KF Vllaznia Shkoder

Partizani_One · Posted: Thu May 08, 2008 3:14 pm Post subject:

Festa e Shkodrës kalon nga zyrat e Parlamentit
8 Maj

Skuadra e Vllaznisë ka pasur një rrugë të gjatë për të bërë. Të paktën deri në kryeqytet. Dhjetëra autobuza dhe makina që e shoqëronin nuk e linin që të ishte në kohën e duhur për të takuar kryeparlamentaren shqiptare, Topalli. Kjo e fundit kishte bërë gjithçka gati. Sikur ta parandjente fitoren kishte programuar një koktej në zyrat e Kuvendit dhe ka dalë e para në kthesën për tek ish blloku që e ndan me bulevardin për të pritur heronjtë e saj dhe të Shkodrës.

Takimi – ka qenë i tëri sportiv. Numri 1 i Kuvendit të Shqipërisë ka kaluar testin e saj. Ka folur me kaq imtësi për ndeshjen kundër Tiranës sa dukej qartë që në ato 90 minuta kishte lënë çdo ligj të “kalonte”. Madje edhe ajo në një farë mënyre bën atë që bëjnë gjithë shqiptarët. “Gjqytari i shitur që nuk ju dha penalltinë”, ka qeshur me shaka. Në formën e batutave ka përshëndetur gjithë lojtarët dhe pas ritualit të fotove, ka filluar nga bisedat private. Është ndjerë e tëra e gëzuar. “E kam parë ndeshjen me familjen dhe për herë të parë kam ndjerë kënaqësi nga futbolli”. Të gjithë i premtuan se nuk do ishte hera e fundit.

Dueli – ka pasur në thelb një duel interesant. Një luftë sportive në distancë. Brenda të njëjtit kah politik. Bamir Topi shkon vetë në Elbasan për t’i dhuruar trofeun Tiranës së tij. Por Topalli i punon rreng nga Tirana. “Kupa është shkodrane Bamir”, i thotë duke e pritur skuadrën në kryeqytet.

Atmosfera – për shumicën e lojtarëve të qënurit në Parlament ka qenë për herë të parë. “Ne ju premtojmë se do të jemi në të njëjtin vend për të festuar titullin edicionin e ardhshëm – i kan thënë ata në ikje rreth orës 21:15 kryeparlamentares – dhe do të gëzojmë të gjithë bashkë edicionin e ardhshëm”. Topalli, e cila sigurisht sipas mandatit do të jetë në një të njëjtin post edicionin e ardhshëm futbollistik buzëqesh: “Ju dua me kampionat”.

Rruga – deri në Shkodër ka qenë e tëra festë. Të gjithë nga i pari tek i fundit tregojnë atë që ka ndodhur në fushë. Sukaj megjithëse me grip nuk fshin emocionet. Sipas tij ka qenë e bukur. Dhe nuk është rastësi që në këtë finale kanë shënuar Sukaj dhe Lika. Dy talentet e fundit që nxjerr Shkodra. Si për të demostruar që nuk rresht kurrë së bëri një gjë të tillë si qytet. Në fund të gjithë kanë një mendje. “Shkojmë te Sinani, kjo kupë është edhe për të”. A nuk pyeti edhe Topalli: “Ku është Vioresini”. Ky i fundit gëzon, megjithëse me paterica. Kjo Kupa është sigurisht edhe e tij.

Festa në Shkodër

Qyteti i Shkodrës ka qenë i mbushur me njerëz gjatë gjithë mbrëmjes që prisnin skuadrën të vinte nga Elbasani, pas ndalesës që kjo e fundit ka bërë në Tiranë

Një numër i madh këngëtarësh kanë qenë të pranishëm menjëherë sapo skuadra k zbritur në qytet dhe ka filluar një festë e jashtëzakonshme

Atmosfera dje në qytetin më të madh verior ka qenë e ngjashme me natën e fitores së Shqipërisë kundër Rusisë në vitin 2003

Ditën e dielë për hir të fitores së Kupës Bashkia e qytetit do të organizojë një banket
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu May 08, 2008 3:14 pm Post subject:

Duka Vllaznia e meritoi
8 Maj “Kjo finale, nuk diskutohet që kishte bukurinë e saj. Nuk mund të pritej ndonjë ngritje niveli në një ndeshje me përgjegjësi të tillë, por ajo ishte korrekte. Vllaznia e meritoi të fitonte, sepse luajti më mirë”.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu May 08, 2008 3:14 pm Post subject:

Grima: Kupën, për vajzat e mia
8 Maj Kapiteni i Vllaznisë, portieri veteran Armir Grima ishte në “qiellin e shtatë”. Edhe pse nuk pati shumë punë në një takim të dominuar plotësisht nga formacioni shkodran, ish?portieri i Partizanit, tregoi se është ende një ndër lojtarët më të mirë të kampionatit shqiptar. Për Televizonin Publik Shqiptar, TVSH, Grima tha: “Nuk i di si të shprehem, por është një emocion i bukur të fitosh kupën. Kupa për të gjithë ata që vijnë në stadium, është për të dyja vajzat e mia, për prindërit e mi e bashkëshorten. Kjo Kupë është për të tërë Shkodrën”.
_________________
Ngjyr e kuqe ngjyr dashnie e ka frik cdo mi bashkie

LuAnIBarDhEKalTer · Posted: Mon May 12, 2008 3:49 pm Post subject:

URIMET MA TE PERZEMERTA PER VLLAZNINE....
_________________

admin · Administrator Joined: 10 Jan 2008 Posts: 1870 Status:

Dinamo nuk paska aktivizuar fare Pejic ne ndeshjen e djeshme ne Shkoder qe mos kaloje Sinanin me gola, meqe Vllaznia po i linte ndeshjen. Laughing

_________________
FutbolliShqiptar.net

Partizani_One · Posted: Sun Jun 01, 2008 2:49 pm Post subject:

Deda, “kafja e nostalgjisë”
31 Maj

Ndonëse ka replikuar në distancë me drejtuesit e kampit kuqeblu, lidhur me mosarritjen e marrëveshjes që të vazhdonte të drejtonte Vllazninë, tekniku malazias, Dervish Haxhiosmanoviç, dje është bërë i “gjallë”, kur i shoqëruar nga miqtë e tij të shumtë që ka në Shkodër, ka mbërritur në “zemër” të qytetit dhe ka pirë një “kafe nostalgjie”, sikurse e quajti vetë. Me ftesë të tij dhe të miqve patëm rastin të ishim edhe ne në atë tavolinë miqësore. “Nuk kam asgjë me trajnerin e ri, Agim Canaj, madje i uroj suksese, megjithatë, me ju thënë të drejtën, më ka mbetur jo pak peng largimi nga Vllaznia” thotë Deda, i cili nuk përton të tregojë edhe projektet që kishte, nëse do të qëndronte në krye të skuadrës. “Për gjithçka mund të flasim rreth meje dhe Vllaznisë, por vetëm ajo që është thënë, se unë nuk e njoh futbollin shqiptar, nuk më duket aspak normale”. Duke përfituar nga mundësia që i krijohet për të komunikuar përmes gazetës “Sport Ekspres”, Deda komenton edhe kritikat që i janë bërë në Shkodër, për mospërdorimin e bilbilit e të kronometrit në stërvitje. “Këto ditë kam qenë në një seminar për futbollin në Podgoricë, dhe gjatë diskutimit të tyre, trajneri i përfaqësueses së Malit të Zi dhe ai i Partizanit të Beogradit e kanë hedhur poshtë idenë se përdorimi i kronometrit jep vlerësimin për trajnerin” thotë Deda i lehtësuar.

Dashuria për Shkodrën

Pjesë e bisedës me Dedën, që u bë në një takim krejt të rastësishëm, ishte dhe nostalgjia që ai tregoi për Shkodrën. “E kam thënë edhe herë të tjera, por po e përsëris: Shkodra për mua është bërë një qytet i dytë i imi, ku, falë miqve që kam dhe dashurisë që kam për të, më duket vetja si në shtëpinë time. Shkurt, unë jam shumë i dashuruar me këtë qytet, që më duket se ka shumë gjëra të përbashkëta me Podgoricën”, thotë Deda. Për këtë arsye, sipas tij, ai është i gatshëm të vijë në çdo kohë, po t’i bëhet thirrje që të jetë pjesë e Vllaznisë. Por Deda tregon gatishmërinë edhe për të drejtuar ndonjë skuadër tjetër, pasi tani e njeh mirë kampionatin dhe skuadrat shqiptare. “T’ju them të drejtën, nga skuadrat e kryeqytetit kam patur disa sinjale kohë më parë, por do të thoja që më mirë do ta ndieja veten tek Besëlidhja e Laçi, që janë pak më afër Veriut, por edhe me Teutën e Durrësit, qytet ku më pëlqen të punojë”, thotë Deda, i cili duket se përcjell një mesazh të drejtpërdrejtë për drejtuesit e këtyre skuadrave, për ta pasur në konsideratë preferencën e tij.

“Largimet? Gabuan me Grim-n!”

Pak minuta i ka kushtuar Deda edhe vendimit më të fundit, atij të largimit të shtatë futbollistëve kuqeblu nga skuadra. Në fakt, ai nuk ka qenë kundër një reformimi të skuadrës, sepse edhe koha kishte ardhur për të bërë disa lëvizje, megjithatë, me listën e publikuar ai nuk ka qenë krejt dakord. “Për mendimin tim, Vllaznia ka gabuar rëndë, sidomos me largimin e portierit Grima. Përveçse ai ka qenë një portier i zoti, me shumë përvojë dhe ndër më të mirët e kampionatit shqiptar, Grima ka pasur peshë dhe autoritet të padiskutueshëm në skuadër, thuajse si një trajner i dytë. Ndaj, them se në këtë pikë janë nxituar dhe do të këshilloja që ta rishikonin vendimin. Grima si portier e ka derën e hapur kudo që të preferojë të luajë, pasi ka dhënë prova se është i vlefshëm edhe për disa vite në ruajtje të portës”, ka përfunduar ish?tekniku i Vllaznisë, malaziasi Dervish Haxhiosmanoviç, që me këtë rast i ka përcjellë përshëndetje, jo vetëm gazetës “Sport Ekspres”, por edhe të gjitha mediave sportive shqiptare, për bashkëpunimin që ka pasur në pjesën e fundit të sezonit, kur Vllaznia dhe ai fituan kupën e Shqipërisë.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Superliga	All times are GMT + 1 Hour Page Previous 1, 2, 3, 4, 5, 6
Page 6 of 6