KS Beselidhja Lezhe

Partizani_One · Posted: Sat Apr 26, 2008 1:50 pm Post subject:

Gjyla: Gjithçka flet për ne!
26 Prill Ndryshe nga si është vepruar javët e fundit, Besëlidhja nuk është grumbulluar në pragndeshjen me Shkumbinin, edhe pse për lezhjanët është ndeshje delikate. Tekniku Gjyla, dje pasdite ka përfunduar përgatitjet e skuadrës dhe i ka shpërndarë futbollistët, për t’u takuar vetëm sot para ndeshjes, kur ai do të bëjë të ditur edhe emrat e 11 futbollistëve, me të cilët do të fillojë lojën. Sipas informacionit që na jep Gjyla, grumbullimi i skuadrës nuk është bërë me qëllim që futbollistët në këtë pragndeshje të mos ndihen nën tension, por të jenë sa më të lirë dhe të pangarkuar. “Duke parë ambientin shumë elektrizues të tifozerisë lezhjane, menduam që futbollistët t’i lëmë në shoqërinë tyre, për t’i motivuar më shumë. Kam ndërhyrë unë që të mos i ngarkoj kot futbollistët duke i izoluar në hotel, përkundër idesë së drejtuesve të klubit, të cilët kanë qenë të gatshëm të paguajnë çdo kosto të grumbullimit” ka rrëfyer tekniku lushnjar. Siç duket, Gjyla ka vlerësuar më shumë lënien lirshëm të futbollistëve, të cilët sot, sipas tij, do të jenë të çliruar nga çdo ngarkesë psikollogjike. Kështu e ka shpjeguar mungesën e grumbullimit të skuadrës tekniku Gjyla, i cili beson më shumë tek liberalizmi, ndërsa nuk ka asnjë dyshim se futbollistët e tij mund të abuzojnë me regjimin sportiv. Ndërkohë, ai i ka kërkuar kapitenit Toma që në këtë ndeshje të kontribuojë për skuadrën dhe, ashtu siç ishte thënë më parë, ai ka gjetur gatishmërinë e plotë të futbollistit, i cili ndiehet shumë mirë pas stërvitjes provë të djeshme. Toma, në stërvitjen e fundit, ka provuar disa herë të provokojë dëmtimin dhe më pas ka pohuar se është shumë mirë dhe i gatshëm të luajë. Ndërkohë, ka të ngjarë që mbrojtësi Ergys Malota të kalojë zëvendësues i parë, teksa Gjyla është i bindur të hedhë në fushë një skuadër sulmuese, ku do të përfshihen edhe Ivanaj e Përlleshi. Sipas tij, ndeshjes i është bërë hyzmeti për ta fituar. “Ne ? ka thënë Gjyla, ? duhet të fitojmë dhe jam i bindur se do ta arrijmë, pasi gjithçka flet në favorin tonë”.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu May 01, 2008 6:30 pm Post subject:

Lezhjanët besojnë mrekullinë
1 Maj Skuadra lezhjane, nën drejtimin e teknikut Gjyla, ka vazhduar të stërvitet me seriozitet. Duket se analiza e një dite më parë ka vlejtur që Besëlidhja të “shtrëngojë rripin” e të fokusohet në ndeshjet e tjera. Disiplina në stërvitjen e djeshme cilitdo i ka bërë përshtypje, ndërsa këtë heshtje tifozeria lezhjane nuk ka aspak dëshirë ta konsiderojë si dorëzim. Madje, për të mbështetur skuadrën dhe për të krijuar një situatë të ngrohtë, numri i tifozëve që e kanë ndjekur stërvitjen është rritur. Në një terren mjaft të mirë Gjyla dje ka zhvilluar “provën gjenerale” para ndeshjes me verdheblutë. E veçanta e stërvitjes së djeshme ka qënë përfshtirja në formacionin bazë të disa prej të rinjve, që Gjyla ka thirrur në skuadër kohët e fundit. Mbrojtësi Nikolli, që debutoi në superiore në ndeshjen ndaj Shkumbinit, ka luajtur gjatë gjithë kohës në testin e djeshëm, teksa Klaudio Burakut i është besuar të luajë mesfushë. Ata kanë spostuar në skuadrën e dytë futbollistët Malota, Kruja e ndonjë tjetër. Lezhjanët po i bëjnë hyzmetin vetëm alternativës më të vështirë, asaj të qëndrimit në superiore. “Ne nuk do të dorëzohemi deri në fund dhe mbajmë shpresat se çudia do të ndodhë. Skuadra ka forca për të bërë mrekullira, përballë kundërshtarëve që tani janë pozicionuar dhe nuk kanë shumë motiv për të luajtur” ka thënë ndihmëstrajneri Valentin Gjetja. Sipas tij, skuadra lezhjane udhëton drejt Elbasanit me kërkesa maksimale, për të përsëritur suksesin në fazën e dytë në “Ruzhdi Bizhuta”, kur pati fituar me rezultatin 2?1.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Kategoria e Pare	All times are GMT + 1 Hour Page Previous 1, 2, 3
Page 3 of 3