SK Flamurtari Vlore

Register · Status:

Partizani_One · Posted: Tue May 06, 2008 2:15 pm Post subject:

Gjika, dhurata Moçkës dhe Memës
6 Maj Nga burime të sigurta mësohet se pas ndeshjes së fituar me Kastriotin, dy nga futbollistët e skuadrës vlonjate që kanë qenë dhe protagonistët në arritjen e këtij suksesi janë shpërblyer veçmas nga të tjerët, nga ana e kryebashkiakut Shpëtim Gjika. Kështu ka ndodhur me sulmuesin korçar, Mema, për golin e shënuar në këtë ndeshje, ku ai ka marrë një premio ekstra prej 500 eurosh. Po këto burime kanë bërë me dije se ky shpërblim i është dhënë lojtarit në dorë pas përfundimit të ndeshjes nga ana e krybashkiakut. Këtë gjë e konfirmon edhe vetë presidenti i skuadrës dhe kryebashkiaku i Vlorës, Gjika: “Përpara ndeshjes në një takim me skuadrën, sulmuesi korçar kishte premtuar se do të shënonte me çdo kusht gol dhe në fakt kështu ndodhi. Më vjen mirë që skudra fitoi dhe ai shënoi”, ka thënë Gjika. Por, i shpërblyer nga ky takim ka dalë dhe portierti Moçka, i cili për pritjet e kryera dhe sigurinë që u ka dhënë shokëve, duke mos lejuar prekjen e rrjetës, ka marrë si “shpërblim” dhuratë nga krybashkiaku një aparat dixhitalb me afat njëvjeçar. Këto shpërblime, duhet thënë se, nuk kanë sjellë aspak xhelozi tek të tjerët.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Sun Jun 01, 2008 2:48 pm Post subject:

Vlonjatët, fytyrën nga infrastruktura
31 Maj Këto ditë, kur kampionati ka përfunduar, në mjediset e klubit nuk ndesh atë mjedis të zakonshëm të zhurmshëm, ndërsa është e vështirë të takosh me ndonjë pjesëtar të stafit teknik apo futbollist, të cilët janë akoma me pushime. Megjithatë, në zyrën e sekretarit të klubit, Geri Çipi, e deri në pjesën më të skajshme të fushës së stadiumit ka lëvizje, si për treguar se jo gjithçka mbaron me mbylljen e një sezoni. “Krahas punës për formatimin e skuadrës së sezonit të ardhshëm, vëmendja jonë është përqendruar edhe në përmirësimin e terreneve sportive, për t’i vënë ato në gatishmëri” thotë Çipi.

Aneksi i stadiumit, nis rikonstruksioni

Dy ditë më parë filluan punime për rikonstruksionin e fushës së aneksit të stadiumit. Fondi financiar në dispozicion është 10 milionë lekë dhe afati i përfundimit të punimeve do të jetë një muaj. Në bazë të kontratës, mes Bashkisë së Vlorës, si investitore, dhe firmës “Duka” shpk si zbatuese e projektit, në fund të muajit qershor terreni do të jetë në gatishmëri. Presidenti i firmës zbatuese, Adhurim Duka, është shprtehur: “Nga punonjësit e mi është fituar një përvojë e mirë për rikonstruksionin e terreneve sportive, sepse dy vjet më parë kjo firmë kreu punimet në fushën dhe mjediset e stadiumit. Edhe në këtë objekt do të punohet me cilësi të lartë dhe ai do të dorëzohet në afatin e caktuar”. Kjo do të thotë se seancat e para të përgatitjeve Flamurtari mund t’i zhvillojë në ankeson e rikonstruktuar. Në bazë të projektit, do të ketë edhe një fazë të dytë të të punimeve, ku do të përfshihen rrethimi i dy fushave të stërvitjes, ndërtimi i dhomave të zhveshjes, ngritja e disa shkallëve për shikuesit dhe deri në vendosjen e projektorëve për stërvitje në mbrëmje. I gjithë ky investim do të zgjidhë një shqetësim të madh për stërvitjet e të gjitha ekipeve të Flamurtarit.

Që tani, për ndeshjen e 20 gushtit

Rikonfirmimi, se ndeshja e shtyrë, mes kombëtareve U?21 të Shqipërisë e Greqisë, do të luhet më 20 gusht në stadiumin “Flamurtari”, ka vënë në lëvizje të gjithë punonjësit e klubit të futbollit. Në bazë të një plani, të përgatitur nga sekretari Çipi, punonjësit e mirëmbajtjes, Dashamir Rroko, Haxhi Sherifi dhe Kastriot Habialaj po punojnë për riparimin e pjesëve të dëmtuara të fushës, vaditjen dhe korrjen e barit. Pas disa ditëve do të ndërhyhet edhe në mjediset e tjera të stadiumit dhe gjithçka do të jetë gati për ndeshjen ndërkombëtare të 20 gushtit.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Superliga	All times are GMT + 1 Hour Page Previous 1, 2, 3, 4, 5, 6
Page 6 of 6