shefi i ri i albitrave

Partizani_One · Posted: Wed Jan 30, 2008 9:46 am Post subject: shefi i ri i albitrave

Plarent Kotherja, shefi i ri i gjyqtarëve

J.MEMO
29-01-2008
Mail Print

Pas paralajmërimeve për largim, shefi i gjyqtarëve, Sulejman Mema, nuk do të jetë më në këtë pozicion
Pas qarkullimit të zërave për lëvizje në administratën e FSHF-së, çka ishte parashikuar nga "Sporti shqiptar" kohë më parë, tashmë duket se ato po zyrtarizohen. Në valën e këtyre ndryshimeve është përfshirë edhe sektori i gjykimit. Burime zyrtare në institucionin e futbollit bënë me dije për gazetën se Sulejman Mema është vetëlarguar nga posti i shefit të "bluzave të zeza". Vendin e Memës pritet ta marrë Plarent Kotherja, një ish-gjyqtar i njohur dhe aktualisht vëzhgues i UEFA-s. Kjo lëvizje është gati e sigurt dhe pritet të marrë bekimin e komitetit ekzekutiv, që do të mblidhet së shpejti. Një largim të mundshëm nga ky post, Sulejman Mema e ka paralajmëruar vetë, duke deklaruar se nuk është ndier mirë, nisur edhe nga presioni i klubeve.

Akuzat e këtyre të fundit ai i ka quajtur të qëllimta. Largimi i Memës mësohet se është bërë me mirkuptim, pas një takimi që ai ka pasur me drejtuesit e FSHF-së. Këta të fundit ia kanë ofruar këtë post Plarent Kotherjes, i cili, edhe pse fillimisht ka qenë në dilemë, duke preferuar të punojë vetëm part-time në këtë detyrë, më pas ka vendosur ta pranojë. Gjatë këtyre javëve, Kotherja ka qenë shumë i angazhuar me gjyqtarët, madje duke zhvilluar edhe seminare me ta. Ndërkohë, e vetmja gjë e papërcaktuar mbetet detyra në vazhdimësi e Sulejman Memës në institucionin e futbollit. Përflitet se ai mund të marrë detyrën e shefit të ekipeve kombëtare, që prej muajsh ka mbetur vakant. Por në këtë post nuk përjashtohet mundësia e rikthimit të Besnik Çelës. Gjithsesi, ngelet për t'u parë se si do të vendosë komiteti ekzekutiv, për një nga detyrat më të rëndësishme, që ka të bëjë direkt me kombëtaren.
_________________
Ngjyr e kuqe ngjyr dashnie e ka frik cdo mi bashkie

Partizani_One · Posted: Wed Jan 30, 2008 9:49 am Post subject:

Sulejman Mema heq dorë nga “gjykimi”
29 Janar

Sulejman Mema, ish shefi i Sektorit të Gjykimit në Federatën Shqiptare të futbollit, prej disa ditësh i ka thënë “stop” punës së tij, duke preferuar të dorëhiqet nga kjo detyrë. “Presionet e vazhdueshme dhe fakti që gjithnjë ky sektor akuzohej nga të gjithë duket se është një arsye e rëndësishme se përse Mema mori këtë vendim”, thanë dje për gazetën burime zyrtare në FSHF.

Drejtuesit e Federatës e kanë pranuar dorëheqjen e Memës dhe fillimisht ia kanë propozuar vendin e lënë vakant Plarent Kotherjes, ish gjyqtar nga më të mirënjohurit në Shqipëri dhe specialist moviole në një emision TV. “I vetmi problem me Kotheren, është që ai, është i punësuar diku tjetër dhe preferon ta bëjë këtë punë në FSHF me shumë dëshirë, vetëm në kushtet part-time. Një gjë e tillë duket e vështirë”, tha i njëjti burim zyrtar nga FSHF.

Zërat e fundit në institucionin e futbollit bëjnë të ditur se sipas të gjitha gjasave kandidatura e fundit që do të diskutohet në instancat e larta drejtuese për këtë post do të jetë e Besnik Çelës, ish shefit të skuadrave përfaqësuese dhe tanimë një nga inspektorët e sektorit të licensimit. Çela përpara vitit 2002 ka qenë përgjegjës i Sektorit të Garave dhe ka eksperiencë në këtë post drejtues.

Përpara Memës, këtë post e mbulonte Uvil Zajmi. Kontestimet kundrejt gjykimit dhe kundrejt sektorit në FSHF kanë qenë gjithnjë me intensitet të madh nga ana e klubeve.

Sektori i skuadrave përfaqësuese

Një tjetër sektor nevralgjik i FSHF-së, i cili ende është pa një shef, është ai i skuadrave përfaqësuese. Zërat e fundit bëjnë të ditur, se mund të ketë një spostim të Memës pikërisht në këtë vend. ”Megjithatë nuk përjashtohet mundësia e rikthimit të Çelës”, tha një burim zyrtar, “që drejtoi aktivitetin e fundit përfaqësuesen në Turqi”.

_________________
Ngjyr e kuqe ngjyr dashnie e ka frik cdo mi bashkie

	Futbolli Shqiptar Forum Index -> Futbolli Shqiptar	All times are GMT + 1 Hour
Page 1 of 1