KS Dinamo Tirana

Partizani_One · Posted: Tue May 13, 2008 2:44 pm Post subject:

Blutë, masa në “Selman Stërmasi”
13 Maj Dinamovitët kanë nisur të marrin të gjitha masat për ndeshjen e 17 majit me Partizanin, teksa e kanë të prerë mendjen që nuk lëvizin prej “Selman Stërmasit”. “Pse duhet të lëvizim? emi lajmëruar Federatën, që më 17 maj, me Partizanin, do ta luajmë në “Selman Stërmasi”, sepse, jo vetëm që i kemi bërë të gjitha ndeshjet aty, teksa kemi dhe një kontratë bashkëpunimi me atë stadium”, ka bërë të ditur administratori Ismet Saliaj
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue May 13, 2008 2:44 pm Post subject:

Ja çfarë ofron Dinamo për Partizanin
13 Maj “Së pari ? thotë administratori Saliaj ? e gjithë tribuna përballë, që zë 3000 shikues, do të jetë për tifozët e Partizanit. Po kështu dhe anekset anash tribunave A e B. Çmimi i biletës do të jetë fiks në të gjithë tribunat e stadiumit, 500 lekë të reja. Në tribunën VIP, sipas rregullores, të kuqtë do të kenë 5-7 vende, që do të thotë një rresht i tërë. Veçse duhet që Partizani të konfirmojë emrat që tani, që të mos kemi probleme. Tribuna kryesore, në të dy anët (A e B), do të jetë e Dinamos. Tifozët blu do të pajisen me flamuj e tollumbace”. Por dinamovitët janë duke menduar dhe për spektaklin, para dhe pas ndeshjes, detajet e të cilit do të zbardhen në ditët në vazhdim.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri May 16, 2008 3:47 pm Post subject:

Daja: “Ja pse do të fitojmë ne”
16 Maj

Ilir Daja dje është treguar tepër i qetë dhe shumë i matur në deklaratat e tij në prag të derbit me Partizanin, të shtunën në “Selman Stërmasi”. Sipas Dajës, i gjithë grupi i lojtarëve është në dispozicion, ndonëse me Graniç ka vazhduar të stërvitet individualisht, kurse të dëmtuarit e tjerë kanë bërë fizioterapi me Ylli Mihalin. Daja thotë se është zgjedhur rruga e grumbullimit pranë plazhit të Durrësit, te hotel “Ylli i Detit”, sepse duhet një regjim ndryshe dhe kërkohet të ruhet kompaktësia e grupit. Dhe Daja bindet edhe me faktin tjetër se Dinamo do të jetë kampion, por vetëm duke e fituar këtë ndeshje, pavarësisht se dhe barazimi i bënë punë bluve.

? Sa e qetë është Dinamo përpara derbit me Partizanin?

? Aq sa vazhdojmë të jemi kryesues të këtij kampionati. Kemi gjatë gjithë kohës që e kemi ruajtur diferencën e pikëve në dy. Jemi përplasur katër herë me Partizanin gjatë këtij sezoni, prej të cilave, vetëm në një rast të kuqtë nga kanë mundur. Pavarësisht se ne shpallemi kampion dhe me barazimin, ne do të hyjmë në fushën e lojës për ta fituar ndeshjen. Kjo është e prerë.

? Përse keni zgjedhur këtë mënyrë grumbullimi larg Tiranës?

? Për të qenë grupi i futbollistëve më i lidhur me njëri?tjetrin, kur dihet që është ndeshja më e rëndësishme e sezonit. Për të mbajtur regjimin dhe mënyrën e të ushqyerit. Sepse të gjitha bashkë do të bëjnë që Dinamo të jetë e fortë në fushën e lojës dhe në fund të ngrejë trofeun e kampionit.

? Vazhdon të tensionohet situata duke u kërkuar “Qemal Stafa”

? Eshtë pak problem, sepse stadiumi “Selman Stërmasi” me aq sa pash, ato pak tifozë të Partizanit që ishin në “Qemal Stafa” me Skënderbeun nuk i zë. Ne që në fillim të kampionati ne e kemi patur fushën tonë “Selman Stërmasi” e ku mund të gjendet kurajo të thuhet që nuk luhet aty. Pastaj kalendari e ka caktuar që më parë 1 e pret dyshin. Për më tepër që është stadium i licensuar dhe nuk ka arsye të jepen ato arsye nga policia.

? Në anën teknike, çfarë keni ju më tepër se Partizani?

? Ne gjatë gjithë kohës kemi qenë në kryesimin e këtij kampionati, duke kryesuar me dy pikë diferencën. Eshtë udhëhequr kampionati prej nesh në 32 javë dhe tani që kemi ardhur në finish nuk do të ishte e mirë që të mos e ngrinim trofeun për t?_lin jam i bindur se e arrijmë. Ne kemi në gjirin tonë futbollistë cilësorë, të cilët janë në funksion të plotë të skuadrës. Jemi më të qetë se Partizani, sepse kemi dy rezultatet në xhep, kur dalim kampion dhe me barazimin. Por nuk do të hymë në fushën e lojës me mentalitetin të ruajmë barazimin. Kampion duke fituar.

? Sa gati është Graniç dhe Allmuça për ekipin?

? Graniç ka bërë stërvitje të diferencuar, teksa ka vrapuar te pishat buzë detit. Të tjerët që janë të dëmtuar kanë bërë fizioterapi me Ylli Mihali. Por si Graniç, ashtu dhe futbollistët e tjerë do të jenë në dispozicion të ekipit për ta ngritur lart trofeun e kampionit.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri May 16, 2008 3:47 pm Post subject:

Ky Abraham është titulli vetë
16 Maj Duhet të jetë një shenjë e fatit. Dinamo kur e mori në verë ndoshta nuk e mendoi një gjë të tillë. Që ky lojtar qenka një hajmali më vete. Historia e nigerianit i cili është ngulur në Shqipëri është thjesht një histori kampionësh. Qoftë edhe rastësisht duhet respektuar. Kur luante me Pogradecin e pikasi Elbasani. Dhe të dy bashkë, Abraham e Elbasan u shpallën kampionë. Një vit më vonë Tiranë përfitoi shërbimet e tij dhe arriti të ngrinte trofeun. Dinamos i duhej dikush në krahë të majtë, për të shkuar te titulli sigurisht dhe e gjeti zgjidhjen. Lojtari me ngjyrë që flet mirë shqip kërkon të thotë sërish “Unë jam kampion”. Ajo që e ka ndarë mendjen edicionin e ardhshëm për të arritur të njëjtin objektiv le ta blejë.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri May 16, 2008 3:47 pm Post subject:

Allmuca: “Fitorja ndaj Partizanit, per një inat personal”
16 Maj “Finalja” e Kampionatit të 69?të Kombëtar të Futbollit, ajo midis dy kryesueseve: Dinamos e Partizanit, ka ndezur jo vetëm tifozeritë respektive, por ka rritur adrenalinën edhe të protagonistëve të superderbit. Mesfushori produktiv i Dinamos, Igli Allmuça, e ka kaluar gati në planin personal sfidën me ish?skuadrën ku është formuar si futbollist. “Dëshiroj ta fitoj këtë trofe, pikërisht kundër Partizanit, për një inat personal që kam ndaj tij. Nga kjo skuadër jam larguar padrejtësisht”, ? tha për TV Klan ish?lojtari, që u shpall kampion sezonin e fndit me Tiranën.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri May 16, 2008 3:48 pm Post subject:

Reagimi i Dinamos: Partizani të bëjë kërkesë për bileta
16 Maj Drejtuesit e Dinamos kanë deklaruar që drejtuesit e Partizanit duhet të bëjnë kërkesë deri në ditën e premte për numrin e biletave që kërkojnë dhe më pas të shqyrtohet kjo mundësi: “Ne e dimë që Partizani ka më shumë tifozë dhe ata duhet të bëjnë kërkesë zyrtare për bileta. Në rast se nuk bëhet kërkesa deri ditën e premte, atëherë ne do t’i hedhim biletat në treg të lirë”. Një biletë pritet të kushtojë 500 lekë të reja.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sun Jun 01, 2008 2:45 pm Post subject:

Merkato e bluve, heshtje e plotë
31 Maj Dinamovitët janë duke e zhvilluar në heshtje të plotë merkaton e verës. Të paktën kjo është filozofia e punës edhe e zëvëndëspresidentit të Dinamos, Avni Braçe, i cili është përgjegjësi direkt për merkaton e bluve. Sipas Braçes, çdo fjalë e thënë, se do të merret ky futbollist, apo do të iki ndonjë tjetër, nuk është gjë tjetër veçse një prishje e planeve që ke hartuar. “Kështu që ? thotë Braçe për “Sport Ekspres”, ? do të ndjekim stilin që kemi patur sezonin e kaluar, kur i kemi marrë pa u ndierë ata lojtarë që deshëm. Kur të mbarojë gjithçka, do t’i bëjmë të ditur dhe për gazetat sportive”. Megjithatë, edhe pse e përcjellë nga heshtja, nuk mungojnë të dalin edhe emra konkretë.

Blutë, kontakte me Hykën

Nuk është më “kapitull i mbyllur” çështja e ofertës për Jahmir Hykën, për të ardhur te Dinamo kampione qoftë dhe si përforcim për Champions League. Nëse ditë më parë, presidenti i Dinamos, Besnik Sulaj, e pat mohuar të ketë patur kontakte me Hykën dhe me Bogdanin, ditët e fundit gjërat janë bërë më konkrete për futbollistin bardheblu. Burime të besueshme të thonë se, të enjten paradite, Hyka ka biseduar me zëvendëspresidentin Braçe, me të cilin ka patur dhe tre kontakte të tjera po dje. Oferta e Dinamos është në dorën e Hykës, por mesfushori shtatëshkurtër, edhe duke patur propozime sa nga kampionati kroat, aq dhe në Gjermani, ende nuk ka dhënë përgjigje. Madje, për momentin, Hyka ndodhet në Gjermani. Gjithsesi, për t’u nënvizuar është fakti se dinamovitët e kanë vënë në “listë” Hykën, paçka se deri tani nuk deklarohen, kur kërkojnë t’i thonë gjërat atëherë kur të jenë mbyllur.

Abraham, oferta nga Ukraina e Arabia Saudite

Menaxheri i FIFA?s, Gëzim Mançe, ka bërë të ditur për gazetën “Sport Ekspres” se për nigerianin Abraham Alechenu ka oferta edhe nga jashtë Shqipërisë. “Janë dy pista ? thotë Mançe, ? një në Ukrainë dhe tjetra nga Arabia Saudite. Ashtu sikurse ekziston pista e Arabisë Saudite edhe për Pemën. Por nuk mund të themi ende gjë konkrete”. Madje, Mançe thotë se duhet pritur, sepse të gjithë janë me pushime. “Të paktën deri më 10 qershor ? shpjegon Mançe për gazetën tonë ? nuk mund të themi asgjë. Sepse edhe duhet të likuidohen financiarisht me drejtuesit e Dinamos, më pas të shohin ofertat. Ato ekzistojnë, si për Abrahamin, ashtu dhe për Pemën, madje edhe për Allmuçën. Por vetëm pas 10 qershorit mund të ketë gjëra më konkrete”. Kështu, lojtarët blu vazhdojnë pushimet, kurse merkatoja e Dinamos, me pistën konkrete për Hykën si përforcim në Champions League, duket se është duke u bërë në heshtje të plotë. “Pasi t’i mbyllim, do t’i deklarojmë” këmbëngulin blutë.

Dario Bodrusiç, “firoja” e parë

Nga Dinamo, ende pa nisur mirë zyrtarisht merkatoja e verës, e cila hapet të dielën për të përfunduar më 31 gusht, është larguar futbollisti i parë. Fjala është për mbrojtësin kroat Dario Bodrusiç, i cili të enjten në mbrëmje ka firmosur kontratën e re me HNK Rijekën. Kontrata e Bodrusiçit me Dinamon ka qenë vetëm gjashtëmujore, kurse me Rijekën ka firmosur për dy vjet. Për të qenë korrekt me drejtuesit e Dinamos, Bodrusiç ka patur një telefonatë me zëvendëspresidentin e bluve, Avni Braçe, i cili i ka dhënë “viston” për të firmosur kontratën e re me Rijekën. Bodrusiç pat ardhur te Dinamo në mesin e shtatorit, me menaxherin e tij Adrian Aliaj, dhe ka qenë titullar i formacionit blu. Edhe pse mbrojtës i majtë, kroati ka luajtur edhe në krahun e djathtë të prapavijës blu.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Superliga	All times are GMT + 1 Hour Page Previous 1, 2, 3, 4, 5, 6, 7, 8
Page 8 of 8