KS Dinamo Tirana

Register · Status:

Partizani_One · Posted: Thu Apr 17, 2008 5:11 pm Post subject:

Pisha më tolerant: “Barazimi, jo keq”
17 Prill Dinamovitëve, në ndeshjen e së shtunës me Shkumbinin, do t’u kthehet kapiteni Arian Pisha. Eshtë i vetmi, që ka mbetur te blutë nga kampionët e vitit 2002, dhe e di mirë se, edhe në atë kohë, fusha sportive e Peqinit ka qenë e vështirë për ta. Asokohe, saktësisht më 27 prill 2002, blutë kanë barazuar 0?0, por ai rezultat nuk i prishi punë për të marrë titullin kampion. Tashmë kanë ndryshuar situatat dhe Pisha, duke mos e menduar humbjen në Peqin, pohon se barazimi do të ishte gjysma e së keqes. Përtej deklaratave të trajnerit Daja, që ka shtruar kërkesën për të patur gjyqtarë të huaj në Peqin, Pisha ka mendimin se edhe “bilbilat” tanë janë të aftë për ta mbajtur drejt ndeshjen. Në krahun tjetër, i sheh si të nxituara deklaratat e presidentit të Shkumbinit, Xhavit Ismaili, sepse, sipas Pishës, nuk kanë llogjikë.

? Të shtunën, Pisha pjesë e formacionit blu?

? Unë jam gati për lojë. Ju e patë se unë luajta dhe në ndeshjen e kontrollit, që do të thotë se do të jem pjesë e njëmbëdhjetëshit anti?Shkumbin, për ta ndihmuar skuadrën të shkojë drejt marrjes së rezultatit pozitiv.

? E mendoni të vështirë ndeshjen ndaj Shkumbinit?

? Shumë të vështirë, madje ndër më të vështirat që kanë mbetur deri në fund të fazës së tretë të këtij kampionati. Sepse fusha sportive e Peqinit, qoftë nga tifozeria e zjarrtë që ka, por dhe nga skuadra, e cila është me meritë në mesin e tabelës, nuk pranon rezultate negative. Ne jemi ndeshur dy herë me Shkumbinin gjatë këtij sezoni, si në fazën e parë në Peqin, ku barazuam 0?0, ashtu dhe në të dytën, kur e kemi pritur në Tiranë dhe fituam 1?0. Duhet të pranoj se, sidomos në këtë të dytën, Shkumbini u paraqit një skuadër që duhet marrë në konsideratë. Në këto kushte, e përsëris se ndeshja është e vështirë, por duhet të bëjmë çmos ta kalojmë me sukses, sepse është e rëndësishme për ecurinë tonë drejt titullit kampion.

? Jeni i vetmi kampion i sezonit 2001?2002 dhe në Peqin atëherë keni barazuar 0?0. A do të jetë përsëri barazimi një rezultat i pranueshëm për Dinamon?

? Unë do të thoja që barazimi do të ishte gjysma e së keqes për ne, duke mos e menduar humbjen. Fakti është që ne po përgatitemi për të marrë maksimumin nga kjo ndeshje dhe do të mundohemi ta arrijmë.

? Situatë e tensionuar para ndeshjes?

? Kur vjen fundi i kampionatit, gjithnjë ka tension. Kështu po ndodh edhe në prag të ndeshjes me Shkumbinin, e cila gjithnjë është e ngarkuar, sepse, sikurse e thashë, fusha sportive e Peqinit është ndër më të vështirat e kategorisë superiore. Megjithatë, shpresojmë që gjithçka të shkojë mirë.

? Trajneri juaj ka kërkuar gjyqtarë të huaj; sa e rëndon situatën kjo kërkesë?

? Të them të drejtën, kërkesën e trajnerit Daja për gjyqtarë të huaj për ndeshjen në Peqin e kam mësua nga mediat. Por unë kam mendimin se dhe gjyqtarët tanë janë të aftë e do të dijnë ta nxjerrin me sukses këtë ndeshje, një ndër të rëndësishmet e kësaj fundjave.

? Nga ana tjetër, deklarata e presidentit Ismaili se “në Peqin nuk fiton as Brazili” çfarë mund të sjellë?

? Ajo deklaratë e presidentit Ismaili ka qenë e nxituar dhe nuk ka llogjikë të lëshohet. Gjithçka gjykoj se ka qenë emocionale nga ana e tij, me dëshirën të mbrojë skuadrën nga fjalët e thëna në emisionin televiziv për mundësinë e lëshimit të Shkumbinit ndaj Dinamos. Kështu që situata nuk mendoj se do të jetë kaq e nxehtë sa dhe mund të duket.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Mon Apr 21, 2008 1:57 pm Post subject:

Luhet lojë paqësore, blutë nuk përfitojnë
21 Prill

“Në Peqin ka fituar futbolli”. Ky është përfundimi që ka dalë nga ata, të cilët e kanë ndjkeur ndeshjen Shkumbini?Dinamo, çka është përforcuar dhe nga trajneri i bluve, Ilir Daja, i cili në Peqin, edhe kur ka qenë në krye të Elbasanit, pranon se ka luajtur në kushte më të vështira. “Të them të drejtën ? trekon Daja për “Sport Ekspres”, ? si asnjëherë tjetër, në Peqin ishin të gjitha kushtet jo vetëm për të luajtur një futboll normal, por dhe për të marrë atë që doje. Ndeshja nuk ka patur tension, kur tifozeria vendase asnjëherë nuk ka sharë e fyer skuadrën tonë. Fusha ishte model dhe e vetmja gjë, që na ka munguar për të realizuar objektivin tonë, ishte mentaliteti i fituesit, që është i domosdoshëm në të tilla situata”. Daja vazhdon të mbetet në idenë se ndeshja me Shkumbinin, në Peqin, nuk ishte se do të vendoste shumë për titullin kampion. “Çfarëdo rezultati të kishim marrë në Peqin, nuk do të ishte vendimtar për titullin kampion. Ndoshta një fitore e jona mund të kishte rritur diferencën me Partizanin në pikë, çka kërkohet prej të gjithëve. Por ka rrugë ende për të bërë. Megjithatë, më duhet të pranoj se nuk jam i kënaqur nga disa lojtarë, sepse prej tyre kërkohet të japin diçka më tepër nga vetja”.

Daja zgjedh gjuhën e komunikimit

Qoftë dhe për të ruajtur kompaktësinë e grupit, Daja nuk ka dëshirë të përmendë emrat e atyre, që në Peqin nuk kanë luajtur siç ka dashur ai. “Por ne do të komunikojmë me ta ? thotë Daja, ? në mënyrë që t’u rrisim më tepër përgjegjësinë, sepse është fundi i kampionatit dhe skuadra ka nevojë për të gjithë për të shkuar te titulli kampion. Të gjithë bashkë do të bëjmë të mundur realizimin e këtij objektivi”. Ndërkaq Daja nuk është fort i bindur se kalendari mund ta ndihmojë Dinamon që të arrijë te titulli kampion, sepse, sipas tij, luhet po me ato skuadra, të cilat do të ndeshen dhe me Partizanin. “Vetëm ndryshojnë fushat. Duhet të jemi me një mentalitet më të madh fituesi që të arrijmë te objektivi” nënvizon tekniku i bluve.

“Me Elbasanin, ndeshje e vështirë”

Pa u shuar mirë jehona e barazimit në Peqin, dinamovitët kanë nisur të mendojnë sfidën e së shtunës, me Elbasanin, në “Selman Stërmasi”. Për të parën herë, pas sezonit 2005?2006, Daja do të jetë në pankinën e një tjetër skuadre përballë Elbasanit, me të cilin pati fituar titullin kampion. “Për ne është një ndeshje e vështirë ? shprehet Daja, ? sepse Elbasani në këto vitet e fundit është protagonist në futbollin shqiptar, duke qenë në pjesët e sipërme të renditjes, madje dhe në majat më të larta të saj. Kësisoj, kur dhe kemi barazuar dy herë me atë skuadër gjat` këtij kampionati, ndeshja është e vështirë”.

Përsëri rotacion në Kupë...

“Përpara Elbasanit, na duhet të mendojmë për ndeshjen e kthimit të turit gjysmëfinal të Kupës së Shqipërisë, me Vllazninë”, ka nisur të flasë Ilir Daja, duke përgatitur atmosferën që tani për sfidën e së mërkurës. “Shpresa vdes e fundit”, ka nënvizuar Daja, i cili beson te skuadra se edhe mund të bëjë mrekullinë e të kalojë në finale, ndonëse ndeshjen e parë e kanë humbur 0?4. Veçse dinamovitët, duke i vënë theksin kampionatit, do të kenë përsëri rotacion të lojtarëve në formacion. “Ne do të kërkojmë fitoren e ndeshjes së kthimit. Nëse do të arrijmë që pjesën e parë ta mbyllim me një rezultat 2?0, atëherë të jeni të bindur që dhe mund të bëjmë përmbysjen e madhe. Duket si e pamundur, por do të diskutojmë dhe me stafin teknik se deri në çfarë mase do ta bëjmë rotacionin në formacion për këtë ndeshje”, ka përfunduar Daja.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue Apr 22, 2008 3:09 pm Post subject:

Kuli: Jemi “lidhur nyje”, në Peqin duhej fituar
22 Prill

Bekim Kuli, kavajasi i Dinamos, ka mbetur i habitur se si skuadra kryesuese e kampionatit nuk ka fituar dot në Peqin. Sipas tij, nuk arrihet të shpjegohet nga askush, se ku u është “lidhur nyje” bluve. E vërteta është se dinamovitët, ata që kanë qenë deri më 2 shkurt më të fortët e transfertave, e kanë humbur këtë veti. Pas fitores më 2 shkurt, ndaj Besës në Kavajë, Dinamo më 16 shkurt ka barazuar me Tiranën në “Selman Stërmasi”, ku pritëse ishte skuadra bardheblu. Më pas ka humbur me Partizanin në “Qemal Stafa”, më 23 shkurt, me Besëlidhjen në Lezhë më 24 mars dhe me Kastriotin në Laç, më 5 prill, kurse pika e fundit në transfertë, në këto dy muaj e gjysmë, ishte kjo e së shtunës të kaluar në Peqin. “Sinqerisht ? thotë Kuli ? nuk mund ta shpjegoj. Nuk e di se si e do topin sulmuesi ynë që të shënojë, sepse i ka patur momentet shumë të mira, por golin nuk e ka gjetur. Kemi patur plot raste, të cilat i kemi humbur, edhe pse një atmosferë të tillë, si në Peqin, nuk kemi për të gjetur më asnjëherë dhe asgjëkundi. Atje gjithçka ishte normale për të luajtur e të vjen keq që nuk fituam. Po e vështirësojmë vetë këtë kampionat tani në fund”. Në të tilla kushte, dinamovitët janë duke i qarë dy pikët e lëna në Peqin, të cilat mund t’i kushtojnë shtrenjtë në luftën për titullin kampion.

“Me Elbasanin, për gjithçka”

Tashmë, blutë kanë nisur të mendojnë për ndeshjen me Elbasanin, që luhet të shtunën në “Selman Stërmasi”. Sipas Kulit, me verdheblutë do të jetë e vështirë, aq më tepër që edhe rivali i tyre i drejtpërdrejtë për titullin kampion, Partizani, nuk ka fituar dot. “Ne kemi luajtur dy ndeshje me ta ? ka shpjeguar Kuli, ? dhe në të dyja kemi barazuar. Tashmë është e domosdoshme që të fitojmë, sepse nuk pranohet më asnjë rezultat tjetër nga ana jonë. Jo vetëm këtë ndeshje, por të gjitha që vijnë më pas duhen fituar. Janë finale për Dinamon e secili prej nesh duhet të japë maksimumin e tij, sepse vetëm kështu mund të dalim kampionë”. Duke përfunduar, Kuli është shprehur: “Që titullin do ta marrim ne, kjo nuk ka diskutim, por s’kemi pse ta vështirësojmë deri në këtë masë, sa të torturojmë veten”.

Dinamo ? Vllaznia, në “Tofik Jashari”

Ndeshjen e kthimit, për turin gjysmëfinal të Kupës së Shqipërisë, ndaj Vllaznisë, Dinamo do ta luajë të mërkurën në stadiumin “Tofik Jashari” të Shijakut. Ka ndodhur kështu sepse, sipas administratorit të klubit, Ismet Saliaj, në “Selman Stërmasi” do të luhet ndeshja Tirana?Elbasani, gjysmëfinalja tjetër e Kupës. Më tepër se kaq, dinamovitët janë të detyruar të luajnë në Shijak edhe sepse, gjithnjë sipas Saliajt, drejtoria e stadiumit “Qemal Stafa” kërkonte 400.000 lekë të reja vetëm për këtë ndeshje.

Diob, i përjashtuar nga stërvtja

Në stërvitjen e djeshme, kur titullarët po bënin një lojë me dy porta në gjysmëfushë, trajneri Daja dhe senegalezi Diob kanë debatuar me njëri?tjetrin. Ka mjaftuar një gabim i senegalezit që Daja të merrte vendimin për ta larguar nga seanca stërvitore, kurse Diob duket se është mërzitur ngaqë nuk po aktivizohet. E vërteta është se në ndeshjen e kontrollit të javës së kaluar Diob ka qenë në formacionin titullar anti?Shkumbin, por me rekuperimin e Graniçit, senegalezi është ulur në stol. Aq më tepër që të mërkurën përsëri ai nuk do të luajë, sepse kështë i skualifikuar me karton të kuq për ndeshjet e kupës. Pas vendimit të trajnerit Daja, Diob është larguar pa folur e asgjë nuk është komentuar nga palët për këtë debat.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Apr 23, 2008 1:14 pm Post subject:

Sikur të fitojë Tirana”
23 Prill Pero Pejiç, sulmuesi i Dinamos shpreson dhe te dhurata bardheblu: Titulli fitohet edhe kështu

Pero Pejiç, sulmuesi kryesor i Dinamos, në këtë fundkampionat ka premtuar se do të shënojë gola të rëndësishëm, që do ta ndihmojnë këtë skuadër të fitojë titullin kampion. Sipas tij, pesë ndeshjet e mbetura deri në fund të këtij kampionati janë “finale” për blutë, të cilat duhen kaluar me sukses, sepse vetëm kështu mund të realizohet objektivi që ka vënë presidenti Sulaj, titulli kampion. Nga burime të mirëinformuara, mësohet se të huajt kanë marrë dhe këstet e tyre të kontratave të dielën, kështu që motivimi i tyre do të jetë më i madh në këtë fundkampionat. Ndaj dhe Pejiç premton gola, kur është i hidhëruar dhe nga fakti që në Peqin nuk ka shënuar dot në dy raste të pastra. “Fundi i këtij kampionati ? rrëfen Pejiç ? është vërtet i lodhshëm për ne, sepse të gjitha ndeshjet janë të vështira. Luajmë në shtëpinë tonë, por kjo nuk do të thotë se do ta kemi të lehtë. Fillimisht duhet të kalojmë Elbasanin, e më pas të mendojmë për derbin me Tiranën e ndeshjet në vazhdim. Të gjitha janë të rëndësishme për ne e duke bërë më të mirën kemi besim se do të shpallemi kampion”.

Merkato, “Nuk kam plane”

Pero Pejiç është ende pa plane për të ardhmen e tij në mbarim të këtij kampionati. Kroati shpreson të luajë me Dinamon dhe në Champions League e më pas të shikojë për veten. “Deri më tani nuk kam asgjë. Pres të mbaroj këtë kampionat, në mënyrë të suksesshme, e më pas dhe luajtjen në Champions League me Dinamon. Pastaj me të parë e me të bërë”, ka përfunduar Pejiç.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri Apr 25, 2008 6:33 pm Post subject:

Poçi: Barazimi nuk do të përsëritet më
25 Prill

Artion Poçi është optimist për ndeshjen e nesërme me Elbasanin, që do të luhet në “Selman Stërmasi”. Dinamovitët e kanë ndjerë forcën e skuadrës verdheblu në të dy fazat e këtij kampionati, kur kanë barazuar dy herë 0?0. Madje, në Tiranë, më 9 shkurt, nëse nuk do të ishte Kotorri, që ka shmangur pësimin e golave të sigurt, ndeshja mund të ishte humbur. Dhe Poçi e di fort mirë këtë, aq më tepër që verdheblutë psikollogjikisht janë mirë, sepse kanë fituar në mesjavë me Tiranën, për Kupën e Shqipërisë, edhe pse nuk u kualifikuan. Sipas fierakut të mesfushës dinamovite, tashmë nuk mund të pranohet rezultat tjetër përveç fitores me Elbasanin. “Ata janë kundërshtarë të fortë për ne ? thotë Poçi ? sepse në të dy ndeshjet që kemi luajtur na janë kundërpërgjigjur rrezikshëm. Në ndeshjen e fazës së parë, barazimi në “Ruzhdi Bizhuta” edhe pranohej, ndërsa në të dytën, kur e kam thënë dhe herë të tjera që kemi luajtur ndeshjen tonë më të dobët të këtij sezoni, barazimi nuk mund të falej. Tani jemi të “dënuar” të fitojmë”.

Pesë finale për t’u fituar

Deri në fund të kampionatit, dinamovitët kanë pesë ndeshje finale. Jo vetëm Poçi, por të gjithë blutë, pas zhgënjimit prej eliminimit të turpshëm në Kupën e Shqipërisë, e dinë fort mirë se të dalësh kampion duhet t’i fitosh të pesë këto ndeshje. “Ne do t’i marrim të gjitha ndeshjet me radhë, duke nisur që këtë të shtunë me Elbasanin, një skuadër që ka futbollistë cilësorë dhe që lufton fort për vendin e tretë. Por ne nuk mund të pranojmë tjetër rezultat, veç fitores, sikurse dhe në katër finalet e tjera deri në fund të këtij kampionati, nëse duam të jemi kampionë. Kryesorja është të kalojmë me sukses sfidën me verdheblutë”, ka përfunduar Poçi.

Derbin, me shenjën e barazimit

“Të shtunën, pas përfundimit të ndeshjes sonë me Elbasanin dhe asaj Partizani?Tirana, ne do të jemi të shkëputur në një diferencë prej katër pikësh. Për mendimin tim, derbi do të dalë barazim, sepse nuk është lehtë të mundet Partizani”, ka thënë Poçi. Megjithatë, në mëndje e çon dhe fitoren e Tiranës, pavarësisht se nuk e thotë. “Sigurisht, do të ishte mrekulli ? thotë Poçi, ? nëse Tirana do të fitonte, sepse shkëputeshim pesë pikë. Por dhe barazimi nuk do të jetë keq për ne. I bëjmë të gjitha këto llogari, duke qenë të bindur që do të fitojmë me Elbasanin. Ndryshe, s’kemi çfarë të komentojmë”.

Stërvitja, skuadra në dy pjesë

Blutë janë ndarë më dysh në stërvitjen e djeshme. Një pjesë e lojtarëve, të cilët kishin luajtur të mërkurën ndaj Vllaznisë, si Pema, Pisha, Kuli, Bodrusiç, Ferraj, Bejtaj, Peqini, Çela, por dhe Poçi, që ka pësuar një dëmtim në ndeshjen me Shkumbinin, kanë vrapuar rreth kodrave të Liqenit. Kurse lojtarët e tjerë, duke shtuar Allmuçën e Vincetiçin, të cilët luajtën në pjesën e parë të ndeshjes me Vllazninë, por dhe Ishka e Neza, që hynë në pjesën e dytë, kanë bërë një seancë të plotë.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sat Apr 26, 2008 1:50 pm Post subject:

Graniç: Eshtë koha për t’u shtrënguar
26 Prill “Nuk kemi se çfarë të presim më, por në këto pesë ndeshje duhet të sakrifikojmë, për t’i fituar medoemos”

Goran Graniç, qendërmbrojtësi i Dinamos, ka kërkuar nga të gjithë që të shtrëngohen për të bërë sulmin e fundit në këto pesë ndeshje, të cilat janë finale për blutë, në rrugën drejt titullit kampion. Sipas kroatit, sakrifica do të jetë një nga faktorët, që do t’ia zbardhë faqen Dinamos. “Eshtë fundi i kampionatit ? thotë Graniç ? dhe nuk kemi se çfarë të presim më, por duhet të shtrëngohemi fort për të fituar titullin kampion. Janë pesë ndeshje të vështira, të cilat, duke patur sakrificën tonë, do të mund të kalohen me sukses. Jemi të vetëdijshëm se të gjithë kundërshtarët na luajnë fort, sepse kërkojnë të marrin pikë. Por ne do ta tregojë forcën tonë, sepse kryesojmë me meritë”.

Graniç vlerëson sulmuesit verdheblu

Kroati i mbrojtjes dinamovite, Graniç, i ka vlerësuar sulmuesit e Elbasanit. Sipas kroatit, janë sulmues të shpejtë e të rrezikshëm. “Ne kemi luajtur dy herë me ta ? tregon Graniç ? dhe në të dy rastet e kemi patur vështirë, sidomos në “Selman Stërmasit”. Në atë ndeshje sulmuesit e tyre kanë krijuar raste të pastra shënimi. Janë të lëvizshëm, të shpejtë e të vështirë për t’u kapur. Kjo është pozitivja e Elbasanit, që e ka bërë këtë skuadër të renditet në shkallët më të larta të tabelë. Ne luajmë në fushën tonë dhe përpara tifozerisë sonë, kështu që do të bëjmë gjithçka për të fituar”. Graniç nuk ka dëshirë të parashikojë derbin Partizani?Tirana, por e ka mendjen vetëm te ndeshja e sotme me Elbasanin. “Puna jonë është të fitojmë me verdheblutë dhe në katër ndeshjet e tjera, që kemi deri në fund të kampionatit, nëse kërkojmë të marrim titullin kampion”, ka përfunduar Graniç.

Tekniku Daja hesht

Trajneri i Dinamos, Ilir Daja, ndryshe nga herët e tjera, dje nuk ka pranuar të flasë përpara ndeshjes me Elbasanin. Ish?trajneri i ekipit kampion në sezonin 2005?2006, për hir të së vërtetës duhet pranuar se e paska të vështirë që të përballet kundër Elbasanit. Kjo do të jetë sfida e parë e tij si trajner kundër skuadrë verdheblu, ndaj duket ka vendosur të heshtë. Sepse çdo fjalë e tij, ndoshta mund të merret keq nga tifozeria elbasanase. Dhe Daja nuk ka folur për të gjitha mediat sportive, si rrallë herë, ndonëse nuk është as i pari e as i fundit që ka drejtuar disa skuadra shqiptare. Daja ka heshtur dhe duhet respektuar mendimi i tij, por një rezultat ndryshe për Dinamon, në ndeshjen me Elbasanin, mund të jetë në të kundërt të qëndrimit të tij në pankinën blu.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu May 01, 2008 6:18 pm Post subject:

Daja: Në Kavajë del “2”!
1 Maj Trajneri i Dinamos, Ilir Daja, dje ka dalë hapur dhe ka kundërsulmuar të kuqtë. Sipas tij, kampi i të kuqve ka ditë që është duke u marrë me Dinamon, duke i cilësuar blutë “sistem”, apo skuadër që luan nëpër tavolina. Dhe përgjigja e Dajës ka qenë në formën e akuzës: “Meqë Partizani është skuadër e fushës dhe ne e tavolinës, sipas mendimit tim, ndeshja në Kavajë del “2”. Pra, fiton Partizani, sepse luan më “ndershëm” se ne, ndonëse deri më tani askush nuk na ka dhënë gjë. Janë duke u marrë më shumë me ne se me veten, sepse duan të mbulojnë atë që do të ndodhë realisht në Kavajë. Rezultatet tona janë të pastra, por të kuqtë, për të mbuluar të vetat, kur do të fitojnë në Kavajë, po hedhin baltë mbi ne. I bëj thirrje klubit tonë që të mos rrijë duarkryq, por të veprojë si Partizani, sepse kjo duket se është rruga e vetme për t’u shpallur kampion”.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu May 01, 2008 6:18 pm Post subject:

Kotorri: Pa “dhurata”, ne fitojmë me Tiranën
1 Maj Portieri i Dinamos, Elvis Kotorri, dje ka pohuar se blutë nuk presin dhurata të shtunën nga bardheblutë. Madje, është ndalur paksa te ndeshja tjetër, Besa?Partizani. “Ne nuk presim dhurata ? thotë Kotorri. ? por duam vetëm të luhet futboll i ndershëm në Kavajë, ashtu sikurse dhe Tirana do të luajë ndaj nesh. Sepse jemi të bindur që bardheblutë nuk do të lëshojnë, pavarësisht fjalëve që janë hedhur në qarkullim”. Sipas “gardianit” elbasanas, Dinamo, jo vetëm në derbin me Tiranën, por dhe në tri ndeshjet e tjera deri në fund, luan të gjithë sezonin. “Eshtë momenti ? pranon Kotorri ? që të gjithë të vemë shpirtin në fushën e lojës, për të nxjerrë me sukses këto ndeshje. Një gjë duhet të kemi parasysh: fanella e Tiranës peshon rëndë, pavarësisht se kush e vesh atë. Ndaj, përpara kemi një ndeshje të vështirë”. Madje, për Kotorrin nuk do të jetë një avantazh, që të mërkurën e ardhshme Tirana do të luajë finalen e Kupës së Shqipërisë. “Ata kanë një grup të kompletuar dhe çdo njëri prej tyre duhet vlerësuar. Megjithatë, këtë herë është radha jonë për të fituar, pasi trepikëshi na duhet medoemos për të mbajtur vendin e parë”. Pyetjes, se çfarë duhet të ndryshojë Dinamo, në krahasim me dy ndeshjet e para me Tiranën, për të fituar, Kotorri i është përgjigjur: “Së pari, kemi dy tabllo; në fazën e parë kemi bërë një ndeshje të mirë dhe jemi mundur, kurse në të dytën kemi luajtur shumë keq dhe e kemi pranuar barazimin si të ishte shpëtimi për ne. Tashmë është radha jonë për të fituar, por kuptohet, duke luajtur drejt në fushën e lojës, ashtu sikurse presim të ndodhë dhe në Kavajë”.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue May 06, 2008 2:13 pm Post subject:

Eurogoli i Pero Pejiçit. “çelësi” i fitores blu
6 Maj

Eurogoli i Pero Pejiçit, në të 57', duket se ka qenë “çelësi” i suksesit të bluve në derbin me Tiranën. Të paktën miku i tij, Goran Vincetiç, e ka cilësuar Pejiçin si “njeriun e fitores”, sepse i hapi rrugën Dinamos për të shkuar te trepikëshi, që e vendosi Kuli me gjuajtjen nga pika e penalltisë. Pejiç, për atë gol fantastik, ka marrë shumë falënderime, sidomos nga ata tifozë, të cilët kanë qenë prezent në stadiumin “Selman Stërmasi”. Madje, kryetifozi i bluve, Met Nallbani, thotë se një shtysë Pejiç e ka marrë dhe nga parrulla e varur në tribunën përballë “Gol Pejiç Gol”. Vetë Pejiç, me 18 gola që ka shënuar deri tani në kampionat, e pranon se ky ishte më i bukuri. “Edhe mua ? thotë Pejiç ? nuk më besohet se si arrita të shënoja në atë mënyrë. Ishte një gjuajtje fantastike, që portieri kundërshtar e kishte të vështirë ta devijonte. Në fund të fundit, bëra detyrën, sepse për këtë jam dhe sulmuesi kryesor i Dinamos. Kanë çfarë të mbajnë mend tifozët e Dinamos prej meje”. Duke u kthyer te ndeshja, edhe Pejiç pranon që me bardheblutë ka qenë e vështirë. Sipas tij, s’kishte arsye që të nënvlerësohej Tirana. “Nuk e di, por vetëm në 30 minutat e pjesës së dytë ne kemi qenë vetvetja. Një pjesë e parë e ngathët, kemi krijuar shumë raste për shënim dhe nuk i shfrytëzuam. Kurse në të dytën, Tirana nxorri “dhëmbët” e mund të na rrezikonte më tepër. Mirëpo gjetëm forca brenda vetes, barazova unë e shënoi Kuli dhe në fund tri pikët, që na mbajtën përsëri në krye”, ka nënvizuar Pejiç.

“Edhe me Besën, e vështirë”

Pero Pejiç e parashikon të vështirë ndeshjen me Besën, të shtunën në stadiumin “Selman Stërmasi”. Në fakt, në këtë sezon dinamovitët kanë fituar me kavajasit vetëm në stadiumin “Besa”, 2?0, kurse në “Qemal Stafa”, në të parën dhe të vetmen ndeshje që Dinamo provoi shansin në atë stadium si pritëse, më 20 tetorin e kaluar, blutë kanë barazuar 0?0. “Eshtë një tjetër ndeshje e fortë ? shpjegon Pejiç ? sepse të tilla janë ato në këtë fundkampionat. Besa kërkon të “vulosë” vendin e tretë dhe e dimë që nuk do të lëshojë ndaj nesh, por do të luajë për gjithçka. Ne duhet të bëjmë detyrën tonë dhe ta fitojmë këtë ndeshje, në mënyrë që të mos e humbasim kreun”.

“Golat, në funksion të skuadrës”Pejiç mund të jetë dhe shënuesi më i mirë i kategorisë superiore, sikur të shënojë nga një gol për ndeshje. Madje, i ka këto shanse, kur dhe Sinani i Vllaznisë ka pësuar një dëmtim të rëndë në kavilje. “Ajo është çështje personale. E kam thënë dhe herë të tjera, që golat e mi janë në funksion të skuadrës. A alë apo jo shënuesi më i mirë i kategorisë superiore, kjo pak rëndësi ka. Ndonëse do të më pëlqente t’i kisha të dy trofetë, titullin kampion si ekip dhe “Këpucën e artë” unë si golashënues”, mbyll Pejiç.

Goran Vincetiç, te Televizioni KOHA

Të shtunën në mbrëmje, në emisionin sportiv të Televizionit KOHA, ka qenë i ftuar mesfushori i djathtë i Dinamos, Goran Vincetiç. Paksa e habitshme, edhe sepse Vincetiç, sidomos këto javët e fundit, i ka refuzuar intervistat. “Do të flas vetëm në fundin e kampionatit”, pat thënë për të gjitha mediat Vincetiç. Fakti që ka dalë te Televizioni KOHA u duk sikur Vincetiç kishte ndryshuar mendje. Por, ai ka treguar se ishte në atë emision me urdhër të teknikut Daja.

Allmuça: Tifozë, ejani në stadium

Igli Allmuça i ka kërkuar dje kryetifozit të bluve, Met Nallbanit, që të mbledhë sa më shumë fansa të shtunën e 17 majit, në stadiumin “Selman Stërmasi”. “Kundërshtarin e rregullojmë ne, po ju a do të jeni sa më shumë në stadium? Sepse nuk do të kishte lezet titulli sikur të ishin 14.000 tifozë të Partizanit e 2000 të Dinamos. Ejani e mblidhuni sa më shumë”, ka bërë thirrje Allmuça për sportdashësit e Dinamos
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue May 13, 2008 2:43 pm Post subject:

Pollozhani: Gol në derbi, kënaqësi e madhe për mua
13 Maj

Artim Pollozhani e do një gol dhe në derbin e 17 majit me Partizanin. Mendon se duhet të kishte shënuar më tepër në këtë kampionat, kur ka realizuar një dopietë me Flamurtarin dhe një gol me Besën. Sepse i ka patur rastet, si me Elbasanin, ashtu dhe me Tiranën, por i ka munguar fati. Megjithatë, teksa është drejt përfundimit të afatit të huazimit te blutë, nga gjermanët e TUZ Koblenc, goli me Partizanin, sipas tij, mbyll gjithçka pozitivisht për të. Gjithsesi, Pollozhani kërkon të kalohet më parë me fitore ndeshja në Shkodër, ndaj Vllaznisë, mandej të mendohet për derbin e 17 majit. “Nëse fitojmë në Shkodër, atëherë luajmë me “qarin” sepse do të kemi dy rezultate në xhep, fitoren dhe barazimin. Por të kalojmë më parë Vllazninë, çka nuk do të jetë aq e lehtë...”

? Ka nisur java e “sulmit” për Dinamon; si e parashikon Pollozhani?

? Eshtë javë vendimtare për ne, për të realizuar objektivin kryesor, fitimin e titullit kampion. Janë dy ndeshje të forta, një të mërkurën në Shkodër, ndaj Vllaznisë, he tjetra ndaj Partizanit, të shtunën. Më parë se të shkojmë te derbi me të kuqtë, që sigurisht do të jetë epilogu i këtij sezoni, duhet të kalojmë Shkodrën. Një fitore atje na bën më të qetë për të menduar për derbin.

? Që tani për ndeshjen e 17 majit?

? Absolutisht jo! Nuk kemi ndeshje stërvitore, por do të luajmë ndaj Vllaznisë, e cila njihet për vlerat e saj. Nëse fitojmë në Shkodër, psikollogjikisht do të jemi më mirë për derbin me Partizanin, sepse, veç fitores, dalim kampionë edhe me barazimin. Por të gjitha këto parashikime zyrtarizohen vetëm pas së mërkurës.

? E keni parë tri herë Partizanin këtë sezon; çfarë keni ju më shumë se të kuqtë?

? Ne mbështetemi te kolektiviteti dhe loja në grup na ka dhënë rezultate. Duke e parë Partizanin në ndeshjen e kthimit të turit çerekfinal të Kupës së Shqipërisë, kam mendimin se ata mbështeten te loja me topa të gjatë në thellësi të mbrojtjes kundërshtare, duke kërkuar lojën në ajër. Kjo është pozitivja e tyre, kurse ne, me paraqitjen që kemi bërë deri tani, jemi me meritë në krye të renditjes.

? Keni shënuar tre gola në kampionat; a mund të kishit realizuar më tepër?

? Edhe mundet, sepse të paktën në ndeshjet me Elbasanin dhe Tiranën i kam patur rastet për shënim. Megjithatë, një gol me Partizanin, jo vetëm që e mbyll sezonin në mënyrë të shkëlqyer, por është si “kapak floriri” për të gjithë. Kështu shpresoj të ngjasë, të fitojmë me të kuqtë dhe të shënoj unë.

? Së fundi, diçka për përballjen me Vllazninë...

? Asgjë më shumë se sa fitorja nuk na bën punë. Pastaj, për të tjerat mendojmë vetë...

“Nuk e kam provuar shijen e titullit”

Pollozhani e ka për herë të parë një atmosferë të tillë në prag të fitimit të titullit kampion. “Nuk e kam shijuar ndonjëherë. Përpara dy vjetësh kam provuar vetëm finalen e Kupës së Maqedonisë, kur Shkëndija e Tetovës, me të cilën luaja unë, është përballur me Makedonian. Atëherë jam dëshpëruar, sepse e kemi humbur atë ndeshje në pesë minutat e fundit, nga 2?1 në 2?3. Kurse tani do të qesh dhe do ta ngrë trofeun e titullit kampion, së bashku me blutë e tjerë”.

“Në “Qemal Stafa”, si “thikë pas shpine”

Pollozhani ka mendimin se të luhet me Partizanin, më 17 maj, në stadiumin kombëtar “Qemal Stafa”, është njëlloj sikur ta godasësh Dinamon me “thikë pas shpine”. “E pse duhet të luajmë atje? Ne jemi pritës dhe do të luajmë në atë stadium, ku i kemi zhvilluar të gjitha ndeshjet e këtij kampionati, ndërsa në “Qemal Stafa” Partizani është më i avantazhuar. Do të ishte një vetëvrasje për Dinamon, aq më tepër që është veçse një ndeshje normale kampionati”. “Po spektakli?”, është pyetja që i drejtohet Pollozhanit: “Po thërrasim grupin Elita 5, i fusim një koncert te Pallati i Kongreseve dhe i kënaqim të gjithë. Unë kam bindjen që spektakli është i garantuar edhe në “Selman Stërmasi”, sepse ai është stadiumi ynë”.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Superliga	All times are GMT + 1 Hour Page Previous 1, 2, 3, 4, 5, 6, 7, 8 Next
Page 7 of 8