KS Dinamo Tirana

Register · Status:

Partizani_One · Posted: Thu Mar 27, 2008 6:26 pm Post subject:

Hanush: “Dua gol me Teutën”
27 Mars Dinamovitëve, në ndeshjen me Teutën, duket se do t’u kthehen dhe të dëmtuarit, të cilët kanë munguar në transfertën lezhjane. Fjala është për kroatin Dario Bodrusiç dhe argjentinansin Favio Mauricio Hanush, që do të jetë përkrah Pemës në sulm. Madje, në ndeshjen e kontrollit, kur dihet se Pejiç nuk do të luajë për shkak të skualifikimit me tre kartona të verdhë, Daja e ka vendosur skuadrën e tij me skemën taktike 3?4?3, duke pasur këtë formacionin: Kotorri, Pisha, Graniç, Abraham, Vincetiç, Allmuça, Ishka, Poçi, Kuli, Pema, Hanush. Në këto kushte, argjentinasi duket i kënaqur, ndonëse ende shprehet i pasigurt, nëse do të jetë titullar i formacionit, apo jo. Hanush kërkon të kthehet me gol në fushën e lojës, ndonëse e di që do të jetë përsëri një ndeshje e vështirë për Dinamon. “Nëse do të luaj apo jo si titullar i formacionit, ? thotë argjentinasi, ? këtë e di trajneri Daja. Unë e kam kaluar dëmtimin që kam patur në kofshë dhe jam plotësisht i gatshëm që të kontribuoj për skuadrën. Do të më pëlqente që të kthehesha me gol në sfidën me durrsakët. E kam të qartë që kundërshtari nuk do të jetë i lehtë për t’u kaluar. Por në kategorinë superiore të Shqipërisë, të paktën me çfarë kam vënë re, nuk është se ka ekipe të lehta. Edhe me Skënderbeun e vendit të fundit hoqëm pak keq për të fituar. Gjithsesi, do ta kalojmë këtë sfidë”.

Besim te forca e grupit

Argjentinasi, ashtu si e gjithë skuadra blu, beson te forca e grupit. Sipas tij, kampionati ka ardhur në një pikë shumë të vështirë. “Jemi të ndërgjegjshëm ? shpjegon argjentinasi, ? që kemi bërë një hap fals në Lezhë. Por do ta rekuperojmë shpejt, sepse Dinamo i ka forcat. Jemi aktualisht në krye të renditjes, me pikë të barabarta me Partizanin. Megjithatë, unë kam bindjen se në fund të sezonit, pavarësisht kësaj situate të vështirë që po kalojmë për momentin, trofeun e kampionit do ta ngremë ne”.

Dinamovitët, me Teutën të dielën

Blutë, përmes administratorit të klubit, Ismet Saliaj, kanë lajmëruar se ndeshjen e radhës me Teutën do ta luajnë të dielën, në “Selman Stërmasi”. Ngarkesa e madhe në atë stadium, por në tërësi në kryeqytet për javën e 25?të të kategorisë superiore, teksa të tri skuadrat janë pritëse, e bëjnë të domosdoshme këtë lëvizje. Në këto kushte, Daja ka ndryshuar dhe programin, kur sot dinamovitët do të jenë dy her- në fushën e stërvitjes, paradite dhe pasdite. Madje, seanca e paradites varet dhe nga kushtet atmosferike: nëse do të bjerë shi, blutë do të jenë në sallën e klubit për të bërë analizën e ndeshjes me Besëlidhjen, duke e riparë dhe një herë atë përmes kasetës.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue Apr 01, 2008 6:14 pm Post subject:

Daja: Të lëshonim? Nuk e konceptoj dot
1 Prill

Trajneri i Dinamos, Ilir Daja, kur i thua që skuadra e tij po lëshonte për të ndihmuar Teutën në ndeshjen e së dielës, jo vetëm që nuk e pranon, por thotë se nuk mund ta konceptojë këtë, kur ajo kryeson në renditje dhe ka si objektiv titullin kampion. Megjithatë, Daja kërkon nga skuadra e tij që të jetë më luftarake, kur e parashikon të vështirë edhe sfidën me Kastriotin.

? Dinamo me dy “fytyra”...?

? Kemi patur një pjesë të parë shumë të mirë, kur loja jonë i ka patur të gjithë komponentët e një skuadre kryesuese. Kemi patur mangësi në shfrytëzimin e rasteve për shënim, sepse ndeshjen duhet ta kishim mbyllur që në pjesën e parë. Por në të dytën nuk më pëlqeu aspak që lojtarët u përgjumën. Një skuadër që synon titullin, duhet të veçohet për mentalitetin e fitueses në çdo ndeshje.

? Në momentin që Teuta barazoi, nga tribunat ka patur reagime, sikur Dinamo po lëshonte...

? Përderisa ne fituam në sekondat e fundit të ndeshjes, u vërtetua që nuk lëshuam. Ndoshta na ndihmoi dhe fati, por unë nuk mund ta konceptoj dot se si një skuadër kryesuese e që pretendon titullin të lëshojë. Kjo është jashtë çdo llogjike.

? Atëherë, çfarë ndodhi me skuadrën tuaj?

? Kapiteni i skuadrës, Arjan Pisha, nuk ka qenë në gjendjen e tij optimale, kur që në pushimin e ndeshjes ka kërkuar ndërrim. Por, duke parë situatat e lojës, Pisha ka sakrifikuar dhe qëndroi edhe për disa minuta. Goli i pësuar solli pështjellim psikollogjik te skuadra, e cila duhet të ishte sjellë ndryshe në 45 minutat e dyta, sepse ishte në avantazh. Pati një disekuilibër, që shpresoj të mos ndodh më.

? Në ndeshjet që luajtët në Tiranë, me Shkumbinin, Skënderbeun e Teutën, shënoni ju dhe e kontrollon ndeshjen kundërshtari...

? Me Skënderbeun, ndeshja nuk kishte më histori, që kur pjesa e parë u mbyll 2?0 për ne. Me Shkumbinin, kur skuadra vinte nga një tronditje psikollogjike, duhej marrë medoemos fitorja, kurse me Teutën nuk kishim sigurinë e duhur për të shkuar te fitorja. E përbashkëta është se, në të tri këto ndeshje, asnjëherë kontigjenti i futbollistëve nuk ka qenë i plotë.

? Të shtunën, përballja me Kastriotin...

? Që tani ne kemi nisur të mendojmë për sfidën me këtë skuadër, të cilën e pamë në përballjen me Partizanin, të shtunën në “Qemal Stafa”. Një skuadër, e cila ka luajtur si e barabartë me rivalin tonë të drejtpërdrejtë për titullin kampion. Duhet marrë në konsideratë.

? Së fundi, ndeshja me Teutën është ndër të rrallat, ku lojtarët e Dinamos nuk ndëshkohen me kartona. E ndieni peshën e tyre?

? E vërteta është se kemi marrë mjaft kartona, më të shumtët për probleme disiplinore e shumë pak për ndërhyrje taktike apo luftë të fortë sportive. Klubi duhet të ishte treguar më i ashpër në gjoba, sepse vetëm kështu lojtarët bëhen më të ndjeshëm ndaj skuadrës.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri Apr 04, 2008 8:22 pm Post subject:

Daja: Me Kastriotin, për të ruajtur kreun
4 Prill Trajneri i Dinamos, Ilir Daja, ka shprehur shqetësimin sepse ende nuk e di se ku do të luhet ndeshja me Kastriotin. Krutanët janë pritës dhe e zgjedhin ata fushën, çka deri dje ende nuk e kishin bërë. “Do të ishte e mira ? thotë njësh i pankinës blu ? që ta dinim që në ditën e parë të javës, kur dhe kemi nisur përgatitjet për ndeshjen me Kastriotin. Sepse, pas seancës së fundit stërvitore, nuk do të di se ku duhet ta grumbulloj skuadrën. Fjalë kam dëgjuar shumë, sa për në Shijak, aq dhe për Kavajë e Lushnjë, por dhe për në Laç. Ndoshta fusha kurbinase mund të jetë dhe varianti më i mundshëm, por nuk është normale që ne nuk e dimë ende se ku do të luajmë”, ka nënvizuar tekniku i bluve. Duke u kthyer te gjendja e ekipit të tij, Daja ka shpjeguar se të gjithë janë të gatshëm për lojë. “Këtu ? shprehet njëshi i pankinës blu, ? përfshij edhe Pishën, i cili, edhe pse është stërvitur në mënyrë të diferencuar, do të jetë i gatshëm për ndeshje. Shpresojmë që të bëjmë një lojë si ajo e pjesës së parë me Teutën. Përderisa jemi për titullin kampion, nuk duhet të përsërisim gabimet e 45 minutave të dyta me durrsakët. Që nga ndeshja me Kastriotin e deri në fund të kampionatit, të gjitha ndeshjet për ne janë finale. Ndeshja me Kastrioti duhet fituar për të ruajtur kryesimin”.

Daja, respekt për krutanët

Njëshi i pankinës dinamovite, pasi ka parë edhe ndeshjen e së shtunës të kaluar, Partizani?Kastrioti, vëren se do të jetë një përballje e vështirë ajo me krutanët. “Kastrioti u shfaq si i barabartë me rivalin tonë të drejtpërdrejtë për titullin kampion, duke bërë një lojë cilësore. Një skuadër e vështirë që, edhe pse luan për mbijetesën në kategorinë superiore, duhet respektuar. Aq më tepër që ka dhe një grup futbollistësh me përvojë në kategorinë superiore” thotë tekniku i bluve. Daja nuk është i mendimit që duket të ketë “turn?over” për titullarë të formacionit të tij. “Nuk kemi kohë tani për “turn?over” të lojtarëve, apo rotacion të tyre, sepse të gjitha ndeshjet e kampionatit janë të rëndësishme për ne. Mundet që kjo gjë të bëhet në ndeshjen e parë të Kupës së Shqipërisë, me Vllazninë. Por pa kaluar Kastriotin nuk mund të mendojmë për ndeshjen e parë të Kupës, sepse më pas do t’i prishnim punës vetes. Duhet t’ia bëjmë hyzmetin deri në fund kësaj ndeshjeje, në mënyrë që të marrim atë që kërkojmë”, ka nënvizuar Daja.

“Të bëjmë detyrën tonë”

Pyetjes sonë, se çfarë presin prej Flamurtarit në ndeshjen ndaj të kuqve, trajneri i bluve i është përgjigjur: “Duhet të bëjmë mirë detyrën tonë, pastaj të presim nga të tjerët. Nëse nuk realizojmë atë që kemi objektiv, ç’kuptim do të ketë të presim këtë, apo atë nga Flamurtari. Shohim punën tonë dhe synimi është kalimi me suses i sfidës me Kastriotin”, ka përfunduar Daja.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sat Apr 05, 2008 2:05 pm Post subject:

Senegalezi Diob: Kujdes me krutanët
5 Prill Në formacionin e Dinamos, në ndeshjen ndaj Kastriotit, në rolin e titullarit do të kthehet senegalezi Diob. Edhe në transfertën lezhjane, Diob ka qenë në fushë titullar, kur ka luajtur në vend të kroatit Bodrusiç, në krahun e djathtë të mbrojtjes. Sipas senegalezit, ndeshja me Kastriotin është e vështirë, sepse luhet përballë një skuadre, që edhe ajo lufton për mbijetesë në kategorinë superiore. “Ne e pamë atë dhe të shtunën e kaluar ? tregon Diob ? kur u përball me rivalin tonë të drejtpërdrejtë, Partizanin. Skuadra krutane la përshtypje shumë të mira, sepse ka një grup lojtarësh cilësorë, të cilën të hapin probleme. Jo vetëm kaq, por edhe duke qenë se rrezikojnë mbijetesën në kategorinë superiore, ata do të jenë të vështirë për ne. Në këto kushte, na del për detyrë që të tregohemi të kujdesshëm e të mos nëvlerësojmë”. Sipas Diob, krutanët, pavarësisht se nuk luajnë në shtëpinë e tyre, do ta kenë përkrahjen e fansave të zjarrtë. “Megjithatë, duke qenë se jemi pretendentët kryesorë për titullin kampion, nuk na lejohen hapa fals. Duhet të luajmë duke paraqitur fytyrën e vërtetë të Dinamos. Fitorja është e vetmja rrugë për të ruajtur kryesimin, sepse çdo rezultat tjetër do të jetë në disfavorin tonë. Shpresojmë të bëhet më e mira, ndonëse e dimë që do të jetë e vështirë. Por nuk kemi rrugë tjetër, vetëm të fitojmë për të mbajtur kryesimin në renditje”, ka përfunduar senegalezi i Dinamos, Pape Diob
_________________
Ngjyr e kuqe ngjyr dashnie e ka frik cdo mi bashkie

K.F. LAÇI · Posted: Mon Apr 07, 2008 1:35 pm Post subject:

Dinamo, humbjet nuk justifikohen me fjalë
Skuadra e drejtuar nga trajneri Ilir Daja ka pësuar humbjen e saj të 5-të në kampionat ditën e shtunë përballë Kastriotit, në fushën asnjanëse të Laçit. Humbja ndaj Besëlidhjes është dukur një rastësi, pasi Dinamo ka zhvilluar një ndeshje të mirë edhe ndaj lezhjanëve javë më parë, edhe pse në fund ka dalur e humbur nga kjo sfidë, por tashmë që historia përsëritet me një humbje me të njëjtin rezultat (0-1), sigurisht stafi dinamovit duhet të analizojë me kujdes ecurinë, duke vendosur pikat mbi "i". Një skuadër që vjen deri te porta dhe nuk di të shënojë, e thënë ndryshe, "shkon deri te burimi dhe nuk di të pi ujë", sigurisht që nuk mund të ecë në hapa të sigurt, kur mbeten edhe 7 javë deri në përfundim të kampionatit. Sigurisht, humbjet nuk justifikohen me fjalë, por me një përgjigje tepër konkrete në fushën e lojës. Dhe këtë gjë duhet ta bëjnë mjaft mirë futbollistët dinamovitë dhe stafi teknik. 5 humbje në kampionat, kundrejt 3 të Partizanit të vendit të dytë janë shifra kontradiktore kundrejt ndjekësit më të afërt në tabelën e superiores. Ndërkohë, i kontaktuar nga gazeta "Sporti shqiptar", trajneri i Dinamos është prononcuar si më poshtë: "Kemi hedhur një tjetër hap fals në Laç përballë një kundërshtari serioz si Kastrioti. Por skuadra ka kryer një 90-minutësh tepër të mirë, madje duke e krahasuar nga humbja ndaj Besëlidhjes, kemi krijuar më shumë raste dhe lojë, por në fund rezultati nuk na buzëqeshi. Sigurisht, na mungonte agresiviteti sportiv dhe forca e duhur goditëse përballë portës kundërshtare. Kemi prodhuar lojë të mirë falë kushteve të mrekullueshme të fushës në Laç, e cila edhe pse shiu nuk pushoi për 30 minuta, ishte në gjendje shumë të mirë. Krijuam dhe kishim mundësi të shënonim me një lojë kombinative. Sigurisht, humbja nuk ka elemente justifikuese dhe me analizën time nuk kërkoj të justifikoj asgjë me fjalë, pasi pesha kryesore rëndon kryesisht mbi ne si staf. Por një trajner është i detyruar të analizojë me kujdes si kur skuadra fiton, ashtu dhe atëherë kur humbet. Në këtë takim kemi pasur gjatë gjithë pjesës së dytë mungesën e një portieri kualitativ si Kotorri, i cili u dëmtua. Elvisi është një nga portierët më të mirë të superligës dhe këtë e ka treguar me performancat e tij në të gjitha takimet, por këtë humbje nuk mund t'ia faturojmë "gardianit" tonë Hoxha, pasi normalisht goli nuk erdhi nga një faj i tij. Skuadra duhet të shprehë në fushën e blertë atë që ne bëjmë gjatë javës në stërvitje. Për këtë arsye, ne duhet të punojmë akoma më shumë gjatë seancave tona stërvitore,"- ka deklaruar trajneri i Dinamos, Ilir Daja.

Sporti Shqiptar
_________________
Oleee Oleee Oleeee Oleee kush esht me Industrialin te vije ketu me ne!!!!!!!!

Partizani_One · Posted: Wed Apr 09, 2008 8:54 am Post subject:

Allmuça: Kampionati, pastaj vjen kupa...
8 Prill “Megjithatë, ne do t’ia bëjmë hyzmetin gjysmëfinales së Kupës të Shqipërisë, duke kërkuar të marrim në Shkodër një rezultat shpresëdhënës për kalimin në finale”

Dinamovitët kanë nisur përgatitjet për ndeshjen e parë të turit gjysmëfinal të Kupës së Shqipërisë, me Vllazninë në “Loro Boriçi”. Por mendja është e dyzuar, sepse, sipas mesfushorit Igli Allmuça, dinamovitëve, të paktën në këtë moment, më tepër se kupa u intereson kampionati. “Ne e kemi vlerësuar ndeshjen e parë të gjysmëfinales së Kupës të Shqipërisë me Vllazninë. Por mendjen e kemi te përballja me Flamurtarin, edhe sepse, në këtë pikë që ka mbërritur kampionati, na duhet medoemos fitorja mevlonjatët. Gjithsesi, kjo nuk do të thotë që në Shkodër do të shkojmë për “ekskursion”, por do të bëjmë më të mirën e mundshme. E dimë që na pret një skuadër, e cila e do këtë trofe. Por do të luajmë si kryesues”, ka theksuar Allmuça, i cili pranon se skuadra e tij është e aftë për t’i marrë të dy trofetë. “Unë besoj se Dinamo i ka këto mundësi. Megjithatë, po të më pyesnin, asnjëherë nuk do ta ndërroja kampionatin me kupën. Kështu që nuk duhet ta çojmë dëm të gjithë mundin e një sezoni, por duhet ta marrim titullin e kampionit”, ka mendimin Allmuça.

Bluve u mungojnë rezultatet

Mesfushori mendon se skuadra ka vetëm një krizë rezultatesh, e cila vjen nga mosshfrytëzimi si duhet i rasteve për shënim. “Ne nuk është se s’prodhojmë lojë, çka e vërtetuam edhe përballë Kastriotit, pavarësisht se u mundëm. Nëse do të jemi më efikasë në shfrytëzimin e rasteve për shënim, atëherë do të jemi në gjendje të marrim atë që kërkojmë, jo vetëm në ndeshjen me Vllazninë, por dhe në të tjerat që vijnë më pas”, ka pohuar Allmuça. Këtë sezon futbollistik, dinamovitët kanë qenë të suksesshëm në “Loro Boriçi”, kur kanë fituar 1?0 në javën e dytë të kampionatit, pas golit të Diobit në të 54'. “Mua do të më pëlqente edhe fitorja në Shkodër, sepse i kemi mundësitë. Por edhe një barazim nuk do të ishte i keq, duke menduar që Kupa ka specifikë tjetër nga kampionati dhe pas dy javësh ne do të luajmë ndeshjen e kthimit në Tiranë. Por, e theksoj, përballë Vllaznisë, të etur për të marrë Kupën e Shqipërisë, do të mundohemi të bëjmë më të mirën”, ka përfunduar Allmuça.

Gjergj Vyshka

Pisha e Kotorri, në infermieri

Edhe dje, si kapiteni Pisha, ashtu dhe portieri i bluve, Kotorri, nuk janë stërvitur normalisht me skuadrën. Të dy lojtarët, pasi kanë vrapuar individualisht rreth fushës së stërvitjes të klubit Dinamo, kanë vazhduar terapinë për rekuperimin e tyre në infermieri, nën mbikqyrjen e rreptë të fizioterapistit Ylli Mihali. Një gjë është e qartë, se si Pisha, ashtu dhe Kotorri, pak kanë shanse për të qenë pjesë e Dinamos në ndeshjen e parë të turit gjysmëfinal të Kupës së Shqipërisë, ndaj Vllaznisë në “Loro Boriçi”. Ashtu sikurse do të mungojë dhe Kuli, i cili është i skualifikuar me tre kartona të verdhë për ndeshjen e parë gjysmëfinale të Kupës së Shqipërisë.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Apr 09, 2008 1:40 pm Post subject:

Daja: “Dua kampionatin, bëj rotacion”
9 Prill

Dinamovitët tashmë e kanë ndarë mendjen. Në Shkodër, sot përballë Vllaznisë, në ndeshjen e parë të turit gjysmëfinal të Kupës së Shqipërisë do të paraqiten me një formacion, që përqindjen më të madhe e ka me lojtarët rezervë. Në fakt, trajneri Daja, fill pas humbjes me Kastriotin, në Laç, e pat deklaruar një rotacion të tillë të futbollistëve të tij, të cilën ia kushtëzon momenti që poi kalohet në kampionat. Madje Daja e thotë dhe vetë se, nëse Dinamo do të ishte e pakta gjashtë pikë përpara Partizanit në këtë kampionat, atëhërë sot përballë Vllaznisë do të mund të paraqitej me formacion më të plotë. Por, përtej këtij fakti, dëmtimi i portierit Kotorri dhe i kapiteni Pisha, shto këtu dhe skualifikimin për shkak të kartonave në Kupën e Shqipërisë të Kulit, apo dhe disa dëmtime të lehta te titullarë të tjerë, e detyrojnë Dajën që të bëjë më të mirën. Sipas njëshit të pankinës dinamovite, tashmë nuk janë më të njëjtat situata si në javën e dytë të kampionatit, atëherë kur Dinamo pat fituar falë golit të Diobit, në të 54'. Por, gjithnjë sipas kryepankinës dinamovite, kjo nuk do të thotë që nuk mund të besohet te fitorja, ashtu siç do të kërkohet një rezultat që të garantojë kalimin e bluve në finale. Në fund të fundit, nesër mund të jetë dhe prova e Dinamos të së ardhmes.

? Duke e patur mendjen të dyzuar, sa te kampionati, aq dhe te Kupa, a është gati Dinamo për ndeshjen e parë të turit gjysmëfinal me Vllazninë në Kupën e Shqipërisë?

? Ne jemi plotësisht gati, varet se në çfarë përqindje duhet marrë parasysh dyzimi për të cilin ju thoni, por që nuk e përjashtoj. Ne do të shkojmë në Skodër, përballë Vllaznisë, për të marrë një rezultat që të jetë garant për kalimin tonë në finalen e Kupës së Shqipërisë. Kemi deklaruar kohë më parë që do të bëjmë rotacion të lojtarëve për këtë ndeshje dhe jemi të detyruar ta bëjmë. Sepse jemi të kushtëzuar dhe nga momenti që po kalojmë në kampionat. Sikur ta kishim thelluar diferencën e pikëve me rivalin tonë të drejtëpërdrejtë në kampionat, Partizanin, apo të ishim të paktën gjashtë pikë, atëherë rotacion nuk do të kishte. Por kemi dhe mungesa, kur Pisha e Kotorri janë të dëmtuar, ndërsa Kuli i skualifikuar për shkat të tre kartonave të verdhë. Plus që kemi dhe trauma të tjera, që do të thotë se jemi të detyruar të bëjmë një rotacion të plotë të formacionit tonë. Por e theksoj edhe një herë, në Shkodër shkohet për të marrë një rezultat sa më të mirë.

? Në fakt, gjatë këtyre ditëve ka patur hamëndesime të shumta se Dinamo për hir të kampionatit dhe mund të lëshojë ndaj Vllaznisë. A është kështu?

? Aspak. Ne do të luftojmë deri në fund për marrjen e objektivit që kemi e një gjë mund të garantoj që, nga ana jonë, do të luhet futboll i pastër me lojtarët të cilët do të hedhim në fushë. Sa e realizojmë pastaj do ta tregojë fusha. Por nuk ka kohë për hamëndesime, sepse nuk mund të bëjmë lojëra.

? Me çfarë do të ishit të kënaqur në ndeshjen e parë, që të siguronit në një farë mënyre kualifikimin?

? Unë nuk e përjashtoj dhe fitoren e ndeshjes. Por dhe barazimi do të më kënaqte, ashtu sikurse një humbje, te e cila ne të arrijmë të shënojmë një gol. Kjo është e gjitha.

? Në kampionat, në javën e dytë, ju keni fituar falë golit të Diobit në të 54'. Do të jetë kështu dhe nesër?

? Nga java e dytë e deri më sot, jo vetëm që ka kaluar shumë kohë, por dhe kanë ndryshuar shumë gjëra. Për më tepër që janë ndeshje kupe dhe duke patur specifikën që luhet me vajtje?ardhje nuk mund të thuhet çdo gjë me saktësi. Megjithatë, siç thash dhe më lart, nuk e përjashtojmë mundësinë e fitores.

? Së fundi, Vllaznia në vëmëndjen tuaj si kundërshtar?

? Ne nuk patëm ndonjë preferencë për kundërshtarin, sepse e dinim se kushdo të na binte në short do të ishte e vështirë. Vllaznia është ndër ato skuadra që e ka si objektiv Kupën e Shqipërisë dhe, si e tillë, kur ka hequr dorë nga kampionati, luan vetëm për atë trofe. Gjithsesi kam pohuar që kualifikimi do të arrihet pas 180 minutash e kështu ka për të ndodhur.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Mon Apr 14, 2008 8:41 pm Post subject:

Pema “çelet” me dopietë: Duhet të gjej vetveten
14 Prill Ndeshja me Flamurtarin, të shtunën në “Selman Stërmasi”, ka përfunduar me fitoren e bluve, që kanë ruajtur kreun e renditjes po me dy pikë diferencë nga të kuqtë, por ajo ka qenë e veçantë për rezultatin e thellë me të cilën ka përfunduar. Në gjashtë golat e shënuar nga kryesuesit e renditjes, dy i takojnë sulmuesit dinamovit Eleandro Pema, që në këtë ndeshje është “çelur”, duke e ngritur në tre numrin e golave të realizuar prej tij në kampionat. I ardhur gjatë merkatos së verës nga bardheblutë, së bashku me Abrahamin, Allmuçën dhe Plakun, nuk është se ka bërë një sezon shumë të mirë me Dinamon. E ka nisur si titullar, por një karton i kuq në Shkodër, në javën e dytë të kampionatit, ka mjaftuar që, pas skualifikimit, në ndeshjen e katërt të ulej në stolin e rezervave dhe më tej do të hynte në lojë si zëvendësues. Ndërsa dyshja Plaku?Pejiç rritej, Pema nuk jepte asnjë shenjë se ishte plotësisht i gatshëm për lojë. Pat humbur një shans për veten e tij, por dhe për Dinamon, në ndeshjen e barazuar me Besën, në stadiumin kombëtar “Qemal Stafa”, që sot blutë mund t’i mbante dhe katër pikë diferencë me Partizanin. Pastaj vijnë dëmtimi dhe operimi në dorë, që vazhdon ta shqetësojë Pemën. Vetë sulmuesi është i kënaqur për golat e shënuar, kurse, sipas tij, i ka si nxitje për ta gjetur sa më shpejt vetveten. “Për ne ? thotë Pema, ? ishte shumë e rëndësishme që ta fitonim këtë ndeshje me Flamurtarin. Sigurisht, as nuk na shkonte në mendje që ndeshja, në fund të 90 minutave, të kishte ato shifra tenistike, siç thoni ju gazetarët. Në të vërtetë, ne pritnim një tjetër Flamurtar në fushë, sepse një javë më parë kishte mundur rivalin tonë të drejtpërdrejtë për titullin kampion, Partizanin. Por realisht, na zhgënjeu. Mua më kënaqën golat e shënuar, por duhet të them që, për shkak të problemeve me dorën, ende nuk jam në qindpërqindëshin tim. Tani jam duke u përpjekur të gjej vetveten dhe them se ende nuk kam arritur plotësisht në gjendje për të luajtur në formacion si titullar. Më duhet dhe pak kohë”. Nga ana tjetër, Pema pranon që sezoni nuk ka qenë i mirë për të me fanellën blu, kur ka luajtur gjithsej në 15 ndeshje, në 9 prej të cilave si zëvendësues. “Sikur të mos kishte qenë dëmtimi i dorës dhe operacioni, të jeni i sigurt se do të shihnit ndryshe dhe do të kisha shënuar edhe gola të tjerë, gjithnjë në shërbim të Dinamos. Më vjen keq shumë që ky sezon nuk shkoi ashtu siç desha unë, por ka dhe të tilla arsye, që nuk mund të parashikohen e të pengojnë të ecësh përpara”, ka pranuar Pema.

Fundi i kampionatit, i lodhshëm

Pema është i vetëdijshëm, se fundi i këtij kampionati do të jetë shumë ilodhshëm për ta. Nis gjithçka të shtunën, në fushën e vështirë të Peqinit, për të vazhduar me sfidat e tjera, duke llogaritur dhe dy derbit, me Tiranën e Partizanin. “Të gjitha ndeshjet janë të vështira, por duke i marrë një e nga një, atëherë puna jonë do të bëhet më e lehtë”. Vetëm për një muaj, Pema ka qenë kontigjent i Shkumbinit të Peqinit, në sezonin 2005?2006. Por talenti i tij pat rënë në syrin e kroatit Luka Bonaçiç, i cili e thirri te Dinamo. Sipas Pemës, fusha e Peqinit njihet për vështirësitë e saj. “Por, duke qenë se ne luajmë për titullin kampion, i vetmi rezultat që mund të na kënaqë është fitorja. E respektojmë Shkumbinin, sepse ka një grup të mirë lojtarësh dhe, mbi të gjitha, edhe mbështetjen e një tifozerie të zjarrtë. Megjithatë, ne duhet ta marrim fitoren”, ka përfunduar Pema.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue Apr 15, 2008 8:12 pm Post subject:

Pollozhani, golat i shënon me dedikim
15 Prill Artim Pollozhani, shqiptari nga Maqedonia, i ardhur gjatë merkatos së dimrit te Dinamo me huazim nga gjermanët e TUZ Koblencit, të shtunën ka realizuar golat e parë në kampionatin shqiptar, përmes dopietës në portën vlonjate. Pas golit të parë, Pollozhani ka vrapuar drejt kameras së Televizionit Publik Shqiptar, e cila ndodhej në pistën e stadiumit “Selman Stërmasi”. Eshtë afruar dhe ka drejtuar një puthje, të cilën dje e ka shpjeguar dhe për gazetën “Sport Ekspres”, duke u shprehur se golat e tij e kanë një dedikim. “Para ndeshjes ? thotë Pollozhani, ? më ka telefonuar vëllai nga Maqedonia, i cili e parandjente që unë do të shënoja. Në fakt, ndeshjet e kampionatit shqiptar shihen përmes transmetimeve të RTSH në valë satelitore. Dhe, duke qenë se vëllai kishte 22?vjetorin e lindjes, golin tim të parë ia dedikova atij”. Por Pollozhani tregon edhe për golin e dytë, të shënuar pas kombinimi në një goditje dënimi, prej rreth 25 metra, të cilën disa herë e ka aplikuar edhe në stërvitje. “Të them të drejtën ? shpjegon mesfushori ? po lëvizi muri mbrojtës i kundërshtarit, është gol i sigurt. Qe fati im, por një goditje të tillë e kam bërë dhe në një ndeshjen me Izraelin, kur luaja me kombëtaren e Maqedonisë. Por atëherë ma pat pritur portieri i Izraelit, që luan aktualisht për Deportivo La Koruna”. Kur e pyet Pollozhanin, nëse ndeshja me Flamurtarin ishte më e mira e tij në këtë periudhë me Dinamon, mesfushori thotë: “Në Shqipëri duhet t’i përshtatesh mentalitetit, se po bëre gola je më i miri. Kjo bën dhe diferencën, sepse unë kam luajtur dhe herë të tjera mirë, por loja ime nuk ka rënë në sy. Goli të nderon dhe, meqë na doli shpejt, hapi rrugën që të administronim situatat më vonë. Por duhet pranuar se Flamurtari, pavarësisht se u mund me ato shifra, nuk është se luajti keq”.

I vetëdijshëm për vështirësinë me Shkumbinin

Pollozhani ka luajtur dy herë në fushën sportive të Peqinit ndaj Shkumbinit: me Apoloninë dhe me Dinamon. E njeh si fushë të vështirë dhe të tillë e parashikon dhe ndeshjen e së shtunës. “Shkumbinin unë e pashë edhe me Partizanin, kur, pavarësisht se u mund, ka luajtur mirë. Ka një grup futbollistësh cilësorë, të cilët duhen patur kujdes nga ana jonë. Ndërsa tifozeria vendase e mbështet fort. Ndeshja është e vështirë, por duke qenë se jemi pretendentë kryesor për titullin kampion, duhet të marrim rezultatin pozitiv”.

Planet e Pollozhanit

rtim Pollozhani duket se nuk ka ndërmend të vazhdojë me Dinamon pas mbarimit të këtij sezoni. “Qëllimi kryesor është rikthimi pranë skuadrës gjermane dhe vazhdimi i kontratës me të. Por, nëse do të më thërrasë trajneri Katanec në dy ndeshjet miqësore të Maqedonisë, me Poloninë e Turqinë, atëherë gjërat mund të ndryshojnë, sepse janë dhe alternativa të tjera. Sa për ndeshjet në Kupat e Evropës, ajo mbetet që të diskutohet mes drejtuesve të klubit Dinamo dhe gjermanëve”, ka përfunduar Pollozhani.

Pisha, stërvitje inviduale

Dinamovitët kanë nisur javën anti?Shkumbini me stërvitjen dje pasdite në klub. Vetëm kapiteni Arian Pisha është stërvitur përsëri individualisht, duke vrapuar rreth fushës. Sot, ashtu siç çdo të martë, dinamovitët do të stërviten dy herë, paradite për përgatitjen fizike dhe pasdite në punën me topin.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Apr 16, 2008 3:54 pm Post subject:

Në Peqin do jetë vështirë”
16 Prill Kuli, ish?lojtari i Shkumbinit analizon Dinamon para takimit

“Trajneri ynë ka të drejtë të kërkojë gjyqtarë të huaj, përderisa presidenti i Shkumbinit, Ismaili, deklaron se në Peqin, edhe Brazili të vijë, nuk fiton njeri...”

Bekim Kuli, mesfushori kavajas i Dinamos, e parashikon të vështirë sfidën me Shkumbinin, edhe sepse pranon që atmosfera është tensionuar nga deklaratat e presidentit të Shkumbinit, Xhavit Ismaili. Madje Kuli e mbështet dhe idenë e trajnerit Daja, që kërkon gjyqtarë të huaj, të cilën ne nuk mund ta bëjmë edhe duke qenë se jemi të pezulluar në FIFA dhe në UEFA. “Ka të drejtë ? thotë Kuli ? që trajneri Daja të kërkojë gjyqtarë të huaj, sepse janë vetë peqinasit, me presidentin e tyre Ismaili, që e kanë tensionuar situatën. Deklaratat e tij se në Peqin nuk fiton as Brazili nuk bëjnë gjë tjetër veçse e ndezin dhe e elektrizojnë më tepër se ç’duhet atmosferën”. Por Kuli shpjegon se, edhe duke qenë Dinamo kryesuese, ndeshja mund të jetë e tensionuar nisur nga fakti se peqinasit e duan një fitore me pretendentën kryesore për titull kampion. “Eshtë ky një fakt plus, që e rëndon situatën përpara ndeshjes. Për më tepër që ata kanë dhe një tifozeri të zjarrtë, e cila i mbështet nga minuta e parë deri në të fundit dhe i motivon peqinasit për të kërkuar atë që duan”, ka thënë Kuli. Pyetjes se, çfarë duhet të ndryshojë Dinamo në krahasim me ndeshjen e fazës së parë, kur u barazua në Peqin, Kuli do t’i përgjigjej: “Në atë ndeshjen, të vetme gjë që nuk bëmë ishte mos shfrytëzimi i rasteve për shënim që na u paraqitën përpara portës. Tani duhet të jemi më efikas, edhe sepse tashmë bëhen të tjera llogari, kur kërkohen pikët maksimale”.

Kuli flet si ish: “T’i ruhemi vrullit të fillimit” - Bekim Kuli, dikur ka qenë edhe pjesë e skuadrës së Shkumbinit, kur e njeh mirë ambjentin, tifozerinë dhe ekipin peqinas. Janë dy gjëra themelorë, të cilës duhet t’i ruhet Dinamo. “Së pari, atmosferës së nxehtë ? shpjegon Kuli ? që mund të jetë në Peqin dhe së dyti vrullit të fillimit të skuadrës peqinase. Po iu ruajtëm kësaj “stuhie” të minutave të para, atëherë e kemi davanë të marrë. Pastaj duhet të bëjmë dhe lojën tonë, për të cilën kam mendimin se gjithçka do të shkojë mirë. Ne duhet të marrim pikët tona dhe të ruajmë kreun në renditje”.

Kuli, “zanatali” për pnalltitë - Kavajasi me fanellën e Dinamos ka realizuar katër gola, të fundit të shtunën e kaluar në portën vlonjate, kur realizoi nga pika e bardhë e penalltisë në të 27'. Madje Kuli e pranon se ia ka marrë dorën penalltive, të cilët i ka perfeksionuar në Durrës, kur duket se ia ka marrë stilin Mancakut. “Të them të drejtën ? shpjegon Kuli ? nga Mancaku kam mësuar se si gjuhet penalltia dhe gjithnjë jam rezultativ. Nuk them se është zanat, por ia kam marrë dorën”. A mund të shënonte më tepër Kuli? “Jam shumë larg sulmit, kështu që dhe kaq sa kam bërë jam mirë. Sigurisht nuk jam i kënaqur, por shpresoj që në ndeshjet në vazhdim të kem dhe gola të tjerë, pse jo dhe në Peqin”, ka përfunduar Kuli.

Dinamovitët me “veshët” në Elbasan

Java e 28?të të kategorisë superiore ka dy ndeshje kryesore, të cilat luhen në prefekturën e Elbasanit. Në fushën sportive të Peqinit, Shkumbini vendas do të presë Dinamon, kurse në “Ruzhdi Bizhuta” të Elbasanit, verdheblutë do të presin Partizanin. Sipas Kulit, Elbasani, edhe duke kërkuar vendin e tretë në renditje, që do të mund t’i çojë verdheblutë në Europë, nuk ka pse të lëshojë përballë skuadrës së kuqe. “Elbasanllinjtë ? thotë Kuli ? kanë objektivat e veta, që nuk besoj se mund të lëshojnë përballë Partizanit. Nëse kanë të tjera ambicje pastaj, atëherë dhe mund të ketë lojëra. Por unë besoj në pastërtinë e Elbasanit dhe në luajtjen drejt të asaj ndeshje. Më pas ne të shohim punën tonë dhe të marrim pikët që na duhen për të ruajtur kreun e renditjes”.

Stërvitja, nuk i ndal as shiu

Blutë, ashtu si çdo të martë, dje janë stërvitur dy herë; paradite kanë punuar në palestër nën drejtimin e përgatitësit atletik, Vaso Selenica, i cili është i kënaqur me gjëndjen fizike të dinamovitëve. Kurse pasdite me trajnerin Daja, kur nuk janë ndalur nga stuhia që ka zgjatur për rreth 30 minuta, nga ora 17:00 deri në 17:30. Kanë bërë gjithçka që lidhet me sistemin e të luajturit ndaj Shkumbinit, kurse për sot kanë ndryshuar programin. Do të jenë paradite në fushën e stërvitjes, rreth orës 11:00, kur dhe do të bëjnë ndeshjen e kontrollit, kurse pasdite do të jenë pushim.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Superliga	All times are GMT + 1 Hour Page Previous 1, 2, 3, 4, 5, 6, 7, 8 Next
Page 6 of 8