Futboll - Me drita edhe "Niko Dovana"

admin · Administrator Joined: 10 Jan 2008 Posts: 1870 Status:

Fusha e stadiumit “Niko Dovana” në qytetin e Durrësit, e cila i është nënshtruar rikonstruksionit që prej fillimit të këtij sezoni futbollistik me një investim të përgjithshëm prej 120 mijë euro, pritet të përfundojë në fund të muajit nëntor.

Burime zyrtare nga bashkia e qytetit bregdetar, bënë të ditur për ATSH-në se “Teuta” do t’i zhvillojë takimet në stadiumin “Tofik Jashari” të Shijakut, deri në përfundim të punimeve.

Sipas burimeve, ekipi durrsak do të rifillojë ndeshjet në fushën e tij në fillim të fazës së dytë të ndeshjeve të superligës.

Për rikonstruksionin e kësaj fushe bashkia e Durrësit dhe Federata Shqiptare e Futbollit kanë financuar përkatësisht 25 mijë dhe 95 mijë euro për procesin e drenazhimit të fushës dhe ndërrimin e tapetit të gjelbër. Ndërrimi i tapetit të fushës po bëhet sipas standardeve të UEFA-s cdo pesë vjet, ndërsa punimet po realizohen nga firma Albagreenservice.
Sipas burimeve nga klubi i futbollit Teuta, për të lehtësuar procesin stërvitor të ekipit durrsak të futbollit brenda këtij viti do të shtrohet me tapet bari artificial edhe fusha-aneks e stadiumit “Niko Dovana”.
Burimet thanë se për zhvillimin e stërvitjes në kushte bashkëkohore është parashikuar një investim rreth 100 mijë euro për rikonstruksionin tërësor të fushës stërvitore.

Mësohet se tashmë ka përfunduar marrëveshja me FSHF-në për ndriçimin e fushës së stadiumit “Niko Dovana” për sezonin 2009-2010. Marrëveshja parashikon një investim prej rreth 230 mijë euro, 30 përqind e të cilit do të përballohet nga bashkia e qytetit bregdetar, ndërsa pjesa tjetër do të financohet nga UEFA nëpërmjet FSHF-së.
Projekti për ndriçimin e stadiumit “Niko Dovana” parashikon vendosjen e katër shtyllave me lartësi 30 metra me nga 20 prozhektorë secila, ndërtimin e bazamenteve dhe të një kabine të veçantë elektrike, rrjetin elektronik të komandimit, etj.

Punimet që parashikohen të zgjasin rreth dy muaj do të fillojnë në fund të gushtit të vitit 2009.

Shkruaj Koment

Sporti Shqiptar

_________________
FutbolliShqiptar.net

	Futbolli Shqiptar Forum Index -> Lajmet Kryesore	All times are GMT + 1 Hour
Page 1 of 1