Lajme nga futbolli shqiptar

Register · Status:

Partizani_One · Posted: Fri Apr 18, 2008 4:37 pm Post subject:

Bariç I ofron Hykën Dinamos
18 Prill Ish trajneri i përfaqësueses shqiptare, Oto Bariç ka vijuar së insistojë se nëse Dinamo e Zagrebit dëshiron të blejë një lojtar të së ardhmes ky është shqiptari Hyka. “Me sa jam në dijeni lojtari nuk ka probleme me kontratën dhe gjatë kësaj vere ai mund të merret me parametra zero – tha Bariç dje në një media kroate – sigurisht që ai nuk është ende si Modriç, por ka një talent të padiskutueshëm dhe me një trajnim të mirë do të bëhej një futbollist shumë cilësor. Unë prej kohësh ia kam sugjeruar këtë futbollist drejtuesve të Dinamos, por ende nuk e di se çfarë kanë vendosur ata”.Oto Bariç që kur la punën e trajnerit të Shqipërisë ka filluar të merret si këshilltar pranë klubit më të madh kroat. Bariç ka deklaruar nuk dëshiron më të kthehet e të punojë si trajner, pasi edhe mosha nuk ia lë më këtë mundësi. Gjithësesi ai po provon eksperienca interesante gjatë kësaj periudhe. Brenda disa ditësh do të luhet një ndeshje yjesh mes Brazilit dhe Austrisë, me përbërë nga futbollistë të viteve _90 dhe pritet që trajneri të jetë në stolin austriak. Gjithashtu në kampionatin e ardhshme evropian që do zhvillohet gjatë kësaj vere në austri dhe në zvicër do të jetë komentator i përhershëm në një studio televizive. Në një njëjtin kanal do të jetë edhe futbollisti Italian Françesko Toti. Bariç do të mbahet mend si një ndër trajnerët që bëri revolucion në futbollin shqiptar, por fati i keq në dy humbjet e fundit e detyruan atë të mos punojë më me Shqipërinë.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue Apr 22, 2008 3:07 pm Post subject:

Kur titulli “luhet” në një bar
22 Prill

“Ngjarjet” zhvillohen përgjithësisht paradite. Dhe sidomos të shtunën në mbrëmje. Në të njëjtin vend. Sapo merr kthesën në rrugicën e parë të ish bllokut në një prej bareve më të këndshme të kryeqytetit. Ka një verandë prej druri përjashta, ndërkohë që brenda në formën e një korridori mirëpret pak nga rinia trendy e kryeqytetit. Mes tyre, në një nuëmr të konsiderueshëm gjenden dhe aktorët e vërtetë të futbollit. Shqiptar. Në mëngjes, mes kapuçinove dhe gazetave, ndërsa në mbrëmje me ndonjë Amaro, Corona, apo, pse jo edhe Vodka. Gjithnjë pas ndeshjes. Të festosh para saj është e ndaluar.

Gjithçka varet nga stërvitja e mëngjesit. Nëse ekziston, atëherë frekuentimi sportiv rifillon e merr jetë përreth orës 11:00. i pari zakonisht është Shkëmbi. Gjithnjë në praninë e dy celularëve, i njohur në ambjent dhe gjithnjë gazmor me kamarierët porosit të zakonshem, ndërkohë që pas tij mbijnë me radhë Devolli dhe Osmani. Ky i dyti është gjithnjë në kërkim të diçkaje për të ngrënë, ndërsa mesfushori ka filluar të shqetësohet për shëndetin. “Që kur më kanë pezulluar më është bërë fobi dhe më duket sikur jam shëndoshur. Në fakt nuk kam shtuar asnjë kile, por darkën nuk e konsumoj më”. Duket se ka shtuar cigaret. Pa to nuk rri dot, e ka thënë e stërthënë, nuk është më një risi.

Bari fillon e mbushet me personazhe të tjerë. Erion Rizvanolli,q është kthyer në shpëtimtarin e skuadrave të vogla. Shfaqet me një nga gazetarët e tij të preferuar dhe ulet në një tryezë tjetër. “E marr gjithnjë për kafe ditën e premte sepse e kam shans”, justifikohet, pasi ata të Partizanit e kanë ngacmuar se ka filluar të “manipulojë” mediat. Një përshëndetje me të kuqtë dhe radhën e ka Daniel Xhafaj. Zë vend përkrah Devollit dhe Shkëmbit dhe kujtojnë e rikujtojnë histori durrsake. “Na akuzonin se i blenim të gjitha ndeshjet – thotë Shkëmbi – por për hir të së vërtetës dinim të fitonim vetë. Madje e bënim shuëm mirë”. Devolli është më i drejtpërdrejtë: “Partizani vjet thonte që bëmë sistem. Po ne e mundëm Partizanin si për Kupë ashtu edhe për kampionat, eliminuam Tiranën dhe barazuam në Shkodër. Ku është sistemi këtu”. Me kujdes tani janë lojtarë të kuq dhe të thuash që nuk ka sistem duket e vështirë. Osmanit nuk i rri goja asnjëherë. “Në analizë i thashë presidentit Xhani, kot na bie neve në qafë, nëse do të fitosh tund xhixhat me gjyqtarët”. Shkëmbi që e konsideron gjithnjë Tefikun si nj- nga ata që “nuk e vret shumë mendjen” i kthehet aty për aty. “E sheh ty të dëgjoi Xhani dhe menjëheë e tha këtë gjë për gazetë”.

Daniel Xhafaj është gjithnjë në siklet. Te Tirana nuk po i ecën ashtu si duhet, ndërkohë që treshja e tavolinë si bën presion psikologjik. “Të thamë eja te Partizani, me shokë do ishe, gola do shënoje. Ti zgjodhe Tiranën”. Xhafaj e ka mendjen tjetërkund. “Në janar kisha një mundësi të mirë të shkoja në Rusi, ndoshta duhet të kisha shkuar”. E pastaj e kap me ambjentin te Tirana. “Unë nuk u bëra çun i keq për disa muaj, të gjithë më njohin se kush jam”.

Shkëmbi ia vë pak veshin. Një ditë përpara ndeshjes së Dinamos me Vlorën, presidenti Xhani e ka ngarkuar me një mision të rëndësishëm. Të kuptojë nëse vlonjatët do lëshojnë. “Këta premtojnë për futboll – i thotë Osmanit duke iu referuar kroatëve të Vlorës – kam folur tre herë deri tani”. Osmani është më indiferent: “të bëjnë ç’të duan”. Shkëmbi u kthehet të gjithëve: “Po na e shpifin futbollin, s’po merret më vesh gjë se çfarë po bëhet”.

Devolli shpreson te një falje. “Ah sikur të isha në fund në skuadër me Partizanin kundër Dinamos. Një gol tjetër do desha, vetëm një”. Të tre bashkë bien në një mendje, që me ta Partizani është më i fortë: “Të kishim edhe Danielin – qeshin – do ishim patjetër në krye”. Xhafaj nga ana tjetër nuk premton asnjë lëshim: “Këto punë nuk bëhen me miqësi, do luajmë fort kundër jush”.

Në tryezën e parë të lokalit janë ulur me njëri?tjetrin dy kapitenë. Është Pisha dhe Muka. Të dy bashkë flasin pak për futbollin, ose edhe nëse flasin e bëjnë vetëm për Tiranën: “Këta të Tiranës janë të gjithë për t’i pasur frikë – thotë tryeza e kuqe – nuk dorëzohen asnjëherë”. Më pas biseda bëhet më miqësore. Osmani dhe Shkëmbi bëjnë shaka gjithnjë me njëri?tjetrin, ndërkohë që Devolli është në stres të vazhdueshëm. Të mos luash është e vështirë. Pas disa batutave në lidhje me grintën e Likës i kthehen diskutimeve teknike: “Ai Dashi është një sulmues shumë i mirë ? të thotë Devolli – tani që luajmë bashkë në ekipin e dytë e kuptoj që do bëhet një lojtar i aftë”. Shkëmbi vijon me teorinë e tij që futbolli në Shqipëri me gjithë këto prapaskena po bëhet i mërzitshëm, ndërsa Osmani mendon vetëm për të ngrënë.

Të mendosh se futbollistët luftojnë njësoj si në fushë edhe jashtë saj është një çmenduri. Kur i shikon të shtunave në mrëmbje bindesh edhe më shumë. Sepse gjen kombinime lojtarësh që frekuetojnë njëri?tjetrin, që në fushë do ishin “therur”. Por sipas tyre: “Ne jemi të gjithë miq, lojtarë dhe të gjithë kemi dëshirë të rrimë bashkë. Kemi shokë kudo, te Tirana e Dinamo”. Në fund ama, një derbi mund të degjenerojë edhe me sherr. Ky është futbolli

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Futbolli Shqiptar	All times are GMT + 1 Hour Page Previous 1, 2
Page 2 of 2