KF Tirana

Register · Status:

Partizani_One · Posted: Thu May 08, 2008 3:17 pm Post subject:

Mema: Nuk jam unë e keqja
8 Maj Trajneri Mema është një dribules i shkëlqyer. Që do të thotë se praktikisht thotë vetëm ato që dëshiron të thotë. Si përshembull kur nuk shpjegon se përse donatorët arrijnë deri aty sa në sytë e tij përjashtojnë në pushimin e një ndeshjeje lojtarët nga skuadra. Kjo është për t’u diskutuar, sepse Mema mbrohet ndoshta me një fenomen shqiptar”. Gjithësesi, Mema ka kurajon të tregojë atë që ka ndodhur. “Po e nis me Duron. Përpara ndeshjes kam folur gjatë me të. Nuk ka qenë me kondicionin e tij më të mirë sepse ka qenë i sëmurë dhe kisha dyshime. Më premtoi se do luante mirë. E pashë pjesën e parë me vëmendje dhe mund t’ju them që nuk bëri ato gabime që prisja unë. Domethënë si i sëmurë mund të mos kishte ndonjë gjuajtje të mirë, por ai nuk u soll mirë taktikisht në fushë. Vendosa ta largoj pjesën e dytë. Më pas erdhën donatorët dhe vendimeve të mia shtuan edhe atë të Vrapit. Unë them se nuk jam unë e keqja e Tiranës, megjithatë nëse pa mua Tirana është më mirë, iki. Mbaj përgjegjësinë për kampionatin më të keq bardhelbu në këto 15 vitet e fundit, pavarësisht se nuk e mora që në fillim skuadrën. Një gjë po ju them, që edhe nëse do kishim fituar këtë kupë ekipi dhe lojtarët do të ndryshonin”. Por jo kështu Mema, jo kështu. Në rastin më të natyrshëm një lojtari i thuhet faleminderit dhe mirupafshim. Ta akuzosh pa pasur asgjë në dorë, nuk shkon
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Thu May 08, 2008 3:18 pm Post subject:

Donatori Nuri shfryn kundër impenjimit të skuadrës
8 Maj

“Lojtarët s’e meritojnë fanelën”

“Kurrësesi nuk e prisnim një disfatë të tillë në finalen e Kupës. Jemi të zhgënjyer totalisht. Këta futbollistë nuk e meritojnë të mbajnë fanellën e bardheblu. Në këto çaste vërtet dëshpëruese unë personalish u kërkoj falje të gjithë tifozëve e dashamirësve tëTiranës, që këtë sezon edhe pse u përpoqëm e bëmë gjithçka nuk arritëm asnjë nga objektivat. Veçmas kësaj jam i gatshëm të pres çdo verdikt të futbolldashëve të Tiranës, të cilët arsyetojnë që ne donatorët këtë sezon futbollistik nuk e kemi kryer ashtu siç duhet detyrën tonë, megjithse jam totalisht i ndërgjegjshëm që futbollistëve të Tiranës nga ana e jonë nuk u ka munguar asgjë. Madje, do të thoja që në këtë rast, pra me këtë mosimpenjim në një finale të tillë ku luhej i gjithë sezoni, unë do t’i quaja ata vërtet bukëshkalë. Kurrsesi nuk e meritonte Tirana si qytet, futbolldashësit e saj të kulturuar e të gjithë ne që i jemi gjendur pranë ekipit në çdo moment një “shpërblim” të tillë, një shpërfytyrim të paparë, si të mos ishte ajo Tiranë, që vetëm pak ditë më parë e ndëshkoi këtë skuadër me pesë gola. Tashmë pas kësaj që ndodhi, sepse futbolli i tilli është, në brëndësi i ka të gjithë si gëzimet e triumfet, ashtu edhe disfatat e hidhërimet, gjithçka tek Tirana duhet nisur që nga “rrënjët”. Thjesht skuadra duhet ndërtuar nga e para”.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Tue May 13, 2008 2:46 pm Post subject:

Tirana, kërkesë në FSHF. “Han, mos e merr Duron!”
13 Maj Një kërkesë shumë e çuditshme dhe nga ana tjetër shumë e pakuptimtë, ndoshta më e pakuptimta që mund të ketë ndodhur ndonjëherë në futbollin tonë, ka mbërritur dje në Sektorin e Ekipeve Kombëtare, në Federatën Shqiptare të Futbollit. Kështu, klubi i Futbollit Tirana, me anë të një letre zyrtare, me firmë e me vulë të klubit, i ka kërkuar FSHF?së, ose më saktë, sektorit të ekipeve kombëtare, që dy lojtarët e pezulluar të Tiranës, Klodian Duro dhe Endri Vrapi, të mos grumbullohen me përfaqësuesen, nbë Reutlinger të Gjermanisë. Shkaku i kësaj kërkese: “Këta dy futbollistë kanë prishur imazhin e KF Tirana dhe të futbollit shqiptar dhe për këtë arsye janë të pezulluar nga klubi i tyre, çka duhet patjetër të reflektohet edhe në kombëtaren shqiptare”. Kanë qenë këto pretendimet e drejtuesve bardheblu, për dy futbollistët, të cilët trajneri holandez i Shqipërisë, Ari Han, i ka thërritur nën “armë” për grumbullimin e fundmajit, ku përfaqësuesja kuqezi do të grumbullohet 10 ditë në Reutlinger të Gjermanisë. Ndërkohë, drejtuesit e FSHF?së nuk kanë asnjë lloj përgjigje për këtë kërkesë, teksa dje, vetëm sa e kanë bërë atë publike. Sipas burimeve të brendëshme në FSHF, një kërkesë e tillë është komplet e pakuptimtë, pasi nuk ka asnjë lidhje ndërmjet pezullimit të tyre me Tiranën dhe me kombëtaren. Pra, një futbollist nuk mund të pezullohen nga kombëtarja, pavarësisht se ai akuzohen nga klubi i tij, e aq më tepër kur nuk ekziston asnjë fakt, lidhur me këtë akuzë. Një kërkesë, e cila ka shtangur të gjithë, sidomos në “adresë” të Duros, i cili, në ndryshim nga Vrapi është edhe lojtar stabël i kombëtares shqiptare, madje titullar edhe kur nuk ka patur skuadër. Megjithatë, pavarësisht kësaj çudie, duket se FSHF nuk ka ndërmend të ndërmarrë një hap të tillë.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sun Jun 01, 2008 2:46 pm Post subject:

Gjini: Trajneri? Javën e ardhshme
31 Maj

Ka disa ditë, fill pasi në postin e presidentit u ul donatori Refik Halili, kontaktet e drejtorit të FK Tirana, Eduard Gjini, me njëshin e klubit bardheblu kanë qenë të përditëshme. “Kjo është mëse normale, ? shprehet Gjini, ? kur në fokus detyra kryesore dhe më imediate është përzgjedhja e kreut të pankinës. Natyrisht, fjalën e fundit në këtë drejtim do ta ketë presidenti Halili, por puna e do që këto ditë kontaktet tona të jenë të vazhdueshme”. Sipas asaj që thotë Gjini, në tavolinën e presidentit Halili janë tashmë kandidaturat e para për postin e trajnerit të skuadrës bardheblu. Edhe pse në media janë bërë prezente disa kandidatura, Gjini nuk prononcohet për asnjë prej tyre, përfshi dhe Artan Bushatin, që një ditë më parë u konsiderua si më i mundshmi. “Tani për tani, ? e shtyn bisedën drejtori Gjini, ? asnjë emër nuk mund të bëhet i ditur nga ne. Kryesia e klubit dhe tre donatorët e tjerë, në mbledhjen e fundit i lanë një javë afat presidentit Halili, që të vendosë për trajnerin. Kështu, gjasat janë të shumta, që deklarimin e emrit presidenti ta bëjë në ditët e para të javës së ardhshme”, ka mbyllur prononcimin drejtoi i FK Tirana, Eduard Gjini.

Muça, menaxher futbolli

Shkëlqim Muça, ish?sekretari i FK Tirana, i cili më 3 mars të këtij viti, dy ditë pas disfatës së rëndë (1?4), që pësoi skuadra në derbin me Partizanin, pati deklaruar dorëheqjen e parevokueshme nga posti i zyrtarit, ka disa ditë që ka hapur në kryeqytet studion e tij si menaxher futbolli. Futbollisti i shquar i skuadrës bardheblu dhe i ekipit kombëtar, trajner me disa skuadra, si Teuta, Besa, por shumë i suksesshëm me Tiranën, në pankinën e së cilës ka fituar tre tituj kampionë dhe disa Kupa e Superkupa të Shqipërisë, Shkëlqim Muça, me këtë nismë të ndërmarrë, duket se nuk ka ndërmend të rikthehet më në “timonin” e ndonjë skuadre. Përvoja e gjatë nëpër pankina dhe në postin e zyrtarit të klubit më të madh të vendit, ku me jo pak teknikë dhe jo një herë ka qenë bashkautor në ngritjen e skuadrës bardheblu, pa thënë edhe njohja e kontaktet e vazhdueshme me disa angjensi europiane të menaxhimit të futbollistëve, e kanë çuar Muçën në zgjedhjen e fundit. Burime konfidenciale pranë tij pohojnë se, edhe pse ende në ditët e para të punës, Muça ka ekluzivitetin e menaxhimit, sigurisht nëpërmjet kontratave të rregullta, të dy futbollistëve të talentuar të Tiranës: Erbim Fagut dhe Jetmir Sefë. Por gjasat janë të shumta që studio e menaxherit Muça të shërbejë si “urë” kalimi edhe për futbollistë të huaj, që dëshirojnë të luajnë në kampionatin tonë.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Superliga	All times are GMT + 1 Hour Page Previous 1, 2, 3, 4, 5, 6, 7, 8, 9, 10
Page 10 of 10