KF Besa Kavaje

admin · Administrator Joined: 10 Jan 2008 Posts: 1870 Status:

Tema e Beses

Partizani_One · Posted: Wed Jan 16, 2008 2:36 pm Post subject:

Kavaja, “karshillëk” Shkodrës
16 Janar Situata e krijuar në Shkodër mes klubit e bashkisë atje, i ka bërë kavajasit të kujtojnë se dy?tri vite më parë kanë kaluar edhe ata një periudhë të tillë. Të shkuara, të harruara. Aktualisht është krejt tjetër klimë, marrëdhëniesh. Fryma e bashkëpunimit dhe e mbështetjes reciproke është evidentuar dje, nga vetë presidenti i Besës, Nexhat Bizhdili. “Ia vlen të nënvizohet si mjaft pozitiv fakti se, për vitin 2008, Bashkia dhe kryebashkiaku shumë futbolldashës, Refik Rrugia, me dëshirën e vullnetin e mirë për ta shëndoshur gjendjen e futbollit, si një prej “ikonave” që ka Kavaja, kanë premtuar trefishimin e fondeve në mbështetje të futbollit”, tha presidenti kavajas.

Duket kështu e materializuar më së miri harmonia mes dy ortakëve të sh.a.?së ? themeluar që nga viti 2001 ? KF.Besa, përfaqësuar nga presidenti Bizhdili, që zotëron 67 për qind të paketës së aksioneve dhe bashkisë që mbulon 33 për qind.

Partizani_One · Posted: Tue Jan 22, 2008 10:51 am Post subject:

Kavajasit e nisin mbarë Fitojnë “triangolaren”
21 Janar

Në “valën” e përgatitjeve për gjysmën e dytë të sezonit, dje në Ulqin është organizuar një “triangolare” (ndeshje me nga 45 minuta lojë), ku morën pjesë Partizani, Besa dhe Shkumbini, skuadra që janë të sistemuara në të njëjtin hotel.

Fitorja e dytë ndaj Shkumbinit - Pasi kishte fituar të enjten një miqësore të plotë 90-minutëshe me Shkumbinin, dje skuadra kavajase ka fituar përsëri ndaj peqinasve, po 1-0, me gol të shënuar nga Romeo Hamzaj, në të 36', pasi mori topin nga Arben Nuhiji. “Skuadra jonë ka ardhur duke u përmirësuar në nivelin e lojës” pohoi në linjë telefonike drejtori administrativ i Besës, Ylli Teliti. Pavarësisht formatit me vetëm një pjesë loje nga 45 minuta, trajneri Starova, sipas Telitit, i aktivizoi të gjithë futbollistët që ka në këtë grumbullim. “Mund të theksoj se reparti i mbrojtjes është ndër më të mirët në këto miqësore të deritanishme, ku spikasin Ramadani dhe Hoxha, që ka luajtur në krahun e djathtë, pa harruar edhe formën e mirë të portierit Zendeli. Mesfusha është treguar punëtore. Ashtu si në ndeshjen e parë ndaj peqinasve, edhe dje loja e Arben Nuhijit ka qenë mjaft e mirë. Ndërsa me “qetësi olimpike” ka ditur ta shtyjë topin në rrjetë Romeo Hamzaj” ka vlerësuar Teliti. Si për ironi, të dy këta sulmues, pavarësisht formës së mirë që po tregojnë në miqësoret ulqinake, duket se janë në shënjestër në këto të ditë të mbetura të merkatos dimërore.

Barazim me Partizanin - Fitorja e ndeshjes së parë me Shkumbinin i dha mjaft moral Besës, që edhe ndaj Partizanit skuadra të tregonte impenjim në të gjitha drejtimet. Starova bëri një ndryshim në vendosje, kur nga 3-5-2 u kalua në 4-4-2. Edhe këtë ndeshje kavajasit mund ta kishin fituar, nëse kroati Staniç, i ardhur vetëm katër ditë më parë, apo dhe Bledi Mancak do të tregoheshin më të shpejtë në finalizim. Mbrojtja luajti me shumë kujdes dhe i zmbrapsi mjaft mirë disa sulme që ndërmori skuadra e kuqe. Ndonëse e ka shprehur merakun e moskompletimit me futbollistë të tjerë, që janë premtuar se do të vijnë në këtë merkato dimri (një kongolez dhe dy kroatë), si dhe ndonjë kthim ende të mundshëm të dyshes sulmuese Endene Elokan e Herby Fortunat), Starova i ka përgëzuar lojtarët e tij për lojën e mirë dhe mobilizimin e kënaqshëm që kanë treguar deri më tani. Përsa i takon sulmuesit kroat, shtatlartit Staniç, duket se në ditët e mbetura loja dhe në përgjithësi gjendja e tij do të vëzhgohen edhe më imtësisht, derisa të vendoset, nëse do të qëndrojë ose jo në skuadër.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Jan 23, 2008 9:20 am Post subject:

Starova: Të vonuar në lëvizjet në merkato
22 Janar Urimin nëpërmjet telefonit, për fitoren në “trekëndoren” stërvitore të së dielës, trajneri i Besës, Sulejman Starova, e priti mirë por edhe pak me humor. “Fituam, - tha Starova, - por s’morëm ndonjë kupë, pa thënë premio, që në fakt ishte shpërndarë simbolikisht një natë para ndeshjeve me Partizanin dhe Shkumbinin”. Megjithatë, tekniku u tregua i gatshëm t’i përgjigjej interesimit tonë, lidhur me ecurinë e Besës në Ulqin.

- Starova, si është gjendja e skuadrës suaj në Ulqin?

- E mirë. Por mund të ishte edhe më e mirë.

- Në ç’kuptim?

- Jo për kushtet, që i kemi ideale, as dhe për përballimin e ngarkesave stërvitore, por në lidhje me kompletimin më të shpejtë me lojtarë, që janë premtuar se do t’i kemi. Vonesa e tyre sigurisht që na vështirëson punën, për t’i vlerësuar nëse do t’i duhen apo jo skuadrës, për më tepër që 2 shkurti po afron.

- Ju duket shenjë pozitive fitorja e “trinagolares” ulqinake ndaj Partizanit e Shkumbinit.

- Fituam, por s’morëm ndonjë kupë (qesh). Ishte një “turne” modest, por i rëndësishëm për ne, për të njohur gjendjen e skuadrës.

- Çfarë mund të thoni për merkaton?

- Këto lëvizje të deritanishme nuk mund t’i konsideroj definitive.

- Presidenti Bizhdili ka deklaruar se do të vijnë edhe dy kroatë dhe një mesfushor kongolez...

- Përderisa nuk janë akoma në skuadër, nuk kam se çfarë të them.

- Jeni shprehur se ju ka shqetësuar mungesa e lojtarëve si Elokan dhe Fortunat...

- Besës së tanishme i duhen mjaft lojtarë të këtij kalibri. Nëse do t’i kishim, atëherë dhe objektivat tona do të ishin në tjera nivele, në kampionat e në kupë.

- Nga ky konstatim, a nuk “tronditet” besimi te pjesa tjetër e lojtarëve?

- Asapk. Skuadra jonë ka lojtarë me bagazh tekniko - taktik e me përvojë të mirë. Por Fortunat dhe Elokan luanin si lider. Nga kjo pikëpamje, te pjesa tjetër e grupit, me ndonjë përjashtim të vogël, ende nuk kemi arritur të fitojmë futbollist të këtij niveli.

- Veç “triangolares”, më parë keni fituar një ndeshje me Shkumbinin...

- Jam i kënaqur me miqësoret e luajtura, me seriozitetin dhe angazhimin në respektimin e detyrave të dhëna. Kemi shënuar vërtet pak, por edhe nuk kemi pësuar asnjë gol. Diçka mendoj se po funksionon, sidomos në prapavijë.

- Para se të ktheheni në Kavajë, të shtunën e kësaj fundjave, do të luani ndonjë miqësore tjetër?

- Mirë do të ishte. Por ende nuk kemi vendosur, as nuk kemi marrë ndonjë ftesë nga ekipet që janë këu në Ulqin.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Fri Jan 25, 2008 1:42 pm Post subject:

Arben Nuhiji shënon,kavajasit të kënaqur
24 Janar Në vazhdim të përgatitjeve në Ulqin, skuadra kavajase dje ka arritur të fitojë një tjetër miqësore, këtë herë ndaj Petrovac, që mban vendin e shtatë në kampionatin e kategorisë së parë të Malit të Zi. Golin e ka shënuar sulmuesi me përvojë, shqiptari 35-vjeçar nga Maqedonia, Arben Nuhiji, që ka realizuar nga pika e 11-metërshit në të 30'. Penalltinë e ka fituar fantazisti i mesfushës, Enkel Alikaj, i cili dje, siç u informuam me telefon nga Ylli Teliti, drejtori administrativ i KF Besa, ka qenë lojtari më i mirë në fushë, së bashku me mbrojtësin shtatlartë Erand Hoxha dhe Nuhijin.

Nuhiji, paraqitje impresionuese - Në të gjitha ndeshjet miqësore stërvitore të këtyre 10 ditëve, në Ulqin, ka rënë në sy forma shumë e mirë e sulmuesit 35-vjeçar Arben Nuhiji, duke na kujtuar paraqitjen mbresëlënëse thuajse të së njëjtës periudhë të vitit të kaluar, kur u bë pjesëtar i Besës dhe kishte arritur të shënonte tre gola “zyrtarë”: një dopietë në ndeshjen e hapjes së gjysmës së dytë të kampionatit të kaluar, ndaj Luftëtarit (3-1) dhe një në fitoren ndaj Apolonisë (2-1) me 11-metërsh. Por kishte shënuar edhe në kupën e Shqipërisë, ndaj Shkumbinit, në turin gjysëmfinal. Edhe në përgatitoren ulqinake Arben Nuhiji po sfidon moshën e tij (më 27 shkurt mbush 36 vjeç), por momentlisht ai po kalon një “rini të dytë”. Shënoi në miqësoren e parë ndaj Shkumbinit dhe dje sërish tregohet i saktë në ekzekutimin e 11-metërshit.

Piter do të vijojë testin - Ndryshe nga kroati shtatlartë Timoslav Staniç (2.02 metra), të cilit, kur u paraqit në rezidencën provizore të kavajasve në Ulqin, i vunë nofkën “basketbollist”, duket se serbit Piter, pavarësisht moshës 32-vjeçare, do t’i jepet më shumë kohë që të testohet. Në miqësoren e djeshme serbi luajti gjatë gjithë 90 minutave dhe informacionet e para saktësojnë se bëhet fjalë për një sulmues me shumë përvojë, por që ka mangësi në gjendjen fizike, ndërsa u përshtat mirë me skuadrën në planin taktik. Piërisht për këtë arsye, Starova ka menduar t’ia zgjasë afatin e testimit deri në fund të këtij muaji, pasi Piter mund të jetë një alternativë për sulmin e Besës.

Prapavija e Besës e “blinduar” - Një nga repartet, që duket se ka zënë vend mirë në këto ditë përgatitore të Besës në Ulqin, është mbrojtja, kur Starova duket i kënaqur nga forma e treguar prej futbollistëve të prapavijës. Ndonëse mungon një nga pikat më të rëndësishme të mbrojtjes, kapiteni Andi Lila, që së bashku me mesfushorin Emiljano Veliaj ndodhen në zborin e trajnerit holandez Han, Starova ka parë angazhimin shumë serioz të Ramadanit dhe të Hoxhës, që janë vërtet në formë, sikundër ka patur alternativë të suksseshme kosovarin Leridon Leci dhe fierakun me përvojë Ilirjan Mërtiri. Nga ana tjetër, pritet që më 29 janar të vendoset për faljen e Dragushës. Nana është larguar para kohe për në Kavajë, për shkak të gjendjes së zgjatur gripale.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sat Jan 26, 2008 12:38 pm Post subject:

Besa plot ambicie, sot kthehet nga Ulqini

Feriz Ferizaj
25-01-2008
Mail Print

Kavajasit i japin fund përgatitjeve në Ulqin, duke u kthyer plot ambicie si në fillim të sezonit
Pas Partizanit, është ekipi i Besës ai që sot do t'i japë fund përgatitjeve në tokën malazeze. Sot paradite do të zhvillojë një seancë stërvitore dhe në mesditë do të marrë rrugën e kthimit. Ekipi do të mbërrijë në mbrëmje në Kavajë dhe do të vazhdojë të jetë i grumbulluar në rezidencën e tyre në hotel "Besa". Faza përgatitore që Besa zhvilloi në Ulqin kaloi mes jo pak hamendjesh, kënaqësive, por edhe pakënaqësive të stafit. Kjo pëkënaqësi e stafit, e shprehur nga trajneri Starova, ka të bëjë me mërkaton e premtuar nga Bizhdili. Më shumë, meraku i Starovës, kishte të bënte me të huajt e Besës, që deri më tani vetëm Bikoula Nana ka mbërritur, edhe ai në Kavajë e jo Ulqin. Në të gjithë fazën përgatitore, me gjithë kushtet ideale, përsëri ekipi nuk arriti të ishte i plotësuar në organikën e tij. Dihet se Lila e Veliaj ishin të grumbulluar me kombëtaren B. Po kështu, Fortunat, Nana nuk iu bashkuan grupit. Pa folur për Elokanin dhe Abdullanë, tashmë përfundimisht jashtë Besës. Në këtë situatë, trajneri Starova zhvilloi stërvitjen pothuajse me atë kontigjent që u nis, me përjashtim të tre ardhjeve, Lecit, Mërtirit dhe Progrit. Në kampingun kavajas u provuan edhe një kroat e një serb. I pari nuk e kaloi klasën, dhe i dyti nuk është çudi të ketë të njëjtin fat. Kjo situatë detyroi trajnerin tiranas të shprehej se ky grup nuk i përmbush dot objektiva,t që janë lufta për titull e kupa. Starova edhe mundet të ketë të drejtë, por atij i duhet kujtuar se vetëm Elokani, nga kontigjenti kavajas, mungon nga ai grup, që udhëhoqi për disa javë kampionatin. Madje ky grup futbollistësh tregoi mjaft vlera me rivalët e saj, duke i mundur të gjithë. Si për rastësi, ka qenë vetë Starova në krye të ekipit, kur Besa rrrëshqiti poshtë e më poshtë. Atëherë kush më mirë se "Bobi" duhet të kërkojë shkaqet e këtyre humbjeve, kur kolegu i tij Dumiresku ia la ekipin në vendin e parë, me vetëm një humbje në Peqin, dhe ajo e rastësishme. E pra, me apo pa Elokanin e Fortunatin, Besa ka në gjirin e saj mjaft kualitete, të cilat nëse do t'u merret maksimumi, me siguri janë të denjë për vazhdimin e synimit të objektivit. Nuk besojmë se sulmues të tillë, si Nuhiji, Mancaku, apo edhe Progri, janë pak. Deklaratat e trajnerit Starova befasuan jo pak njerëz në Kavajë. Atëherë me çfarë objektivi erdhi "Bobi", kur ditën e parë të marrjes së detyrës deklaroi se e njoh këtë grup dhe besoj se ai mundet dhe i ka mundësitë të synojë titullin. Se çfarë ka ngjarë që ky grup nuk ia mbush më mëndjen "Bobit", këtë e di vetëm ai. Të ishte për një vend të 5-të apo të 6-të, atëherë nuk kishte nevojë për kaq investime nga presidenti Bizhdili. Presidenti, ndryshe nga Starova, është shprehur i bindur në aftësitë e këtij grupi dhe i bindur se Besa është e aftë të vazhdojë luftën për titullin. Ardhja e Progrit, Lecit e Mërtirit nuk janë pak, kur kujtojmë merkaton e ekipeve të tjera, përjashto Tiranën. Tifozëria kavajase pret me ankth datën 2 shkurt, kur përballë do të kenë jo pak, por vetë kryesuesen e kampionatit, Dinamon. Tifozëve u intereson vetëm fitorja dhe asgjë tjetër. Problemet e tjera u takon t'i zgjidhin Bizhdili me Starovën. Besa sot mbërrin në Kavajë dhe tifozët e saj, të organizuar së fundmi si kurrë më parë, kanë besim të plotë tek idhujt e tyre.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sat Jan 26, 2008 12:38 pm Post subject:

Besa plot ambicie, sot kthehet nga Ulqini

Feriz Ferizaj
25-01-2008
Mail Print

Kavajasit i japin fund përgatitjeve në Ulqin, duke u kthyer plot ambicie si në fillim të sezonit
Pas Partizanit, është ekipi i Besës ai që sot do t'i japë fund përgatitjeve në tokën malazeze. Sot paradite do të zhvillojë një seancë stërvitore dhe në mesditë do të marrë rrugën e kthimit. Ekipi do të mbërrijë në mbrëmje në Kavajë dhe do të vazhdojë të jetë i grumbulluar në rezidencën e tyre në hotel "Besa". Faza përgatitore që Besa zhvilloi në Ulqin kaloi mes jo pak hamendjesh, kënaqësive, por edhe pakënaqësive të stafit. Kjo pëkënaqësi e stafit, e shprehur nga trajneri Starova, ka të bëjë me mërkaton e premtuar nga Bizhdili. Më shumë, meraku i Starovës, kishte të bënte me të huajt e Besës, që deri më tani vetëm Bikoula Nana ka mbërritur, edhe ai në Kavajë e jo Ulqin. Në të gjithë fazën përgatitore, me gjithë kushtet ideale, përsëri ekipi nuk arriti të ishte i plotësuar në organikën e tij. Dihet se Lila e Veliaj ishin të grumbulluar me kombëtaren B. Po kështu, Fortunat, Nana nuk iu bashkuan grupit. Pa folur për Elokanin dhe Abdullanë, tashmë përfundimisht jashtë Besës. Në këtë situatë, trajneri Starova zhvilloi stërvitjen pothuajse me atë kontigjent që u nis, me përjashtim të tre ardhjeve, Lecit, Mërtirit dhe Progrit. Në kampingun kavajas u provuan edhe një kroat e një serb. I pari nuk e kaloi klasën, dhe i dyti nuk është çudi të ketë të njëjtin fat. Kjo situatë detyroi trajnerin tiranas të shprehej se ky grup nuk i përmbush dot objektiva,t që janë lufta për titull e kupa. Starova edhe mundet të ketë të drejtë, por atij i duhet kujtuar se vetëm Elokani, nga kontigjenti kavajas, mungon nga ai grup, që udhëhoqi për disa javë kampionatin. Madje ky grup futbollistësh tregoi mjaft vlera me rivalët e saj, duke i mundur të gjithë. Si për rastësi, ka qenë vetë Starova në krye të ekipit, kur Besa rrrëshqiti poshtë e më poshtë. Atëherë kush më mirë se "Bobi" duhet të kërkojë shkaqet e këtyre humbjeve, kur kolegu i tij Dumiresku ia la ekipin në vendin e parë, me vetëm një humbje në Peqin, dhe ajo e rastësishme. E pra, me apo pa Elokanin e Fortunatin, Besa ka në gjirin e saj mjaft kualitete, të cilat nëse do t'u merret maksimumi, me siguri janë të denjë për vazhdimin e synimit të objektivit. Nuk besojmë se sulmues të tillë, si Nuhiji, Mancaku, apo edhe Progri, janë pak. Deklaratat e trajnerit Starova befasuan jo pak njerëz në Kavajë. Atëherë me çfarë objektivi erdhi "Bobi", kur ditën e parë të marrjes së detyrës deklaroi se e njoh këtë grup dhe besoj se ai mundet dhe i ka mundësitë të synojë titullin. Se çfarë ka ngjarë që ky grup nuk ia mbush më mëndjen "Bobit", këtë e di vetëm ai. Të ishte për një vend të 5-të apo të 6-të, atëherë nuk kishte nevojë për kaq investime nga presidenti Bizhdili. Presidenti, ndryshe nga Starova, është shprehur i bindur në aftësitë e këtij grupi dhe i bindur se Besa është e aftë të vazhdojë luftën për titullin. Ardhja e Progrit, Lecit e Mërtirit nuk janë pak, kur kujtojmë merkaton e ekipeve të tjera, përjashto Tiranën. Tifozëria kavajase pret me ankth datën 2 shkurt, kur përballë do të kenë jo pak, por vetë kryesuesen e kampionatit, Dinamon. Tifozëve u intereson vetëm fitorja dhe asgjë tjetër. Problemet e tjera u takon t'i zgjidhin Bizhdili me Starovën. Besa sot mbërrin në Kavajë dhe tifozët e saj, të organizuar së fundmi si kurrë më parë, kanë besim të plotë tek idhujt e tyre.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Jan 30, 2008 5:26 pm Post subject:

Besa e dërgon Çështjen Fortunad në UEFA e FIFA
30 Janar Klubi i Besës e ka dërguar çëshjten “Fortunad” në UEFA e FIFA. Klubi verdhezi i ka dërguar një faks përshkrues dy institucioneve të futbollit ku i ka kërkuar më pas të dijë ç’të bëjë me këtë futbollist. ”Për ne është ende i pezulluar sepse figuron që ka luajtur në dy skuadra njëkohësisht. Fortunad u paraqit me Besën në Kupat e Evropës e më pas u zhduk për tu rikthyer në muajin dhjetor ku ka luajtur sërish me Besën kundër skuadrës korçare. Pas një investigimi të bërë doli që lojtari gjatë kësaj periudhe kishte luajtur në ligën finlandeze. Meqënëse flitet për të njëjtën kohë, del që ky futbollist ka pasur në federatat respektive dy kartona të veçantë gjë që është jashtë ligjeve futbollistike. Menjëherë sapo e konfirmoi një gjë të tillë, FSHF e pezulloi. ”Mesa di unë, Besa ka kërkuar nga isntitucionet e larta të sqarohet çështja”, tha dje Shulku.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Jan 30, 2008 5:28 pm Post subject:

Nana: “Nuk jam më vetëm, tani jam martuar”
30 Janar Fundviti 2007 dhe starti 2008-së, për mbrojtësin kamerunas të Besës, 28-vjeçarin Bikoula Nana do të mbahet mend gjatë. Sepse ia preu përfundimisht beqarinë. Dhe tani që është martuar, Nana është bërë më serioz. Flet tamam si burrë. Por, ky “ndryshim” nuk është i vetmi. Nana, në stërvitje dhe në lojë, po pëlqehet në rolin e stoperit. Kjo sepse, nga e majta e mbrojtjes, pas ikjes së Renato Arapit dhe ardhjes së kosovarit të shkathët Liridon Leci - e “qan” këtë rol - për Nananë, e vetmja mundësi për të qenë titullar te skuadra verdhezi është qendra. Pas seancës së djeshme, me shqipen që e ka mësuar tashmë, Nana di të përcjellë optimizmin e tij në prag të kryesfidës së kësaj jave Besa _ Dinamo...

- Nana, start me një sfidë të “nxehtë”...

- Thoni e nxehtë? Në fakt është periudha që bën ftohtë, por shpresoj që në fushë të shtunën kjo të mos ndihet. Duke e lënë mënjanë humorin, duhet pranuar se është vërtet një ndeshje shumë e fortë, por ne kemi një objektiv dhe vetëm një: ta fitojmë atë, pavarësisht shkallës së vështirësisë.

- Në fazën e parë, ndeshja në Tiranë është mbyllur me barazimin 0-0.

- Por mos harrojmë se në atë përballje ne ishim në renditje më mirë se Dinamo e kjo ndikoi në moralin e arritjes së barazimit, ndërsa momentalisht është krejt e kundërta. Përderisa Dinamo tani është e para dhe madje e shkëputur shumë me pikë nga ne, na duhet të luajmë me një angazhim shumë të madh.

- i pozicionuar si stoper, ju pëlqen ky rol?

- Po. Madje, shumë. Them se dhe mënyra e lojës sime i shkon për shtat më së miri. Duke patur një treshe mbrojtësish me vlera, si Lila nga e djathta, Ramadani si “libero” e Lecin nga e majta, them se prapavija e skuadrës sonë, duke përfshirë këtu dhe portierin po aq të mirë, Zendeli, është tepër e fortë.

- Ndiheni i vetmuar tani që tek Besa s’janë Elokan e Fortunat?

- Më vjen keq që, si njëri, ashtu dhe tjetri, nuk janë tani në ekip. Vërtet s’janë ata, por mos harroni se unë nuk jam vetëm edhe për një arsye tjetër. Jam martuar. Kam bashkëshorten time që sigurisht më ka bërë ta harroj vetminë.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Jan 30, 2008 5:29 pm Post subject:

epo te trashegohet Laughing

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Superliga	All times are GMT + 1 Hour Page 1, 2, 3, 4, 5, 6, 7 Next
Page 1 of 7