkodrane është “zhytur” në përgatitjet për ndeshjen finale të kupës së Shqipërisë, e cila, ashtu si edhe për finalisten tjetër, Tiranën, është shansi për të shpëtuar një sezon të tërë nga dështimi. Këtë e dinë mirë të dy kampet rivale, ndaj edhe përgjegjësitë për një ndeshje të tillë janë mjaft të mëdha, ndërsa po merren të gjitha masat, që në atë sfidë të jenë në fushë formacionet më të mira. Kjo duket qartë në skuadrën shkodrane, e cila, edhe pse në fakt mendjen te kjo finale e ka pasur prej shumë javës, realisht ka filluar të preokupohet që prej ditës së parë të kësaj jave, kur edhe vetë stafi teknik e deklaroi një gjë të tillë. Tekniku Haxhiosmanoviç, edhe gjatë ditës së djeshme, është parë të merret në pjesën më të madhe të seancës stërvitore me kontigjentin e lojtarëve, që do të jenë në fushë nga minuta e parë në ndeshjen kundër Tiranës, të cilët, për aq sa duket, ai tashmë i ka të fiksuar. Ndërkohë, ndihmësi i tij, Cungu, ka qenë i angazhuar me pjesën tjetër të skuadrës. Megjithatë, të gjithëve u është dhënë mundësia të paraqesin vlerat e tyre në fushë, falë minutave të bollshme që Deda rezervon thuajse çdo ditë për lojë me dy porta. Megjithatë, edhe pse gjithçka është fokusuar tek e mërkura e ardhshme, kuqeblutë nuk do ta anashkalojnë përballjen e kësaj fundjave për kampionat, me Skënderbeun. Këtë e ka pohuar dje edhe tekniku Haxhiosmanoviç, kur ka thënë: “Në asnjë mënyrë nuk do lëshojmë. Edhe ndeshja me Skënderbeun ka rëndësinë e vet. Ne duhet të marrim patjetër tri pikët në këtë ndeshje, pasi, nëse nuk e bëjmë këtë përballë një skuadre modeste dhe pa motive, atëherë kur do t’i marrim ato të plota? Tri ndeshjet e tjera të fundit të kampionatit janë mjaft të vështira, pasi Partizani, Dinamo e Besëlidhja, me të cilët do të ndeshemi, janë në kulmin e motivimit për të marrë pikët e nevojshme, qoftë për katin e sipërm të tabelës ashtu dhe për atë të fundit”. Sidoqoftë, edhe pse rezultati është shumë i nevojshëm, sipas Dedës, nga minuta e parë në fushë pritet të dalë një Vllazni e re, ndërsa shumë titullarë të formacionit pritet të lihen pushim, për sfidën e së mërkurës me Tiranën. Me këtë rast, stafi teknik i kuqebluve ka rastin t’u krijojë hapësirë “të pakënaqurve” të pankinës, të cilët, për një arsye apo tjetër, kanë qëndruar në hije gjatë ndeshjeve të këtij kampionati. Janë lojtarë si Arsen Beqiri, Edmond Doçi, kosovari Alban Jusufi, Ilir Dibra, por edhe Elvin Beqiri, i cili është aktivizuar jo si titullar nga minuta e parë, por vëetëm si zëvendësues. Këtyre u shtohen edhe të rinjtë Hasani, Goca, Bala e Rraboshta, të cilët vlerësohen si lojtarë të perspektivës. Në një farë mënyre, i gjithë ky grup lojtarësh mund të paraqesë të shtunën në fushë, përballë Skënderbeut, Vllazninë B, jo larg në nivel me njëmbëdhjetëshin e parë, duke patur rastin më të mirë për të treguar secili vlerat reale. Për ta është një shans i mirë, që stafi teknik dhe drejtuesit e klubit kuqeblu t’i kenë në vëmendje në vazhdimësi.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Superliga	All times are GMT + 1 Hour Page Previous 1, 2, 3, 4, 5, 6 Next
Page 5 of 6